الأستاذ الموصلي: حقيقة ومع كل الإحترام لشخصك لكن لا يهمني ان تتوقف عن الردود أو عن الموضوع فانا في النهاية ليست من اغراضي ان اتحاور مع الموصلي والسلام أو كما قال خدر لي حميدة (أمشي احكي لي اولاد الحلة) .. انا عندي رسالة في الموضوع ده والله على ما اقول شهيد .. وصدقني ما قاعدة تخلعني الأسماء الكبيرة وما بيهمني إن توقفتم أو تواصلتم وإن كان ذلك يعني الكثير للقراء وللاعضاء و اعلم تماماً ربما عدم تداخلك هنا قد يفقد البوست بعض من هيبته لإفتقاد عنصر مهم في التحاور ولكن هذا لا يمنعني من اكتب رأيي .. لن احتاج لمبرر لتوضيح ما كتبت في اخر مداخلة فما كتبته في اخر مداخلة هي وجهة نظر لم اسيئ فيها للموصلي بل طرحت تساؤلات وعكست وجهات نظر ولكن يبدو ان الموصلي استعجل القرار ونظر للموضوع من الزاوية الشخصية .. طيب ما تراكا يا موسيقار شغال فيني بي العربي والإنجليزي وتديني بي اليمين والشمال وبرضو انا بتجاوز ليك لأنو بعتبر إنك لمن تتكلم معاي زي البتتكلم مع جيل كامل وبقول الموصلي ما قاصدني انا تحديداً وبشوف احسن لي الحوار من الإنزلاق ... زي ما قلت ليك يا موصلي تواصل او ما تواصل دي حاجة بترجع ليك انت وبس ومن حقك وماف زول بيقول ليك حاجة لكن زعلتني حكاية الإيميلات القلت بتجيك من ناس وانت بتحترم رأيهم بل وذهبت لي ابعد من كده وجيت ختيتها هنا مع ملاحظة غنها بتسئ لينا بي صورة واضحة وطبعاً لأنو السقطة والدقسة دي من الموصلي فماف اي زول قال حاجة ومشاها اللهم إلا الأخ عصام احمد وإن كان اعاب على المرسل وليس عليك ... مع صغر سني وحداثة تجربتي إلا انني اعتقد انني في مثل هذه الأمور تعاملت عكسك تمامًاً !!! فما وصلني من إيميلات وإتصالات وتثبيت حقائق عن هذا الموضوع ومنذ بدايته تشيب له الرؤوس ورغماً عن ذلك لم التفت لها بل ولم اعرها أي إهتمام بإعتبارها اراء اشخاص خاصة ومنها ما اعتبره تصفية حسابات ربما مع الموصلي ورأيت انها غير صالحة للنشر ولا تخدم القضية التي نتحاور عليها ولكن يبدو ان الموصلي يود ان يجعلها مزاد علني عن إيميلات القراء والمتابعين وصدقني يا موصلي انت الخاسر بكل تأكيد فأنت شخصية عامة وكل ما يكتب هنا يؤثر عليك وإن كان خطأ ولكن صدقني لن ادخل في هكذا مزايدات ولن اعوس الأبري مع الحلو مر كما فعلت انت .. شكراً ليك ولي من راسلوك وشكراً اكتر لي إهدارك لي جزء ليس بالهين من وقتك عشان توضح لينا الكتير من الأمور وكما بدأت معك الحوار بنفس هادئ انهيه معك (وليس مع الجميع ) بنفس الهدوء وزي ما بيقول صديق احمد : مشاويرك عديلة ..عديلة عليك ..عديلة إن كان قصيرة وكان طويلة عديلة عليك .. لي تعقيب اخر إن شاء الله عن باقي مداخلتك ولكن قبل ذلك يجب علي ان ارد على دكتور معز لعبارة إستفزتني جداً ..
راجعين إن شاء الله ..
08-03-2006, 01:21 PM
hatim hatim
تاريخ التسجيل: 03-06-2003
مجموع المشاركات: 743
حكاية الفنانة شروق ... أنا شخصيا بعتبرها فنانة عادية... لكن يا أخ عمر الفاروق ولا تبخسو الناس اشياءهم والقرد عند امو غزال ..وبإعتبارها عادية أنا لا أمتلك الحق كي أنزل من رصيدها الفني وهذا رأي وكمان (الاعوج رأي والعديل رأي) .. ولولا إختلاف الأزواق لبارت السلع ... اراك قد أطلقت بعض العيارات الثقيلة في حق شروق ..
دكتور معز : وبما انني كنت في سجال ليس بالقصير مع الموصلي فإنني تجاوزت لكثير من مداخلاتك التي اراها مستفزة بعض الشئ ولكن وبما اننا في خواتيم الحوار معكم يا ايها الأساتذة الأجلاء فهاكم قبل ان تذهبوا ادراجكم هذه الكلمات والتي لا اعتبرها ردة فعل ولكن هي اراء كانت ستأتي في حينها ولكنها استعجلت الرحيل بعد ان استعجلتم انتم .. قبل كل شئ يا دكتور نحاول نتطرق لي كيفية بداياتك مع شروق وهنالا بد ان نضع في عين الإعتبار دكتور معز الذي يكتب الشعر بصورة عامة وليس الشعر الغنائي!!!!! قلتها لي ذات مرة الكوباني يا عمر لم نعرفه شاعراً ولكنه ظهر فجأة كشاعر غنائي وانا اعيد بضاعتك إليك يا دكتور واقول المعز ليس شاعراً غنائياً ولكنه اقتحم هذا المجال الان وعنوة .. تجربتك الحالية وبكل صراحة لا تختلف كثيراً عن تجربة صلاح إدريس الذي اقحم نفسه في هذا الوسط الفني عنوة ومستخدماً كل الوسائل واهمها المادة وبعدها بدأ يمرر للناس ما يكتبويلحن او كما قال .. المعز يخطو بنفس هذه الخطوات ولا استبعد قريباً وقريباً جداً ان يترشح الدكتور معز في مكان جمال الوالي رئيساً للمريخ .. المعز الشاعر ارجو ان لا يقنعنيانه طيلة هذه الفترة يكتب الشعر الغناءي ولكن لم يجد من يستاهله من الاصوات الموجودة إلا ان جاءت شروق رضي الله عنهافكانت ملهمته الغنائية وكانت هي طبقة التي وافقت شن شعر المعز .. لا يا دكتور فالامور اكثر إتضاحاً مما تعتقد والأسباب اوضح بكثير .. فانا اعتقد لن المعز ربما فشل كثيراً في إقناع الفنانين في التغني بشعره او ربما لم يجد شعره رواجاً أو لنقل لم يرى النور لأسباب أو لأخرى ولكن ان تبدأ مع فنانة جديدة لا تفرز عماد من إعتماد فإنه من السهل جداً تشكيلها بل يمكن للدكتور معز ان يقنعها بأن أغنية (دجاجي يلقط الحب) من اجمل الأغاني التي يمكن ان تتغنى بها ويمكن ان يكتب لها اي شئ وتغنيه دون إحم ولا دستور ..وهي تطول إنها تغني للبروف الشاعر معز عمر بخيت ؟؟؟؟ وتبقى المشكلة الكبرى طيب الحا يسمع غناي ده منو ؟؟؟؟؟؟؟ ويأتي الرد سريعاً يا زولة الإعلام ده ما تشيلي هموا فأنا في عمق هذا الوسط .. وهنا نجحت يا دكتور ايما نجاح وانت تقحم جسم غريب على هذا الوسط وتقحم نفسك انت ايضاً فانا اعتبرك غريب عن الوسط الفني الغنائي (عشان ما اهضم حقوقك الشعرية يا دكتور) ... فانت لست بالتخصصي في هذا المجال وما تحاول فعله الان دعنا نشببه بأن يأتي فجأة قدورة في التلفيزون ويقول لي الناس انا اكتشفت علاج لي جنون البقر ويبدأ قدورة في الكلام عن الطب وكيف انه وجد نفسه فجأة في الطب وفي الصيدلة وانه يعتبر الغناء هواية .. نعم هذا ما فعلته انت يا دكتور بصورة عكسية فانت في هذه الحالة كما قدورة اقحمت نفس في الوسط الغنائي بصورة فجائية واكرر يا دكتور كلامي هنا ليس إنفعالي بل هو كلام كنت ارجيه إلى حين .. نعم تكتب القصائد الشعرية الجميلة ولا احد ينكر ذلك ولكن !!!!!! نرجع لي موضوع الإعلام الذي دخلته من اوسع ابوابه فكتبت الجرائد وسجلت التلفزيونات وتحدثت الإنترنت وكل ذلك في وقت واحد ولكنها كما فورة اللبن سرعان ما هدأت ..
