|
معرض الزهور السنوي بودمدني(صور)
|
تشهد مدينة ودمدني هذه الايام فعاليات معرض الزهور السنوي برعاية جمعية فلاحة البساتين
هذا المعرض الذي يضم آلاف الانواع من الزهور والنباتات والشوكيات بالاضافه لمختلف انواع الطيور والنادر منها
وقد دأبت علي حضور المعرض منذ عدة سنوات وقد لفت نظري وجود معرض للعملات النادره السودانية منها والاجنبية وايضاَ جناح للتراث (النسي قديمو تاه)برعاية جمعية حوا أم السشرف وإشراف الاستاذه فوزيه
|
|
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
ممدوح ابارو عزيزيي الغالي صاحب مقام الجمال معرض الزهور من اقدم المعارض في السودان تم إفتتاحه عام 1903 ومازال مستمرا حتى الأن مدني الجمال والمعرض يحتمل مسابقات كنموعة مثل مسابقة حدائق المنازل والمؤسسات والمدارس .. بجانب المعارض المصاحبة من تراث وادوات زينة منزلية للحدائق وعرض كتب وعديد من الفعاليات المصاحبة احكي لنا مازال المعرض له بريق والزهور منالقة من زهرة الوينكا الى زهرة النيل مودتي
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
نعود لنواصل حديثنا عن قطية أم البشر ومحتوياتها
المدخل من القنا والحصير تقابلك عريشه من نفس المكونات (راكوبة) معلق بها مشلعيب وهو إنا من السعف يوضع فيه الطعام ويعلق بسقف الراكوبة القطيه أو (بيت الحور) كما زكرت، تبدو من الخارج كأي قطية إلا أن ما بداخلها ينم عن زوق رفيع تجد الاشياء متراصه بعنايه علي المناضد والجدران سألتها متي وكيف بدأت؟ فردت بهدؤ وثقة: *انا ياولدي من زمن النميري بعمل في العمل الطوعي والجمعيات الخيرية *طيب الحاجات دي حقتك؟ *أكيد في جزء وارثاه وجزء جمعتو وراحت تحكي لي عن العريس أيام زمان والهقيت والجرتق والضريرة وكيف أنهم كانو يسيروه بما يسمي القيدومه... سرحت مع حديثها الذي لا يمل حتي أدركتني صلاة الجمعة فإستأذنت وخرجت وأنا مزهول من زكائها ولباقتها في الحديث
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
الريح عبدالله سليم رجل تستقبلك إبتسامته العريضه ووجهه الصبوح قبل عبارته إتفضل يبني ...!!
يهوي جمع العملات النقدية بل يعشقها إن جاز التعبير
يعشقها وهي غير صالحة للتداول ويزهد فيها وهي ساريه !!!!
حكي لي بعد أن تبادلنا الضحكات وهو يسند يده علي كتفي
*قبل كم سنة ياممدوح (وصمت برهه) بدري شويه أيام السادات كنت في أم الدنيا وانا في سيدنا الحوسين وقفت جمب محل عصير قصب 00بعدين في مصري واقف من قبالي 00 المصري زح لي وخلاني اشيل قبليه مع انو جا من قبلي؟ اندهشت للصوره السامعها عن المصريين!! المهم بعد شربت قمت دفعت للمصري معاي فقال لي لازم أكرمك تأمر بأيه؟ قلت ليه انا بحب العملات النادره فوداني لي محل روبابيكيا00 الراجل طلب العملات 5 جنيه وانا المعاي 3 جنيه فقال لي تخت قميصك امنيه ولا نقبلو منك؟؟ فما كان مني إلا وقلعت القميص ورجعت الفندق عريان وانا فرحان بعملاتي!!!000000000000
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
ممدوح الفنان ،،، سعدت كثيرا بزيارة هذا المعرض الرائع الجميل ،،، رغم إختلاف الأمكنة وبعد المسافات ،،، إلا أن هذا البوست وفّر لنا جهد الزياره ،،، طبعا المشوار بعيد جدا ما بين الدوحه وود مدني إلا أن ممدوح الممدوح أراحنا من زحمة المواصلات ،،، بعدين بالداااارجى كده معقول هى مدنى وكمان معرض زهور وجمال وثقافه ،،، يا شباب خفوا علينا شويه ،،، الغربه حاره وما مستحملين أي أشواق زياده ،،، أحسن الواحد بكره يركب الطياره ويجي السودان ،،، طبعا أنا بورتسوداني بيحب مدني جدا جدا جدا ،،، مع محبتي لكل المدناب ،،،
| |
|
|
|
|
|
|
Re: معرض الزهور السنوي بودمدني(صور) (Re: محمد خليل ساني)
|
ولدي الفنان كيفينك..
