|
|
 Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا (Re: الكيك)
|
من حضره ؟ وماذا قال النائب الاول للوزراء؟
وقائع اخر اجتماع لمجلس وزراء مايو صباح 6 ابريل 1985
م . سعيد م. الحسن
في الساعة التاسعة من صباح السبت 6 ابريل 1985 توجه النائب الاول الى مقر مجلس الوزراء بعد اخطاره للامانة العامة باستدعاء الوزراء لاجتماع طارئ ، وجاء العديد منهم على عجل واكمل بعضهم ارتداء ربطة العنق بعد وصوله للقاعة.
وحضره نواب الرئيس جوزيف لاقو والرشيد الطاهر وبهاء الدين محمد ادريس الوزراء وبدأ حديثه :
« اعتذر عن دعوتي لكم مبكراً في الظروف الصعبة دي واديكم ايجاز عن الموقف لانكم قادة لابد ان تعرفوا الحاصل شنو؟»
« وطبعا من ما بدأت الاحداث دي ، ونحن كلنا متابعينها ساعة بساعة ولحظة بلحظة، وحتى التدخلات الحصلت سواء كان القذافي او من غيره والتحركات المدنية من الشيوعيين ومن البعثيين ومن الاخوان كلها معروفة ولكن زي بدا يكون في رأي من القوات المسلحة « ان البلد وصلت لمرحلة من الخطورة والقوات المسلحة هي لحماية البلد وهي درعه فاذا كانت البلد وصلت لمرحلة من الخطورة فبدلا من ان تدخل المسلحة شُ شءث دضز وتستلم وتعمل كل حاجة والرأي ده عكس. القيادة العامة الحكومية من القائد العام ونائبه ورؤساء الهيئات ووروا بالضبط إنو في بعض العناصر حتى الآن منضبطة وكويسة ولكن اذا كان مافي تحرك من القيادة بتاعتم ربما يكون في تحرك انفرادي والجيش ينقسم، تخش فيه عناصر بطالة والى آخر.
وهم جو بالامانة دي ليقولوا هذا الكلام، وقالوا ليهم هذا الكلام معقول ومفهوم ولكن السيد الرئيس المفروض يجي بكرة « يعني يوم السبت» ونحن ممكن نقول ليهو هذا الكلام وهو يتصرف التصرف الصحيح الذي يتمشى مع مصلحة البلد ومع القوات المسلحة ومع الشئ المفروض ينبغي عمله، خرجوا القادة ذي ثلاثة صباحا وكلموا ناسهم « قوات المناطق» ونوروهم وزي شعروا انه في ململة شوية ولربما يحصل شئ منفرد وده احنا ما دايرونو فجوا راجعين الساعة خمسة صباحا وقالوا هذا الكلام وبلغوه وهم ينصحوا كقادة عشان الموضوع ما يمرق من ايديهم انوا ملتزمين ومنضبطين عشان السلطة العليا في القيادة العامة تعمل عمل فضربت لسوار الذهب وجاني في المكتب وسقتو ومشيت واجتمعت بهم وقلت لهم: اهة ورونا في ايه ؟ رأيكم شنو؟ واتفاهمت معاهم وريتهم وقلت ليهم: والله البلد نحن حماتها، ونحن دفاعها واذا كان ده الشئ اللابد منو يحصل ودي الاغلبية وده الرأي العام والقيادة العامة عندها باب ورأس ورأسها الفريق سوار الذهب فهو وزير الدفاع والقائد العام فهو يتولى هذا الموقف، وهو اليقول البيان وهو البسيطر علشان نحن ما دايرين بعد شوية تدخل فينا عناصر زي ما حصلت في اكتوبر وغير اكتوبر فالجيش حيظل وحده واحدة سواء كان في الحكم اوخلاف الحكم وكلهم وافقوا بالاجماع وخليتهم بيصوغوا في البيان، وعملنا فيه نقاط، يوروا الحاصل شنو، ويوروا التدخل الخارجي الذي بدأ فامس القذافي الليل كلو امشوا بوابة عبد القيوم واعملوا شنوا اعملو شنو فهم عملوا هذا العمل حماية للوطن ويطمئنوا المواطنين وانو الاجهزة كلها شغالة مع بعض وده كلو حيقال..
وسألتهم « الحديث على لسان النائب الاول، طيب بعد ما تعملو دا نحنا مطلوب مننا خدمة ولا نمشى اهلنا قالوا لي سعادتك ط خ عدص نحن نحتاجك وانت تقعد في مكتبك واخوانك كلهم يقعدوا في مكاتبهم وعشان كدة جيت اكلمكم علشان كل واحد يتحرك وجايز الشارع تكون فيه مظاهرات تحميه او تمنعه لانو احنا مرابطين وان شاء الله الزول يصل لاخر لحظة يؤدي واجبه للبلد ويقعد في كرسيه للبلد وحتى اذا كان عزل يبقى.. ببقى موضوع اخر وده الشئ الانا جيت اقولو ليكم يعني هذا العمل ما عمل تخريبي ولا عمل داخل في الاحزاب ولا اتجاه وهو عمل عسكري بحت لتواكب مع الوضع السياسي وده الشئ الجيت اقولو ليكم.
«للوقائع بقية».
|
|
 
|
|
|
|
|
| العنوان |
الكاتب |
Date |
| للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجابة | الكيك | 04-04-06, 11:59 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-07-06, 10:48 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-08-06, 05:39 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-08-06, 11:33 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | Tragie Mustafa | 04-09-06, 01:07 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | nadus2000 | 04-09-06, 04:56 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-10-06, 11:27 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-11-06, 03:29 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-11-06, 03:31 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | Magdi Is'hag | 04-11-06, 04:01 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-11-06, 10:31 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-16-06, 04:04 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-16-06, 11:14 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-18-06, 05:11 AM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-21-06, 11:56 PM |
| Re: للنقاش . قادة انتفاضة ابريل اين هم من التوثيق ...ذكرى تمر وحقائق تختفى واسئلة تبحث عن اجا | الكيك | 04-22-06, 11:49 PM |
|
| |
الكيك
فيس بوك
تويتر
انستقرام
يوتيوب
بنتيريست