|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
العزيز hanouf حقيقة دا موضوع بالغ الخطر و الحساسية و لو في قوي وطنية حقيقية ما بتمر مخططات زي دي تعرض الوطن لفقد سيادته.. علي كل قوي المجتمع الحية ان تستشعر مسؤولياته تجاه مستقبل الوطن.. دي قمة فساد الانقاذ و استهتارها بمصلحة الوطن و سيادته و استقراره.. منذ سرقتهم للسلطة اعملوا نهبا و تخريبا في كل المجالات و الآن يتحدثون عن تدهور اداء الدولة في كل المناحي كأن قوة اخري هي عبثت بالتعليم و الصحة و تخطيط المدن و البيع العشوائي للاراضي و افشال المشاريع الزراعية و الخدمية و الانتاجية.. هذه في حد ذاتها مصايب عظيمة لكنها تظل في حدود الوطن.. اما البيع البخس للدول و المؤسسات و الافراد الاجانب فهذه كوارث لا يجب السكوت عليها ابدا.. الاحزاب المهمشة في السلطة عليها ان تقف مواقف مشرفة حتي اذا اطرت للخروج من موقع يحملها مسؤولية تاريخية بهذا الحجم..
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
Quote: علي كل قوي المجتمع الحية ان تستشعر مسؤولياته تجاه مستقبل الوطن.. دي قمة فساد الانقاذ و استهتارها بمصلحة الوطن و سيادته و استقراره.. منذ سرقتهم للسلطة اعملوا نهبا و تخريبا في كل المجالات و الآن يتحدثون عن تدهور اداء الدولة في كل المناحي كأن قوة اخري هي عبثت بالتعليم و الصحة و تخطيط المدن و البيع العشوائي للاراضي و افشال المشاريع الزراعية و الخدمية و الانتاجية.. هذه في حد ذاتها مصايب عظيمة لكنها تظل في حدود الوطن.. اما البيع البخس للدول و المؤسسات و الافراد الاجانب فهذه كوارث لا يجب السكوت عليها ابدا.. الاحزاب المهمشة في السلطة عليها ان تقف مواقف مشرفة حتي اذا اطرت للخروج من موقع يحملها مسؤولية تاريخية بهذا الحجم.. |
العزيز نصار ما قلته يعبّر عني تماما لك التحية يا عظيم
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
هناك نغمة غير محببة عند تناول هذا الموضوع الشائك .
لم أستمع للتسجيلات التي أحضرها البعض هنا لكن يبدو جلياً أن هناك عدم ثقة وعدم قبول وكراهية يتم تغذيتها .
يوجد ملايين السودانيين في مصر الآن ودائماً ما كانت مصر ملاذاً آمناً للسودانيين على إختلاف مشاربهم(حتى حادثة الميدان المشئومة) لكن تظل علاقة الشعوب متميزة وإن كدر صفوها رجال السياسة.
لا اعلم لمصلحة من تغذى هذه الكراهية تجاه كل ماهو مصري ؟
عموماً في فمي ماء .
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: محمد عادل)
|
(*)
يا(صديقي) , ..
المصريون يبحثون عن حلول لأزماتهم , ..
في يوم ما كان أحد حلولهم في إغراق (حلفا)
واليوم أيضاً , ..
يبحثون حلول في إغراق ماتبقى من (حلفا)
وفي إستغلال أرض أهلنا , ..
لست ضد أن تتشارك الشعوب مصالحاً, ..
وأن تتكامل , ..
لكن القليل من العدل , ..
والعزة , ..
والكرامة . ..!!
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: كمال علي الزين)
|
Quote: المصريون يبحثون عن حلول لأزماتهم , ..
في يوم ما كان أحد حلولهم في إغراق (حلفا)
واليوم أيضاً , ..
يبحثون حلول في إغراق ماتبقى من (حلفا)
وفي إستغلال أرض أهلنا , ..
لست ضد أن تتشارك الشعوب مصالحاً, ..
وأن تتكامل , ..
لكن القليل من العدل , ..
والعزة , ..
