يا Deng الكلام ده أعوج منك

Quote: واضح جدا بأن هنالك عدد كبير من الاعضاء الجدد الذين التحقوا مؤخرا بهذا الموقع، والشئ المتعارف عليه هو عندما يتم قبول عضوية أي شخص يقوم العضو الذي قام بعملية التزكية بفتح بوست ترحيبي للعضو الجديد الذي قام بتزكيته شخصيا أو له معرفة لصيقة به. لكن بالنسبة للكيزان ولبعض العناصر الانتهازية والظلامية نجدهم يدخلون البورد كأنهم لصوص ليل، يدخلون البورد خلصة وتجدهم فجائة وبدون سابق إنزار داخل البورد يعملون مع الكيزان القدامى بتنسيق تام وبكل قوة عين يطالبون بفصل فلان أو توقيف علان أو سحب ذلك البوست بحجج واهية. وعندما نرجع للبروفايل تبعهم نجدهم حديثي عهد بالبورد(يومين تلاتةأو حتى أسبوعين تلاتة) ولقد وضح لي أن هذا العينة قد تم قبولها في الفترة بين منتصف 2007 والى مارس 2008. أي أن هذا الفترة تم بها فتح باب العضوية بشكل ملحوظ ولقد كان للكيزان فيها نصيب الاسد. الاخطر من كل ذلك هو أن هنالك بعض الاسماء المضروبة ايضا. هذا الموقع أكتسب شهرته بواسطة كتاب المعارضة وليس الكيزان، يجب أن نكون صريحين في ذلك والكيزان هدفهم واضح جدا بهذا الموقع وهو تدميره تماما. ولقد قامت عدة محاولات من قبل في ذلك الاتجاه ولكنها فشلت، والان هنالك محاولة أخرى وهي الالتحاق بعضوية البورد وتقويضه من الداخل. وواضح جدا أنهم يحاولون تغير مجرى مواضيع البورد بعدة طرق وللأسف الشديد هنالك أعضاء محسوبين على المعارضة يقومون بمساعدة الكيزان بوعي أو بغير وعي. وعلى الاخ بكري أبوبكر أن يعي لهذا المسألة جيدا. وكما قلت من قبل أن أحدا أكبر عوامل نجاح هذا الموقع هو التنوع العرقي والثقافي والديني السوداني الذي يحتويه، وأنه لأول مرة في تاريخ السودان أن يكون لكتاب الهامش في السودان صوت مسموع وكتابات جريئة وواضحة تخاطب مشاكل السودان الحقيقية. ولذلك نجد العنصرين يتخندقون في نفس خندق الكيزان لمحاربة أبناء الهامش ولقمع صوتهم بالبورد ويشمل ذلك بعض الذين يحسبون على المعارضة في بعض الاحيان. خلاصة القول هو. أن الكيزان لم يأتوا هنا الى حوار ونقاش جادي بل مهمتهم واضحة وهي التخريب ثم التدمير وعلى القوى الديمقراطية أن تكون واعية لمثل هذا العبث. لأن النتيجة سوف تكون كارثة، خصوصا أن موقع سودانيز أونلاين اليوم هو المصدر الرئيسي لأخبار السودان والسودانين في السودان وبجميع أنحاء العالم. وكل المهتمين بشأن السودان اليوم من الاجانب يلتقطون معلوماتهم من هذا الموقع. نحية خاصة للاخ العزيز بكري أبوبكر ولأسرته الكريمة لأنهم هم الذين يقفون خلف هذا النجاح الكبير الذي يعتبر فريد من نوعه في السودان. دينق

Quote: واضح جدا بأن هنالك عدد كبير من الاعضاء الجدد الذين التحقوا مؤخرا بهذا الموقع، والشئ المتعارف عليه هو عندما يتم قبول عضوية أي شخص يقوم العضو الذي قام بعملية التزكية بفتح بوست ترحيبي للعضو الجديد الذي قام بتزكيته شخصيا أو له معرفة لصيقة به

Quote: نجدهم يدخلون البورد كأنهم لصوص ليل، يدخلون البورد خلصة وتجدهم فجائة وبدون سابق إنزار داخل البورد يعملون مع الكيزان القدامى بتنسيق تام وبكل قوة عين يطالبون بفصل فلان أو توقيف علان أو سحب ذلك البوست بحجج واهية

Quote: هذا الموقع أكتسب شهرته بواسطة كتاب المعارضة وليس الكيزان،

Quote: الكيزان لم يأتوا هنا الى حوار ونقاش جادي بل مهمتهم واضحة وهي التخريب ثم التدمير وعلى القوى الديمقراطية أن تكون واعية لمثل هذا العبث

Quote: ولقد وضح لي أن هذا العينة قد تم قبولها في الفترة بين منتصف 2007 والى مارس 2008. أي أن هذا الفترة تم بها فتح باب العضوية بشكل ملحوظ ولقد كان للكيزان فيها نصيب الاسد

Quote: 0العينة قد تم قبولها في الفترة بين منتصف 2007 والى مارس 2008

Quote: العينة قد تم قبولها في الفترة بين منتصف 2007 والى مارس 2008 إرحب بهم إخوة سودانيين متى ماكانوا وإينما كانوا وكيفما كانوا ...