زمان معرض الزهور في الخرطوم كان مهرجان كبير يستمر عدة ايام..وكان العم زكي هو صاحبه ومنفذه..كنا نذهب من المدرسه لحضوره..أعتقد آخر واحد حضرناه معه كان في حديقة القرشي.. في تلك اليام تجد الجميع مهتمين بمثل تلك المعرض..وتجد الطلبه والطالبات بالزي المدرسي يتجولون وسط اشكال من الزهور ليس لها مثيل..
ثم كان بوكيه الورد الكبير الذي تم تزيينه عند العم زكي لأسر الشهداء للوضع علي النصب التذكاري في 1992..المسيره المشهوره..بالطبع لم يكن يعرف انه لمسيرة معارضه
لا أدري الي اي حد تطورت فكرة معرض الزهور في السودان الآن..وهل تقتصر علي الشتلات النباتيه فقط ام علي اشكال والوان زهور وورود مختلفه..وفي كل الأحوال هو مجهود جميل ومقدر في رأيي ونتمني له الأستمرار والتطور..
أعجبتني جدا جلسة الفولكلور السودانيه..المشاط كشكل قد اصبح تاريحي علي الأقل في المدن.. العنقريب.. وبالطبع لا أحتاج أن اتحدث عن الجبنه..معشوقتي الأولي..
شكرا ممدوح علي أشراكنا في هذا النشاط والجمال..
| |
|
|
|
|
|
|
Re: معرض الزهور السنوي بودمدني(صور) (Re: اْسامة اْباّرو)
|
ممدوح السلا م امانة لفوزية قاسم حوا ام البشر والسلام والشوق والمودة الأبدية لصديق الزمن الجمبل الريح سليم الريح الفنان التشكيلي اول من رسم مناظر مدني على أطباق الجبس واول قائد كشافة خرجت العديد من الفنانين وكان التنافس بيننا كبيرا طلائع الدرجة ودلائع المزاد وللعلم هذة الفرق الطلائعية كانت تتبع لأتحاد الشباب وبسبب انضباطها وجمالها كونت مايو طلائع مثلها والريح معاك وسوف يحدثك الريح حالة تانية يمكن الكتابة عنه لانه من الشخصيات التي تعشق مدني وتضحي بكل غالي ونفيس من اجل مدني التقدير والإعزاز للريح ومودتي السلام امانة يا ممدوح
| |
|
|
|
|
|
|
Re: معرض الزهور السنوي بودمدني(صور) (Re: محمد سنى دفع الله)
|
الحالة ربيع فتحت زهور
غني يا طيور .. غني
فتحت زهور من شذاها نور
ذي ندى البلور غني
يا طيور غني...
التحية لمدني الجميلة و لزهورها و جمالها و مرابيعها
القسم الأول و أهله
القسم الثاني و أهله..
بانت ,, الهوارة و أهلهم..
الدرجة و الحي البريطاني ,,
دردق ,, مايو,,
و أهلهم ..
