|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
العوض يا عمك...Quote: لكن يا أبو حتحوت ما طلعت عجوز... ما عارف ليه كنت قايلك من الناس الاتخرجو سنة 2000 و انت طالع طلعت ورانا بدفعة واحدة يعني = ع – 1. حيث ع = عجوز. |
وطي صوتك اب شنب ما يسمعك ياخي احنا سكنا في المنهل و كنا بنقدم الجكس للبركس اها رايك شنو اتحداك تكون حضرت زمن زي دا
كيكي بالله كان ما عرفتهم قول عادي ما تخمنا ساي بعدين بري دفعتنا طبيعي تلقاه مع الجلاكين لكن دا ما هو بديك لغاية بكرة عشان تعرفهم كويس معاك
| |
|
|
|
|
|
|
Re: اليوم الحار ومابنداريوم الهندسة والمعمار (Re: محمد البشرى الخضر)
|
الكلام لاحمد شبو
واحدة من الخسائر الكبري التي تذكرتها بعد رجوعى من السودان هي اننى لم اتشرف بمقابلة شيخنا عمر الحبر وتلك من الغايات التي تضرب لها اكباد الابل فما بالك بالسفر عن طريق الايربص الساهل غالينا الحبر لك في النفس مودة لاتزول وفي القلب شوق كثير عساك وجميع الاهل بخير نرجوا الا تنسانا من اخبارك وبركاتك وطلبك علي العين والراس مع الاعتذار لأبطال القصة النجم الباشمهندس بيكو والنجم الدكتور عبدالله (لاليه والكمبارس الباشمهندسين رد الله غربتهم: غازي محمد احمد التجاني ع القادر المبارك عثمان (بركة معاوية الريح حامد عجبان ومن مهندسي الداخل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
الكلام لمعاوية الريح
قال لها ألا تلاحظين أن الكـون ذكـر ؟
فقالت له بلى لاحظت أن الكينونة أنثى... !قال لها ألم تدركي بأن النـور ذكـر ؟ فقالت له بل أدركت أن الشمس أنثـى ..! قـال لهـا أوليـس الكـرم ذكــر؟ فقالت له نعم ولكـن الكرامـة أنثـى ! قال لها ألا يعجبـك أن الشِعـر ذكـر؟ فقالت له وأعجبني أكثر أن المشاعر أنثى! قال لها هل تعلميـن أن العلـم ذكـر؟ فقالت له إنني أعرف أن المعرفة أنثـى! فأخذ نفسـا ًعميقـا ًوهو مغمض عينيه ثم عاد ونظر إليها بصمت لـلــحــظــات وبـعـد ذلك. قال لها سمعت أحدهم يقول أن الخيانة أنثى. فقالت له ورأيت أحدهم يكتب أن الغدر ذكر. قال لها ولكنهم يقولون أن الخديعـة أنثـى. فقالت له بل هن يقلـن أن الكـذب ذكـر. قال لها هناك من أكّد لـي أن الحماقـة أنثـى فقالت له وهنا من أثبت لي أن الغباء ذكـر. قـال لهـا أنـا أظـن أن الجريمـة أنـثـى. فقالـت لـه وأنـا أجـزم أن الإثـم ذكـر. قـال لهـا أنـا تعلمـت أن البشاعـة أنثـى. فقالـت لـه وأنـا أدركـت أن القبـح ذكر. تنحنح ثم أخذ كأس الماء فشربه كله دفعة واحـدة أما هـي فخافـت عنـد إمساكه بالكأس مما جعلها ابتسمت ما أن رأته يشرب وعندما رآها تبتسم له قال لها يبدو أنك محقة فالطبيعة أنثـى. فقالت له وأنت قد أصبت فالجمال ذكـر. قـال لهـا لا بـل السـعـادة أنـثـى. فقالت له ربمـا ولـكن الحـب ذكـر. قال لها وأنا أعترف بأن التضحية أنثـى. فقالت له وأنا أقر بأن الصفـح ذكـر. قال لها ولكنني على ثقة بأن الدنيا أنثى. فقالت له وأنا على يقين بأن القلب ذكر. ولا زال الجـدل قائمـا ً ولا زالت الفتنة نائمـة وسيبقى الحوار مستمرا ًطــالــمــا أن . . . الـسـؤال ذكـــر والإجـابـة أنـثــى Keep Smiling