Quote: مرحب بالادباء والشعراء/ ومرحب برضوا بالكيزان والشيوعيين والملحدين والزنادقة/ ومرحب بالشرفاء الاوفياء لدينهم ولوطنهم/ ومرحب بالمرتزقة/ لانو وببساطة صاحب العقل بيميز

Quote: انت وفي فترة قصيرة ادخلت السرور في قلوب الكثيرين/ بينما هناك من له سنين عددا ولسه ما عارف نفسوا هو منو ذااااتو.

Quote: الغريبة في بعض الاعضاء مشاركاتهم كم الف مشاركة ويقول ليك انت جديد تناقشنا نحنا . وكان الناس الجدد بدات افكارهم بدخولهم البورد

Quote: ومن اين أستقيت معلوماتك هذه يا أخ دينق أم هو بوست والسلام إعرض علينا الداتا التي ساعدتك في هذا الإيضاح ودعنا نستفيد من خبرتك الإسفيرية عجبي

Quote: دينق ده وينو ..الكلام ده ماليك ..!!!

Quote: made in china

أماإقتراحي بالرد على دينق في البوست بتاعه كان عشان ما كل واحد يتكلم في وادي !

و لك الود

Quote: يا Deng الكلام ده أعوج منك

Quote: الأعوج كتير يا محمد الطيب يا اخوي ونحن الجدد ديل نقرا ونضحك بس لأنه الفاتنا في البورد دا كتير لكن عشمنا أنه حا يظل يحتمل كل الأفكار كل زول يقول رأيو والقاري الكريم هو الحكم الحكمة ضالة المؤمن أنى وجدها كان أحق بها

Quote: لكن أدينا رايك

Quote: راي بعد ما يشرفك الاخ دينق..

Quote: ... يعنى الواحد إدوهو يوزر نيم وباص وورد يجى داخل طوالى سابى .. ومترتح وينعل فى الناس وفى الحكومة وفى البلد شمال وجنوب ... ويناضل طوالى..؟ ول الواحد يدخل ويحيى أهل الدار ويسلم عليهم ويشكر الأستاذ بكرى وكده... إلخ..؟ الإتهام مرفوض ... وأنا أعنى ( كانهم لصوص ليل ) ولا أعنى الكوزنة... والكيزان القدام عملتو ليهم شنو..؟ ما قاعدين يهروا فيكم الليل والنهار.. بعدين الكيزان ديل قاعدين يكتبوا فى البورد ول شايلين سيوف ديجيتال؟ تاريخ تسجيلك يعنى أنك كوز..؟ (نا جديد إذا أنا كوز) (أخبرنى بتاريخ تسجيلك .. أخبرك من أنت)

Quote: بوصفي واحدة من الجُدُد ( البراملة) بشوف انه لو كل واحد جديد قعد يفتح بوست ترحيب و رحبوا بي و رحبوا بفلان يبقى الموضوع ما حيخلص و المواضيع حتكون مملة و غير هادفة , يكفي انه شكرنا بكري و شكرنا الناس الزكونا عن طريق الايميل

Quote: الملاحظ عن البرالمة الدخلوا بين 2007 و 2008 - انهم ناس موضوعيين و جادين و ما بتاعيين فوضى و دى الخلى السناير الزي ناس دينق يغيروا

شكرآ ليك

Quote: في النهاية شكراً لكل الرحبوا بينا

وللمارحبوا بينا كمان

Quote: اخونا في الله دينق من فئة .. عاين ليهو لكن ما تسمعوا .. يعني بنى آدم عادي زينا .. مع بعض الجضوم ( من ايسكريم اوزون - وبعض الشحم القديم نتيجة تربيته في العمارات ) .. لكن عايش في ( كوكب المظلات ) ..

Quote: طبعا الاخ دينق من ابناء الجنوب .. ولكنه لم يعاني ولم يعرف يوما ماسأة المواطن الجنوبي ..

أصلو ماممكن

Quote: ومركب مكنة ( مناضل طرابيز ) .. نسبة لانه لمن يجي يناضل لازم يكون قاعد في ( طربيزة في اوزون ) .. واطلقت عليه جموع ( حلة ورا ) .. المناضل ( دينق اوزون ) ..