هذه الجملة يا دكتور لا تشبهك وتكفي لإشعال فتيل من الحوارات الساخنة بالصورة التي ربما تزعجك :
Quote: الحبيب الموصلي
فلتتوقف ولنتوقف هنا
لقد أديت الرسالة كاملة
وبلغت الأمانة
وقد وصلت إليهم..
البعض هنا لديهم أجندة أخرى خارج تجربة المبدعة شروق
وبالرغم من معرفتنا لتلك الأجندة إلا أننا جعلنا هذا البوست يصب في مصلحة الدعاية الإعلامية
المدروسة بعناية
وقد انتهت المهمة بنجاح والحمد لله
لا يا دكتور .. ده بالجد كبيرة منك وواسعة حبتين !!!!! نحن لسنا مجرد كمبارس أو مسرح عرائس تحركونا بأصابعكم ولا تعتقدوا بأننا نشعر بالدونية ولذلك نستمتع بالنقاش معكم وزي كنا زماااان بكتب للجكس في الأوراق ونرسلها ليهم برجعوكتبها ليك يا دكتور: إنت لو عاجباك نفسك نحن برضو العزة فينا ..... ياخ والله الجملة دي زكرتني حافلات الشنقيطي والسواق يكتبها في المراية وانا اقول ده شنو السواق المراقه ده ولكن يبدو ان هذا السواق طلع اكثر حكمة وليس بالبعيد ان يكون كتبها في موقف كهذا .. وده بيخليني اخاف يوم اجي اكتب ليكم : عبر المحيط على العصافير صعب ..... ياخ كلام المواصلات ده كللللللو حكم ..
لأ يا دكتور ليس نحن من يحدد لنا الاخرون طريقة حوارهم ولن نحن بالعبطة عشان تجي تقول لي الموصلي ارحكاكا خلاص .. ياخ اقول كلامك ده بالدارجي يا دكتور : ( يا موصلي ياخ خلاص كفاهم المقاطيع ديل نحن ناس مستوانا اكبر من كده اديناهم اكتر من حقهم ووالله لو ما الموضوع فيهو شروق انا ما كان قعدت دقيقة ..قوم سيب العواليق ديل ..)
صدقني ده كلامك يا معز بس مغلف بي ورقة هدايا وفيونكا .. اها يا جماعة ده كلام ناس عايزين يشموا لي قدام !!!!!! وده كلام ناس يادوووووووووووووووب بيقولوا يا هادي مع شوية فنانة لا تعرف الدو من الفا .. يعني لو شروق دي ظهرت في الام بي سي (وستظهر صدقوني بحسب علاقات الدكتور) فتاني العايز يسلم على الدكتور إلا بي المواعيد وتفتح بوست تكتب فيهو (عن إذنك يا بروف عايز اسلم عليك ممكن ؟؟).. يا معز ما تفتكرنا داقسين وما تفتكر إنو حكاية الدعاية المجانية دي فايتة علي وصدقني ما كتبته انا هنا يمكن ان يفيد مليون مرة من ما كنت تكتبه انت من تكسير التلج أو كام يقولون وانا على دراية بذلك ولكن يبقى الفرق بي إني بكتب عشان عايز اكتب وما بيهمني لمصلحة من اكتب وما بفكر وقتها إنو ممكن يكون في زول حا يفكر بي نفس تفكيرك ده لكن يا خسارة يا دكتور ..!!!!!!!!! والخسارة الأكبر جمهور المتداخلين الذين سيمشون هذا الموضوع كما السلام عليكم ولن يقف احد في وجهك كما وقف الناس ضد كلام حميدة بالرغم ان ما كتبته يا دكتور جارح وجارح جداً وما جميل ابداً في حقنا .. لكن ده ما كلام بروف نسوي شنو ؟؟؟؟؟؟ ليه يا دكتور نظرت للموضوع من الزاوية دي؟؟؟؟ وليه خاتي نفسك فوق ونحن تحت ؟؟؟؟؟؟؟ وليه التعالي يا دكتور ؟؟؟؟؟؟؟ الكلام ده والله ما بيشبهك وما تخلي إنفعالاتك ورا شروق تنسيك الناس وتنسيك حكمتك وميزانك للكلام فشروق لا محالة زائلة ايوم او غداً ويبقى رصيدك من حب الناس دوماً ..
07-31-2006, 02:54 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
خدر: قبل التعليق على مداخلاتك عايز بس الفت إنتباهك لي موضوع مهم .. يا خدر بصراحة كده عندك عيب إن وافقتني في التسمية وهي انك دوماً بتنظر لي كلامنا نحن على إنو جارح خصوصاً لو حاولنا انت تكلم بلغة ربما يراها البعض إنها تريقة وتهيج وتقيم عليها الدنيا ولكن للأسف دوماً تستمتع بما يكتبه الكبار عنا من تريقة فمرة تضحك ومرة تحتسبها 9-صفر علينا .. ربما في حينها تراها مزحة ولكن في ذلك الحين ايضاً لا ترى كلامنا مزاح ةتراه (تجليط).. صدقني يا خدر انا ما قاعد (أطبز) ساي وبحسب حساب كل كلمة بكتبها ودوماً الطبزة بتجي في تفسيركم للأمور فربما تقرؤن ما اكتب وانتم لا ترون او تحسون بالطريقة التي اكتب بها.. راجع مداخلاتي مع الأستاذ الموصلي وحتى الأخيرة منها وستجدها تصب في المصلحة العامة والنقاش الثر بعيداً عن المهاترات ولكن هكذا نحن دوماً دفن الرؤوس في الرمال والخوف من المواجهة ويحرم علينا طرح الأسئلة او التساؤلات التي تجول بخاطرنا فمنذ ان تكون طفلاً ينظر لك الأهل بي (صرة وتحميرة) لو سألت عن شئ في الجنس.. وينهروك نهرة عدوك لو اتكلمت مع زول كبير إتصرف ليهو تصرف غلط .. ويجلدوك جلدة السنين لو حسوا إنك تطاولت على شخصية عامة ولو كان تطاولك في محله .. بعض الكلام الذي متبته يا خدر صدقني سيحدث وإن خفتم منه نعم ربما تطول عملية الإثبات أو ربما لن تحدث ولكنها حاصلة ... من السهل جداً ان اطلب من الاستاذ الموصلي ان يعود للسودان حتى يتأكد من كلامي لكن من الصعوبة ان يقبل الموصلي بهذا الطلب .. نعم كتبت له في البداية انني معه وغضبت لتجاوز شروق له فلماذا عندما كتبت مداخلتي الأخيرة لم يعتبرني من المئة الذين سيحضرون حفله .. ام لا يحق للمعجبين بتوجيه النقد لفنانهم بل التصفيق له ... مثل هذه الامور لا تحل إلا عن طريق البيان بالعمل والكرة في ملعب الاستاذ الموصلي والإحصائيات ستؤكد ذلك مستقبلاً .. الزمن تغير يا خدر ...
