|
|
 ويل لكل همزة لمزة....!!
|
ساحضر هنا نماذج لفن الغمز و اللمز في هذا البورد.....تخصص بنات الجلابة
وآخير انضم لهم بعض رجالهم للاسف برضو....نحمد الله ان رجال الهامش
لا يشهبون هذه النماذج.
|
|
 
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
الاخت تراجي ..
تحياتي لك .. وكامل تضامني معك
في ما تكتبين .. الكثير من فضح الحقائق "اختلفنا او اتفقنا" تظلين من القلائل الذين يستحقون الاحترام في الفضاء الاسفيري ككل، وليس في منبر سودانيز فقط ..
كامل المودة ..
| |
|
|
|
|
|
|
|
|
|
Re: ويل لكل همزة لمزة....!! (Re: shaheed gadora)
|
شكرا اخي شاهد قدروة
على كلماتك الطيبة يا اخي.
Quote:
الاخت تراجي ..
تحياتي لك .. وكامل تضامني معك
في ما تكتبين .. الكثير من فضح الحقائق "اختلفنا او اتفقنا" تظلين من القلائل الذين يستحقون الاحترام في الفضاء الاسفيري ككل، وليس في منبر سودانيز فقط ..
كامل المودة .. |
صددقني لم اعتبر نفسي في اي يوم كاتبه او متخصصة في اللغة.
لكن اثق في صدقي وانفعالي بقضايا المغيبين....لذا يبدو ان دوافعي تغلبت على مكامن الضعف في رسالتي
فوصلت بوضوح لابناء شعبنا والمعنين بها.
هذا لم يفعل الا ان جن جنون البعض هنا.
البعض ممن تعود احتكار السلطة و القرار وحتى احتكار المعارضة
فتعالت الاصوات بضرورة حجبنا وتغييبنا.
صار من المدهش ان تجد من يدعي بحرية التعبير
تجده يتخبأ لمماراسة حرية الحجر من خلال سلطات بكري
لكننا لهم ومعا لكشفهم حت آخر يوم في عمري المنبري
شكرا لك يا اخي وابقى عشرة على وحدتنا من سمسوم هؤلاء
هؤلاء من يحاولن تصوير انفسهم كضحايا لجهويتنا وهم كاذبين
هم ضحايا لنفاقهم ورغبتهم في الاحتكار,ونحمد الله ان ابناء الوطن الغالبيه
مدركين للحقائق.وفارزين الكيمان جيدا.
معزتي وتقديري لك.
| |
|
|
|
|
|
|
|
|
|
Re: ويل لكل همزة لمزة....!! (Re: ود الباوقة)
|
ود الباقوة سلام
واعذرني لردي المتأخر عليك.
الحبيبه سناء عبد السيد اخدتني في دوكه:
Quote: ...نفس القرف الانقاذي بدثار آخر
يعني يا تراجي لو ما حشرتي الانقاذ دي في كتاباتك ما بترتاحي ..
ود الباوقة |
يا ود الباوقة ده ما.... شرك محبة...كلمة نشرك بيها للزيكم
عشان يزورونا ويفقعوا مرارتنا زيادة.
امازحك يا اخي شرفتني بزيارتك وشكرا لدعواتك لي.
ود الباقوة اثق انك شخص طيب بس محبتك للانقاذ بتوديك في داهيه.
انت نل لا تشبه هؤلاء فانتبه لنفسك يا اخي ان لنفسك عليك حق.
| |
|
|
|
|
|
|
|
|
|
Re: ويل لكل همزة لمزة....!! (Re: Maawya Hussein)
|
محزن يا معاويه حسين ان اعتبرت نفسك من هذا البعض:
| Quote: والحمد لله انهم لا يشهبون ... لانو لو شهبوا كان حرقونا |
تبرأ يا زول وتستبرأ من ان تكون شلة وكورس وبصام حايم تبصم في البوستات المحددة.
| |
|
|
|
|
|
|
|
|
|
Re: ويل لكل همزة لمزة....!! (Re: على عمر على)
|
علي عمر صباح الله بخيره يازول المصحيك بدري كده شنو اولا؟؟؟؟
Quote: انا ياتراجى من رجال
الذين لا يحبون رجال الهامش
اها رايك شنو
؟؟؟؟؟؟؟؟؟؟؟؟؟؟؟؟
|
الما بيحب راجال الهامش ما بيحب نساء الهامش برضو
فهل يا ترى شوارت ناسك ولا بقى ما عندك ناس؟؟؟
اها نورتاور المسكينه دي ياترى هل ترعف رايك هذا؟؟؟
وعامل فيها حزب ليبرالي؟؟!! صحيح الاختشوا ماتوا يا علي عمر
وربرضو عبد العزيز خالد هو كل من هب ودب وكان عجبك وكان ما عجبك.
