|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
الهند بدون فرز/
كنت قد وعدت نفسى بالكتابة هنا والتواصل لكن اول ان تبدأ فى الكتابة تصير
الكلمات صور وتحتشد امامك قوافل الاحداث والمواقف لتبعدك عن الكتابة وهمها
تحتشد الندوات والسمنارات تطير من جيوبى بيانات وتخرج من بين اصابعي تزاكر
القطارات RAC وعلى الجدران الاشاهد مباريات دوري الاتحاد وادخل عند المساء
نهرو هول واجلس فى اي مكان اختار واضحك مع (جنجا)حين يرسل ضحكتة العجيبة
او اجلس مع شلف وفالوله بالقرب من مدخل المسرح ونطلب منه ان يغني (الخدود
الشاربة من لون الشفق عند المغارب)واحيانا يستردفني (عبدالله دوليب) الى
البوليس (FRO)او اطلب عند المهناز طبق(سامبكسا) اقابل كثيرون عند الظهيره
ادردش مع اشرف مامون عند (الجرمن بيكري)وبعد ذلك اراجع بيان الستقلال
قبل الطبع او اراجع مع الاخوان حمزة الامين ومحمد فاروق وصلاح ابوشيبه ندوة
(علي المك ملامح من السيرة الذاتية)اقابل عند الايراني عثمان شيخ العرب
وكامل (تيم)مدني ويصيح محمدين على جحا وسلك (احلي يا الخرطوم) شيخ السر
يحاول الدخول فى نقاش بين بكتاش وحسبو ...
زردية يعود من عيد ميلاد احتفل به بعض من اصدقاء ...بروفات المركزية
والكورال تردد(هام ذاك النهر يستلهم سحر)..
اطالع قائمة الخطابات مسجلة وغير مسجلة .....اسرح بخيالى نحو تلك المرافئ
كل يوم .........
ودمتم
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
وصلني هذا الايميل من الاخ وليد النور وهو يبعث بتحياته لجميع خريجي بونا والهند Salaam ya mutwali;
Please forward my e-mail to MR Khalid sidahmed Mohamed & Omer sidahmed (umrwaaba) and pass my regards to all the graduate and the student of India with special regards to people from pune and very special regards to those who graduate from wadia college and very very special regards to T.Y.Bsc(1990)….I can’t wait to get an Arabic keyboard to write some of those days stories….at this minutes while Iam writing …many many names hits my memory..abdul,,altahir kassala… alsadig from roufaa,yassir abbas naseruldeen murgani ,nwal muhamood,ola,omer hassan nageela, suliman ferguson college
….there willnot be enough space to write all these names of those beautiful peoples we spends these years with…pune,mg road, rahul theatre, lonavla mahabuashwar ..etc
Brother mutwali please recommend me an access to the board so I can write some of the stories from pune and Bombay.
Thank you
Waleed Mohamed elamin elnour.
You may forward this mail to khalid sid ahmed Mohamed(mudeeeer)
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: BAKTASH)
|
"وبشر الصابرين الذين إذا أصابتهم مصيبة قالوا إنا لله وإنا إليه راجعون "
بقلوب تتفطر ونفوس يملأها الحزن ووري الثري يوم امس بمدينة الرياض بالمملكة العربية السعودية
الأخ عبد الحافظ - من ابناء مدينة كسلا
جامعة بونا - كلية بونا 1995-2001
الذي حدثت وفاته ظهر يوم الجمعة الماضي إثر سكتة قلبية ..
