|
Re: غــريـب الــدار (إحتمال يكون في صور*).. (Re: Abdalla Gaafar)
|
الأخت / رجاء سلام واحترام ،،، المنبر اصبح حالو حال والناس شغالة طحن في بعض يعني مافي اي حاجة مفيدة فيهو والناس ما عارفة تحترم بعض وفي كل يوم مجموعة من عناوين البوستات تخليك تتخارج من هذا المكان قبل فتح اي بوست ليه كدا يا جماعة ليه ما نحترم بعض ونقدر بعض ليه ما نختلف باحترام ونتفق باحترام ليه ننشر غسيلنا الوسخ والناس كلها تسمع بينا . ياريت لو كل واحد عاوز يرد على أخ او أخت في المنبر لو يعتبر ما يرد له اخوه أو اخته ياريت لونحافظ على علاقاتنا رغم اختلافنا ونبعد عن الشلليات وعدم الموضوع ونكون أخوان ياريت لو الناس تفكر ان من الممكن ان يدخل على هذا المنبر الاخوان والاخوات ويشاهدوا ما نكتب ندعو الله التوفيق للجميع . تقبلي تحياتي واحترامي ،،،
أبو كريم
| |
|
|
|
|
|
|
Re: غــريـب الــدار (إحتمال يكون في صور*).. (Re: الفاتح خليل الفكي)
|
الفاضل الفاتح أبو كريم..
سلام ومحبة
تيقنت الآن فقط أن غالبية من يكتب هنا لا تعرف لمن تكتب أو ماذا تريد أن تقول. بمستوى القضايا الجادة التي طرحت في هذا المكان. كان المفترض ان يكون فعلا المنبر مرجعا وليس مكانا منفرا. الكلمة النضيفة تغطس وسط وحل الجهالة والركاكة. وهنا أحيي الزملاء الذين لا زالوا يرفدون المنبر بالمفيد وإن إستحال ذلك في الفترة الأخيرة. .. لا نريد ان يصبح المنبر المدينة الفاضلة. ولكن أيضا لا نريده ان يصبح .....
دمت
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
سلام يا رجاء
الصديق وعضو المنبر دكتور طلعت الطيب تعرض لحادثه سرقة ... قام لص (او لصوص ) بسرقه لستك عربيته الجديده ..
فكرت اعمل بوست للموضوع ده ...
لانو لاحظت ان هناك مجموعه كبيره جدا فى المنبر جاية للونسه والفارغه ..
انا قلت اجاريهم واشوف الزول بشعر بشنو وهو بتهايف
غيرت راى لانو قلت ممكن طلعت ما يرضى وهو زول ملتزم جدا لقضاياه
| |
|
|
|
|
|
|
Re: غــريـب الــدار (إحتمال يكون في صور*).. (Re: النصرى أمين)
|
النصري صديقنا الزمان وكل زمان..
سلامات ومراحب.
أولا كفارة لدكتور طلعت السرقة. وربي يعوًضه بأحسن منها. تعرف الموضوع حتى ولو كان بسيط أو صنًفه الناس بإنه (هايف). وكان بيراعي حرمة وأصول الكتابة ومسئوليتها. يجد كل الإحترام.
الآن تلاقي العنوان كبار كبار. وأول سطر يكشف المستور. ما علينا. تعرف المشكلة شنو؟ في جماعة كده بيكونو معاهدين نفسهم إنهم لازم يبصمو في أي بوست يتفتح في المنبر. وكأنه في زول ساكًيهم أها تلاقي الواحد فيهم يدخل يرمي ليهو كلام خارم بارم. وكل ما زادت السطور زولنا يشعر إنه سيًطر على سودانيز أون لاين واصبح من كتابها اللامعين. وبي لمعته دي.. يضلًم المنبر
ســلام
| |
|
|
|
|
|
|
Re: غــريـب الــدار (إحتمال يكون في صور*).. (Re: ودقاسم)
|
الحبيب ود قاسم..
