المهدي: لن نشارك في السلطة إلا عبر الانتخابات الحرة مواصلين النضال المشترك مع القوى السياسية

Quote: وحول المشاركة في السلطة قطع المهدي بعدم المشاركة منوها ان الاولوية الآن للبرنامج الملزم للعمل العام في السودان وكيف يحكم السودان وحول تحالف حزبه مع اية احزاب اخري قال رئيس حزب الامة ان هذا الامر سيحدده المؤتمر العام للحزب الذي سيعقد في اسوأ الاحوال في نوفمبر القادم

لكن الدراويش وناس قريعتي راحت ناس وسام ودينق ديل في راس شنو ؟؟



طبعا في ناس احزابهم ( اتلوثت ) وخشت الحكومة عشان كده بتمنو انو حزب الامة يلحقهم
وبعد كده يتنفسو ويقولو كلنا في الفضيحة سوا

في ناس شفقانين ومشفقين على حزب الامة وديل الناس الوطنيين الجد جد
البهمهم مبادي القوى الديمقراطية

في ناس تانين لا في العير ولا في النفير زي بقايا الجمهوريين والمؤلفة قلوبهم طاهويا مثل اخونا صبري الشريف .. طبعا ديل ما عندهم مقدرات ولا قدرات ناس نسخي ولصقي

في ناس تانين بس ديل بتاعين لفح بخمشو الكلام من طرف وهم اقرب للمجموعة 4 اعلاه ديل ناس تراجي مع انها نموزج وحيد وفريد يعني حالة لوحدها وبتشبه روحا بس

الاخيرة مجموعة المؤتمر اللاوطني
وديل عاوزين ليهم شريك تقيييييييييل يخليهم يتحكرو وفي نفس الوقت خايفين من عواقب دخول حزب الامة المارد الكاسح وخاصة المنتفيعن من النظام اشد خوفا لان الحركة الشعبيية وال( حركات ) المتشعلقة معاها نقصو من فرص المغانم بالنسبة ليهم


يبقى يا اميرة من حق الصحافة الانتهازية ان تحور وتبدل في تصريحات قياداة حزب الامة املا في توفير مادة اعلامية تلبي طموحت كل هذه المجموعات وبالمرة تحقق ربحية عالية خاصة انو حزب الامة مؤخرا تمدد في اهتمام المواطن السوداني