Moawia
B.Regards
Moawia
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
والله يا ود البشرى لو دفعة 1990 برضو حمتك خفيفة شوية. نحنا ناس 1986. والله يا عبد الكريم تصغير الصور دا ممكن لكن مشكلني بشتغل شختك بختك يعني ما بعرف أوزن المقاس المطلوب بالتحديد. بجرب مرات تضرب و مرات تجلي. صور جديدة من طرف خليل رسلها ليهو شبو:
| |
|
|
|
|
|
|
Re: اليوم الحار ومابنداريوم الهندسة والمعمار (Re: Elawad)
|
شبو اللذي... جلس بجانب بركه
يا شباب دبي بالله تلفوناتكم بال e-mail
ضروري جدا، إحتمال نقدر نتلاقي الاسبوع الجاي
و ياريت يا خلي لو ترسل لي تلفونك و تلفونات اشرف منير و كتمبور و صلاح مخو طار و بقيه الشباب الفي السودان
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلامات يا خليل و باقي العقد الفريد و عاشت الهندسه و ايام الهندسه، و إنشاء الله نجتمع في ساعه خير
الصور و الله اكثر من رائعه، اعادتنا لأيام ظنناها ولت ووجدناها عالقه بالدواخل تعلق اجسادنا من عراقيبنا ايام زنقه السمستر
و اللا شنو يا خلي؟
يا حليلكم و الله
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ما زلنا في انتظار عمر الحبر الذي هاتفني اليوم وافاد باستلامه المشاركة
وقد حكي لي قصته مع ابو اللكس في السعودية
حيث قال انه وجده في الصف الاول في صلاة الفجر واصيب بالذهول
لانه تخيل ان يجده في صف عيش صف بنزين لكن صف صلاة
وانك لا تهدي من احببت ولكن الله يهدي من يشاء
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
(حاولت طوال حياتى معرفةالسر فى جمال الزمن القديم واتفاق الجميع على جماله وتميزه على الزمن الحالى ولم اوفق فى العثور على سبب محدد لذلك ابدا وسلمت اخيرا حين بدت الحياة تبرز وجهها الكالح الملئ بالكابة بان الزمان القديم كان بلا شك اجمل) هذا ما قاله الكاتب الكبير والصديق العزيز الباشمهندس محمد الطيب سليم المعروف بايريا او كما قال احمد شبو ايريا المعروف بمحمد الطيب فى روايته الرائعة مسار الاسراب. التحية لى ابو القوق وكيكى وابراهيم وعيدروس وكل من شارك فى هذ البوست الرائع وكل عمالقة هندسة. الجامعة حظوظ وانا حظى جميل مادام الهندسة جيتا عديل للكاسات دايما بتشيل وقالو حلاتا كمان بالليل خصمها منو الدمعة تسيل ورغم عتاوتو بيبدو هزيل بالTتاريخ ابداعا طويل بالSET ست كل عظيم واصيل من موروثاتاجيل عن جيل شمار الجامعة عليها بميل
دى طبعا للعبد لله على اغنية الحقيبة الدنيا حظوظ وانا حظى جميل ما دمت اراك لى ودادى تميل ويللا يا شباب
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: الجامعة حظوظ وانا حظى جميل مادام الهندسة جيتا عديل للكاسات دايما بتشيل وقالو حلاتا كمان بالليل خصمها منو الدمعة تسيل ورغم عتاوتو بيبدو هزيل بالTتاريخ ابداعا طويل بالSET ست كل عظيم واصيل من موروثاتاجيل عن جيل شمار الجامعة عليها بميل
دى طبعا للعبد لله على اغنية الحقيبة الدنيا حظوظ وانا حظى جميل ما دمت اراك لى ودادى تميل ويللا يا شباب |
واخير رمتكم الهندسة بفلذة كبدها