سلام وشوق وسؤال عن الحال والأحوال..
الحمد لله أن تخيلك لا زال كما هو للمنبر. لا أريد إعادتك للواقع وأسألك المرور لتعرف لماذا وجدالإحساس بالغربة في دار شيدناها مع صاحبها.. طوبة طوبة وكلمة كلمة
الأسرة بخير. أنا معهم هذه الأيام تحياتي لأسرتك الحبيبة
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
رجاء ... تحية و ود ... لا أعرفك إلا من خلال معلومات بروفايلك ... ليس بالضرورة نحن أبناء هذا الوطن القارة أن يعرف جميعنا جميعنا ... و لكن و نحن نتواصل هنا تصبحين أختاً عزيزة و زميلة ... ( قد) نختلف في التفاصيل و الأفكار و الإنتماء السياسي ... و لكن تجمعنا الكثير من القواسم المشتركة و أهمها إعتزازنا بالسودان و سودانيتنا ... و يقوي إحساسي بك كأخت الغربة التي تسود الكثيرين أمثالنا ممن تواجدوا هنا بعيداً عن الشلليات ... فلتتكون الصداقات ... لا بأس من ذلك ... و لكن يجب أن لا تكون مثل المستعمرات الجرثومية همها الفتك بغيرها حتى و لو كان ذلك بسلاح الإقصاء أو حتى التجاهل ... اتخذت هذا الإسم ( غريب الدار ) بأحد المنتديات السودانية ... و لكنني أنا للأسف هنا أشد غربة ... مرحباً بك و بأخوتك ( بلا تعصب ) ... مع فائق الود و الإحترام ...
| |
|
|
|
|
|
|
Re: غــريـب الــدار (إحتمال يكون في صور*).. (Re: أشرف البنا)
|
الكريم أشرف..
سلام ومحبة..
أتفق معك تماما فيما أوردته بخصوص ضرورة معرفة بعضنا للبعض. وأضيف: لسنا جميعا قادمين من بيئات أو خلفيات إجتماعية، سياسية، أكاديمية..الخ واحدة
وهذا ما يعطي للمكان تنوعه. التنوع في أي شئ ميزة وليس عيبا. للأسف. هنا التنوع هو أكبر العيوب. فهناك صنف من الأعضاء يريدوننا أن نفكر ونكتب مثلهم بل ونقول: آمين
سعدت بمداخلتك.. ومرحبا بك دوما
* بالمناسبة المعلومات الفي البروفايل الخاصة بي ليست حقيقية. غيرتها بعد أن أصبحت غريبة
لك الود
| |
|
|
|
|
|
|
Re: غــريـب الــدار (إحتمال يكون في صور*).. (Re: انعام حيمورة)
|
العزيز رجاء .... لا يوجد (يوتوبيا) حولنا .... المثالية دائماً بعيدة عن كل شي ... الحي .. المدرسة ... الجامع .. الكنيسة .. السياسة .. الثقافة .. الفن ... الخ ليس هنا من معلومة جديدة فقط تذكير ... يوجد (زبد) حولنا في كل شي ... وهنا جزء من الكلـ (شي ) .. أنتم أصحاب وجعة باعتباركم أول (القادمين) هنــا .. غيابكم وغياب المواضيع (المؤثرة) عن كل شي يجعل (للزبد) موضع ... وتكونين غريبة في (حوش) كنت أول سكانه ... دعينا ننثر الجمال حولنا .. ولا نتوقف ... الجمال في الفن .. السياسة .. الثقافة ... حتى (الصعلكة) لها جمال إن عرفنا كيف نوظف أدواتنا الجميلة في الحديث عنها ... ولك كالمعتاد هديتك :زهوري اليانعه ، إهـــــداء إلى : خدر .. تمبس .. صديق الموج
أبحثوا عن الجمال وانثروه ما استطعتم
| |
|
|
|
|
|
|
Re: غــريـب الــدار (إحتمال يكون في صور*).. (Re: عمران حسن صالح)
|
عمران يا عزيز..