قال تحب رجال الهامش قال!!
يازول بيكفيهم محبة رجال بيسروا القلب ومحبة نساء بيردوا الروح
هم لا يحتاجون محبتك يا اخي.
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
تراجى يا حب
انا غايتوا لا سياسية ولا بفهم فى المواضيع دى
ولا بفهم انتوا بتكتبوا فى شنو و لى منو
مالى ومال وجع الراس مكجناها من ابوى
ينبح لما سجنوا وطلعوا عينوا ناس البشير
وطلع برة السودان عاش 15 سنة قال عاوز يموت هناك
هسى رجع عمل ليه مستوصف للغلابة وقلعوا منوا
وتانى رجع عاش برة
والله لو باريتى السياسة راسك دا بتشرط
انا ماشة عاجنة حنتى من امس ماشة اتحنن
اهم شى الحنة والدلكة والدخان
روحى دى ما بلعب بيها والقشرات اهم شى والميكياج بس ما يكون كتير زى
بتاع شروق ابوالناس والا سيد الناس اسموا ما بعرف سيدنا الله
اضربى الهم بالفرح
| |
|
|
|
|
|
|
|
|
|
Re: ويل لكل همزة لمزة....!! (Re: وضاحة)
|
وضاحة يا عسللي انت
ان شاء الله دائما رايقه ومستلطنة...
Quote:
تراجى يا حب
انا غايتوا لا سياسية ولا بفهم فى المواضيع دى
ولا بفهم انتوا بتكتبوا فى شنو و لى منو
مالى ومال وجع الراس مكجناها من ابوى
ينبح لما سجنوا وطلعوا عينوا ناس البشير
وطلع برة السودان عاش 15 سنة قال عاوز يموت هناك
هسى رجع عمل ليه مستوصف للغلابة وقلعوا منوا
وتانى رجع عاش برة
والله لو باريتى السياسة راسك دا بتشرط
انا ماشة عاجنة حنتى من امس ماشة اتحنن
اهم شى الحنة والدلكة والدخان
روحى دى ما بلعب بيها والقشرات اهم شى والميكياج بس ما يكون كتير زى
بتاع شروق ابوالناس والا سيد الناس اسموا ما بعرف سيدنا الله
اضربى الهم بالفرح |
يازولة ربنا يزيدك
ودائم ان شاء الله ضاربة الهم بالفرح....ولالمكياج القليل افضل
وشغلك نضيف يا بنيه...خلاص ولا يهمك نجيك اجازة نتجمى عندك وتعملي لي عمرة عديل كدة
وعشان الناس المهندم زيك دي تعالي لي بهناك فاتح لي بوست عن هندام ساساتنا
بنقوم بنفتي فيه بشوية حنكشة مطلوبة اوكي.
كوني بخير دوما.
| |
|
|
|
|
|
|
|
|
 Re: ويل لكل همزة لمزة....!! (Re: Tragie Mustafa)
|
Quote: وضاحة يا عسللي انت
ان شاء الله دائما رايقه ومستلطنة...
Quote: انا ماشة عاجنة حنتى من امس ماشة اتحنن
اهم شى الحنة والدلكة والدخان |
خلاص ولا يهمك نجيك اجازة نتجمى عندك وتعملي لي عمرة عديل كدة
وعشان الناس المهندم زيك دي تعالي لي بهناك فاتح لي بوست عن هندام ساساتنا |
نسأل الله السلامة!!!!!!
هو الموضوع شنوبالضبط !!!!!
_
منو قال لي منو شنو !!
