|
|
 دبرسة وكوم قرف..
|
تقيف في صف الرغيف لمن يجي دورك بتاع الفرن يقول ليك العيش كمل إنتظر العجنة الجاية ..
تكون بتأكل في فول مدمس ومستمتع وفي امان الله تقوم اخر فولة يطلع طعما كعب تخرب ليك طن الفول الأكلتو داك كلو ..
الكلاب بقت ما بتسك زول ولا بتهوهوي ولا يحزنون يا كافي البلا لا ضل ولا عضم ياخ موية البلاعت زاااتا بقت ماف الله يجازي المصاصات ..
بنات الثانوي بقن ما سمحات زي الزمان ديلك الكانن بيكفن البنطلون ويلبسن الكحلي الغامض وجزمة القماش مع الشراب الملون بدل اللبس اللبني ..
إختفت ظاهرة بتاع التسالي البيقيف في شارع الظلط وبيكون مشهور بي أحلى تسالي تمشي تشتري منو ملوة للمسلسل الحلقة الأخيرة ..
يا كافي البلا الشفع بقوا ما بيرسلوهم يلقطوا الجرايد عشان يولّعو بيها النار لي شاي الصباح والكانون نارو ميتة !!! هو وينو الكانون ؟؟ كانون السرور يا يمة ..
ياخ الشكل زااااتو ما أظن بقوا في ناس بيتاشكلو وما اعتقد في زول بقا يقول لي زول طالعني كان راجل ورا ميدان العراضات الساعة 10 بالليل ؟ هو بالمناسبة في ميادين فاضية ؟
ده كلللللو هييين اسة في زول بيطهروهو بيمشوا بيهو البحر ؟
هو أصلاً بقا في ناس بتمشي بيت الطهور وتخت القروش تحت المخدة ؟
هو في قروش من أصلو ..
غايتو انا ما عارف لكن للضمان كده كل البقدر أقولوا ليك باااااالغتي يا عشة ..
عشة دي منو ؟
أسألوني تاني ..
والله ما عارف ..
|
|
 
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
| Quote: غايتو ناس زمان ديل جنّنونا |
جننوووووووونا ...اااااااااااايّ
عذبووووووونا..اااااااااااايّ
جننونا عذبونا وصلوا بحري ما غشونا ويييييين ..
سنا يا ولد ..
إنت جعلي ولا ود حمد وييييين سنا يابت (سنة يا بت دي كانت بتقولا بت جنوبية لذيذة إسمها كنجي لمن تقيف لط)
أسة الجاب سيرة البلح منو ؟
| |
|
|
|
|
|
|
|
|
 Re: دبرسة وكوم قرف.. (Re: عمر الفاروق)
|
Quote: جننوووووووونا ...اااااااااااايّ
عذبووووووونا..اااااااااااايّ
جننونا عذبونا وصلوا بحري ما غشونا ويييييين ..
سنا يا ولد .. |
ويا الشقيتي.. اااااااااااااي
وما لقيتبي.. اااااااااااااااي
ويا عشة بركة الجيتي.. وييييييييين (عشة كربريتر  )
سنة يا ولد..
جديد الثورة حي العرب وييييييييييين.. (يا جلابي يا مستلب )
ارح ارح ارح
ياااااخ صباحك منقة يا ود الفاروق..
كيفتني في حناني
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
تعرف يا سمعة :
| Quote: ماتنسى دافورى العصر أبوعجاجة..التقول الناس ديل بردموا ليهم فى حيطة..ويقوموا زى البعاعيت.. |
يا سلاااااااااااااااام ياخ ..
يكون التحدي بي بيبسي وبعد نفوز نقوم نشرب قزازة والقزازة التانية بنغسل بيها شراب الكوة كيتاً في المهزومين ..
كنت من هواة اللعب حفيان تلقاني ممسح بي والتراب ملصف في الكرعين تحلف تقول كرعين دحش ..
| |
|
|
|
|
|
|
|
|
|
Re: دبرسة وكوم قرف.. (Re: Hussein Mallasi)
|
عمر الفاروق ..
