|
Re: ثقافة MBC2 ..!!! (Re: Dina Faisal)
|
عمر الفاروق.. بوست خطير ورائع.. يو آر ذا مان والله!
___ دينا فيصل و محمّد البشرى.. مبالغة.. بالله تمّوا لينا المسلسل ده وماتشحتفوا روحنا..
آيام سيريسلي هووكد!
| |
|
|
|
|
|
|
Re: ثقافة MBC2 ..!!! (Re: Dina Faisal)
|
Quote: والله تعرف .. امبارح مشيت لي ( طويل العمر ) وقال لي ( تم ) موضوعك خالص .. ( بطرش ) ليك الفيزا طوالي
|
(طرش) دي كمان فصل براهو ما في أقوى منها إلا
انقهي .....انقهي
| |
|
|
|
|
|
|
Re: ثقافة MBC2 ..!!! (Re: Ahmed Yousif Abu Harira)
|
ومرت السنين......
جو قابل ليو واحدة صغيرونية ومحندقة:
يو ار سو يونق اند كليفر, اي كان فايند يو انايس جوب ات ماي اوفيس
سيريوسلي؟؟؟ اوه ام سو هابي, اي واز دريمينق تو وورك ان ابيق اوفيس لايك يورز سير
يو قوت ات. ال بي ويتينق فور يو توداي سيفين بي ام
شور ال بي ان تايم.
انيس ما تترجم هسي خلي الفيلم ينتهي بعدين ترجم دفعة واحدة والا اقول ليك,,, ترجم خلاص
| |
|
|
|
|
|
|
Re: ثقافة MBC2 ..!!! (Re: Dina Faisal)
|
سلام دينا... لحين رجوع أنيس..
Quote: ومرت السنين...... جو قابل ليو واحدة صغيرونية ومحندقة:
|
Time passes by… Joe meets one hot chick…
Quote: يو ار سو يونق اند كليفر, اي كان فايند يو انايس جوب ات ماي اوفيس |
شكلك عندك إمكانيّات كويسة... ممكن القى ليك وظيفة في مكتبي... وأهو نكسب الأجر..
Quote: سيريوسلي؟؟؟ اوه ام سو هابي, اي واز دريمينق تو وورك ان ابيق اوفيس لايك يورز سير
|
معقوووولة؟ أنا أساسا حلمي في الدنيا أتوظّف في حتة راقية... وأبقى من المرطّبين الزّيك ديل...
Quote: يو قوت ات. ال بي ويتينق فور يو توداي سيفين بي ام |
قسمتك وجاتك...بنتظرك في عربيتي قدّام محل الإتصالات داك بعد صلاة المغرب إنشالله .. يدّيكي العافية.
Quote: شور ال بي ان تايم.
|
عديلة يا زول... خلاص لبعدين..
| |
|
|
|
|
|
|
Re: ثقافة MBC2 ..!!! (Re: Dina Faisal)
|
زوجي وابني الكبير مغرمان بتسطيحي الدائم..putting me on the roof ودي اتعلمتها منهم.. فيقومون بتعريب نصف الكلمة وترك النصف الثاني ان كان مشابه لكلمة انجليزية.. مثل هذه الترجمة evilboat تعني الشربوت أو عصير البلح حسب لغة الجماعة اخواننا اياهم..او عبارة اخري مثل sarreligion وتعني الساردين وبالصورة دي وهكذا دواليبك.. زميل دراستي واخي العزيز عصام الدين الخواض جاد الرب، من جهة كلي، كان من اشهر الناس في كلية الاداب، بهذه التسطيحات، او الـfloating في احدي المرات طلب منى ترجمة عبارة من الانجليزية الى العربية:my mother went crying وتعني بالنسبة لترجمة عصام.. امي ذهبت للعزاء او مشت تشيل الفاتحة بالعامية المحضة..تخيل امه شايلة الفاتحة في صفحتها فتكم بعافية
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