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
و بعدين طيف يا تراجي بتديني فعل و تأتي بمثله
يعني بتتكلمي عن الهمز و اللمز و انتي مستعملة نفس الطريقة
لو عايزة تناقشي شي معين خشي طوالي و قولي انا بدين فعل الجلابيات فلانة و فلانة
لأنهم عملوا او قالوا كدى , عشان ما تكوني ادنتي فعل و اتيتي بمثله
| |
|
|
|
|
|
|
|
|
|
Re: ويل لكل همزة لمزة....!! (Re: سناء عبد السيد)
|
سناء مرحبا بمرورك
وللاسف لسه ما شميت العافيه لكن الكيل مطفح له فترة.
مداخلتك معي من قبل يمكن في بوست الرقية نفسه كنت انوي الرد عليها.
ولكنك استعجلت واعدتي شيئا من الذي فيها.
ما علينا كله خير وبركه.
طيب يا ستي اولا انا مسؤلة من الفاظي فقط.
طيب وبناء عليه
ممكن تشرحي لي وين التعميم؟؟؟؟
هل كلمة جلابة تعني كل الشماليين؟؟؟؟
بعدين نشوف البيعمم منو؟
بعدين البوست ما بدأ لسه
انت كان تصبري وتتابعي
انا قلت حاجيب اقتباسات واوضح كم الغمز و اللمز الذي تمارسه بعضهن هنا.
ولسه الدنيا ما اصبحت..فانتظري حسب العافيه وبعدين ناقشي.
ولعلمك كل الجايب لي الكفوة انه بقول للعور اعور في عينه تسلم عينيك.
اها هم الحكاية دي خلتهم مصدقني انفسهم وكاذيبهن وانهم هم المؤدبات وانا من قليلات الادب.
بجيك راجعه.
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
ولكنك استعجلت واعدتي شيئا من الذي فيها.
معليش و الله ما فهمت معنى كلامك دى , البوست بتاع الرقية انا اديتك الحاجات الانا بعرفه
عن التحصن من العين و بالعكس انا زعلت على مرضك لأني عارفاكي براكي و اولادك صغار و دي نفس حالتي
لكن ما عارفة الزعلك شنو من مداخلتي ليكي في بوست الرقية
لو قاصدة المداخلة التانية انا كنت بهظر مع احد المتداخلين و الكلام ما فيهو ما يسيئ و ظاهر
انو هظار
| |
|
|
|
|
|
|
|
|
|
Re: ويل لكل همزة لمزة....!! (Re: سناء عبد السيد)
|
سناء سامحيني يبدو انه الخرف المبكر طبعا لا اقصد هذه المداخلة يبدو اني قرأت لك مداخلة في بوست آخر
الآن تذكرته لكن حذف عن العنصريه...بالطبع لا اعني هذه المداخلة:
Quote:
الف سلامة يا أم حازم و ما تشوفي شر
أقري الفاتحة و المعوزات و الكرسي اول ما تصحي من النوم و اقري الدعا دى ثلاث مرات
كل صباح و مسا
(( اعوذ بكلمات الله التامة من كل شيطان و هامة و من كل عين لامة ))
ربنا يشفيك , عشان خاطر اولادك الصغار ديل قادر يا كريم
اصلها كندا دي فيها امراض اشكال و الوان ما عرفنا ليهاأول و لا اخر |
شكرا لدعواتك الطيبة ولو فعلا كنت بتحصن يا ماكن حصل علي ده.
لا يا عزيزتي فقط التبس علي الامر:
Quote:
معليش و الله ما فهمت معنى كلامك دى , البوست بتاع الرقية انا اديتك الحاجات الانا بعرفه
عن التحصن من العين و بالعكس انا زعلت على مرضك لأني عارفاكي براكي و اولادك صغار و دي نفس حالتي
لكن ما عارفة الزعلك شنو من مداخلتي ليكي في بوست الرقية
لو قاصدة المداخلة التانية انا كنت بهظر مع احد المتداخلين و الكلام ما فيهو ما يسيئ و ظاهر
انو هظار |
يازوله مادام الحال من بعضه وكمان مقمية في كندا..يبقى خلينا نتصاحب
تلفوني في البروفايل.
