|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Agab)
|
كؤوس محمولة جواً
كأس جوبا
أول كاس جويه محمولة جواً المناسبة: افتتاح جامعة جوبا المـكان : مدينة جوبا جنوب السودان التاريخ :1977م أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم
--------------------------------------------------------------------------------
كاس شرق ووسط افريقيا ـ سيكافا
المناسبة: بطولة شرق ووسط أفريقيا المكان : موانزا تنزانيا التاريخ : 25 يناير 1986م حقق فريق المريخ بطولة أندية شرق ووسط افريقيا (سيكافا) بعد ان لعب في مجموعة موانزا وفاز المريخ على ماجي ماجي التنزاني 1 صفر احرز الهدف جمال ابوعنجة ثم تعادل في المباراة الثانية مع مومكيرا الزامبي وفاز في المباراة الثالثة على وقد الصومالي 5/1 واحرز الاهداف عيسى صباح الخير هدفين وهدف لكل من الدحيش وابراهومة ونزار خليفة وفي الدور قبل النهائي فاز على لبيردس الكيني 1 صفر احرز الهدف جمال ابوعنجة وفي نهائي البطولة التقى المريخ بالشباب التنزاني وانتهت المباراه في زمنها الاصلي والاضافي بهدفين لكل فريق احرز اهداف المريخ ابراهومة وعيسى صباح الخير ليحتكم الفريقان لضربات الجزاء الترجيحية والتى كسبها المريخ 4/3 ليحقق المريخ البطولة
--------------------------------------------------------------------------------
كاس دبي الذهبي
المناسبة : بطولة دبي الثانية المكان : مدينة دبي دولة الامارات العربية المتحدة التاريخ: 3 ديسمبر 1987م فاز المريخ بالبطولة بعد تغلبه على فريق الزمالك القاهري بضربات الجزاء الترجيحية بعد انتهاء زمن المباراة الرسمي والاضافي بهدف لكل فريق احرز هدف المريخ عوض الله انور .بريمة شاف الذهب وفعل العجب
--------------------------------------------------------------------------------
كاس الكؤوس الافريقية ـ مانديلا
المناسبة : بطولة كأس الكؤوس الأفريقية
المكان : بنين ـ نيجريا
التاريخ: 9 ديسمبر 1989م
حقق فريق المريخ بطولة كاس الكؤوس الأفريقية (مانديلا) بعد أن تخطى الأهلي الليبي بالانسحاب في دور 32 وفي دور 16 خسر من البنزرتي التونسي بتونس 1/ صفر وفاز عليه بامدرمان 2/ صفر بهدفي سانتو رفاعه، وفي دور 8 كسب باترونج الكنغولي 2/ صفر بالخرطزم بهدفي جمال ابوعنجة وعيسى صباح الخير، وفي دور الاربعة خسر امام قورماهيا بكينيا 1/صفر وفاز بامدرمان 2/ صفر بهدفي سانتو رفاعة ودحدوح ليتاهل للمباراة الختامية وفي المباراة النهائية فاز على بندل يونايتد النيجيري بامدرمان 1 /صفر أحرز الهدف كمال عبد الغني وتعادل مع بندل بنيجريا بدون أهداف ليحقق كاس البطولة
--------------------------------------------------------------------------------
كاس الشارقة
المناسبة : دورة الشارقة الدولية المكان : مدينة الشارقة دولة الامارت العربية المتحدة التاريخ : 16 يناير 1999م في ليلة السبت السعيد أشرق نجم السعد في سماوات الشارقة ليلتها كان المريخ السودان ، المريخ الذي نعرف والمريخ الذي نريد،في تلك الليلة المباركة ليلة التاسع والعشرين من رمضان المبارك حلق المريخ بعيداً في المدى ، طاف لاعبوه أرض الملعب شبراً شبراً فرسموا لوحة رائعة للابداع وزرعوا الفرح في النفوس
--------------------------------------------------------------------------------
كاس الوصل
المكان : مدينة دبي دولة الامارات العربية المتحدة
بطولات محلية
بطولة الدوري المحلي:
حقق المريخ بطولة الدوري المحلي (دوري اندية الدرجة الاولى بالخرطوم) سبعة عشر مرة تفاصيلها كالاتي:
1953 - 1954 1955 - 1956 1961 - 1962 في هذا العام حقق المريخ الدوري بدون هزيمة وبتعادلين فقط. 1965 - 1966 1967 - 1968 في هذا العام حقق المريخ انجاز غير مسبوق بفوزه بالدوري بدون هزيمة او تعادل 1971 - 1972 في هذا العام حقق المريخ انجاز غير مسبوق بفوزه بالدوري بدون هزيمة وبتعادل واحد فقط 1972 - 1973 في هذا العام حقق المريخ الدوري بدون هزيمة وبعدة تعادلات 1978 - 1979 في هذا العام حقق المريخ الدوري بدون هزيمة وبعدة تعادلات 1980 - 1981 1982 - 1983 1984 - 1985 في هذا العام حقق المريخ الدوري بدون هزيمة وبعدة تعادلات 1985 - 1986 1990 - 1991 في هذا العام حقق المريخ الدوري بدون هزيمة وبعدة تعادلات 1991 - 1992 في هذا العام حقق المريخ إنجاز آخر حيث لم تستقبل مرماه اي هدف طيلة سته عشر مباراة متوالية 1992 - 1993 1995 - 1996 أنسحب الهلال من مباراته الآخيرة آمام المريخ نسبة لحسم المريخ البطولة قبل موعدها با اسبوعين 1996 - 1997
المريخ آكثر الانديه فوزاً بهذه البطولة 17 مرة بطولة دوري السودان:
حقق المريخ بطولة دوري السودان ثمانية مرات تفاصيلها كالاتي:
1970 - 1971 1971 - 1972 1973 - 1974 1977 - 1978 1981 - 1982 1984 - 1985 1989 - 1990 1992 - 1993
الهلال آكثر الاندية فوزاً بهذه البطولة 11 مرة بطولة كاس السودان:
حقق المريخ كاس السودان خمسة مرات علماً بأن البطولة انطلقت في عام 1990 تفاصيلها كالاتي.
1991 - 1992 1992 - 1993 1993 - 1994 1995 - 1996 2000 - 2001
المريخ آكثر الاندية فوزاً بهذه البطولة 5 مرات
بطولة الدوري الممتاز:
1996 - 1997 1999 - 2000 2000 - 2001 2001 - 2002 ******************************************************************
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Agab)
|
Thnks Agab, realy Iam so sad from this trainer because he is the main cause of the wanderfu lost, and from previous events Almerriekhab likes our ex-trainers very much, started from Mustafa Younis who did thesame crime with alhilal against Alismaily and Branco, so pls do not repeat it an depend onyourself in getting your trainers, regards Dr. Yasir
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Agab)
|
Quote: اللاعبين اللذين سجلو اأهداف الهلال حتي الان : 1- عمر الفاروق .. 2- عبد الماجد فرح 3- أبوقوتة .. 4- حليم .. 5- خال العيال .. 6- زول ساكت .. 7- عباس .. 8- أحمد الريح .. 9- برير إسماعيل .. 10- إسماعيل وراق .. 11- حسين ملاسي .. 12- عوض ناسا .. 13- ست البنات .. 14- يحي مصطفي.. 15- ريهان الريح .. 16- محمد عبد الرحمن .. 17- ياسر عبد القادر .. 18- القرضابي.. 19- معتصم دفع الله .. 20 - تمبس (هدف ملعوب) ..
