|
الماسنجر للمحبة , التعارف و التنسيق وليس للتامر على الموقع فحافظوا على استمراريته
|
الاخوات و الاخوة الاعضاء الكرام
يوجد بهذا المنبر اقوى وسيلة للتواصل بين الاعضاء بعيدا عن اعين العامة ساعدت كثيرا من الاعضاء/ات فى التعارف,التنسيق,الحب ,التواصل و تزوج منه بعض الاعضاء . اوقفت مؤخرا بعد ان وصلتنى العديد من الرسائل التامرية ضد الموقع بواسطة الماسنجر اضطرتنى الى اغلاقه , لكن بعد اغلاقه وصلتنى العديد من الرسائل تطالب بعودته ,و اليوم ارجعه اليكم املا فى ان تحسنوااستعماله ..... راسلونى فى حاله وصول اى رسالة تامرية اليكم ضد الموقع لطرد كاتبها من بيننا وشكرا لكم
|
|
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: بكرى ابوبكر)
|
Quote: يوجد بهذا المنبر اقوى وسيلة للتواصل بين الاعضاء بعيدا عن اعين العامة ساعدت كثيرا من الاعضاء/ات فى التعارف,التنسيق,الحب ,التواصل و تزوج منه بعض الاعضاء . |
بكرى بعد زواج الكورة ،وزواج الزهراء بتاع ناس المؤتمر الوطنى الفى الاستادات جانا زواج الماسنجر؟؟اجى يعنى الواحد يطلق بى اى ميل والا كيف؟؟ الله يفتح عليك.. انا غايتو قاعد احب بيه ساكت ممكن؟؟ عليك الله اقفل المنبر العام وما تقفل الماسنجر سمح يا اخوى؟
| |
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: بكرى ابوبكر)
|
الأخ الـحبيب الـحبوب، بـكري ابـوبكر،
تـحـية طـيبة، وجـزاك اللـه كل خـيـر علي ماقـدمت وتـقـدم.
عـنـدي رجـاء خـاص وامل فـيك خـيـرآ.
عـن نفـسـي فأنا غيـر راغـب فـي هـذا ( الـماسنـجـر ) لا فـي السـراء ولا فـي الضـراء .... وامل ان كانت هناك امـكانية مـن طـرفكم باغـلاقه بـحيـث لاأرسـل ولاأسـتقبل ... وبصـورة دائـمـة.
اعـرف مـقدمآ انه طلب غريـب ولكن لـي اسـباب خـاصـة وراء طلب الاغـلاق.
اكـرر مـودتـي وتـمنياتي لك بالتوفيـق والسـداد.
| |
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: بكرى ابوبكر)
|
Quote: يا عيسى ... إزيّك ياخي .. والله مشتاقين.. |
يا بكـري،، كـدة بالله أدينا بوستيك دا شـّدة كدة نعملوا مسنجر بالبلوشـي،، ولو كمان مصر على الإيجـار يبقـى أخصم من الغـرامات الهالكة والمتراكمة بسـبب تعطيلك لمحبات كتيرة متراكمة برضـو لغياب المسنجر الفترة الفاتت.. يا صـلاح،، أخونا العـزيز اخو عمـاد الصغير،، وعشان ما يجـو ناس العـربي يقولينا ياخي كلمة الصغير دي هنا تعـود لعمـاد نقول: الأخ الأصغر لعماد..والله أشواقنا بالطن ـ دي أشـواق ولاّ أسمنت؟ـ ووين الحـي بيك.. ياخي لكن ما بالغت عديل،، يعني فيها شنو لو كان رسلت لي ماسنجر أشواق ومحبة.. الله يسامحك غايتو... طبعاً،، وللصدفة فأول مـرة إتقابلنا في البورد دا كان من خلال المسنجر برضو لو تذكر،، المسنجر الزمااانك داك مش دا،، ولاّ يكـون دا هو نفس الزمانك زاتو و(قام بعاتي)،، ولاّ يكون عندو سبعة أرواح وبكـري بعـث فيه الحياة من جديد،، أعمل حسابك يا بكـري السبعة أرواح زاتن قربن يخلصن.. وكل شي في زمن ثورة تكنولوجيا المعلومات جايز.. تحياتي لكما وللجميع،، ومحبتي المسنجرية..