والله دا احلى بوست
انا طبعا من مدمني القناة
ومن احلى الحاجات النو الناس ديل بيحشرو كلمة
am sorry
في أي حاجة يعني الواحد لو داخل الحمام بيقوله
ودي بعض الثقافات المنتشرة في افلامهم :
لها مؤخرة جميلة ؟؟؟؟؟
هل نمت معه ؟؟؟ النوم دا عندهم زي شراب الموية ؟؟؟
وبعدين ماعندهم حب عذري زي بتاع الكتب والاشعار ...اعف ناس فيهم الحب عندهم مابيستمر اكثر من ساعة ساعتين بالكثير ونهايته قطع شك نقط نقط نقط
وبعدين بصراحة مامعقدين امور الدنيا زينا بياخذو الامور ببساطة شديدة
وبعدين الواحد عادي عندهم يكتشف خيانة زوجته وببساطة يتم السماح ؟؟؟؟
وبعدين في منظر ثابت في غالبية الافلام الاثنين صاحين من النوم و ( نللللللللللللللللللللللللللللللللللل) ومغطيين بالملاية ماعارف لو في كت ولا لا ؟؟؟
وانا الراجل دا بتعجبني افلامه مرررررررررررررررررررررررررة
ايها الزنجي اللعين
واحلى حاجة انو ماعندهم وهمة الموبايل زي الافلام والمسلسلات العربية
يعني مابتشوف الموبايل عندهم الا بالغلط
والله ياناس انا عندي قناعة انو احنا معقدين الدنيا دي زيادة عن اللزوم ...
حرجع تاني اكيد لانو في كلام كثيييييييييييييييييييييييييييير
| |
|
|
|
|
|
|
Re: ثقافة MBC2 ..!!! (Re: ايوب عبدالرحيم)
|
ننوسة جرت البيت فرحانة
- مام, مام وير ار يو - ام هير بيبي - (ابيق هوق) مام اي فاوند اجوب - ذاتس قريت سويتي, بات وير؟؟ - اتز اسيكريت مام, ال تيل يو ليتر, افقوت اقت دريسد ناو اي هاد تو ميت ماي نيو ماناجر - اوكي سويتي, بي بيوتيفول ازيو اولويز ار. اند دونت بي ليت. - اوكي مام, سي يو (ابيق كيس)
فترت ياخ
واحد يكمل الفيلم الهندي دة طبعا النهاية معروفة كان ما عرفتوها تبقوا ما اصحاب عمر الفاروق ولا من انصار الMBC2
| |
|
|
|
|
|
|
Re: ثقافة MBC2 ..!!! (Re: Dina Faisal)
|
Quote: ننوسة جرت البيت فرحانة |
hot chickie happily runs home
Quote: - مام, مام وير ار يو |
يمّة .. يّمة .. إنتي وين؟؟
حأكون وين يعني... في السينما؟؟ في مطبخ الجّن دة!
Quote: - (ابيق هوق) مام اي فاوند اجوب |
يّمة أنا خلاص إشتغلت! (قلدة حارّة)
Quote: - ذاتس قريت سويتي, بات وير؟؟ |
إشتغلتي متين؟ ياها ديك العدّة متندلة... والهدوم مبلولات في الطشت من أصبحت..
Quote: - اتز اسيكريت مام, ال تيل يو ليتر, افقوت اقت دريسد ناو اي هاد تو ميت ماي نيو ماناجر |
وظيفة يا حجة!! بس قطّعي في حشاك لغاية ما أداوم رسمي... ماشّة أنكت الدولاب كان ألقى هدمة تنفع أقابل بيها مديري الجديد بعدين...
Quote: - اوكي سويتي, بي بيوتيفول ازيو اولويز ار. اند دونت بي ليت.
|
سمح يا بتي... التّفة دي رقّديها شوية... الله أداك شعر لكن الراس حجر... وما تتأخري!! محجوب خالك عازم ضيوفه هنا... وعارفاااه صعب ومكشوف حال..
