الساعة الان السادسة و النصف افترنوون بداء اليوم بتلفون مزعج و مبكر من صديق عزيز التلفون كان بايخ .. ممل .. مكرر .. مقدمات بديهة وتكرار سوداني يصاحب السلام وفي نهاية التلفون .. لم افهم سبب الاتصال
السلام بياخد وكت طويل عند اخوانا السودانيين ما عارف ليه ؟
______________ لحسن الحظ صديقي ليس من هواة سودانيزاونلاين
03-04-2008, 06:49 PM
aml gadora aml gadora
تاريخ التسجيل: 02-14-2007
مجموع المشاركات: 506
قبل اسبوعين ركبت تاكسي ......سواقو من دولة عربية .......قال لينا انا في حاجة واحدة محتار فيها في السودانيين ليه لما يتلاقو بقعدو عشرة دقايق يسلموا على بعض .......... ماجاوبتو بس بيني وبين نفسي قلت ده نوع من الحنية .........اهلنا السودانيين ناس حنينين .......وقلما تجد مثلهم في الشعوب التانية وده يمكن سبب كترة السلام كل شعب بيتميز بي صفة معينة خلينا احنا نتميز على اقل بي كتر السلام ولا مامعاي
03-04-2008, 06:58 PM
خدر خدر
تاريخ التسجيل: 02-07-2005
مجموع المشاركات: 13188
امل قدورة لقاء بتي (سنتين) ربيتها علي الحنية حقتكـ دي خالتها جات زيارة من امريكا اول يومين لقاء رفضت تتعامل معاها بعد اسبوع بقو اصدقاء واصدقاء لقاء لازم يشيلوها طول اليوم طبعا نزولا علي طلبها الاسبوع التاني سمعت خالتها بتنقنق وهي شايلاها يا لقاء غايتو لايوقة لمن تصاحبي الزول
__________ الحنية مهمة كمان يا امل لكن بتقطع ضهر الخالات
03-04-2008, 10:26 PM
aml gadora aml gadora
تاريخ التسجيل: 02-14-2007
مجموع المشاركات: 506
يا خدر الجميل ...قبائل تعاني مناطفها من بطء في التنمية والتعليم ما زالت تقضي وقتا طويلا في السلام والسؤال واقرب هؤلاء الي السودانيين هم قبائل البتان والبشتو في باكستان وافغانستان وبعض القبائل في شمال الصين ودويلات الاتحاد السوفيتي السابقة ...وكذلك يشتركون مع السودانيين في التزاحم عند المطارات عند سفر او قدوم احد وكذلك يتزاحمون عند من ياتي من سفر او مسافر وكذلك عند المستشفيات ...واجازاتهم دائما طويلة ...والوقت ليس مهم لديهم كثيرا ادارة الوقت امر مهم فالوقت هو العمر واساءة او ضعف في ادارة الوقت هو هدر للعمر....
_______ حاشية: ارجو ان يكون اخيك قد بلغ تمام الصحة ...
03-04-2008, 06:51 PM
خدر خدر
تاريخ التسجيل: 02-07-2005
مجموع المشاركات: 13188
تلفون يصحيكـ من النوم لا ايدكـ لا كراعكـ بدري و يقول ليكـ صوتكـ شكلو نايم تقول ليهو لا والله ابدا يقول ليكـ لا ياخي صوتكـ نايم زول يغالطكـ في صوتكـ ؟
- بعد شربت الشاي و تناسيت التلفون سئي الذكر وصلتني رسالة من الزميل نزار الخواض تحمل اخبار غير سارة حاولت الاتصال بيهو و فشلت .. رسلت ليهو ايميل و قعدت انتظر
- اتصلت زوجتي و تحدثت عن أشياء كتيره جدا مافهمت منها حاجة زوجتي مغرمة بمتابعة الفواتير و البريد عموما وانا في ذلكـ لا خيل لي اهديها و لا مال قال الشاعر يا الكارة شعركـ بالواطــة .. كيتاَ علي تمشي و تطاء
_______ القافية طـة
03-04-2008, 07:04 PM
خدر خدر
تاريخ التسجيل: 02-07-2005
مجموع المشاركات: 13188
