|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: ملكة سبأ)
|
الف مبروك البنية وحمداَ لله على سلامة امها
Quote: ألف مبروك تفتح الزهرة الجديد في بستان الادب والعلم والرزانة والعقل الراجح.....فقد نبتت زهرتنا في تربة صالحة ..... ......ألف مبروك لنصار وحرمه المصونه...... ......أسعد الله بها قلب الوالدين وحفظها ورعاها ذخرا للأسرة والوطن |
وربنا يحفظها ويديكم الصحة ويجعلها من الابرار
الف الف مبروك
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: نصار)
|
ألف ألف مبروك يا نصار خبر سعيد وان شاء الله تتربى في عزكم وربنا يجعلها من الصالحات القانتات ويقر بها أعين والديها وألف حمدا لله على سلامة والدتها وعايز اقول ليك سر جيب اضانك قريب " الببكر بي البنية زول سعيد" يعني دا لو البنية هي البكر اوعى الملكة او انعام يسمعوك ولو عايز تناسب نحن جاهزين والشباب أهم قدامك اختار.. ولك ولها كامل المحبة
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: عادل فضل المولى)
|
العزيز عادل فضل الله
بارك الله فيك و اسعدك بتحقيق امانيك ايوة و الله ياها بكري و قد تمنيتها بنت و الشكر و الحمد للواهب الكريم
Quote: ولو عايز تناسب نحن جاهزين والشباب أهم قدامك اختار.. |
دا الكلام البطمن و لي الزمن داك يمكن الحكاية تنقلب و نجيكم نحنا خطاب و بكدا نحنا لينا الاسبقية و العرسان ما فيهم طريقة للتخير بناتهم ربنا يحفظكم لبعض بس قول نعجل بعروسين زيادة ههههههههه
تسلم يا حبيب
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: ABU QUSAI)
|
العزيز ابو قصي
Quote: ألف مبروك البينة يا نصار وربنا يجعلها من المستورات الناجحات الحافظات لحقوق وطنهن والعاملات لرفعته ...
|
تقبل الله دعواتك الشاملات للخير كله و حقق امانيك
اها اللقولك، نحنا قوم لا توسط بيينا الببدا بنات بمشي بعدلوا لاخر الشوط الكاتبه الله عشان كدا بنجيكم خاطبين و ان جاتكم خطيبة للوليدات شاورونا ههههههههههه
الصغية بتاعة شاورونا دي من عبقرية العقلية الشعبية عند اهلنا الكبار. شقيقي الكبير و هو يا دوب ممتحن الشهادة الثانوية اتعب ليك الوالدة رحمها الله بانه عاوز يخطب بت اخوها.. زولك مزنوق في المذاكرة جونا اخوالنا باسرهم بما فيها الخطيبة المأمولة اخوي لقاها فرصة لزيادة الضغط علي الوالدة لتستجيب لرغبته و هي شايفة انه مستعجل و لسع طالب خطوبة شنو ليهو، المهم صلاح قاليها اذا ما كلمتي اخوك انا بكلمه براي،،، لقت مافي مخارجة قامت قالت لخالنا لو جاكم خطيب للبنية شاورونا،، طبعاَ اصلاَ المشورة بتحصل لكن الحكاية فيها تلميح فهمه الخال العزيز و الحمد لله جمع الله بينهما بالخير و رزقهما من فضله الذرية الصالح... اها شاورونا ياخوي
الف شكر
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: بكرى ابوبكر)
|
الاخ العزيز نصـــار مبرووك ... يرزق بنوتة تزينت بها الدنيا جميعها
ألف مبروك ، وحمداً لله على السلامة ، يا صديقي علاء الدين نصـّار ..