سجل أهداف المريخ : 1- خالد عبيد . 2- أيمن جبارة الله .. 3- أحمد داؤود .. 4- سامي عبد الوهاب .. 5- عصام دهب .. 6- ناذر محمد خليفة .. 7- عبد الحميد عوض .. 10 - عبير خيري.. 11- نور الدين حسن .. 12- شيبا .. 13- معروف سند .. 14- عجب .. 15- محمد الأمين .. 16- أحمد بابكر.. 17- حسام يوسف .. 18- سيد أحمد الريح .. 19- أساسي.. 20- زول بن زول .. 21- سعد الدين عبد الرحمن .. 22- نهال كرار.. 23- بخاف .. 24- أحمد خليل ..
اللاعبين اللذين جلسوا علي كنبة الأحتياطي : 1- صلاح عبد الله .. 2- ملهم .. 3- صبري شريف .. 4- معتز تورتسكي .. |
ســـلام احباب
عمر الفاروق الله يسامحك ياخ وكمان ولا في احتياطي الهلال سجلتني؟ والله ما مسامحكم الا تحسبو لي هدفي الجبتو في الزمن الرسي للمباراة ولكم الود و هلالنا فووووووق
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عبدالله وداعه الامين)
|
صديق الموج : يا أيها (العجوز) الماكر يعني والله إنت فت روجي ميلا لي غادي وبقيت لابد لي هيجيتا ده
Quote: - خالد عبيد . 2- أيمن جبارة الله .. 3- أحمد داؤود .. 4- سامي عبد الوهاب .. 5- عصام دهب .. 6- ناذر محمد خليفة .. 7- عبد الحميد عوض .. 10 - عبير خيري.. 11- نور الدين حسن .. 12- شيبا .. 13- معروف سند .. 14- عجب .. 15- محمد الأمين .. 16- أحمد بابكر.. 17- حسام يوسف .. 18- سيد أحمد الريح .. 19- أساسي.. 20- زول بن زول .. 21- سعد الدين عبد الرحمن .. 22- نهال كرار.. 23- بخاف .. 24- أحمد خليل ..
|
لاحظ الترقيم يا ود الموج الأرقام 8-9 غير مكتوبة الأسامي لكنها محتفظة بالتسلسل وحافظت علي الترقيم .. سلامة النظر يا ود الموج كبرنا وكبرت أحزانا وإنتو كبرتو زدتو حلا ..وأنا بكتب في الأسماء من ورقة خارجية فطيتك ومعاك عبد الله بابكر .. أها يا جماعة من هنا أعلن أنا عمر الفاروق أن اللاعب صديق الموج يرتدي الفانلة رقم ( والله بختك هيثم مصطفي بس ..
Quote: يا جماعة اسمى مافى يكون غيروه لى عبير خيرى وانا ما عارف،،،، |
إنتو في المريخ إخوة ..نعشق النجم ونهوي .. ولا دي شعارات ساي ...ولا عشان الدكتور ما قال إخوة وأخوات ولا شنو يا عبير الموج ..
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
عجبنا :
Quote: عمر الفاروق
يا شماتة آبلـــة ظـــــــــــاظــــــــــــــــــــــــــــــــــــــــــــــــــــــا فيك
بعد الشحدة والكوراك ده كلو ما قدرت تعملها 50 - 50
|
أبلــــــــــــــــــــــــة طاظا مين
الشوط الأول لسة ما خلص وبعدين نحن متعودين نقدمكم ونجي بي وراكم ولا شنو يا عبد الحميد السعودي وهيثم طمبل ؟؟؟؟؟ والخيل الأصيلة بتجي في اللفة .. ونحن يا دوووووووووووووووب إبتدينا ليه تقول لي إنتهينا
Quote: أقول لك حاجة تاج السر هلالابي
تبقي 22-24
|
تعرف يا عجب في ناس كتاااااااااااااااااااااااااار هلالاب بس كيتاً في تاج السر قلبوا مريخاب وفي ناس هلالاب خلوها عدييييييييل عشان تاج السر (رد الله غربتو ) وللراجل وحشة والله وليهو تحياتنا ..
تخريمة :
Quote: دي حركات الكيزان الما بتنفع جنكــــــــــــــــــــــــــــــــــــــم تزوير
|
ونسيت حركات الطيب عبد الرحمن مختار في كأس سيكافا الخرطوم؟؟؟؟؟؟ الراجل قال جمهور سيمبا خرب الكورة مع العلم إنو كناو فايزين 2-1
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
محمد بكري : يازول الله يخلي ليكم صفحتكم الإلكترونية دي ... مشيت شلت لي منها الكلام السمممممممممح ده وجيت ختيتو .. اها النجيك علي كلامك وقولك في كاساتكم المحمولة جواً ... وزي ما قال عجب إنتو الدايرنو تقولوا ليهو بخيت .. إذا إعتبرت إنو كأس جوبا (محمول جواً) فالهلا أحرز بطولة الدوري الممتاز (جواً) في الموسم قبل الماضي عندما فاز علي الميرغني كسلا 2-1 وأتوا بي الكأس من مدينة كسلا (جواً) أها رأيك شنو نحسبو جواً؟؟؟؟؟؟؟؟؟؟؟؟؟؟؟؟؟؟؟؟؟ أها قول واحد ده كأس طار وما بي الجو ...
الكأس التاني كأس دبي : انا أسميه كأس ال90 دقيقة ...وصحي الإختششوا ماتوا !!!!!!!!!!!!!!!!!!! معقولة بس فريق بي عظمة المريخ وجلالو يحسب كأس بتاع تكريم ومباراة واحدة علي إنو كأس دولي معترف بيهو ؟؟؟؟؟؟؟؟؟؟؟؟؟؟؟؟؟؟؟؟؟؟ الهلال ياما سافر تكريمات لاعبين وإعتزالاتهم خصوصاً في الخليج وجا بي كأسات وليست قطر ببعيدة لكن ده ما إسمو كأس محمول جواً .. الهلال ما حصل لعب بطولة ال90 دقيقة دي وكان دايماً بيلعب دورات أقلاها ثلاثية حتي مع الأهلي القاهري كان النصر الأماراتي طرف ثالث ... معقولة بس عشان غلبتو الزمالك ضربات جزاء وعشانم الكورة كانت منقولة في التلفزيون تطلعوا إشاعة إنها بطولة وتصدقوها ؟؟؟؟؟؟؟؟؟؟؟؟؟؟؟؟؟
باقي الكأسات الما خليت ليك فيها إمارة من إمارات دبي إلا وقلت المريخ شال بطولتا دي ما عارف هل إنت جااااااااادي في الموضوع ده ولا الموضوع مكايدات للهلالاب لأنو مستحيل تكون جادي وزي ما بيقول الجكس ( أكيييييييييييييييييد ما قاصد )...
