|
|
|
 Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور (Re: ناهد بشير الطيب)
|
هو نحنا غتيناهو من ناس العواميد مخصوص يقوم ناس العواميد يجو أول ناس يغرفوا منه؟
مشكلة كبيرة.
إتذكرت نكتة حصلت معاي ياناهد عندنا زميلنا أروش رواشة غريبة جداً وأشتر وبمشي متجدع كدا كل يد ورجل في مكان .
المهم يوم فتح الدرج حق مكتبي لقاهو كله مليان مناديل ورق قام قال لي إنتا حرامي مناديل ولا هوايتك جمع المناديل ؟ المناديل دي كلها لاميها لشنو ؟ قمت قلتا ليه والله ربنا يشهد مالميتا الا عشانك انتا . وفعلا ماتميت كلامي إلا قام وهو ماشي لف بي سرعة وكشح لي كباية الشاي في تربيزة المكتب 
أها هسع نحنا الصينية دي غتيناها من الناس العملو البوست حقنا دا سبيل يجو ويغرفوا منه بالغدو والآصال . وقامو الناس ديل جو اول ناس دايرين يشيلو الطبق من الصينية؟
| |
 
|
|
|
|
|
|
|
|
Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور (Re: ALazhary2)
|
ياصابر
بالله المصريين بقولوا للضيف تتعشى ولا تنام خفيف؟
الكلام دا جد ولا إشاعة الناس مطلعينها في المصريين؟
كان الكلام دا جد إتلوموا والله .
المهم ياحبيب أشرب معانا شاي الصباح بالفطير الفوق (فطور خفيف) .
بعدين ياصبري بيني وبينك أنا من أمبارح متكبكب كبكبة السنين . يازول لقيت بكري أبصلعة سيد الحوش خاتي ليه موضوع فوق في المواضيع المختارة في المنبر عن جامعة القاهرة فرع .
قلت لنفسي ياولد يا أبو الزهور كان بكري دا طلع فراعي وشاف لماضتي مع ناس الفرع في بوست جامعة الخرطوم وفي البوست حق صبري بلحق الباسورد حقي أمات طه أو يختني في مخو واول عترة مني الاقي نفسي في السهلة .
تاني رجعت وفكرت قلت أنا عندي واسطة تقيلة بين الفراعة (ناهد ) و(صابر) .
| |
|
|
|
|
|
|
|
|
طبعا ماحااشيل لانه جبت معاى الشفع ....نخلص اكلنا ونغسل يدينا هنا ونمرق نمشى البحر نتفسح...
علا وينو ابريقك والصابونه ماشايفاهم ........
ازهرى
المرارة ليه حبة كده .....صابر عب ليه صحن ولا شنو  .........
| |
|
|
|
|
|
|
|
|
|
Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور (Re: ALazhary2)
|
الاخ ازهرى
اولا بالتبادى صورك .....ضيعت صبرى الشوية......
وبالله من مااكون مندمجه مع الصوانى تقول لى المش والذبادى....
المش
تجيب الذبادى 3 علب ابو ريال ومعاهم نص كيلو جبنه وجيب لبنة
واخلطهم مع بعض بالخلاطه (كبسة واحده او اتنين) تكبوا فى العلبة
البلاستيك العايز تحفظه فيها ...وتجيب حبة سوداء ....(رش منها حبه فى راسك
عشان العين)وكب معلقتين فى المش ...جيب حلبه مقدار ملعقه كبيرة حمص الحلبة
فى طوة فاضية .....وكبوا مع المش وخت فيه شطة خضراء ...وخلية تلاته ساعات برة وبعدين دخلوا التلاجة .......
وقدمه ساخنا .........مع تحيات ابلة نظيرة
قال مش قال
| |
|
|
|
|
|
|
|
|
|
Re: العزابة المغتربين المشردين معزومين على أم فتفت ومحشي ورجلة وكسرة وغيره وفي تحلية(((توجد صور (Re: ناهد بشير الطيب)
|
العزيزة ناهد
الصينية الأخيرة خطيرة صاح؟ لكن مدفوسة دفسة السنين . الناس ديل أحرجونا ماعندهم صينية اكبر بدل دفسي الصحانة دا ؟
غايتو أنا الفاصوليا والكمونية مادايرهم بس ماتضايقوني في صحن المحشي والضلع
نرجع للمش
بالله هو عمل المش دا صعب للدرجة دي؟
وكمان لبنة وجبنة ؟
دا مش خمسة نجوم .
لكن شكله كدا بطلع كارب والله .
إن شاء الله بكرة وأنا جاي من الشغل أجيب معاي الحلبة والحبة السوداء والجبنة واللبنة .
الزبادي مالي التلاجة . وأصور ليكم صحن مش مدنكل .
قالوا المصريين مابعجبهم المش إلا لو كان مدود . ماعارف دي معلومة صاح ولا إشاعة طلعوها فوقم السودانيين .
تشكرات أفندم على وصفة المش وإن شاء الله لاتفوتي ولا تموتي ولا تجي بي عمودك
تحياتي وتقديري لمرورك الجميل والكريم والباهي واللطيف .
| |
|
|
|
|
|
|
|
ناهد بشير الطيب
ALazhary2
محمد الطيب حسن
saber alhawatti
عاصم ابوبكر حامد
. ربنا يغتي عليها ويحفظها .
Adam Omer
فيس بوك
تويتر
انستقرام
يوتيوب
بنتيريست