والكرامة . ..!! |
الحاصل في السودان بيع وطن
انت رأيك شنو يا ازهري 2 انتو الإتحاديين معانا ولا ....بايعين وله ما بايعين
عشان نمسك التنظيمات واحد ورا التاني
وين الامة وين الشيوعي وين اللبرالي الحركة الشعبي وحتي الوطني البائع
للتاريخ خلونا نوثق
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
Quote: الحبيب محمد هو لسه الوطن ماتباع هو فضل شنو غير تراب الوطن واظنو ذاتو ناس المتعافى باعو ديل ياخى ناس المؤتمر الوطنى باعو المواطن السودانى بدراهم بخسا للبسوى والمابسوى
|
محمد عادل تحياتي
رأي حزبك بس لو سمحت
الحكومة باعت من حلفا لحدي دنقلا وباعات من الخرطوم لحدي كوستي
دايرين رأي احزاب لو سمحا
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
و الله يا محمد ما عندنا أي مانع يجوا يزرعوا و يشتروا قمحهم.. و بنديهم سعر أحسن من السوق العالمي لكن يزرعوا لملاك سودانيين.. و الدولارات الداخلة دي تخش جيوب مواطنين نحن ناقصين نبقى فلسطين تانية كمان؟ الموضوع مرعب بالجد و الناس لازم تقيف ألف أحمر كدي لمن يرجعوا حلايب خليهم يجوا يتفاصحوا و يقولوا السودان الشقيق بتاعتهم دي..
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: fadlabi)
|
فاضلابي
Quote: و الله يا محمد ما عندنا أي مانع يجوا يزرعوا و يشتروا قمحهم.. و بنديهم سعر أحسن من السوق العالمي لكن يزرعوا لملاك سودانيين.. و الدولارات الداخلة دي تخش جيوب مواطنين نحن ناقصين نبقى فلسطين تانية كمان؟ الموضوع مرعب بالجد و الناس لازم تقيف ألف أحمر كدي لمن يرجعوا حلايب خليهم يجوا يتفاصحوا و يقولوا السودان الشقيق بتاعتهم دي..
|
ديل مستعمرين جدد واشترو وباعوا فينا بواسطة الحكومة ...ما تحليك طيبان ساي
راجع الفيديو ومأساة كجبار وبيع اراضي النيل الابيض ...قبله بيع ارض الاحلام لاحمد بهحت في جنوب الخرطوم والقتل والموتي في مخطط دريم
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
Quote: ما رأي الاحزاب السياسية في المنبر: حزب الأمة الاتحادي الديموقراطي الشيوعي اللبرالي الحركة الشعبية المؤتمر الشعبي المؤتمر الوطني الحركة الشعبية البعث العربي حركة تحرير السودان العدل والمساواة
في عرض السودان للبيع؟؟؟؟؟
ماذا تقولون |
الـهميم مـحمد إدريـس
لـو الـرد مـا بـطلع مـن مـكاتبهم الـسياسية فـي مـصر مـا بـتكون فـي مـشكلة..
