|
|
 يا اخونا ادعو ل(محمد سليمان) و(عبد المنعم الجزولي يرجعوا لينا بالسلامه من عفيص( اهل التبتب) ديل
|
ولديات اماتنا ديل يا ناسي اليوم متظاهرين ضد شعلة الاولمبياد في سان فرانسيسكو
حسب هذا البوست:
احتجاجات من اجل دارفور - تجمهر فى سان فرانسيسكو
اها وحاتكم جنس عفيص شوف عيني في البي بي سي وجنس خمشي بين البوليس وناس التبت
اها التبتين كثار ومساخ طمسوا لك عدد ولدياتنا وحاتكم زول ازرق ساي ما لمحته
لكن رغم ذلك خائفة عليهم و العجب كان ساقوا معاهم بشاشا....عاد ود امي لا بيقدر لجنس ده ولا بيقدر.
اها يا اخونا وداعة الله ادعو لهم ربنا يصون غربتهم ويرجعهم بالسلامة لوليداتهم و الراجينهم.
عبد المنعم يا اخوي كان بقيت ماقدرت تسافر
امرق لبره طمأنا عليكومحمد سننتظره لآخر اليوم لانها مدينته واكيد بصل بيته وبيلقى له كمبيوتر
الا منعم كان غطس بكون في الفندق ما لاقي له كمبيوتر وفيه عربي كمان.
اها يا ربي
هون برضوا كل كل وليداتنا ناس محمدين وتاج الدين وكل رفاقهم لو عندهم نشاط في بلجيكا
وناس احمد محمدين بهولندا ومحمد مهاجر وناس عربي يعقوب بلندن وكل رفاقانا من البورداب وغيرهم
ربنا يرجعهم منصورين,والصينين ديل الله يكفينا شرهم معارضتهم كثيرة وحكومتهم اكثر
الناس ديل كثار كده ليه يا جماعه؟؟؟
ربنا يدينا خيرهم ويكفينا شرهم قوم تيمور لانك هؤلاء.
|
|
 
|
|
|
|
|
| |
Tragie Mustafa
Rashid Elhag
Mohamed Suleiman
AMNA MUKHTAR
عاطف عبدون
فيس بوك
تويتر
انستقرام
يوتيوب
بنتيريست