|
Re: ناس الحاج يوسف .... (Re: محمد عبد الماجد الصايم)
|
اخي محمد عبدالماجد الصائم
شكرا" لك وحيدراباد بتسلم عليك وعلي ناس الحاج يوسف كلهم
كابو ده عنده اخو اسمه مهدي كان زميلنا في معسكر الالزاميه العيلفون 1998 وكان ود نكته والله زي اخوه وكانت الايام ديك مجازفات ربيع طه جديده وجدعه كبيره وكان بذكرنا بيها مهدي وبفرق علينا من ويلات المعسكر وايامه الصعبه حينما كانت الجبهه الاسلاميه في طغيانها الكبير والمعسكرات مليانه بالطلاب وبي ناس الكشه وانت تكون ماشي وروحك بين يدينك. يا للنوستالجيا ............................... تحياتي لكل شارع الردميه من اللفه حتي اخر محطه القديمه والجديده
| |
|
|
|
|
|
|
Re: ناس الحاج يوسف .... (Re: محمد عبداللطيف)
|
Quote: عليك الله كورة شنو العليك .. استعد للكورة الجاياك بالصح
وين الـــ CV يــــاخــــي أصلو CV ولا عـــــروس |
ابو روان ..
يا زول والله الكورة دي ..جاهزين ليها موية..ونور..
بس راجيين الوصايا العشرة من سعادتكم والباقي خليهو علي..
بس ما يبقي زي الCV
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
سلامات ياناس الحاج يوسف والشكر الجزيل للجار العزيز الى زكرني ضمن الغايبين ، وما غيبني الا سفري خارج البلاد في برنامج عمل ضاغط لم يتيح لي الزمن للتداخل ولكن عدنا ( ورونا الجديد شنو)
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
دينااااااااااااااااااااااااااااااااااااااااااااااااااااااااااك
الزول ده جا من وين الليلة؟؟؟؟؟؟؟؟؟
أها وبعد الغياب ده كلللللللو جاي تقول
والله ماقصرت تب
هييييييييييييع
تخريمة: ود خليل .. وين الناس؟؟؟
| |
|
|
|
|
|
|
Re: ناس الحاج يوسف .... (Re: محمد عبد الماجد الصايم)
|
Quote: دينااااااااااااااااااااااااااااااااااااااااااااااااااااااااااك
|
ود الصايم يااااخ والله ضحكتني جنس ضحك يا زول الكلمة دي جبتها من ويين والله انا لي سبعة سنين
ما سمعتها..
كيفنك..
شايفك لاااااابد...مالك داير تلحق ناس(هييييييييع)
والله اخوك عليهو..جنس زنقة + كبكبكه..الله يعين
وبس نطل نرفع في البوست ده الواحد لما جاته قطيعة..
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
السلااااام عليييكم يااااا ناااااس
عمر عبد الخالق .. مبروك المولود وما شاء الله .. بس وين إنت
حسب كلامك
Quote: بس اخووووك مشغووول شديد اليومين ديل ولغاية اخر السنة ... في ترحال متواصل |
باقي من الزمن 8 أيام بس .. بعد دا تبقى مارق
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
خـــالــد الأربــــاب:
Quote: الحاج يوسف الردمية (2) .. خلف مدرسة ود السائح |
إن شاء الله في العيد ده تكون شفت البيت الجديد
أنت تمني النفس بأن تحط رحالك فيه ذات يوم ونحن نمني النفس أن نراك فيه بأكمل صحتك وكامل أمانيك
كل سنه وإنت طيب
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
الغالي/ صـــلاح شــكـوكــو:
صحيح أننا في مجتمع المغالبة لا نرى كل الجمال وصحيح أننا عند إشتداد الكرب تفوتنا روعة الجمال لكن صورا بديعة لأناس بديعين تتشكل حولنا لترسم لنا الحقيقة المتمثلة في بساطة إنساننا وروعته ..
