|
Re: العرريب والكورولا ( قصة حقيقية بطلها ودشيقوق .. لا توجد صور) (Re: sama7)
|
Quote: ولا يهمك يا سيدى
خلينا فى شيقوق
بس هو ماخد مقلب كبير وما عارف وين
تعرف يا ابارو
لو كنت قلت شفت ليك جعلى بخاف كان معليش
لكن انت مدام ما بتخاف بس من الحريم دى فيها underestimation لكن على العموم ما قصة جندرة وكدا
بس حركات ساى هاهاها ما بيناتنا وطالما انك ما مع شيقوق فلك اعتذارى لو زعلت |
كلو إسفير والله لا جاب زعل عارفة يا سماح حسي يجي يقول لي جريت واطي في شان يهوشني وكدي بس انا صاحي لي الاعيبو
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
شيقا:
Quote: البوست ده كلما اتصفح المنبر واشوفو قلبي بدق
ود المنسي بجيب خبرك اصبر بس ناس مايرنو باركين وساجدين |
والله انا زاتى عامل لى لخمة
انت لسة فى ناس مايرنو
آى عليك الله خليهم يواصلو شغلهم أنا شايفة العلاقات ماشة فى تطور مع ودالمنسى
جماعتك ديل فى ال right-track
أبارو:::::
Quote: اشرح عشان ما تفقد الــ estimation الخاتيه ليك |
انت لسة خاتى؟؟؟
عاد يا ولدى خدها نصيحة من مجرب لكن شباب الزمن دا طايش كان ما اخد العلقة براه ما بصدق
حكمة اليوم: trust no one
اسمع كلام أمك سماح يا أبارو وبطل تبارى العجوز ده بغتس حجرك
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
Quote: أها ديرين يدوروها ناس سنجة وسنار
ياخى مابتستاهل
|
للحقيقة والتاريخ ليس لى فى " العير " ولا " النفير "
الطيب شيقوق قائمتك ناقصة قامات كبيرة من سنجة لم تضمنها وسأرجع ليك مرة ثانية كان نجيلة ما تمّاها.
سماح :
Quote: حكمة اليوم: trust no one
اسمع كلام أمك سماح يا أبارو وبطل تبارى العجوز ده بغتس حجرك
|
Funnly enough your advice do include you as you haven't made any reservation to the generality of your advice.
قرقر قرقر قرقر
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
Quote: البكان دة ما فيهو زعل ....قولو العايزنو طالما ما بيجرح ولا بياذي حد ...عبرو عن حبكم لبعضكم البعض بكلمة حلوة طريفة ذات مغزي يفيد او مزحة تزييل عن انفسنا الضجر ووعثاء السفر اليومي اسفيريا وعلي الارض ..كلنا بنتعلم من بعضنا البعض وكبيرنا هي/هو ام/اب قلب كبير
|
وهذا هو لسان حالنا والله تشكر يا هندسة
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: الطيب شيقوق)
|
Quote: في بت اسمها امنة عبدالكريم قال ...يعني ما بتعرفها ؟؟؟؟
يعني لو ما انا كنت لسة صاحي ومانمت وقلت ليك عدل....ولو المنسي ولا والباشمهندس شافوك كتبت بهناك شنو كان كان قاطعوك والله
صحي عالم تخاف ما تختشي |
جنى رطانة خائن ما بيعرف اسرار واخلاقيات التواصل الليلي ولا التواصل الاسفيري ولا التواصل ال ......................
هيييييييييييييييع
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
يا باشمهندس ود شيقوق لا زال مطَنِّش ود محجوب فى سؤاله :
Quote:
خارج النص
عليك الله يا ودشيقوق الملكة لو جابت ليك ((سعن روب)) ما تنسانا
|
بمناسبة نكتتك دى :
Quote: طنننااااااااا استراحة
في فترة الدعايات قبل ما يجي الجزء التاني من البرنامج
احكي ليكم عن جدنا
يا زول جدنا فقر خلاص اخلاقو نتشة
عندو ولدو اسمو شاكر
في مرة من المرارير شاكر دا يجاء يبكي
من المدرسة قام جدنا سئل شاكر
في ايه ليه بتبكي
شاكر قال ليهو المدرس دقاني
قام جدنا مشى للمدرس وسئل المدرس
ليه ضربت ابني
المدرس قال ليهو سئلت شاكر قلت ليهو
سيدنا محمد-ص- لما كان صغير كان شغال شنو
فشاكر ابنك ما عرف الاجابة
قام جدي قال للمدرس هو شاكر من دور
سيدنا محمد? حيعرف من فين |
كان عندى ود خالى جاء البيت يبكى عشان جلدوه فى المدرسة ،
وخالنا قال ليهو طيب هسع دى جلدوك كم جلدة ؟
قام رد عليهو : أنا أبكى ولا أعد عدد الجلدات .....