نسال الله ان يلهم اهله وزويه الصبر والسلون وحسن العزاء
وان يتقبله بقبول حسن ويدخله فسيح جناته في هذا الشهر الكريم إنه ولي ذلك والقادر عليه
أمين
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
اللهم نسألك ببركة هذا الشهر الكريم أن ترحم والدة الأخ العزيز راضي خليل وتسكنها فسيح جناتك مع الصديقين والشهداء وحسن أولئك رفيقا وأن تلهم اسرتها الصبر وحسن العزاء كما ونسأله تعالى أن يتقبل الأخ عبد الحافظ ويرحمه ويسكنه الجنان العلى ويلهم ذويه الصبر الجميل وحسن العزاء
وأن يبدل متوفيتنا ومتوفينا دارا خير من داريهما وأهلا خير من أهليهما ويغسلهما بالماء و الثلج وبالبرد ويجعل قبريهما روضتين من رياض الجنة وينزل عليهما شآبيب رحمته وسائر موتانا وموتى المسلمين برحمتك يا أرحم الأرحمين آمين آمين آمين
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
الأخوة زملاء أجمل فترات العمر لكم التحية والتجلة وكل عام وأنتم بخير وبارك الله لكم في شهر رمضان... بعد طول إنقطاع عنكم أمل أن أرسل أحر التعازي لكل من فقد عزيز واسأل الله لهم المغفرة، رحم الله والد صديقنا وأخونا عمار هجام وجعله من أصحاب اليمين وأسكنه فسيح جناته وإلزم أهله الصبر وحسن العزاء. وأتواصل معكم أحبتي لأزجي التهاني لكل من زاره الفرح سائل الله لكم جميعا أن تزوركم الأفراح وأن يحقق الله أمانينا جميعاًفي هذاالشهر الفضيل.
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
الأخ راشد السنى وشباب خريجي الهند كل عام وأنتم بخير وعيد مبارك عليكم.. أعاده الله عليكم وعلينا وعلي بلادنا الخير واليمن والبركات. يسعدني أيضا أن أنقل لكل الأخوان بالسودان دعوة الأخ المغيرة طه (من خريجي مدينة مدراس) لحضور حفل زفافه يوم الثلاثاء الموافق 30/10/2007م بقاعة سندباد، والمغيرة سوف يصل إلى السودان يوم 28/ أكتوبر وهو يقيم بالخرطوم بحري شمبات. كل الأمنيات للأخ المغيرة بالتوفيق وحياة زوجيه سعيدة وبيت مال وعيال بإذن الله تعالي.
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
شباب كل سنة وانتو طيبين ،
الاف التهانى للعريس الامين العربى بمناسبة الزواج ،،
وكمان الاف التبريكات التهانى للعريس المهزب ولد امدرمان محمود قريش
تمنى ليهم حياة زوجية سعيدة ،،
اقامت رابطة طاب الهند/ قطر فى ثالت ايام العيد رحلة ترفهيا لجميع الاعضاء
وان شالله ننزل الصور بعد ما الاخ ايهاب السنى يقوم بى الواجب ،،
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: Hamid Ali)
|
الســـــــــــــــــلام عليكم ورحمة الله
الاخوه خريجي جامعات الهند طبعا ما شوفتي البوست الا قريب اولا احب ان اعرفكم علي نفسي محمد جعفر خالد من طلبه الهند الجدد بالنسبه اليكم اقيم حاليا بمنطقه بونــــــا بالتحديد (كوندوا) الواحد سعيد بالانضمام اليكم في هذا البوست للاستفسار و معاودة الذكريات تحت الطلب
مع تحياتي: محمد جعفر بونــا-الهند
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: Mohammed Khalid)
|
Quote: الســـــــــــــــــلام عليكم ورحمة الله
الاخوه خريجي جامعات الهند طبعا ما شوفتي البوست الا قريب اولا احب ان اعرفكم علي نفسي محمد جعفر خالد من طلبه الهند الجدد بالنسبه اليكم اقيم حاليا بمنطقه بونــــــا بالتحديد (كوندوا) الواحد سعيد بالانضمام اليكم في هذا البوست للاستفسار و معاودة الذكريات تحت الطلب
مع تحياتي: محمد جعفر بونــا-الهند |
اهلا بيك الاخ محمد جعفر
يااخى (كنودا) دى جميلة عندى فيها ذكريات انا وبكتاش وعصام الجاك وراضى خليل ومعتصم الشيخ.