Quote: - اوكي مام, سي يو (ابيق كيس) |
عارفه... عارفه.. (قلدة تانية)
____ Man! this is tiring somebody please translate this Indian movie the ending isn't too hard to figure out If you can't figure it out, then you're not Omar Farouq homie or a diehard fan of MBC _____ بي ضبّانتها ولا لأ... يا دينا؟
or
| |
|
|
|
|
|
|
Re: ثقافة MBC2 ..!!! (Re: محمد البشرى الخضر)
|
جميعنا يا اخي
واحدة تقرا واحدة تصيغ الرد وواحدة تكتبو
وفي واحدة رابعة كدة استفردت بالبورد الايام دي
بتاعة سيكون لنا معك شان اخر بس خلي ام حتوت تمشي تسوي ليك الغداء
| |
|
|
|
|
|
|
Re: ثقافة MBC2 ..!!! (Re: Dina Faisal)
|
إذن فالنهارية موجودة (للأسف)
ما علينا , حبيت أنبهكن للحلقة الفيها هناية بتولد, و هي في العملية تتفاجأ بالجاك يمسك يدها و كلام زي دا و ما تنسي المشهد لما أم هناية تصر ليه و تابا تسلم عليه
بتاعة.... أم حتوت روحت .
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
Quote: ومرت السنين......
جو قابل ليو واحدة صغيرونية ومحندقة:
يو ار سو يونق اند كليفر, اي كان فايند يو انايس جوب ات ماي اوفيس
سيريوسلي؟؟؟ اوه ام سو هابي, اي واز دريمينق تو وورك ان ابيق اوفيس لايك يورز سير
يو قوت ات. ال بي ويتينق فور يو توداي سيفين بي ام
شور ال بي ان تايم.
انيس ما تترجم هسي خلي الفيلم ينتهي بعدين ترجم دفعة واحدة والا اقول ليك,,, ترجم خلاص |
مس يو دبل يو
دي اخت بي ام دبل يو
____ خليني امشي اتمتع بالغمزات تاااني
ماشي
منعم
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
يا انور .. والله مشتاااقين عديل
ظرف صحي طارئ .. لكن راجع باستمرار قريب
____صحبك كيكي عندو بوست انتحار جماعي لبورداب الدوحة
ونسيت ما قلت ليك دينا فتحت لي من زماااان
ولا نفقد شي سوي عدم رؤياكم الغالية
سلم لي ع بتاع البوسته
محبتي
منعم
| |
|
|
|
|
|
|
Re: ثقافة MBC2 ..!!! (Re: عبد المنعم سليمان)
|
Quote: ظرف صحي طارئ .. لكن راجع باستمرار قريب |
سلامتك يا منعم و ناس كده كرامتك في انتظارك يا حنين
Quote: ونسيت ما قلت ليك دينا فتحت لي من زماااان |
دينا ما فتحت ليك ياخ، بس كانت في رحلة لي جزر المالديف و هناك ما في انترنت.
منعم، الولا سيليكون ده حكايتو شنو؟؟؟ نحن ناقصين ناس دكين و محمد البشري و تبلميتينا(تبلدينا) الله يخلي نوبي
| |
|
|
|
|
|
|
Re: ثقافة MBC2 ..!!! (Re: انور تاج السر)
|
Quote: نحن ناقصين ناس دكين و محمد البشري و تبلميتينا(تبلدينا) |
أنور ... وزنك كم؟ . . . سوري سوري أنا فاكر دا بوست الأسئلة دا بتاع mbc2 طيب ترجم لي دي بالله did you know how Ishraghah died
بتاعة.... يا بوي أنا حرقت , و دكين قافل, و تبلدينا بي كرت, إنت الما عندك محافظة ليه تنزل و تكشف و رقك آنذر بتاعة.... كان ما بتلعب كوتشينة , عمر الفاروق ممكن يشرح
| |
|
|
|
|
|
|
Re: ثقافة MBC2 ..!!! (Re: محمد البشرى الخضر)
|
ود البشري، بالكيلو ولا بالعيار؟
Quote: إنت الما عندك محافظة ليه تنزل و تكشف و رقك |
انا ما عندي محافظة،اناعندي ولاية عشان كده بنزل و بطلع علي كيفي.