سلامات ومراحب..
أوافقك فيما قلت. وحقيقة غياب بعض الأقلام الجميلة وبالرغم من ظروف الحياة. إلا أن سببها الرئيسي ما يحدث هنا من شطط وضجيج. وزي ما قلت فوق. والله ما دايرين يوتوبيا. لكن كمان ما عايزين الإبتذال يكون هو السمة الغالبة
ولأني شخص متفائل (نفسي أعرف السبب). أؤمن بأن الواقع نصنعه نحن وليس العكس. لذا فلن اتوقف (إلا للشديد القوي) من الكتابة لإناس أحبهم وأحترمهم. أما جالبي القبح للمنبر. فبكري وحده الذي يستطيع تنظيف منبره منهم وسنحاربهم بكل ما هو جميل ومفيد.. عسى ولعل
دمت
| |
|
|
|
|
|
|
Re: غــريـب الــدار (إحتمال يكون في صور*).. (Re: Elkhawad)
|
نزار يا غالي..
حاسة بيك..
وزي ما قال شوقي:
فلا الآذان آذان في منارتها إذا تعالى ولا الأذان أذان
.. يمكن إعادة الآذان إلى منارة منبرنا بتواجد أمثالك ومن هجر
والتحية تاني وتالت لكل الأقلام التي لا زالت تنشر الجمال في ربوع سودانيز اون لاين.. ولكل القراء البيتابعوا ويبحثوا عن الجميل..
ودي
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
الاستاذة رجاء
تحياتى اشهد لك بإيرادك للمواضيع المهمة والهادفة وكما يتفق معى الكثيرون على تفاعلك الحيوى الراقى مع الاعضاء حتى فى حالات تباين وجهات النظر بنكم هذا بعيدا عن بعض المخاشنات التى اتفهم ظروف اللجوء اليها احيانا حيث يجد الكثيرون انه لا مناص من الانغماس والتعاطى معها وذلك مرده فى راى المتواضع للظروف المحيطة بمعظم الاعضاء فمعظمهم يعانون الغربة واحيانا التشرد هاربين من ظروف مؤلمة حلت بديارهم او تمت محاربتهم فى ارزاقهم فوجدوا هذه المساحة يستظلون بها كواحة فى صحراء لا نهاية لها ولكن تمادى بعضهم كثيرا لاختلال مفاهيم الحرية لديه حسب تفسيره لادوات الحضارة الموجودة فى واقعه الجديد او وطنه البديل فيدلق ماتاتى به قريحته فى هذا الوطن الافتراضى وبالطبع قد لايعجب طرحه بعض الشركاء فى الوطن الافتراضى فتبداء المجادلة لينه سرعان ما ترتفع وتيرتها للسباب والتجريح بسبب سياسة الكيل بمكايئل عديدة يتبرع بها الاصدقاء وزملاء الحزب الواحد او الايدلوجية الواحدة ومؤخرا الجهوية الواحدة وهؤلاء مايسمون بحارقى البخور وهم اس البلاء فما يؤسف له ان تجد بعض الاقلام التى درجت على الكتابة الواعية الرصينة تغوص فى وحل السباب والانتصار للذات دون احترام لعقول القراء فيا اختى يجب ان نغير اسلوبنا فى التعامل مع هذه الامور السالبة بان نكثف الايجابيات حتى تطغى فنحن شعب تمت معاقبته بسبب تذمرنا من بدايات الاشياء كالديمقراطية مثلا التى لم نستطيع الصبر عليها ففهم من بيده القوة باننا نستنجد بهم للخلاص واحتفينا بهم بل وكتبنا فيهم الاشعار دون استثناء من يسارنا الى يميننا ولذلك نحن ندفع فواتير عدم صبرنا وعدم احتمالنا لبعضنا وفشل معالجاتنا لاصغر الامور ودونك كل الساحات الان تعج بالخلافات الحادة من الرياضة الى اساليب التعداد السكانى فعلى سطح البحر تطفو الجيف وتبقى الكنوز فى الاعماق ... فَأَمَّا الزَّبَدُ فَيَذْهَبُ جُفَاء وَأَمَّا مَا يَنفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللّهُ الأَمْثَالَ (سورة الرعد)
| |
|
|
|
|
|
|
Re: غــريـب الــدار (إحتمال يكون في صور*).. (Re: احمد التجانى احمد)
|
الكريم أحمد..