هسي عليك الله خيالك (الجامح) ده كان استخدمتوا لينا في حاجة نستفيد منها مالـــو ؟؟؟؟؟؟؟؟ 
| Quote: تكون بتأكل في فول مدمس ومستمتع وفي امان الله تقوم اخر فولة يطلع طعما كعب تخرب ليك طن الفول الأكلتو داك كلو .. |
ياخي دي أنا بتكتلني عديل كده .. بس القاها مكتوبة ( كمشلكة تخص آخر !!!!!!!) دي العجيبة
| |
|
|
|
|
|
|
|
|
|
Re: دبرسة وكوم قرف.. (Re: عمران حسن صالح)
|
عمر
انت اظاهر عليك ما عجبتك كورة ابارح دى
التى جعلت الجماعة فى الصدارة,,
وكوم القرف التانى
تكون بتشجع البرشا وتطلع من الدورى زى الارسنال
هههها
ياخى والله انا قرفان لكن ما عارف اعبر
| |
|
|
|
|
|
|
|
|
|
Re: دبرسة وكوم قرف.. (Re: abuguta)
|
دا قبل ام بعد مباراة الاتحاد مدنى ؟؟
| Quote: ياخى والله انا قرفان لكن ما عارف اعبر |
لا بالله يا ابوقوته
عبر ياخ وفضفض
احسن ما يجيك ضغط وسكرى ياخ
| |
|
|
|
|
|
|
|
|
|
Re: دبرسة وكوم قرف.. (Re: عمران حسن صالح)
|
بعد إذنك يا عمر الفاروق
يا عمران
Quote: ياخي دي أنا بتكتلني عديل كده .. بس القاها مكتوبة
( كمشلكة تخص آخر !!!!!!!) دي العجيبة |
أتفلسف ليك شوية
قال أحد المفكرين
إحم إحم
أغلب ما نظنه مشكلة شخصية هو في معظم الأحيان مشكلة إجتماعية في حياة
الملايين من حولنا دون أن ندري
وقع ليك ؟؟
| |
|
|
|
|
|
|
|
|
|
Re: دبرسة وكوم قرف.. (Re: ود المايقوما)
|
على محمد على
مبروك الصدارة الزى ركوب الحمارة
تعرف لما الواحد يشحد ليه حمارة زول
ياهو ظاتو تصدر المريخ للدورى
ههههههها ههههههاا
انت مسعول من الخير..شاهدت فى النيل الازرق برنامج قمة ثالثة
اها ياخوى العجب حيعملو معاه متين,,,,
قبل كدا عملو حاجة كدا للبابا الطيب عبد الله
قالو برضو تعملو لينا للراحل مهدى الفكى
والله ناس المريخ ديل بقلدو جنس تقليد,,,
اها اسى الجمرى دا ملاو على البنية مقوم ليها شنب من اسى
دبرسة دبرسة
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
يا ولّي:
Quote: ادردق تعال ليا
يا بلال عليا |
نحن زمان ينقول :
إدردم تعال ليّا ..
يا بلال عليّا ..
تعرف يا ولّي الدردقة دي كان ما أدردمت ليها ما بتدردق
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
| Quote: ياخ الشكل زااااتو ما أظن بقوا في ناس بيتاشكلو وما اعتقد في زول بقا يقول لي زول طالعني كان راجل ورا ميدان العراضات الساعة 10 بالليل ؟ هو بالمناسبة في ميادين فاضية ؟ |
ياخي بالغت فيها زكرتني الحجازين يكرهوك الشكلة زاتو ستمائة نفر ما يخلوك تدي بونية زي الناس ولو خلاص رضا يطلع معاك العراضات زي عندكم او كوشة الجبل زي عندنا تلقي الناس الحاضرين الشكلة او السادة الحجازين مشوا قدامكم .