سوري ولا لبناني يا خيو.
| |
|
|
|
|
|
|
Re: ثقافة MBC2 ..!!! (Re: انور تاج السر)
|
Quote: انا ما عندي محافظة،اناعندي ولاية عشان كده بنزل و بطلع علي كيفي |
فعلا ما بتلعب كوتشينة, بيني و بينك أحسن ليك
Quote: سوري ولا لبناني يا خيو |
ها ها ها ها ها ها لا ظريف
شنو يا معلم ما جاوبت السؤال
Quote: how Ishraghah died |
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
Quote: الولا سيليكون ده حكايتو شنو؟؟؟ |
يجي الخريف واللواري تقيف يا انور .. بث اديني اسبوعين كده
___
قلت لي جزر القمر ومتين جايه لجذر الشمس هنا ( السودان)
محبتي
منعم
| |
|
|
|
|
|
|
Re: ثقافة MBC2 ..!!! (Re: عبد المنعم سليمان)
|
نعود لموضوع البوس(ط)*
النص التالي هو الترجمة الشفاهية(بتصرف) لمشهد معركة من أفلام الكاوبوي بطولة ديجانقو
"قاليك ديجانقو راكب فرسه عجاجتها في السما, طيران شديد كبكبكبكبكبك , من بعيد جاية. قرشا ليك في حوش الإنداية ,ربط الفرسة في المرق, و لز الباب المحلوج زيييييييط الإنداية سيدها راجل, و ملانة خيانة زززززت ,ديجانقو ما سلم عليهم, طوالي مشى البنك , طلع أبقرشين قال لسيد الإنداية أدينا عسلية, مسك القرعة مرة واحدة جوووووووت ختاها بيضا, قال ليه دبلينا, كمل التانية و و إتدشأ كراااااااااع و قش خشمه أها قبل على الخيانة , قال ليهم (إنعل أماتكم جت) كبير الخيانة (آزول أفرز) ديجانقو (آبفرز) كبير الخيانة (قتلك أفرز) ديجانقو (آبفرز) كبير الخيانة (طالعني ) ديجانقو (ما بطالعك برة , هني دي بنتهي منكم) كبير الخيانة سل أب عشرة كك,وعمره كككرك ديجانقو زي البرق جبد مسدسه جب معمر جاهز تل تل تل تل تل في دقايق ختاها ليك للجماعة رقدن رز لمن آمنوا زاتو خلاهم يعرفوا حاجة قبل لسيد الإنداية , داك يرجف ساي فرفرفرفرفر قاله جيب الباقي"
نهابة النص - الحقوق محفوظة لأبجقادو
بالمناسبة.... *البوس(ط) دي تحية للقالوا بغيبوا لغاية أول مارس لكن غلبهم
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
عمر بوست منقة بس
لكن ظلمتونا في الترجمة عشان كده الفيلم الجاي ده
ترجمة لأولاد العاصمة فقط
*شك ذيس آوت دود
-وات? وير?
-كانت يو سي ذات سووويت تشك ذير?
*هولي كراب! هيي يو واتس اب سويتي
-كم اون بيبي قيف مي سوم شوقار اي يام يور نيبر
-كحل يا عمك
* بالنسبة?
- ما كاحل الجاحة السنينة ديك?
* دين أباااك شنو يا ?
- ما تشوفنا و قدر ظروفنا
| |
|
|
|
|
|
|
Re: ثقافة MBC2 ..!!! (Re: fadlabi)
|
فاضلابي يا معلم هاك فيرشن الما أولاد العاصمة
Quote: شك ذيس آوت دود
-وات? وير?
-كانت يو سي ذات سووويت تشك ذير?
*هولي كراب! هيي يو واتس اب سويتي
-كم اون بيبي قيف مي سوم شوقار اي يام يور نيبر |
-ها جنا ها , راعي لي للنجفة دي
* ياتي, ويني
-ها التليفة دا , الصيدة الجافلة دي ,هنوووووووك لا غادي
*أممممممك امانة ما وقع راجل,عييييييييك
-أييييي يا الِوردة ام برد, عاين لي و قول آي , الله لييييييي أنا
| |
|
|
|
|
|
|
Re: ثقافة MBC2 ..!!! (Re: fadlabi)
|
فكرة حلوة يا عمك على كدا حقو نجهز خيارات تانية
هاك فيرشن الشرق
*أدروب يا ها التشوف هناك
-أوهاج مايشوف وين ها
*يا ها, البنات السمهة ما تشوف؟
-أي ها , القمرة التقول
* وي ها البنات الجميل دا جبنة ما يهسلو
و هاك فيرشن الشمال النوبي
-مهمد ساله , شايف الأنا شايفه دا
*في إيه؟
-البنت زي القمر دا ياهي . اللي جايي ألينا
* وي بيوي و دا إنس و لا جن دا كمان سبهان الله
-ووووي القمر تل ألينا, ميتين الما يسلي ألى النبي (ص)
| |
|
|
|
|
|
|
Re: ثقافة MBC2 ..!!! (Re: fadlabi)
|
فاضلابي عشان المشروع يكون عالمي دي ترجمات لي لغات أخرى
Quote: شك ذيس آوت دود
-وات? وير?
