|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
Quote: [ود البشير والله وحشنا .. مع إنها 48 ساعة لحدي الآن نتمنى له التوفيق وسلامة العودة .. وبتنا دكتورة شذا ما بنديها عوجة بإذن الله
|
>>>>>>>>>>>>>>>>>>>>>>>>>>>>>> الحبيب عادل شكرآ جميلآ لشعورك الطيب..وهذا من أصل معدنك..شذى لما أتكلم معها بالتلفون تقول لى ما شاء الله كثير من الناس إتصلوا بطمنو على بقيت شخصية مهمة بعد غيابك يا بابا وعمو عادل إتصل أكثر
من مرة بطمئن على ...
ربنا يحفظ لك أولادك يا عادل ويسعدكم يا رب....
إسماعيل محمد احمد عباس..................
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
ألأخ/أزهرى نور الهدى..
......................... الأخ إسماعيل
ما تدينا غشوة حلتنا قريبة من جماعتك ديل....
ألف سلامة و عودا حميدا مستطاب إنشاء الله .............................
بنيتى أمر كل ألأخوان وألأخوات..والجايات أكتر من ألرايحات إن شاء الله..
زيارات ورش العمل بتكون مضغوطة شديد وببرنامج محدد ....والله فى النية..على ألأقل نقابل الناس اللطاف
زى أخواتنا منى وماجدة وخضر الطيب..لكن أبشروا إن شاء الله بواحدة خاصة لو ربنا سهل..
مودتى..
إسماعيل محمد اجمد عباس.....
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
ألأخت/العزيزة
الكريمة بنت بيت الكرم..
لك الشكر أجزله....والتحية عبرك لدكتور أبوبكر وطمنينا عليه..
........................
Quote: ربنا يكتب سلامتو ويرجع طيب لكن لو رجع الرياض طوالى وماغشانا بنزعل والله 45 دقيقه مننا بس تحياتى ليك اخى بشير وتحياتى لاسرة اخى اسماعيل ولجميع ضيوفك وتسلم يارب ... |
ما بتقصرى يالراسية ورزينة....والله يديك الصحة والعافية..والله تكون دى أمتع رحلة لو قابلتكم فيها..
لكن الحى مصيروا يلاقى..وتسلمى إن شاء الله من كلى بلا..
إسماعيل محمد احمد عباس.........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
أخى صديق..الموج.. ................. لك التحية وشكرآ على مرورك الجميل...وكيف حال أسرتك الكريمة.. ...........................................................
Quote: اسماعيل صحبتك السلامه ممكن تجيب لينا انا والبشير اخوى ده ساعات جيب رومر ابو صليب،،،
|
ساعات جيب ...رومر..ما تخليه رولكس..والله تساهلوا كل خير... ......................................................
إسماعيل محمد احمد عباس........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
اخى الحبيب/أبوقصى.. .....................
Quote: رحلة موفق لأخ الرائع سمعه تصحبه السلامة وأنا أقول من أمس الراجل مابيرد علي مالوا ياخي كان يقول لي ماشي سويسرا عشان نحملوا سلامنا لزول فنان وجميل عماد شمت عضو البورد هناك لينا منو سنين وفي رحلة العوده جيب لينا يسرا بدون سو تحياتنا .
،،،،أبوقصى،،،، |
شكرآ على سؤالك وإتصالك..وكان والله الواحد يقابل الناس الظريفين من طرفك..لكن البرنامج كان مضغوط.
ومن زيورخ ركبنا القطار للوقانو..قضينا فيها يومين..وبعدها ذهبنا إلى زرمات وطلعنا إلى أعلى الجبل بالهيلكوبتر محل التزحلق على الجليد....ولى رجعة معك على رواقة يا ظريف إن شاء الله..
مودتى..
إسماعيل محمد احمد عباس....
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
Quote: انا اعيش فى سويسرا لوزان هشام مدنى جنيف فيصل عثمان صيون عمادشمت سنجالن عصام جبراللة زيورخ
بودراب سويسرا تلفون 0041765269375
ادم عمر الدم |
..........................
أخى أدم عمر شكرآ للحفاوة..وهذا من طبع ألأخوة ألأصيلين أمثالك... ............................................................. نحن مرينا فى ذهابنا بزيورخ...وسافرنا للقانو...نزلنا فى فندق..PRINCIPE LEOPOLDO AND RESIDENCE ولكن إن شاء الله الجايات أكتر من الرايحات وجلسنا فى جنيف.HOTEL GRAND PRE شكرآ على الشعور الطيب. وإن شاء الله نتقابل ساعة خير..