بجيك صادي إن شاء الله وتعقيب على كلامك نقطة نقطة بس قول يا الله الإنترنت ينستر معاي..
07-31-2006, 03:16 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
Quote: يعني بي العربي كده يا موصلي جمهور الحفل لن يتعدى المئة !!!!!!!
واضح انو جملة الفاروق الفوق دي زعلت الموصلي؛ حدثني كمال الشادي قبال 20 سنة او اكتر بانو لو في زول حيطور الغنا و الموسيقى في السودان فحيكون الموصلي؛ لم اسأل الشادي – حينها – إن كان يقصد الموصلي الملحن و الموزع ام الموصلي المغني.
أنا بفتكر اننا لو سألنا الموصلي بيعتبر نفسو شنو؛ لقدم الملحن و الموزع على المغني؛ و إن فعل ذلك فأظنه يوافقني على ان الحفلات الجماهيرية للملحنين و الموزعين في السودان لا تستقطب الكثير من الجماهير.
07-31-2006, 03:25 AM
Abd-Elrhman sorkati Abd-Elrhman sorkati
تاريخ التسجيل: 02-21-2003
مجموع المشاركات: 1576
سلام .... غالبا لمثل هذه المواضيع ان يدخل فيها عنصر التذوق الذي هو يختلف من شخص لاخر ولكن هذا لاينفي ان هناك معايير توضع للحكم علي المغني من حيث جمال الصوت أو الاداء او الحضور او عامل الجذب الللخ . فيما يختص بشروق لا ادري لما هذه ( الهلولة ) فهي صوت عادي جدا ولكنها وقعت في قبضة لن تصنع منها مغنية محترفة فهي ينقصها كثير من التدريبات والتمارين الخاصة بالصوت والتي لايمكن ان تأتي الا عن طريق موسيقي مختص أذا عنص الدعاية المفتعلة هنا يمكن ان يؤخر دون ان يقدم وفي النهاية لن يثبت في الساحة الا ذوي الامكانيات المقنعة .... هناك شيء غريب في بلاد الاغتراب وهو ان كل فرد يريد لن يصبح مغني وهذا نابع من الفراغ العريض والنظر للعمل الفني كشيء سهل ولا يتطلب مجهوداكبيرا وهذه نظرة خاطئة ..... اي في بلاد الاغتراب الطشاش في بلد العمي شوف وياما قابلنا كثير من الذين نصبوا انفسهم مغنيين او خلافه دون امكانات ...... هكذا نحن دائما .... في بلادي الكثير من الاصوات الجميلة جداجدا جدا ولكنها لم ولن تظهر علي السطح لذا دعوا الجيد ان ينمو ....... والوسطاء يمتنعون . مع محبتي
07-31-2006, 12:16 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
طيب يا جماعة عشان ما الناس اشن علي الهجوم ساي وعشان ما كمان الأستاذ الموصلي يفسر الموضوع من زاوية المكايدة والسلام انا حا اخلي جمهور القراء والمتداخلين هم الحكم بعد ان حكمت انا حكمي الشخصي عن الفترة التي غابها الأستاذ الموصلي وتبعاتها .. وقبل كل شئ وجب التنويه للإخوة بأنني هنا اتكلم كعمر الفاروق المستمع الذي من حقه ان يعبر لفنانه متى ما شعر بأنه ليس في احسن حالاته وزي ما قال خدر الناس البتقعد تقول لي بتاع الساكس شغلك كعب ولي بتاع الجيتار عولقت الأغنية وصدقوني الشريحة دي شريحة وجودها مهم .. من حقي بعد استمعت للموصلي حديثاً وربما عندما قرأتم مداخلتي الأخيرة لم تفكروا في انني اتحدث عن موصلي 2006 وكلكم بمن فيكم الموصلي تعاملوا مع الموصلي في الثمانينات وتسعينيات القرن الماضي.. وهنا اسأل الموصلي ولا انتظر منه الإجابة بكل تأكيد بعد ان اعلن إنسحابه ولكن وبما ان الفن رسالة فكذلك هو ضمير والإنسان يخاطب ضميره ليلاً كل يوم قبل ان ينام فهل يخاطب الموصلي نفسه وهو يستمع لمثل هذا العمل الذي اعرضه عليكم !!!!! هل يشعر الموصلي بأنه ليس الموصلي في سابق عهده ؟؟؟ وهنا عليكم ايها السادة ان تفصلوا بين الموصلي الملحن والموزع وبين الموصلي الفنان فالموصلي الملحن لايزال بخير ودونكم إنتاجه المتواصل حتى الان ... اعجبتني جداً المداخلة اللماحة والذكية كالعادة من اخونا الفناااااااان جداً حسين ملاسي فما كتبه ملاسي اخيراً اثبت لي بما لا يدع مجالاً للشك بانه مستمع فوق العادة وناقد فوق فوق العادة ..