مرحبا عمر الحبر
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
تعرف انا وابوبكر الصديق(اليابان) او (اللبش)من الذين حظو بالسكن فى البركس قبل ما ندخل الجامعة كنا فى ثالثة ثانوى ونميرى قفل المدارس الى اجل غير مسمى فاقترح علينا زميلنا مهدى الجزولى ان نعمل معسكر كسر فى البركس فى غرفة شقيقه عبدالرؤوف (كلية العلوم)فى داخلية السوباط اخدنا فيها فترة اندهشنا فيها من روعة حياة الطلبة فى الجامعة وفى وقتها صممنا وعزمنا على دخول الجامعة وقد كان وبدا المشوار
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
حقو يا شباب اى واحد يورى الناس ال index بتاعو وبوضح اذا كان ال index حقو بالميلاد ولا تسنين عشان نفرز الشفع الصغار من الناس الكبار طبعا نحن اولاد84 ومن القصص الطريفة فى البرليم كنا انا وابوبكر الصديق عاملين شفوت ومهرجين كبار جدا يوم حاولنا نستهبل على برالمة مصريين كانو معانا فى الداخلية لكن بينى وبينكم الجدعان اكلونا حنك وهزمونا فى الحوار الاستهبالى هزيمة نكراء فانا كنت طول الليل افكر فى طريقة للرد. الصباح قابلت واحد منهم اسمو كريم قلت ليهو تعرف انا عندى مطوة جبتها مخصوص ليكم وحا الاقيكم واحد واحد(كنوع من الهرشة وكدة) بعد رجعنا البركس جونا ليك العصر فى الاوضة لابسين فنايل وشورتات وشايلين ليهم كورة قالو لينا(احنا عايزين نلعب معاكو ماتش بس كابتن حبر يلعب معانا احنا بقى)
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: دى طبعا للعبد لله على اغنية الحقيبة الدنيا حظوظ وانا حظى جميل ما دمت اراك لى ودادى تميل ويللا يا شباب |
نعم ياخليل الهندسة الان رمت سودانيز اونلاين والاسفير العربي والافريقي عموما بفلز من اجمل فلزات اكبادها والله مشتاقين يا الحبر كدي خلينا نبل الشوق شوية ثم نمشي للمصريين الشفوت الاكلوكم حنك انت وابوبكر
ياخ البوست ده احلووو خالص خالص علي قولة ابو القووق (خالص خالص) ومن حسع مبلشين كل البوستات المجاورة ومجاورين الحبر....
وارفع ياحبر ارفع
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: والله مشتاقين يا كيكى يا عملاق والله ايام يازمان تعرف رجعتونا لاحلى ايام العمر |
هلا يا حبر وسلام شديد والله واليوم الحار يا الحبر فعلا بوست مولع حار واكيد حيولع زيادة بحضورك وابو القووق لعب ماتش كبير ورجعنا جميعا لايام خالدات واصبح شجرة ضخمة يلتقي فيها في الخلان والاصحاب وجيل ذلك الزمن الجميل فانا يا الحبر اسميه البوست الهندسة ففيه حكاوي وشواكيش وشعر وخيبات امل وفرح وكورة وجكس وسياسة وكلامات كثيرة وطاعمة مالية اسفير هذا البوست...
والف حبابك يا الحبر يا صديقي والان جميعنا في انتظارك عشان تمسك الوردية
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
نكرر التحية والترحاب بالباشمهندس الحبر هنا في أرضه .. ويا خليل طلعت ماك هين .. بتعرف تصطاد اللعيبة الكبار والحريفين .. التقول جمال الوالي بالله واصل .. ونحن معاك .. يا كيكي ترشيحاتك منو تاني من اللعيبة الكبار عشان نخلي خلي يلعب لعباتو ويستقطبهم لينا هنا ..