إسماعيل محمد احمد عباس.........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
د/كامل إدريس إلتقيت به صدفة فى مطار جنيف....وأدهشنى بأريحيته ..كان مودعآ لوفد من القضاة والمحامين..متجهين إلى السودان..
عند مرورنا ونحن جماعة من مختلف الجنسيات فى مجموعة للتعرف على معالم مدينة جنيف..
زادنى فخرآ أن يذكر إسم هذا الرجل من قبل المرشدة السياحية وهى تذكر إسم المبنى وأن الذى يرأسها شخص سودانى..وهو الدكتور كامل إدريس..الملكية الفكرية..
مزيدآ من الصور إن شاء الله لو ربنا سهل..
إسماعيل محمد احمد عباس.........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
ألأخ/عماد شمت ............. أبوقصى..
خيار من خيار... .................
Quote: ] ياودفع الله اهلا بيك واهلا بالضيف الكريم اسماعيل
وياابوقصي زولك نشيله فوق العين والرأس ذي ماقاليك دكتور يوسف
اه ده تلفوني من الداخل 0794004853 من الخارج اضف 0041
الف مرحب اخونا اسماعيل والدار دارك وبين اهلك
تسلموا |
تسلوا جميعآ ولكم خالص الود...أحبتى..
مودتى.. إسماعيل محمد احمد عباس......
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
الظريف/
ممدوح أبارو.. ........................
شكرآ على مرورك الجميل,, ,,,,,,,,,,,,,,,,,,,,,,,,,,
Quote: أغرب حاجة إني ما شفت البوست ده إلا حسي؟
بعدا لازم ترجع بوست الزمن متزكرو؟ عشان تورينا إحترام الوقت عند صانعو الساعات 0000
مشكور أبو الدفاع علي البوست التحفة ده |
بمناسبة الوقت والزمن الساعة السويسرية ما بتأخر وما بتقدم..الدقيقة هى الدقيقة..
ناس يحترموا الوقت..والوقت عندهم له قيمة..يا ريت نستفيد من ذلك نحن ....
شكرآ يا ظريف..على المرور...
إسما عيل محمد احمد عباس.........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: ismeil abbas)
|
أخونا إسماعيل عباس تحياتى
ياخى حمدلله بالسلامة والجايات أكتر بس الله يدى العمر متخيل وضعكم كفريق عمل .. وزحمة البرنامج
كنا طامعين فى الويك إند .. لكن بصراحة تنقلاتك كانت فى القطاع الإيطالى والفرنسى وأنا فى مدينة بازل أقصى القطاع الألمانى وفرصة اللقاء كانت صعبة
يا سيدى إنشاءالله تكون إستمتعت ورحبت بيك البلد .. والمرة الجاية إتصل من الرياض كانت الفرصة فى إستقبالك فى زيورخ
حمدلله بالسلامة يازول
مودتى
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
اخى/عماد.. ...........
والله الواحد يكون سعيد لو لقى فرصة وقابلكم.. ............................................
Quote: لكن كل هذه المناطق التي زرتها مناطق سياحيه بالذات مونترو وسرمات وكنت اتمني
انك تمشي جبل العزراء اعلي قمة في اروبا تقريبا ديب فريزر طول السنة
|
يا أخى نحن ZERMAT براها عايز تودينا فى داهية...طبعآ نحن طلعنا من زرمات بالهلكوبتر لى جبل CORNERGRAT محل التزحلق ..
لو أتيحت لى فرصة سوف أنزل ليكم صور من فوق..
شكرآ ليك يا عماد على إهتمامك.. إسماعيل محمد احمد عباس.........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
Quote: كامل إدريس، وللمرة الثالثة ينال ثقة الدول الأعضاء وبالإجماع، أحد سفراء الدول الغربية يتوقع له مستقبلاً سياسياً كبيراً
كامل إدريس في الاجتماع الاستثنائي للجمعية العامة للدول الأعضاء بالمنظمة العالمية للملكية الفكرية (الوايبو)، والذي أنعقد ليوم واحد، تمخض عن اعتماد البرنامج والميزانية التي تقدم بها المدير العام الأستاذ الدكتور كامل إدريس، للفترة 2008-2009.