08-01-2006, 01:22 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
من اسوأ الأمور وانت تحاول تطوير شئ ان تخلط العام بالخاص .. وهذا يحدث في المنبر كثيراً فقضايا كثيرة تتحطم تحت اقدام العلاقات الشخصية .. اراء اكثر شجاعة تصبح جبانة عندما تكون عن شخص تربطنا به علاقة .. لماذا الغضب من قولة الحق؟؟ بل ولماذا يتهيب الناس الإدلاء بالاراء الجريئة علناً .. في كثير من الأحيان التقي ناس يؤيدون ما اكتب بل وشدون من الأزر (نحن من خلفكم سيروا وعين الله ترعاكم) وما ان تطلب منه ان يدلي بدلوه ويكتب رأيه هذا على الملأ تجده يقول: " يا عمر والله الحكاية دي صعبة احسن خلينا بي تحت تحت " .. هذا سيحدث الان بكل تأكيد وقبيلة الفنانين تستمع لهذا العمل الضعيف من قبل أستاذنا الموصلي من داخل المنبر وبكل تأكيد سيحاول الجميع البحث عن عذر للأستاذ الموصلي اكثر من أن يعاتبوهو على ما قدم وسيحولون التبرير للموصلي اكثر من تأييد رأيي.. بكل تأكيد اود ان استمع لرأي خدر المستمع وليس خدر عضو البورد (في المقام الأول) وصدقني يا خدر الإختبار ده حااااااااااار ومن حقك تجمع الورقة فاضية وتطلع لكن ما تبقى زي الطالب المتعب تجي تملا الورقة والسلام وتكون اسئلة الإمتحان في وادي والأجوبة في وادي تاني وتذكر القاعدة الذهبية (خمسة درجات لي نضافة الورقة) لكن تبقى الأمانة التي قررتم ان تحملوها ورفضتها الجبال والسموات والأرض على اعتاقكم ... شفت يا خدر انتو بتشوتوا جيلنا ده سااااااااااااي ولمن يقدم ليكم الأدلة والبراهين تميعوا القضية وتتموها موية ... الموضوع كبير وانا بكل تأكيد قررت ان اواصل الطريق حتى النهاية وبكل تأكيد انا على دراية كاملة بصعوبة موقف كهذا بل وعلى دراية اكبر بردة فعل الأستاذ الموصلي من خلف الكواليس والذي ربما سيشعر ان ايدي خفية وراء مثل هذه الامور ولكني اقولها لكم لا تستهتروا بنا واحترموا طريقة تفكرينا بل وثقوا في ما نملك من حقائق عندما نتخاطب وزي ما بيقولوا ناس الجيش ( مالين يمينا ) .. الكورة في ملعبكم يا اهل التخصص وعليكم الان مجابهة الحقيقة المرة ...
في صدر هذا البوست كنت تستنكر على الفنانة شروق تجاهلها لمجهود الاستاذ / الموصلي وهدر سهره وتعبه معها بل وذهبت أكثر من ذلك مدافعاً عن حقوق الغير في خارطة الغناء . على الرغم من إستماتة الاستاذ الموصلي في إيصال ماهو خاف عنا جميعاً وإيجاده العذر لهذه الفنانة .. ومامن قليل وبعد تلكم المدخلات إلا وأن عرجت بالبوست لناحية أخرى وأنكرت للآستاذ الموصلي أدنى جهد منتقداً جهوده بشركة حصاد وما يقدمه في هذه الأحايين بل ومدى قبول الناس لصوته و (المائة متفرج) وحكمت أخيراً بلسانك ولسان غيرك في ردك الاخير (أن قبيلة الفنانين ستستمع لهذا العمل الضعيف من قبل أستاذنا الموصلي ).. أصدرت حكمك بما لا يدع مجالاً لنقاش أن هذا العمل فاشل رغماً عن ذوق الجميع .. وعلى قبيلة الفنانين القبول بالرأي والأخذ به .
من رؤيتي الخاصة أراك قد أدرت سير البوست لمنحى غير جوهره . وأصبح إتجاه الشوت واضحاً على الرغم أنه البداية كانت ممتعة وثرة .... قطعاً مقايسنا التي تتبع لأذواقنا صعب الحكم فيها ولو بالتزكية . فلكلٍ رؤيته وذوقه ورأيه .
وده مجرد رأي
08-01-2006, 09:31 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخ إيهاب .. لك عاطر التحايا وصراحة احييك على هذه المداخلة اللماحة جداً والأكثر وضوحاً وأكثر موضوعية .. وقبل كل شئ اتمنى ان انك ما تفهمني غلط وتفتكر إني رميت لي الأستاذ الموصلي الطعم أو الشرك وهو شروق وبعد داك مررت اجندتي.. حاول ان تتفق معي ان كلمة فنان ماعون كبير او كما يقول صديق عزيز لي.. فهي تحتمل الكثير من المعاني ولا اتوقع شخص يكتب مثل هذه المداخلة اللماحة ولا يميز بين كلمة فنان وكلمة مغني.. الموصلي فنان كبير وكان إضافة لذلك مغني .. الموصلي تطور كثيراً في جانب التلحين وجانب التوزيع ولكني اراه قد اغفل جانب الغناء .. شروق والموصلي قضية واحدة لا تتجزأ وفيها ضلع ثالث ربما لم يسلط عليه الضوء بعد لإحتدام المعركة بيني وبين الموصلي في نقاش اعتبره اكثر من موضوعي الا وهو الدكتور معز .. ولا يعني مثلاً إنتقادي للدكتور معز ككاتب للشعر الغنائي انني ادرت ظهري لموضوع شروق واتجهت نحو الدكتور معز !!!! اتفق معك ان لكل شخص رؤيا وتذوق وانا من جانبي الذوقي اعبت على الموصلي الجانب الغنائي في الفترة الأخيرة وللعلم فانا والله معجب جداً بغناء الموصلي واذكر في صغري انني حرمت نفسي من طاقية المعرض الدولي عشان اشتري شريط الموصلي في حينها وعمري لا يتجاوز الطاشر سنة !!!! ومن نفس هذا المنطلق انا وانت لم نختلف كثيراً فانا في بداية حديثي تكلمت عن ان هنالك اشخاص يأتون للحفلة ونصنفهم من الشماشة والصعاليك ولكنهم جمهور يتذوق وله رأيه فلماذا الان تخالفني الراي ؟؟؟ ارجو ان نكون اكثر صراحة ونعترف بأننا نجعل للبعض خطوط حمراء ونجعلهم خارج دائرة النقد ونعتقد فيهم ونعتبر ان كل من ينتقدهم اما أنه غير مؤهل أو هو مثير للمشاكل !!! انا هنا من أجل تغيير هذا الفهم واتمنى ان اوفق فيه .. لك تحياتي ..