الكأسين الحقيقين وإن كنت أشك في كاس المريسة هما كأس مانديلا (ده كاس رجال عدييييييل) وكأس سيكافا البطولة التعبانة والتي حتي لو فاز بيها الهلال فهي ليست مقياس اللهم إلا عشان بعدين بس نقول ليكم جبنا كاس زيكم .. كاس مانديلا هو الكأس الحقيقي المحمول جواً فمريخ 89 هو هلال 87 حوي نجوم ولاعبين كانو رجااااااااااال أكتر من إنهم لاعبين وجابوهو بي الإصرار .. كأس جوبا والمرحوم سامي عز الدين وباقي دقيقة وسامي بيجيبا يكفينا إننا بنمسحا ليكم دايمأ بي كأسات الدهب !!!!!!!!!!!!!!!!!!!!!!! عارف أول فريق سوداني يشيل كأس الدهب منو ؟؟؟؟؟؟؟؟؟؟؟؟؟؟؟؟؟؟؟؟؟؟ وعارفو شالو من منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وعارف كم مرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بتعرف الدحيش يا محمد ؟؟؟؟؟؟؟؟؟؟؟؟؟؟؟؟؟؟؟؟؟؟ بتعرف جعفر نميري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سمعت بي حاجة إسمها الرياضة الجماهيرية ؟؟؟؟؟؟؟؟؟؟؟؟؟؟ متذكر كلام نميري (لا هلال ولا مريخ ولا موردة )؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أها تاني عندك كلام عشان تجي تقول لي كأس جوبا ؟؟؟؟؟؟؟؟؟؟؟؟؟؟؟؟؟ الهلال يكفيه إنو أحرز المركز الثاني مرتين في بطولة أفريقيا البطولة الأم وليست بطولة (البدون) ولسة انا عند المعادلة الحببة لدي والتي أقول فيها : تاني الأوائل أفضل مليون مرة من أول الطييييييييشة ولا شنو ؟؟؟؟؟؟؟؟؟؟؟؟ الهلال بيجي التاني في بطولة تضم أفضل 32 فريق في أفريقيا .. المريخ بيجي الأول في بطولة تضم الفرق من رقم 33لي 64 في أفريقيا !!!!!! اها مش نحن الأحق !!!!!!!!!!!!!!!!!!!!!!!!!!!!! عارف تقرير الإتحاد الأفريقي الكاف عن ترتيب الفرق الأفريقية جاب الهلال قبل المريخ ؟؟وخلونا من كلام شيبا داك تخريمة : درن لي يا درمة درن لي ..ووووووووووووويييييييييوي.. درن لي يا درمة درن لي ..وييييييييييييييووووووووي..
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
عبد الله وداعة : هدفك جمييييييييييييييييل وملعووووووووووووووووووووب بس هدف الوالي الله يرحمو في الهلال السعودي .. يعني هدف جا بي الرجااااااااااااااااالة .. النتيجة بقت 22-24 للمريخ ..
المريخ شد الحيل وجاب تلاتة أقوان سريعة أرحزها اللاعبين : FRIGON.. نزار باشري.. مزمل أبو القاسم .. النتيجة 22-27..
الهلال يرد بي هدف سريع عن طريق اللاعب الفنااااااااااااااان أحمد البشير : لتصبح النتيجة :
23-27 ولسة الشوط الأول ما خلص ... تخريمة : باقي لينا من ال80% بسييييييييييييييييييييييييييييييييط يالله يا ناس هلال العظمة
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
يا عمر الفاروق أخبارك أنت ملعب مباراة مهمة كدا وما تدي خبر لأهم كتش في البورد طبعا أخوك لا شاف ولا سمع بيها المهم جيت خاشي توش ولقيت الملعب مولع وشايف ناس الموج وعواجيز الكورة مبرطعين شمال وجنوب المهم جاك أهم لاعب بشعار الازرق وشوف حتلعبه وين ومكان منو واوعك تزعل الجمهور تسحب لاعب نشيط من الملعب وبما انني بطبعي ميال للهجوم عايزك تشوف لي خانة قدام وقول يا شباك المريخ جاك البيقطعك حتت
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: tasneem)
|
حبيب بلدو وحبيب الكل وحبيب الملايييييييين (طبعاً الملايين دي معناها حبير الهلالاب) مش نحن الملايين ..؟
اللاعب الخطير حبيب بلدو أنا عايزك تلعب لي مهاجم وتجننلي مدافع المريخ الراكوبة صديق الموج ده ..وتعمل لي فيهو زي ما كان بيعمل اللاعب الحريف الفاتح النقر في كارلوس البيرتو وخليهو يمسك البيرك بتاع الكورنر .. يازول إنت لاعب أساسي وكان أطلع ليك أنا زاااااااااااااااااااااااتي بس يازول ألعب لي مع الناس ديل مان تو مان ..
قونك ذهبي وحلو وملعوب لكن الجماعة ديل شدو حيلهم وشكلهم مشوا سنار لي الفكي دامزين
حمزاوي وتسنيم جابو قونين حلوات الكورة بقت : 24-29 للمريخ ..
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: ودقاسم)
|
ماجد حسون سجل هدف جميل وملعوب رفع بيهو أهداف الهلال لي 25 .. وكالعادة وبي حرفنة شدييييييييييييييييييدة ورواقة تسلل اللاعب الخبرة سليل جزيرة حمد والديبة الحاجة عجيييييييييييييييبة وجاب قون ولا أحلي .. الخال ود قاسم لعب كورة حلوووووووووووووووووووووووة سكنت شباك المريخ بعد ما راوغ اللاعب العكليت صديق الموج الذي يغرد وحيداً خارج سرب بورداب الرياض بي شترتو المريخية دي .. الكورة بقت : 26-29 ..لي المريخ .. أمسكوا الخشب يا ناس نجمة داؤود..
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
الاخ عمر انا اسمي ليه ما مكتوب
Quote: سجل أهداف المريخ : 1- خالد عبيد . 2- أيمن جبارة الله .. 3- أحمد داؤود .. 4- سامي عبد الوهاب .. 5- عصام دهب .. 6- ناذر محمد خليفة .. 7- عبد الحميد عوض .. 10 - عبير خيري.. 11- نور الدين حسن .. 12- شيبا .. 13- معروف سند .. 14- عجب .. 15- محمد الأمين .. 16- أحمد بابكر.. 17- حسام يوسف .. 18- سيد أحمد الريح .. 19- أساسي.. 20- زول بن زول .. 21- سعد الدين عبد الرحمن .. 22- نهال كرار.. 23- بخاف .. 24- أحمد خليل ..
|
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: abdalla BABIKER)
|
عبد الله بابكر يا أخوي : أظنك ما قريت إعتزاري ليك ولي صديق الموج لأني كنت كاتب الإستفتاء في ورقة خارجية وبكتب منها للبوست والعتب علي النظر أصلو أخوك ما شفت في الشف أها لاحظ معاي حتي تسلسل الأرقام محتفظ بيهو بس الأرقام 8-9 ماف وه إنت وصديق الموج.. أرجو أن تتابع إعتذاري لكم في بوست كان قبل ذلك .. تحياتي يا ود بابكر ...