كنا ساكنين ...(ساكنين) دى بكتاش ما يشوفة؟؟؟ جم المعهد البجو فيهو الناس من السودان مبعوثين
على ما اعتقد... يااخى تحياتى الحارة لك وفرصة سعيدة وسلم على(بيف)
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: مرتضى الصادق)
|
السلام عليكم يا شباب ،،،
تقيم رابطة خريجى المعاهد اوالجامعات الهندية ( قطر )
جمعيتها العمومية يوم الجمعة القادم بمبانى السفارة السودانية ،،
وعلى الجميع الحرص على الحضور ،،،
،،،،،،
اخونا محمد جعفر ،،،
سلامات وتحياتنا لى بونا الحنونه ،،،
بالله لو عندك صور لى بونا نزلها لينا هن ا لانه على حسب ما سمعنا
انها اتغيرت تغيير كبير جدا ،،،
وتحياتنا لى بيف وامير صالح ،،،
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: ودالعباسية)
|
السلام عليكم شباب الهند مشكور الاخ ود العباسيه والاخ مرتضى وكل من على البوست مشكورين ٍعلى الترحيب
والله بونا اتغيرت تغير توتلى على حسب كلام الناس القدام حتى الايجارات بدأت فى الفتره الاخيره فى الازدياد بصوره ملحوظه الشباب ناس بيف وامير صالح ديل لسه تاكلين ما عارف العاجبن فى البلد ده شنو؟ لى درجه انو البرالمه البجو البلد ده بسموهم على الدناصورات ديل(بيف &امير) كان فى واحد تانى اسمو عمك( سيد) ده رجعوهو قبل كم شهر سافر السودان و( فتاح) برضو لسه تلكل نتمنى ليهم الرجوع فى اقرب فرصه!!!!!!!!!!!!!!!
وانشاءالصور بنزلهاقريب أنشاءالله,,,,,,,,,,,,,, تحياتى: محمد جعفر بـــــــــــونا
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
كنت قد تركت (خالد عبد الله عبد الوهاب)(الضب) وقد سبقته انا ومحمود (الكيني بسنتين في مدرسة العلاقات الدولية بجامعة المهاتما غاندي بجنوب الهند تدرس هذه المدرسة درجة الاستاذية والفلسفة ثم الدكتورا فى العلاقات الدولية .....تحت اشراف دكاترة ومتخصصون في مجالات العلوم السياسية وخبراء تحس معهم ان مشاكل الكون كلها تحل هنا ......المهم منذ دخولنا انا ومحمود وحتى تخرج خالد (الضب)سنين قليلة بالحساب لكن على مستوى الاحداث الدولية تعد فواصل ...بداية اشياء ونهاية اشياء بنفس الدرجة كانت المدرسة تدعوا متحدثين كل شهر فى قاعاتها فيهم سياسيون وكتاب ومفكرون ورجال اعمال وفنانون ادباء ومخرجون واساتذة فى كل العلوم ليضيفوا للطلاب ابعاد وزواية تساعد لبناء فهم (قلوبلي)(عولمي)على حد قول مدير المدرسة دكتور/ J B R كل هذا الزخم شكل كثير من ملامح خالد عبدالله ودفعته لتكملة المشوار مع مدرسة مدرسة العلاقات الدولية بجامعة جواهر لال نهرو للحصول على درجة الفلسفة M PHIL وهي طريق نحو PH D .. خالد شخصية معرفة فى الوسط الطلابي بشبة القارة الهندية لقد عمل خالد بهياكل اتحاد الطلاب السوانيين -الهند وهياكل الاتحاد الفرعية اي ان النقابة والعمل الطلابي ليست بجديدة علية وقد كن يصدر صحيفة سيارة بالغة الانجليزية اسماها DAWN استكتب بها بعض من الطلبة ...كنت احس ان خالد دوما ما ان ينجز شئ حتى يخبرك بحلم جديد اكاديمي لا يقف على حدود الشهادة او (الكرتونة)على حد قاموس ابناء الهند ...لذلك سوف نسمع به كثيرا وكثيرا فى مقبل الايام والسنين ان امهلتنا الايام على قول اهلنا...
