|
أنـا والحـنـيـــن
|
أنا والحنين ... وأشواق تفيض ... زخات مطر ... أرضاً يباب درباً طويل... سكة رجوع وأمواج سراب أفراح وزيف... وعداً كضب ... زفرات عذاب غصة ودموع ... صرخات طبول ... حضرة وغياب ليلاً سوادو ملا الفضا حتى القمر اتدس غاب فجراً لبس لون الحداد شمساً ملفحة بالسحاب وأنا والحنين ... غصنا البحر شالنا التساب
********************************
أنا والحنين ... مدينا إيدنا علي النجوم يا نجمة كان نلقى الجواب مين اللي شال ضيك مرق بدل بريقك بالسجم وأصبح رهاب مين الكتم ضحك النسيم بدل صفيقات الشجر صارن حراب آه ياحنين ... تايهين مع الزمن الوجع ... ضايعين مع الزمن الخراب
********************************
أنا والحنين ... أحلام بعيدة مشتتة ضلين وغطاهم ضباب حرفاً يتيم ... نايح يفتش للصحاب انهد حيلو من البكا مكسور معفّر بالتراب أنا والحنين ... لوناً رماد ... بقّع وريقات الكتاب وأنا والحنين ... لحناً نشاز فينا انقطع وتر الرباب
|
|
|
|
|
|
|
|
Re: أنـا والحـنـيـــن (Re: بله محمد الفاضل)
|
Quote: لكم يقتلنا الحنين شكراً لأنكِ أوجعتني فنفثت من الآهاتِ ما أراحني |
يملؤنا الحنين فنفيض وعداً ...
يحرك كل كوامننا ...
وهكذا نخرج كل ما بنا من أوجاع ... و... حنين
ونعود فنمتليء من جديد
شكراً نبيلاً
| |
|
|
|
|
|
|
Re: أنـا والحـنـيـــن (Re: نهلة محكر)
|
مرحباً بحضورك الراقي اختنا وزميلتنا نهلة كلمات جميلة وضربة بداية موفقة إنشاء الله سعدنا بتواجدك بيننا شاعرة رقيقة وبلا ادني شك انتِ إضافة حقيقية للمنبر .
| |
|
|
|
|
|
|
Re: أنـا والحـنـيـــن (Re: هاشم أحمد خلف الله)
|
Quote: مرحباً بحضورك الراقي اختنا وزميلتنا نهلة كلمات جميلة وضربة بداية موفقة إنشاء الله سعدنا بتواجدك بيننا شاعرة رقيقة وبلا ادني شك انتِ إضافة حقيقية للمنبر . |
وجودي بينكم هو مفخرة لي ...
أناسٌ يقارعون الحرف وينظمون الكلم الموشى والنضيد
أنتم إضافة لي كونكم تعرفون مكامن الجمال ... فأقتبس منكموأسير على دربكم
كل الود
| |
|
|
|
|
|
|
Re: أنـا والحـنـيـــن (Re: نهلة محكر)
|
أنا والحنين..اتنين صحاب شلنا الأمل..رغم العذاب عدينا ليك بي شوق وريد كلماتنا ليك لحن الرباب أبحرنا في أمواج هواك لقينا نيلك كان سراب مرقنا لي قيفك بنشكي مابي ليه..بحرك..إياب مرّة يوعدنا برجوعو.. ومرَّة يغريهو الشباب يجري في سكة محبة يدي احلامنا الرهاب
_________ نهلة الف مراحب بيك
| |
|
|
|
|
|
|
Re: أنـا والحـنـيـــن (Re: تماضر الخنساء حمزه)
|
انا والحنين.. قصة غرام ريدتنا نجمات بالضُحى تلمع تبين.. رغم السنين.. وجفا الشموس المحرقة وصدى الانين.. من جوة اعماق مغرقة في لجة الشوق الدفين لي بس حنين قمرا يلاقي شموس مضيئة ومشرقة..
فكرِك بصل؟؟
ما دام وصلنا لحد التمتع بروعة حنينك.. فحتما سيصل الينا الحنين...
كل الود يا نهلة....
| |
|
|
|
|
|
|
Re: أنـا والحـنـيـــن (Re: Rasha Hatim)
|
Quote: انا والحنين.. قصة غرام ريدتنا نجمات بالضُحى تلمع تبين.. رغم السنين.. وجفا الشموس المحرقة وصدى الانين.. من جوة اعماق مغرقة في لجة الشوق الدفين لي بس حنين قمرا يلاقي شموس مضيئة ومشرقة.. |
أنا والحنين ... والأمسيات آهة والم ... دمعًاً سخين أنا والحنين ... والإنتظار دمعاً هطل... مطراً حزين وأنا والحنين ... رحلة ضفاف ... جاهلين طريقنا يكون لوين
ياريت يصل ...
Quote: ما دام وصلنا لحد التمتع بروعة حنينك.. فحتما سيصل الينا الحنين...
كل الود يا نهلة.... |
الرقيقة رشا... ما دام سايقنا الحنين ... أكيد راح نوصل
ممنونة كونك هنا
ودي
| |
|
|
|
|
|
|
Re: أنـا والحـنـيـــن (Re: تماضر الخنساء حمزه)
|
Quote: أنا والحنين..اتنين صحاب شلنا الأمل..رغم العذاب عدينا ليك بي شوق وريد كلماتنا ليك لحن الرباب أبحرنا في أمواج هواك لقينا نيلك كان سراب مرقنا لي قيفك بنشكي مابي ليه..بحرك..إياب مرّة يوعدنا برجوعو.. ومرَّة يغريهو الشباب يجري في سكة محبة يدي احلامنا الرهاب |
أنا والحنين صفحات كتاب ممزوع ... مشتت للرهاب زرعات أسى راجية السراب مسقية بالخوف والعذاب
خناس ... يا حرفاً مشبع بالحنين ... يا سر وجود أحلى الغنا راجياهو مطرك من سنين يخدر حروفي يلونا...