سلام وتقدير..
شكرا لحديثك. وأؤيد بشدة:
Quote: فيا اختى يجب ان نغير اسلوبنا فى التعامل مع هذه الامور السالبة بان نكثف الايجابيات حتى تطغى فنحن شعب تمت معاقبته بسبب تذمرنا من بدايات الاشياء كالديمقراطية مثلا التى لم نستطيع الصبر عليها ففهم من بيده القوة باننا نستنجد بهم للخلاص واحتفينا بهم بل وكتبنا فيهم الاشعار دون استثناء من يسارنا الى يميننا ولذلك نحن ندفع فواتير عدم صبرنا وعدم احتمالنا لبعضنا وفشل معالجاتنا لاصغر الامور ودونك كل الساحات الان تعج بالخلافات الحادة من الرياضة الى اساليب التعداد السكانى فعلى سطح البحر تطفو الجيف وتبقى الكنوز فى الاعماق ... |
وأقدم إعتذاري لك وللجميع عما بدر مني من مجاراة لبعض الناس هنا. مع تطميني لكم بأنني قررت إستخدام أسلوب جديد مع كل متطاول.
ولنشارك جميعنا في هذا التغيير للأجمل وتحجيم القبح وطرده
دمت
| |
|
|
|
|
|
|
Re: غــريـب الــدار (إحتمال يكون في صور*).. (Re: PLAYER)
|
العزيز عادل..
سلامات..
أحيانا دي كانت زمان. لكن الآن اصبح طول الوقت يعني لما تقرأ موضوع فيهو قضية حيوية. تنوي تشارك برأيك. فجأة كده تلاقي البوست إتغير 180 درجة تقوم ببساطة تعمل ساين أوت وتمشي.
وبما إنك جيتني في داري الليلة. فأنا أطلب منك أن تعالج خلافك مع عادل بشكل نهائي. كنت قد طلبت منه الإعتذار لك. ووجدته بالفعل قد قدمه في بوست. التداعيات الأخيرة أرجعتنا للمربع الأول. وهذا شئ محزن.. محزن
تسلم
| |
|
|
|
|
|
|
Re: غــريـب الــدار (إحتمال يكون في صور*).. (Re: Ahmed Osman)
|
العزيز أحمد عثمان..
سلام ومرحبتين..
النبذ والشتائم تنبئ عن قائلها. لا بل أي حرف يكتب هنا ينبئ عن كاتبه. .. يقول لي بعض الزملاء إن فلانا في الواقع يختلف كليا عما نقرأ له في المنبر. أي يكون زعيم عصابة أصحاب الألسنة الطويلة هنا وفي الواقع يكون جنتلمان حقيقي..
كيف ذلك؟ ولماذا يرضى أن يقدم لنا أسوأ صورة؟
في رأيي أن الشخص المحترم داخل المنبر هو شخص محترم أيضا خارجه. والعكس صحيح
دمت
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
العزيزة رجاء
Quote: (إحتمال يكون في صور*).. |
Quote: صور العنوان جاءت لأن الجمهور بيحب يتفرج دايما |
ده غش تجاري واضح ....... أطالب باعتذار فوري
أكيد نشاركك الشعور بالغربة هذا .. ولكن .. الغث موجود دائماً .. كل ما في الأمر أنه يزيد أحياناً (زي الأيام دي) .. وبكدة بتبقى البوستات الممكن الدخول ليها أقل عدداً، لكنها موجودة.