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: محمد عادل)
|
Quote: الحبيب محمد حليم يرايت توضح اكتر من من الالتباس |
اخونا محمد عادل ما اسمه محمد حليم...اسمه احمد عالم وقصده واضح يعني غالبية الاحزاب في جيب الحكومة المصرية عدا بعض القوي الحديثة والتاريخ يشهد موقف السيّدين لما حلفا اتباعت...بالمناسبة عبود ما باع حلفا ...عبود نفذ أوامر محددة..وعبود ما عمل انقلاب...السيدين سلموه السلطة التاريخ ده ناسنا عارفنه تماما...واربعين سنة ما بعيدة والناس حاضرة التهجير والبيع
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: GamarBoBa)
|
Quote: و الله يا محمد ما عندنا أي مانع يجوا يزرعوا و يشتروا قمحهم.. و بنديهم سعر أحسن من السوق العالمي لكن يزرعوا لملاك سودانيين.. و الدولارات الداخلة دي تخش جيوب مواطنين نحن ناقصين نبقى فلسطين تانية كمان؟ الموضوع مرعب بالجد و الناس لازم تقيف ألف أحمر كدي لمن يرجعوا حلايب خليهم يجوا يتفاصحوا و يقولوا السودان الشقيق بتاعتهم دي.. |
كفيت ووفيت
وتحياتي لمدينة
وبث
_______________ بنكون اتلاقينافي الغربي يافاضلابي
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: محمد عادل)
|
تسلم محمد ادريس بالمناسبه المصريين لو ما لقو حل حياكلو بعض داير الجد مصر كلها بتفكر تهاجر الى السودان الحلاق تحلق عندو يقول ليك اها السودان لوفتحتا بتاع التاكسي سيد الخضار بتاع البقاله كلهم عاوزين يمشو السودان .... حتى في السعوديه يا محمد ادريس المصريين بقو يقولوا لينا انت لسه ما رحتش السودان الجنيه بقى بكم كده مش عارف والسبب منو انعل .................. الانقاذ والله المفروض بعد كده نشتكيهم لاي محمكة عاوزين نرجع الى ما قبل تنقذونا الله يقتص حجركم يا العاوزين تقتصو حجر ام شعب كامل
الحل السلاح ثم السلاح .... من وين ما تقول لي من اسمره ولا من الغرب ولا الشرق في الخرطوم جوه وانشاء الله تولع ولا نبقى بلا وطن معليش يا شباب منفعل شديد لاني خلاص بقيت ما عارف اعمل شنو
فل يسقط البياعين
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
الجميل hanouf56 تحياتي لك و لكل المتداخلين و القراء الجميلين
أحببت أن ألفت النظر فقط أن لهذا العالم العربي حدود جغرافية فقط مع أنه يفضل أن لا تكون هنالك حواجز من الأصل.. فلقد علمنا من رسولنا الكريم أن المسلمين إخوة، فيكف أركن إلى إخوتي و هم جوعى و مرضى دون أن أساعدهم. أنظر إلينا نحن السودانيون ( سودانيو الشتات) .. ألا ترى أن معظمنا هاجرنا إلى بلاد أخرى لكسب العيش ؟ و قدرما أستهزأ بهم الغير فكرهناهم لأنهم لا يسيئون لفرد و إنما لأمتنا؟
أنظر إلى مصر و السودان أنهم ذات يوم كانوا وادي النيل لولا دخول أيادي أفشلت ذاك المخطط. أنظر أين نحن و أين هم؟ بالفعل لدينا مواردنا و لكن ليس لدينا أيدي عاملة .. فنعرف جيدا في من نرمي بلائمتنا.
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: wail tagelsir abdalla)
|
Quote: أحببت أن ألفت النظر فقط أن لهذا العالم العربي حدود جغرافية فقط مع أنه يفضل أن لا تكون هنالك حواجز من الأصل.. فلقد علمنا من رسولنا الكريم أن المسلمين إخوة، فيكف أركن إلى إخوتي و هم جوعى و مرضى دون أن أساعدهم. أنظر إلينا نحن السودانيون ( سودانيو الشتات) .. ألا ترى أن معظمنا هاجرنا إلى بلاد أخرى لكسب العيش ؟ و قدرما أستهزأ بهم الغير فكرهناهم لأنهم لا يسيئون لفرد و إنما لأمتنا؟
أنظر إلى مصر و السودان أنهم ذات يوم كانوا وادي النيل لولا دخول أيادي أفشلت ذاك المخطط. أنظر أين نحن و أين هم؟ بالفعل لدينا مواردنا و لكن ليس لدينا أيدي عاملة .. فنعرف جيدا في من نرمي بلائمتنا.
|
الاخ وائل انت زول بيع ساي
لو قالو ليك انت تاجر ودقسناك
كلامك حيكون شنو؟.
