|
Re: ديك العدة والشقليب (Re: ممدوح أبارو)
|
عمناالشقليب شخصية غريبه يجمع ما بين الشهامة والخباثة والتهور وعدم المبالاه في وقت واحد؟؟؟!!!! حتقولو لي كيف؟؟ كدي نشوف
قالو(والقول لي انا) جمبو بتاع دكان مغرقو ديون من سكر شاي الصباح لي لبن العشا
يوم رسل ولدو لي جاز من الدكان: *ياولد قوم جيب لينا حبيبة جاز من مقطوع الطاري ده،بس ما تقول ليه دين إلا بعد يديك
*ياخ ما بمش هو اي حاجة انا؟؟
*يعني تمش امك ؟ قوم امش يمشمش شترك
الشافع ما نقناق يمش ويطنطن ويلولح في اللمبة (الفانوس)
*ابوي قال ليك ادينا جاز بالحاضر
*وين قروشك ياالفالح؟؟
*بديك بس انت عبي اول
الشافع ما مسخوت ذي ابوه بعد ضمن الجاز في لمبتو تب قال ليه
*القروش بعد الصرف
*الصرف الصحي يا ولد جيب القيامة دي هنا يقطعك ويقطع أبوك في ساعه واحده
*ابو حسي سعلك كما ساي؟؟
*يسعلك الشديد جيب القطر ده هنا سيد الدكان ما مسكين يمسك اللمبة بي زعل لامن جازا يتجلفق ويفرقا في الصفيحة
*انت وابوك شوفوها عن غافل اها ولعو سمح
ذولك المسكين قيل روحو كسبان والجنا يضحك لحدي ما وصل البيت * جبتها يالمبروك؟؟ ادها امك التولعها بي باقي الجاز الفي القيطان ده كان يصبحنا للصباح...................
ـــــــــــــــــــــــــــ لو في مفردات ما واضحه ارجو الاستعانه بي العم ود المنسي او الجد ود شيقوق
|
|
|
|
|
|
|
العنوان |
الكاتب |
Date |
ديك العدة والشقليب | ممدوح أبارو | 03-04-08, 11:38 AM |
Re: ديك العدة والشقليب | ممدوح أبارو | 03-04-08, 12:23 PM |
Re: ديك العدة والشقليب | ممدوح أبارو | 03-04-08, 12:41 PM |
Re: ديك العدة والشقليب | ممدوح أبارو | 03-05-08, 03:27 PM |
Re: ديك العدة والشقليب | البشير دفع الله | 03-04-08, 01:49 PM |
Re: ديك العدة والشقليب | ممدوح أبارو | 03-04-08, 02:23 PM |
Re: ديك العدة والشقليب | مازن الجمّال | 03-04-08, 01:59 PM |
Re: ديك العدة والشقليب | ممدوح أبارو | 03-04-08, 02:25 PM |
Re: ديك العدة والشقليب | محمد الطيب يوسف | 03-05-08, 03:51 PM |
Re: ديك العدة والشقليب | ممدوح أبارو | 03-05-08, 04:11 PM |
Re: ديك العدة والشقليب | اْسامة اْباّرو | 03-07-08, 00:07 AM |
Re: ديك العدة والشقليب | محمد البشرى الخضر | 03-07-08, 07:02 AM |
Re: ديك العدة والشقليب | ممدوح أبارو | 03-07-08, 08:40 AM |
Re: ديك العدة والشقليب | ممدوح أبارو | 03-14-08, 10:47 AM |
|
|
|