وما اسعدني بمعرفتك.
| |
|
|
|
|
|
|
|
|
|
Re: ويل لكل همزة لمزة....!! (Re: سناء عبد السيد)
|
سناء انت هي من يفترض ان يجيب وليس انا
انا اعتقد بتطبيقاتي وكتابتي اثبت اكثر من مرة
ان كلمة جلابة لا تعني كل الشماليين انت الجيتي مصرة على هذا المعنى.
يبقى انت المطالبة باثبات او اقتباس يثبت ذلك من كتاباتي.
انا عندي الجلابة لا تعني كل الشمالين هل هذا يكفي بنظرك؟؟؟
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
و بعدين ما قلتي لي الزعلك مني شنو في بوست الرقية ؟؟
لأني متحيرة و انا قايلة نفسي عملت حاجة كويسة
يا ربي الرقية الاديتا ليكي تكون عملت مفعول عكسي و بدل ما تريحك تكون لجنتك !!!
كدي قولي لي انتي قريتي الدعا كم مرة , المفروض تلات مرات في الصباح و المسا
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
من احدث نماذج الغمز و اللمز و الانتهت بالاستعانة ببكري ابوبكر
يا بكري تراجي دي وقفها من بوستاتي....عرفتوا الجبلنة وين؟؟؟
المطالبة بتكميم الافواه ممن يدعون مبدئة حرية التعبير....
وسلملي على الحريات....
Re: غــريـب الــدار (إحتمال يكون في صور*)..
Quote: تعرف المشكلة شنو؟
في جماعة كده بيكونو معاهدين نفسهم إنهم لازم يبصمو في أي بوست يتفتح في المنبر. وكأنه في زول ساكًيهم
أها تلاقي الواحد فيهم يدخل يرمي ليهو كلام خارم بارم. وكل ما زادت السطور زولنا يشعر إنه سيًطر على سودانيز أون لاين واصبح من كتابها اللامعين |
اولا :
للاخت سناء ومن قالت باين سامارس هنا الغمز و اللمز
اقول لها هذا كتبناه سابقا وبنفس البوست المعني وباسم محدد خاطبناه
لكن بدأت محاولات تكميم الافواه بالاستعانة ببكري ابوبكر....
لذا افترعنا لهم هذا البوست لاننا لا نعرف اللف ولا الدوران.
ردي كان بمعنى كالآتي:
استاذة رجاء العباسي
تعبنا من قراءة البوسستات ذات الطابع العويل و اللطم هذا؟؟؟
وبعدين بتحداك تثبتي ان بدخل اي بوست..وعلملك ندخل البوستات بناء على طلبات تردنا بالماسنجر
من زملائا كثر يعتقدون دعمنا لمواضيعهم يفيد...فهلا سألت نفسك لماذا يطلبون هذا مننا؟؟؟؟
انه يس بصم سيادتي وانما مباركة للبوست.
بعدين للطالمين للخدو عن الايام الذهبية للمنبر
المنبر الآن في ازهي واقوى ايامه
حدثونا ماذا كنتم تقولون زمان في عصره الذهبي؟؟؟
لا شيئ سوى يا بورداب وين انا جايكم
ويا ناس الخرطوم استعدوا لزيارة فلان
وعيد ميلاد علان..وعن.... الشوق و..... الهجر و ....الحب...!!
هذا البورد الآن بالمواضيع التي يتبناها موقف الحكومة على رجل واحدة.
كانت هذه مداخلتي التي ضاق صدر سندريلا لابورد على تحملها فطالبت بحذفها؟؟؟
فمن كانت تقصد رجاء العباسي؟؟؟!!ولا نحن في راسنا في قمبور؟؟؟
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
الاخت تراجى
السلام عليكم
يا اختى ريحى نفسك صحتك بالدنيا
لا تهتمى كثيرا لامور تصرفك عن اشياء اهم
انا شخصيا ايام جديدة فى المنبر كم مرة دخلت لى بوستتات ملغومة ولم اكن
اعرف ان للبوست اهداف خفية وعندما فطنت لذلك سالت صاحب البوست ان كان هنالك مغزى
اخر للبوست وعندها لم اجد اجابة . صدقينى اختى هذه الاساليب غير كريمة تصدر من شخص
ليس له الشجاعة والجرأة للمواجهه.