Quote: الجامعة حظوظ وانا حظى جميل مادام الهندسة جيتا عديل للكاسات دايما بتشيل وقالو حلاتا كمان بالليل خصمها منو الدمعة تسيل ورغم عتاوتو بيبدو هزيل بالTتاريخ ابداعا طويل بالSET ست كل عظيم واصيل من موروثاتا جيل عن جيل شمار الجامعة عليها بميل |
ويا حلات الهندسة بالليل ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
مرة اتصلت على ودالحاكم من مكة ايام الحج وقلت ليهو قابلت فى الحج يوسف جيرمان وياسر المر وسمعث انو هشام civilكمان فى الحج وحمد خوجلى . قام قال لى بعد انتهى الحج امشى الكعبة امكن تلقى ورقة معلقة مكتوب فيها the following are recommended torepeat the haj
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
نحن القدام قاعدين كنب اى امتحان بنقول صعب مافى امثحان ما شلنا صب سنة اولى عديناها نوم على اللكاشر ما بنحوم مرقنا الله من العلوم ومشينا تانية بعد تعب فى تانية ما خشينا لاب ما فتحنا ولا كتاب كل المواد شتناهاgab وفى اساتذة ما شافونا تب فى تالتة حارسين البركس تايمين وناكل فى العدس قافلين على الpush والثرس قصونا ليك زى العجب فى رابعة مدتنا انتهت طلباتنا وصلت ل ال senate لما القراية اتحسنت قديتا بالحظ الكعب وصلنا خامسة بعد سنين مربتين ومدسمسين حلفنا ما متخرجين لو مافى ناس مسكو الدرب
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
بالله هو النشيد دة من زمنكم؟ الغريبة (وانتو فى عهد السفرة ) برضو بتاكلو فى العدس ؟ احنا لحقنا ناس سنة خامسة عندهم كبونات كنا بنشتريها منهم (غالبا من الطلبة الما ساكنيين داخليات ) انحنا المابننغش غشونا يوم غرقونا و مافى زول بيعرف يعوم عطشونا وقاللينا كدو دوم ادونا اكبر مقلب فى جامعة الخرطوم قالها واحد من اصحابنا و هى طبعا اطول و اجمل من كدة كلها دبرسة و احباط
فى زول عندو النشيد القومى بتاع هندسة ؟؟؟؟؟؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
قال احد المخضرميت ات الشاكوش المرزبى من النوع aيحدث عتدما يكون الطرفان قد تعمقا فى الحب وذكر كلاهما للاخر شفاهةانه لا يستطيع العيش بدون الاخروبعدالعيش فى هذا الحال لفترة طويلةيبدا التراجع ويقع الشاكوش فثكون الضربة فى الراس و تحديدا فى ما يسمى بالنافوخ ومن الاثار الفورية فقد الحواس الخمسةكليالمدة تتفاوت حسب تحمل الشخص المشوكش (بقتح الميم والكاف)يبدا اسنعادتها بالتدريج وببط وحتما يسبب هذا النوع عاهة مستديمة ولا يقبل الشخص المشوكش اى عبارات مواساة لانه يظن ان لا احد يحس بحقيقة الحالة ال هو فيهافلا مجال لاصدقا المشوكشين للمواساة الا ان يهدو لهم علبة مناديل او شريط لهاشم ميرغنى
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
Quote: وبحضور الاسطوري عمر الحبر اقترح تنظيم الشغل وتحديد محاور للتداعيات |
نعم كيكي
هناك لغط وجدل وضبابية عن الدور الذي يمكن ان يلعبه الحبر في هذا البوست
ونحن تعلم بان هناك هناك مياه كثيرة مرت تحت الجسر
ولكني اقترح الا نقيد الحبر باي وظيفة بل نجعله حرا طليقا
كالفراش من زهرة لاخري
رايك في اللغة بتاعة اركان النقاش
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الحبر احسن يبدا من سنة اولي |