عموماً، أوافقك وأشاركك ما تحسيه، ولكني أذهب لبعض التفاؤل وأقول دي حالة مؤقتة ستزول، ولا يصح إلاّ الصحيح.
عاطر التحايا
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
الاخت رجاء
تحياتي
اشاركك الرأي وفي اعتقادي انه المنتديات الاسفيرية اصبحت بدل ان تكون مكان لطرح ما هو مفيد للناس وطرح ما يفيد السودان في وضعه الحالي ، تحولت الى ادوات هدم وكثير من الناس اصبحت تستغلها بشكل خاطيء ورغم انه مقولة انه البورد ما هو الا سودان مصغر لكن الحقيقة بتقول انه السودان الحقيقي يختلف كثيرا جدا بشكل افضل عما هو حاصل في البورد ودي ظاهرة سيئة جدا غايتو لي فترة طويلة جدا بكتفي باني اقرا من بعيد لبعيد
ولكي الود
| |
|
|
|
|
|
|
Re: غــريـب الــدار (إحتمال يكون في صور*).. (Re: maia)
|
الحبيبة مايا..
سلام ومراحب..
Quote: وفي اعتقادي انه المنتديات الاسفيرية اصبحت بدل ان تكون مكان لطرح ما هو مفيد للناس وطرح ما يفيد السودان في وضعه الحالي ، تحولت الى ادوات هدم وكثير من الناس اصبحت تستغلها بشكل خاطيء |
ودي هي المصيبة. المنبر لكثير من الناس مصدرا للمعلومات والأخبار والتواصل الإجتماعي. وكثير منا لديه من المشاغل والهموم الأخرى التي يريد حينما يأتي إلى هذا المكان أن يهوًنها. لكن للأسف. القلة المتفرغة لإثارة المشاكل وجر المنبر إلى أسفل هم الذين يلونون صفحات المنبر.
بالمناسبة لا أتفق مع الرأي الذي يقول إن المنبر هو سودان مصغًر. عشنا في السودان. لم نشتم من كائن ما كان. هنا كل يوم زول يشتم زول. مع يقيني إنه لولا هذا المنبر. شارع الله لا يجمعهم ببعض.
طمأنني مقولة الأعزاء هنا أن هذه مرحلة الـ (Downs) سرعان ما تتغير لـ (Ups)
شكرا لمداخلتك مع الود
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
العزيزة رجاء
كل الود
انت في المنبر من بدايتو والمفروض تكوني عارفة انو دة مرحلة طبيعية بمر بيها المنبر كل فترة ...
اكتبي .. وتاني اكتبي واكتبي واكيد بي كتاباتك حتساهمي مع الاخرين في اعادة الروح للمنبر ...
كل الحب
محمد ادريس
| |
|
|
|
|
|
|
Re: غــريـب الــدار (إحتمال يكون في صور*).. (Re: فتحي البحيري)
|
العزيز فتحي..
سلام وتحية
المشكلة فينا وفي التانين وفي أي مكان..
سببها إنخفاض درجة الإحترام. عارفة إننا كلنا ما زي بعض. وأي زول شايف المشكلة أو الأزمة من زاويته هو. لكن في عامل مشترك أعظم المفروض يجمع ما بيننا.. هو الإحترام.
