|
|
|
 Re: مذكراتي لـ 08|03|04 حصريا علي الاقل (Re: خدر)
|
مرة بتونس ونسة دقاقة مع حبوبتى حرومة (واحد من اسباب علاقتنا الخاصة انها كان بترسلنى اشترى ليها تمباك، اسم التمباك الحركى كان "المعلوم"، حبوبة اجتهدت حتى وفاتها في اخفاء تعاطيها للمعلوم رغم ان كل اسرتنا و 90% من سكان سنجة كانو يعلمون)
المهم... حبوبة سالتنى
- "يا ولد انت الكلمة البتقولوها دى معناتا شنو؟"
- ياتو يا حبوبة؟
- كيسنى و كيستى ، كيس شنو ده يا ولد؟
- دى معناها حب، كيستى يعنى حبيبتى، كيستها يعنى حبيتا.
- حكم يا ولدى، كلامكم بقي عجيب خلاس.
- (بخبث عالى) الا يا حبوبة في زمنكم كنتو بتحبو برضو؟
- بري يا ولدى، قلة الادب دى ما كنت عندنا...
صمت قصير
- الحب و السفاهة دى ما كانت عندنا..
الا كان عندنا الغى .....
و من الساعة ديك ولع فينى جمر الغييييي
يا حليل حبوبة حرومة .... و حليل زمن الغي ...
العاشق السئ الحظ
| |
 
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: esam gabralla)
|
غايتو فى جماعة هنا بكايييييييين شديد خلاص
دكين والموج اصبح لهم منافسان وقيل اربعة
-----------
أمل يا اختى طلعتى الفيل ذاتو، اها الضل منسحب، فاياختى اتخارجى قوام شكلك كدى سوف تحظرين حظرا جما
بعدين الشمارات بجيبها ليك معايا والنشوف آخرتا ياخدر فى موضوع غسيل العدة دة
غايتو انا مابيغظنى شى فى الدنيا دى الا الراجل المابحب يغسل العدة لمرتو
----
كنت دايرة اقول ياعصام بس خفت من لسانك- قلت لى شنو؟
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
اشراقة
الحظر مقدور عليهو ...........مجازفات ساي الواحدبتصرف
.............اسه جابت ليها قرار رئاسي حاسم
...........غايتو بي مناسبة 8مارس عملو لي استثناء
====================================================================
يسووها الصغار ويقعو فيها الكبار
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: esam gabralla)
|
Quote: الحب و السفاهة دى ما كانت عندنا..
الا كان عندنا الغى ..... |
و نِعمَ بالله ..
عانيت في شبابي الباكر من إثنين : الرمد الربيعي ( الإتوكر و ترّم عويناتي سنين ) و ذهب إلى حال سبيله مخلفاً العوينات متل قدود الجلد .
أما التاني : حَب الشباب ( و ده عقد حناني و دخشم وشي و طيّر مني ياما عصافير ) ..
فلما أعيت الحيلة أبوي في وش ولدو الذي صار كوجه مركوب الأصَلَة القديم و لسه عمرو 17 سنة .. رأى أن يعالجني الطبيب ..
حبوبتي الزلال بت ود حامد قالت لبنتها : هي يا يُمّه دكتور شنو .. الولد غاوي !!
ففضحَت بت جيراننا .
.....
الغي و بعض الأمراض الماياها .. بيطفحوا ..
حمانا الله و السامعين .
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
خدر... أبو لقاء إزيك
هذا من أجمل البوستات التي قرأتها على الإطلاق...
دعابات أمل، ومغايظات الجزولي، وقفشات إشراقة...
حولتم البوست إلى إشراقة ومدونات اليوم إلى محادثة لطيفة...
ما أجملكم...
وقول لبارعة مشتاقين... أظهري 
معزتي
غادة
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Tagelsir Elmelik)
|
عثمان
مرحب بيكـ و بي تلفونكـ الطولنا منو
مستنيكـ
تاج الملكـ
عندنا صاحب عزيز هنا .. زمان لمن جينا البلد دي
لمن نتلاقا في الوييكـ اند في بيتو
بقعد يبارينا و يطفي الانوار بعدينا
البدخل المطبخ و البدخل الحمام
صاحبنا تعبان معانا و هايج في فاتورة الكهربا
الحاتجيهو غالية
...
