|
Re: عبد العظيم منصور ...المبدع الفنان (Re: Saber Abdelhadi)
|
ياسر السيد ســـــلامات الفنان عبدالعظيم منصور صوت جميل واداء متميز عرفتة منذ زمن طويل فى المانيا وكنت دائما اسال نفسى فنان فى قامتة ويهوى الابتعاد من الاضواء فى زمن من يملك ولو شى قليل من امكانياتة اصبح نجم معروف . فنان فى قامتة لابد ان يكون حاضرا بفنه واداءه المتميز
احمــد خضــر
| |
|
|
|
|
|
|
Re: عبد العظيم منصور ...المبدع الفنان (Re: ahmed khidir)
|
العزيز / احمد خضر
اشكرا كثيرا على هذه المداخلة الحلوة الجميلة
وكم انت جميل وفنان
عبد العظيم - عاطف خيرى ثنائى مبدع ومن الاشياء الغريبة والملفتة انهم ابناء حلة ودفعة دراسة منذ الصغر
وسوف اذيع لك سرا لو ربنا سهل سوف يكون هذا المبدع بيننا فى الولايات التحدة الامريكية عما قريب جدا
واتمنى ان اكون على صواب بانك احمد خضر ( فرجيينيا )
ولو غير ذالك ايضا مرحبا بك الف
| |
|
|
|
|
|
|
Re: عبد العظيم منصور ...المبدع الفنان (Re: Elmosley)
|
الاستاذ المبدع دوما / الموصلى
لك الشكر الكتير وانت دائما مع الابداع اينما وجد يا رجل يافنان ياعظيم
وهذه شهادة نفتخر بها نحن قبل عبد العظيم لانها من اهل معرفة ودراية
ولك كل والود والمحبة
ولنا لقاء
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
سيف جبريل يا خرده ذى ما بقول كوستاوى وحالتك اصغر مننا !!
الصوره دى لنج فى مارس 2007 (شهر العسل وكده )
تقول من زمن برلين والله نطلع صور برلين بصغرك دا تتشهى تبقى دفعتى (عقداء طبعن )شفت ضيعتك كيف
ياخ انا دفعتى زغت منهم بقيت اقول للمدام ديل كانو اساتذتنا فى كلية الرباط (قرض على الرباط دى !!!)
اجدعنا بسلك .
إعتذاراتى ياسر .
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
استاذنا وبلدياتى وشقيقى الاكبر فضيلى جماع تحياتى ومشتاقون انا وسجيلى (الكاشف) إبراهيم ول باخت وتحيانا عبرك لاختنا اسيا والعويله .
يا استاذ فضيلى عندى طلب غالى وإنت اغلى واعز فى قصيده ليك من منتصف الثمانينات كانت فرمالة عشقنا وتتصدر كل خطابات الريده ايام الطلب والشغب فى عروس الرمال وقد كنت عصرئذ نجمها المتألق
إسمها حكاية الشوق او اسميناها نحن ما عارف (انا وسجيلى يحي جماع ) وقد كانت اول بوست لى فى سودانيس اون لاين .
ارفع لمعاليكم طلبنا هذا نحن محبى شعرك ومعجبى فن وغنا الزول السامعو فوق دا ،اخونا الباشمهندس عبد العظيم بان تتكرم وتهدىء لنا جميعا تلك القصيده ليقوم الاخ عبد العظيم بتلحينها واملى كبير فى موافقته وإعتزازه بالتغنى لكم كواحد من الشعراء المرهفين والجميلين .
هل من مثنى .
ومحبتى .
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
ياسر شكرا على الإطراء واليوم يوم المتعه والإطراء للزول الفنان عظمه .
معليش ياسر إنت يا حبيب ساكن وين هسه ؟ ود يس دا منو الورد إسمو فى اول البوست علو الدكتور اللغوى العلامه صاحب سيف جبريل المسخوت (سواق التاكسى )؟؟ انتظر الإفاده وسؤالى عن سكنك داير اعرف عبد العظيم منصور لما يجى امريكا بنزل فى ياتو ولايه؟
عشان انا داير الاقى واسلم على واحتفل بيهو مع الاخرين ودى ابسط ابجديات الموده وواجبات المعجبين الذى حالاتنا ،عموما ساكن قريب من محل الرئيس بنوم ما ذى بتاع الجريف (سواق التاكسى الحريف) فى السودان ساكن الجريف وفى امريكا ماسك القيف شفت كيف !!
عموما ما تنسونا من كارب القعدات وسوف ينوبكم عنا ثواب سقفو قمم التطريب .
سيف جبريل بعرف بكان نبطشيتى ونمرتى العسكريه !!
وانا مرابط هنا طبعن ولسه منتظر عصافير الخريف .