الدباغة .. بركات .. حي المطار
التحايا لأهل تلك المناطق التي كونت مدني السني
و لي في الهوارة غزال ,,
و للصديق الباشمهندس/ عمر يوسف إبراهيم/ بانت
| |
|
|
|
|
|
|
Re: معرض الزهور السنوي بودمدني(صور) (Re: محمد سنى دفع الله)
|
Quote: ممدوح السلا م امانة لفوزية قاسم حوا ام البشر والسلام والشوق والمودة الأبدية لصديق الزمن الجمبل الريح سليم الريح الفنان التشكيلي اول من رسم مناظر مدني على أطباق الجبس واول قائد كشافة خرجت العديد من الفنانين وكان التنافس بيننا كبيرا طلائع الدرجة ودلائع المزاد وللعلم هذة الفرق الطلائعية كانت تتبع لأتحاد الشباب وبسبب انضباطها وجمالها كونت مايو طلائع مثلها والريح معاك وسوف يحدثك الريح حالة تانية يمكن الكتابة عنه لانه من الشخصيات التي تعشق مدني وتضحي بكل غالي ونفيس من اجل مدني التقدير والإعزاز للريح ومودتي السلام امانة يا ممدوح |
سلامك وصل يا أصيل دي مجموعة من أعمالو
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
Quote: الريح عبدالله سليم |
Ya salllllaaam Please salam katir katir to him This is my first tutor in drawing and ( Kashafa) leader to he true guidance when I was growing up, Thank you so much for publishing this article, you brought back a tangible vision from the past I am so glad he is still contributing Elmelik
| |
|
|
|
|
|
|
Re: معرض الزهور السنوي بودمدني(صور) (Re: Tagelsir Elmelik)
|
Quote: Ya salllllaaam Please salam katir katir to him This is my first tutor in drawing and ( Kashafa) leader to he true guidance when I was growing up, Thank you so much for publishing this article, you brought back a tangible vision from the past I am so glad he is still contributing Elmelik |
الملك سلامك واصل حقيقة استاذ الريح كان ليه باع طويل هي نهضة نشاطات الكشافة وهو اول من عمل طلائع
نتمني الطروف تجمعك بعم الريح تاني وفي مدني
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
الأخ ممدوح أبارو
لك التحية
لقد هيجت اشجانى بذكرك لمعرض الزهور ونقلك لما فيه من اشياء واضافات جديدة فهذا المعرض كما ذكر الاستاذ السنى قديم قدم مدنى وحينما كنت هنالك لم اكن اضيع يوما من ايامه الجميلة ولعل مدنى كلها كانت كذلك لان اهل مدنى يحبون الطبيعة والزهور والخضرة ... عادت بى الذاكرة الى احدى معارض الزهور التى انتقلت الى قرية مساعد المتاخمة لوادمدنى وكم كان رائعا وجميلا وكم اصبح خالدا فى الذاكرة والوجدان ....
شكرا اخى ممدوح لهذا الجمال الذى اتحفتنا به وارجو ان تزيدنا من صور الازهار والورود الرائعة والنشاطات المصاحبة لذلك المعرض الرائع ...
التحية لك ولوادمدنى وللقائمين على معرض الزهور والرحمة والمغرة لعمنا ادريس بخيت الذى كان من اركان هذا المعرض سابقا ....
| |
|
|
|
|
|
|
Re: معرض الزهور السنوي بودمدني(صور) (Re: قرشـــو)
|
Quote: الأخ ممدوح أبارو
لك التحية
لقد هيجت اشجانى بذكرك لمعرض الزهور ونقلك لما فيه من اشياء واضافات جديدة فهذا المعرض كما ذكر الاستاذ السنى قديم قدم مدنى وحينما كنت هنالك لم اكن اضيع يوما من ايامه الجميلة ولعل مدنى كلها كانت كذلك لان اهل مدنى يحبون الطبيعة والزهور والخضرة ... عادت بى الذاكرة الى احدى معارض الزهور التى انتقلت الى قرية مساعد المتاخمة لوادمدنى وكم كان رائعا وجميلا وكم اصبح خالدا فى الذاكرة والوجدان ....
شكرا اخى ممدوح لهذا الجمال الذى اتحفتنا به وارجو ان تزيدنا من صور الازهار والورود الرائعة والنشاطات المصاحبة لذلك المعرض الرائع ...
التحية لك ولوادمدنى وللقائمين على معرض الزهور والرحمة والمغرة لعمنا ادريس بخيت الذى كان من اركان هذا المعرض سابقا .... |
العم قرشو المعرض سيستمر لاسبوع تاني يعني حتشبعو صور وكلام
ربنا يردك وترجع لتستمتع بجمال مساعد وزهور مساعد
| |
|
|
|
|
|
|
Re: معرض الزهور السنوي بودمدني(صور) (Re: بشير حسـن بشـير)
|
Quote: خبارك آ جنا ما بترد على ود مقبول أخوك ؟؟؟؟؟
تحياتى النديه لك من القاهره |
ود الخاله كيفنك ؟
متين وصلت ام الدنيا؟
رديت ليه قبيل
في روحي مشتهيه ودمدني
الاولاد كيف؟ معاك ولا في جده؟ سلامي ليهم كلهم وخصوصآ جوجو لانها واحشاني
| |
|
|
|
|
|
|
Re: معرض الزهور السنوي بودمدني(صور) (Re: محمد سنى دفع الله)
|
في مدني كان هناك اكثر من مهرجان في السنة في يوم الحصاد ويوم القطن وفيه يتم احتيار ملكة القطن وكانت دائما ما تكون الفتاة المتفوقة في امتحانات الستة وكان يوم الحصاد ننتظره بفارغ الصبر لجمال السيارات المزينة كل مؤسسة او وزارة او شركة تزين عربتها كما تريد وكان احتفالا يزيد المدينة جمالا مدني الجمال ابدا ..
