|
Re: محجوب شريف .. رد الجميل ... صحبة راكب الخيرية... نفاج أمل في الزمن الضنك (Re: Mohamed Abdelgaleel)
|
عـمـــــــــا قريب - محجوب شريف عمّا قريب..
الهمبريب
يفتح شبابيك الحبيب
والحال يطيب
يا محمد أحمد تستجِمْ
والبيت يتمْ
تتلم تلمْ
تفرح فرح
تحلم حِلِم
كم تطمئن
حقك يجيك لافيهو شك..
يمكن واظن
ويفوتو همْ
والعدل يعمْ
وتغني أمْ
كادت تجن
كبر الولد جُوّا السجن
فاقداهو هى
دا كلو كلو ينتهى
دا كلو كلو ينبهى
زولاً تريدو وتَشْتهِى
تلقاهو فى
لا فى السِّجِن..
لا مختفى
لا يقولو ليك ما تمشي لى
دا كلّو كلّو ينتهى
دا كلّو كلّو ينتهى
دا كلّو كلّو ينتهى
| |
|
|
|
|
|
|
Re: محجوب شريف .. رد الجميل ... صحبة راكب الخيرية... نفاج أمل في الزمن الضنك (Re: zuhair zenaty)
|
Quote: الراجل زهير لك التحية والود شغل تمام التمام
ىسف لتأخري عليك في المداخلة
نحن جازين وحتما علينا دين في رقابنا له>ا المشروع ورفاقة
اي اقتراح - ونحن ح ننزل في الصيف القادم
نورالدين
|
معليش يا نور الدين ما شفت المداخلة دي إلا الآن
لك وللأسرة الود
الايام القادمة ستشهد افتتاح عيادات رد الجميل
وبعد بدء العمل ووجود الأطباء والمرضي
حا يتعرف المطلوب بالضبط شنو
وحا ننزل كل الاشياء المطلوبة وطريقة توصيلها
وعناوين الأتصال وما له
شكراً للمرور
يا عزيز
| |
|
|
|
|
|
|
|