..
صديق اخر قال معلقا
صاحبكم ده بباري اللمبات يطفيهن عشان يوفر قروشو
لكنو اول زول بمشي يجيب ويسكي الساعة 6 مساء
________
و الويسكي غالي هنا طبعا
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Tagelsir Elmelik)
|
| Quote: انتو ملمومين كلكم هنا.. لمبة الحوش مخلينها مولعة لى شنو |
وإنت البجيبك تتضهب آخر الليل شنو؟
بعدين خليها مولعة نحنا بنخاف يجينا حرامى ويسرق السيدى بتاع ابوعركى الجديد
عليك الله ياتاج السر أخوى وانت داخل اتناولوا معاك وخلينا نسمع فترنا من النقة...
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
انجي
ده البوليس يا اخوي
اتخيلت عرفتو
| Quote: خدر انت اليومين ديل عزابي؟ |
ود عدلان
حاسد ولا بغران ؟
والله يا ام واصل انا ما بحميني منكـ إلا الشديد القوي
اها وكت الشديد القوي اختفي من امس قلت اسلم عليكـ
_____
والشديد القوي ودجبرالله طبعا
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: عبدالكريم الامين احمد)
|
بقيت انا فى الندَّامة
مَـرَقْتَ، وراسى لــَيِّن
ودَ قــَشـــْتَ المطاعم
وحق الناس بـِبَيِّن
لازولا يَعَزْمَــك
لا دُكـَّان بـِدَيــِّن
كعبة الإندِراوة
غسيل العدة هين
-----------
اقترب منها وقال:
- صباح الخير ياعسل.
رَدََّت على الفور:
- أبيييييت!!!!
من اعمال المقاومة فى المهجر
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
و بعدين مع النزلة؟
الجو حيرنا في بطن ام راسنا زاتو .. والنخرة انبرطت ...
يا حليل الانتيبايوتيك و يا حليل الدكاترة التمام
تمشي للدكتور تقول ليهو "عندى التهاب رئوى ... ادينى بنسلين" ... يعمل ليك حركة حركتين كده، يقشطك حقنك و يوم يومين تقوم زى الحصان....
عيبوها لي الانتيبايوتيكس دى؟ شابكننا كعبة كعبة ...
انحنا بنعرفا هي و الكينا و الاسبرين
جسمنا ده تلات ارباعو من التلاتة ديل، لما يمرض بكون راجى واحد من التلاتة، اى حاجة غيرهم بمرض زياده ، ما تجوطوا لينا قصتنا الجايطة اصلا...
خلونا ياخى انحنا عندنا غناء قومى وطنى للقصة دى، عدم احترام للامم و ثقافات الشعوب
بوسع الوهم و الغوغاء و الناطحة و ما اكل السبع و ما ترك الانجمام لحين انقشاع المحنة البنسلينية
تموت الاسد...........
------------------------------------------------
ادونا بنسلينا .... ما تطلعوا ديننا
من شعارات يوم المراة العالمى
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
| Quote: ود جبرالله و عماد و خدر ديل لازم نحسمهم نحن يا امل |
ما بسعلك يا خدر ..
إشراقة دي لابسة خاتم أب كُرضُمّه ..
و خاتم أب ما كُرضُمه .
يعني هوك جنباوي منها و ننبرش ..
أو طبظة في العين بالضفر و نلحق بشارة ود الحور .
.....
كوجان ..
قول و الله !!!
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
خدر مالك عايز تعمل لي مشكله مع عماد... وود جبرالله؟؟
والله الجماعه ديل حرفهم مانع ولواسينهم طويله وانا زول مسكين لكن لو انت واشراقه اصريتو....
اتفقنا بس بعدين وكت الحاره... الفاره هو البيقعد ينتظر عماد (المشنب الذهبي)....
ود جبرالله اضكل قرض للنزله بتاعتك دي وتعال راجع نحن منتظرين....
