|
هل السكرتيرة تعتبر الزوجة التانية ؟؟
|
كيف يتم اختيارها لشغل هذه الوظيفة ؟ وماهي الشروط والمواصفات والمعايير والمؤهلات لاختيار هذه الموظفة . ؟ وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟ وهل هي مصدر قلل بالنسبة لزوجة السيد المدير . ؟ كيف ينظر لها المجتمع من حولها . ؟ المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة . وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟
أسئلة كتيرة غاية الأهمية والخطورة نرجو مناقشتها ..
|
|
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
Quote: كيف يتم اختيارها لشغل هذه الوظيفة ؟
|
بواسطة مكتب العمل
Quote: وماهي الشروط والمواصفات والمعايير والمؤهلات لاختيار هذه الموظفة . ؟
|
لاتوجد شروط محدده بل هذه الوظيفه خصصت لمن درس او درست سكرتاريه واداره اعمال
Quote: وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟
|
اعتقد نعم كل سكرتيره الان تحمل شهاده بتاهلا لانها تكون سكرتيره
Quote: وهل هي مصدر قلل بالنسبة لزوجة السيد المدير . ؟
|
لالا ده كلام افلام ومسلسلات ساى
Quote: كيف ينظر لها المجتمع من حولها . ؟
|
كيف يعنى ينظر ليهاالمجتمع؟؟؟ ما هى اصلا عضو فى المجتمع ده
Quote: المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة .
|
كل النساء يتعرضن للمعكسات من قبل ضعاف النفوس كان سكرتيره او كان مديره
Quote: وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟
|
كدى نقيف فى حتت الحكمه دى بالله عليك منو القالا؟؟؟؟؟؟؟؟؟؟؟
Quote: أسئلة كتيرة غاية الأهمية والخطورة نرجو مناقشتها .. |
اسئله كتيره !! بتاعت شنو ؟؟؟
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: haroon diyab)
|
الأخ العزيز ود الجيلي ،،،
أدخل فى الموضوع على طووووول ،،، خليك من الأسئله الكتيره دى ،،،
يعني هااااات من الآخر ،،، عايز تقول لينا شنو ؟؟؟ ،،،
الموضوع ده موضوع شائك جدا ،،، وعايز ليهو مفاتيح ،،،
كدي أدينا أول مفتاح ،،، وبعدين حتلقى الناس على طول داخلين عليك ،،،
يا هاااااارون يا قريبي ،،،
مالك لبست الكداره أم مسامير ،،، وطوالى أديتها ضفاري كده ،،،،
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: محمد خليل ساني)
|
محمد خليل ساني .. الزول المتصور مع المشاهير لك مني أعطر محبة وسلام....
Quote: هااااات من الآخر ،،، عايز تقول لينا شنو ؟؟؟ ،،، |
داير توقعني في الفخ .. وتطلعني قوال خلينيا نشوف راي الجماعة مش الموضوع في شكل أسئلة مطروحة للنقاش ..
Quote: مالك لبست الكداره أم مسامير ،،، وطوالى أديتها ضفاري كده ،،،، |
هارون دياب يامحمد ساني مابجامل وبقول الحق
عصام الحاج
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: haroon diyab)
|
هارون دياب ... الزول الواضح شكراً لك ..
Quote: واحيانا كثيرة تعتبر الاولي....! |
لان كثيرون يجدون فيها "حائط المبكي" الذي يفضفضون فيه عن مشاكلهم .. فتصبح مستودعاً كبيراً للأسرار .. أسرار تفضح الصورة الحقيقية التي تتخفي وراء الستار .