ان فكروا جيدا هموم وقضايا الوطن لن تتيح لنا الزمن الذى نصرفه فى الهمز واللمز
ارقدى بعافية
انتصار
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
العزيزة تراجي
كلمة حق اقولها وهي شهادتي لله فيك.. امرأة من اندر النساء.. لا تخشى في الحق لومة لائم.. تتمسك بمواقفها رغم ما تجده من أذى في سبيلها.. وبغض النظر عن تلك المواقف.. اتفقنا معها ام اختلفنا.. فستبقين سيدة لا يشق لها غبار في مجال السياسة..
تعرفين كيف تفرقين بين العام والخاص.. وتنتقلين بين المعارك السياسية والمواقف الانسانية بكل حكمة.. قد أراك تقاتلين احدهم في احدى المعارك.. ثم ما تلبثين ان تزودين عنه او تقفين بجانبه ان كان في موقف المظلوم حقا او حدث له موقف يتطلب وجود اخوة حوله.. وهذه صفة لا يجيدها الا من رحم ربي.. فنحن شعب لا نفرق بين اختلاف وجهات النظر او الاراء وعلاقاتنا الانسانية كابناء شعب واحد او كبشر بشكل عام..
واضحة ومباشرة ولا تجيدين فن الغمز واللمز او اساليب الضرب تحت الاحزمة..
احترمك جدا يا تراجي.. واحترم شجاعتك وقوة شخصيتك ونظافة دواخلك..
لك كل الود والتقدير والاحترام،،،
| |
|
|
|
|
|
|
|
|
|
Re: ويل لكل همزة لمزة....!! (Re: Rasha Hatim)
|
الغالية رشا
سلام
افضل ما قرأت فى هذا المنبر
Quote: فنحن شعب لا نفرق بين اختلاف وجهات النظر او الاراء وعلاقاتنا الانسانية كابناء شعب واحد او كبشر بشكل عام..
|
شفتى كيف يا رشا الاختلاف فى الراى تعنى الخصومة وتعنى الحرب بكل الوسائل المشروعة وغير
المشروعة
المهم والاهم نظافة الدواخل
| |
|
|
|
|
|
|
|
|
|
Re: ويل لكل همزة لمزة....!! (Re: هشام مدنى)
|
Quote: مالى ومال وجع الراس مكجناها من ابوى
ينبح لما سجنوا وطلعوا عينوا ناس البشير |
وضاحة
ما يتخيل لي تعبيرك الفوق ده ولو جاء بحسن نية موفق
مافي زول ولا زولة بقول علي ابوهو ينبح !!
لو تكرمتي غيري التعبير ده واديني خبر كمان عشان امسح برضو
تراجي
تالمت جدا من تعبير كتبو الاخ جوزيف
قال فيهو براودو انو ضيف في المنبر ده
الكلام ده كتبو في بوست الاخ بلير الاتشتم من قبل عضو الحزب الليبرالي بالكلمة القبيحة اياها
الغريب انو المظلوم بليير فتح بوست استنكاري فقط
قمع قمعا شديدا
حذفت كل البوستات الكتبا بليير
فقط لانه ليس ود عرب
واثبت امين الموقع انو فعلا جلابي ومنبرو للجلابة فقط ومن الليبراليين فقط !!!
ما تحلمو بعدالة يا تراجي
اي واحدمن ( اهل الحظوة ) يظبط علاقاتو مع بكري
ويرسل ليهو من تحت او يتصل عليهو
بانو يحذف كل البوستات
البتقول راي ما عاجبا
ويمنع اي راي اخر
والغريب حتى ولو عاوز يحذفو مداخلات او يمنعو ليهو عضو من التداخل في اي بوست حقو
طيب هو اسمو منبر الحوار ليه ؟؟
زمان في اثينا كانت المصطلحات بتمنح وفق الترتيب الطبقي
يعني مثلا كان في ديمقراطية
لكن الديمقراطية دي للنبلاء والامراء فقط
كان في حرية
لكن برضو للنبلاء والامراء فقط
كان في قانون
لكن موجه ضد الطبقة المهمشة
بالكربون منبر بكري ابو بكر
لا يا تراجي
لا تحلمو بوطن حر يسع الجميع
حتى ولو كان سودانيز اون لاين !!
| |
|
|
|
|
|
|
|
|
|
Re: ويل لكل همزة لمزة....!! (Re: محمد حسن العمدة)
|
فقط لانه ليس ود عرب
واثبت امين الموقع انو فعلا جلابي ومنبرو للجلابة فقط ومن الليبراليين فقط !!!