-كانت يو سي ذات سووويت تشك ذير?
*هولي كراب! هيي يو واتس اب سويتي
-كم اون بيبي قيف مي سوم شوقار اي يام يور نيبر |
زلم
*شوف هونيك وولا
-وين شو في ؟
*يا أزعر شو بك , هاي شأفة الأمر العم تمشي في الشارع وولا
-يا ربي شو مهضومة, يا صبية إرحمي ألبي
*أوليييييي على حظي , ويلي من عيونك ويلي
| |
|
|
|
|
|
|
Re: ثقافة MBC2 ..!!! (Re: محمد البشرى الخضر)
|
مصاروة (قاهريين)
*بص يالا
- إيه , في إيه؟
*ياد بطل تناحة ياااااد, بص شوف الإستاكوزا اللي بتدلع في أول الحارة دي
- يا لهوي يا خرابي , إيه دا يا عم دا , بسم الله ما شاء الله , يا أرض إحفظي ما عليكي
* أيوووووووووووه يا جدعان , إلحق ياد يا برعي إطلبلي المطافي لحسن ألبي آيد نار
| |
|
|
|
|
|
|
Re: ثقافة MBC2 ..!!! (Re: محمد البشرى الخضر)
|
مصاروة (صعايدة)
* شايف إللي أنا شايفه دِه يا هريدي
- ما خابرش يا عمدة ,
* ياد يا حمار إنته, الحُرمة الزي القمر دهي اللي معاهي الجاموسِه
- يا عيني يا عيني , القمر دا من النواحي دي ولا من كفر تاني
* يخرب مطِنك يا بت إنتي , جبتي الحلاوة دي منين , طخها يا هريدي
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
Quote: واحلى حاجة انو ماعندهم وهمة الموبايل زي الافلام والمسلسلات العربية
يعني مابتشوف الموبايل عندهم الا بالغلط
|
ملاحظة تنم على تركيز عمييييييييييييييييييييييق
ههههههههههههه
في الهند جانا برلوم من مدينة ثانية
سالناه عاوز تدرس شنو قال :
بهارمسي
Pharmacy
فلم troy بالنسبة لي من اروع الافلام
ولكن .....................
ما هذا
يا ربي يكون طائر العنقاء ؟؟؟
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
كل الحلوين .. صباحات الله بي خيرا .. هاكم أخر وهمات MBC2 لقطتها من افلام يوم الخميس البعد الساعة 9 مسا..
إنها فتاة جامحة ..
تخريمة : في كل افلام MBC2 العشيقة لمن تصحى الصباح وتذهب للمطبخ لعمل البيض المقلي فطوااااااااالي بتخش ليك في قميص عشيقها الطويل..لكن الشي المحيرني إنو ليي العشيق لو صحى قبالها ما بيخش في إسكيرتيها !!!
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
زيز از ميى هاسبند ( this is my hausband )
واحد بيهتف بى اعلى حسو وهو بياشر لى اسم مرتو فى لوحه الناس المتخرجين
المكان : ساحه احدى الجامعات فى امريكا الحضور : كلهم يا امريكان او ما بعرفو عربى انا حكاها لى واحدهندى صاحبى
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
Quote: زيز از ميى هاسبند ( this is my hausband )
واحد بيهتف بى اعلى حسو وهو بياشر لى اسم مرتو فى لوحه الناس المتخرجين |
والله يا يوسف مع الخواجات ديل بتكون هي بالجد هيز هاسباند ياخ زمان تخش صفحات طلب الزاج في الإنترنت تلاقي الروسية كاتبة السيرة الذاتية بتاعتها : العمر 27 سنة الحالة : غير متزوجة عدد الأطفال 2 ..