عصام الحاج
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
أنا أعتقد هذا هو مربط الفرس
أو بعبارة أخرى موضوع البوست
إختصرتيه فى آخر سطر يأخت هويدة
Quote: وختاما طبعا ممكن تحصل علاقات جانبية وممكن كمان يحصل زواج. |
الإجابات الأخرى واقعية ومقنعة جداً
وتحديداً لو قرأت مع إجابات الأخ سامى عتباني
هارون دياب ياسانى ما عنده صبر طويل للف والدوران
عايز يوصلك للنتيجة مباشرة
أمسك لى ونقطع ليك
لكم التحايا جميعاً
شيخ العرب
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عادل سهل)
|
Quote: كيف يتم اختيارها لشغل هذه الوظيفة ؟ وماهي الشروط والمواصفات والمعايير والمؤهلات لاختيار هذه الموظفة . ؟ وهل كل سكرتيرة تحمل شهادات لشغل هذه الوظيفة أم لديها مؤهلات أخري . ؟ وهل هي مصدر قلل بالنسبة لزوجة السيد المدير . ؟ كيف ينظر لها المجتمع من حولها . ؟ المضايقات التي تتعرض لها من قِبَلْ أصحاب النفوس الضعيفة مستقلين حاجتها الماسة للوظيفة . وهل هناك أعمال تقوم بها خلاف العمل الموكل إليها والحكمة تقول أن السكرتيرة كالزوجة الثانية . ؟
|
انا حارد ليك لانو كنت سكرتيرة لمدة تلاتة ونص سنة فى شركة واحدة
حسب اسئلتك انا ح ارد ليك تسلسلا - الاختيار يتم وفق معاينات زيها وزي اى وظيفة ولو انو فى عدد من الشركات بتعتمد على الشكل والمظهر فقط للسكرتيرة - الشروط العادية والمؤهلات العادية والمعايير العادية الخاصة باى وظيفة - المؤهلات الاخري دي شنو البتقصدها انت جمال وحسن وكدا؟؟ دى زى ما قلت ليك فى مدراء جاهلين جدا بقوموا يركزوا على المظهر دون المؤهل - ممكن مصدر قلق بالنسبة للزوجة ودا بتوقف على شخصية السكرتيرة يعنى مرة المدير من نظرة واحدة بتفهم انو البت دى عينها على المدير ولا لا ومن تلفون واحد بتفهم انو راجلها عينو على السكرتيرة ولا لا - المجتمع ينظر ليها زيها وزي اى فرد فى المجتمع حقيقة سؤالك دا سخيف جدا - مضايقات شنو هى سكرتيرة ولا رقاصة ،، المضايقات البتحصل لكل البنات - اعمال اخرى زى شنو احسن توضحها عشان ما نطبز لينا حاجة وتطلعونا شكاكين وخبيثين
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عثمان دغيس)
|
ده كلام غريب يا جماعة، (تثبيت) وظيفة أخرى للسكرتيرة غير أعباء السكرتارية، من قال بهذه الفرضية التى تعود بالمرأة لعصر الحريم، و" ما ملكت أيمانكم"، وتعود بنا إلى عهد موغل فى البعد، وفى البغض، ثم ماذا يكون عليه الحال لو كان سكرتيراً رجلاً وليس إمرأة، هل يكون هو زوجة ثانية أيضاً ؟؟؟؟!!!!
عجايب .
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عثمان دغيس)
|
معليش أخي الكريم سيد البوست..
موضوعك ده به الكتير من الإيحاءات غير الجميلة.. ضد المرأة العاملة وكانها طالعة للمسخرة وخراب البيوت.. السكرتيرة تؤدي عملها كأي موظف آخر في مكان العمل لها حقوق وعليها واجبات.. هي ليست جارية للمدير.. ولا الوزير..
ولا هي منكسرة.. لأن أي شخص يحتاج لعمله.. لأنه أكل عيشه أولا.. ولإرضاء إحتياجات عليا.. كتقدير الذات وغيرها..
الأخوات جاوبن بكل موضوعية رغم المداخلات الغير موضوعية من البعض هنا..
في مديرات سيدات وعندهم سكرتارية رجال.. أو مساعد إداري وهذا يكون بمثابة ساعدها الأيمن.. وأقرب الموظفين لها إداريا بحكم تنظيمه لوقتها.. وإئتمانه لأسرار العمل والقرارات الهامة..
فهل ينظر له كزوج ثاني.. إنتهازي وهلفوت يريد إيقاع المديرة في دباديبه أو خطر يهدد بيت زوجية المديرة؟