العيد مبارك عليك .. وكل سنة وإنت طيب
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
الخــالة دوما:
ناس الرعيل الأول بالحاج يوسف فريق العرب محطه 13 وما جاورها والحاج يوسف مربع اتنين . والشقله والمايقوما
لعلك بخير وانتي في أرض الوطن .. والحاج يوسف
العيد مبارك عليكي .. وكل سنة وإنتي طيبة
| |
|
|
|
|
|
|
Re: ناس الحاج يوسف .... (Re: Abuobeida Ali Abdullah)
|
الغالي
محمد عبدالماجد الصائم
كل سنه وانت طيب والوطن الصغير بخير وربنا احقق الاماني
العيد المره دي بهناك لانو عيدالفطر كان بهنا بدون طعم ولون ولا ريحه وايام مطفيه مصابيحه
انشاء موضوع الحمي ما وفقكم وضربتو الشينات التلاته الشيات والشربوت والتالته خليها مستوره
حتي الملتقي لك ودي
م.محمد عبداللطيف حيدراباد
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
شيخ أبو عبيدة
Quote: ناس الحاج يوسف سلام ...
كل سنة وانتم طيبون...............
الحاج يوسف مربع 18 فاتح على التكامل....
مرور قبل الأرشفة وفي الزمن الضايع...
خالص الود والأحترام...
أبوعبيدة علي عبد الله |
أرشفة شنو يا مان السنة الجديدة بدت يا معلم
حبابك ألـــف ما تفوتنا
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
Quote: أنت تمني النفس بأن تحط رحالك فيه ذات يوم ونحن نمني النفس أن نراك فيه بأكمل صحتك وكامل أمانيك |
الأخ العزيز/ محمد الصايم التحايا والأشواق لك وللحاج يوسف .. كل عام أنت وجميع أهل الحاج يوسف وأهل السودان بخير . لقد أفسحت كل الأمكنة في الدواخل للحاج يوسف وأهلها الطيبين .. قريباً بإذن الله سوف أهيم كالصوفي في ذلك الحي المتفرد بأهله الأصلاء .. أقبلوني جاراً وصديقاً .. آتيكم أحمل كل الود والمحبة . شكراً جميلاً أخي محمد .. فسؤالك عني زادني طولاً .. فمرحباً بك صديق .
كما أهني الحاج يوسف وأخي عمر عبد الخالق بالمولود .. داعياً الله أن يقر به عينك وأن يجعله من أبناء الوطن البارين .. تحياتي لكم جميعاً ، أخوكم / خالد الأرباب
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
العزيز/ خالد الأرباب
Quote: أقبلوني جاراً وصديقاً .. آتيكم أحمل كل الود والمحبة . |
تجدنا إن شاء الله كما في مخيلتك .. أو أكثر
الحاج يوسف يا سيدي عالم لا يعرفه إلا من ألفه مرحبا بك في عالمنا .. و و و و حاجات كتيرة حتشوفها في الحاج يوسف
مرحبا ألف
| |
|
|
|
|
|
|
Re: ناس الحاج يوسف .... (Re: حسن الطيب يس)
|
الاخ الصايم كل عام وانت بخير وربنا يحقق اماني الجميع , في الحقيقه تاني اتغربت داخليا انا في دارفور الان ونفسي طبعا اعرف كل الجيران الفي البوست لكن الله غالب. تحياتي للجميع لحين عودة
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