معقول يا خدر ما جيت مارى ب جاى ؟؟
لو فى زول من ناس عمان (الدوله )مر من هنا ينبه لينا استاذنا فضيلى جماع فى مداخله معنى بيها دايرين ردو عليها .
وماجايين صادين بل قاعدين هنا.
| |
|
|
|
|
|
|
Re: عبد العظيم منصور ...المبدع الفنان (Re: فارس موسى)
|
الرائع دوما فارس
اولا لن ساكن هنا :- ميرلاند -روكفل وتلفوتى 3012337587
الدكتور يسن محمد يسن صديقى عزيز راجل راقى مهتم جدا بالادب وهو الان فى كاليفورنيا وهو العلامة اللغوى كما ذكرت
عند حضوره سوف يكون فى ميرلاند وغلى مااظن انك فى واشنطن يعنى قريب جدا فارجو منك المواصلة ولو سمحت ظروفك تسجل لنا زيارة بالمنزل نكون شاكرين وسوف نرد لك الطاق طاقين
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
يا سلام يا ياسر ياخ إنت ما زولنا تب وود حتتنا كمان
انا ساكن حلة اولاد العرب (فرجينيا) فريق chantilly
وبديك سلك هسه ياخ انا ما لميت فى تسجيلات الهندسه .
المسكنك مع ناس كوستاوى شنو يا زول ، ولا إنت تبع اوباما !؟
am just kidding
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
Quote: ود يس دا منو الورد إسمو فى اول البوست علو الدكتور اللغوى العلامه صاحب سيف جبريل المسخوت (سواق التاكسى )؟؟ |
الأستاذ فارس سلام مطبوق واحترام قواسيب ياني اللغوي وصاحب سيف لكن بس ماني علامة لازلت على اعتاب المعرفة والعلم فشكرا لحسن ظنك بي كم شوقتني للقاك ، فالجمال لا يعرفه إلا الجميلين وبحول الله ساكون بطرف صديقي ياسر يوم 29/3 أتمنى لقاك هناك
أخي ياسر سلام ومبروك انو بكري أداك الكُشر واستجاب للنداء كنت أعلم ان بدايتك ستكون امتداداً لأحياء الجمال فيك وحولك لك الود سأقضي جل وقتي في إثراء هذا البوست بروائع هذا الفنان الإنسان لك التحية
| |
|
|
|
|
|
|
Re: عبد العظيم منصور ...المبدع الفنان (Re: yasiko)
|
البرلوم ياسر... اولآ الف مليون مرحب بيك... بداية موفقة... بعدين فارس موسى راسو ما يكبر زول مثقف وقاريئ مطلع بزكرنى بى المرحوم كمال دقدق فى المانيا.. يمكن يكون حافظ كتابات كل البورداب... بعدين يا فارس دكتور يسن حيكون بطرفكم لازم تلتقى بيهو... انسان مسكون بالادب والفن.. ما طبعن الشوايقة غير النقزى و اكل القراصي والغنى لي المحبوبى ما عندهم شئ... بعدين يا ياسر لازم تسجل لينا كل الاغانى الجميلة بتاعت عبدالعظيم منصور دى وترسل مع دكتور يسن... يا فارس.... شد اسلاك فى غسيل ما نشف..
| |
|
|
|
|
|
|
Re: عبد العظيم منصور ...المبدع الفنان (Re: yasiko)
|
يااااااااااااااااااااااااااااااااااااااااااااااااااااااااااااااه...
اول حاجة شكرا...خالص...ان اهديتنا عبدالعظيم منصور...
تاني حاجة لازم تعمل لينا لينكات الحفظ...عشان نسمع عبدالعظيم...كما اعتدنا ان نسمعه
تالت حاجة...البيعرف ...تلفون عبدالعظيم يدينا ليه او يوصلو...شوقا حنين وقديم..
ياااااااااااااااااااااااااااااااااااااااااااااااااااااااااااااه
والله ديك كانت ايام هي.....كان عبدالعظيم وعاطف خيري...وهواء بلكونة قبلي وعود وربابة...وغناء حتي مطلع الفجر...
يوم ان كنا نتندر علي رنة حليك...
| |
|
|
|
|
|
|
Re: عبد العظيم منصور ...المبدع الفنان (Re: kamalabas)
|
الاخ العزيز كمال
الشكر لك وانت تقوم بهذا الدور العظيم
والفنان محمد كرم الله دا حاجة دانى ممكن تصبر على شوية لانه يحتاج لشهور بل سنين لنوفيه حقه فهو بلا منازع
اسطورة فى فن الغناء الشايقى وشوف بعد غياب 30 سنة يعود وكانه فى سن العشرين فالاصيل لايصداء ابدا
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
استاذنا العزيز جدا د يس
التحايا النواضر كنضاره هذا الصوت الذى جمعنا جميعا.