راجع شروط البيع لانسان بملك حاجته وما داير يبيعها ....الفاضلابي خت معايير كويسة ما كعبة
_____________- نحن ما بايعين
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: wail tagelsir abdalla)
|
العزيز وائل
Quote: و الله يا محمد ما عندنا أي مانع يجوا يزرعوا و يشتروا قمحهم.. و بنديهم سعر أحسن من السوق العالمي لكن يزرعوا لملاك سودانيين.. و الدولارات الداخلة دي تخش جيوب مواطنين نحن ناقصين نبقى فلسطين تانية كمان؟ الموضوع مرعب بالجد و الناس لازم تقيف ألف أحمر كدي لمن يرجعوا حلايب خليهم يجوا يتفاصحوا و يقولوا السودان الشقيق بتاعتهم دي.. |
ارجو مراجعة هذه المداخلة من الصديق الفاضلابي ...
نحن لسنا ضد الشعب المصري نحن ضد بيع الوطن للمصرين.
بيع من لا يملك لمن لا يستحق .
نحن ضد ان نغرق للمرة الخامسة من اجل عيون الاخرين ,
___________________ كل الود
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: Medhat Osman)
|
قصيدة لمحجوب شريف
الدم شلال ..... السد ارواح الموج اترنح في الحلال اتراح اتراح شهداء حياتم يا لله تلال .. وظلال ومعيشة حلال..... وضمير مرتاح تاح... تاح .... تاح.... تاح
بينم وبين الحبة محبة وبينم وبين الضفة صراح جنا يا حليلو سبيط اتدلي... مرصص راح كم الورد صباهو .. عيونو لسع فيهن باقي مزاح اسال عنو حفيف العشب لم يكسر في عمرو جناح غني معاهو القمري زمانك حسع راح
بابا جاب الهم والذم والسد ينسد وحسع ينزاح بابا جاب الهم والذم والسد ينسد يوما ينزاح نحن كذلك برضو كفاية .... كفاية كفاية كفاية جراح اي زيادة حنبقي نفاية ويبقي الطمي في العين سفاية وكل وطنا بيوت اشباح اهي دارفور الصمت رماها جياع وحفايا وآ اسفايا وآ اسفايا كاني بايدي طعنت قفايا كفاية كفاية كفاية كفاية حريق وصياح ويا ادروب سامحنا سكتنا عرق اتصبب .. ودمك ساح سلك.. وزلك..راحل ضلك..منهك كلك ليل وصباح ويوم فتحتو وراكم.. تاح ترراح... تاح ترراح السودان الوطن الواحد شبرا شبرا بقي نتاح يا اشعار العار العار اذا ما الحنضل بقي تفاح وتم تررم.... مع تاح ترراح كم سفاح ارتاح واتقدل.... والكاتلنا انحنا سماح اعتي دروع وجذوع تتهاوي.. وشتلة تقاوم اعتي رياح
شعر محجوب شريف
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
قال الأزهري2 "يوجد ملايين السودانيين في مصر الآن ودائماً ما كانت مصر ملاذاً آمناً للسودانيين على إختلاف مشاربهم(حتى حادثة الميدان المشئومة) لكن تظل علاقة الشعوب متميزة وإن كدر صفوها رجال السياسة." لكن يا ناس المؤتمر الوطني إنتو بالجد مضحكين، تطردوا السودانيين من السودان، وبعدين، لمن يواجهوكم بإنكم بعتوا السودان لمصر تقولوا ماهم ديك السودانيين في مصر؟؟؟ مش ملايين مصر بس، هناك ملايين أخري موزعة في أنحاء العالم من أستراليا لأوربا لأمريكا مرورا بالسعودية والخليج، والسبب سياستكم الخرقاء التي رقدتكم إنبراشا لمصر.
المصريين عملوا ليهم مشروع كلف ملايين الدولارات في توشكي في داخل الأراضي المصرية ولم يذهب إليه سوي قلة قليلة، فهل هناك مغريات أكثر للحضور للسودان؟ خريجو الزراعة في مصر لم يذهبوا لتوشكي للزراعة فما بالك بخريجي الطب والقانون والإقتصاد ...ألخ؟؟؟ وحال خريجي مصر هو حال خريجي السودان، وإلا لما فشلت تجربة كناف أبونعامة مع خريجي الزراعة في آخر الثمانينات من القرن الماضي.