_____ وعموما المسخرة وطيارة العين (عند رجل أو إمرأة).. لا تعرف وظيفة معينة..
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: نجوان)
|
Quote: وعموما المسخرة وطيارة العين (عند رجل أو إمرأة).. لا تعرف وظيفة معينة |
والله ريحتيني راحة
والمحيرني سؤال صاحب البوست كيف ينظر لها المجتمع؟؟؟
عليك الله دا سؤال ينطرح ، لعلمك وبناءا على خبرتي السكرتارية، فى سكرتيرات بيفهموا الشغل اكتر من سيد الشغل ذاتو المسمى المدير واحتمال دا بيخلى المدير يعتمد عليها كتير
لكن تظل السكرتاريا العمود الفقري للشركات رضيتوا ام ابيتو
بلا قرف ياخ
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: Shamael Elnoor)
|
اخي صاحب البوست
التعميم مخل جدا حين يتعلق الامر بعمل اخواتنا السكرتيرات
لما نسقط الجوانب المشرقة في مهنتهن بدلا عن كل هذا
ما نكتبه هنا مسرولين عنه امام المولى
فلندع العبارات والإيحاءات غير الكريمة جانبا
هناك من يتضررن من مثل هذه الاتهامات
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: نجوان)
|
العزيزة نجوان وبقية المتداخلين . تحياتي وشكري قطعاً عندما نزلت البوست وأخترت ليه العنوان دا لم أقصد به التقليل من شأن المراة العاملة التي أحترمها جداٍ. ولعلمي أن الدين الأسلامي الحنيف شرع العمل للمراءة في كل المجالات مالم يتعارض ذلك مع طبيعتها الجسمانية وأخلاقها السمحة . وأعتبر أن وظيفة السكرتاريا من الوظائف المناسبة للمراة . ولكن في بعض المجتمعات نجد أن بعض أصحاب العقول الضعيفة والقلوب المريضة يعتبرون شغل هذه الوظيفة أو عمل المراة عموماً من سواقط المجتمع وهي دائماً محل إتهمام بالفساد الأخلاقي . "طبعاً قمة التخلف" وأنا نزلت البوست للمناقشة ليس إلاّ ووضعته في شكل أسئلة لكي يتم الإجابة عليها بالصورة الصحيحة .. بس ياتري إنت ِ بتحملي فهم كل الناس أو كل العالمين عندهم نفس فهمك دا أنا أتفق معك بس غيري ممكن يختلف أو رايك دا ما يعجبو . عموماً أرجو مناقشة الموضوع لأجل عكس الصورة الصحيحة بالنسبة للموضوع "الموضوع للنقاش"
Quote: موضوعك ده به الكتير من الإيحاءات غير الجميلة.. ضد المرأة العاملة وكانها طالعة للمسخرة وخراب البيوت.. |
ودا الدليل علي كلامك أعلاه .. ولو بحثتي في قوقل بتجدي الكثير http://problem.6rbx.com/subjects1.php?id=1205 إسلام أون لاين http://www.islamonline.net/servlet/Satellite?pagename=I...gA&cid=1147955884816
مودتي وأحترامي
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
شكرا عصام على رحابة صدرك..
Quote: لم أقصد به التقليل من شأن المراة العاملة التي أحترمها جداٍ |
كتّر خيرك والله لكني إنتقدت الإيحاءات التي حملتها تساؤلاتك.. في نظري.. قصدك أخي الكريم لا أعلمه ولا أفترض انه سئ.. خصوصا وإنك زميل جديد هنا وإنما نبّهتك -حسب شوفي- كما فعل البعض هنا..
Quote: وأعتبر أن وظيفة السكرتاريا من الوظائف المناسبة للمراة |
جميل.. وأعتقد أن المرأة أكثر دراية بما يناسبها وما لا يناسبها من المهن..
Quote: وأنا نزلت البوست للمناقشة ليس إلاّ |
طيّب ما نحنا هسه قاعدين نناقشك
Quote: أنا أتفق معك بس غيري ممكن يختلف أو رايك دا ما يعجبو |
إحنا بناقش فيك انت كاتب الموضوع.. غيرك لما يجي برضو بناقشوا كان الله هوّن..
______ نسيت أرحب بيك في المنبر بين أهلك وناسك..
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
Quote: ودا الدليل علي كلامك أعلاه .. ولو بحثتي في قوقل بتجدي الكثير
|
عصام سلامات مره تانيه للنقاش
الا يا عصام النسالك انت قاصد يا اخوى السكرتيره ياته حواء السودانيه ولا حواء اللبنانيه ولا حواء السوريه كان قاصد حواء الغير سودانيه بكون كلام تالت لى عوده
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
نرحب بالزميل (الجديد) عصام
ونحيي روحك الرياضية..
الأخوات (بستفوك) بستفة تاريخية..