نحن دخلنا نوفمبر 1984 وكان حياة الجامعة شى مدهش بالنسبة لينا اولا فى الجانب السياسى ما كنا نتوقع انو يكون فى زول ممكن يهاجم جعفر نميرى والحكومة عينك يا تاجر ومافى زول يسالو طبعا دة كان فى اركان النقاش والندوات السياسية وكان اتحاد الطلاب انذاك اتحاد التحالف او اتحاد الدغير كما كان يسميه البعض اذ كان رئيس الاتحاد الباشمهندس عمر يوسف الدغير . وكان فى نشاط ثقافى واجتماى ورياضى كبير جدا جدا امكن كل يوم تلقى اعلان من رابطة من الروابط الاقليمية بتحتفل باستقبال البرالمة ووداع الخريجين اما فى دار الاتحاد او فى الجامعةوكمان الروابط بتعمل اسابيع ثقافية تحتوى على برامج مختلفة من معرض كتاب وندوات شعر وخلافه وطبعا حفل افتتاح وختام فنحن صراحة فى البرليم ما قرينا حاجة لان الحاجات دى جديدة علينا والميدان الشرقى كان كوم تانى لانو ما كان مجرد كورة وبس كان فى ابداع شديد جدا من المشجعين فى طريقة التشجبع والاغانى والاناشيد البشجعو بيها وطبعا هندسة الاولى بلا شك فى المجال دة وبالمناسبة اليوم الحار وما بندار يوم الهندسة والمعمار من اقدم ماشجع به تيم الهندسة وهو اصلا مقتبس من جلالة من جلالات عساكر الجيش
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
من القصائد القديمة واظنها من بداية السبعينات حبيبى وين فى جامعة الخرطوم بلاقى انا ما بنوم بلاقى بعد النجوم بلاقى خريج علوم حبيبى الحرفو نون بلاقى خاتى الظنون بلاقى برلوم قانون حبيبى الحرفو صاد بلاقى سبب السهاد بلاقى فى تانية اقتصاد حبيبى بليد فى الحساب بلاقى سبب العذاب بلاقى final اداب حبيبى ملك القلب بلاقى غيرو ما بحب بلاقى فى خامسة طب حبيبى تحت الشجرة بلاقى بعالج البقرة بلاقى فى البيطرة حبيبى الليلة المسا بلاقى دة الما قسا بلاقى فى الهندسة حبيبى
| |
|
|
|
|
|
|
Re: اليوم الحار ومابنداريوم الهندسة والمعمار (Re: احمد التجانى احمد)
|
هلا شباب اليوم الحار نور بقدومواحد من نوارات هندسة عمر الحبر وما ادراك ما الحبر لدى صور كثيرة عن رحلة مصر لكن يبدو ان هنالك مشاكل فى upload سنتحفكم بها بمجرد حل هذه الاشكالات ويا بكرى يدك معانا زى ما قال احمد التجانى الصادق فيصل عامل بيها مشغول فى بتروناس وما اظنو فاضى لينا
| |
|
|
|
|
|
|
Re: اليوم الحار ومابنداريوم الهندسة والمعمار (Re: Abubakr Osman)
|
بفضل البوست ده ومساهمته في تجميع معظم الشتات بعد طول سنين .. حظيت بمهاتفة الأخوان محمد قيلي وخالد أورتشي كيميائية 86 وهما يعملان في جامعة الملك سعود بالرياض .. قيلي قال لي أنه قابل دكتور حامد (كيميائية) وهو يعمل معهم في نفس الجامعة .. وعلق ليه انه شاف صورة دفعتهم في المنتدى يعني البوست واصل ويتابع من جهات عليا ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: Abubakr Osman)
|
خليل يا خليل خليلك وييييييييييين
بالله هو ده انت والله زمان يا مان بس شينه منك مقزوز مع خريجين الالفينات
بس كشفناك
والله زمان زمان زمان
سلام كبييييييييييييييييير
بالله عليك صورة قرشى حبيب دى جرستنى عديل كده ... ياخ انا و هو كنا اخوان عديييييييييييل كده... و لازلنا
نبهنى للبوست بتاعك ده طارق صيدله المهم قريت اول البوست و نهايته طبعا صعب اقرا ده كله
شايفاك بتتفاصح و تتفالح على الدايات .. وده لانك هلا هلا هلا ما بتقدر على خصمكم الشرس ... و قداد مراميكم .. فريق الاقتصاد ... والله ايام... و دمت و البركه فى سودانيزاولاين صحى عرفت تمرقنا جميعا من جحور الدنيا
