وماذا بعد اتضاح كذب الاُميين في البورد وممارستهم للسياسة القذرة ؟؟

Quote: عادل ازيك... اخبارك وصحتك .. بينى وبينك ماشايف انو الشغاله دى بقت مسيخه وممله كان منك كان من فتحى .. كل وحد شغال يكضب فى التانى .. ونحن المازيين ... يعنى كان بكرى ده اتكرم وعمل ليكم منبر براكم مش يكون احسن ... ماهو لو كان فى شى يدعو لى ده كلو كان قلنا يمكن يكون ليكم حق لكن مافى ... وان كان موضوع امنجيه ما انت البراك عندك تار معاهم .. لكن فتحى ماهو الزول المقصود ولا انت لانو كل واحد عارف التانى شنو ... انا وكت وقفت بيناتكم عشان تهدى الحكاية دى فقط لاننى اعرفكما الاتنين دون تحز للاخر.. وسكته بعد ان رجعت مكسور الجناح وبقيت اعاين بى عيونى.. ولسه الساقيه مدوره ... عموما ياعادل ... نهاية الكلام ده كلو شيلو وارميه البحر... وقول لى اجابه واحده .. اذا انت اتغاضيت عن الرد (طبعا بعد ما اخدت حقك وزياده) ده بصغر من شانك ؟ باعتبارو انكسر وانهزمت؟ باعتبارو خايف؟ باعتبارو انت امنجى؟ ولا يبقى عدم ثقه منك ومنو فى انفسكم ... لانو انتو ماخليتو جبنه فى المنبر ما ترشقتو فيها بالكلام .. وورونى استفدوتو شنو؟ هل اقنعتنى انا او فتحى كذلك؟ هل اقنعت الاخرين؟ هل اقنعتم انفسكما؟ لاشى بداخلى تجاهكما لكن هو كلامى الاخير ونصيحة الصديق هنا.... رغم اننى كنت اتحاشى ان تكون هنا ... لكن لاخليت ليكم ايميل لا تلفونات ... هذه اخره .. شكرا كتير يا اصدقاء... تحياتى لكما بدوام الصحه والعافيه... ياعادل ويافتحى ... وشكرا لكل خاطر.. معتز.................................................