بيان هام من المكتب التنفيذي للحزب الليبرالي السوداني

Quote: شوف يا ود العمده ... نحنا مختلفين اختلاف منهجي كامل يحتم عدم تلاقينا فكريا اوسياسيا دي قناعه عندنا..ويستحيل من وجه نظرنا للاختلاف دا نلتقي على اي مستوى .. لكن لو رجعت للورقه اللي كتبتهافي المؤتمر حول علاقتنا مع القوى التقليديه.. الورقه اتكلمت في مقدمتها وفي الحته اللي انت ارتكزت عليها لاثبات التناقض انو في تحولات وحراك داخل هذه القوى من الجيل الجديد .. هذه التحولات في رايي منبعها تغيير في المنهج القديم لهذه القوى فرضته متطلبات العصر و التطور الفكري الطبيعي اللي بيخلو الشباب يسعوا لتغيير المنهج القديم.. مثلا شوف التحولات الحاصله في الحزب الشيوعي ومراحل التحول فيو عشان ما تزعل تقول انتو بس .. وحتى داخل الحزب الاتحادي .. انا كنت متابعه موقف شباب الحزب الاتحادي اللي عاصرتهم في الجامعه امثال بابكر فيصل وغريب الله داخل الحزب .. وحتى عندكم لمن كنت بتابع كثير من كتاباتك انت ولنا والشباب في البورد المهم في اعتقادنا الخاص انو التحولات المنهجيه دي حتواجه المنهج القديم داخل هذه القوى وحتتدخل في صراع معاو ((صراع منهجي طبعا قصدي)) .. وطبيعه هذا الصراع حيفرز مواقف او برامج من حين لي حين ايجابيه رصيد لمنهج الحداثه و التجديدوبتنافض المنهج القديم جواها .. وان بقي الشك في انو القديم قد يناور للاستفاده منها في ايجاد قدم ليو اخرى.. عشان كدا جا الاستدراك بي مسالة وجوب التاكد والتوثق من اهداف هذه المواقف و البرامج نحنا في الاساس هدفنا التغيير .. ولقناعتنا بي انو التغيير ما ممكن يحدثو فرد لانو عندو عدة جوانب ..واحد من هذه الجوانب ومهم جدا جانب الممارسه السياسيه نفسها وان كنا بنتكلم عن الممارسه السياسيه يبقى بديهي نتكلم عن العمل بتغيير السلوك السياسي للقوى الموجوده .. اذا مفروض ندعم المواقف و البرامج اللي ممكن تنتج عن القوى دي لصالح انو نساند التغيير جواها لصالح التغيير البننشدو.. واطلاقا ما دعم للمنهج القديم اللي ما زالت هذه القوى ماشه بيو يعني لمن نقول انو في خطين متوازيين ما بيتلاقو يبقى بديهي انهم ممكن يتلاقو لو واحد من الخطين غير مساروا او انحرف باي درجه.. الورقه افترضت انو تغيير المسار ده محتمل يحصل عندكم ويظهر لينا بي بعض المواقف و البرامج