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
Quote: Quote: سجل أهداف المريخ : 1- خالد عبيد . 2- أيمن جبارة الله .. 3- أحمد داؤود .. 4- سامي عبد الوهاب .. 5- عصام دهب .. 6- ناذر محمد خليفة .. 7- عبد الحميد عوض .. 8- صديق الموج 9 - عبدالله بابكر 10 - عبير خيري.. 11- نور الدين حسن .. 12- شيبا .. 13- معروف سند .. 14- عجب .. 15- محمد الأمين .. 16- أحمد بابكر.. 17- حسام يوسف .. 18- سيد أحمد الريح .. 19- أساسي.. 20- زول بن زول .. 21- سعد الدين عبد الرحمن .. 22- نهال كرار.. 23- بخاف .. 24- أحمد خليل ..
|
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
عمر الفاروق
Quote: أبلــــــــــــــــــــــــة طاظا مين |
إخــــــــــــــــــــــرس
Quote: (طبعاً الملايين دي معناها حبير الهلالاب) مش نحن الملايين .. |
ويــــــــــــــــــــــن ويـــــــــــــــــــــن وين وين الملاييــــــــــــــــــــــــــــــــــــن
Quote: إذا إعتبرت إنو كأس جوبا (محمول جواً) فالهلا أحرز بطولة الدوري الممتاز (جواً) في الموسم قبل الماضي عندما فاز علي الميرغني كسلا 2-1 وأتوا بي الكأس من مدينة كسلا (جواً) أها رأيك شنو نحسبو جواً؟؟؟؟؟؟؟؟؟؟؟؟؟؟؟؟؟؟؟؟؟ |
زي ما بيقولوا الجكس ما بســـــــــــــــــــــــــــــــــــــــــألك
Quote: الهلال ياما سافر تكريمات لاعبين وإعتزالاتهم خصوصاً في الخليج وجا بي كأسات وليست قطر ببعيدة لكن ده ما إسمو كأس محمول جواً .. |
جيب الدليــــــــــــــــــــــــــــــــــــــل
Quote: باقي لينا من ال80% بسييييييييييييييييييييييييييييييييط يالله يا ناس هلال العظمة
26-29 ..لي المريخ
|
بالحساب دايرين لكم 90 رشاشة
بالكــــــــــــــــــــــــــوار زي عادتكم دايرين 4
وما معانا فليع من أسع
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: محمد الامين احمد)
|
محمد الأمين وعجب : يا جماعة الهلال صفوة وجمهورو صفوة .. والنظرية العلمية المعروفة إنو الصفوة أقلية ... والكشي مشي هبطرش ... أها دحين قالوا المنبر ده لامي الناس الصفوة (الكلام لي أسامة الخواض) وديل قلة وطبعاً هنا هو قاصد الهلال ..وقال فيهو (راعوية فاشست) وديل كتااااااااااااار وهنا قاصد المريخاب .. أها يا ناس شفتوا ليه نحن لسة هنا ما تمينا ال80%..
ما قلنا ليكم صففففففففففففففففففووووووووووووووووووووووووة .. هاكم اللموزين ده ..
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: محمد الامين احمد)
|
محمد الأمين : والله انا شافعي ده ما بزحو أصلللللللللللللو إلا تنزل لينا الزول المشعبط في الحيطة وعامل زي ناس حزب البعث الإشتراكي(ناذر أخوي وينك ) ويشيل ويبوظ في حييط الناس
Quote: هاك التاكسى ده (مكتوب فى الباب بالجنبه بخط مشخبط
حموله 4 ركاب مع السائق) |
دحين يا محمد يا أخوي تكسيكم ده مش شغال في (الجبل الأخضر) رايح جاي ؟؟؟
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Ahmed Alrayah)
|
أحمد الريح يا حبيب : وينك يا إبن جيلي وفردة جناحي التانية لما الناس تطير لي عالما .. تعرف يا حبيب أنا عينتك الناطق الرسمي بي إسم الفرقة الماسية الهلالية في بداية البوست ده لكن إنت فجأة إختفيت وخليتني براي لي المرعبين ديل ..مرة سامي يشوتا في العراضة ومرة محمد الأمين تعلو العارضة بي قليل ومرات عجب يمسكا منو ابوبكر شريف ..المهم الأمن مستتب وأخوك مسيطر علي الوضع بي الرغم من إنو لاعب بي مهاجم واحد(هيثم طمبل) (بيعرفوا زي جوع بطنهم ) .. أها يا حبيب قرب تعال ما تبتعد وشوف معاي الجماعة ديل مويتهم شنو وكبدتهم شنو ...؟؟؟
أها يا محمد الأمين جاكم الكي الكي
الكورة يا أحمد الأمين لسة في شوطها الأول والإسبوع الجاي إنشاء الله هو أخر المباراة وطبعاً فيها هدف ذهبي وزمن إضافي لكن إنشاء الله ما بنحتاج ليهم وبنحسم المباراة بدري بدري حتي لو ناقصين لاعب
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: علاء الدين يوسف علي محمد)
|
السلام عليكم ورحمة الله وبركاته
هو بالله فى ذول مريخابى????
سبب واحد يخلينى اكون مريخابيه مافى
كنت اعتقد ان حبى للهلال منذ طفولتى قد تلاشى مع غربتى وتواجدى خارج السودان منذ زمن طويل لكن هذا البوست حرك فى الشجون واوضح لى ان حبى للهلال لم ولن ينطفى ابدا
جلست منذ عده ايام اراقب هذا البوست وضغطى يرتفع مع كل قون للمريخ واعصابى تبوظ لما عمر الفاروق ينسى ان يحسب احد اقوان الهلال, فقلت يبدو ان عمرا هذا ليس شاطر فى الرياضيات وبما انى بليده ايضا فى الرياضيات بس ما لدرجه عمر فقررت احسب من اول جديد حتى لا ينسى لنا احد الاقوان
ايضا ترددت كثيرا فى الدخول والكتابه خصوصا فى ناس حتزعل وتقول طلبنا من بنت الاحفاد تبقى وما عبرتنا بس والله انا مقدراهم جميعا وبعزهم كثيرا ايضا بس مشغوله حبتين اليومين ديل...اتوقع ايضا ان يأتى دينق وغيره ليسخر وليقولو مش قلنا بنت الاحفاد ما ماشه اى حته بس والله خلاص اتعودتا على كلامهم وبقيت حتى ما بزعل منو بل العكس مرات بضحك من التعليقات الطريفه بتاعتهم
اها يا جماعه نعود للكوره , بجد فجعت فى ناس لما عرفت انهم مريخاب ومن بينهم نهال كرار, نهال انتى ما فردتى الخلاكى تبقى مريخابيه شنو?
