بخصوص مأساة سناء ... يا بكرى نحن من ناس القاهرة فينا الصالح وايضا الطالح.. ولكن!!!

Quote: Quote: هذا هو لب القصيد فى الوقت الراهن نتمنى ان لا نقف عند حد الاسف والتعاطف فقط وانما لابد لنا من فعل شئ وكلنا مطالبين بلا استثناء فى المساهمة ولو بالقليل وباى اسلوب وبالنسبة لنا فى القاهرة كنا نتمنى لو علمنا مسبقا قبل رجوعهما للسودان ولكن لم يفت شئ اقترح ان بورداب السودان بامكانهم المساعدة فى ثمن التذاكر اما بورداب دول المهجر الاخرى فيساهمون فى تكاليف العلاج ونحن هنا فى القاهرة سنساهم فى السكن والاعاشة واسماء افضل الدكاترة فى مصر للقيام بمثل هذه العمليات فقط ما نحتاجه هو التنسيق وياحبذا لو قام الاخ بكرى بتحديد شخوص بعينها داخل السودان وداخل مصر وغيرها من بلدان المهجر وذلك لتحديد مسؤلية كل واحد بدلا من ضياع الجهود الكلام اعلاه ورد كمداخلة فى بوست مأساة سناء ...فعلها الشقيق بخدعة من الزوج..!..توجد صورة بشعة الدخول للكبار فقط ومع ذلك يا بكرى ورغم اننا اننا اصحاب الفكرة وناشدناك بالقيام بتحديد اشخاص بعينهم لكن شايفنك لما جيت للكلام الجد طنشت من ناس القاهرة - تهميش عينى عينك- ويجب ان تعلم امرين الاول انه المجرم عوض ما مننا عشان ترفضوا مشاركتنا والثانى هو انو فعلا فى ناس عاوزة تشارك ولو بالقليل فى هذا الشرف وعلى قول احدهم (شكلو بكرى قايل ناس القاهرة مفلسين وجيعانين .......وحرم كان ناس امريكا ختوا دولار نحنا نخت دولارين) يكفى يا بكرى اننا لما كنا فاكرين العلاج ح يكون بمصر التزمنا بتوفير ايجار الشقة والاعاشة الى ان تكتمل المهمة يا ناس القاهرة حددوا زولكم وما يفوتكم شرف المشاركة