في نهاية الاجتماع وصف رئيس الجمعية العامة للمنظمة العالمية للملكية الفكرية (الوايبو)، السفير مارتن أموابي Uhomoibhi ، والذي يشغل منصب الممثل الدائم لنيجيريا لدى الأمم المتحدة في جنيف، وصف هذا الإنجاز قائلاً: " أن هذه الدورة للجمعية العامة للدول الأعضاء للمنظمة العالمية للملكية الفكرية (الوايبو)، ستدخل التاريخ من أوسع أبوابه، باعتبارها أقصر دورة تنعقد في تاريخ الأمم المتحدة والمنظمات الدولية المتخصصة، لأجازة ميزانية تصل في اجماليها ل 700 مليون دولار.
وأضاف رئيس الجمعية العامة قائلاً: " أن الحوار الذي قاده إدريس بين الدول الأعضاء، كان بناءً ومثمراً وصريحاً. وأنه شخصياً قد تأثر كثيراً بهذه الروح، ومقدرات المدير العام الدكتور كامل إدريس، في مقدراته الدبلوماسية وبراعته في ادارة الحوار مع الوفود الممثلة للدول الأعضاء، وطرحه لبرامج طموحة، وواقعية، تتميز بإنتماء خاص لقضايا الدول النامية والأقل نمواً، مما دفعت بالدول الأعضاء للوقوف من خلفه ".
الجدير بالذكر أن نجاح اجتماع الدورة الاستثنائية واعتماد البرامج والميزانية من كافة الدول الأعضاء وبالإجماع ودون أي تعديل، يعد نصراً سياسياً وإدارياً وتجديداً للثقة في رؤية وخطط المدير العام كامل إدريس. كما أن في اعتماد البرامج والميزانية إشارة قوية للدول الأعضاء ودول الغرب بصفة خاصة، بأن سياسات وخطط وبرامج والرؤية المستقبلية التي طرحها الدكتور كامل إدريس ستبقى لعقود قادمات. كما أن الدول النامية والدول الأقل نمواً والمجموعة الأفريقية والأسيوية وأمريكا اللاتينية، لن تفرط في المكاسب التي حققتها أبان فترة رئاسته للمنظمة. لذا أصبح لا خيار أمام دول العالم أجمع، بما فيها الدول الغربية، إلا أن تستجيب لصوت العقل وتتفهم دوافع التطلع المشروع للدول النامية والدول الأقل نمواً في تمسكها ببرامج التنمية ونقل التقنية. وهي أساس السياسات التي تبناها الدكتور إدريس في فترة رئاسته.
قال أحد سفراء الدول الغربية طلب عدم ذكر اسمه، معلقاً على هذا الإنجاز: " أن إدريس لم يجعل لدول الغرب من خيار أخر غير دعمه واحترامه، وذلك لما تحلى به من قيادة ذات رؤية مستقبلية، ليس من السهل تكرارها. واضاف قائلاً: " أن إدريس يعد مكسباً سياسياً وإدارياً لأفريقيا ولبلاده، وتوقع أن يلعب إدريس دوراً فاعلاً في حاضر ومستقبل السودان السياسي".
© Copyright by SudaneseOnline.com
|
ألأخ/الجميل رأفت ميلاد..
يكفينا نفسكم معانا...وبالله أيه رأيك فى د/كامل إدريس الله يديهو الصحة والعافية ويكون مفخرة للسودان..وأنتم أيضآ..
مودتى..
إسماعيل محمد احمد عباس........
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: ismeil abbas)
|
جدو !!!
تصحبك السلامة ,,,
بس ما تنسى تسلم لي على ناس زيورخ وبيرن ومنترو وجنيف هؤلاء الناس الجميلين الذين رفضوا وبشدة حرب
العراق حيث علقوا على نوافذ بيوتهم بلا خوف أو وجل لا للحرب من أجل النفط ..
يا بختك يا سمعة فأنت مع أناس جميلين إن آند أوت .. بس ما تحاول تخش السوق حتطلع بخفي حنين
من شدة الغلاء..
شكرا لكاتب البوست ...
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
ألأخت/عواطف كيف صحتك وأولادك..
وشكرآ على مرورك الجميل.. .........................
Quote: يا بختك يا سمعة فأنت مع أناس جميلين إن آند أوت .. بس ما تحاول تخش السوق حتطلع بخفي حنين
من شدة الغلاء..
شكرا لكاتب البوست ... |
وشكرآ لك أيضآ...وحمالتك على جيبتا إنقد..وبلد فعلآ غالية...والناس الجميلين شاركونى فى البوست وما قصروا ابدآ الله يديهم العافية..
مودتى..
إسماعيل محمد احمد عباس.......
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: doma)
|
أخي أبو السباع ،
تحياتي ،
وحمد لله على سلامة العودة ، ومعذرة إذ لم أنتبه للبوست إلا قبل قليل .