ما عندنا مانع تجي عمالة مصرية للسودان، لكن لماذا تنزع الدولة الاراضي من أصحابها الأصليين في الشمالية وتضايقهم في الرزق والخدمات عشان يفرتقوا؟؟؟ هل لآن المصريين لن يأتو كعمالة (عمال تراحيل) ودايريين يتملكوا الأرض؟؟
أفتكر زي ما حكومة السودان بتحل مشاكلها بتشريد الناس من السودان، حكومة مصر عايز تعمل نفس الشئ وتطرد المصريين من مصر (نعمل إيه ما الشعوب بقت عالة علي حكامها). حكومة المؤتمر الوطني تريد أن تشتري رضاء مصر بأي تمن، ومصر لديها أزمة حكم حقيقية، داير ليها مخارجات من أية جهة جاءت.
والأيام القادمة كفيلة بكشف كثير من الحقائق
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: Nasr)
|
Quote: قال الأزهري2 "يوجد ملايين السودانيين في مصر الآن ودائماً ما كانت مصر ملاذاً آمناً للسودانيين على إختلاف مشاربهم(حتى حادثة الميدان المشئومة) لكن تظل علاقة الشعوب متميزة وإن كدر صفوها رجال السياسة." لكن يا ناس المؤتمر الوطني إنتو بالجد مضحكين، تطردوا السودانيين من السودان، وبعدين، لمن يواجهوكم بإنكم بعتوا السودان لمصر تقولوا ماهم ديك السودانيين في مصر؟؟؟ مش ملايين مصر بس، هناك ملايين أخري موزعة في أنحاء العالم من أستراليا لأوربا لأمريكا مرورا بالسعودية والخليج، والسبب سياستكم الخرقاء التي رقدتكم إنبراشا لمصر.
المصريين عملوا ليهم مشروع كلف ملايين الدولارات في توشكي في داخل الأراضي المصرية ولم يذهب إليه سوي قلة قليلة، فهل هناك مغريات أكثر للحضور للسودان؟ خريجو الزراعة في مصر لم يذهبوا لتوشكي للزراعة فما بالك بخريجي الطب والقانون والإقتصاد ...ألخ؟؟؟ وحال خريجي مصر هو حال خريجي السودان، وإلا لما فشلت تجربة كناف أبونعامة مع خريجي الزراعة في آخر الثمانينات من القرن الماضي.
ما عندنا مانع تجي عمالة مصرية للسودان، لكن لماذا تنزع الدولة الاراضي من أصحابها الأصليين في الشمالية وتضايقهم في الرزق والخدمات عشان يفرتقوا؟؟؟ هل لآن المصريين لن يأتو كعمالة (عمال تراحيل) ودايريين يتملكوا الأرض؟؟
أفتكر زي ما حكومة السودان بتحل مشاكلها بتشريد الناس من السودان، حكومة مصر عايز تعمل نفس الشئ وتطرد المصريين من مصر (نعمل إيه ما الشعوب بقت عالة علي حكامها). حكومة المؤتمر الوطني تريد أن تشتري رضاء مصر بأي تمن، ومصر لديها أزمة حكم حقيقية، داير ليها مخارجات من أية جهة جاءت.