بجد المريخ لا بيشبهك ولا بجى بجنبك, ده اللطافه والقيافه والظرافه كلها فى الهلال شوفى الالوان الجميله الهادئه الجزابه فى الهلال, اللون الازرق لون السماء والبحر واللون الابيض لون النقاء والهدوء, حمامه السلام بيضاء, اما عن Mr مريخ فاللون الاحمر لون الحروب والدماء واللون الاصفر لون الغيره والحقد والحسد
اها بعد ده فى سبب واحد يخليكم مريخاب????
عمر الفاروق ولدك ده خلاص ضمن البنيه, ظلامى وهلالابى ده عز الطلب , اصلو بتى قالت لى انا ما بتزوج مريخابى اصلو لانهم دمهم تقيل ودمويين
الان بعدان فاز الهلال على المريخ بنسبه 29/28 فقد انتهى الشوط التانى ولا تقبل طلبات جديده, الف مبروك للزعيم الهلال وهارد لك للمريخ...ماتزعل ما اصلومتعود على الهزيمه
1. عمر الفاروق شيخ الدين 2. عبدالماجد فرح يوسف 3. Khaalaleyaal 4. زول ساكت 5. abas 6. Ahmed Alrayah 7. برير اسماعيل يوسف 8. إسماعيل وراق 9. Hussein Mallasi 10. awadnasa 11. ست البنات 12. يحيي مصطفي 13. ريهان الريح الشاذلي 14. محمد عبدالرحمن 15. yasir Abdelgadir 16. ALGARADABI 17. معتصم دفع الله 18. عبدالله وداعه الامين 19. abuguta 20. nahar osman nahar 21. تمبس 22. تاج السر 23. Ahmed Al Bashir 24. Habib_bldo 25. ماجد حسون 26. ودقاسم 27. بلدى يا حبوب 28. علاء الدين يوسف علي محمد 29.bint_alahfad
فى امان الله
لا اله الا الله
| |
|
|
|
|
|
|
بت الاحفاد عارفين ما ممكن؟؟؟؟؟؟؟؟؟؟؟؟؟
لكن كونى ما قلتى الكورة حرام دى براها بركة ودليل عافية
او ظاهرة صحية كما يسميها المتحذلقون..يا اختى البركة فى
اطلالتك .الهلال يطير والموردة تمسك فى كراعو والمريخ....
.فى امان الله ولا اله الا الله.
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: ahmed babikir)
|
يا جماعة الخير ..السلام عليكم ورحمة الله وبركاته .. وصباحات الله بي خيرا .. ويا كللللللللللللللل المتداخلين أسمحوا لي قبل ما أعلق علي ردودكم اللذيذة أسمحوا لي أعيد أحلي الأهداف حتي الان أحلي الأهداف حتي الأن (صبحي بس) وكلكم عرفتوا القون السمح ده مش ؟؟؟ قون اللاعبة المحترفة في الدوري الإنجليزي بت الأحفاد
Quote: هو بالله فى ذول مريخابى????
سبب واحد يخلينى اكون مريخابيه مافى
|
ينصر دييييييييينك يا حاج نفيييييييييييييييييييييسااااااااااااااااا
Quote: اها يا جماعه نعود للكوره , بجد فجعت فى ناس لما عرفت انهم مريخاب ومن بينهم نهال كرار, نهال انتى ما فردتى الخلاكى تبقى مريخابيه شنو?
|
ده كلو من بابا ..بابا علا البوابة .. حنانة النسي أهلو ونسانا
Quote: ده اللطافه والقيافه والظرافه كلها فى الهلال |
والله يا بت الأحفاد كلامك ده بس نديهو لي محمد وردي يلحنوا ويغنيهو وفي الناس القيافة القيافة حبينا اللطافة وفي دروب الهلال فتنا بعيد مساااااااااافة ..
Quote: شوفى الالوان الجميله الهادئه الجزابه فى الهلال, اللون الازرق لون السماء والبحر واللون الابيض لون النقاء والهدوء, حمامه السلام بيضاء |
مش قلنا ليكم ده أحلي الأهداف حتي الان .............
Quote: جلست منذ عده ايام اراقب هذا البوست وضغطى يرتفع مع كل قون للمريخ واعصابى تبوظ لما عمر الفاروق ينسى ان يحسب احد اقوان الهلال, فقلت يبدو ان عمرا هذا ليس شاطر فى الرياضيات |
يا أختاه فعلت كل ما في وسعي من تحايل وتلاعب بالقانون فأسقطت ود الموج عمداً ولكني سجدت سجود السهو ولم تفلح الخطة ..أقنعنا أبوقوتة حتي يوقع للهلال ولم يجدي نفعاً إبتدعت قانوناً للمتوالية العددية يقضي بحساب واحد ثم القفز إلي خمسة ولكن هيهات ..رجعنا إلي الشرع وأقنعني بعض الشيوخ بأن يحسب الهلالي بإثنين فاللرجل مثل حظ الأنثيين ولكن دون فائدة ولكن وبحمد الله أخيراً بعد أن إرتفع معدل اللياقة وعاد لاعب الهلال المخضرم أحمد الريح (أتفائل جداً بهذا اللاعب) إنتظم اللعب وإرتفع الأداء ونحن الان نسيطر علي مجريات المباراة وأرجو من ود بابكر سواء كان عبد الله أو أحمد أن يمدونا باخر النتائج ..