08-01-2006, 09:57 AM
humida humida
تاريخ التسجيل: 11-06-2003
مجموع المشاركات: 9806
يا عمر .. كنت اتوقع انسحاب الاساتذة الاجلاء منذ الصفحة الاولي للبوست .. لكن كما يبدو لي ان ايمانهم بشروق جعلهم يستمروا في النقاش الي ان نفذ رصيدهم .. وضاقوا ذرعا كالعادة بمناقشات النفس الطويل .. لا يعنيني .. ان لم يعجب أسلوبي الموصلي او حواريه خدر وامثاله .. اقول ما اريد .. والنبذ والشتيمة ظاهرة والمحاورة ظاهرة فليس هناك مجال لخلط الامور .. حتي وان كانت صدورهم ضيقة .. الموصلي فنان اعرفه جيدا .. لا وجود له في الساحة الفنية السودانية حاليا .. لكي لا يعتبر تناقض في حديثي .. نحن جميعا نعرف الديناصورات ولكنها انقرضت وفي ذلك رد علي حديث الموصلي بأن حديث متناقض .. الشي الاخر كون الطرف الآخر لا يفهم ما تكتب او يقرأك بسوء نية او من خلال المؤثرات الخارجية .. فهو شأن يعنيه .. اعجبني جدا تكنيك السواق والكمساري .. ففي المواصلات العامة وكما عهدنا السواق يرخي والكمساري يشد مع الركاب .. ربما ذلك لأختلاف الاهتمامات .. سياسة الموصلي ومكانته تجعله يتعامل مع الجميع كجمهور ويحاول ضبط الاعصاب .. فيما يدفع بطارق ابوعبيدة لتمثيل دور الزول الروحو محراقاهو .. ينفعل وينبذ ويسب دين في مشهد درامي يذكر بطلبة الثانوي والعام ايام بداية فورة الرجولة والبلوغ .. لا تملك غير ممارسة فضيلة الضحك بعدها .. المحور الرئيسي للبوست كان عن صوت شروق بالتحديد .. والتي اجمع كثير من الناس ان صوتها ما سمح واجمع نفر من الناس ان صوتها سمح .. في خضم نقاشات مثل هذه يتكشف لك واقع آخر .. قد يكون بعيد عن الكثيرين .. واقع الوسط الفني .. البنسمع عنه انه هو ومجتمع الكورة اوسخ مجتمعين .. ومن خلال حديث الموصلي اكتشفت تناقض غريب في حديثه ادركه معظم من مرا علي هذا البوست الذي استهله الموصلي بعرض وافر لشهادته ( الاخدها والما أخدها ) .. لكنها لم تسعفه حين تخلي عن ( فلذات أكباده ) كما ادعى من أجل اشياء كررتها مرارا ( تذكرة واقامة في الامارات ) .. واذا كنت مخطئ في هذا الأمر فليأتي الموصلي ويحدثني حديث العالم ببواطن الامور .. فهو كما يفخر ( شخصية عامة ) والشخصية العامة يجب ان تكون كتاب مفتوح .. ويوضح الأمر لي وللقارئ الكريم افضل بكثير من دفاع السيد طارق ابو عبيدة ( وسبه للدين الاسلامي ) علي حال .. المحور الثاني هو محور اجتماعي ويمثله في الجانب دا البروف المعز .. فرغم الشهرة التي حظى بها البروف من خلال التلفزيون السوداني او سودانيزاونلاين او من خلال موقعه علي الانترنت .. لم يكتفى بذلك .. فيجب أن تلحن قصائده وانت تكون بصوت ( فنانة ) .. وما ( فنانة ) عادية .. فنانة تعمل صدمة وتقول لناس محمد اللمين زحو كدا .. فوجد ضآلته في تجربة الاستاذ الموصلي التي لم تكتمل .. وباقي الحكاية موجودة .. بدون الدخول في تفاصيل .. الجميع يعلم من هو الموصلي ومكانته الحقيقية الآن في الساحة الفنية .. وكلنا يعلم من هو البروف المعز .. وما هي سلوكياته .. وكلنا يعلم .. خدر لمن يكتب بكون مالو ..
عشان كدا انا بشوف انه ما في داعي نحرق رزنا ساكت ..
يا فاروق .. تعال نجيب تسجيلات شروق دي كلها ونفتح بوست تاني .. وعندي كمية من ا%E
08-01-2006, 10:03 AM
humida humida
تاريخ التسجيل: 11-06-2003
مجموع المشاركات: 9806
Quote: : بس أوعة تكون مشغول في محاورات مثل التي كتبت عن الفنانة شروق.
Quote: يخيل لي ما في حد بيقرًأ واذا قرأوا لا يفهموا،
عزيزنا عصام أحمد
سلام يا زول
انت يا حبيب الكلام اعلاه جبته من وين ؟ فهل من الممكن ايراد النص كامل بدلا من تقطيعه الي اشلاء ؟
لأن الكلام اعلاه ان قاله البروف المعز... فليمدد ابو حنيفه رجليه.
الشغلانية يا جماعة الخير جابت ليها كتاحة و ريح صرر عاتية ... سؤالي الي الجميع هل كانت ستحدث هذه العواصف الرعدية و الترابية من الكتيح بالتراب لو قال عمر الفاروق و حميدة ان شروق هي آخر مطربات هذا الزمان و الي يوم الدين لان في صوتها كذا و بين كلماتها كذا و الي ما اخر الكلام الجميل؟ و هل كانت شروق ستستفيد شيء لو اجمع القاصي و الداني علي روعة اغانيها؟
يا جماعة الخير قولوا معنا لا للأرهاب تحت دعاوي امتلاك ناصية المعرفة ... و لا للارهاب تحت دعاوي ان لهؤلاء اجندة خفية تغذيها اسرائيل و دول اخري ؟ و لا للارهاب تحت دعاوي صاحبي و صاحبك؟
نكرر الزمن كفيل ان يثبت ان شروق عندها ما تقدمه للناس ... و من حق شخص واحد فقط ان يطرب لصوتها ... فاين المشكلة يا جماعة الخير؟
عمر الفاروق سلامات البوست بقي شكلو غريب و كلامكـ من شدة تناقضو لمن بقي ماعندي مزاج ارد عليهو ..و غالبا ما سأكتفي بإيراد كلامكـ في شكل كوتات .. كل كوت برد علي اخوه او يتناقض معاهو لو لقيت زمن لكن احتراما لمجهودكـ اعلاه حا اتداخل معاكـ بتحليل النموذج الانت جبتو لي حفل الموصلي
التسجيل ده لي حفله عامه جهاز الصوت غير موزون ( instrument level ) الالات الموسيقيه مافي تجانس بينها -اورغن -درمز -كمان حاقر بيهو و مغطي عليهو الاورغن
بعني شنو ؟؟ يعني يا عمر واضح انو الالات دي هي الكانت متوفره في لندن في الوكت داكـ ( باقي الالات بتكون مرتبطه بي حفلات اخري و ما اليه من الاسباب ) في مشكلة فنيه اساسيه انو الاورغن و الدرمز لازم يكون معاهم بيزجيتار و بالمناسبه عدم وجود البيزجيتار هو البدي الاحساس بي فراغ الصوت في التسجيل و برضو بيريح المغني في الاداء .. لانو البيز ده لو سألت اصحابكـ بتاعين امبده ديكـ بيقولو ليكـ : يا مان البيز ده ما هو البعمل الدوم* .. بيز مافي دوم مافي درمز بدون بيز ما جاحه لوحه* وعشان البيز ده مافي عمكـ يوسف كان تعبان جدا انو يغني و يضبط النبر الاساسي اضافه لي انو كان بشيل ( كورس ) لي روحو برضو
_______________ الدوم النبر الاساسي في الايقاع و وظيفته ضبط الزمن جاحه لوحه تعني حاجه حلوة بلغة الرندوكـ
08-01-2006, 12:20 PM
خدر خدر
تاريخ التسجيل: 02-07-2005
مجموع المشاركات: 13188