مشغول انا هذه الايام بالفلم المرتقب المسئ للقرآن علي صفحات اليو تيوب بحثت و لم اجد شيئا اغلغت الكمبيوتر و انشغلت بالتفكير في الامر و انا اهئي نفسي لنظافة و ترتيب البيت لدي ضيوف في الوييكـ اند يجب ان استقبلهم بشكل مختلف
عادة ما تضحك زوجتي حين تقراء حديثي اعلاة و تردد غير آبهة بمجهوداتي (ياها نضافتكـ البعرفها ولا شي جديد)
يجب ان لا تثنيني تلكـ التعليقات عن الاحتفاء بضيوفي كما يجب قمت بالنظافة و غسيل الملابس البيضاء و انا افكر في الفلم
__________ قديما كان في الناس الحسد
03-04-2008, 07:36 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
Quote: اتصلت زوجتي و تحدثت عن أشياء كتيره جدا مافهمت منها حاجة زوجتي مغرمة بمتابعة الفواتير و البريد عموما وانا في ذلكـ لا خيل لي اهديها و لا مال قال الشاعر يا الكارة شعركـ بالواطــة .. كيتاَ علي تمشي و تطاء
قامت قالت : هممممممممم هممممؤم .. قات لها : مالك يُمّه تقولي هممممممممم هممممؤم .. ؟؟؟ قات لها : فيشان سجمك و رمادك و خبوبك .. و فيشان ضنبك داك السليتيهو لزيتي بيهو النار .
قال الشاعر : الخوّه قوه .
..... القافية طناش .
03-04-2008, 08:02 PM
خدر خدر
تاريخ التسجيل: 02-07-2005
مجموع المشاركات: 13188
رامي مشتاقين يا ساكن بعيد شفت التيخن و انا لسه مراهن علي انو الفلم حا يتأجل تاني لحدي الـ vacantie لانو تجمع المنظمات المغربية حا يكون في الاجازات و بي كده حايضمن (فيلدرز) عدم وجود عنف في نفس زمن اصدار الفلم
غايتو لو عرضو يوم الجمعة يكون اغبي سياسي يمر علي تاريخ هولندا الجمعة 25 يناير ( التاريخ المؤجل لصدور الفلم) كانت كل الجوامع فاتحة للرد علي الفلم
________ فيلدرو ده قايل روحو تنقا ؟
03-04-2008, 07:42 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
اندمجت في النضافة كمدمن نضافة عريق و لم انتبه للزمن تاني تلفون من صديقي هولندي بستأذن انو يمر علي اتحججت انو انا مشغول بالنضافة .. امام اصراره قبلت
حضر الصديق و شرب القهوة و حكي عن سبب زيارتو قراء كتابا لمؤلف امريكي يحكي قصة نزوح شاب سوداني من الجنوب السودان اثيوبيا امريكا القصه كانت مسيطرة عليه تماما و كان التعاطف معنا ضد انظمتنا باد علي وجهة حتي خلته سيتبرع بألف يورو دعما للصليب الاحمر ذهب تطارده تشكراتي و عدت غير مأسوفا علي الي القرايه ام دق
______ جني و جن اقطع حاجة انا شغال فيها
03-04-2008, 08:32 PM
خدر خدر
تاريخ التسجيل: 02-07-2005
مجموع المشاركات: 13188
زمان ياامل لمن كنا اطفال كانو بودونا الشمالية في الاجازات اخوكـ جلابي اصيل طبعا اكتر حاجة كانت بتشدني للسفر و بتدغدغ احلامي هي (ركوب الحمير) واكتر شي كان بنفرني من السفر الرجال الكبار البسألوني كل سنه نفس السؤالين البايخين - عرفتني ؟؟ - احسن هنا ولا الخرطوم ؟
غايتو يا امل اجارنا الله في مصيباتنا
__________ يبدو ان ود الموج و دكين ما شافو صورة و بروفايل امل قدورة لسه
03-05-2008, 12:41 PM
خدر خدر
تاريخ التسجيل: 02-07-2005
مجموع المشاركات: 13188
الاخوة قراء المذكرات انتهي يوم امس اليوم الساعة السادسة صباحا .. ليله طويلة من الارق والقلق في تمام الساعة 11:30 صباحا ايقظني صوت الهاتف و جائني صوت السيدة Guldemond ذات الصوت دافئا و ناعما كعادته (مبروكـ الادارة وافقت)