تخريمة :
Quote: ايضا ترددت كثيرا فى الدخول والكتابه خصوصا فى ناس حتزعل وتقول طلبنا من بنت الاحفاد تبقى وما عبرتنا بس والله انا مقدراهم جميعا وبعزهم كثيرا ايضا بس مشغوله حبتين اليومين ديل...اتوقع ايضا ان يأتى دينق وغيره ليسخر وليقولو مش قلنا بنت الاحفاد ما ماشه اى حته بس والله خلاص اتعودتا على كلامهم وبقيت حتى ما بزعل منو بل العكس مرات بضحك من التعليقات الطريفه بتاعتهم
|
دي حا نعتبرها حكمة اليوم وبرضو حا نعتبر البوست ده هو الرجعة الحقيقية لي بت الأحفاد وشكلك طالما رجعتي عن طريق بوست الكورة ده فمعناها جاية زولة بتاعت دافوري ساااااااااااااااااااي ..طبعاً حا تقولي لي دافوري معناها شنو ؟؟؟ دافوري معناها الكورة الفيها شلاليت وبنج ومافيها حكم يعني زي كرة القدم الأمريكية
Quote: عمر الفاروق ولدك ده خلاص ضمن البنيه, ظلامى وهلالابى ده عز الطلب |
أها يا جماعة الخير المتداخلين معزومين العقد إنشاء الله في الجامع الكبير ومن ثم تنتقل الأفراح إلي إستاد الهلال والدعوة عامة والمريخاب يمتنعون
Quote: اصلو بتى قالت لى انا ما بتزوج مريخابى اصلو لانهم دمهم تقيل ودمويين |
واخد بالك يا حج إبراهيم الكلام ليك يا محمد الأمين
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
يا نور الدين :
Quote: واحد مسطول رفسوا حمار الوادي قعد يكورك امسكو مني ناس الترجي دييييل ؟؟؟؟ |
وزولك ده حمار الوادي رفسوا وين ؟؟ في الجبل الأخضر ؟؟
العجب حبيبي أداني تحية دموعو سالت والمنام أبا ليهو :
Quote: يا جماعة
عمر الفاروق وين
30-28 للمريخ |
لكن ما تقول لي الكوااااااااااااار عندك
إيهاب الطيب : ياخوي نحن عايزين الحاجة الفي نفس يعقوب ما الفي نفس دكتور معز إنتو يا المريخاب أقعدوا تموها لي قصائد وشعر ومقصورة وماف كورة
سهير يا رائدة الهلال الجديدة :
Quote: BUT SORRY IAM A BLUE HALF MOON PERSON HILALABIAAA ABAN 3AN JID HOPE THAT WORK FOR U BROTHER THANX |
يا مريخاب جنس الكلام البي الإنجليزي ده صعععععععععععب عليكم أصلو يا ود الموج جمهوركم من السوق الشعبي الخرطو بيركب مواصلات الشعبي أمدرمان وأول ما يشوف الكشافات بينزل هناك العرضة جنوب وكده .. أها يا ناس قون سهير ده بي خمسة ...(رفقاً بي القوارير)..وما تجو تقولوا لي طيب بنات المريخ مالك ما بترفق بيهم حا أقول ليكم بنات المريخ ما قوارير
أحمد بابكر :
Quote: يا جماعة الخير والله سمعته لي اشاعة كده بتقول انوا قلة ما بتمسك الا بي عكاز صحي الكلام ده ولو داير اتوكد اسعل منو.... |
كلامك صاح أصلو جمال الثعلب ده كراعو زي العكاز
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Ismaeil H. Mohamed)
|
إسماعيل الحميم : غايتو الله مرقك عشان إنت ود أمدرمان وواقف معاي وقفة كويسة لي ود قاسم ... لكن لو ما كده كان أسة أديناك الكرت الأحمر لحقناك محمد الأمين .. عموماً يازول إنت الفيك إتعرفت لكن بالله عليك البراءة والطفولة الجميلة دي ما تعولقا بي المريخ وخلي اطفل العسل ده يطلع هلالابي وصفوة عشان بعدين تفتخر بيهو ومالك ومال حبني وجبرة وقورماهيا .. غايتو إنت وسامي عبد الوهاب شكلكم كده حا تضيعوا الأولاد ديل معاكم ..
Quote: والله أنحنا مريخاب وحمرتنا نار أعمل حسابك |
وناركم دي في الجبل الأخضر مالكم ما ولعتوها ؟؟؟ ولا ياربي الجبل كان مولع
Quote: ونقلبكم كورة جد ودافوري
|
يازول الكلام ده بتاباهو ..أنا زول دفرتا بي كورة الشراب في خور أبوعنجة ووالله خرخاااااااااااااار وشلاليتنا في السما ..بس بالله لمن تبدو الدافوري كلمونا عشان نطلع نرائدات الهلال النواعم ديل بي قيادة بت الأحفاد..
Quote: إنتو كان كتار لكن هوان ساكت |
نحن صفوة يا أبوحميد ولا شنو ؟؟سمك
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
Quote: يازول الكلام ده بتاباهو ..أنا زول دفرتا بي كورة الشراب في خور أبوعنجة ووالله خرخاااااااااااااار وشلاليتنا في السما ..بس بالله لمن تبدو الدافوري كلمونا عشان نطلع نرائدات الهلال النواعم ديل بي قيادة بت الأحفاد.. |
والله ظنيتك أنت إبتاباهو يازول إنت عارف نحنا من زمن كورة الشراب والكفر أبوبوذ ودفرناها في سوق أم سويقا وفي ميدان البحيرة وفي ميدان حفر ود دلوك وفي ميدان الكداويه وميدان ترب ابو حبيب سمعت بيهم ديل. ها زول أختا ساكت!!! ناس بيت المال ديل سمعت بي تاريخ لقائتهم مع العباسية النار ولعت بس
Quote: عموماً يازول إنت الفيك إتعرفت لكن بالله عليك البراءة والطفولة الجميلة دي ما تعولقا بي المريخ وخلي اطفل العسل ده يطلع هلالابي وصفوة عشان بعدين تفتخر بيهو ومالك ومال حبني وجبرة وقورماهيا |
قلنا ليك الصفوة هم المريخاااااااب هلال الملايين ده كتره لكن هبوب ساكت (كغثاء السيل) بلا فايدة
ام إبني الصغير مختار اقول ليه عاين للسما شوف القمرا (ما الهلال) القاه يعابن للنجوم .... طالع تفتيحه مش كدة بالله
إسماعيل حميم
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
جرجس هلالابى واكا هلالابى فليسة برخاش هلالابى ام حقين هلالابية وبتسلم عليكم
بوكش صاحبى لكن مرتشى كان هلالابى دفعو لية قروش بقى مريخابى وشايل نوبة مع تمساح قطعت كل الصلات بية لغايت ما ارجع لفريق اجدادة او ادينى نص القروش
الاستاذ مصعب دولة ابن عضو نادى الهلالاحمد ـدولة هلالابى
راسا مريخابية وهى بت عسل اتشاكلنا فى كورة هلال مريخ الشال فيها زيكو الكورة سبب المشكلة انها قالت الكورة حقت زيكو ملك حر وانا زعلت لانو دة مال عام ومن اليوم وانا ماسكنى المرض القالت علية زولا123 ...
الاخ عمر انا داير اساعدك وداير اوسع ليك دايرة المسح ولو داير مساعدةانا بعرف ناس فى الكلاكلة الوحدة وجبل اوليا والحارة 48 الثورة ومدنى حى المزاد وبرى المحس وجدة السعودية وامروابة وامريكا الساحلالشرقى ولو دايرنى اسأل ليك الناس ديل كلمنى من بدرى عشان آخد اجازة ونسيت اقول ليك بعرف بنات فى التقانة ومامون حميدة ديل ممكن اساهمو مساهمة فعالة .. المهم انا منتظر ردك
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: ali elhassan)
|
المكاشفي: عاش من شافك وين أيامك .. تعرف موضوع هلال مريخ وليس مريخ هلال دي قصة قديمة ومن ما قمنا وشبينا لقيناها كده .. ناس كمال حامد ورضا مصطفي الشيخ( معلقين مريخاب) حاولوا جاهدين ترسيخ فكرة مريخ هلال ولكنهم فشلوا.. الصفوة دوماً في المقدمة ..وهلال مريخ زيها زي بوابة عبد القيوم وطوابي المهدي وجريان النيل من الجنوب للشمال وشروق الشمس من المشرق وغريوبها من الغرب ..يعني ظاهرة طبيعية .. تشرف الهلال بأن ينضم إليه واحد من المحترفين اللاعب الفنان الماكاشفي..