اها ما علينا زمان كدا كنت في سنة اولي عام اخوك بالغ جديد وشايف نفسه اقوي من ترنتي الجبار اها في واحد جا سكن جديد في الحلة (حلبي كدا) ابوهو مكنيكي وهو زاتو مشروع مكنيكي طبعا بحكم انه حلبي وكدا قلت اكيد بيكون (هرشة) طبعا اخوك الي اليوم بيؤمن بنظرية ما تنتظر زول يخطا عليك ولو في مشاكل خليك انت الخاطي او البادي .اها صاحبنا مكي الحلبي دا عنده عجلة (فونكس) كحلية بيرجع بيها من درس العصر قمت شركت ليهو قريب المغرب كدا في بداية الشارع وانا متأبط شرا بدون اسباب مقنعة نظام اخضاع وكدا اها صاحبنا مكي دا جا بي عجلته ماشي كنت شايل لي كفر قمت شوته فيهو الكورة ضربته قام وقف وقبل علي قال لي ما شايفني ؟ قلت ليهو وانت ما شايف الكورة دي؟ صحبك تكل عجلته في الواطة وجا علي ...اخوك بيفكر حيبدا الشكلة كيف ولسع ما تميت تفكيري صحبك مكي سلمني بونيتين في وشي ,انا احلف لليوم انه فهمت الحاصل الا بعد لقيت وشي كله مورم وعيوني ما ظاهرة من الكدمات حتي فرزت انه اتخت لي , صاحبنا شكله لسع في بسم الله وانا بقيت اتلفت في الشارع لي زول يخارجني من القاطرة دي , الحلبي يده زي التروس اخوك بقي يرجع لي وراء والحلبي جادي في الشكلة
انقر ما قلت ليهو كان راجل اطلع معاي الخلا . حتي الحلبي شال عجلته وهو بيقول لي انا اسع ماشي ارجاك هناك يا ....... انا لقط سفنجاتي وكفري وشتت البيت
وما عارفه كان راجيني لاسع ولا اتخارج
| |
|
|
|
|
|
|
|
|
 Re: دبرسة وكوم قرف.. (Re: اساسي)
|
اول مرة اشوف لي سوداني يقول دقوني
دائما في الشكل الواحد يجي من هناكـ يكوركـ والله كسرتو ليكـ كسِر لمن قال الروووب
يجي التاني يشبكنا ليكـ طلعت ليكم ميتينو
_
كده يادوب القصة بدأت تظبط ..
أساسي أحيي روحكـ القتالية و إعترافكـ بالهزيمة ولو لمرة في حياتكـ
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
يا رشا :
وشي بديع يا زول ..
شي عجيب يا زول ..
ويا الماشي توووتي ..
شرق شروووقي ..
وغرّب غرووووبي ..
ده العريس سيد الإسم ..
جاب الدبلة والختم ..
للجمال ست الإسم ..
والرقيص قدم قدم ..
وووووب قدم قدم ..
والعريس وقف حكم ..(أوعا القووووون )
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
Quote: زمان كدا كنت في سنة اولي عام اخوك بالغ جديد وشايف نفسه اقوي من ترنتي الجبار اها في واحد جا سكن جديد في الحلة (حلبي كدا) ابوهو مكنيكي وهو زاتو مشروع مكنيكي طبعا بحكم انه حلبي وكدا قلت اكيد بيكون (هرشة) طبعا اخوك الي اليوم بيؤمن بنظرية ما تنتظر زول يخطا عليك ولو في مشاكل خليك انت الخاطي او البادي .اها صاحبنا مكي الحلبي دا عنده عجلة (فونكس) كحلية بيرجع بيها من درس العصر قمت شركت ليهو قريب المغرب كدا في بداية الشارع وانا متأبط شرا بدون اسباب مقنعة نظام اخضاع وكدا اها صاحبنا مكي دا جا بي عجلته ماشي كنت شايل لي كفر قمت شوته فيهو الكورة ضربته قام وقف وقبل علي قال لي ما شايفني ؟ قلت ليهو وانت ما شايف الكورة دي؟ صحبك تكل عجلته في الواطة وجا علي ...اخوك بيفكر حيبدا الشكلة كيف ولسع ما تميت تفكيري صحبك مكي سلمني بونيتين في وشي ,انا احلف لليوم انه فهمت الحاصل الا بعد لقيت وشي كله مورم وعيوني ما ظاهرة من الكدمات حتي فرزت انه اتخت لي , صاحبنا شكله لسع في بسم الله وانا بقيت اتلفت في الشارع لي زول يخارجني من القاطرة دي , الحلبي يده زي التروس اخوك بقي يرجع لي وراء والحلبي جادي في الشكلة
انقر ما قلت ليهو كان راجل اطلع معاي الخلا . حتي الحلبي شال عجلته وهو بيقول لي انا اسع ماشي ارجاك هناك يا ....... انا لقط سفنجاتي وكفري وشتت البيت
وما عارفه كان راجيني لاسع ولا اتخارج |
قرقرقرقرقرقرقرقرقرقرقرقرقر
الله يجازيك يا اساسى
قطعت مصارينى من الضحك
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
تعرف يا ابوعمير
انا نفسي في زحمة مواصلات الكلاكله
والركوب بالشباك
مرة معاي واحد صاحبي من مدني
واقفين منتظرين المواصلات الباصات طبعا
طبعا مافي امل تركب كل ما يجي بص يسكوا ليك ويلقوا ملان
يشمعوا واحد ولا اثتنين
وانا وصاحبي قاعدين نكشف ومصورين المنظر
وفجأه وقف قدامنا مباشرتا باص فاضي
ركبنا بي سرعه وكمان لقينا مقعدين مع بعض
ولا شعوريا عيانا لي بعض وضحكناضكة النصر
قام صاحبي قال لي
والله يا طارق احلامنا بقت تافه
مسئول من الخير
انت مين الناس الكان بقرتقوا الحفلات ديل؟؟؟؟؟
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
سحس يا ملاسي :
ياخ والله مشتاقييييين ..