| |
|
|
|
|
|
|
Re: معرض الزهور السنوي بودمدني(صور) (Re: محمد سنى دفع الله)
|
Quote: في مدني كان هناك اكثر من مهرجان في السنة في يوم الحصاد ويوم القطن وفيه يتم احتيار ملكة القطن وكانت دائما ما تكون الفتاة المتفوقة في امتحانات الستة وكان يوم الحصاد ننتظره بفارغ الصبر لجمال السيارات المزينة كل مؤسسة او وزارة او شركة تزين عربتها كما تريد وكان احتفالا يزيد المدينة جمالا مدني الجمال ابدا ..
|
لا زالت الاحتفالات موجودةإلا أنها فقدت بريقهاالسابق مع إنشغال الناس بلقمة العيش
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
حمزة وعباس شقيقان من مدينة رفاعة حمزة الذي لم يبلغ الثامنة عشر تستحيل جوالين الزيت الفارغة في يده إلي سيارات وقطارات وعربات للاسعاف آية في الجمال عباس يساعده في جلب الفارغ والاغطيه وتقطيع الاسلاك *اسمك منو ؟ عباس ....أجاب وهو لا يحول ناظريه عن آلته التي يعمل عليها *من وين؟ *رفاعه *الشغل ده العلمك ليه منو؟ *براي انا كنت بعمل اول شي العربات بالحديد بس لمن لقيت البلاستيك أحسن بقيت أعمل بيه *البديك القروش تشتري المواد حقتك منو؟ *أبوي وهو قاعد بهناك أناديهو ليك؟ ضحكت من عفويته وأخذت بزكاءه ودقة تصاميمه
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
يعمل حمزه بهمة ونشاط لاينفك يصَنع فهو ما بين تقطيع للجوالين وبين تربيط بالاسلاك حتي انك تحس ان لا وقت لديه للحديث جلست اراقبه وابهامي علي زر الكاميرا كان يعمل علي عربة إسعاف لم ينطق ببنت شفه حتي فرغ من تجميعها وتربيطها وانا أراقب وأصور
| |
|
|
|
|
|
|
Re: معرض الزهور السنوي بودمدني(صور) (Re: مازن الجمّال)
|
عارف يا ممدوح، مدنى كانت ولازالت صالة، ومعرض دائم لجميع أنواع، وضروب الفنون والأدب، فماذا كنا نفعل لولا مدنى، التى أشتهيها، وروحى "متقريفة" ليها، ففى مدنى تعلمت أن أقرأ الدنيا... بلغة جديدة، ومختلفة .
شكراً ليك يا ممدوح، سيرة الحبيبة العطرة، ورائحتها العبقة .
دمت، ودامت مدنى أبداً شاهقة الجمال والبسالة، و...التميّز .
| |
|
|
|
|
|
|
Re: معرض الزهور السنوي بودمدني(صور) (Re: عبدالله شمس الدين مصطفى)
|
Quote: عارف يا ممدوح، مدنى كانت ولازالت صالة، ومعرض دائم لجميع أنواع، وضروب الفنون والأدب، فماذا كنا نفعل لولا مدنى، التى أشتهيها، وروحى "متقريفة" ليها، ففى مدنى تعلمت أن أقرأ الدنيا... بلغة جديدة، ومختلفة .
شكراً ليك يا ممدوح، سيرة الحبيبة العطرة، ورائحتها العبقة .
دمت، ودامت مدنى أبداً شاهقة الجمال والبسالة، و...التميّز . |
عبدالله شمس الدين مصطفى
قالو مدني كفر ووتر
أحد ظرفائها أجاب عندما سؤل عنها
أقروها بالعكس لمن تفارقوها....