نشيل الكلام الفوق ده كلووووووو و نطبقو علي الحفل اعلاه .. انت جبت تسجيل لي رائعة عبيد عبدالرحمن .. ذاد ازاي يا صاحي الموصلي كما سبق جاب العديد من الامثله لانتاجه الموسيقي لحنا و غناء .. خلينا في غناءَ دي كدي شوية .. و حاول جاوب لي علي السؤال دي ليه ماقدم الموصلي اغنياته الخاصه و المشهوره في الحفل ده ؟؟ واعتقد الاجابه واضحه !! الات ناقصه (3 الات موسيقيه) يصعب معها تنفيذ الحان الموصلي بي تعقيداتها ( هنا يجب الاشاره الي مجهودات الة الكمان الغير واضحه لرداءة التسجيل في اعطاء حُلي و زخارف هارمونيه اثناء غناء الموصلي ) كمان ما نحرم الكمنجست من حقو كنت بقول انها 3 الات يصعب معها تنفيذ الحان الموصلي بحيث انها بتحتاج لي الات تانيه اساسيه لتوضيح الاتي الايقاعات الكاونتربوينت الهارموني الحليات ده دون الخوض في تفاصيل عميقه حول الالات و وظائفها .. خلينا في حفلتنا الصغيرونه دي . اها عشان الاسباب دي الموصلي غني نموذج من التراث الغنائي السوداني .. ذاد ازاي ياصاحي عارف ليه لانو مسموع و محفوظ للعازفين و مابحتاج لي بروفات و مجهود كبير . و إذا حاتجي و تقول لي ليه مابعمل بروفات و ليه مابجيب معاهو اوركستراء الخاصه بيهو حا اقول ليكـ و انا بدخن في اخر نفس من السجاره دي جيب لي بيت عرس واحد او حفله (غيرتجاريه) واحده اصحابها ممكن يدفعوا تكلفة اوركستراء كاملة .. عرفت ليه ياملاسي الموصلي تقوقع في خانه المؤلف و الموزع الموسيقي ؟؟
08-01-2006, 12:21 PM
خدر خدر
تاريخ التسجيل: 02-07-2005
مجموع المشاركات: 13188
نقطه اخيره و هامه .. التسجيلات الزي دي ياعمر الانت جايبها الليله و خاتيها اثبات لي فشل الموصلي المغني كتييييييييييييييييييره وراااااااااااااااااقده و من فنانيين كباااااااااار موش سودانيين بس .. اجانب كمان .. تخيل ؟؟
08-01-2006, 12:25 PM
خدر خدر
تاريخ التسجيل: 02-07-2005
مجموع المشاركات: 13188
يا زول .. مزاج شنو .. انت اساسا ما ليك في الموضوع دا .. انت زول مدافع ( مناضل يعني ) .. جيت تتدافع عن الموصلي سواء كان علي حق او لا باطل .. فأذن الشغلة ما بتخضع لمزاج .. انما ممكن تعتبرها واجب وطني أملته عليك الظروف ( بت الكلب ) .. انا شايف الموضوع دا مأثر فيك شديد .. وداير تدلو بدلوك بأي طريقة .. هو زاتو عليك الله المعز ما ببالغ .. هولندا ما كان أقرب ليهو من أمريكا .. ما كان يجيبك انت تلحن ليها .. الموصلي دا زول مسكين ما بقدر علي جنس البشتنة دي .. كان يجيبوك انت يا الشفت .. !!!
Quote: الالات الموسيقيه مافي تجانس بينها
تسجيل الموصلي الجابه عمر .. فعلا تسجيل ( بطال شديد ) .. وحكاية انه الالات .. او اي عذر ممكن تقوله بتسئ للموصلي اكتر .. لانه ما ممكن زول في امكانيات الموصلي يرضى يشتغل بالطريقة دي .. والموسيقيين دايما حريصين علي جودة العمل .. وبدققوا في الحتة دي شديد .. ولي زمن بحنس في الاستاذ الموسيقار احمد ساطور انه نعمل ليهو CD .. من الحاجات البعزفها لينا كل مرة بنزوره .. وبنشوفها جميلة .. الا أنه أعتذر بكلمة جميلة .. وقال ما بقدر يطلع حاجة ( ساي ) لانها دي سمعة .. وفي موسيقيين كتيرين ممكن يستمعوا للعمل دا .. ويطلعوا فيهو حاجات ما بقدر الزول العادي يلاحظها.. و نفس الكلام دا سمعته من زرياب برعي احمد دفع .. ومن مجدي العاقب .. ليه الموصلي ما بكون بالحرص نفسه .. ولا عشان عارف انك بتجي تدافع عنه وتشبكنا الدوم في البستلة ..!!
Quote: لانو البيز ده لو سألت اصحابكـ بتاعين امبده ديكـ بيقولو ليكـ : يا مان البيز ده ما هو البعمل الدوم* .. بيز مافي دوم مافي درمز بدون بيز ما جاحه لوحه*
يعني مشكلة الموصلي .. انه ما عنده اصحاب في أمبدة يسألهم ولا شنو .. طيب ما كان يسألك انت يا بتهوفن .. ولا صحي .. انت ما فاضي ..!!!
Quote: وعشان البيز ده مافي عمكـ يوسف كان تعبان جدا انو يغني و يضبط النبر الاساسي اضافه لي انو كان بشيل ( كورس ) لي روحو برضو
انت الحفلة دي كانت مجاملة ولا عداد .. لو مجاملة .. بكون جامل علي حساب نفسه .. ولو عداد .. بكون أكل قروش الناس دي حنك ساي .. تعال حدد لينا .. وبعدها بتم ليك كلامي في الحتة دي ..!!
08-02-2006, 06:50 AM
humida humida
تاريخ التسجيل: 11-06-2003
مجموع المشاركات: 9806
يبدو ان سبحة كااااااااربة إتجرت فهذه هي المحاولة العاشرة لإرسال تعقيبي للأخ خدر وتفشل المحاولات .. كدي النجرب نرسل الكلام ده وكان مشى يبقى العيب من الزردية ..
08-02-2006, 06:26 PM
محمود ريحان محمود ريحان
تاريخ التسجيل: 12-27-2005
مجموع المشاركات: 479
يبدو اخونا خدر انه الرساله ماوصلت معنها ولازلت تتحدث بلسان الاخرين الموصلي موجود ليه مايرد بيه نفسه مدام ابتدر النقاش المهم موضوع البيز جيتار مافي دي حركات فنانين ساكت الفنان يمكن يغني بيه دلوكه و صوته ما يتاثر لكن ده ماينفي ان الموصلي هو السبب في الشي الحصل ده واده فرصه انه الناس تتكلم لانها ما بتعرف قسه البيز والايقاعات والات الغير مكتمله دي وده يرجع للموصلي لانه جامل علي حساب نفسه وسمعته كان ممكن يعتز بزوق احسن اقول كلامي هذاء وانا من اشد المعجبين باعمال يوسف الموصلي ولااعتقد انه في شخص بسمع الموصلي مثلي حتي تعامله مع البنت الجديده دي اراه كان له ان يعتزر لانها اصغر حجمآ ليست تغزلآ فيك ياموصلي لكنها حقيقه لك كموزع قدير وله شانه لايقل شانآ عن عمار الشريعي او الموجي فهل سمعت الشريعي لحن ليه شيرين احمد برغم ان لي عتاب استاذنا عن كلامك عن الحقيبه ونسبه لانك لن تدخل هذا البوست كما ذكرت فسوف تجد كلامي في بوست منفردوياخدر راجع نفسك في موضوع انك تكون خلف الموصلي فكل مايقول كون رائك الذي نحترمه مع مودتي ولك العتبي ان كان كلامي فيه شئ جارح ولي عوده
08-03-2006, 03:39 AM
Bakhaf Bakhaf
تاريخ التسجيل: 03-06-2002
مجموع المشاركات: 2434
كل المتداخلين : تحياتي .. مبدئياً كده يا خدر احب اقول ليك حاجة وكمان لي باقي الشباب .. الفرقة الموسيقية الكانت مع الموصلي في الحفلة دي كان فيها بيز وكمان جيتار .. يا خدر زعلتني شديد واحبطتني خالص جداً أوي لمن قلت لي إنو في درمز في الشغل ده !!!!!!!