| Quote: ما مشكلة انو بقن ما سمحات؛ المشكلة انو بقن اصغر من بناتنا |
قريبنا من هواة مشاغلة بنات العالي كانن بيجن من بعيييد زي الحلم حلم وما بيصدق إنو واحدة تتلفت ليهو ..
أها بنات الثانوي الأسة ديل بقوا يجو يشربوا من المزيرة عاااادي ..
مرة جات واحدة من بنات ثانوي اسة (بي الجديد زي ما بيقولوا) قام قال يعيد أيام الماضي ويقوم يشاغلا ..
قام شاغل ليك البنيّة وقال ليها وييين يا عسل ..
قالت ليهو :
أمشي يا ما عندك سوء تفاهم !!!!
من يومها وعرفنا إنو بنات ثانوي أسة ديل أصغر من بناتنا
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
عمران باشا :
| Quote: هسي عليك الله خيالك (الجامح) ده كان استخدمتوا لينا في حاجة نستفيد منها مالـــو ؟؟؟؟؟؟؟؟ |
يعني أسوي ليكم شنو قنبلة ذرية ولا أستنسخ ليكم غنماية ؟
جموحنا ده جموح فارغة جات منو تسمية عمر (الفاروغ) فحدي معاكم الفول والتسالي ولو بااااااااالغت ممكن أتكلم ليك في القونقليز
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
الفاروق
جاي تفتش الماضي ، الرغيف زمان القومه ليهو زيو وزي أي مدرس أو وطن زي ما حرضنا على ذلك عبد الكريم الكابلي – القومه ليك يا وطني ، أها قومتنا كانت عادة ما تكون قبل صلاة الصبح لكين ما عيش حبيبك لمن تجي شايل الكيس وشاقي صفوف البشر كأنك جبت كأس سيكافا الفايت الناس مسافه وطبعاً كان عيش خالي من البروميد وبقية إكتشافات العصر الجديد التي قلبت المثل رأساً على عقب فأصبح القرد في عين الجميع غزال حتى لو كان يتيم أو ولد حرامإلا أمو لأنها ناقشاهو قرد إبن شمبانزي عديل كده.
بنات الثانوي أو المتوسط أو سميها أى مرحلة بالإضافة إلى ما ذكرته أصبحن أقصر قامة وأقل هيبة من ناس هناية أيام المدراس وشارع المدراس الواحد كان يقيف تحت العمود في درجة حرارة تتراوح ما بين الأربعين أو الأربعين وحرباشات تحت عمود الكهرباء وتفتش لي ضل لا تلقي ضلك لا ضل العمود فيتوجب عليك أن تطعن الفيل عديل كده لأنو الفيل زاتو ما عندو ضل بحسب تعامد الشمس كل ذلك من أجل أن تنال نظره أو بسمه تغير حالكم مستحملاً في سبيل ذلك حرارة نص نهاركم .