فى البداية السلام رغم من انى من رواد البورد الا اننى مقل جدا فى الكتابه ودائم التصفح الا ان بود الحاج يوسف اجبرنى على الكتابة حرك دواخلى ذكريات جميلة واهات طويلة لك الف الف شكر صاحب البوست الحاج يوسف ايام وذكريات انا من ساكن امتداد حلة كوكو ( الدوحة حاليا) وبالمناسبة يا محمد حسن خليل انا وانت دفعة فى ود السائح الثانوية وانت من دار السلام المغاربة من دفعتنا من دارالسلام صالح وايمن والزمن زالغربة المسحت البقية التحية لك ولكل اهل الحاج يوسف التحية لاهل بالحاج يوسف الردمية مربع 11 والسقلة والمايقوما بالترعة محطة 12 جوار ملعب الامل ابناء عمتى ولنا عودة الى البوست
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
العزيزة بت جيرانا أسماء علي
Quote: الاخ الصايم كل عام وانت بخير وربنا يحقق اماني الجميع , في الحقيقه تاني اتغربت داخليا انا في دارفور الان ونفسي طبعا اعرف كل الجيران الفي البوست لكن الله غالب. تحياتي للجميع لحين عودة |
كيفك والشوق حاصل
غايتو الله يرد غربتك
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
Quote: شنو قاطع بنزين ولا شنو |
قاطع صور
بالمناسبة اخبار سوق الجمعة شنو؟؟؟؟؟
مكان خصب جدا للتصوير
_________________________
والسوق الفي الصقعي (الاثنين ولا الثلاثاء)
________________________ القبب ______________ اخر محطة ___________ الجوامع _____________ بس كيف الوصول ؟؟؟؟؟؟؟
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
ود الصايم يارايق سلامات
فردنا ناس مربع 8 منهم عمر درار وفردتو علم عثمان
وحزيفة محمود ويس الطاهر و عابدون عوض
ومن مربع 6 جبريل و عبد الخالق و امير سري (سري اخوان)
وشلة ام دوم
الذاكرة مفرمطة علي الاخر
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
شباب الحاج يوسف الحلوين
الصباح الباهي لونكم .. وين ناس المايقوما ـ حلة المحس ( محمد خليل اسماعيل ـ معتصم عمر (samo) ) الاخ عمر : مبروك المولود ويتربى في عزك والتحية للجميع
ــــــــــــــــــــــــــــــــــ
كان نفسى أقولك من زمـان عينيك وحاتك غربتي وأهلي و بلادي إلفيها ضائع لي زمن
| |
|
|
|
|
|
|
Re: ناس الحاج يوسف .... (Re: ود المايقوما)
|
عمر
المولود مبرووك ويتربى فى عزك وجعله الله من ابناء الاسلام والوطن الصالحين
ود الصايم
عفيت منك ويوم شكرك مايجى حارس البوست حراسه شديده وربنا يخليك ومشتاقين يا زول
ود المايقوما
كيفنك ياخ ونعلك طيب
اهل الحاج يوسف كلكم مكانكم صميم الفؤاد
| |
|
|
|
|
|
|
Re: ناس الحاج يوسف .... (Re: على محمد على بشير)
|
ساهمت ولازالت تساهم الحاج يوسف فى الحراك الاقتصادى والاجتماعى والسياسى فى مجتمع العاصمه القوميه بصوره خاصه والمجتمع السودانى بصوره عامه وذلك لان التركيبه السكانيه للحاج اتت متوازنه جدا فهى تضم طبقة التجار والموظفين والعمال وذلك لان السكن بالحاج يوسف بدا بالخطه الاسكانيه لامتداد الحاج يوسف وكما هو معلوم فأن الخطه الاسكانيه دائما ما تكون لناس مستواهم الاقتصادى والاجتماعى متقارب ومن ثم بعد ذلك بدأ النزوح من احياء العاصمه القديمه للسكن عشوائيابالمايقومات والشقلات لاحقا وبدا يتكون مجتمع حضرى من موظفين وعمال ولا حقا تجار وبدا يتشكل وجه الحاج يوسف المدينه ولا يظنا احدا بان النشأه الاولى للحاج يوسف كانت سهله او يسيره وانى لازكر فى تلك الفتره ووما حكاه لنا الرواد