آي صاح في حريات كتابة هنا..
لكن يجب أن تعلم يا أخي الكريم..
إنك مسئول من آرائك..وكل كلمة تكتبها
بتكون محتاج تراجعها كذا مرة كدا..
الكتابة في البوردات زيها وزي أي كتابة
صحفية تانية في جريدة أو مجلة..
وهامش الحرية الكبير المتاح في الصحافة
الإلكترونية ، يجب ألا يخدع البعض في حجم
المسئوليات والتبعات التي قد ينجروا
إليها حتى ولو كان الأمر بحسن النية..
نتمنى لك طيب الإقامة هنا ومعاً نحو
المزيد من الكتابة الجادة والمسئولة.
مع تحياتي
______________________ العزيزات نجوان وشمائل: حقكن علينا.. تيك إت إيزي وكدا
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
Quote: هل السكرتيرة تعتبر الزوجة التانية ؟؟ |
عصام ..حبابك
اها لو كانت مديرة؟..
في امبدة شارع الردمية.. في بداية التسعينات.. كان هناك اكتر من كم مكتب لمحاميات (ناجحات)..و مشغلات سكرتيرات معاهن.. في بعض المكاتب بيكون فيها اكتر من سكرتيرة..
و في كل انحاء السودان.. هناك عدد من المحاميات مؤسسات مكاتب للمحاماة و برضك مشغلات معاهن سكرتيرات.. اها ده كلو وين في الحسبة دي؟
اخطر الإيحاءات في اعتقادي.. انو لسع ما واقعة لينا قصة مديرة..و كل الفرضيات مبنية على مدير راجل..و لا كلامي ده اعوج؟
كبر
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
شكرا محمد مصطفى
ياعصام انت طرحت عدد من الاسئلة وانا لما جاوبت ليك فى مسالة المؤهلات قلت ليك انو فى بعض الوظائف والدراء الجهلة بيركزوا على الشكل ، اما بلا قرف ياخ دى انت عارفها وفاهمها كويس انا قاصدة بيها اى سؤال
شكرا على طرح الموضوع
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
الاخ عصام الجيلي لك التحية والتقدير تابعت حوارك الهادئ من أوله ومن حقك أن تطرح ما تشاء من أسئلة ولك أن تتوقع كيفية تقبل القراء لما تطرح
من الاجحاف أن نعمم الحكم على اللائي يعملن سكرتيرات , وقد يكون هناك استثناءات هي التي عنيتها أنت بتساؤلاتك أعلاه . وما يقابل السكرتيرة من مضايقات من رب العمل أو بعض الزملاء والعملاء , قد يقابل أي موظفة أخرى من المذكورين أنفسهم , وقد يزيد نصيب السكرتيرة قليلا أو يقل . وكله مرهون بتقبل وتعامل ( الفتاة أو المرأءة ) مع الآخرين وتستطيع هي أن تميز بين من كانت نواياه حسنة ومن يقصد المضايقة والتحرش اللفظي , وتستطيع أن تتقبل أو ترفض ذلك .
وقد تجاري بعضهن الوضع حفاظا على وظيفتها أو كنوع من التجربة الجديدة , أو لاشباع أحساسها أنها مرغوب فيها ومطلوبة , ولكنهن قلة لا على كل حال , ولا يصنف ذلك على أنه قاعدة عامة , ولا ترقى لان تكون ( ظاهرة ) يعتد بها .
كل الود
| |
|
|
|
|
|
|
Re: هل السكرتيرة تعتبر الزوجة التانية ؟؟ (Re: عصام الجيلي)
|
عتقد انو الاخ عصام بتكلم عن ظهرة متواجدة بكثرة فى السودان والعالم العربى لكن باي حال من الاحوال دا م بقلل من شان السكرتيرة الواجهت الموقف لانها ببساطة لو كان فى قانون بيحمى النساء كانت سبت لابو اهله وفضحته لكن للاسف القانون قانون ذكورى يحمى الراجل فقط والمسكينة لو حاولت اشتكت عارفة مصيرها حا يكون الشارع مش الشركة بتاعته والقانون فى صفه عشان كده فى البلاد الفيها قانون بتاع sexual harrasment ما واحد بتجرا يساوم اى واحدة فى حاجة ذى الاالبت تكون interested
| |
|
|
|
|
|
|
|