|
ابوعركي في ليلة نيويورك..إبداع وروعة
|
مدينة نيويورك بلامس مسحت عن خدها دموع المطر الذي بدأ هطوله منذ يوم الجمعة مساء... الشوارع بدأت كمرايا مصقولة تعكس وجه المدينة الآثر..بروق..ضباب ورؤية محدودة الانكسار..
ظروف مناخية قاسية تجبرك علي ان تظل رهين الدار تنشدالدفء والسكون,ولكن هذه بعض عثرات بالنسبة لنا..والوعد ان نلتقي هامة شامخة من سودننا الحبيب ..وكان لابد ان نكون هناك.
لقاء ابوعركي البخيت يوم السبت الماضي كان تظاهرة حقا,حضر الجميع الثوب السوداني بالوان قوس قزح والسحنات متجانسة أطيافها وإبتسامات تعانق سماء المدينة البارد لتضفي اليه بعض سخونة وحرارة وجوه سمر.
آتي ابوعركي مضمخا باريج الاصالة..(محمولا علي جناح الوسامة) وشدي كما لم يشدو من قبل..
ومن معزتك إنت ليا ختيتي قلبك فوق إيديا وقلتي ليهو عزيز عليا عليك الله أحرسوا ليا في صباحوا وفي عشيا
وكان إعزازنا به أكبر وشوقنا سياج امان.
فتح النيويوركيين قلوبهم قبل أياديهم للقاء عركي ..تماما كماالتوقعات لم يخيب أبوعركي آمال الجميع.
كان صوته كوة أطل منها نسمة دعاش من وطن حاني..بهيج حملناه في الغربةجمرة لظي وتميمة زاد.
أغنيات جميلة ما علاها الصدي شدي بها وسط هذه الجموع غناها للكبار ووسط الصغار.. في يوم رحيلك..جاني هاتف..واحشني..بستنشقك..انا ياقليب كنت قايلك
لك كل الحب ياعركي
ومن قلبا شغوف وشفيف رسلت الشوق عشان يشوفك كيف لاقاهو شوقك لي فارد جناحو وريف اتعانقوا الاثنين بكوا..وبكوا حتي دمع العين شوقك سأل شوقي.. وقال ليهو رايح وين رد شوقي وقال..رسلني زول ملهوف للزول الحنين وولوف تاريكي قدر كدي..ومتوغلة فيني وبلالوف..
شكرا كثيرا علي التحليق بنا في سماوات الفرح ولك المعزة
حاشية:
من محاسن الصدف التقينا ببعض البورداب صبري الشريف ..خالد كودي..وعبدالمنعم الجزولي.
آدم العشا
|
|
|
|
|
|
|
|
Re: ابوعركي في ليلة نيويورك..إبداع وروعة (Re: Adam D.El-Asha)
|
لا ازال غرقان في كوم افراح شكرا ود العشا لسماحة اللقيا ايضا كانت هناك الدكتورة ندي مصطفي وابراهيم عدلان وبنات وبنين
رجال ونساء فرح بهم/ن ابو عركي وفرحوا/ به وغني لو كنت ناكر للهوي
لاول مرة منذ ان ابتدات زيارته لامريكا
عقبال ست البنات قصيدة منشور
الصور وين انا وديتها معامل انيس
شوقك سال شوقي قال ليهو رايح وين ابو عركي
| |
|
|
|
|
|
|
|