التسالي والتمباك عندي يستويان الإثنين لدي معهما موقف وبعتبر كلاهما إختراع غير حضاري ، يعني داير تسف تمباك لازم تستمع بالسفة إذا كنت قاعد في عتمور أبو ضلوع أو مدلدل كرعينك في خور عمر والتسالي ذات الشئ تقعد تقزقز في التسالي وإنت في دار الرياضة ومع كل هجمه نفسك يسخن وتزداد سرعة عملية القزقزة وترمي بالقشر بطريقة لا شعورية في الزول القاعد في سابع كرسي منك حتى لو كان عكس الهوا. والتسالي عندنا نحن أهل القري عيب عديل كده والمسموح به هو أن نأكل فول حاجات أو حلاوة قصب وحتى الدندرمه تدخل في قائمة المحظورات عند غزونا للعاصمة شعثاً غبراً.
شكلنا يا الفاروق كان غير يعني هو إختبار رجاله أو ما يعرف بالبطان شاكلتني كل واحد يركز للتاني وبي سوط من شجر الطندب بتاع الحمبك يا حمبك عارفو أها تقطع ليك من ثلاثة إلى سبعة سيطان خضر وأخر يابسات وتلم في صاحبك لمن واحد ينط أو ينفنس أو تحرقو الضربة وما يقدر ياكلها في حنانو واليوم داك أكيد مشهود يعني في ناس شغلتها تحمس الطار والدلوكه يكونو قاعدين زي حكام المصارعة الحرة ما بجدعو لكين بجيبو الحجار ويتفشي الخبر زيو وزي أى عراقي دبلان جديد لمن تغسلو أى تفشه وبدون مكوه.
أما ظاهرة الطهور فالحكاية أصبحت سماية وطهارة في وقت واحد زي هيد أند شولدر يعني يلدوهو وفي المهد يطهروهو ولو في طريقة يدخلوهو الروضه عشان يخلصو من الفيلم ده ، ويمكن لو عشنا حا نشوف أولاد يتولدوا مطهرين جاهزين مش العلم بتطور.
أها يا أخوي فتك بي عافيه وما تدبرس ولا تقرف لأنها الحكاية ما مستاهله
==
رأيك شنو في المديح اللحس ألحان الأغاني لأبي الفرج الأصفهاني ، تكون قاعد محدر طاقيتك والرادي قدامك مقطوعة آخر حلاوة لمن تقرب تشيل عكازك وتعرض يقوم يمدح ليك ، يا أخوانا دا مع لحن أغنية إيه كده مش عارف يقولوا ليك دي توأمه بين الغناء والمديح وأهو كلو فن
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
أبقوتة وأبو علوة وأبو القدح(ود المايقوما):
مضطر أختّكم في صحن واحد لأنكم رفعتوا درجة الدبرسة مقدار قنطار وحربشات ..
أسة في زول جاب سيرة الكورة بتاعت الهلال دي ؟
هووووووووووي (أسحن) ليكم ..
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
أساسي بعد المراهقة :
| Quote: ياخي بالغت فيها زكرتني الحجازين يكرهوك الشكلة زاتو ستمائة نفر ما يخلوك تدي بونية زي الناس ولو خلاص رضا يطلع معاك العراضات زي عندكم او كوشة الجبل زي عندنا تلقي الناس الحاضرين الشكلة او السادة الحجازين مشوا قدامكم . |
تعرف يا عمك أجمل شكلة أشوفا في حياتي كانت جوار سينما كولوزيوم ..
سواق الحافلة والكمساري قفّلوا عليهم الحافلة من جوة وأمنوا الأبواب والشبابيك وقفوا ليك الحافلة على جمب كده وخبت بي الطريقة الصاح !!!
ماف زول قادر يحجز الناس بي برة والجماعة بي جوة بس التقول حلقات المصارعة بتاعت القفص ديك !!!
أخدوا فشتهم كووووويس وبعد داك الغريبة السواق دوور الحافلة والكمساري قعد في الكرسي العلى الشباك داااك وفوووو إتخارجوا !!!
تخريمة :
أيام السكاكين طالعة موضة ديك أخوك إتشاكل مع ودجيرانهم ختّاها لي أمام جموع الحاضرين وانا عذري كان إنو انا ما بتاع شوفوني بعرف برااااي أختّها ليك وين وبتين ..
أخوك مع المغربية كده خش المطبخ جازف ليك السكّينة بعد ما أداها غسلة من بصل وي وليد جاك زووول ..
