|
|
 تظاهره رائعه لأولاد وبنات السودانيين بحدائق البِدع من أجل ســـناء !
|
الحس الإنسانى السودانوى الأصيل يتجلى على كورنيش الدوحه !
حينما إلتقى عدد كبير من الشبان والفتيات السودانيين والسودانيات على حدائق البِدع الغناء , بينماهم يحملون صور سناء فى أوساط العائلات السودانيه التى كانت متواجده بصوره عفويه وتلقائيه. وسرعان ما سرت حاله من التأثر الشديد فغمرت المكان وإنتشرت بينهم فى أجواء حميميه تضامنيه رائعه !
وأسفرت هذه التظاهره التى قادتها مهاد ومنى مامون ومازن المكى وسامى النور وعبدالله عمر إلى جمع تبرعات فى أوساط الشباب والأولاد والبنات . وشارك فى التبرع أطفال صغار وتلاميذ وتلميذات !
وفيما حكته لى مهاد , أن صور سناء قد أضفت على المكان وعلى تلك العائلات حاله من
الحزن الشديد وخلقت جو من التفاعل الإنسانى العميق ,الذى يندد بهذا العمل العدوانى
البشع .
وقالت أن أغلب التبرعات كانت فى أوساط الأولاد والبنات وحتى الأطفال, وأن أجمل مافيها أنها إتسمت بطابع شبابى ... وكانت على حسب مستوى إمكانيات الشباب والأطفال مما أدى
إلى نوع من الأحاسيس الجميله والمشاعر التكافليه الفياضه .. وتراوحت أغلب التبرعات
من الأطفال والشباب مابين فئة الخمسه ريالات , وعشره ريالات , والريال !
وتمت فى جو من المرح والفرح الشديد للتمكن بالقيام بهذا العمل الإنسانى الكبير !
حيث أن كثير من الشباب والأطفال قد تركوا وجبة العشاء وعن شراء حاجياتهم من أجل هذا
الهدف النبيل !
وفيما ذكرت مهاد, أن أحد الأولاد يبلغ من العمر عشره سنوات , أتى وهو متحسر جداً حينما
علم من رفاقه بالمأساة , فقال بينما هو يبحث فى جيوبه: ( ياالله القروش المعاي كملت!)
( لكن ما مشكله , أهو ده ريال , كنت عاوز أشرب بيو مويه ! ) .
واحد تانى من الشباب قال لمهاد( أها الليله العشا ده خليناهو ! ) ودفع عشره ريالات.
طفل آخر عمرو سته سنوات يتبرع بخمسين ريال !
ذكرت مهاد أن هذه التبرعات تمت بصوره عفويه وغير مخطط لها وأسفرت عن جمع ما يقارب
الخمسمائة ريال .... تم الإتصال بالأخت الأستاذه رندا حاتم من لجنةجمع التبرعات
ببورداب الدوحه , حيث أوفدت الشاب الرائع الهميم محمد الطيب حسن الذى قام بدوره
بإستلام المبلغ .
ولقد علمت من هؤلاء البنات والأولاد أن مجهودات أخرى سوف تتم بالتعاون مع المدارس ,
ويتم التخطيط الآن لإقامة مهرجان خيرى من أجل سناء بالقريه القطريه التراثيه .
|
|
 
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: مامون أحمد إبراهيم)
|
الاب الحنون
الاخ الرائع
الصديق المحب
استاذ مامون
وهنا وقفه اختي الفاضله رندا معنا وهي تحكي بما قامت به جليلاتك
حفيدات مهيره ( بكرنيش البدع بالدوحه ).
لك التحية وانت تغرس فيهن حب الوطن وحب مساعدة الغير
ومسح دمعة المكلوم
دمت لهن فخرا وغدوة
Quote: عايزة اكتب عنكم بالعامية ..
لانكم اولاد ملوك النيل واحفاد مهيرة ...
وياكم رهان عازه لي يوم بكره..
بعد اتصال مهاد ورغبتها في جمع تبرعات من الشباب والشابات ..
اتصل بي محمد الطيب بعد ما وصل عندهم وصوته مليان دعاش ...
فرحان بيكم شديد وبي حماسكم وهمتكم ..
كنا بنفتكر الجيل القايم مفصول عن هم البلد وعايش زمن خاص بيهو..
الليلة الموازين اتقلبت والمفاهيم اتغيرت ..