والده المرحوم عبدالله عبد الوهاب من قيادات الانصار له اخوة انصار ويساريون كان دوما يحكي ويتندر على هكذا حال.....وطرائف ..... كل هذا اضاف اليه حاله تحس انه يرى الخير فى كل اتجاه ومتحمس لكل فكرة جاده كون صداقات كثيرة تراه مع البعثيون او الشيعيون او الاتحاديون او القوي المستقلة او المؤتمرين او الاخوان تحسبه منهم كان يري ان السياسه لا يجب خلطها بالعلاقات الانسانية او حصرها فى فكرتى وفكرتك بل حصرها فيما يفيد وتقريب وجهات النظر وعلى هذا كان يتعامل... كان صديقنا الاديب حمزة الامين دوما يصف خالد بانه(مديها شلوت)اي الدنيا لانه دوما مبتسم ومرحبا... الاخ بكري تصويب المعلومة هى فوز سوداني بمقعد ضمن اتحاد الطلاب جامعة جواهر لالنهرو ممثلا عن مدرسة العلاقات الدولية وهذة الاولى لطالب افريقي ....
سعيد انا جدا لهذا والاسباب كثيرة تجعلني كذلك ويعد اتحاد هذه الجامعة من اقوي الاتحادات الطلابية فى العالم وفرخ كثير من القيادات الشبابية داخل الاحزاب الهندية مثل حزب المؤتمر وحزب الشعب الهندوسي والجناتا دال والحزب الشيوعى الماركسى ولينينى واحزاب اقليمية وناشطين فى كل دروب المعرفة وقد عمل رئيس الهند السابق ناريانن مديرا لهذه الجامعة وتعد نقطة انصهار لكل الاجناس الهندية وكل الديانات وفوق ذلك طلابها من جميع اركان الدنيا
ما قادنى لذلك هو فرحتى ورغبتي الاكيدة لتعريف الناس بخالد وبالهند وقومها الكرماء ...انت معهم فانت منهم
سليمان ابراهيم سليمان
| |
|
|
|
|
|
|
شبــــــــاب الهنـــــــــد (Re: elsharief)
|
ســـــــــــــلام
طبعا يا مرتضى من الناس القلتهم ديل ما بعرف فيهم زول مع انى قاعد لي سنتين اسي وانا ساكن بالضبط فى كوندوا بالتحديد فى حى (كوثرباغ) بدرس فى كليه لى الماستر قريبه من( تيلاك رود) حيث (سوارقيت) والزحمه يوميا من كوندوا لى سوارقت تيلاك رود وانسى بس !!!!!!!!!!!!!!!!!!!!!!!!
والصور ما ناسيك
تحياتى,,,,,,,,,,, محمد جعفر خالد(ود الحلفايا)
| |
|
|
|
|
|
|
Re: شبــــــــاب الهنـــــــــد (Re: Mohammed Khalid)
|
الاخوه الاعزاء الذين كانو هناوالذين نقشوا احرف العلم على هذه البلد(القاره) ارسل اليكم تحياتى من هنا من ارض الهندوس طبعا الايام دي ياشباب زي ما عارفين اجازه بمناسبه (الدوالى) اتمنى من الله ان لا يعوده كل الشوارع مذدحمه والالعاب الناريه ما تديك الدرب, برنامج انسو ,,,,,,,,,,,,
بنسال من الشباب وين ما ظاهرين نتمنى العوده!!!!!!!!!!!!!!!!
تحياتي,,,,,,,,,, محمد جعفر
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
سلام يا شباب متولي كيف الحال ..موقع جميل جدا جدا بس اكتبو الاسماء تحت الصور وانشاء الله جاي ليكم بصور برضو ..عمل رائع... محمد جعفر ياخي كندوة دي مكان جميل جدا ولنا فيه ذكريات جميلة upper khondawa سلام شديد لبيف وامير .... وطبعا المر قال (كنا ساكنين) وهو قاصد (كنا مملحين) بعيد عنك كدا المر كان ما بحب يأجر ابدا ويكسر معاك لحدي اخر روبية من الشيك حقك ويختمها ليك بكباية شاي (كرك) في القهوة... ود العباسية شنو الحركات دي زمان السفارات للاعتصامات بس ...هسع بقت للاجتماعات !!! لووووول..