والأيام القادمة كفيلة بكشف كثير من الحقائق
|
نسلم نصر وعبرت عننا
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
Quote: بسم الله الرحمن الرحيم
بتاريخ السادس من أبريل وبدعوة من الأستاذ /عادل عوض سليمان والي الولاية الشمالية أجتمعت اللجنة الشعبية العليا لمناهضة سد كجبار برئاسة الأستاذ عز الدين ادريس وأعضاء اللجنة الممثلين لشياخات المنطقة التي ستتضرر في حالة قيام السد بالسيد الوالي . في مستهل اللقاء رحب الوالي بأعضاء اللجنة مؤكداً أن الاجتماع أولي وتمهيدي لتعميق التعارف والتلاقي ووضع خارطة طريق لإدارة حوار ونقاش حول هذا الموضوع وتعزيز الثقة بين اللجنة والحكومة وإدارة حوار في القرى والشياخات وإعتبار الحوار الوسيلة المثلى لذلك . أستهجن أعضاء لجنة المناهضة المسلك الحكومي في طرحها للقضية في دول الإغتراب والخرطوم دون وضع المعنيين بالأمر في المنطقة في الإعتبار كما تحدثوا عن العراقيل والمعوقات التي تواجهه من إعتقالات وملاحقات ومنعهم من إستغلال المنابر لشرح قضيتهم للمواطنين والرأي العام ومنع أجهزة الإعلام المختلفة من تناول القضية علي مستوى الولاية والمركز كما طالب أعضاء الوفد السيد الوالي إطلاعهم على موقف التحقيقات في قضية إغتيال أربعة من أبناء المنطقة وذلك وفقاً لما أكده الوالي في لقاء فريق لمتابعته لملف الشهداء وتتطرق أعضاء اللجنة لقضايا التنمية التي تخص المنطقة وطالب وفد المناهضة الوالي أن تكون زيارته للمنطقة بالتنسيق مع اللجنة وإعتبارها المنفذ للحوار مع المواطنين وأتفق الطرفان على الآتي :- أولاً :- الحوار المباشر مع السلطات دون وسيط وأن يتم ترتيب اللقاءات عبر سكرتارية اللجنة مباشرة . ثانياً :- إيقاف الإعتقالات والملاحقات الأمنية لأعضاء اللجنة وكافة المناهضين وتأكيد أن الحوار هو الوسيلة الوحيدة للطرفين . ثالثاً :- حرية الحركة وإقامة الندوات وفتح المنابر الإعلامية للجنة المناهضة على مستوى الولاية . رابعاً :- ألتزم الطرفان علي إستمرار اللقاءات التحاورية بينهما بدنقلا والمنطقة . خامساً :- أكد الطرفان على أن مواطني المنطقة هم المناط بهم رفض أو قبول قيام السد . سادساً :- تم تحديد أجندة الإجتماع القادم وهي :- 1- ملف الشهداء . 2- قضية السد رفضاً أو قبولاً . 3- قضايا التنمية عامةً بالمنطقة . 4- وضع جدول للعمل . وأتفق الطرفان على أن يتم اللقاء القادم بعد الإنتهاء من التعداد السكاني . إننا في اللجنة الشعبية العليا لمناهضة سد كجبار نتمسك بموقفنا الرافض لقيام السد لأن ذلك يمثل خيار مواطني المنطقة وندعو المواطنين في المنطقة وكل أنحاء السودان ودول الإغتراب للإلتفاف حول قضيتهم ونحن قادرون علي الإجتياز بمنطقتنا إلي بر الأمان . والله نسأله التوفيق والسداد عز الدين ادريس رئيس اللجنة الشعبية العليا لمناهضة سد كجبار 7\4\2008م |
| |
|
|
|
|
|
|
Re: ابحثو عن وطن فياجوج وماجوج في الطريق (فيديو بس) (Re: hanouf56)
|
Quote: أستهجن أعضاء لجنة المناهضة المسلك الحكومي في طرحها للقضية في دول الإغتراب والخرطوم دون وضع المعنيين بالأمر في المنطقة في الإعتبار كما تحدثوا عن العراقيل والمعوقات التي تواجهه من إعتقالات وملاحقات ومنعهم من إستغلال المنابر لشرح قضيتهم للمواطنين والرأي العام ومنع أجهزة الإعلام المختلفة من تناول القضية علي مستوى الولاية والمركز كما طالب أعضاء الوفد السيد الوالي إطلاعهم على موقف التحقيقات في قضية إغتيال أربعة من أبناء المنطقة وذلك وفقاً لما أكده الوالي في لقاء فريق لمتابعته لملف الشهداء وتتطرق أعضاء اللجنة لقضايا التنمية التي تخص المنطقة وطالب وفد المناهضة الوالي أن تكون زيارته للمنطقة بالتنسيق مع اللجنة وإعتبارها المنفذ للحوار مع المواطنين |
| |
|
|
|
|
|
|
| |