مشيت يا عمك ويدي جوة جيب الجلابية ونظام أول ما يجيني وليد أطعنوا ليك في كيانو ..وإتخيلت ليك السيناريو تجيني البت الشافعة ونظام أقول ليها نادي لي أخوك وبعد داك أباغتو ليك بي طعنة تغوص في أمعاءه ثم أركله ركلة يتأوه منها ثم أدور حول نفسي في كسر من الثانية لأعالجه بلكمة قوية في فكه الأسفل ..
كو كو كو دقّيت الباب تووووووووووشك فتح لي وليد الما بيغباني داك زااااااااااااااااتو ..
من الخلعة شبكتوا ليك :
ويييييييييييييييييييييييييين يا ولي خش في حضن الإسلام ياخ نحن أولاد حلة واحدة
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
اليوم ده الليلة رجّع لي الدبرسة وكوم القرف ..
غايتو يوم كان عايزك يا أساسي ..
من الصباااااح وانا ماشي الشغل وانا لافي يمين شباب سعوديين قافلين الإشارة بي حركتهم البايخة ديك .. وقوف أقصى اليمين ..
اخوك ما غتييييت شبكهم ليك تييييييييييييت تييييييييييت تيييييييييييت ..
والله ولااااااااا انت بتقول في شنو يا عمر ..
الإشارة فتحت جماعتك فتحوا القزاز ورموني ليك بي باقة موية ما عرفت أسوي شنو غير الطنطنة وقلت ياااااا حليل السودان كان أسة لقيت لي أقرب طوبة لحقتها ليهم أو كوركت لي زول وقفهم ده إذا ما انا أصلا جريت جريتين ولحقتهم ...
ده كووووووم وزهجي الليلة البدون سبب ده كوم تاني ..
ياخ قافلة معاي..
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
الأخ الحبيب عمر الفاروق
تعرف أنا من أوائل الذين مروا على هذا البوست مساء يوم 20/4/2008م
لحظتها كان يقف الى جوارى عمنا اللذيذ جداً محمد التوم
أها عمك محمد التوم أول شاف صورتك تخيل قال لى شنو؟
قال لى: أسمع أنت الجاب صورة الرئيس عمر البشير هنا شنو؟
قلت ليهو سلامة النظر ياعمنا ده ما رئيس الجمهورية لكن برضو
ما مشيت بعيد الزول ده إسمه عمر الفاروق.
لم أستطع التداخل لحظتها لضيق زمنى ثم تعثرت الشبكة بجنوب جدة
عموماً لعدة أيام، وحين عادت فكرت أعمل بوست منفصل لكن لقيتك الليلة
قرفان شديد وبدون سبب فقلت أرفع معنوياتك شوية.
أها شن قولك فى كلام عمك التوم؟
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
Quote: من الصباااااح وانا ماشي الشغل وانا لافي يمين شباب سعوديين قافلين الإشارة بي حركتهم البايخة ديك .. وقوف أقصى اليمين ..
اخوك ما غتييييت شبكهم ليك تييييييييييييت تييييييييييت تيييييييييييت ..
والله ولااااااااا انت بتقول في شنو يا عمر .. |
وحات الله لو ياها عربيتك الزمان ديك انا زاتي كان رميت معاهم , عربيتك ديك يزحوا ليها ولا يزحوا منها
| |
|
|
|
|
|
|
|
|
|
Re: دبرسة وكوم قرف.. (Re: عمر الفاروق)
|
عمر الفاروق تحياتي
دي حالة عامه يا حبا ....
| Quote: هو في قروش من أصلو .. |
وده سببك المخليك قاعد تجيب لنا الافلام والمناظر اليها عشرين سنه
اطلع من الغيبوبه دي يامان
ـــــــــــ
عرس يا مان وانسي الصادق خليفه حق الامتداد
| |
|
|
|
|
|
|
| |
عمر الفاروق
Rasha Hatim
ismeil abbas
وليد محمد المبارك
Rihab Khalifa
Hussein Mallasi
عمران حسن صالح
abuguta
على محمد على بشير
Fadl Karrar
اساسي
فيصل نوبي
Maawya Hussein
طارق عبد اللطيف نقد
لؤى
هاشم أحمد خلف الله
أبوعبيدة محمد الأمين
انعام عبد الحفيظ
عبدالله كع
فيس بوك
تويتر
انستقرام
يوتيوب
بنتيريست