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
الاخوة الاعزاء تحياتي اولا نشكر الاخ الشريف علي البوست الاكثر من رائع ده والله قبل فترة بسيطة كنت مفتكر انو الايام القضاها الواحد في الهند بدت تتمسح من الذاكرة لعدم التواصل مع الناس او انو الواحد كبر في السن او او او حاجات كتيرة لكن والله اول ما دخلت البوست رجعت لي كل الزكريات وانا جد مبسوط وانشاء الله الواحد يتواصل معاكم .
انا بعرف انو مرتضي الصادق هو المر المر التاني ده منو ما عرفته والله المهم مرتضي المر تحياتنا ليك وسلامي الشديد لعائد خالد طه لو بتلاقيهو والي لقاء
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: BAKTASH)
|
Quote: سلام شباب الهند.... الساحر وين انت يا راجل والله ليك وحشة |
بكتاش والله مشتاقين
يحكى ان واحد كوز كان فى ادغال الجنوب , ايام شيخ حسن وايام الكوز بخرسو وبجاهد فى مرتو وبنتو صحى من النوم يكبر الله اكبر الله اكبر , فساله المجاهدون ان شاء الله خير, فرد عليهم انه حلم بالبشير وجاه فى المنام وقال ليه انت من اهل الجنة وسوف تتزوج حورية,,فانبرى له كوز متسلط هل شفت معاه عبد الرحيم احمد حسين ,قال ليه لا, فرد عليه ذلك الشيطان تمثل لك
فانت ياخوى بتاسل من الساحر براه وما بتسال من عضو البورد السنجك البونى الشهير عبد الله الفلبينى فهولاء ما بتفروقو من ايام بونا ومسارح الرياض وصفحات النت واعضاء مشاغبين على سودانيز اون لاين ايام الزمن الجميل هل تعلم حتى للبورد كان هنالك زمن جميل واسال عنه سيد العارفين متولى الشريف ايام قابلتو على النت اول مرة,,
تسلم ياحبيب
(عدل بواسطة abuguta on 11-21-2007, 06:41 AM)
| |
|
|
|
|
|
|
Re: تواصل خريجي وطلبة الجامعات والمعاهد العليا الهندية(مواصلة). (Re: elsharief)
|
حجر في بركة الماء الساكن
قرر الصديق الشقيق الحبيب الزميل والرفيق (خالد عبد الفتاح) مغادرتنا نحن
معشر العزاب الي افاق ارحب نحو القفص الذهبي وذلك يوم الخميس الموافق13 من 12
بنادي (سوداتل) وهو يخصكم كلكم بذلك لحضور هذه الاحتفالية وسعيد وفرح ان
حضرتم (خالد عبد الفتاح دفعة 92 بونا)............
اترحم لكل الاصدقاء في اتراحهم ونبارك لكم افراحكم دون فرز والافراح لابد
من ترجع ...
الاخ بكتاش ناصر والاخت شذي عبدالله اضافوا لهذه الدنيا اموره جديده وهم
بها وبحضورها فرحين ......
الاخ/ جون (ود العباسية)
كما يقول اخينا ظريف الظرفاء (جعفر سيد) (انت مالك صغير )فى الاشارة عن
بحثك لمناسبة في العيد الكبير ....عقبالك
الاخ /حامد علي تهاينا لك وعقبال كل الشباب
الاخ/راشد السني تحياتي لك و بلغ الاخ المغيره تهانينا
الاخ /الشريف (صمد الساقية) كما يقول حميد
تحياتي لك وعبرك لكل الشباب شمال البحيرات ............
ولنا عوده
| |
|
|
|
|
|
|
|