اشراقه(عيني بارده) ... واقول المشترك بتاع كوستي صوتو ناخي مالو؟؟
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
د/ اشراقة
شرفتي البوست بتاعنا
اقصد بوست الزميل خدر سابقا
____________________________________________________
انتي ماسمعتي اخر الاخبار.........ماقالو عمل تنازل عن البوست (مذكراتي حصريا ) ....وتحت تحت قالو في ناس احتلوه ........غايتو الاخبار متضاربة
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
| Quote: انتي ماسمعتي اخر الاخبار.........ماقالو عمل تنازل عن البوست (مذكراتي حصريا ) ....وتحت تحت قالو في ناس احتلوه ........غايتو الاخبار متضاربة |
أمل ياعزيزتى...
وعندى الخبر اليقين
اولا واخيرا خدر فترااااااااااااااااااااااان
فتران فترة عدوك.... حتى المصقعة نطّ وماعملها وعملتها بارعتنا الحلوة
حاجات كتيرة زاغ منها...
الهدوم القال غطس حجرها ما عملنا اى مجهود عشان نعرف ردمها ووين
لكن الحق يقال البيت نضيييييييييييييييييييف شديد {باين عليهو عنده فوبيا النطافة
اها هو هدانى البوست ده ماشايفة الجماعة زاغوا؟
فتعالى نتونس برانا..
وبعدين منو القمر ده؟ عنو خدر؟
===========
فرقتوا على فرقة شديدة يا ابولقاء...... ثم ما اجمل دميعات بارعة
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
اها كمان غسيل العدة يوم 8 مارس تعبو خاااالس...........
بس دي ماعندها علاقة بي احتلال البوست بتاعو قالو في حركة نسوية قوية احتلت البوست بتاعو .........بقيادة الدكتورة ...........والبيان بتاعهم حينزل في غصون ساعات
| Quote: وبعدين منو القمر ده؟ عنو خدر؟ |
لالا .................قصدي الدكتورة
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: ابراهيم عدلان)
|
| Quote: تحايا من سيد اللبن و غتاية البستلة و صحن طلس مليان محبة |
ابراهيم عدلان
تحايا ومودة
يا اخوى صحن طلس بس؟
يازول قول برميل
شوال
انشاءالله تمنة بتاعة اللبن...
_____
انشاءالله تكون لميت لى فى غتاية البستلة؟
بالله اشترى ليك بستله وعمود للغداء جننوتنا ذاتو كل يوم دايرن العمود ومرة الشرقرق ومرة القهوة
الخوف تقولوا بعد ده عاوزين سيد اللبن ذاتو!!
=======
قلت ليك يا امل ليه حقارة ال {النسوان} بسيد اللبن ده؟ يا اختى ده ارقّ زول الله خلقو فى الزايلة دى
=====
خدر خلاص اصحوا وتعال استلم الوردية
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
| Quote: بارعة قالت بقت محمولة عندها 3 اطفال |
بيكون!!
بتوقيت الانقلاب فى منتصف الثامن والتاسع من آذار تم سحب توتو كورة
------
حلاوتك بتاعة الحربة ياخدورى {لزوم دلع الطفولة وكدى } ختيتها ليك فى جنب الهدوم اللى ردمتها، شيلها قبال لقاء ماتشوفها
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
Quote: لكن يا امل بالغتى؟
يازولة انا ماقلت ليك ماتكترى المحلبية |
لو الشفت صورتها امس ياها القمرة ....قصدي ياها الدكتورة
| Quote: قلت ليك يا امل ليه حقارة ال {النسوان} بسيد اللبن ده؟ يا اختى ده ارقّ زول الله خلقو فى الزايلة دى |
والعصاية يابت امي البدق بيها دقة تصحي الميتين دي ماورثت الرقة منو ليه؟؟؟
تحياتي
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
Quote: يبدو اني بعد مداخلات اشراقة و امل الاخيرات ,, سأغيب كثيرا عن البوست ده
... |
اها يااشراقة كده اتاكدالخبر اليقين
كمان اجيب ليك مزيد من الاخبار
قالو ............والعهدة على الراوي انو اتكونت جيوب مقاومة ...........take care
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
Quote: لو الشفت صورتها امس ياها القمرة ....قصدي ياها الدكتورة
|
ده من آثار الفول بزيت السمسم
والاهم من أثار الكوارع، بارك الله فى تماضر الخنساء عملت لى كوراع- شفتى ليك زولة بتأكل كوارع واحدة صباحا يا امل؟ تقول لى قمرة يابتى انتى عندك وجع فى العيون؟
برضو احسن حالا انا عندى وجع فى القلوب وبيت الكلاوى
--------
ياحليلو سيد اللبن
والراعى....