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: الطيب شيقوق)
|
Quote: دى ما حارينها فيك يعني عنصرية عديييييييييل كده ما تقولي السلام عليكم كلكم ولا جاية جاهزة زولة محاماة لقريبك |
لالالالا نحن كمان في العنصرية دي مانديلا شخصيا مابقدر علينا...واللا شنو ياقريبي؟؟
Quote: اصلو قريبك تاريخو معروف بفزع الحريم من زمن الكنداكة |
أهاااااا البيان بالعمل...أعمل ليك بوست عديييل وأثبت الكلام ده
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: الطيب شيقوق)
|
Quote: والله يا الاخو بس فاقد لي كليمة من بت اب راس ساى ولو مجاملة ات ما شفت كلامها في الحقيبة كيف طاعم . وحياتك ود القرشي زولا وقفو في حدو غير البنية دى مافي .
هيييييييييييع بت ابراس عفو عليك |
شكرا ليك كتيييير علي الإطراء ... والله البوست محلينو بوجودكم إنت وأستاذ أبوبكر ودأحمد القرشي وكل الأخوة الساهموا في توثيق غنا الحقيبة.. يديكم ألف عافية جميعا... مودتي وتقديري
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
Quote: عشان كده في تحول نوعي في صناعة الوجبات بس عربها كتيرين لازم الحلة يدفسوها موية ويعملوا الفتة والبوش |
انتو الغو المطبخ في بيتكم واعملك كشك بوفيه قدام الباب وخت فيهو واحد رطاني ما بيعرف ولا كلمة عرريب الا اسم الفلوس وخليهو يرص السندوتشات .. اها العرب اليجو لازم يمرو من الباب ويدفعو ياخدو ساندوتش وتاكد انو البيت جو ما فيهو حبة فتريتة واحدة
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
Quote: بس ما بنفع تهديها غير نمة دوبيت |
"نمة دوبيت ؟" يا راجل ...؟؟ صحي عررايب .. صناعتكم الوحيدة هي "الحكي ".. بعدما خلتك تدخل افاق ناسدك والاندكس وناس المرتضي والزاكي يقولو الراجل بقي علامة بس "نمة دوبيت ؟" .. ياخي رحلة حول العالم ؟؟ خليها تشوف مقر داو جونز وول استريت وبعدين خليها تحج كما ارادت ؟؟؟
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
ده فاتني والله
.. ما شفت البوست ده إلا هسي ..
يا سيدنا
Quote: مالو بقي زي موغابي ؟ ما في زولا معا ...خلي ينتظر الانتخابات الجاية |
ما أصلو من زمان كده ..
كان أسمو العرييب منغر النواعم
وهسع بقى منفر الدنيا كلها ...
ـــــــــــــــــــــــــــــــــــــــــــــــــــــــــ سلام حبيبنا ود شيقوق .. انا لسه منتظر الإذن بالتلفون ...(البعد حداشر)
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
Quote: لكن بيني وبينك العروس عندهم مش ؟ انا متخيل سموحي تشبه العروس دى نان خدراء بس واعلى منها وجسم سموحي اكان اصلها بت بكون متناسق مع الاحتفاظ بحقي بفرضية ذكورتها حتى الان . |
يا شيقا؟؟؟؟؟؟؟؟
وقت ما متأكد نان قافل الباب فى شنو؟؟؟؟؟؟؟؟؟؟ الجماعة ديل ما عارفين عمايلك بهناك
لكن أصلو مدام انت جبت ليها شك انا بجيب ليها شيل حال هاهاها
بس بعدين نيقى فى القضايا على قول سيدنا
سيدنا:
Quote: قصدك همار ......الله يعين |
سبقتنى والله
صبوحة:
Quote: إهداء الى....( نخليها ذي إهداءات خالد المنسي الكلها نقط) |
تسلمى صبوحة انا ح اعتبر نفسى من الهديتى ليهم ديل
وتسلمى تانى عشان جبتى سيرة الحبايب (رديتى فينا الروح) وموت بغيظك يا.............
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: الطيب شيقوق)
|
سموحي
Quote: وقت ما متأكد نان قافل الباب فى شنو؟؟؟؟؟؟؟؟؟؟ الجماعة ديل ما عارفين عمايلك بهناك
لكن أصلو مدام انت جبت ليها شك انا بجيب ليها شيل حال هاهاها |
جابت ليها كشف حسابات هوووووووووى اخير ليك بتابيهو
Quote: بس بعدين نيقى فى القضايا على قول سيدنا |
وبتفسح فيكم بال cross -examination , the re-examination and examination in chief
متوقع منك شنو غير كده منسي دة بيعمل فيك عمائل وعيييييييييييييييييييييييك تاني شوفت ليهو
Quote: تسلمى صبوحة انا ح اعتبر نفسى من الهديتى ليهم ديل |
صبوحة اقبل عليك ؟
Quote: وتسلمى تانى عشان جبتى سيرة الحبايب (رديتى فينا الروح) وموت بغيظك يا............. |
مرتااااااااااااااح لاني قاريها كويس بطلي الشفقة واعملي مليون حساب الرجال ما عندهم ضمان .