وتربى في عِزّكم وعِز الســودان ممّا جيمعو .. وتسعد بكم وتسعدون بها وبالقادمين الجميلين من إخوانها وأخواتها ، حسبما يقول " ظاهر " نص التّركي الفهيم " ناظم حِكمت " : فأجمل ألاطفال لم يولد بعد .. وياسيدي، إن كان من وصاة ، فهي بالطبع، ليست للبنوتة الحليوونة ؛ بل لكَ ؛ : وحيث قال " ابن سعيد " للرّاوي ، محيميد في [موسم الهجرة الى الشمال] موصـِّياً له على إبنَـيْـه : جَنـِّبهما السـّـفَـر ! .. فأقول لك : جَـنـِّبها مكوث أبيها كثيراً في المُغتَرَب ! .. وتحية لراعيات البوست .. كما أسلف الشـِّنُّ ، بدر ..
وود للجميع ..
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: بدرالدين شنا)
|
العزيز بدر
Quote: مبروووووووووووووووووووووووكة البنية وحمد لله على سلامة أمها أسأل المولى أن يجعلها من الكريمات الطاهرات المُخلصات |
بورك فيك و حققت امانيك
يل بدر قالوا البنية بتشبهني من خلال خبرتك في الوجاهة و بما انك شفتني و بتنكر لانك نجم قابل معجب عادي زي بقية المعجبين البنية بنقدر نخارجا لمان تبقي للعرس؟ ههههههههههه
مرة رجعت اجازة و مشيت حضرت عرض مشارك فيهو ود حلتنا عادل شعيد ابو جقادو بعد نزل من المسرح كابسوهوا المعجبين و المعجبات سلمت عليه القي ليك ردوده رسمية كدا لحد ما فاجأته ليك قولت ليه شنو فاكرني معجب تقابله اول مرة حتي بعد كدا ركز معاي و اعدنا السلام بطقس مختلف
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: إسماعيل وراق)
|
نصار
Quote: الخال العزيز و الحمد لله جمع الله بينهما بالخير و رزقهما من فضله الذرية الصالح... اها شاورونا ياخوي |
غايتو جنس شلاقة أخوك دا لو ماعرس البنية دي كان عضاها وعضى أبوها وعضى أمك !!!
الف مبروك الأمورة الصغيرة وتربى في عزك 00 ومشكورة ملكة سبأ لهذا الخبر المفرح
لكن ياويلك البنت التانية ماحاتجيبوها الا بعد تسعة سنوات نحن جبنا لينا واحدة والتانية والله ياكافي البلاء الا بالغفلة { شفع } الزمن دا غير مضمونين ماتقول لي دا بيرضع ودا يادوب اتعلم المشي كلهم شواطين نهائي مابينوموا صاحين الليل كله وكان حركت كراعك ساااااااااي تلقى واحد فيهم صحى يابا عاوز موية طبعاً حاتتفلسف وتقول ليه ماينوموا في غرفة لوحدهم سويناها ومانفع فجأة يجيك الشافع متلفح بالملاية وتوووووووووووش والمشكلة ولا بيتفاهم معاك طوالي يرقد في السرير مع أمه والفي راسك كلها تطير بالله العظيم في زمنا كنا ننوم من المغرب وماتصحى الا الصباح وتنلقى كرعينك ممسحات ونايرات قال أطفال عباقرة قال
| |
|
|
|
|
|
|
Re: الاخ العزيز نصـــار مبرووك ... يرزق بنوتة تزينت بها الدنيا جميعها (Re: Sabri Elshareef)
|
حبيبنا صبري بارك الله فيك و بلغك امانيك و عقبال كل الفال الزين بمناسبة التباري في اختيار الاسامي طبعا ولدوني في راجا في الجنوب و كانوا ناوين يسموني حمد علي جدي حمد نصار- جيرانا حلفاويين اصروا علي اسم علاءالدين لانهم عاجبهم و ما ولدوا ولد ولادتهم كلها بنات. تصور السودان دا كيف!! و اقعنعوا ابوي بانه عمي سمي حمد و لد طارق الخير اكيد ح يطلع عبقري زي ابوهوا و اعمامه بس يقيف في الصف بتاع الخطاب الطويل دا عيني باردة ههههه تحياتنا لصداح
| |
|
|
|
|
|
|
|