بدونه.. تبدأ المشكلة
تحياتي للعروسات وأمهن
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
رجويه
اها انتي لحقتي عملتيهم اربعتاشر الف مداخله ما شاء الله و شفتي ليك ايام حلوه و اتهنيتي حبه، الزيي ديل يقولوا شنو؟
تدخل، تقرا و تعاين بس و لمن يغلبك القعاد علي يدينك، ترد رد لمن تزعل من روحك و كان ما رديت، يقعد الكلام يحقص ليك في راسك لمن مخك يسخن
اسي والله بوستيك ده، دخلت و طلعت زي عشرميه مره كده، يدي ماكلاني ارد علي تراجي، تاني اتذكرت بوستيها البره بتاع الرقيه و قلت يا بت ربك كريم
تراجي، كان بتقري الكلام ده، وصيه واحده, الرقيه شيء و عفو الناس و دعوه المظلوم شيء تاني ما تنومي و زول زعلان منك، خصوصا زول ما ظلمك
و في النهايه اتوكلت علي الله و قلت النرد علي رجاء و ننسي
اها، شفتيني سويت شنو؟
| |
|
|
|
|
|
|
Re: غــريـب الــدار (إحتمال يكون في صور*).. (Re: عبد العظيم احمد)
|
العزيز عبدالعظيم..
سلام وتحايا..
الحل لازم يكون من الطرفين.. يعني أصحاب الأقلام الجميلة والمحترمة ما يبخلو على المكان. واصحاب أقلام الرصاص والإساءات يختشو على دمهم ويرحمونا. ويحاولو يتعلمو شوية
وزي ما قال كتيرين فوق هنا إنه دي مرحلة من مراحل المنبر يطغى فيها اصحاب الألسنة الطويلة ويتوارى من يريد إحترام نفسه.. والحمد لله. دائما ما يستطيع أهل المنبر إجتياز كل هذه المحن.
تحاياي
| |
|
|
|
|
|
|
Re: غــريـب الــدار (إحتمال يكون في صور*).. (Re: محمدين محمد اسحق)
|
وينك رجويه؟؟
الفرق بين هنا وبين السودان الكبير.. اننا في الكبير قادرين علي تفادي السير في طريق الخطأ المعيب.. أي أننا نختار الرفقه الصالحه ونتعامل مع الجيران الطيبين ونعمل في المكان المقبول.. الا أننا هنا وعلي الرغم من حرصنا من التعامل الطيب والتزام حدود الأدب كما يجب أن يفعل كل عاقل.. نجد انفسنا في وضع غريب..ليس لنا دخل فيه ولكننا نتواجد معه في مساحه ضيقه عمليا هي صفحه واحده من العنواين..فعليا كثير مما فيها مدمرا لنا جميعا..الخوف من اثرها يجعلنا نلملم أطراف ثيابنا حتي لا يصيبها ما لانود لها ان يصيبها ويصيبنا!
وأخيرا لا يصح الا الصحيح..
تحياتي...
| |
|
|
|
|
|
|
Re: غــريـب الــدار (إحتمال يكون في صور*).. (Re: Muna Khugali)
|
تعرفي يا رجاء العباسي ... مرات اقول يمكن انا الما جيت سودانيز اون لاين شعارها وطن لمن لا وطن له ... دلعوها المثقفاتية باسم الوطن الافتراضي ... وما فرقت ... لان امريكا-مثلاً- كانت هكذا حين بدأت وتناطحت في حربها الاهلية والان هي -ام الدنيا وبرضو افتراضا- اذا كنا نعتقد اننا يمكن ان نتحدث عن وطن افتراضي لا يجب ان نضع له اطاراً لاننا كبشر ياتون في هذا الوطن الافتراضي لانملك حق ان نقول انت الرئيس وغيرك شعباً ... هذا الوطن موجود اسفيراً ... لكن جئنا بمخلفاتنا- وليس بخلفياتنا- الثقافية والفكرية والسياسية - لا اعتبر ان الاخلاق هنا معيار لانه قيمة تخص الشخص وحده- وكل يحاول ان يدعم موقفه الثقافي والفكري كيفما شاء ، وهو حق له ، كما انه حق لمن يحالفه ، المهم ان يكون هناك جدل وخلاف لان الدنيا تحتاج ذلك ليس لاننا نريد في السودان راي راي مستدام بان الماضي افضل - هذا قد يكون متخلف وقد يكون تداعي- ووجدت هنا من يعتقد ان فترة البورد في فترة الماضية عند البداية كان افضل ودخل الدخلاء ومسخوا - خلق الله - باعتبار انهم دخلاء- انا من الجدد- لكن اليس في ذلك اجحاف هل سنظل نتمنى الماضي دائماً بانه كان الافضل ، هذا يقود الى تفرعات كثيرة ليس هذا مجالها ولكنني اود ان اقول ليس هناك ما يفرح في الوطن الاصلي او الافتراضي الذي هو انعكاس للاول لكن ما يهمني هنا لا اتمنى ان يكون هذا البوست تصفية لحساب ما لانني اعتقد ان البناء صعب!