وفعلاَ يندم كل من يفارق مدني
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
مضغوط وحاتك بس يا ممدوح بقيت بجي داخل يوميا استمتع وامرق ويغلبني ارد
عارف يا ممدوح معرض الزهور سنويا كان عندنا برنامج اساسي بنمشي نقيل فيه من الصباح سنة 98 اظن كنا مشاركين في قسم الكمبيوتر وعلى ما اذكر كانت مقسمة الليالي على جميع اقسام المعرض بالايام وفي اليوم الكان علينا اخوك عمل فيها فنان ومسك المايك وكدا كنا عاملين لينا زي قروب صغيروني والوكت داك كان في فرقة برضو تابعة للرابطة الفرنسية اعضاءها ( الواثق بحيري - ومحمد عبد الرحمن - وصديق - وعباس - وولد تاني من مايو 40 ما متذكر اسمو ) كانوا مبدعين بمعنى الكلمة يا ممدوح وما عارفم مواصلين بغنو لحدي هسة ولا اتفرتقو ؟
المهم دي هسة اعتبرها هضربة زول مرهق ساي وبجيك تاني
| |
|
|
|
|
|
|
Re: معرض الزهور السنوي بودمدني(صور) (Re: مازن الجمّال)
|
Quote: سنة 98 اظن كنا مشاركين في قسم الكمبيوتر |
انت من الزمن داك موجود؟
كنتو طلبة في جامعة الجزيرة (إمام) ولا ما كدي؟
Quote: والوكت داك كان في فرقة برضو تابعة للرابطة الفرنسية اعضاءها ( الواثق بحيري - ومحمد عبد الرحمن - وصديق - وعباس - وولد تاني من مايو 40 ما متذكر اسمو ) كانوا مبدعين بمعنى الكلمة يا ممدوح وما عارفم مواصلين بغنو لحدي هسة ولا اتفرتقو ؟ |
بالجد ما عارف والله يامازن بس بسأل ليك
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
الأخ ممدوح
لك التحية
تزامن مع بوستك هذا ومع معرض الزهور اذاعة حلقة عبر قناة هارمونى عن مدنى وقد تغنى فيها فتاح السقيد وبلال موسى واخرون مما جعل مدنى تبقى فى الذاكرة متقدة وما زالت هارمونى تعيد بث تلك الاغانى بصورة منتظمة فارجو ان تتابع وتستمع وتستمتع ...
مع مودتى
| |
|
|
|
|
|
|
Re: معرض الزهور السنوي بودمدني(صور) (Re: قرشـــو)
|
Quote: الأخ ممدوح
لك التحية
تزامن مع بوستك هذا ومع معرض الزهور اذاعة حلقة عبر قناة هارمونى عن مدنى وقد تغنى فيها فتاح السقيد وبلال موسى واخرون مما جعل مدنى تبقى فى الذاكرة متقدة وما زالت هارمونى تعيد بث تلك الاغانى بصورة منتظمة فارجو ان تتابع وتستمع وتستمتع ...
مع مودتى |
نحيي قناة هارموني والقائمين علي أمرها
للاسف ياعم قرشو طبيعة عملي ما بتسمح لي بمشاهده التلفاز ...!! حيث أنني أعمل دوامين في اليوم
وبرضو ما لافقه
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
يتكون معرضهم من مجموعة من المشغولات اليدويه كالمفارش وغيرها لم أجد المشرف علي المعرض حتي آخذ منه بعض المعلومات ولضيق زمني إلتقطت بعض الصور ثم إتجهت ألي باقي المعارض وأعدكم بمزيد من المعلومات عن الجمعية إذا ما سنحت لي الفرصه مره أخري
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
الاخ ممدوح تحية عطرة-- لقد اعدت لنا الذاكرة الي الستينات والسبعينات حينما كان يقام في منزل الحاكم العسكري حسين علي كرار بعد ثورة اكتوبر وبعد ذلك في حديقة سليمان وقيع الله حينما كانت حديقة بحق-- معرض الزهور كان ملتقى للشباب من الجنسين -- اجمل الذكريات نحملها لذلك العهد الجميل -- شكرا لك لتذكيرنا بواحد من فعاليات مدني التي لن تندثر
| |
|
|
|
|
|
|
Re: معرض الزهور السنوي بودمدني(صور) (Re: الفاتح يوسف العبيد)
|
Quote: الاخ ممدوح تحية عطرة-- لقد اعدت لنا الذاكرة الي الستينات والسبعينات حينما كان يقام في منزل الحاكم العسكري حسين علي كرار بعد ثورة اكتوبر وبعد ذلك في حديقة سليمان وقيع الله حينما كانت حديقة بحق-- معرض الزهور كان ملتقى للشباب من الجنسين -- اجمل الذكريات نحملها لذلك العهد الجميل -- شكرا لك لتذكيرنا بواحد من فعاليات مدني التي لن تندثر |
الفاتح يوسف العبيد
بوجودكم يزدان المعرض ويصبح أكثر ألقاَ
فهل من أوبه لربوع مدني ؟؟
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
يا عمك
كلنا اتجولنا معاك ياخ!!
