|
Re: مسادير يا أهل المسادير إلى ما شاء الله........ (Re: munswor almophtah)
|
خربانة أم قدود وخرابا ما بتّايا سموها العبوس اللي الكباد كواية مابتعرف كبيراً عقدولوا ولاية ولا بتقرعا من اللبّنت واللفركت حاحاية
طاوية حبالا حايمة مدبتة بي حدوبا ما بغرك نعيما وتنخدع بي هبوبا ماشفناها نايمة الماأنطرت في حوبة كم فارساً مدجج موسداهو الطوبة
مكتوب الفراق في نوتتا ومعنون قولاً من قديم مسنود صحيح ومعنعن كم بكّت علي قشاش دموع الببكن فرهيداً لتيب هن أندى منو وألين
مي دوامة تقلبلك نكد ونواح فرح ومسرة تطرح لك جبينا في مرة وتديهو 100 صرة متل حارساً موصى وفوق عروضو أنشرا التذكار بينفع المؤمنين و ماضرا
سمية الحسن طلحة
| |
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
كف الموت موتّر والخلِق في غواية راجيانا العبوس وأكفانا يوت روراية ما بتختار طرف هي الـ للأكرمين نقاية تاخد الزول عديل من غير خبر ودراية
//////////////
صرت ووسوست كايساهو دخري الحوبة ما تمت مرادا أم بهجـــتن مســــلوبة طنت ودمدمت بشويشي جرّت توبة قالت مابسيبو رويحتو مرقت دوبة
////////////
درداق البكار فحل أم وضيبا مدّهن شيال التقيل الدبرو نوسر وعورَن الدعوات تجيك من مكة وكل المدّن لاحقاك يا الهميم حتى إن بقيت في لندن
///////////
ضحكتلو العبوس بشويشي مرقت برة عارفة بتكفتو كفت الصقر لـ الفـــــرة طارت لحقتو المابتعــرف العشــــرة جابت الجسه (صندوق) البعدو ما في مسرة
بخاري بشير
| |
|
|
|
|
|
|
Re: مسادير يا أهل المسادير إلى ما شاء الله........ (Re: بخاري بشير)
|
Quote: زى وجع الضرس تاورنى ريدو وشدا وساهر بى منوسر نجمو لى ما أنعدا الزول فى الحبس مشروط عليهو العدا علا البى صعيب أنا قيف قليبى أنهدا |
منصور المفتاح
يا المنصور أخوي دايما مخدّر صيفك عاويات المدافِع بسَكِتِن بـ (سيفك) الزول في الحبس كيفِن بِهدِد قيفك ؟ خلُو يتِم عدادو الريدو تمّام كيفك !
بخاري بشير
| |
|
|
|
|
|
|
Re: مسادير يا أهل المسادير إلى ما شاء الله........ (Re: مدثر ابراهيم سعيد)
|
Quote: ليه جبت العوين ما جبتلك فرسان
فالحين في النضم خذلوك في الميدان
التاتشر وراك مردمات كيمان
ويا الناسيهو عوسنا، الليلة شفتو بيان |
ماسمِع بالمهيرة الأقوى من فرسان؟ كيف بتقول عوين وماقريت ال كان كونو نكون وراكم ماهو تقليل شان بنقدّم خُطاكم عشان أصِلنا حُنان لو دايرين نفوتكم كان وصلنا زماااان
| |
|
|
|
|
|
|
Re: مسادير يا أهل المسادير إلى ما شاء الله........ (Re: تماضر الخنساء حمزه)
|
Quote: ماسمِع بالمهيرة الأقوى من فرسان؟ كيف بتقول عوين وماقريت ال كان كونو نكون وراكم ماهو تقليل شان بنقدّم خُطاكم عشان أصِلنا حُنان لو دايرين نفوتكم كان وصلنا زماااان |
شوف عيني المآذن ضربوها بالجبخان ما ناس (لوح) يمين مابعرفو الآذان أخوان ناس سمية وقت نزلو في الميدان فرو وعردو يا (أمدر) أرقدي أمان
بخاري بشير
| |
|
|
|
|
|
|
Re: مسادير يا أهل المسادير إلى ما شاء الله........ (Re: تماضر الخنساء حمزه)
|
ماسمِع بالمهيرة الأقوى من فرسان؟
غيرها ما كنا وما سنكون وبلاها ما بنبقى وبها نفخر
الحردلو لسان حالنا ((تقول لي شنو وتقول لي منو امي مهيرة بت عبود وتالا ابوي بعانخي لزم))
كيف بتقول عوين وماقريت ال كان
العوين تعني الوليدات في بعض مناطق الشمال
انظري يعني ( شوفي واقري وافهمي واسمعي -لما تقري بلسانك- حتي لو في سرك)
الي قول حُميد
(( بي قلة المال في الجيوب كانت رخية العيشي إلا ترا العوين الكبرو كبرو مليسين علمن يطير إن كان هو ما فدّر عوج ما فادنا شيء ومحق القبيل لمينا هين في هين في هين))
وجيدا جيتو قنبو طولا
| |
|
|
|
|
|
|
|