| |
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: محمد عبد الماجد الصايم)
|
Quote: يا بكـري،، كـدة بالله أدينا بوستيك دا شـّدة كدة |
وأنا برضو يا بكري ، عايز شّدة .. عيسي .. من ديك وعيك .. ما كان (فرح مهاجر) ده الخلاك تهجرنا كده ياخي .. مازلت أعول كثيراً على (سحارتك) وبعض أشياءك القديمة ، وما تكتنزه فيها بالله طلّع المدسدس ده وفكوا لينا هنا ، خلينا (ننطرب) وبعدين البُخُل العليك شنو ؟؟ اربعة سنوات ومجموع مشاركات 324 مشاركة بس؟؟ يعني في تمنية وأربعين شهر متوسط نسبة مشاركتك الشهرية 6.75 (سيكس بوينت سفن فايف) ده كلام ده يا (إيسا)؟؟ تعال شوف ناس أول أمبارح وصلوا لي كم مشاركة، لا تسوى في مجموعها ربع مشاركة (حقيقية)!! والله يا أخو زهجنا من النقة الما عندها طايوق الهنا دي (إلا قليلاً) سياسة ، ومجاملات (يا فلان ويا علان) وفلسفة فارغة ، وأمخاخ فاضية (للايجار) ورشاقة (ألف) ووجع بطن وطمام ووهم مطبق ومقيم ، مواضيع (تبط الكبد) يا قول الخليجيين. التقول عليهو فرعون يطلع هامان ، والعكس صحيح. قبب كتيرة (خالي فكي) الا من رحم ربي. وده البيخلينا ندخل مرة مرة عشان نضحك على واحد من (الفارات) ونتخارج عليّ الله الموقع ده فيهو مِحَن ما أنزل الله بها من سلطان والجماعة المدمنين (الهنا) اكتفوا بعالمهم الافتراضي هذا، عن علاقاتهم الطبيعية شفت ليك وهم قدر ده؟؟ المهم ، عندي غنا مبالغة ، المشكلة قدر ما أحاول أنزلو هنا ، الكومبيوتر يعصلج رغم أنه كرت (الكومبيوتر طبعاً) .. أنزل الشغل ده كيف ؟ ده موضوع يُناقش عبر المسينجر ، فتوقع مني واحد مسينجر وجهز حالك اذا بتريد لدروس التكنولوجيا (الملح) ..
| |
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: عبدالكريم الامين احمد)
|
إزيك إنتا.. ووليداتك كيفهم أنا اليومين دي في إجازة في القاهرة الساحرة وحأرجع الأسبوع الجاي لعمان طبعا جيت لقيت البلد خلا. الناس الكنت بعرفهم ولا زول فيهم موجود
اجازة سعيدة رجاء وسلمى على القاهرة او اللاجئين الموجودين . المدام والبنية مية مية والله بسلموا عليكى وماعارفين نرك وين بعد شهرين لكن لمن نرك اول زول يزورنا انتى داير الطلع البت زيك كدة بالضبط مناضله وتسير اينما سار الحق وتخدمة الوطن والمواطنين دون حساب او خوف ولا تنتظر مقابل ولا تتغزز منهم كما فعل الكثيرين..
البلد لازم تكون خلا لانو الناس هربة من الظلم والفساد
لكى التحية
انتظرى من ماسنجر قالوا بقرب مابين القلوب العهده على الرئس تبعنا
| |
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: Muna Khugali)
|
شكرا يا بكري وربنا يعينك وحقيقي الماسنجر يمثل الجانب الاجتماعي للتواصل شكرا لك كثيرا.
منى خوجلي لك هديه: ويل لكل همزة لمزة....!! متين ناويه تعقلي وتبطلي الهبل البتعملي فيه ده؟؟؟
Quote: لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى ..... |
انا عارفاك قاصدة منو؟؟؟ لعلمك مفروض تكوني اذكى من كده شويه الناس الشاطرة زينا كده ما بتخت روحها في حتت ضيقة زي دي؟؟؟؟ وبكري فاهم وانا فاهمه انت بس البتمنى تفهمي.
عالم تحف شايله غبائنها وحايمه كرهتونا البورد بغمزكم ولمزكم.
اعوذ بالله منكم اعوذ بالله منكم اعوذ بالله منكم
حسبي الله ونعم الوكيل حسبي الله ونعم الوكيل حسبي الله ونعم الوكيل
| |
|
|
|
|
|
|
Re: الماسنجر للمحبة , التعارف و التنسيق وليس للتامر على الموقع فحافظوا على استمراريته (Re: Tragie Mustafa)
|
Quote: منى خوجلي لك هديه: ويل لكل همزة لمزة....!! متين ناويه تعقلي وتبطلي الهبل البتعملي فيه ده؟؟؟
Quote: لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى .....
انا عارفاك قاصدة منو؟؟؟ لعلمك مفروض تكوني اذكى من كده شويه الناس الشاطرة زينا كده ما بتخت روحها في حتت ضيقة زي دي؟؟؟؟ وبكري فاهم وانا فاهمه انت بس البتمنى تفهمي.
عالم تحف شايله غبائنها وحايمه كرهتونا البورد بغمزكم ولمزكم. |
اها يا زميلات وزملاء.. شاهدين ولا ماشاهدين؟
| |
|
|
|
|
|
|
|