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: فيصل محمد خليل)
|
فيصولي
Quote: كتب ودشيقوق
Quote: بّدك تشوفي شنو ؟ |
انا بدها تمشي هيك وتشوف ابداع الحقيبة وبادي محمد الطيب شوف هون قال شنو. يانديمــــى قوماك نبارح المواطن وطول الشوارح صيدنا امن في الوادي سارح والطيور بالإنشاد تطارح والنخل شاقه ثماره طارح نحن ساكت نهوى المطارح لا يفوتن فرص الفلاح ****** يلا نقطف أزهار شهودن الخمائل الواسعات مهودن والشدائد نحمل حهودن والليالي نعبر سهودن نحن ناسن حافظين عهودن نمشى نسقى الخيل في رهودن في المشارع نرد الصباح ******** بين فسيحن بانت حليله وبقفاها الغــــابه الظليله فيها نكمن يومين وليله شوف دى ترضع لسه قليله شوف دى مفطومه وعليله شوفه دى تشبه بعيونه ليلى وتزدرى المصباح والصباح ****** شوف مناظر الوادي الحوالن شوف فحيلن ختمن حوالن شرف القناص شاف زوالن بين اراك وسلمن انزوالن كش كلبه قصدن نوالن شوف فسيح الوادى انطوالن جمله قامن وطون البطاح ******* طاوعن وصدن عصنو شال جديهن ما خلصنو شوف جريهن كيف باقصن خطوه خطوه المشي نقصنو والردف بالحشا رقصنو يلا ياقناص روقو صنو والتلذذ في الارتياح ****** السحاب في الجو زاد تراكم رف برقو يغازل سراكم انتو مرتاحين في ضراكم وانا دائما تعبان وراكم حن قلبي يا أم زين طراكم حدثوني لمتين أراكم يا الحبيبه كفى عمري راح ******** بت قبيله عزاز أبهاتك يا أم غراما لسرى هاتك الزهور يتمنن زهاتك حيث نفح الطيب من جهاتك لي تأمل طال في سهاتك أم دلالن فتن أمهاتك ليه تعيري القمره السماح
هييييييييييييع
Quote: يا خالد جيب اربع كبار من الكنبة الورا
وسوط العنج من الدرج |
البركة بس في الخليل لكن ما عندو واحد بحب الحقيبة
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
رتاني -
هيييييييييييع النار ولعت جيت والله اتاري فرقتك كبيرة ناسك كلهم اتشتتوا وبقوا هايمين على انفسهم وغلبتهم الكتابة في البوسات وتركوا المنبر العام ومشوا يتونسوا في الرواكيب.
Quote: بنمز بكوارع سمك عجالي واللا فتمساح واللا فابقدح وبعدين بنعلق راس التمساح والقدح علي الابواب فتعال نعلق قرعة راسك فوق الباب |
طيب بابا و بتولعوا بشنو؟
عم كمال معنا ولا جاتك دقيسة؟
وين ود ابو القاسم عمرو كلو في النيابة والشرطة !!!!!