لاحقا بأن اهل المنطقه الاصليين من اهلنا البطاحيين اهل البداوه والحياه السهله الخاليه من تعقيدات العصر كانوا يرفضون وبقوه تلك الهجمه لهؤلاء الغرباء الذين صاروا يردون اليهم من كل حدب وصوب واصبحت المنازل تبنى وتشيد وسدوا عليهم الافق وعلى ماشيتهم التى كانت تمشى فى تلك الارجاء دون عائق والان اصبحت تلتف يمنه ويسره بين البيوت المشيده حديثا هذا غير ان القادمين الجدد كانوا يملكون حديثا ولهجه مختلفه عنهم وعادات وتقاليد مختلفه عنهم وطريقة عيش مختلفه ايضا وابناء وبنات مختلفون عن ابناءهم فى طريقة تعاملهم مع الحياه وفى الشكل العام كانت هناك صوره مصغره لصراع الحضارات قد بدأت للتو فى تلك المنطقه الهادئه والوادعه والمطمئنه وان هناك سكان جدد قد بدوا فعلا فى تغيير خارطة المنطقه وقد طلبوا فعلا خدمات الماء والكهرباء والصحه والتعليم وقد كان ذلك الحراك سريعا ومتتابعا مما ازعج سكان المنطقه الاصليين الذين اصلا كانوا يتوجسون من الغرباء الذين ازعجوهم ايما ازعاج وهم الذين احتفظوا بخصوصيتهم وخصوصية منطقتهم لسنين طويله وموغله فى القدم ومنز ايام الجدود يعيشون حياه سهله وبسيطه وبلا تعقيدات فى مجتمع بدوى مترابط تغلب عليه روح القبيله يكرمون الضيف ويتواددون فيما بينهم ويتزاوجون داخل القبيله والفروسيه والشجاعه هى صفاتهم والهدوؤ والوداعه هى صفات نسائهم لذلك كله كانوا ينظرون بريبه شديده للقادمين الجدد من لابسى البناطلين والقمصان والى نسائهم اللائى يزهبن صباحا الى السوق لتزويد بيوتهن بالخضار واللحم وباقى مستلزمات البيت والى اطفالهم يزهبون صباحا الى المدارس وعصرا وهم يلعبون الكوره فى ملابس غريبه لذلك توجسوا منهم خيفه على مجتمعهم وعلى عاداتهم وتقاليدهم وعلى هدوءهم الذى يبدو انهم لن ينعموا به بعد الان وعلى وقع اقدام لابسى البناطلين واسرهم خاصه وانهم قد شرعوا فى تكوين اللجان والمطالبه بالخدمات الاساسيه من مياه وكهرباء ومدارس واذا ما اضفنا الى ذلك بأن بعضا من السكان الاصليين كانوا قد انضموا فعلا الى ركب القادمين الجدد وقد عقدوا صداقات مع الاسر الجديده وقد بدأت حركة اندماج بينهم وصاروا يطالبون معهم بالخدمات
يتبع --------
| |
|
|
|
|
|
|
Re: ناس الحاج يوسف .... (Re: على محمد على بشير)
|
وفى لحظة ما ... بدا الصدام
فقد حكى لنا الرواد من السكان الاوائل للمايقوما شرق بأنه وفى يوم كان محددا لاجتماع السكان لاتخاز القرار النهائى فى امر المدرسه وباقى الخدمات ولانه كان اجتماعا حاسما فقد تنادى له السكان من اطراف المايقوما على قلتهم حتى يحسموا هذا الامر وينعموا بالخدمات الاساسيه ويطمئنوا على مستقبل ابناءهم وليستقروا وللابد فى المنطقه
وفى الطرف الاخر كان هناك غضب وسط السكان الاصليين الذين كانوا يرفضون اصلا وجود الغرباء بينهم وهاهم يرونهم وهم يستعدون للسيطره على المنطقه ببناء المدارس وتقديم الخدمات وتكوين اللجان لذلك الغرض بينما يتجاهلونهم هم اصحاب الارض والتاريخ والبطولات فقد قاتل البطاحين من اجل الارض والمرعى الكثير من القبائل المجاوره وقدموا شهداء فى تلك المعارك من اجل ان تظل كلمتهم هى العليا فى ارضهم فكيف يقبلون اليوم بالوافدين الجدد الذين يتجاهلونهم ولا يشركونهم معهم فى خططهم وافكارهم ولا يحسبون حسابهم