وابتداء يوم جميل اخر في حياتي فشكرا علي تكبدكم المشاق و بالطبع علي طولة بالكم
________ تجربة قاسية جدا انكـ تكتب مذكراتكـ حتي ولو ليوم واحد الناس دي بتعمل الحركة دي كيف ؟
03-05-2008, 05:30 PM
aml gadora aml gadora
تاريخ التسجيل: 02-14-2007
مجموع المشاركات: 506
Quote: تجربة قاسية جدا انكـ تكتب مذكراتكـ حتي ولو ليوم واحد الناس دي بتعمل الحركة دي كيف ؟
مساء الخير والغريبة في ناس عندهم مقدرة على كتابة مذكراتهم يوميا ...........زي الفروض الخمسة ..........والواحد مابقدر ينوم لو ماكتب مذكراته بالتفصيل
طبعا الجميل في العملية دي انو الواحد بالكتابة بيكون فرغ كل الشحنات ..........وابتدا يوم جديد ....... حاولت كم مرة اعمل مذكراتي ............بس الكسل كان سيد الموقف تحياتي
03-05-2008, 06:33 PM
Gazaloat Gazaloat
تاريخ التسجيل: 05-14-2003
مجموع المشاركات: 891
والثقيلة كمان نوع الناس المابتربطو بيك علاقة قوية ومع ذلك يحشر انفو في خصوصياتك يقعد جنبك ويتناول التلفون بتاعك زي البتناول ليهو سفة وهاك ياsearch......... تقول رايحة ليهو/ها حاجة ......... وت/يفلي الموبايل بتاعك وانت تقعد بس تعاين ليهو/ ها ساكت .محتار ..وادبك يمنعك من احراجو/ا
.............اها النوع ده نتعامل معاهو كيف ونسميهو شنو؟؟؟!!!
03-05-2008, 08:23 PM
Gazaloat Gazaloat
تاريخ التسجيل: 05-14-2003
مجموع المشاركات: 891
Quote: .............اها النوع ده نتعامل معاهو كيف ونسميهو شنو؟؟؟!!!
امد يدى بهدوء ..و( بكل ادب واحترام) آخذ تلفونى من يده ثم اقوده ...و( بكل ادب واحترام) الى باب الشارع ثم ...و..( بكل ادب واحترام ) اديهو ( شلوت محترم) واقول له و..( بكل ادب واحترام) تانى ماتجى هنا. ساهلة موش!؟
03-05-2008, 08:35 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
امل سلامات وفي ناس تانيين قالوا براجعوا يومهم كان كيف انا غايتو ما براجع اي شي
جازولوت اخوكـ احسن كتير اسه .. عندي قريبتي كانت صغيرة و لسانها الجن وكانت بتجي الطيش دائما و برضو كانوا بسألوها في البيت يوم النتائج
رامي سلامات ما اظن انو البلوق ده بتاع فيلدرز .. شكلو تبع المقالب بتاعت الشباب لانو فيلدرز عاوز اكبر عدد من الناس يشوفوا الفلك و ده ما بتوفر إلا في يوتيوب تابع مصدر اللنكـ في قوقول و حا تلقي كلامي يازول صاحبكـ حا يأجل حا يأجل .. ماعندو خيار
اشراقة الدنيا طبعا
____________ امل رامي جزولي اشراقة .. اللياقه بتفرض علي اجاوب كل زول في رد منفصل لكن بزهج من صورتي بعد كل مداخلة اعذروني (وش خجلان منكم)
03-05-2008, 09:10 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
طارق كيف حالك و ( العيال ) في ناس كتار بلغوا كيان ناس تانين في القوسين ديل .. في قصة السفر للشماليه دي عندي قصه مره مراره ... واول ما اعمل لي مذكرات بذكر الموضوع ده وش .. كان والدي موظف في شرق السودان ... ( من هنا جاء اسم ادروب ) تعرف وين الازمه كنا في الشرق في المدارس نقفل المدرسه وناخد اجازه الشماليه تفتح الوالد الله يديهو العافيه ناقش القصه ... كل ما نجي في مرحله حرجه يعني شهاده ... سادسه تالته متوسطه ... يقوم الشفت يعمل شنو مسابقه البجيب درجات عليا شديد بسافر الشماليه ... نقوم شنو نقدد عيونا في القرايه ونطلع شنو اول اول اول ... يقوم يودينا الشماليه .. لكن اي واحد شايل عاهو جواب لخالنا الناظر في الشماليه يقوم شنو يدخلنا ليك المدرسه هناك في الشماليه وتسميع وجلد وامتحانات والاجازه اتلحست ... مره من المرات مسكوني من طرف النيل قهر كده ساكت ... اسف للاطاله ... وعيد المراه القادم يا طارق انت اكثر ( اشراقا) ونظافه لكل ودي وللاسرة معتصم
