ناس التشكيل و الفنون الجميلة افتونا في هذه البينة(توجد رسومات)

Quote: أنا ما زول تشكيل و فنون جميلة لكن كمتذوقة بالجد عجبتني الألوان الجريئة و الخطوط الواضحة في الرسومات ربنا يحفظ ليك الموهوبة الصغيرة دي

Quote: سلام 'طبعا توفير معدات الرسم الملائمة لسن الطفل من الأشياء المهمة..(لا ألوان مائية ولا زيتية). التحفيز والتشجيع بإختيار الأعمال الجيدة وتعليقها في غرفتها أو المكان المناسب لها لمتابعة أعمالها.. المساعدة بالنقد الغير مباشر لأعمالها... الناس أحجامها بتختلف؟ الأشجار كلها خضراء؟ هذا بيلعب أم بيمشي؟ ماذا في الحديقة؟ في المحطة؟ الشارع؟ الخ.. وكثير من الأسئلة الخفيفة التي تثير فيها روح التحدي... دون التدخل المباشر.. تحياتي عبدالعزيز

Quote: انا لا من التشكيليين..لا من ناس الفنون الجميلة..

Quote: أنا لست بفنان تشكيلى لأحكم عليها ولكن تذوقت رسومها وأعجبت بها غاية الإعجاب لدرجة قمت بتخزين جميع الرسوم التى أنزلتها وأظن يزجد كثيرون أمثالى ممن يتذوقون فن البنية الفنجرية ، ربنا يحفظها وأقترح عليك أن تقوم بإشراكها فى مسابقات الأطفال ويا حبذا الدولية منها وضرورى ضرورى من متابعة هذه الهواية وتطويرها فسيكون بإذن الله لإبنتكم شأن عظيم

Quote: نتمني أن يحفظها الله ،، البت موهوبة بشكل لافت ،، عمر ست سنوات ،، ما شاء الله

Quote: ده طبعا من اعمال الفنانه الجايه بي بتحدي وقوة عمل وهي طبعا بتخلي الزول يقول العرفه دي احيانا بتتواد من بدري

Quote: اقدر اعتبر اني زرت معرض تشكيلي لفنانه موهوبه لا نصائح ولاحديث فقط دعها كما هي وفر لها ما تريد

Quote: أخوك البتكلم معاك دا ما بعرف يرسم التكتح...لدرجة لا يمكن أن تتخيلها والقصة دى محيرانى ومزعلانى جدا جدا.. رغم إن الرسم لم يستهوينى يوما تحياتى

(عدل بواسطة زول ساكت on 04-02-2008, 12:02 PM)

Quote: تعرف العمل ده فيهو ذكاء ما عادي بعدين عمر الفاروق البخوفو شنو لو قلبت الرسمه دي (اب صايد داون) ممكن براحه تبقى ليهو خوزه يعني مسألة الصلعه تكون اتحلت ولا شنو؟ لكم جميعا الود

Quote: أخي الفاضل إذا كنت زول ساكت في مجال التشكيل فابنتك مش زولة ساكت بل فنانة عديل كدي! قرض على كلام المبدعين أحمد العربي ومحمد مختار الذي تعتبر آراؤه أول دراسة نقدية لأعمال ابنتك يجب أن تسجلها ضمن مسيرتها الفنية.. وربنا يحفظها لك ويخرج من أناملها ما يسعد الناس.

Quote: المآخذ وجوانب التوجيه .. وهذا مهم جدا أخى زول .. 1/ يجب تنبيهها على أن تملأ المساحة بتعدد الأشكال أو حتى تكبير الرسم لتتعود على التوافق بين المساحة والكتلة أى الشكل .. 2/ خطوطها قوية ولكنها تهتم بالتفاصيل وهذا ليس مطلوبا فى هذه المرحلة ، بقدر الإهتمام بالحركة واللون أكثر وأركز على اللون فى ملء المساحات ، لتتعود على خلق جوا لموضوعاتها أى أكثر من شكل واحد فى اللوحة .. 3/ ألوانها فيها ضعف فيجب إظهار قوة اللون لتحس به ليكون جزء هام فى العمل لدها .. أكتفى لها بذلك وأعمل أنت على هذه الملاحظات لبنتنا وسوف نتابع معها بإذن الله .. عمها التشكيلى العجوز / محمد مختار جعفر

Quote: إنت زول ساكت لكن هي فنانة وموهوبة بس ما تتدخل كثير أترك لها حرية أن تختار الفن وسيلة للتعبير والتواصل الإنساني وزي ما بقول ناسناهنا Don't turn into a soccer mom

Quote: يا زولنا الما ساكت : ما تسمع لي كلام الناس الفوق ديل .. البترسم فيهو بتك ده عولاق ساي خلّي البت تركّز في قرايتها انت زول محمول وعليك بنا ومدارس وجامعات خلّيها تركز ليك في الصيدلة ولا الإتصالات وتشتغل ليك بي ماهية كويسة تنفعك بعدين مالك ومال الدقّوهو وشالو قروشو بعدين ياخ زولة بترسم وش الزول مافيهو لا خشم ولا نخرة ويجو يقولوا ليك جريئة !!! بالجد جريئة خااااااااااااالص

Quote: أنا غايتو ما حيّرتني (وما يتحيّر إلا مغيّر وما يتغيّر إلا محيّر) إلا ما حسبته فكرة تحليق ما في رسومات بنتك، الله يحفظها. لقد تراءى لي أنّ رسوماتها كلّها تقريبا (حتى الإناء المرسوم بالرسّام والذي يبدو طبقاً طائراً أكثر منه إناءً) فيها إما طيران أو حركة أقرب للطيران لاسيّما رسمها لصغيرة طائرة بمنقار وأجنحة ورسمها للطائر أبو ضفيرة طائرة...الحكاية دي من شنو يا ربي؟ يا زول أقول ليك زي ما قال العربي: خليها "ترِك" براها على ما تختار...وموفّقة إن شاء الله.

Quote: بعدين ياخ زولة بترسم وش الزول مافيهو لا خشم ولا نخرة ويجو يقولوا ليك جريئة !!!

ياعمر الفاروق هاك النخرين ان شاء ينفعنك

Quote: من الحاجات الممكن تغزي الذاكره وتدرب الشوف على الرؤيه السليمه للاشياء القيام بتمارين المقارنات بين الاشكال والالوان والترحال المستمر بما يعني تجديد المكان والإطلاع على اماكن جديده عن طريق الرحلات او السفر فكلما شاف الانسان اكتر اذدادت ذاكرته ثراء وإذداد معرفه

(عدل بواسطة زول ساكت on 04-07-2008, 09:59 AM)

Quote: حباب فنانتنا الجميل وهذا المعرض الجميل سوف يكون لكي مرجع في يوما ما وهاهو الوالد وثق لكي وأبدا لن ننسي يوما أنك وضعتي هنا خطا ولونا ومزيد من الإبداع في هذا المنحي الجميل الرسالة الخطية واللونية لونيه راقية من التعبير الوجداني والنفسي وعبرها نقرأ لكي أفكار وأراء تصل إلي النفس عبر اللون . ،،،،أبوقصى،،،،

Quote: البوست ده انا فارقتو فراق الطريفي لي جملو .. الشغلانة جابت ليها فواتير ومنتظرنك ووين يا عمر ما ظاهر ووووو.. زول ساكت شرّدني من شغلي انا لي 5 يوم ما بداوم لأنو جاتني أخبار إنو بقا مرابط لي جمب الشغل .. لكن يلقاها عند الغافل ..