جيل مهموم بالبلد وجيل ممكن نراهن بيهو ...
"سوداني" عمره ما اتجاوز 12 سنة اتبرع لي سناء بي مصروفه "خمسه ريالات"
والله ياالحبيب "خمسة ريالاتك" ديل ربنا بإذن الله ح يجعلهم فاتحة خير على سناء ...
حماس ما عادي ورغبة حقيقية في مشاركة الهموم ..
وقالوا لسه عايزين يواصلو ..وموعدهم مع "سناء" الاسبوع الجاي ..
اتصلت بي "خديجة" من نفس الجيل اللازم نراهن بيهو ..
عايزة ترسل قصة سناء لي اذاعة "مانغو" ويذيعوها على مدى شهر تقريبا..
عايزة تشارك وتقاسم سناء الهم وقالت "انا جاهزة لي اي تكليف بس وروني اساهم بي شنو؟"
اتذكرت البيتين ديل..
العارفنو نحنا وجد مأكد صاح
كبجل جنا الكبجل..تمساح يلد تمساح
الاصل والطبع من البيوت والاهل ..
تحية تقدير واجلال واكبار لكل الاسر السودانية القدرت تغرس حب البلد في ابناءها ..
آباء وامهات .. احني هامتي احتراما وتقديرا لكم ...
لكم التحايا والتقدير ...
|
محمد الطيب
| |
|
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: محمد الطيب حسن)
|
Quote: حينما إلتقى عدد كبير من الشبان والفتيات السودانيين والسودانيات على حدائق البِدع الغناء , بينماهم يحملون صور سناء فى أوساط العائلات السودانيه التى كانت متواجده بصوره عفويه وتلقائيه. وسرعان ما سرت حاله من التأثر الشديد فغمرت المكان وإنتشرت بينهم فى أجواء حميميه تضامنيه رائعه !
وأسفرت هذه التظاهره التى قادتها مهاد ومنى مامون ومازن المكى وسامى النور وعبدالله عمر إلى جمع تبرعات فى أوساط الشباب والأولاد والبنات . وشارك فى التبرع أطفال صغار وتلاميذ وتلميذات ! |
وهكذا يبقى التضامن الإنساني هو الشيء
الذي يهب الحياة المعنى في هذا الزمن
الذي تزاحمت فيه الخطوب، فهنيئا لهؤلاء
الشباب بإختيارهم الموفق
| |
|
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: محمد الطيب حسن)
|
Quote: وهنا وقفه اختي الفاضله رندا معنا وهي تحكي بما قامت به جليلاتك
حفيدات مهيره ( بكرنيش البدع بالدوحه ).
|
تعرف يامحمد الطيب أكثر ما أدهشنى فى الموضوع كان هو متابعة رندا حاتم لمهاد
بالجوال أثناء قيامها بهذا الدور بحدائق البدع لتشجيعها وتوجيهها وللرفع من
روحها المعنويه !
وبالفعل فقد كان.. حينما جئت لأجد مهاد ومنى والجميع وكأنهم مشاعل نورانيه مضيئه
من فرط النشاط ! والسبب رندا حاتم !
| |
|
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: Randa Hatim)
|
العزيزه الغالية رندا
والله ديل هم ملوك النيل ويافخر مهيره بيهم جيل من نوع خاص
جيل كلو حماس وهمه وشايل هم بلدو
افكارهم اكبر من سنهم وسنهم اصغر من تطلعاتهم
حمدا لله اختي رندا ونحن بنقيف علي عتبات موضوع يمس واقع
ابناءنا وعمود من اعمدة مجتمعنا ووطنا
القيمه الفعليه ليس بالريال المدفوع ولكن بالنيه
ياريتك لو كنتي حاضره يارندا
وشفتي الامل الفي العيون والحنيه الفي القلوب ومن منو ؟
لله دررهم لم يبلغو سن الرشد حتي
وزي ماقلتي .