بعدين الصورة ممكن تتغير لكن لمن تزهج من روحك تعمل شنو؟ غايتو فكرة انك تقلعها وتعلقها فى الشماعة وتنهمد وبكرة تدرعها تانى وتلهث لحدى ما الادارة تديك الاذن
-------------- عندك صورة ابيض - اسود ياخدر؟ ولا انت مادفعة ناس منعم؟ النفتش لى واحدة لمن كان الزمن زين والشعر مغطة الاضنين { يغطيهم ليه؟} انا غايتو من زمن الرقبة قزاز ياقول ناس الحقيبة
03-05-2008, 10:01 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
كبرتى وليك تسعتاشر حلم... لمن اشوف نفسى زمان تجينى رغبة اسمع احمد المصطفى ولا حبيبى عثمان حسين، الجابرى ولا خليل عثمان ويانسيم وياكل كل الغناء الذيذ داك البيزكرك البزيانوس ووسط الزهور نتصور، جينا محل الزهور الصحى واتصورنا والوش مكرضم زى يوم الانقلاب!!
ابيض- اسود تخليك تفرهد بى يانافر الغزلان/ ارحم ياسميرى/ ناعس الاجفان بالله حسع مع الصور الملونه انكشطت ليك ابو الغزلان ذاتو ولا بقى فيها جفن نعسان ولا سمير ولامجلة سمر- بس المرض البيمسك الجداد داك، اسمه شنو ياخدر اوعى تعمل فيها حنكوش
----------------- ياحنونى {دى بالمناسبة فرمالتى- من حسع كلمتك ياخدر}
Quote: امد يدى بهدوء ..و( بكل ادب واحترام) آخذ تلفونى من يده ثم اقوده ...و( بكل ادب واحترام) الى باب الشارع ثم ...و..( بكل ادب واحترام ) اديهو ( شلوت محترم) واقول له و..( بكل ادب واحترام) تانى ماتجى هنا. ساهلة موش!؟
كلام جميــــــــــل .....لكن مامعقول
اها كان طلع نوع الناس الغليسييييييين ..........الدمهم بااااااااارد.......واعتبرني بهزر معاهو ........اها النوع ده رجعتو حتكون كيف؟؟؟؟
Quote: (شيالين المداحين اسمهم شنو بالمناسبة دى) اهو جوك براهم في محلك يتراشقو برضو، خليهم يشيلو و بالجنبة كده يرسمو لوحة لوحتين ... نقاطة ... عندهم اصحابهم واحد اسمو الكراون ده صوار جدا، والتانى كان في الحج ـ رغم انو عيونو باظن لكن عندو خبرة في المديح و حاجات تانية احتمال تنفع معاكم...
ادارة البوست تلفت عناية السادة الوارد اسمائهم اعلاة ان لا يلتفتوا للمغرضين
يقسِّم ( المشلِّتاتية ) الكبار الشلاليت الى ثلاثة انواع: جاز وحديث وحقيبة. اما الجاز فهو اقلها تأثيرا فى ( المشلوت ) فهو لايفعل سوى انه يقلب الرأس فتجد الشعر تحت والذقن فوق. واشهر انواعه التويست. واما الحديث وغالبه من النوع ( تايسون ) واثره لايظهر فورا ويبدأ بصداع خفيف وينتهى قطع شك اما بالشلل الرعاش او بشلل الاطفال انا شخصيا اميل الى شلوت الحقيبة. وأشهر انواعه يسمى ( رِجـْل الفيلة ) والسائد منه يسمى ( القيامة قامت ) اما اخطر الشلاليت عموما فهو ( السَّقـِف وقع ) وقد ناله طالب فى الجامعة ايام المظاهرات وكان يدرس فى كلية القانون فتخرج طبييب اسنان.... كيف؟ والله ماعارف.