ده الشغل واللا بلاش ، (رحلة عمل إلى سويسرا) ، عيني باردة ، وربنا يحفظك ويغطيك ، مش رحلة عمل إلى جيزان وعرعر ؟!! زي ما كان قادينا أخونا (الغريب داك) برحلات عمله إياها .. (مراسلكم من سقط لقط) .!
وبصراحة .. كنت خايف عليك من حكاية التزلق والتزحلق دي .. !!
و .. عوداً حميداً ، وربنا يوفقك كمان وكمان .. (والمرة الجاية كتر من الرادو عشان خاطر ود الموج وبت البدوي و .. أنا ) !!
Quote: لقطة فى مدينة جنيف القديمة.. |
سؤال برئ :
هل ياتري بتشبه الدرعية القديمة ؟
مودتي ،
( ليمو )
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
أخى/العزيز ليمو..
كيف حالك وألأسرة الكريمة..
وأشكرك على المرور الجميل.. ...........................
Quote: سؤال برئ :
هل ياتري بتشبه الدرعية القديمة ؟
مودتي ،
( ليمو ) |
سؤالك فى محلو..كل مدينة ولها تاريخها..والماعندو قديم ما عندو جديد...
اما ترانا نعتز بالطابية وبوابة عبدالقيوم..والدرعية القديمة عند أهلها لها قيمتها..
وبعدين ما تخاف على اخوك حريف فى التزحلق....والله ركبى تعبو..من المشى ساى خلى تزحلق..
لك خالص مودتى.. إسماعيل محمد احمد عباس......
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
الحبيب أحمد العمار.. .................. لك التحية ولأسرتك الكريمة.. ...........................
Quote: حمد لله على السلامة تصدق بالله ما شفت البوست الا اليوم مع انى لاحظت غيابك من المنبر الفترة السابقة بس قلت مشغلويات وكدا .
|
والله عارفك ما بتقصر يا أخو الرجال ..والفيك مشهودة.....
وشكرآ على المرور الجميل..
إسماعيل محمد احمد عباس...
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
العزيز سمعة،، ألف حمد لله على سلامة الوصول ،، وعساها كانت رحلة موفقة على الصعيد المهني كما هي على الصعيد المعنوي،، الواحد لازم يغير جو!! العمل في السعودية قطعة من جهنم وليس السفر،، لا إجازات، لا عطلات ، دوام × دوام × دوام،،
جنيف ولوزان ومونترو جنان في أرض الله حول بحيرة ليمان ومتعة للروح والنظر،، لم يكتفي إنسان تلك البقاع بهبة الله وجمال الطبيعة ، بل أضفى عليها لمسات خلابة من حيث تنسيق الحدائق والزهور وساعات الورد التي تفترش الساحات إضافة إلى إبتسامة ساحرة لكل من يلقي عليك التحية ولو بإيمائة من رأسه وهو يلهث مسرعا نحو غايته،، = تستاهل كل خير يارجل يانبيل ،، وللحاجة دوما كل التقدير وهي تتحفنا بهذه الصورة البديعة التي تجعلنا نحمد الله الواحد الخلاق على إبداعه ونزيده ثناءاً على ما خصنا به دون بلاد العالم من صعوبة العيش ورداءة الأحوال المناخية (أخص الكتاحة)، لنزداد شكرا له وتقرباً لله جل وعلا عسانا نظفر يوما بجنات الفردوس الأعلى، بعد أن عز في هذه الدنا أن يتفق ولاتنا على محاكاة العالم في خلق بيئات مشابهة،،
| |
|
|
|
|
|
|
Re: عضو البورد الوجيه اسماعيل عباس الى سويسرا ( تصحبك السلامة ) (Re: البشير دفع الله)
|
أخى العزيز/محمد عبدالجليل..
لك الود والشوق..
تسلم على المرور الجميل..
الحاجات المدكنة كتيرة بس شوية شوية..والرحلة كانت والحمدلله موفقة والمرة الثالثة بكلمك إن شاء الله.
بهديك هذه الصورة القادمة لآنك بتحب ألأطفال..وهذه اللقطة من مدينة زرمات أحد مدن سويسرا..لطفلتين
جميلتين..الكبيرة بتحاول تقنع أختها الصغيرة بأن توافق أن أخذ هذه اللقطة منهما بعد أن إستأذنتهم..
والله غاية من ألأدب..مش زى ألأطفال القابلوا أخونا طارق نقد...
.. مودتى إسماعيل محمد احمد عباس..
| |
|
|
|
|
|
|
| |