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: الطيب شيقوق)
|
الى العررررريب من عمك كمال(صورة طبق الاصل)! سلامات الليلة الكلام دة لاحقى ولا حق فيصل ..هو حق د/فتح العليم وكتبة فى جريدة الصحافة عن العربات...وبعدين اذا انتة داير تعرف نحنا بنولع كيف تعالى فى المسنجر..لووووووول ــــــــ 7. الناس دائماً يعتقدون أن قيمة الانسان تساوي قيمة العربة التي يقودها، فإن كانت BMW مظللة فهو في عيشة راضية، ومن مغاوير العملات الحرة والصلاحيات، اما ان كانت سيهان بيرو او كرويلا 1984م مثل التي أملك، فغالباً ما ينظر اليك الناس بعين الرحمة، بل يكاد احد اصحاب الكاميري ان يضع في يدك مبلغاً من المال يقيم أودك وأود اطفالك الذين صيرهم الدهر فريسة لاب معدم، وربما نظر اليك صاحب «فابيا» 2006 من خلف زجاجه وهو يتمتم «الحمد لله الذي عافانا مما ابتلاه به» والهاء في ابتلاه راجعة ليك يا عسل. 8. لاحظت كذلك أن السيارات القوية المتينة والجميلة مسماة على نساء، فمثلاً السيارة تاتشر، وتاتشر هذه رئيسة وزراء بريطانيا قبل السابق، وهي المرأة التي ضربت جزر فوكلاند حتى كلَّ متنها، اما ليلي علوي فهي عربة المسؤولين وكبار التجار، وقد سميت بذلك لان لها مأكمة يضيق الباب عنها وكشحاً قد جننت به جنوناً. وحتى اجهزة الموبايل الراقية سميت على شهيرات النساء، فهذا عاشقة وذلك أصالة، علماً بأن هذه الاجهزة اوروبية وهؤلاء النساء عربيات والمستخدمون سودانيون. 9. توزع العربات الحكومية على الناس وفقاً لمعايير مجهولة، لا يراعي فيها المؤهل او السن او حتى المساهمات الوطنية، فقد تجد ابن العشرينات يقود عربة ذات شهيق وزفير، وبها كل أسباب السعادة «الكت بتمناها ليك»، بينما استاذه الذي يفوقه سنا وعلماً وحكمة، يتقافز في المواصلات العامة مثل طائر البطريق، فإذا سألت لماذا هذا؟ قيل لك ان طبيعة العمل لذلك الشاب تقتضي سيارة. لو كانت هذه المقولة صحيحة لكان أحق الناس بالسيارات الحكومية هم ناس التاكسي مش!!
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: فيصل محمد خليل)
|
الاخ فيصل
لوووووووووووووووووووووووول دى حقت صبية العولمة وهذه قرينة تفضي الى اليقين بان الرسالة المحمولة مزورة وليست حقت عمو كمال .
ثانيا مواكبة مسميات العربات والموبايلات ظاهرة شبابية ولا احسب ( احسب دى جبهجية مش؟) عمو كمال مواكب لهذه الدرجة .
طيب مع افتراض ان الكلام بتاع عمو كمال فقد ورد في سياق الكلام :
Quote: لان لها مأكمة يضيق الباب عنها |
اشرح يا عمو ما تدوش راسنا ساى .
هيييييييييع
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: abubakr)
|
الأخ/ كمال ....تحية طيبة
غايتو ضحكتنا بقصة مدلولات العربات :
Quote: الناس دائماً يعتقدون أن قيمة الانسان تساوي قيمة العربة التي يقودها، فإن كانت BMW مظللة فهو في عيشة راضية، ومن مغاوير العملات الحرة والصلاحيات، اما ان كانت سيهان بيرو او كرويلا 1984م مثل التي أملك، فغالباً ما ينظر اليك الناس بعين الرحمة، بل يكاد احد اصحاب الكاميري ان يضع في يدك مبلغاً من المال يقيم أودك وأود اطفالك الذين صيرهم الدهر فريسة لاب معدم، وربما نظر اليك صاحب «فابيا» 2006 من خلف زجاجه وهو يتمتم «الحمد لله الذي عافانا مما ابتلاه به» والهاء في ابتلاه راجعة ليك يا عسل.
|
تعرف أنا لى (10) سنوات لا أركب من سيارات غير الكورى ، أرسلت سيارة لإبنى فى الجامعة ، وقال لىّ الناس بقولول لىّ " أشرف سوناتا "
قلت ليهو مافى مشكلة ، المرّة الجاية بجى أزورك فى الجامعة وبقول ليهم :
أنا عمكم " سوناتا " جائى أزور ولدى........ قرقر قرقر قرقر
بالمناسبة قديماً جورج برناند شو قال:
لا تجعل ملابسك أغلى شئ فيك.... حتى لا تجد نفسك يوماً أرخص مما ترتديه .... (والشئ بالشئ يُقاس) .
| |
|
|
|
|
|
|
Re: العرريب والكورولا ( قصة حقيقية بطلها ودشيقوق .. لا توجد صور) (Re: GamarBoBa)
|
Quote: قلت ليهو مافى مشكلة ، المرّة الجاية بجى أزورك فى الجامعة وبقول ليهم :
أنا عمكم " سوناتا " جائى أزور ولدى........ قرقر قرقر قرقر
|
ضحكتني يا ابوبكر ابو القاسم وزكرتني موقف حضرته في السعودية كنت شغال في مراكز تجزئة (هايبرماركتس) قدموا لي زول وقالوا لي اسمه (Peter Foster Clark) الهو ابن صاحب علامة الفوستر كلاركس في المواد الغذائية استغربت جدا طوالي سألته بتعرف مارجريت ماجي؟؟؟قال لي لأ واعتذر قال دي منو قلت ليه حفيدة نستلة بتاع الحليب والسيرلاك يا راجل فضحك وفهم المغزي لكن ما اتوقع انو زول يباغته بسؤال زي ده
| |
|
|
|
|
|
|
|