| |
|
|
|
|
|
|
Re: اليوم الحار ومابنداريوم الهندسة والمعمار (Re: Siham Elmugammar)
|
Quote: بالله هو ده انت والله زمان يا مان بس شينه منك مقزوز مع خريجين الالفينات
|
سهام المجمر
والله زمن يا ناس
ازيك ومشتاقين بكميات تجارية
طبعا نحن ما كنا بليدين لكن ادروب ولوف
عشان كدة شفتيني مع الخريجين بتاعين الفين ديل
سلام عبرك لزلفي الاسد وندي واماني حسن وللمهندس محسي
وبنتلاقي كان الله هون
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: وقوفا من الخلف : 1. عباس Math - هو طبعا ما من دفعة كيميائية 2. عمار شاتو (حسب رواية كيكي) 3. صديق شطة 4. محمد الحسن الشايقي |
يا شباب الظاهر الصديق الإستعنت بيه مقلبني رقم 1 ده ما عباس Math .. ده دكتور عبد الكريم محجوب
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
السلام عليكم
احمد التجاني يا جميل وينك ؟؟؟؟
انت يا ابو بكر عثمان شنو فاتح لينا كده
نحن محتاجين ليك في الريفيرا
ضروري يوم الجمعة 30/ 5
يا خليل يا حلو
يا ابو الخل لك التحايا
انت عمر الحبر دي حي
بكون لحدي اسع نشف
له التحايا
شباب علي وين
ما عايزين
تردو
طيب نركب
والحبر ركب وكانت عربة الامن
وهاك يا جرسة
| |
|
|
|
|
|
|
Re: اليوم الحار ومابنداريوم الهندسة والمعمار (Re: عمر الحبر)
|
Quote: الصورة دى نكتها من وين يا ابراهيم ام انك خطير |
ياتو صورة دي ؟؟؟؟ انت يا باش ما تابعت البوست كلو ولا شنو؟؟ الصورة دي موجودة صفحة 12 تقريبا .. وهناك الكثير من الصور .. تابع من البداية عشان تواكب الشغلة بطل حركات أيام السمستر وقراية (القابات) دي
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
تعرف يا خلى نحن لما دخلنا الجامعة الناس الشاركو فى البوست دة من ما بدا الى الان كلهم كانو لابسين البنطلون البنى وفيهم ناس بالاردية ما عدا طارق احمد خالد(بمبو) ومحمد عبدالرحمن وعماد عيدروس دة اذا ما نسيت زولز انا حا اقوم ابحث ليك على ناس قدام جدا اجيبم ليك من زمن ناس دريسة(عبدالرحمن) وطارق زكى (شقيق الباشمهندس معاوية زكى) وهؤلا كان لهم صولات وجولات فى الشرقى لم ياتى لها مثيل وايضا ممدوح مجدى توفيق وعلا عثمان وعلا بابكر(بندق) وديل من عملقة هندسة(زمن بيليه)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
وعندنا كمان ناس من زمن الهندسة 6 سنين (تخرج سنة 70)والغريبة درسهم عبدالله ابراهيم وبذلك يكون تقريبا كل المهندسين المدنين خريجى الخرطوم الموجودين على ظهر البسيطة لم يسلمو من هذا الرجل الا دفعة 85 والتى كان محمد شلوت هو طوق النجاة لها من هذا الرجل المخيف اذا دغة 85 (فرقة ناجية)(مع الاعتذار للعزيز محمد عبدالله ابراهيم)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
(من اول امس) اظنكم سمعتو عن حمودة حلاق الجاممعة الذى ربما كان حلاقا بالجامعة نهاية الستينات او بداية السبعينات (دة اجتهاد) هذا الرجل البسيط له حكاوى كثيرة جدا تحكى عنه بس انا ما استبعد انويكون بدا الحكاية والناس لصقو فيهو الباقى فمنها قالو حمودة ولدو عيان وداه ال clinic وطبعا علاقتو مع الاطباء ودكاترة الجامعة حلوة جدا فالطبيب رحب بى حمودة وعمل اللازم للولد واداهو الادوية بتاعتو وبعد كم يوم الطبيب قابل حمودة فى الجامعة سالو قال ليهو كيف ولدك انشاء الله بقى كويس حمودة قال ليهو الولد كمل العلاج والحمدلله الان فى الرمق الاخير