ما تحلمو بعدالة يا تراجي
العمدة
تحايا و اعزاز
ارجو ان نبتعد يصراعاتنا عن النعرات العنصرية
ايه حكاية ود عرب دى؟
على عمر اخطا و نال عقابا فلا داعى لتاجيج نعرات عنصرية و عرقية
و سوف تفسر مداخلتك على انهاحلقة فى سياق صراعك مع عادل عبد العاطى لا اكثر و لا اقل و لن تفسر بانها نصرة لعادل بلاير
و بهذا انت ايضا تظلم بلاير باتخاذه بيدقا فى حرب لا ناقة له فيها و لا جمل و هذا ايضا فاول و فعل غير اخلاقى بحقه لا يقل شناعة عن شتيمة على عمر
التمس منك سحب المداخلة
| |
|
|
|
|
|
|
|
|
|
Re: ويل لكل همزة لمزة....!! (Re: عوض محمد احمد)
|
Quote: و سوف تفسر مداخلتك على انهاحلقة فى سياق صراعك مع عادل عبد العاطى لا اكثر و لا اقل و لن تفسر بانها نصرة لعادل بلاير
و بهذا انت ايضا تظلم بلاير باتخاذه بيدقا فى حرب لا ناقة له فيها و لا جمل و هذا ايضا فاول و فعل غير اخلاقى بحقه لا يقل شناعة عن شتيمة على عمر |
يا دكتور
والله العظيم يا دكتور وبعيد عن اي صراع بتقولو مع عادل
لو امس شفت المرارة البتحدث بيها الاخ جوزيف زكريا ولا تزال موجوده في احد البوستات
الرجل بقول انو بشعر بانو ضيف !! ضيف في منبر يجمع سودانيين !!
ويطلق عليه صاحب الموقع اسم سودانيز اون لاين !!!
ولو شفت الظلم الوقع علي بليير
ياخ الرجل فقط طرح مجرد سؤال
ورغم انو هو المشتوم
لكن اتسحب البوست
ليه ؟؟
يعني كل البوستات الاتناولت الموضوع من طرف ( جلابة ) الليبرالي تم تركها حرة تسرح وتمرح
وبليير نفسو الاتشتم يتم حذف بوست له !!!
وين العدالة يا بروف ؟؟
عندك حاليا الاخ الهادي
تم سحب الباسوورد حقو فقط لانو ناصر بليير ووقف مع الحق !!
في قبح اكتر من كده ؟؟؟
عشان كده بقول ليك
موش ح احذف مداخلتي
لا ...
بل احذف وجودي في منبر لا يسع الجميع
لا يمكن ان يسكن الانسان في وطن ومنبر لا يحقق له ابسط انواع المساواة والعدالة الانسانية
| |
|
|
|
|
|
|
|
|
|
Re: ويل لكل همزة لمزة....!! (Re: محمد حسن العمدة)
|
Quote:
تالمت جدا من تعبير كتبو الاخ جوزيف
قال فيهو براودو انو ضيف في المنبر ده |
انت يا ود العمده قاعد تتالم في المنبر دا بس ؟؟؟
حصل مره مشيت منطقه اسمها السقاي الانصار ؟؟؟؟ ما اتالمت لي حال الانصار البخدمو لي سيدوم الصادق بدون اجر وحق الفطور ما عندهم !!!!!!!
حصل مره مشيت الجزيره ابا ؟؟؟ ما اتالمت لي للانصار البشربوا مويه وضوء الصادق المهدي !!!!! ويتبركوا بي التراب البمشي فيهو
انتو بتتالموا هنا بس ؟؟؟؟ ودايرين بكري يعدل في منبر وانتو ما بتعدلوا في واقع !!!!!
