|
Re: مذكراتي لـ 08|03|04 حصريا علي الاقل (Re: aml gadora)
|
Quote: يقال ان بتهوفن استوحى موسيقاه من الابيات دي |
قيل ان المرحوم (برخت) كان يداوم على الجلوس مع المرحوم ( بتهوفن) على النيل امام الاذاعة يضربان (الواو) وصدف ان مرت امامهما حسناء كانت تسبح من كوستى فى طريقها الى حلفا وفاء لنذر قديم.
فأنشد برخت: بت العرْكشَابْ فى الموية كيف اوصافها تـَدْبـِتْ للنـَّدُر خلت وراها مسافة دعكت قلبى بى شَعَراً سبيبتو قيافة تلمع ذى سبيك دهب الجمار اردافها
قيل ان هذه الابيات هى التى استلهم منها بتهوفن موسيقاه والله اعلم
----------- قال الشاعر
سكن الجزيرة.. الله لى من ديل
| |
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
لما تعملي خط رجعة ...............والناس التانية بيكونو ماعاملين خط رجعة بتتلاقو في النص
============================================================================================================= مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!!
| |
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
اللحظة ديك ...............طوالي تخشي اقرب صينية وتلفي حولها لمن الله يغفر ليك
======================================================================================= واحد من المساطيل متعود يمشي جنب البحر يدخن سجارتو ... ومتعود يشيل صديقه الفار في جيبه ؟ في السكه صادف ليهو بنت جميله قام شاغلا ... البت زعلت قالت ليهو بكلم ليك ابوي ؟؟واخوي ::: الفار طلع راسو من الجيب وقال ليها لو عندكم كديس برضو كليمهو
| |
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
Quote: الفار طلع راسو من الجيب وقال ليها لو عندكم كديس برضو كليمهو |
قوية لكن يا امل
--------- اولاد حلتنا كان تلاتة منهم بيسطل، ريحة البتاعة دى بتضايقنى لكن ماينتج عنها من ونسات ومعاها صرة العين ويكونن الشلاليف تخنن {مامتنا لكن شقينا المقابر} وتبدأ الونسة لكن قصة المساطيل مع البحر ده شنو؟ اكون بريدهم ياربى عشان هم بريدو البحر
| |
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
بسم الله والمحبة
وبهذا أعلن انا شقيقة خدر ان المركرات وصلت لمبتغاها ثم جانى مزاج اعمل تحليل لماطرح من ونسات تحمل فى طيأتها عددا من الرسائل الجادة وان جاءت مغلفه بمرح ومزاح بين المشاركين والمشاركات...
الاطار الدلالى المتعارف عليه فى علوم الاتصال ونظرية حارس البوابة ممكن تكون مدخل ايجابى للتحليل مابين المرسل والمستقبل.. مرات المرسل بتحول لمستقبل والمستقبل بيتحول الى مرسل والرسالة مختلفه وتتغير حسب المرسل رجع الصدى واثره فى تقريب المسافة مابين المرسل والمستقبل الشىء الذى يتيح للمرسل تغيير رسالته بما يتيح من اتساع رقعة الاطار الدلالى والذى يعرف بانه مجموع القيم الثقافية التى تربط بين المرسل والمستقبل {مالو الكلام بقى دمو تقيل كدى؟}
دى كانت فكرة.. حبيت اقول ومن خلال مشاركتى النشطة فى هذا البوست حافزى فى ذلك معرفتى اللصيقة بخدر على المستوى الشخصى- صديق واخو جد جد- حمسنى على {الانبهالة}- وساعد على ذلك بعض المداخلات المبهره لناس اعتقد بانى اعرف طريقة تفكيرهم ورؤيتهم للاشياء وموقفهم من الدنيا.. اذ اننى وعموما ومن خلال مشاركاتى نادرا ما اشارك فى بوستات طابعها الونسة الا ان مزكرات خدر حرضتنى خاصة وانى بحب الونسة زى عيونى {العمن} ديل.. شجعنى ان استعداد خدر لاستقبالى ابان زيارتى لهولندا كان حافزا للاستمرار فى الونسة التى اخذت طابعا لطيفا فى العموم وساهمت فى كثير منها من اخراجى من حالة السأم العامة رغم ان شجر فيينا بدأ يلبس فساتينه المزركشة..