عبير يا بت خيري: انا يادوووووووووووووب عرفت ناس الأمن قصتهم شنو معاك !!! أصلو صلاح قوش ده بيكون هلالابي مرضان ولقاك مريخابية .. والله إنتي خسارة لي الهلال ومكانك شاغر عندنا وانا لسة عند رأيي إنك هلالابية زعلانة أصلو أي هلالابي زعلان بيكون مريخابي...
Quote: يا عمر الفاروق إنت المفروض تكون محايد |
الهلالاب ناس شفيفين وديموقراطيين ونزيهين عشان كده أنا أعلنت هلاليتي ولكن دون التأثير علي النتيجة (بس بنمد زمن المباراة شوية )
علي الحسن : ياخ والله إسمك بيذكرني بي المعلق المرحوم علي الحسن مالك ..
Quote: راسا مريخابية وهى بت عسل اتشاكلنا فى كورة هلال مريخ الشال فيها زيكو الكورة سبب المشكلة انها قالت الكورة حقت زيكو ملك حر وانا زعلت لانو دة مال عام |
أسة عليك الله زيكو بيكون لامي الكورة دي كتذكار ؟؟؟؟ يعني بعدين يوريها لي أولادوا ويقول ليهم دي الكورة الشالا أبوكم زمااااااااااااان وأبا يرجعا للحكم
Quote: الاخ عمر انا داير اساعدك وداير اوسع ليك دايرة المسح ولو داير مساعدةانا بعرف ناس فى الكلاكلة الوحدة وجبل اوليا والحارة 48 الثورة ومدنى حى المزاد
|
لالالالا ديل كلهم مريخاب ما بينفعوا معانا .. إنت كان عايز تخدمنا بي الجد ركز لينا علي الجماعة ديل :
Quote: بعرف بنات فى التقانة ومامون حميدة ديل ممكن اساهمو مساهمة فعالة ..
|
ياهو ده إستايلنا .. بس الكلام ده ود الموج ما يسمع بيهو ..
تخريمة : المريخ جاب قونين سريعات .. الكورة : 32-34 للمريخ ..
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: keiga2000)
|
الله يرحم أيام كنا بنمشي من إستاد الهلال أو المريخ لي بيت عبد الحميد الضو حجوج ونقعد نرقص ونسكسك ونقيف في كبري الأربعين نهييييييص ... بقيتو أسة يا المريخاب تمرقوها في ود أور وود البنا وود أملعاب.. حالتكم صععععععععععععععبة ..
الكورة ما إنتهت بس ده الشوط الأول والكوتش إتلكم مع أولادنا كلام كويس وإنشاء الله الشوط التاني حا نقدم فيكم عرض شدييييييييييييييييييييييييد ورااااااااقي ..
بي قون كيجا بقيتوا فايتننا بي 3 أقوان .. وإنشاء الله الشوط الثاني هلالي ....
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Othman H. Al-Hori)
|
وعلي عكس توقعات صحافة الرشاشات المتطلعة لجماهير لا توجد الا في خيال الكاتب السيد عمر الفاروق الذي لم يفرق حتي الان بين ماهو حقيقي وماهو خيالي.... ابتداء المريخ الجولة الثانية بهدف سريع جدا من خلال مهاجمة عثمان الحوري والذي فاجاء صاحب السطور الفضية او فالنقل الذهبيه اذ اننا دائما نحب الاصفر او مشتقاته من الالوان كالاحمر والاحمر والاحمر والاحمر والاصفر كما اننا نحب ايضا ماهو غالي وكده... وقد رفعنا شعار لا يمكن لهذا البوست ان يتراجع حتي نشوف ال80% بتاعتكم دي علي العموم المباراة في دقائقها التالية ستاخذ منحني اخر بعد هروب (كوتش) الهلال وسفر صحافيه(الفاعل من صحاف)!!! وقد قتل خطاب الاخير صاحبه فهل سيقتلك خطابك يا صخافنا!!!!!!!!!!!!!!!!!!!!!!!!!!!!!!!!!!!!!!!!!!!!!! الظاهر كده....
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: ahmed babikir)
|
أحمد بابكر : الظاهر عليك داير تبقا لينا زي الكوتش أحمد بابكر أستاذ المراحل السنية في السودان والزول البيفارق منتخباتنا القومية طواااالي بي هزائم من العيار الثقيل من أربعة ولي فوق .. أها أسة إنت إنشاء الله حا تفارق البوست ده بي هزائم الأربعات دي إنشاء الله .. الكورة في بداية الشوط التاني ولسة جس النبض شغال ... بي المناسبة زي ما بقول ليك الهلا حق الصفوة والصفوة قلة ... وكم من فئة قليلة هزمت فئة كثيرة بفضل الله .. دربوا بهاء الدين كويس وجيييييييييبوا من جوووووووووووووووووووووووة ...
تخريمة : كبدة مزمل أخبارا شنو ؟؟؟لسة في النار ولا إستوت ؟؟
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Ahmed Alrayah)
|
يا جماعة إسم كيجا ده قبل كده مر علي في الأهداف والغريبة أسة شايفو تااااااني جا خاشي وقدر ما فتشت ليهو ما عرفت الزول ده جاب ليهو قون تاني بي ويين ؟؟؟ يا كيجا أطلع من الأوف إنت ساااااااااارق
أحمد الريح وصل .. والله يا جماعة انا الزول ده بي الجد بيدين تفاؤل عجيب خلاص بي إنو الأقوان جاية والله بس زي لمن العجب يكون في تشكيلة المريخ وعاكف عطا يكون غايب من تشكيلة الهلال والمدرب فوزي المرضي ...
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: Ahmed Alrayah)
|
سيدي اهو في ليك قون ولاتزعل... بس حقيقتا عندي سؤال... انتوا كتار بمعني انتم 80% من الشعب السوداني ولا المعلومة دي غلط اذا انتم الصفوة لا يستقيم هذا مع النسبة بتاعت ناس الاحصاء بيقولوا انو 90% من الشعب السوداني جاهل.... 99% جاهل بالمعايير الجديدة للعلم اي ليس فقط فك الخط كما يقولوا اهل السودان..
فان كان ذلك حق هنياءا لنا بالشعب السوداني فنحن راحة اوجاعة وبسمتة التي خباها القدر ويده التي تكتب الانتصار وعلمه الذي يوضع في الملاعب ولغته التي طالما خاطب بها العالم الخارجي ووجدانة الذي انعشناه بالفرح والسرور وعلاجه من الغموم والاوهام ونوره الذي اضاء به الظلمات وعنوانه عندما توارت كل العناوين انهزاما وسقوط... هكذا مريخنا مريخ البطولات.....
