|
Re: مسادير يا أهل المسادير إلى ما شاء الله........ (Re: munswor almophtah)
|
Quote: نادره محسنه ومعروف أصيل تيرابا ما دقولا رقصت نازله فى ربابا بت المقدرات نور من جميع أترابا والعامل جدى كاتحالو ضمه ترابا
|
فارعة ولينة, خضرا وملسا زي رقّابة لي حس الدليب في الليل تقوم تتشابي
تنكع ديسها كل ما نقرشت ربّابة تتكي لا الارض وتشبّّل الدرّابة
عنكوليبة ماها عوير خلا وسلهابة وان ترت تميس ميلا معاهو مهابة
بتقمّح ندايتا وجميع... اصحابا والفراجة ديك صابحين سمان وطرابي
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: قصيبة التقنت العند اللرنبو مكانا لتيبه مفرهده الصيف والخريف سيانا الما جابت كديبوعقبان عليها رزانه سلبت نومي مبروك عليها فلانه
|
والله يا منصور (اللرنبو) دي رجعتني لزمان أخضر وبعيد...ربنا يخضر ضراعك وضراع ابوعلي السوداني...وباقي لي قليلين خلاص البعرفو معناها..
كنا في ذلك الزمان اليانع نتسابق علي الحقول بعد ان نرمي شنطة الدمورية من علي ظهورنا ونسرع ونبطيْ في العمل خوفا من الوقوع في اللرنبو..
سد اللبقة بالواسوق وقول يا فلانة وأعزقا من هريس القشة والعطشانة
الرويانة خلقة وما بتجيك محلانة حتي القمرة طفشت من كتر لطشانة
| |
|
|
|
|
|
|
Re: مسادير يا أهل المسادير إلى ما شاء الله........ (Re: nashaat elemam)
|
سلبت نومنا ام عيون نعسانه واتحكرت جوه العيون وانسانه راضينبو السهر ان كان بقت رضيانه الا خوفنا السمحه تفوتنا يوم تنسانا
النوم دروليك وأفرحبو كان فرحانه ناس ناعس العيون فيها الخلوق سرحانه لو كان غسلتك نحن العيون طارحانه وإن كان شرتك شرك العيون كاويانا
ولك السلام يا نشأت وقول لبخارى كتر خيرك
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
ـــــــــــــــــــــ
Quote: لتيبة التقنت الشوفتها لي نرفانا رخصه براعم الصفصاف عليها خشانه عزيزه منعمه ومضروب عليها حصانه مسكنها القلوب وهي في العيون انسانا أبوعلى السودانى |
ــــــــــــــــــ القطيف والحرير من جسيمها غيرانا
من غير مساحيق الوجينات نديان
وإن برقت ألماظ عيونا جاهرانا
وإن بسمت شمس الصباح اسنانا
| |
|
|
|
|
|
|
Re: مسادير يا أهل المسادير إلى ما شاء الله........ (Re: emad altaib)
|
منصور اخوي بدوب الجمال شايفك شاقي صعيدنا وللكليمات تنقي وتفلي في النشابات لصيد فريقنا نفسك كريمة وابيه و بالعلم والاداب حفظت تراثنا سلامي وشوقي مدوسوس في القليب فايض ليه زمانا
عماد
يا زول صد قفاك قرج الصعيد خاتيهن وحافظ كلبى من رازه وتويس باريهن بريب الملاين كلى شوق بوريهن وما بعقب بخون دوار صدق برويهن
لك وعليك السلام يا عماد محمد الطيب
منصور
| |
|
|
|
|
|
|
|