---------------
قال ابونا ابراهيم العبادى رضى الله عنه
من كُتر الدلال تنشاف عويرة عويرة
03-06-2008, 01:40 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: اشراقة اعملى حسابك ... قروشك ـ لو عندك يعنى - دسيها كويس باقي الود ده يدو خفيفة ....
لكن ده خبر محبط !! كنت قابلاه مريش كان لطشت لى منو 500 يرو {بتفك الزنقة لمدة اسبوع} وبعدها ندور عليكم فى سويسرا شكلك كدى بقيت غنيان على آخر عمرك ياعصام انا فى فلسى وذدت فلسا والحمدلله- قروش الاوربين دى يدوك ليها بالشمال ويشيلوها باليمين
احىىىىىىىىىىىى من الفواتير!!
--------- نطفت الطابق الفوق ياخدر؟
03-06-2008, 03:09 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
Quote: النساء يهدرن وقتا ثمينا في متابعة اسامة السيد و منال العالم
2nd TV for this guy
خدر مساك الله بالخير
٦/٣/٢٠٠٨ يوم جميل يبدا بصباح الخير علي محطة البص قود مورننج بتاعت الخواجات دي يا خدر عندها نغمة جذابة ، قهوة الصباح ،الجرايد بلاش فى مترو الإنفاق، صوت ود الآمين من الاي بود، تصل الشغل و يتحول اليوم بقدرة قادر ليوم عنيف مع سوق المال ينتهي بصداع و قهوة و جرايد فى مترو الإنفاق وصوت ود الآمين غريبة ان اليوم يبدا بالقهوة والجرايد وود الآمين و ينتهي بنفس الشي و بينهما الصداع.
03-07-2008, 10:44 AM
aml gadora aml gadora
تاريخ التسجيل: 02-14-2007
مجموع المشاركات: 506
يبدو انو فيلدرز عاوز يستفيد من الاهتمام الكبير بالفلم لي مصلحة ويب سايت خاص بيهو او ربما حدثت خلافات مع ادارة اليوتيوب خاصة, بعد المعارضه الشديده للفلم حتي من حكومة بالكينيندا.
__________ والله الجنا ده حريفن
03-07-2008, 01:48 PM
خدر خدر
تاريخ التسجيل: 02-07-2005
مجموع المشاركات: 13188
اشراقة يا ستنا ،، قيل كانت هند بنت النعمان أجمل نساء العرب في زمانها فتزوجها الحجاج بن يوسف الثقفي اون جبروته و عزتة ،، عنوة. كانت هند مع جمالها ذات أدب و شعر سارت به الركبان . و دخل عليها خِلسة يوما وسمعها تقول: وما هند ألا مهرة عربية سليلة أفراس تحللها بغل فإن ولدت فحلا فـ لله درها وأن ولدت بغلا فذاكـ من البغل فأرسل لها الحجاج من يطلقها بكلمتين ويعطيها باقي صداقها مائتي ألف درهم.
وقف عندها الرسول و قال: كنت فبنت فردت : كنا فما حمدنا وبنا فما ندمنا ومائتا ألف درهم بشارة لك بخلاصي.
بلغ أمرها الخليفة الاموي عبدالملك بن مروان فطلبها لنفسه، فقالت هند: ولغ الكلب الإناء. فقال بن مروان : يغسل الاناء سبع مرات إحداهن بالتراب فيطهر. قبلت هند و اشترطت ان يسير الحجاج ممسكا بقياد بعيرها من المعرة إلى دمشق حافياً حاسر الرأس، وكان لها ما أرادت ومشى الجبار يقود بعير طليقته الي سيدة الاموي في منتصف الطريق الي دمشق رمت هند ديناراً علي الرمل و صاحت : يا جمّال لقد سقط منا درهم!! قال الحجاج : بل دينار يا مولاتي .. فقالت هند : الحمد لله الذي أبدل درهمنا بدينار.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
aml gadora
abubakr
Emad Abdulla
تيسير عووضة
Muna Khugali
Ishraga Mustafa
Gazaloat
معتصم ود الجمام
Elmosley
... نقاطة ... عندهم اصحابهم واحد اسمو الكراون ده صوار جدا 
...
المسافر
elsawi
حاتم الياس
ibrahim kojan
على عمر على
أبو ساندرا
fadlabi
Sayed Bekab
فيس بوك
تويتر
انستقرام
يوتيوب
بنتيريست