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: ahmed babikir)
|
أحمد بابكر:
Quote: فان كان ذلك حق هنياءا لنا بالشعب السوداني فنحن راحة اوجاعة وبسمتة التي خباها القدر ويده التي تكتب الانتصار وعلمه الذي يوضع في الملاعب ولغته التي طالما خاطب بها العالم الخارجي ووجدانة الذي انعشناه بالفرح والسرور وعلاجه من الغموم والاوهام ونوره الذي اضاء به الظلمات وعنوانه عندما توارت كل العناوين انهزاما وسقوط... هكذا مريخنا مريخ البطولات..... |
يازول إنت والله إلا تكون قاصد كوكب المريخ الفي المجرة !!!!! لكن يازول إنت ناسي نحن سودانيين ودافننوا مع بعض ؟؟؟؟ معقولة بس يكون ده المريخ البيتغلب خمسات وستات من اليمن ومن مصر ؟؟؟ معقولة دي المريخ أبو نقطة ؟؟؟؟؟ معقولة ده المريخ اللحدي أسة ما وصل دور الثمانية في بطولة الرجال ؟؟؟؟؟؟؟؟؟؟؟؟ يازول كدي قول بسم الله وإتذكر إنو نحن غير الكورة دي ما عندنا شغلة وحافظنكم حفظ .. كلامك ده قولو لي زول بيشجع الدوري الفرنسي والأسباني ... تخريمة : قلت لي شنو ؟؟؟ الموز أبو نقطة ؟؟
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: محمد الامين احمد)
|
محمد الأمين :
Quote: هههههههههههههههههههههههههه
تسلل واضح ، و الحكم زاتو لمن استغرب من الزول ده
|
والله الحكم شافو وإتكييييييييييييف منو شديييييييييييييييييد لكن مشكلتكم في الحكم الرابع الفكيتوهو لينا ده (أحمد بابكر) عامل فيها كوللينا وجا داخل قال إلا يحكما أها خليناها ليهو قام برااااااااااااااااهو حسب القون !!!!!! أها عاد القون بعد يحسبوهو تاني بيتراجعو عنو ؟؟؟؟؟؟؟؟؟؟؟؟؟؟؟؟؟؟؟؟؟؟ والله ده إلا قون أرسنال في الدوري الإنجليزي الجابو كانو النيجري لمن لاعب الفريق الخصم رجع الكورة لي حارسو عشان كان في لاعب مصاب وإنت عارف الأفارقة بتاعين ملح والله ما إشتغل بيهم وتووووشك شاتها .. أها بعد الكورة الأوربيين ما حنينيييييييييييييين قالوا لالالالا الكورة تتعاد أها أسة قون أحمد الريح ده إلا تودوهو لي يوهانسون عشان يلغيهو ولا تشيلوا حكمكم ده وتجيبو بدلو درررررررممممممممممممممممة ..
Quote: و ست الشاى الجنب المدرجات انفعلت مع الحدث و صرخت (امسك حرامى) |
ست الشاي دي هي زاااااااااااااااتا خليها تمسك الحرامي الشال منها شاي بي لبن ولسة ما أداها قروشا .. تلقاها دي حركاتك يا معلم يا بتاع الشعبي إنت
يازول قايتننا بي أربعة أقوان كان ما حسبت قون أحمد الريح ده .. والله ده أجمل من قون بت الأحفاد ... بس عشان تاني أحمد بابكر ما يعمل فيها شفت
قلت لي شنو ..؟؟ الموز أبو نقطة مالو ؟؟؟مسيخ ؟؟؟
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: عمر الفاروق شيخ الدين)
|
تبداء القصة بهتاف من بعيد او او اوووووووو
ولما الهداف يلعب الشبكة معانا بتتعب بالطول بالعرض مريخنا يهز الارض... ويبداء الراوي بالحديث ........... عندما دخلت الي هذا البوست وجدت ان السيد عمر قد حاول ان يفتح له بطريقته حتي يختفي والان اظنه يتحرق وهو يكلم نفسه واااااااااء وااااااااااء لما فعلت هذا لما كنت من السائلين؟ اين عقلي عندما سالت ؟ وااااااااااء ثم يتمخط انففففف انففففففف ثم يبصق بشييييط ثم يجقلب ويييييي ويئن ياحليوا الكان زمان وي وي وي وي وي مافي زول عارف حقيقتو الليلة جيت شايلنوا وي وي وي اه اه اه اه ثم يتقياء اووووووع واااااااء ويعاود النواح من جديد وااااااااااء واااااااء متين ياربي تريحنا من هذا البوست اه اه اه اه اه اوووووووواااااااااهيء اهيء اهيء متين تنتهي هذه الكوره اللعينة ثم يستجمع قواة ويصيح التحكيم فاشل التحكيم فاشل! ثم يجلس مع نفسه مرات ويحدثها فيقول هو كان الحكم كعب يعني النتيجه حتتغير انا لازم اشوف لي شكله مع اي زول واقوم احرد البوست وبعدين احاربوا واخلي الناس تقاطعوا.... اي لكن اتشاكل مع منو ثم يفكر ويستلهم فيغلبة الصراع ومن جديد يعود يجري الدمع في عيونه فيكورك وااااااااااء وااااااااااء ياناس الحقونا واسترونا تاني مابسال سؤال زي ده كلو كلو ثم يجقلب وي وي وي وي وي وي وي وي وااااااااااء بقية القصة سنوردها تباعا..... تراجيديا الاوهام والظنون: السقوط في البحيرة الحمراء..........! الفيلم الذي لن يتكرر في اي عام لا تفوتكم المشاهدة احجز تزكرتك من الان حتي لا تضيع عليك اللقطات خصوصا غرق البطل قبل نهاية الفيلم بفترة طويلة ! تاليف عمر الفاروق بطولة عمر الفاروق تصوير عمر الفاروق مكياج عمر الفاروق ملابس عمر الفاروق خدع سينمائية عمر الفاروق مستندات من القصة الحقيقية بوستات عمر الفاروق، كتابات عمر الفاروق اشعار عمر الفاروق اداء وتلحين عمر الفاروق انتاج عمر الفاروق وأخراج عمر الفاروق
| |
|
|
|
|
|
|
Re: الهلالابي منو ؟؟ والمريخابي منو ؟؟ إستفتاء داخل البورد.. (Re: محمد عبد القادر سليمان)
|
المشهد الثاني.... الراوي.. ثم بداء يتحرك عمر الفاروق جيئتا وذهابها ويشد في شعره ميييط..ميييييييط فيحرقة فيصرخ...اي اييييييييييييييا.. ويقول مكلما نفسة لما هذه الاوهام كانت تحيط بي من قبل كنت اتخيل انني سافوز... كانت معي هذه النوبة...ثم يبداء في البكاء والتزكر ..اهههههيئ اههههئ وهذا الاعلام التي لم استطيع رفعها ولا في بيتنا...اهييييييئ اهييييييئ..خور ابوعنجة...اهيئئ..بيت الضو حجوج..اهيييييئ ......اهييييييييئ...ياربي مامن مخرج....اهييييييئ كيف ساقابل الناس في الشوارع....اهيييييييئ .........اهييييييئ .......ثم يتمخط بشدة...انففففففف....انفففففف... ويبداء في النحيب الليلة وين ياالهلال يا عشايا..اهييييييئ..اهييييييئ.. الليله وين ياالعلمك كان قدر الملايا...اهييييييئ .......اهييييييئ...الليلة وين يا بدر التمام.... الليلة وين ياالنفضوك قوام.....اهييييييئ...... اهيييييييييئ ثم يعوعي ووووووااااع واااااااع.... يياع
سنواصل
| |
|
|
|
|
|
|