بي مناسبة الجولة دي إنت زول سواق خلاص
بالله البوست دا زي البتشرب ليك في بزيانوس بااااااااااارد
فت فت فت كدا لقيتو ليك كمل!!
معقولة ياخ واصل اصل صل ل الإبداع لإبداع إبداع بداع داع اع ع
ومني تستحق الـ دي
غايتو جنس زهور غايتو!!
| |
|
|
|
|
|
|
Re: معرض الزهور السنوي بودمدني(صور) (Re: محمد عبد الماجد الصايم)
|
Quote: يا عمك
كلنا اتجولنا معاك ياخ!!
بي مناسبة الجولة دي إنت زول سواق خلاص
بالله البوست دا زي البتشرب ليك في بزيانوس بااااااااااارد
فت فت فت كدا لقيتو ليك كمل!!
معقولة ياخ واصل اصل صل ل الإبداع لإبداع إبداع بداع داع اع ع
|
ياعمك بركه الشوفه
تسلم ياحبيب والسواقه إتعلمناها منكم إنت وابو حتحوت خليك قريب هنالك مفاجأت ويوجد ترحيل بعد العرض
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
ــــــــ ممدوح ياملهم.. تحيةطيبه ليك ولي ناس مدني ابويه..
لي كم كم يوم بدخل ..امتع عينيه.. وافك كربي .. وتبرد شوية خمة نفسي..
فانا عندي طلب عاوزك .. تاخذ احلي .. وردتين ..هدية مني ليك .. والثانيه .. تهديها لمن تحب ويعزو عليك .. (شرطا تكون طبيعية)
وتحياتي
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
شكراً أخى ممدوح على هذه السياحة التى ردّت نفسنا ....
الحمد لله رغم كل الحاصل لا زال هناك بعض قابض على جمر الإبداعات فى الوطن ...
الصائم قال :
Quote:
بالله البوست دا زي البتشرب ليك في بزيانوس بااااااااااارد |
وبنضيف عليهو ستيم وفرات وحتى الببسى من المصنع الجديد
عرِّج وكحِّل عيونا بموفدين مؤسسة الرهد الزراعية بناء على طلب الجمهور.
| |
|
|
|
|
|
|
Re: معرض الزهور السنوي بودمدني(صور) (Re: أبوبكر أبوالقاسم)
|
تسلم يا ممدوح على هذا الألق ،،، تتصور يومى لازم أدخل على البوست ده ،،، يومى شنو ،،، قول فى اليوم مرتين تلاته ،،، وده كله عشان نستمتع بجمال وفنون وروعة مدني ،،، تسلم وفى إنتظار المزيد من الصور والموضوعات ،،، مع محبتي.
| |
|
|
|
|
|
|
Re: معرض الزهور السنوي بودمدني(صور) (Re: محمد خليل ساني)
|
Quote: تسلم يا ممدوح على هذا الألق ،،، تتصور يومى لازم أدخل على البوست ده ،،، يومى شنو ،،، قول فى اليوم مرتين تلاته ،،، وده كله عشان نستمتع بجمال وفنون وروعة مدني ،،، تسلم وفى إنتظار المزيد من الصور والموضوعات ،،، مع محبتي. |
ساني ياعمك إنت سيد بوست تخش ذي ما تحب وترد علي الزوار في غيابي كمان
| |
|
|
|
|
|
|
Re: معرض الزهور السنوي بودمدني(صور) (Re: أبوبكر أبوالقاسم)
|
Quote: شكراً أخى ممدوح على هذه السياحة التى ردّت نفسنا .... |
ود أبو القاسم تسلم ياحبيب
Quote: عرِّج وكحِّل عيونا بموفدين مؤسسة الرهد الزراعية بناء على طلب الجمهور. |
واله أبن حلال أنا صورت المعرض ده بالزات ليه ما عارف؟واغلب الصور كانت من داخلو؟ لو سنحت لي فرصة تانية جأجهز ليك باقة من الصور
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
ما أجملهن حين يتقاسمن الخيط والسجاده وما وأجلهن وأعظمهن حين يتعاونّ علي مواساة بعضهن
أم سلمة أم لثلاثة من الاولاد وخمس من البنات تعمل علي ماكينة الخياطة منذ ثمانية عشر سنة أو تذيد.. خدوم لها ولد وبنت ولها مع إبرة الكوروشية زكريات أربعه سنوات ونيف
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
جلست علي طرف السجاده وبدأت الاسئلة الروتينية00... متي بدأتم بهذا العمل؟ وما العائد ؟ وماهي المواد المستخدمة؟.....