عارف ياعمر .. انا كنت اتمنى انو البوست ده ماينتهى النهاية الحزينة دى والله .. بقصد يعنى انى كنت اتمنى انك تحافظ على الايقاع الجميييييييييل ومايطلع الموصلى والبروف من البوست وهم زعلانيين منك !!
لكن نقول شنو .. الله غالب !!
كن بالف خير
08-06-2006, 02:36 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
أخونا خدر .. صباحات الله بي خيرا .. وشكراً للتعقيب وإفراد مساحة ليست بالهينة حول اخر مستجدات البوست .. وحا اعفي ليك عن المرّاقة * بتاعتك المبدئياً كده إستخدمتها لعدم العودة مرة أخرى لهذا البوست بسبب غرابته التي صار عليها (البوست بقي شكلو غريب و كلامكـ من شدة تناقضو لمن بقي ماعندي مزاج ارد عليهو ..) قبل كل شئ يا خدر وقبل التعقيب على اخر كلام ليك عايز أثبت ليك حاجة واحدة وعشان ما كمان تهضموا حقوقي الكتابية لأنو كلامك الكتبتو ده انا كمان كتبتو قبلك لكن طبعاً الكلام الزي ده يا إما ما بتشوفوهو أو كمان ما عايزين تشوفوهو ..
ده كلامي الكتبتو في الأول يا خدر عن ضعف العمل وعللت الأسباب بي صورة عامة :
Quote: ********* نعم يجب ان نراعي التسجيل فهو تم من حفل وليس في الأستديو الذي تدعمه التكنولوجيا ولكن لا يفوت علينا ان هذه واحدة من العيوب وليست الإيجابيات التي يمكن ان نجد بها العذر للفنان وهكذا انا ارى شروق فهي تعتمد على التكنلوجيا وانا متأكد لو انني تحصلت لها على شريط كهذا لوجدت صوتها اقل من عادي.. نعم يا استاذ الموصلي الغناء نفسيات وممكن تعب السفر يؤثر ويمكن تجانس الموسيقى يكون ليهو دور لكن التاريخ لا يرحم يا موصلي..************
أها بعد كده يا خدر النجي لي كلامك وتحليلك للعمل بالرغم من انني كنت قد اخذت عهداً بعدم العودة لهذا الموضوع الفرعي من الموضوع الأساسي.. غايتو يا خدر كان انت جااااااااااااااادي في تحليلك الموسيقي ده وبتتكلم جد جد ما كوضب كوضب (زي ما بيقولوا الأطفال) تبقا يا خدر الكورة بقت 18/صفر لي اخوك ...
Quote: *******الالات الموسيقيه مافي تجانس بينها -اورغن -درمز -كمان حاقر بيهو و مغطي عليهو الاورغن************
طيب إيه رأيك لو قلت ليك في التسجيل ده مافي درمز !!!!!!!!!!!!!!!! وإيه رأيك لو قلت ليك الدرمز ده حق الأورغن أو كما يقول استاذنا الموصلي (الإيقاع الإلكتروني !) كده الكورة 2/صفر لي اخوك ونحن لسة في العشرة دقايق الأولى بتاعت جس النبض ..
Quote: ********في مشكلة فنيه اساسيه انو الاورغن و الدرمز لازم يكون معاهم بيزجيتار و بالمناسبه عدم وجود البيزجيتار هو البدي الاحساس بي فراغ الصوت في التسجيل و برضو بيريح المغني في الاداء .. لانو البيز ده لو سألت اصحابكـ بتاعين امبده ديكـ بيقولو ليكـ : يا مان البيز ده ما هو البعمل الدوم* .. بيز مافي دوم مافي درمز بدون بيز ما جاحه لوحه**************
Quote: ************وعشان البيز ده مافي عمكـ يوسف كان تعبان جدا انو يغني و يضبط النبر الاساسي اضافه لي انو كان بشيل ( كورس ) لي روحو برضو******************
في الحتة دي تحديداً كنت بتمنى الأستاذ الموصلي هو اليجي يرد عليك يا خدر ما انا .. عارف ليه ؟؟؟ لأنو بي بساطة يا معلم البيز جيتار قااااااااااااااااااااااااااعد في التسجيل ده وبيسمع في كلامي وكلامك ده وما البيز جيتار براهو القاعد يا قريبك لالالالالا ابداً البيز جيتار والجيتار زاااااااااتو أها دي معليش يا خدر لأنها قوية فزي حا أعتبر إنو الكورة بقت 12/صفر لي صالح اخوك برضو .. طبعاً هنا ممكن احاول القى ليك العذر في إنك ما سمعت صوت البيز جيتار لي التسجيل الردئ لكن مشكلتك طبظتها بي إنو ده السبب الخلّى صوت الموصلي يتعب في حين إنو قطع شك استاذنا الموصلي كان سامع صوت البيز جيتار في الحفلة ..
Quote: ************نشيل الكلام الفوق ده كلووووووو و نطبقو علي الحفل اعلاه .. انت جبت تسجيل لي رائعة عبيد عبدالرحمن .. ذاد ازاي يا صاحي الموصلي كما سبق جاب العديد من الامثله لانتاجه الموسيقي لحنا و غناء .. خلينا في غناءَ دي كدي شوية .. و حاول جاوب لي علي السؤال دي ليه ماقدم الموصلي اغنياته الخاصه و المشهوره في الحفل ده ؟؟**************
دي احسب لي فيها قون واحد بس وكمان فيهو شك إني متسلل .. لأنو يا خدر ما ممكن اكون سمعت الأغنية دي بس وعلى اساسها كتبت المداخلة دي .. ولو فعلاً إنت كنت بتقرا كلامي كويس وما بس بتفتش للتناقضات كنت حا تعرف إنو انا قلت عندي تسجيل كامل للحفل وبعدين انا فارز كويس ياتا اغاني الموصلي وياتا الما اغانيهو وانا كتبت فوق وقلت اغنية الأماني السندسية هي الكانت مفروض تنزل للمقارنة لأني كنت مجهز العمل القديم والعمل الفي الحفل بس لأنو حجم الملف كبير ما قدرت انزل الأغنية فكانت هذه اصغر ملفات الحفل حجماً .. أها اجيب ليك باقي الأغاني الإتغنت في الحفلة وانت تبدا تنقي ياتا حقت استاذنا الموصلي واتا ما حقتو ؟؟؟؟
Quote: ********الات ناقصه (3 الات موسيقيه) يصعب معها تنفيذ الحان الموصلي بي تعقيداتها ****
دي بي قونين يا خدر وكده تبقا الكورة 14/صفر لي اخوك .. لأنو الالات ما تلاتة يا خدر !!!!! فيها الات كتييييرة وانا حا اديك إختبار تاني يا خدر حاول دقق في السمع وأرخي اضانك وإستخرج باقي الالات دي وإذا غلبك عليك علي أرسل ليك اسماء الالات بي العازفين كمان .. عايز اتعبك شوية عشان ما تلقى المعلومة جاهزة ..