ممتنة كونك هنا
| |
|
|
|
|
|
|
Re: أنـا والحـنـيـــن (Re: نهلة محكر)
|
انا والحنين اشواق سنين اصوات نواح قلبا دفين ضايق حزين زايد انين مشتاق يعافر في السنين
انا والحنين ليلا جميل ونسيم عليل شلة صحاب جمبك يا نيل ضحكات تسيل ممدودة ميل واغاني تطرب بيك يا ليل
_______________
نهلة بت محكر
مشتاقين كميات
| |
|
|
|
|
|
|
Re: أنـا والحـنـيـــن (Re: مازن الجمّال)
|
Quote: أنا والحنين ... أشواق تفيض ... |
Quote: انا والحنين اتنين صحاب |
Quote: انا والحنين قصة غرام |
Quote: انا والحنين اشواق سنين |
وما اجمل الحنين عندما يرسم بالدواخل شتى اللوحات....
طربت لهذا النبض الواحد أيما طرب...
هارموني سودانية
| |
|
|
|
|
|
|
Re: أنـا والحـنـيـــن (Re: تماضر الخنساء حمزه)
|
Quote: حضرة وغياب ليلاً سوادو ملا الفضا حتى القمر اتدس غاب فجراً لبس لون الحداد شمساً ملفحة بالسحاب وأنا والحنين ... |
تسلمي يارائعة،وشكراً على هذه الحروف الوهاجة
تحياتي للجميع وخصوصاً احمد
| |
|
|
|
|
|
|
Re: أنـا والحـنـيـــن (Re: نهلة محكر)
|
Quote: أنا والحنين ... وأشواق تفيض ... زخات مطر ... أرضاً يباب درباً طويل... سكة رجوع وأمواج سراب أفراح وزيف... وعداً كضب ... زفرات عذاب غصة ودموع ... صرخات طبول ... حضرة وغياب ليلاً سوادو ملا الفضا حتى القمر اتدس غاب فجراً لبس لون الحداد شمساً ملفحة بالسحاب وأنا والحنين ... غصنا البحر شالنا التساب |
ياالف مراحب بالحروف الجميله وصاحبة الحروف الجميلة مرحبتين حبابك نهلة اهلا بيك ..
| |
|
|
|
|
|
|
Re: أنـا والحـنـيـــن (Re: نهلة محكر)
|
ــــــــ انا والحنين مافيش رقاد العيون مزرودات رماد الحبيب مارحم الفؤاد العذاب شاخ وكِبر لازهر لاورد لاعطر الشوق دافق بحر خاطري انكسر الوديع ماجبر انا والحنين والهم سكت الكلام شهق الآ لم بكي القلم مافيش نوم قلبي شاكي اليوم القمره حنت وتاوقت النسمه الحِلوه مرقت دلوكة اللهفة طقت شِرقت .. فرحت .. غنت .. انا والحنين وكلامي(كُتر) نهاراً كجُر.. ليلاً فقُر.. الحِلو عندي مُر لحظه في بعدك حبيبي جمُر : : : :
ازيكم نهله وتماضر ورشا .. استاذناهاشم سلامات
مازن كيفك انا قلت النجاملك قاعد تجادع براك وسط الحريم
| |
|
|
|
|
|
|
Re: أنـا والحـنـيـــن (Re: نهلة محكر)
|
أنا والحنين ... وأشواق تفيض ... زخات مطر ... أرضاً يباب درباً طويل... سكة رجوع وأمواج سراب أفراح وزيف... وعداً كضب ... زفرات عذاب غصة ودموع ... صرخات طبول ... حضرة وغياب
بت محكر، انا و الحنين شوق الشوق
| |
|
|
|
|
|
|
Re: أنـا والحـنـيـــن (Re: خدر)
|
نهلة محكر يا ابنة الخال معقولة بس ، طيب ماتقولي عووك!!... المهم الف مرحب بيك ، جميل ماتكتبيه... عندي فكرة اجي اعزم نفسي فطور عندك ، الايام دي انا في (هواشا) قريب منكم لانو انا كنت عايز اعزمك بس انت مع الناس الميتين مابتاكلي فلذا حولناها عندكم وبي بيتزا شفي المقدرة كيف... سورى للخستكة واصلى..
نهلة.. وسع هذا السطر ان يلد انتماء لايقود الى ارتماء فوق حاضرة تشاكس ..او شعارات تعاكس ..او مدرات لئيمة.. صديقتي التي لاتنضب من الجمال.. نستقى منكِ الروح..
التحايا النواضر..
| |
|
|
|
|
|
|
Re: أنـا والحـنـيـــن (Re: معتز تروتسكى)
|
Quote: مين اللي شال ضيك مرق بدل بريقك بالسجم وأصبح رهاب مين الكتم ضحك النسيم بدل صفيقات الشجر صارن حراب آه ياحنين ... تايهين مع الزمن الوجع ... ضايعين مع الزمن الخراب
|
رائع يا نهلة وسلامتك من الحنين اتمنى ان تكتبي المزيد
| |
|
|
|
|
|
|
Re: أنـا والحـنـيـــن (Re: نهلة محكر)
|
الإخوة الكرام...
عبده عبد الحميد
ماجدة عوض خوجلي
الصحافة 30
عماد الطيب
محمد خليل
رأفت ميلاد
طلحة عبدالله
محمد مهاجر
رحاب خليفة
خدر
معتز تروتسكي
محمد عبد القادر
اقبلوا اعتذاري على التأخير
وسأعود إليكم ... كلٌ على حدة
| |
|
|
|
|
|
|
|