وان كان الامر هكذا فاليوم هو يوم الحساب وسيعرف هؤلاء الجدد من هم البطاحين وسيعرفون جيدا كيف يتصرفون مستقبلا فى وجود اهل المنطقه الاصليين .. وبدات اجتماعات محمومه تتدارس امر تلقين الوافدين الجدد من لابسى البناطلين والقمصان درسا لن ينسوه للابد ولوضع خطوط حمراء لا يتجاوزونها مستقبلا ان ارادوا ان يعيشوا جيران لهم او فليرحلوا عن سماءهم وارضهم غير ماسوف عليهم
وكان الطرف الاخر لا يعى ما يدبر له بليل لانهم لم يكونوا يتقدون او يتصورون ان ما يتنادون له يمكن ان يزعج باى حال من الاحوال كائنا من كان .. بالاضافه الى انهم كانوا يتنادون لهذا العمل بصوره شخصيه وفرديه وبدون قياده واضحه او تجمع بالمعنى المفهوم والمتعارف عليه بالاضافه الى انهم كانوا جاهلين اصلا بالمشكل الذى يحيط بهم والذى خلقوه هم اصلا دون قصد منهم ولم يفهموا لايام طوالى تلك النظرات التى كان يرميهم بها سكان المنطقه الاصليين فى حلهم وترحالهم ولم يحسوا بالالم والغضب المكبوت فى صدور السكان الاصليين نحوهم
واصلا ماكان لهذه المشكله ان تقوم لو ان قرون استشعارهم التقطت الاشارات السالبه والنظرات التى تفيض غضبا فى عيون السكان الاصليين ولو تناقشوا فيما بينهم ذلك الامر وهو عدم الترحيب بهم لكانوا انتبهوا للامر فى حينه ولكانت عملية الانفتاح نحو الاخر متاحه ولكانت عملية مشاورته فى مستقبل المنطقه واشراكه فى اتخاز القرار وتمثيلهم فى اللجان المكونه لهذا الامر لو حدث كل ذلك لانتزعوا فتيل الازمه فى حينه ولحل التوافق والوئام محل الغضب ورفض الاخر
ولكنى وكما اسلفت فانه لم تكن هناك قياده جماعيه للوافدين الجدد بل هم مجموع اناس يمنون النفس بالبيت الملك والهروب من ارهاق الايجار واصحاب البيوت ويفكرون فى مستقبل ابناءهم وكانوا خليطا من كل قبائل السودان لا يجمعهم الا الحلم المشترك فى ان يكونوا اصحاب املاك وهو حلم مشروع ولكنه اصطدم بواقع لم يحسبوا حسابه وهو وجود قبيله راسخه فى القدم وصاحبة الارض والعادات والتقاليد والفضاء الواسع الذى لا تحده حدود بالنسبه للارض وبالنسبه للسياده
وكانت ليلة الاجتماع الحاسم بالنسبه للمدرسه والخدمات هى نفسها ليلة الصدام الكبير بين الجديد والقديم بين الوافد والساكن الاصلى بين حياة البداوه وحياة المدينه بين بداية طموحات للوافدين الجدد ونهاية حياة الهدوء والسكينه للسكان الاصليين
يتبع ==============
| |
|
|
|
|
|
|
Re: ناس الحاج يوسف .... (Re: على محمد على بشير)
|
وليلا اجتمع السكان الجدد وبدأ الاجتماع واذا بالسكان الاصليين يتسورون الحيط ويداهمون المجتمعون ويهب المجتمعون للدفاع وتدور المعركه سريعا وتنتهى سريعا بعد ان خلفت فى كل رجل من الرجال المجتمعين جرحا غائرا فى جسده وفى نفسه ونفس الشئ حدث للقوه التى قامت بالهجوم وكانت معركه سريعه ولكنها شرسه وقويه