الاصل والطبع من البيوت والاهل والتربية الحسنه هي بداية الغرس
وخليني اقيف معاك اجلال للأسر القدرت تربي ابناءها علي حب الوطن
وهنا ماعايز اشكر الشباب الشاركو في جمع المال
ولكن عايز اعتبرم مثال طيب يجب ذكرهم
وهم :
مهاد مامون احمدابراهيم ( مامون احمدابراهيم عضو البورد غني عن التعريف )
مني مامون احمدابراهيم
وشاح مامون احمدابراهيم
مازن المكي ( ابن عضوة البورد الاستاذه ناجيه مصطفي والشقيق الاصغر لطارق المكي)
سامي محمد نور
عبدالله عمر
♥♥♥♥♥♥ـــــ♥♥♥♥♥♥ـــــــ♥♥♥♥♥♥ـــــــ♥♥♥♥♥♥
بكرة حترسم وياما تخطط بكرة حايبنوا مدائن ضو
مابيعكر صفو الجو صفارة حرب تشطب من قاموس الدنيا
الضرب الشك الخوف
ينعموا كم بالشم والشوف واغانى الحب
اكتبى اكتبى الف المد.... حمام وسلام وسعادة بجد
اكتبى اكتبى ياء المد .... سرير وعصير وعبير ينشم
اكتبى اكتبى واو المد....حقول وعقول تقر المجهول كتاب الغد
اكتبى علم وسلم
لاحد يئن...
لاتسمع بم...
لاينزف دم...
لايعجز رد....
لايعجز طب...
لا دمعه فى خد
| |
|
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: محمد الطيب حسن)
|
بكرة حترسم وياما تخطط بكرة حايبنوا مدائن ضو
مابيعكر صفو الجو صفارة حرب تشطب من قاموس الدنيا
الضرب الشك الخوف
ينعموا كم بالشم والشوف واغانى الحب
اكتبى اكتبى الف المد.... حمام وسلام وسعادة بجد
اكتبى اكتبى ياء المد .... سرير وعصير وعبير ينشم
اكتبى اكتبى واو المد....حقول وعقول تقر المجهول كتاب الغد
اكتبى علم وسلم
الله عليك يامحمد ياطيب يا حسن !
وين الصور بتاعة الأولاد ديل يا أبوحميد ؟! خلى الناس تشوف كيف الروح دى كانت فى البِدع ! وكيف هم مبدعين !
وليس من رأى كمن سمع !
لاحد يئن...
لاتسمع بم...
لاينزف دم...
لايعجز رد....
لايعجز طب...
لا دمعه فى خد
| |
|
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: Randa Hatim)
|
Quote: احساس عجيب بدفء الاسرة الكبيرة ... الاسرة الممتده.
العدد اللامحدود من الاخوان والاخوات ....
يا سلام يا السودانيين ...
فيكم اصالة اسطورية ... ما اظنها عادت موجودة الزمن دا الا عندكم ...
رغم وجود الطريفي وامثاله لكن عرق النيل قوي وملان محنه وولف وود ومصيره يشيل الطريفي وامثاله وتفرهد فوق جروفه براعم مهاد ومنى واخوانهم واخواتهم.. |
إذا فأبشرى أيتها الحاتميه , وبشرانا بيك وأنت تُبشرين بهذا السيل المدخر فى
حنايا النيل , وبتلك المحنه, وذاك الود والحب والخير والجمال.
كنز مدفون يارندا فى بحر هذا الشعب المجيد !
بشرانا بيك وبأمثالك .
| |
|
|
|
|
|
|
|
|
|
Re: تظاهره رائعه لأولاد وبنات السودانيين بحدائق البِدع من أجل ســـناء ! (Re: مامون أحمد إبراهيم)
|
الشيخه فاطمه بنت مبارك تتكفل بعلاج سناء
ياما أنت كريم يارب !
وتكللت مساعى الجميع بالنجاح ,
شكراً للجميع شكراً لكل كلمة طيبه .. لكل نية صادقه ,
شكراً لكل الأطفال, والبنات والأولاد الذين شاركوا ولو بدرهمٍ أو ريال !
هنا وفى هذا المقام بالذات ,الريال يساوى مليون ريال والمليون يساوى بليون ,
والكلمه تصبح شجره ظليله مورقه يانعه تزخر بالطيب وبالثمر !
ألا ( يانار كونى برداً وسلاماً على سناء )
| |
|
|
|
|
|
|
| |
مامون أحمد إبراهيم
Muna Khugali
محمد الطيب حسن
Mohamed Abdelgaleel
Alsa7afa_30
عمار عبدالله عبدالرحمن
كمال سالم
haroon diyab
عبدالكريم الامين احمد
فيس بوك
تويتر
انستقرام
يوتيوب
بنتيريست