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ومرة حمودة كان بحلق لطالب من كلية الطب وفى الوقت داك الاطبا كانو مضربين عن العمل لاسباب ما فاول حمودة ما عرف من انو الطالب دة من كلية الطب قال ليهو بالله البعملو فيهو الاطبا دة ما غلط يضربو عن العمل يخلو العيانين يتنفسون الصعدا
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: كيف حالك يا احمد التجانى وبالله وين عظيكة وكلوب |
الشامخ عمر الحبر والله تمام الحمد لله بس خليت التمباك من كم سنة كدة والمزعلنى انى خليته بدون اى سبب
الرائعان عظيكة وكلوب لى منهم قرون اخر مرة شفتهم فى صف البنزين فى مدنى 93 او 94 اشتروا ليهم عربية سوزوكى سايقها ليهم ودجيرانهم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: أحمد التجاني .. الليييييييييييييييييلة .. هسع تجيك ناطة تراجي مصطفى وأنور آدم يقول ليك دي حركات جلابة وعنصرية ضد أهل الهامش |
ولدنا ابراهيم محمد الحسن زولك كيكى دة ركاب سرجين مع ناس الهامش وكمان مع الحناكيش زاتهم
يااخوى انت وين فى جدة؟
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
قبل ما اواصل يا ابوالقوق هاتفنى قبل دقائق من فرنسا عزيز كنت ابحث عنه كثيراوهو من عمالقة تيم هندسة هتف له ابوسمرة ومن خلفه عشاق الهندسة فى الشرقى(الله لى الله لى انا يا ليلى من بها الدين انا يا ليلى) فالتحية لهذا الرجل العملاق
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
من الاحداث الكبيرة ونحن فى البرليم احداث العنف بين تنظيم الاتجاه الاسلامى من ناحية وبقية التنظيمات الاخرى خاصة اليسارية من ناحية اخرى وكان السبب انو عماد محمد بابكر(كلية الطب)(شقيق الباشمهندس علاء المشهور ببندق فى الكلية) انسلخ من تنظيم الاتجاه الاسلامى واصدر بيان معادى للتنظيم ويذكر فيه ممارسات معينة يستنكرها على التنظيم وتاجرت التنظيمات الاخرى بالبيان وجعلته مادة اساسية فى اركان النقاش والجرائد الحائطية مما جعل تنظيم الاتجاه الاسلامى يحشد كوادره من داخل وخارج الجامعة وكانت الاحداث الموسفة التى ادت الى اغلاق الجامعة خمسة اشهر كاملة(الانتفاضة كانت فى هذه الفترة) ولاول مرة منذ ان دخلنا المدرسة الابتدائية نكره الاجازة
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
من الحاجات الكانت منتشرة فى الجامعة استغلال السناير لعدم عدم معرفة البرالمة بالجامعة ويضحكو بيهم بما يسمى بالبرلمة فى واحدة دفعتنا فى علوم بعد خلصت اجرات التسجيل لما فيها واحد سينير قال ليها عملت شنوبالنسبة للتسجيل قالت ليهو خلصت قال ليها طيب كيستى ولا لسه(طبعا مصطلح الكيس كان شائع فى الجامعة للتعبير عن الارتباط العاطفى فيقال فلان كيس فلانة وفلانة كيسة فلان) فقالت ليهو الكيس دة شنو انا ما كيست فقال ليها تمشى للمسجل بعمل ليك الموضوع دة قامت الاخت الروسية(روسية ما جنسية زمان اهل العوض بسموهم الروس فى الجامعة فاذا قالو للزول روسى ابقى هو من اهل العوض)مشت للمسجل قالت ليهو انا ما كيست الراجل اندهش شوية وادرك الموضوع بعد داك وقال ليها يا بتى موضوع اليس دة بنعملو ليك بعدين
| |
|
|
|
|
|
|
|