بالمناسبه انا ما عندي اي اتجاه سياسي ولا عندي علاقه بي احزاب سودانيه
| |
|
|
|
|
|
|
|
|
|
Re: ويل لكل همزة لمزة....!! (Re: yasiko)
|
الله يديكي العافية يا تراجي
ود العمدة
والله بكري هرش من الكتابة عديل كدا
حسي هنا لو كتبت راي الحقيقي في الموضوع المطروح حيلحقوا التوج..الراجل شالوا معانا بالتقيل...
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
| Quote: ويل لكل همزة لمزة....!! |
و انت رحلتي متين لي ماليزيا ؟؟
العزيزة تراجي
أنهم الاشرار الاوغاد.. اينما تذهب تجدهم امامك:
شهيتهم على اكل لحوم الناس .... هوايتهم الكذب... و التسول على سفاراتنا بالخارج...
مؤهلاتهم انتماء كاذب .... و قودهم تصديق السذج لهم بأنهم اصحاب شأن رغم ان لا وزن لهم في التنظيم الذي نعرفه (عن قرب مدهش) و لا خارجه.
إستثمار الكذب ..... اكثر انواع التجارة ربحا في هذه الايام...
| |
|
|
|
|
|
|
|
|
|
Re: ويل لكل همزة لمزة....!! (Re: منزول محمد توفيق)
|
الاخ منزول
شكرا لك ولوضاحة من قبلك:
Quote:
فكرة وإعداد وإخراج وصناعة وعجين وخبيز وطبيخ ( وضاحة)
الأخت تراجي
جملة الأخت وضاحة ( أضربي الهم بالفرح )
جميلة المظهر
عميقة المعني
قوية المضمون
مليانه فن
رويانة فيض
رأيك شنو |
وحياتك الجمال ما بناباه
والفرح لولاها لما قدرنا على المواصلة
وكل الكلام السمح الكتبته
الا كمان المدعين بحنب نوصلها معام للآخر.
اها هنا االمر للمدعين الطيبة و المسكنة
وهم (مية من تحت تبن)زي ما بقولوا المصريين.
شكرا لمروك.
| |
|
|
|
|
|
|
|
|
|
Re: ويل لكل همزة لمزة....!! (Re: Tragie Mustafa)
|
منزول
Quote:
الأخت تراجي
جملة الأخت وضاحة ( أضربي الهم بالفرح )
جميلة المظهر
عميقة المعني
قوية المضمون
مليانه فن
رويانة فيض
رأيك شن |
و
يا اخوانا دا كلام جميل عدييل كدا ده .......! ( تقرأ بعربي جوبا)
| |
|
|
|
|
|
|
|
|
|
Re: ويل لكل همزة لمزة....!! (Re: Abdlaziz Eisa)
|
معاويه حسين دي اقوى مداخلع اقرأها لك مما جيتنا انت هنا:
Quote:
انت يا ود العمده قاعد تتالم في المنبر دا بس ؟؟؟
حصل مره مشيت منطقه اسمها السقاي الانصار ؟؟؟؟ ما اتالمت لي حال الانصار البخدمو لي سيدوم الصادق بدون اجر وحق الفطور ما عندهم !!!!!!!
حصل مره مشيت الجزيره ابا ؟؟؟ ما اتالمت لي للانصار البشربوا مويه وضوء الصادق المهدي !!!!! ويتبركوا بي التراب البمشي فيهو
انتو بتتالموا هنا بس ؟؟؟؟ ودايرين بكري يعدل في منبر وانتو ما بتعدلوا في واقع !!!!!
بالمناسبه انا ما عندي اي اتجاه سياسي ولا عندي علاقه بي احزاب سودانيه |
شكرا لك وانت تتذكر اخوتنا المغيبين الانصار.
| |
|
|
|
|
|
|
| |
Tragie Mustafa
Abdlaziz Eisa
Maawya Hussein
على عمر على
وضاحة
فيصل نوبي
سناء عبد السيد
حسين محي الدين
انتصار محمد صالخ بشير
Rasha Hatim
حواء سليمان ابراهيم
yasiko
PLAYER
منزول محمد توفيق
mohmed khalail
آدم صيام
فيس بوك
تويتر
انستقرام
يوتيوب
بنتيريست