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
ولما كنا في الابتدائي كدة, كانت الابلة بتاعتنا مصرية, اها قومت ليك واحدة
من البنات عشان تقرا ليها كم كلمة كدة بالانجليزي كان من ضمنها "empty"
قومي يا البت الشليقة اقريها "امبتي"
قومي يا الابلة قولي ليها "يا خيبتي" واحردي لينا الكلاس
يا دينا ابتدائي منو ياشيخة ديل ياخ
مدير الفندق الحصلت فيو التفجيرات في شرم الشيخ جابو في الـ CNN
ات واس ا نايس بليس ناو لوك لوك زيز از امبتي بليس !
| |
|
|
|
|
|
|
Re: ثقافة MBC2 ..!!! (Re: عمر الفاروق)
|
ياعمر فى واحد صاحبنا زمان ... مره كده كنا ماشين جات عربية بتاعت فواكه مرسوم فيها تفاح ومكتوب (Apples)
اتخيل صاحبنا نحت مخو وقراها ابليس ...
| |
|
|
|
|
|
|
Re: ثقافة MBC2 ..!!! (Re: محمد البشرى الخضر)
|
الترجمة العربية (بتصرف)
روك: هوجان , ماتظن يا اللخو إنة الناس ديل هم الغدروبك و خلوك تطفش , لا لا , الأمة دي كلها بتدورك ,الخلق دي كلها مقتنعابك , و هم الخلوا الروك يعترفبك. الجمهور: ورررووووووك, عاااااااك عااااااااااااااك روك: الروك بيمرق النصيحة و لو علي رقيبته, يا كا من عرفناك زولا فحل, دواس , النار ما تاكلك, صبي راضع لبن أمك الجمهور: ورررووووووك, عاااااااك عااااااااااااااك عااااااااااااااك روك:إنت زولا معلم و ختري و روحك عاجباك, و عارفينك الشيخ دا سعالك و جابك , نعمنك كنت سيد بلدك و فارسها و خلاك تعرض و تهز فوقنا أسمع الكلام الجد قبال لا يجيبوه ليك , الروك يقولك يوم اللعبة تطالعه في الدارة قدام الرجال ديل, حديد يلاقي حديد ,ينبرش الطرور و يسبت الصنديد المعلق : أببببببب , الروك سواها إتحزم بي توبه و جاهو إتحداهو للصراع . هيييييييع عفيت منك آلنقر, دابي الخلا , سم الدقر . واحدة من الجمهور كشفت راسها : أيوووووووووووووووووي , يوووووووووووووووووي يوووووووووووووووي الجمهور: ورررووووووك, عاااااااك . آيييييي , طالعه , أكتله , لبسو الرحض , وووووووووك وررووووووك -هوجان هوجان هوجان -عايزين هوجان عايزين هوجان عايزين هوجان روك: أها يا زول مالك إتلجمت . أي و لا لأ, لكن بدور أقولك ,دا صراع رجال جد , البيهجر أخوه علي الطلاق أرجل منو الله ما خلق , أها شن قولتك أي و لا يفتح الله؟ هوجان: ........ أي بالحيل من شان تعرف دواس الرجال مو لعب بطان الجمهور: ورررووووووووووووووووووووووووووووووووووووووووووووووووووووووووك, (المرأة القبيل زغردت وقعت غمرانة) المعلق: الليلة يوم الرجال, الصراع نار , الروك يلاقي هوجان ,مرفعين الخلا يلاقي الأسد النتر, هييييييييييييع الرجالة لي حدها, البطان يضاروا هيييييييييع
باقي المشاهد حذفتها الرقابة مع تحيات معامل أبو حتوت
بالمناسبة.... ود الفاروق أسمحلنا, إستلمنا المحل منك لكن يا معلم ولا يهمك حقك برة
| |
|
|
|
|
|
|
|