Quote: ***************نقطه اخيره و هامه .. التسجيلات الزي دي ياعمر الانت جايبها الليله و خاتيها اثبات لي فشل الموصلي المغني كتييييييييييييييييييره وراااااااااااااااااقده و من فنانيين كباااااااااار موش سودانيين بس .. اجانب كمان .. تخيل ؟؟*****************
هنا كلامك صاح مليون المية وقرررررربت تجيب فيني قون بس الحكم مرتشي وقال الكورة ما عبرت الخط ... بالمناسبة انا قبيل قلت ليك الكورة 18/صفر لي انا ولحدي اسة انا جايب 14 قوون فحبيت اقول ليك إنو الأربعة اقوان الباقية تميتها خرخرة وإحتجاج للحكم وتمثيل داخل منطقة الجزاء ... فعليك الله اعفي لي ....
يا خدر انا فوق كتبت ليك وكلمتك الكلام ده :
Quote: ***********************بكل تأكيد اود ان استمع لرأي خدر المستمع وليس خدر عضو البورد (في المقام الأول) وصدقني يا خدر الإختبار ده حااااااااااار ومن حقك تجمع الورقة فاضية وتطلع لكن ما تبقى زي الطالب المتعب تجي تملا الورقة والسلام وتكون اسئلة الإمتحان في وادي والأجوبة في وادي تاني وتذكر القاعدة الذهبية (خمسة درجات لي نضافة الورقة************
وانت اصريت ما تجمع الورقة فاضية وفعلاً كتبت إجابات كلللللللللها خاطئة وضيعت على نفسك الخمسة درجات بتاعت نظافة الورقة لذا يا خدر اسمح لي أديك Big Zero وما بيناتنا زعل يا خدر ...
نرجع للنقطة الأهم يا خدر وبعيداً عن كل انواع العنف اللفظي القانوني منها والغير قانوني ربما فكل هذه الاشياء دعها جانباً ودعنا نتحدث عن النقطة الأساسية وهي موضوع صوت الموصلي وليس كيفية اداء الموصلي للأغنية .. زماااااااااااااااان وحس ما قريت في كتاب للراحل علي المك إنو ابو داؤود كان بيغني بي بيت الكبريت وفي إحدى الطرف قالوا يوم لقوهوا شايل ليهو (كروسة) ولي ناس المنشية الكروسة هي علبة فيها علب كبريت كتااااااااااااار اها سألوهوا وين يا استاذ ماشي ؟ قال ليهم عندي حفلة عدييييييل الليلة .. يا خدر والله ابوداؤوود عليه رحمة الله تسمع ليهو تسجيل في قعدة ولا تسجيل في الإزاعة ولا تسجيل في الحمام ياهو ابوداؤوود زاااااااااااتو وكان بي عود ولا أوركسترا .. وكذلك صلاح بن البادية ... نعم يوجد فنانين كبار اصواتهم تضيع في التسجيلات العادية وطالما الفنانين ديل اصواتهم ما قدرت تظهر في التسجيل العادي فاسمح لي بأننا يجب ان نتشجع ونحذف منهم لقب فنان كبير .. فالكبير كبير يا خدر سواء بالساوند ولا بي امكرفون بتاع سييييييييييك وييييييييييييييك كااااااااااااااااااااك .. والكبير كبير لو يغني بي دلوكة ولا يغني بي باقة ولا يغني مع الفرقة الماسية وسواء في قعدة ولا في حفلة ولا في إستديو .. بالمناسبة يا خدر معلومة صغيرة ذكرها الأستاذ الموسيقار الموصلي وهي إنو بدا الغناء بي الة الرق !!!!! يعني الاستاذ الموصلي لديه المقدرة الغناء تحت كل الظروف وفي غياب الكثير من الالات ..
وهمة في شكل قلبة : في مسرحية شاهد ماشفش حاجة جاء المقدم احمد (عمر الحريري) لي بهجت الاباصيري(عادل امام)وبعد ما كان دارشو درش الجن بي إنو كاتل وكان بهج الاباصيري شابكو يا سيادة المقدم ويا سيادة العقيد جاء المقدم ليقول لبهجت الأباصيري: تعرف الدم اللي في البنطلون ما طلعش دم !! فيقول يهجت : معؤلة يا سيادة المقدم ما طلعش دم ؟؟؟ فيقول المقدم : أيوة ما طلعش دم فيقول عبهجت الا باصيري: ده انا افتكرتو دممممممممممم .. وإنت افتكرتوا دممممممممممم.. أأعد (اقعد)يا أحمد أأعد يا احمد وبعدها كسر الأباصيري الحاجز وخلف رجلوا وانجعص لي سيادة المقدم بعد ما كان شابكوا يا سيادة المقدم ... غايتو يا خدر بعد كلامك ده مضطر أقول ليك : أأعد يا خدر أأعد يا خدر
تخريمة في شكل كيس مقدود : خلاصتي بالنسة للموضوع الاساسي وبصورة عامة وحتى نرجع الأمور إلى نصابها تظل شروق في نظري فنانة لن تستمر كثيراً وحسب ذوقي الخاص لم يقنعني صوتها كفنانة من العيار الثقيل ويمكن ان احسبها كما الفنانت الظواهر التي ستزول بزوال المؤثر.. وحتى لا اهضم حقوق الاخرين فمن حقهم ان يرو فيها الفنانة الواعدة وصاحبة الصوت الدافئ ولولا اختلاف الاراء لبارت السلع .. ولهؤلاء اقول ان شروق لم تبدأ بالطريقة الصحيحة وربما يساعد الدكتور المعز في المقام الأول في فشلها بهذا الهلام الذي بناه حولها وهذه الهالة الإعلامية الغير مبررة مما جعلها تحت المجهر وجعل الجميع يبدا في البحث عن اخطائها قبل الاشياء الجميلة ويتناسى كل نغماتها الجميلة ويبحث عن ذلاتها .. شروق الان تمشي في طريق وعر بل يمكن ان نقول تمشي على قشر بيض وعلى اطراف اصابعها تخاف من ان تقدم كل شئ وستكون حذرة ليس لتجويد اعمالها بل خوفاً من الجمهور .. وبكل تأكيد وبعد هذا الصراع والدفاع المستميت من الاستاذ الموصلي فهو بكل تأكيد سيأتي في المقام الثاني في محاولة تضخيم شروق دون مبرر بل ودون وجود قناعات فالاستاذ الموصلي عندما سألنها عن ما يميز شروق اختصره لنا في ثلاثة سطور بينما ظل يكتب عن البنقز والدربكة صفحات وصفحات وهذا ان دل انما يدل عن غياب الحجة والمنطق والمبرر.. ويأتي في الختام شعراء ربما هم كانوا في غناً عن شروق وصوتها وكان الاحرى بهم ان يحتفظوا بها حفاظاً على تاريخهم الطويل ولكن يبدو ان العلاقات لاشخصية والمجاملات صارت تلعب دورا كبيراً في هدم صروح كنا نبينها لهم ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
hatim
Hussein Mallasi
Abd-Elrhman sorkati
humida
برير اسماعيل يوسف
خدر
Bakhaf
محمود ريحان
فيس بوك
تويتر
انستقرام
يوتيوب
بنتيريست