*أناوخالتك خدوم دي أتلاقينا هنا المعرض الفات أها من ديك بقينا نعمل سوا
وحسي المعرض ده تبع جمعيه خيرية بس لو جيت السنة الجاية حتلقي واحد بأسمنا
قالتها أم سلمة وهي ترمق شريكتها بإبتسامة حانية
*طيب الدخل حقكم ولا بمشي للجمعية؟ *لا حقنا والبضاعة حقتنا بس المعرض بأسم الجمعية
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
*عندكم شنو غير المفارش؟ ردت الخاله خدوم *إنت داير شنو؟ عندنا المفارش والملايات والشالات وشيالات الحلاوة ومناظر الجبص وكان داير تجهز شنطةعرسك بنجهزا ليك أها رايك شنو؟
أحسست والله علي ما أقول شهيد بأن من تحدثني هي أمي...
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
قلت لهم :
*صوركم دي حيشوفوها ناس أكتر من البحضرو التلفزيون وبره السودان كمان !!! ردت الخالة أم سلمي : *العمل ما عيب يا ولدي العيبة مدت الايد وقالت الخالة خدوم: *خلهي الناس البره يعرفو إنو نسوان السودان بمية راجل
مابال رجلاي لا يحملاني علي الذهاب؟ .......................... أهو سحر هاتين السيدتين أم أنه الاحساس بالعجز أمام كبريائهن؟
| |
|
|
|
|
|
|
Re: معرض الزهور السنوي بودمدني(صور) (Re: ممدوح أبارو)
|
Quote: *العمل ما عيب يا ولدي العيبة مدت الايد |
Quote: *خلهي الناس البره يعرفو إنو نسوان السودان بمية راجل |
نفس معنى العبارات دي و بنفس العزة و الكبرياء سمعتها من الخالة فاطمة في البوسطة امدرمان وانا بشتري منها طواقي يدوية الصنع الإجازة الفاتت قعدت معاها قريب ساعة وهي بتحكي عن الظروف و الراجل المات في الجنوب و الأولاد البقرو في الجامعات جاني نفس إحساس العجز دا يا ابارو مع إحساس غامر بفخري بنساء بلادي
| |
|
|
|
|
|
|
Re: معرض الزهور السنوي بودمدني(صور) (Re: محمد البشرى الخضر)
|
Quote: نفس معنى العبارات دي و بنفس العزة و الكبرياء سمعتها من الخالة فاطمة في البوسطة امدرمان وانا بشتري منها طواقي يدوية الصنع الإجازة الفاتت قعدت معاها قريب ساعة وهي بتحكي عن الظروف و الراجل المات في الجنوب و الأولاد البقرو في الجامعات جاني نفس إحساس العجز دا يا ابارو مع إحساس غامر بفخري بنساء بلادي |
عارف يا ود البشري لمن تطول من زول وتلاقية صدفة ويقول ليك أنو مسافر حسي قبل ما تشبع منو؟ أها دا إحساسي مع خالاتك ديل
Quote: نفس معنى العبارات دي و بنفس العزة و الكبرياء سمعتها من الخالة فاطمة في البوسطة امدرمان |
هكذا هن نساء بلادي
| |
|
|
|
|
|
|
Re: معرض الزهور السنوي بودمدني(صور) (Re: محمد سنى دفع الله)
|
Quote: من أجمل الأركان في المعرض كانت تعجبنا ركن الحمام والعصافير والببغاء باشكالها المختلفة وكان اول مرة ارى الحمام الرقاص في معرض الزهور في مدني |
ولا زالت أستاذنا محمد سني
ما أثار حيرتي أن هذه الطيور حين تقترب منها تصطف من غير خوف وكأنها تدعوك لمشاهدتها وإلتقاط صورها !!!!!
| |
|
|
|
|
|
|
|