|
لولاية العرقي
|
قدامه طبنجة و كاس و قزازة و فوق راسو ملايكة بيعزفوا آلة بتبكي أوتارها أكتر من أحزانه كان بشرب و يغسل همه بعيد شوية شوية كاس ورا كاس الليل بكل نجومه بيزحف جوة عروقه و يقرص فيه نعناع الهم بنعومة يدغدغ قلب العرقي و يدوب في صفاه في الكاس الطاشر و زي البلمس يد محبوبته بمحبة و خوف اتحسس طلقة بتلمع زي النجمة جلدها كش ابتسمت ليه ختاها براحة و رفع الكاس أضانه بتتقل من العرقي و همه بخف و فوق راسه ملايكة بغنوا :النوم.. النوم كل يوم في الليل بيغسل حزنه و يشرب همه بعيد كل يوم بيغنوا ملايكة عليه (لولاية العرقي) و ينوم قبال ما يضرب راسه الواجعو ده طلقة و يريحوا منه و يرتاح منها كان بينوم..
|
|
|
|
|
|
|
|
Re (Re: fadlabi)
|
فاضلابى يا حبيبنا
ما تقول لى دة شعر بزعل منك (ما معانا زعل) تحياتى
| |
|
|
|
|
|
|
Re: Re (Re: Waeil Elsayid Awad)
|
وائل
يعني ما زعلان من زمان؟
المولود الأمور ده لو جديد مبروك.. جعله الله مستنيرا
و ربنا يخليكم لبعض و يقدرك على الحمل و يمتعك بشوفته بيكبر قدامك..
قول آمين
| |
|
|
|
|
|
|
Re: لولاية العرقي (Re: fadlabi)
|
فاضلابي سلام
Quote: و فوق راسو ملايكة بيعزفوا آلة بتبكي أوتارها أكتر من أحزانه |
Quote: و فوق راسه ملايكة بغنوا :النوم.. النوم كل يوم |
Quote: كل يوم بيغنوا ملايكة عليه (لولاية العرقي) و ينوم |
الم تجد اخي شء تحلي به هذا الموضوع والنثر الا الملايكه اجسام نورانيه لاياكلون ولا يشربون لايعصون الله ما امرهم
| |
|
|
|
|
|
|
Re: لولاية العرقي (Re: fadlabi)
|
يا فاضلابى سلام
عرقي .. وهموم مصيبة
أهو نحنا بدلنا عرقى العيش بعرقى القمح حفاظآ للأيام الخوالى مع توفر النضيف .. أصالة يعنى
النص جميل كان ختا الظلاميين
| |
|
|
|
|
|
|
Re: لولاية العرقي (Re: Ahmed Yousif Abu Harira)
|
أبو حريرة مصر تعذبنا بالجبنة دي إنت..
أنا صاحي يادوب و عملت لي نسكافي أب ظرف داك
و قعدت أشوف الحاصل شنو
بس أول حاجة أشوفها .. بب!
عيني لجبنتك دي..
هسي النسكافي ده البشربو لي منو؟
| |
|
|
|
|
|
|
|