|
Re: سحقا لهم : هل يعني ذلك أنهم يتصنتون على محادثاتنا العاطفية أيضا ً ؟؟؟؟؟؟؟؟؟؟ (Re: فتحي البحيري)
|
اخونا فتحي مشتاقين هذا البوست زكريني واقعة طريفة بقدر ما هي محرجة شفت يا اخوي مرة كدا انا نازل ضيف عند زول بلدياتنا في دبي وجيت متاخر شديد لقيت في واحد راقد في سرير جمي ومغطط بي بطانية وبشخر زي البقرة العايزة تلدي اها قلت استغل الظرف دا واضرب حنك مع البنية في الموبايل اها اخوك علي كدا جر البطانية ودخلتها تحتها وكبيت الحنك لمن ما شعرت بي زول ونومته واخر صوت اسمعوا كان صوتها الصباح قريبنا دخل وقال كيف اصبحتوا اها كان اشوف ليك زولي المغطي بالبطانية انط اقول ليهو والله قريبك دا احمانا النوم الليل كله بحبك بحبك بحبك في الموبايل اها عاد شيل شيلتك مع الخواجات ديل بفضحوك
| |
|
|
|
|
|
|
Re: سحقا لهم : هل يعني ذلك أنهم يتصنتون على محادثاتنا العاطفية أيضا ً ؟؟؟؟؟؟؟؟؟؟ (Re: فتحي البحيري)
|
الأخ الكريم فتحي البحيري
السلام عليكم ورحمة الله وبركاته
كل ما في الأمر أن زعيم المعارضة التشادية يستخدم الثريا الذي هو شركة فرنسية مائة بالمائة ولكن العجلة والتلهف على بعثرة المزيد من حر أموالناأنسى الأخ صلاح قوش حذره القديم كما أن الضغوط جراء فشل العملية الأولى ساهمت في كبوة رئيس جهاز الأمن والمخابرات السوداني.
قوش غريب على هذا الملعب، فعو حتى عهد قريب كان محليا خالصا (سنترليق) ، ولكن ذلك للا يعني بالضرورة انه كان هناك من هم أكثر ذكاءا منه في السابق (أديس أبابا 1995) خير شاهد.
بعض عمليات دعم الجبهات المعارضة كما حدث مع الأثيوبيين والأررتريين تمت بضغوط شديدة من قبل القوات المسلحة التي كانت تنؤ تحت ثقل إنتصارات الحركة الشعبية في الجنوب إنطلاقا من أثيوبيا، كما أن كثير من ذلك الدعم تم عبر قنواتها وبصورة رسمية وبتعاون وثيق بين الثوار الأثيوبيين والأرتريين وقيادات الجيش بمختلف توجهاتهم السياسية.
عدالة القضايا والمهنية العالية هما سر نجاح وارتفاع اسم السودان في دعم حركات التحرر في السابق. ليس لأن دبي أكثر عدلا من محمد نور ولكن لأن لأهل دارفور قضية عادلة فان الله تعالى يقيض لهم تكنلوجيا فرنسية تتصنت على قوش الذي لو أنه خت الرجمن في قلبه فنصف ماينفق في دعم مقاتلي تشاد يكفي لحلحلة قضايا دارفور التنموية وذلك مدخل لحلحلة القضايا السياسية أو تفريغها من المحتوى ان تعنت المقاتلين ولكنها لا تعمى الأبصار بل القلوب التي في الصدور.
بالنسبة لمكالماتك العاطفية فقط أوصيك بالمحاذرة من الثريا يعني أوعك تقع ليك في واحدة مناضلة في صحاري دارفور.
تحياتي
| |
|
|
|
|
|
|
Re: سحقا لهم : هل يعني ذلك أنهم يتصنتون على محادثاتنا العاطفية أيضا ً ؟؟؟؟؟؟؟؟؟؟ (Re: صديق محمد عثمان)
|
المحترم المفضال صديق محمد عثمان
شكرا على الاهتمام والمرور والتداخل
وشكرا جزيلا على الاضافات والمعلومات القيمة
بس بحب اختلف معاك في نقطة واحدة لزوم (الامن الأسري الداخلي) وكدا
أنا ما بحب غير المدام وهي معي في نفس المدينة وعليه فان العبارة
Quote: بالنسبة لمكالماتك العاطفية فقط أوصيك بالمحاذرة من الثريا يعني أوعك تقع ليك في واحدة مناضلة في صحاري دارفور.
|
ممكن تجيب هوا أكبر من الهوا الجابوا التسجيل دا لناس الهوا الامني السوداني
ولا أطالبك بحذفها (اكفينا الله شر حذوفات اليومين دي )
فقط اتمنى أن تتمكن من ايجاد تفسير لها يهدئ فئران مخاوف حبيبتي (الوحيدة )
والا اقول ليك
خليها كدا بدون تفسير
شكرا جزيلا على المداخلة المثرية
وعلى رأيك طالما ما مافي ثريا ما في مشكلة
لان الهواتف المحلية غير قابلة للاذان الثالثة الفرنسية
اما الداخلية فهم من انصار التعددية القلبية في اطار الشرعية
ولا شنو ؟؟؟
| |
|
|
|
|
|
|
|