النتيجة العامة تقول حسب وجهة نظرى المتواضعة ان النفوس لو تطايبت بتكون اكثر قدرة على معرفة الآخر بطريقة ايجابية تساهم فى ترسيخ مشاعرنا الانسانية كبشر تواق للمحبة والاخاء..
اها ياخدر... لمن تكمل مزكراتك رسل لى منها نسخة وسلم لى على بيتكم الدافىء ومن قبل لروحك الطيبة ولبارعة الحلوة وبارع انسانها...تلك الليلة ونصف اليوم الذى قضيته ببيتكم اعاد الكثير من خضرة الحياة فى قلبى... شكرا لانتزاعكم ضحكاتى واثارتكم المرح فى روحى...
وللاصحاب والاخوان المروا من هنا وتداخلت معهم يبقى بيننا عميق الاحترام وكثير من الود
ومحبة وافية لامل ونتلاقى فى براح انسانى آخر...
| |
|
|
|
|
|
|
Re: مذكراتي لـ 08|03|04 حصريا علي الاقل (Re: Hussein Mallasi)
|
اشراقة
انتي جادة ..؟؟
Quote: اها ياخدر... لمن تكمل مزكراتك رسل لى منها نسخة وسلم لى على بيتكم الدافىء ومن قبل لروحك الطيبة ولبارعة الحلوة وبارع انسانها...تلك الليلة ونصف اليوم الذى قضيته ببيتكم اعاد الكثير من خضرة الحياة فى قلبى... شكرا لانتزاعكم ضحكاتى واثارتكم المرح فى روحى...
وللاصحاب والاخوان المروا من هنا وتداخلت معهم يبقى بيننا عميق الاحترام وكثير من الود
ومحبة وافية لامل ونتلاقى فى براح انسانى آخر... |
معقولة بس .............خطبة الوداع دي شنو ؟؟
مااتفقنا على كده
ياترى ده انسحاب معلن من الساحة .........ولا اضراب ؟؟.......ولا ولا
| |
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
Quote: معقولة بس .............خطبة الوداع دي شنو ؟؟
مااتفقنا على كده
ياترى ده انسحاب معلن من الساحة .........ولا اضراب ؟؟.......ولا ولا |
الامر لاهذا ولاذاك فقط ماذكرت اعلاها
------------
عارفة احلى مافى البوست ده شنو؟ المعلومة اللى عرفتها فقط قبل عشرة دقائق...
انك تطلعى امل قدورة البت الصغيييييرة الكان بيحكى لى عنك شقيقك فى فيينا فى عام 1993 يااااه العالم ده ضيق وصغير بشكل غريب والعولمة دى لو قرضت على التواصل ده بتكون ماقصرت- متين كبرتى وعرستى وولدتى كمان؟ ياربى تحفظك واسرتك وسلمى لى على اسرتك فردا فردا وكيف والدتك- جمالها مدهش- طبعا شفت صوركم كلكم- والحى بيلاقى يابتى- طبعا بعد المعلومة دى بتكونى بتى ونص وخمسة
شكرا عشان عرفتك وخلى بالك من نفسك الحلوة
| |
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
- اعتذار عن الغياب القسري والله
- دكين ان صح خبر زواجة فهي اذن غوانتنامو ولا اراكم الله مكروها في (عزيز ) لديكم - ود التوم ابتساماتك بتحكي ابن افصح ? - البوست لسه صامد ولم تسقط سوي بعض الحاميات القصية - امل فكي المسجون - راعي البوست يحيي اللاعبين الجدد
_______ الراعي واعي
| |
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
Quote: النتيجة العامة تقول حسب وجهة نظرى المتواضعة ان النفوس لو تطايبت بتكون اكثر قدرة على معرفة الآخر بطريقة ايجابية تساهم فى ترسيخ مشاعرنا الانسانية كبشر تواق للمحبة والاخاء.. |
جنك تلخصي الونسه من زماااااان ياربي ده عندو علاقة بالنوع (انتو وين الجندرية بالمناسبة )
ام واصل انا الكنت سعيد بي مروركم اللطيف عليكم الله كرروها كتير الحركة دي لذيذه
منتظر تحليلك و اعد بالمساهمة في رفد النقاش
تمنياتي الشديده انك تواصلي رحلتك بنفس الطاقة التي غادرتنا بها فقط كي يطئن قلبنا
كوني بخير يا شقيقتنا
_______ لا املك كيبورد عربي و اعتمد علي التنقير بالماوس
| |
|
|
|
|
|
|
|