اتابع كتاباتك كل ما تيسر لى ذلك، لك حضور مهيب يذكرنى مراقبى الإمتحانات
فأنت من القلائل فى هذا المنبر المعنيين بتجويد الكتابه بلغة الضاد
وأنتم حراسا غلاظ يعمل لكم راغبى التجويد الف حساب ويرفع ضغطكم الذين لا يفرقون بين الغين والقاف.!
انتظرك مع صديقى الحميم الجديد لنج ياسر !
سيف جبريل دا شكلو ما باراك كتير كان AT LEAST لغتو إتحسنت كتير لكن تعملوا شنو إنتو مع الناطقين بغيرها!!! (خت ليك وش تكاسى فردو كلها مجليه ) .
التحيه تانى لحبينا وفنانا الرائع معنى وليس مجامله عبد العظيم منصور.
وشكرا.
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
يااااااااااااااااااااااااااااااااااااااا
ياسر السيد...لا اديتني تلفون عبدالعظيم في النرويج...ولا لنكات الحفظ...
وبعدين لازم ترجع لي عبدالعظيم تقول ليه غني لي
اتدللي واتدللي واتدللي...
وانا قلبي بالنار منصلي
ما بسيب هواك...لو تكتلي
عبدالعظيم منصور هذا لو بطّل حياءه الفطري داك واقتحم الفضاءات... لما سمعت بعده لأصوات عديدة...فهو عندي صوت معتق بقامة النعام وصاحب الطيف الذي عاد عندما يغني لك بالرباب...ومعتقا كوردي والعاقب محمد حسن حينما يغني لك بالعود
عليك الله ادينا لنكات حفظ الاغاني ...
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
يا سلام قمة الإبداع
الرائع عبد العظيم منصور آخر مرة جلسنا معه قبل ما يقارب 14 سنة في السودان ومعي أقربائي وأصدقائي عثمان عبد الباسط (كحيل) ومنتصر على طه وربيع طه (رورو) وأمين صديق وأحمد عكاشة وشمس المعارف بخيت وأصدقاء آخرين في الخرطوم..
بلغوه منا السلام والتحايا..
عوض الله أحمد الطيب الرياض
| |
|
|
|
|
|
|
Re: عبد العظيم منصور ...المبدع الفنان (Re: yasiko)
|
أتخيل أننا في غرفة عبد العظيم في الجناح الجنوبي لجامعة السودان نواحي الديوم الشرقية
عبد العظيم منصور
حميد
أحمد سليمان
خالد شقوري
عبد القادر
عاطف خيري
صديق محمد طه
د. يس
ياسر علي السيد
وكلنا في ضيافة المتداخلين في هذا البوست ( من لم يحضروا معنا ذلك الزمن الجميل )
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
Quote: غصن الرياض المائل
(حقيبة) بصوت عبد العظيم منصور |
ياسر وحاتك شريطك منقة بس بعدين تصليح بسيط غصن الرياض المايد
الناحلنى هجرك وانت ناضر وزايد جافيتنى ليه وانا رايد شفت من القافيه بتصلح الكلام
تسلم الله يعافيك زيدنا شدوا زدنا،،،
| |
|
|
|
|
|
|
Re: عبد العظيم منصور ...المبدع الفنان (Re: Yasier Elsayed)
|
الفنان ياسر علي السيد
أول شيئ إنت ياكا ياسر على السيد بتاع كريمة ؟؟؟ لأني فيما أذكر سمعت شريط لثنائي خطير بالطمبور محمد الطيب وياسر على السيد ...
عبد العظيم منصور فنان بمعنى الكلمة .. وهو ملحن من الطراز النادر.. صاحب خيال لحني لا تحده حدود ...
وهو بالطبع من أسرة فنية عاشت بمدينة كريمة .. وهو أيضاً شقيق الفنان ( المنجذب ) الدكتور عبد المنعم صديقنا في الزمن الجميل ..
والذي كان يلقب حينها بوردي الصغير .. وقد عملنا معه سنين عدداً بواد مدني .. إلا أنه إعتزل الغناء فجأة ونذر ما تبقى من حياته للعبادة ..والعناية باللحية .. وقد قابلته بعد سنين إنقطاع ولم أتعرف عليه ..
ولي عوده ،،،
| |
|
|
|
|
|
|
Re: عبد العظيم منصور ...المبدع الفنان (Re: عثمان دغيس)
|
الاخ العزيز عثمان دغيس
اولا اشكرك على هذا المرور الجميل والثناء ولكن منتظرين منك الكثير فى هذا البوست خصوصا وانت ذو علم كثير بهذه الاسرة الفينية وصلة بالميدع عبد المنعم منصور ( وردى) كما كان يسمونه انا ياسر على السيد بتاع كريمة ومحمد الطيب هذا صديق حميم جدا وموضوع الشريط مسالة تانية
لك الود
| |
|
|
|
|
|
|
|