وقد فعلت تلك المعركه فعلها فلم يزهب احدا للشرطه ولم يشتكى احدا بانه جرح او ضرب من الطرفين ولكن تفتحت بصيرة الطرفين للذى حدث فقد استنكر الكبار والشيوخ من السكان الاصليين من الذين عركتهم التجارب وانضجتهم السنين الطويله التى عاشوها استنكروا ما قام به جمعا منهم بليل ولم يتوقف الامر على الاستنكار فقط بل وصل حد الاعتزار من جيرانهم والجيران فهموا الامر اخيرا وترسخ اكثر بعد كلام واعتزار الكبار من السكان الاصليين وتفتحت بصيرتهم على اثر كلام احد الشيوخ الذى اثنى على الخدمات والمدارس ولكنه لامهم على انهم رتبوا للامر دون مشورة الطرف الاخر مما اوغر صدور الشباب وعدوه تجاهلا ومحاوله للتهميش .. وعندها فقط فهم الطرف الاخر دواعى الغاره الليليه
ومن يومها اصبح الطرفان على قلب رجل واحد ودخلت المياه والكهرباء وبنيت المدارس والمركز الصحى وسفلتت الطرق بجهد وتعاون الطرفين ومخطئ اليوم خطأ شديدا من يقول الطرفين او السكان الاصليين والسكان الجدد فقد تلاشت كل تلك المسميات واصبح الجميع اكثر من الاخوه وقد تم التزاوج بين الطرفين وقد درس الابناء مع بعضهم البعض وقامت الصداقات وانا شخصيا لدى ابن عم متزوج من بطحانيه فى الشقله ولديه منها الابناء والبنات ومثل هذا الامر وفى تلك الفتره كان ضربا من الخيال
يتبع ـــــــ
| |
|
|
|
|
|
|
Re: ناس الحاج يوسف .... (Re: عمر عبد الخالق سعيد)
|
Quote: ود الصايم
عفيت منك ويوم شكرك مايجى حارس البوست حراسه شديده وربنا يخليك ومشتاقين يا زول |
علي ود علي
كيف الحال ياخ والله مشتاقين عدييييييل
شنو يا ناس فكيتونا كدا
لكن شايفك بقيت تعوّض لينا الغياب
عقبال البقية
يديكم العافية كللللللللللكم
| |
|
|
|
|
|
|
Re: ناس الحاج يوسف .... (Re: رهف)
|
Quote: ياخوى الحاج يوسف زمااااان قبل الكبرى الجديد هسى اصبحنا المنشية شرق وما العاجبه يمشى البحر
|
هيييع سمحه المقدره
والله كلام يا مواهب الردميه
| |
|
|
|
|
|
|
Re: ناس الحاج يوسف .... (Re: رهف)
|
Quote: ياخوى الحاج يوسف زمااااان قبل الكبرى الجديد هسى اصبحنا المنشية شرق وما العاجبه يمشى البحر
|
مواهب الردمية سلامات
هسي المنشية بعد الكبري بقت الحاج يوسف غرب
| |
|
|
|
|
|
|
Re: ناس الحاج يوسف .... (Re: محمد عبد الماجد الصايم)
|
ناااااااااااااااس الحاج يوسف
العريس النفض الكيس ظهر ..
بعد الغياااااب ..
بعد الليالي الحلوة في ..
حلو مستطاااااااب..
ازيييكم يا اهلنا والله مشتاقييييين غيبنا منكم الشديد القوي
ولكن عدنا..
حبيبنا ود الصائم..
ليك وحشة والله يا مان
وبوستينا ده لو ما انت كان لحق امات طه
تسلم على المجهود يا ابو روان يا مجتهد ويسلموا كل الشباب المداوميييين
اها انا تاني ما بخليكم وجع وش شديد بي هنا وبي هناك في بوست زواجي الفتحتو الشاعرة فردوس
الله يديها العافية...
ولي ليكم شماراااااات تقيلة من الصقعي اترقبوها..
| |
|
|
|
|
|
|
Re: ناس الحاج يوسف .... (Re: mohmed khalail)
|
مسعولين من الخير
ما شفناكم مع الضيوف في بوست زواجي..
ضيووووف شنو ؟؟؟انتو مفروض تكونو عافرتو التور وبتضيفو في الناس..
حليل فردوس الما من الحادج يوسف ما قصرت..