والغنماية التحت الشدرة
وبمناسبة سيد اللبن دى ياخدر ماشفت لى ولا بقراية هولندية - البقر الهولندى طلع دعاية ياجدعان
-------
زيت السمسم شحدناه من تمارا- وديتو ووين بالمناسبة ياخدر انا كنت دايرة منو شوية لمهام عسكرية واستراتيجية بناءة
بارعة ماتجيبى السيرة، لمن قلناها خدر كان فى سابع غضبة اكتوبرية
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
| Quote: يبدو اني بعد مداخلات اشراقة و امل الاخيرات ,, سأغيب كثيرا عن البوست ده |
مالك يا يابا عاوز تعقدنا؟
مالها مداخلاتنا؟
انت مش قلت كل زول شايت براهو
اها انا وامل اخيتى دى برضنا شايتين برانا بس عارفات شايتين ووين ولشنو، عشان كدى قلنا ليكم مسكونا القصر الجمهورى ده عشان تآمنوا
=========
اوعى تكون اكلت الزلابيات التلاته ياخدر؟ تكون بالغت عشان كدى زايغ
وحياة الله اشتقت لونستك ولضحكة بارعتك
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
مع الخيانة.....................(مش احنا الخيانة؟!)
| Quote: ماتكلمى بكرى يرجع الماسنجر- ان فى الماسنجر لرحمة للعالمين مثلنا يا اختى |
نكلمو ليه احنا لو استمرينا في برنانمجنا ده صااااح ............الماسنجر زاااااااتوو حيبقى حقنا
------------------------------------------------------------------------------------------------------------------
مسطول طالع من الدكتور بيتكلم مع روحو: ضب في صحن؟ لا لا سحلية في جك؟.. لا لا قعونجة في جردل؟ لا لا تمساح في بانيو؟ رجع للدكتور تاني وقال ليهو: انت يا دكتور قلت عندي
شنو؟! قال ليهو: عندك سرطان في الحوض!
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Gazaloat)
|
وامسنجراااااااااااااااااااااه
---------
عاد يابت امى كان عاوزين نرفع معنوياتنا خلق الله ماتخليك- قلت ليك يا امل ......
لا عشان بقول الجماعة متربصين تقوم خطتنا تبوص ونضطر نمشى للدكتور ونبرطم قعونج ثم نحلم بالسمك
-------------
القصر الجمهورى لدانى ايها العماد فتدرب على فلم كابوى على سينما النيلين
-------
Quote: قال الشاعر
شكَّارتها........ |
وزارة المرأة ستقوم بشطب مايقوله هؤلاء الشعراء ولو تعسفيا
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
| Quote: شفتى ليك زولة بتأكل كوارع واحدة صباحا يا امل؟ |
عمرى ده كلو... ما اكلت لى كوارع قبل واحده صباحا
يدى الكوارع للي ما يعرف بياكلوها متين
اها .... اوعا تكونى بتفطرى بالصير؟
-----------------------
كوارع ماشه
كوارع جايه
وانا قاعد ابيع في التبش
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Emad Abdulla)
|
تعالى يا امل شوفى الجماعة اتفسحوا كيف من ورانا؟
عماد وعصام خبرات تقيلة فى شأن الكوارع
-----
الكوارع عملتها لى تماضر الخنساء بعد تقديم طلبات سابقة، لهطتها ليكم وراحلها كان مخلوع من شوقى ولهفتى على الضلافين.. فضلت شوية من الخلة وكنت ناوية اجيبها معاى فييينا ونسيت وجعفر زوج تمارا قام بالواجب ونص وكمل الباقى بس نهاريا
=====
اما خدر اكلنى مصائب اشك انها مبهرة با العناكب المفرحة ده انا مماجيبت ماسكانى ام فريحانة... خدر بالله فول الوصفات بتاعة اللحمة- ياطباخ انت
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
Quote: يا عمده لا...لا....
والله؟؟؟؟؟؟
.........