| |
|
|
|
|
|
|
Re: غــريـب الــدار (إحتمال يكون في صور*).. (Re: مصطفي سري)
|
مصطفى يا عزيز..
سلامات وتقدير..
لا اتفق أبدا مع الرأي القائل بأن الأعضاء الجدد هم سبب التدهور أو البذاءة التي إكتست بعض الكتابات.. كلنا كنا جدد في يوم من الأيام. ويشهد المنبر حتى يومنا هذا إنضمام اقلام مسئولة كل يوم. المشكلة هي في قبولنا للغة بذيئة من الأول. الأمر الذي يشجع على التمادي فيها. والمشكلة أن الكثيرين يخلطون ما بين الحرية والفوضى. الحرية يجب أن تكون مسئولة تراعي حريات الآخرين. والفوضى يجب أن نقف جميعا ضدها.. فهي أس البلاء
تحياتي
| |
|
|
|
|
|
|
Re: غــريـب الــدار (إحتمال يكون في صور*).. (Re: Muna Khugali)
|
الحبيبة منى..
سلامات ومودة
Quote: الفرق بين هنا وبين السودان الكبير.. اننا في الكبير قادرين علي تفادي السير في طريق الخطأ المعيب.. أي أننا نختار الرفقه الصالحه ونتعامل مع الجيران الطيبين ونعمل في المكان المقبول.. الا أننا هنا وعلي الرغم من حرصنا من التعامل الطيب والتزام حدود الأدب كما يجب أن يفعل كل عاقل.. نجد انفسنا في وضع غريب..ليس لنا دخل فيه ولكننا نتواجد معه في مساحه ضيقه عمليا هي صفحه واحده من العنواين..فعليا كثير مما فيها مدمرا لنا جميعا..الخوف من اثرها يجعلنا نلملم أطراف ثيابنا حتي لا يصيبها ما لانود لها ان يصيبها ويصيبنا!
وأخيرا لا يصح الا الصحيح.. |
دمتي..
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
Quote: تيقنت الآن فقط أن غالبية من يكتب هنا لا تعرف لمن تكتب أو ماذا تريد أن تقول. بمستوى القضايا الجادة التي طرحت في هذا المكان. كان المفترض ان يكون فعلا المنبر مرجعا وليس مكانا منفرا. الكلمة النضيفة تغطس وسط وحل الجهالة والركاكة. وهنا أحيي الزملاء الذين لا زالوا يرفدون المنبر بالمفيد وإن إستحال ذلك في الفترة الأخيرة. .. لا نريد ان يصبح المنبر المدينة الفاضلة. ولكن أيضا لا نريده ان يصبح .....
|
تسلمى يا غالية بنت الغالين ام وضاح
| |
|
|
|
|
|
|
Re: غــريـب الــدار (إحتمال يكون في صور*).. (Re: essam&amal)
|
أختى رجاء كيف حالك
أول حاجة دى أول مرة أكتب ليك فيها وطبعا ح يكون بالنسبة لى شخصيا ده شرف عظيم ، لكن بالتأكيد ليست المرة الأولى التى اقرأ لك فيها و وربنا يديم التواصل الحلو بيننا.