زعل شديد الا لو ترضوني بي عشاء كاااااارب بي فتة فول يمكن ارضى
| |
|
|
|
|
|
|
Re: ناس الحاج يوسف .... (Re: mohmed khalail)
|
Quote: وبالمناسبة يا محمد حسن خليل انا وانت دفعة فى ود السائح الثانوية وانت من دار السلام المغاربة من دفعتنا من دارالسلام صالح وايمن والزمن زالغربة المسحت البقية التحية لك ولكل اهل الحاج يوسف |
الحبيب مجدي
سلامااات يا راقي
وييينك يا راجل ووين الحي بيك
وكيف انسااااك وانسي الايام الحلوة
ايااام ود السائح كانت ولا في الاحلااااام
ادينا اخبارك وليك الف تحية
| |
|
|
|
|
|
|
Re: ناس الحاج يوسف .... (Re: mohmed khalail)
|
أمااااااااااااااااااااااك
العريس النفض الكيس
سمدلله ع الحلامه ياخ
والله بركه الجمعتا
بركه الجيت بركه الجيت سمح انت وبسكويت
الشوق بحر والله
لكن لقيتك ..
قلت لي عرسته وفيكتنا عكس الهوا
هوا شنو وقفت الهوا ظاااااااااطو
مشتاقين يا عمك والله
رجعت ولا لساك هناك
| |
|
|
|
|
|
|
Re: ناس الحاج يوسف .... (Re: mohmed khalail)
|
مهمد هليل
وينك و مشتاقييين شديد
Quote: ولي ليكم شماراااااات تقيلة من الصقعي اترقبوها.. |
\
و مليار مبرووك
Quote: اها انا تاني ما بخليكم وجع وش شديد بي هنا وبي هناك في بوست زواجي الفتحتو الشاعرة فردوس
الله يديها العافية...
|
والتحية للشاعرة فردوس
| |
|
|
|
|
|
|
Re: ناس الحاج يوسف .... (Re: محمد عبد الماجد الصايم)
|
Quote: لكن يا عريس هو وينو بوست زواجك ده ظاااطو |
ود الصايم يا مشاغب الحلة..
والله نورت بي غادي..
يااااخ والله يوم بتموتني بالضحك..
وشنو العمش العليك من هسي ده انت يا دوب عندك اتنين لو وصلو خمسة كيف..ما قلنا ما تكتّرو ولا شنو؟؟
وبعدين انا كنت راجيك تبقى الوزير تقوم البوست ما تشوفو ؟؟؟؟؟
| |
|
|
|
|
|
|
Re: ناس الحاج يوسف .... (Re: على محمد على بشير)
|
ابو علوة..
سلاااام كمان بي جاي..
والله يبارك فيك ..عقبال نبارك ليك المناسبات السعيدة..
تعرف يا علي اجمل ما في برنامج الزواج كان..العودة الي الحاج يوسف بعد اربعة سنوات عجاف..
ووجدتها كما هي وديعة وآسرة..
يا بختنا بيها..
| |
|
|
|
|
|
|
Re: ناس الحاج يوسف .... (Re: mohmed khalail)
|
اعيده ليكم لاعلى المنبر ..
اظن ما قصرت...
ياخ جاتني فلايت وقطايع من كترت الرفع..
انت يا ود الصايم الزايييغ ليها شنو يا بتاع الغايتوات..
سيد الحوش ده خليهو ساااي حالة ميئوس منها...قال تعالو وكب الزوغه..
تحيات بطعم الحاج منفى
| |
|
|
|
|
|
|
Re: ناس الحاج يوسف .... (Re: mohmed khalail)
|
وين يا ناس
عمر عبد الخالق محمد خليل علي بشير
كل الشباب في الحلة
والله مشتاقين عدييييييييييل
اليومين ديل الشغل ألـ 1000 ـف وكدا
يا دوب نديها مداخلة مداخلتين وشتات
سلام للجميع
غايتو جنس شغل غايتو!!
| |
|
|
|
|
|
|
|