لكم دينكم ولي دين ! |
حابت ليها نكران ياكوجان؟
طيب وكت الفأس يقع فى الرأس تودى وشك ووين من عماد صاحبك؟
====
احسن تعترف قبل ما اكب الورق كلو وتبقى فى اللى يحلك - يبدو انك نسيت انى من فصيلة القعونج
ثم لكم دينكم ولى دين.... اوعى تجىء المولد- الكلام ليك يالمنطيط عينيك
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
| Quote: ابدا .. تتخيلي بتكون بس سمعت كلامكـ و اكلت كوارع |
والله ياخدر انت ماعارف حاجة امل هى ست الكوارع ذاتها
=======
| Quote: إنشاء الله يكون (يوسف الطهار) ساكن جنبهم بس |
خلى امل تجىء تجاوب لكن البعرفو انا انو ساكن جنبكم ياخدر
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: Ishraga Mustafa)
|
ملحق مذكراتي 08-03-10
____
اعود الان للتعرف علي غرف منزلي من جديد بعد ان غادرت زوجتي و صديقتها
آثارهما في كل مكان ..
للمرأة قدرة عالية جدا في تركـ بصمتها خلفها .. حين تذهب
لا ادري ان كان ذلكـ عن عمد ام هي الكروموسومات
مشبكـ شعر - منديل ورق به آثار كُحل- باندا حمراء
...
بنات لطيفات لكن .. جملن لي (وييكـ اندي)
وتركن خلفهن فوضي عارمه في المطبخ و في قلبي
_______
شكرا اشراقة - بارعة
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
Quote:
ملحق مذكراتي 08-03-10
____
اعود الان للتعرف علي غرف منزلي من جديد بعد ان غادرت زوجتي و صديقتها
آثارهما في كل مكان ..
للمرأة قدرة عالية جدا في تركـ بصمتها خلفها .. حين تذهب
لا ادري ان كان ذلكـ عن عمد ام هي الكروموسومات
مشبكـ شعر - منديل ورق به آثار كُحل- باندا حمراء
...
بنات لطيفات لكن .. جملن لي (وييكـ اندي)
وتركن خلفهن فوضي عارمه في المطبخ و في قلبي
_______
شكرا اشراقة - بارعة |
_______________
لكن ..
What?
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: aml gadora)
|
| Quote: بنحضر للهجمة القادمة |
حليل أبوي ..
.....
( فلما مر بجيفةٍ لثعالة , راودته شهوة الغول القمّامة فيه على التهامها , تذكر ما تذكر من كلمات الساحرة : لا تقرب الجيف حتى غياب الشمس لئلا يذهب عنك صوت أخاها الصياد و يرتد إليك صوت الغول . لكنه ما استطاع صبرا , فالتهم الجيفة بكاملها .. ثم طفق يغمغم بصوتٍ كقبيح الهزيم :
منو السكن في قوزنا ..
انا محمد أخو روز انا ..
سيفي ضبّاح ..
و كلبي نبّاح ..
و ناري توقد للصباح ..
أنا محمد اخو روز أنا ) .
** من حكايات الشعوب **
| |
|
|
|
|
|
|
|
|
|
Re: مذكراتي لـ 08|03|04 حصريا علي الاقل (Re: خدر)
|
انتو الزوجات البغادرو ديل بتلقوهم وين؟
و بغادرو بمشو وين؟
--------------------------
| Quote: بنات لطيفات لكن .. جملن لي (وييكـ اندي) |
انا زاتى لو جونى بس في الويك اند و غادروا ... برضي بقول كده
----------------
اشراقة: اسه دى جضوم كوارع ؟
دى كلها kartoffelstock و Kuchen
-----------------------
شعوب قليلة شغلة ... قاعدة للكلام
| |
|
|
|
|
|
|
| |
Gazaloat
aml gadora
Ishraga Mustafa
Emad Abdulla
خدر
غادة عبدالعزيز خالد
Osman Musa
Tagelsir Elmelik
عاطف عبدون
ابراهيم عدلان
عبدالكريم الامين احمد
أبو ساندرا
ibrahim kojan
elsawi
فيس بوك
تويتر
انستقرام
يوتيوب
بنتيريست