أما موضوع البوست بجيك ليهو راجع . كان الله خلى فى العمر باقى
محي الدين
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
كلامك حقيقي لكنه ليس هو الذي جذبني لاقرا في الداخل بل عرفت من خلال البورد انك صديقة لاشراقة مصطفي وهالة الكارب وكثير من اصدقائنا زمان لو تكرمت اخبري هالة واشراقة بانني عبداللطيف حسن علي من جامعة جوبا وعندي مساهمة مع هالة موجودة هنا ولك الشكر
| |
|
|
|
|
|
|
Re: غــريـب الــدار (إحتمال يكون في صور*).. (Re: عبداللطيف حسن علي)
|
المنبر ده قبل ماأشارك فيهو جذبتني أقلام وأسماء ذي الدهب منهم انتي يارجاء فطالما انتي مازلتي موجودة وبتكتبي حتي لو تحت تأثير الاحباط للاسف !! الا انو ده برضو مطمئن انو المنبر بي ناسو ومابتكوني غريبة الدار بين أهلك وناسك ياحبيبة
ماجاية قريب من الغربة الجد جد ديك يارجوية ياخ ؟!!
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
رجاء تحية و ود ... أعتقد بعد كل هذه المشاركات و الكم الهائل من القراءات ( عيني باردة ) لم يعد لك مكان بين الغرباء إلا بإعتبار ما قد كان ... هنيئاً و عقبالنا ... رأيك شنو تبدي بوست تاني بموضوع تاني لجس النبض ... أنا شخصياً سأشارك حتى و لو ب ( Up ) ... إستمري في البوست دا لأن الإحترام و الود يغمرانه ... مع أطيب الأمنيات ...
| |
|
|
|
|
|
|
Re: غــريـب الــدار (إحتمال يكون في صور*).. (Re: محمدين محمد اسحق)
|
الاستاذ / رجاء
الف تحية
تطبيق اللائحة والتدقيق في كل ما يطرح هو الطريق الى اعادة سيرة المنبر ..
طرد كل يأتي بسخف القول او الكلام البذيء وحرمانه من المشاركة هو ما يعيد هيبة المنبر ..
مؤكد مشكلة المنبر في اشخاص يتعدون بأصابع اليد ...
تسلمي يا اخت رجاء وياريت الناس تنتبه لما تقول
| |
|
|
|
|
|
|
Re: غــريـب الــدار (إحتمال يكون في صور*).. (Re: Raja)
|
الاخت الجميله رجاء
اناديكم اشد على اياديكم ابوس الارض تحت نعالكم واقول افديكم فمأساتى التى احيا نصيب من ماسيكم انا ما هنت فى وطنى ولا صغرت اكتافى مشيت بوجه ظلامى يتيما عاريا حافى وصنت العشب فوق قبور اسلافى اياديكم اشد على اياديكم
اتفق معك يا رجويه ان يكون المنبر مساحه للحوار الهادف والموضوعى بعيدا عن الاساءات والبذاءات وبعيدا عن اثارة النعرات العنصريه والعرقيه وان يحترم منا الاخر وندعوا للتعايش السلمى بين الاديان والثقافات المختلفه وان نوثق للفن والشعر والرياضه وان لا نسى للرسل والانبياء والكتب السماويه وان ندعوا لوحدة السودان ونقف بقوه ضد كل من يسعى للفرقه والشتات وان نكشف الظلم الذى يتعرض له المواطن المسكين وان نطالب بمجانية التعليم والعلاج واحترام ارباب المعاشات وتوفير الامن والغذاء ومحاسبة كل من اقترف ظلما ضد هذا الشعب الكريم وان يكون معيار الاختيار للخدمه المدنيه هو الكفاءه وليس الولاء للحكومه وان يتم محاسبة كل من تمتد يده للمال العام دون وجه حق. واخيرا نحن معك يارجاء ان يكون المنبر واحه ظليله نستفيئ اليها كلما اغلقت فى وجهنا المنافذ والمنابر ولكم ودى....
| |
|
|
|
|
|
|
| |