عافي منك يا دوت مجاك


ياحميدة شايفنا بنرجف كيف

(عدل بواسطة محمد الطيب يوسف on 04-15-2008, 06:02 PM)

Quote: ا شعر الم شديد من هذا الكلام لاني من الجدد لم أقرأ يوست دينق الاصلي ورغم احترامي لدينق لكن ان كان قال ما قال فقد كذب ما اشنعها تهمة كلمة كوز ومؤتمر وطني حارة شديد اها النبذة بالنبذة والبادي اظلم انت الكوز يا دينق

Quote: اعذرني اخي علي اعتبار كلمة كوز اساءة (نبذة) تلك قناعة رسخت بعد 19 عام لو قلت لي هذا الكلام حتي 29 يونيو 1989 ربما قبلته منك واعتذرت و صوبت نفسي

Quote: و من قال اننا لا نحترم رأيهم ونسمع منهم ونرد عليهم بالحجة والمنطق. لكن ما وصفوا به انفسهم من كوزنة وغيرها من الفاظ ارتبطت في ذهننا بكل ما لا يحترم الانسان وحقه في الحياة الكريمة والرأي الاخر و يعلن الوصاية علي الاخرين كالانعام و يقيم حقك في الحياة من منظور رؤيته للدين الذي اعلن انه يحميه وكان قد هتك اهم مبادئه وهي تكريم الانسان . ولم يعدل ولم يرحم . لا اريد ان احول البوست لبكائية عن من مات ومن مضي . ذلك شعوري ان وصفني احد بكلمة كوزة فقد شتمني . لقد كنت صادقة معك هذا ماحسه والاحساس شيء داخلي لن يؤثر علي احترامي للرأي الاخر حتي لو كان رأي كوز فمن ظلم لن يظلم الا اذا كان مريضاً بالرغبة في الانتقام

Quote: إييييييييييييييييييييييييك .. وييين الإسم ده .. دينق ..دينق ..دينق .. أهاااااااااااااااااااااااااااااااااااااااااااااااااا دييييييييييييينق .. قولوا كده .. وانا أقووووووووووووووووووووول..

Quote: ما اشنعها تهمة كلمة كوز ومؤتمر وطني حارة شديد

Quote: نعم هذا كلام اعوج بالحيل هم كيزان لهم فكر ولهم راي ايضا نحترمه ويناقشوا بالحجة لكن نقصيهم ويخلوا المنبر للمعارضين او غيرهم فهذا لا يجوز في العرف الديمقراطي زي ما بتقولوا....

Quote: رغم أنو بوستاتو كلها تفقع المرارة وحافظ كلمتين عن الهامش والهوية ومفتكر إنو مثقف (الكلام ده مقصود بيهم دينق فقط)وومفتكر إنو مناضل مع إنو ضلالي والنضال منه برئ

Quote: طيب بالمنطق كدا مادام هو ضلالي, ليه فاتح ليك بوست لضلالي عشان تناقشه

Quote: طالما انك شمالي فانت بالضرورة عروبي مسلم وجلابي ومن دعاة السودان القديم حتي وان كنت نائبا للنبي قرنق

Quote: شكراً لطناش البرالمة الجضموكـ في البوست ده..

Quote: الأخ محمد الطيب يوسف وكل الاحباب الجدد المنضوين لهذا العالم الاسفيرى ارحب بكم اولا واعتذر ان لم ارحب بكم سابقا فربما رشح البورد بالكثير يجعل الاقبال عليه قليلا ... وأقول لكم احبتى لا تبتئسوا ولا تهنوا ولا تحزنوا ابدا .. فالمذكور أعلاه كل من يختلف معه فى الطرح فهو كوز وكل من يقول كلمة الحق فهو كوز وقبل يومين تقريبا لاننى اشدت بوعى اخ كريم من الجنوب اتهمنى باننى كوز وبالطبع لم ارد عليه لان فى ذلك مضيعة للوقت ... اقول لكم افضل طريقة هى تجاهل من يحاول ان يقلل من شأنكم والعارف عزو مستريح كما يقول اهلنا ولا تهتموا لكلمات مثل جلابه وكيزان ورجعيين وما يتبعها من كلمات اولئك القوم التائهين الحائرين الذين ضاع مغنطيس بوصلتهم فاصبحوا فى كل وادى يهيمون ويشتمون ولا يتورعون ..... تقبلوا تحياتى واعتذارى ثانية فالف مرحب بكم فانتم دوما مرحب بكم وانتم الجيل الجميل الذى سيحمل راية الحق واعلاء القيم ومحاربة كل قبيح وكل فج هنا .....

Quote: يعني يا دينق داير تقول ما شفت البوست دا ولا عامل فيها نايم .. اظهر ويطل حركاتك دي ..

Quote: لكن والله يا دينق اتفلهمت !! يعنى مصَر ما تعبر الجداد ديل !! دى حقارة لكن ..

Quote: طيب بالمنطق كدا مادام هو ضلالي, ليه فاتح ليك بوست لضلالي عشان تناقشه _____________________ ناس كايسة ليها شهرة

شهرة للجدد

Quote: طيب ما المنبر ده نص بوستاته مفتوحة في الحكومة وأي حكومة معروف عنها إنها ضلالية حتى أكان رئيسها نبي يعني اي زول ضلالي أو مجرم ما يفتحو فيه بوست وللا شنو يااستاذ كستاوي