|
|
|
 Re: قصة ريدة بين مسلم ومسيحية (Re: رأفت ميلاد)
|
يا عم رافت ميلاد
سلمااااااااااااااااااااااااااات
والله مشتاقين
يعني انا لو عارفة انو البوست المخستك دا (عشان الغنية العجبتني ونزلتها ليكم ما رضت تفتح معاي)كان نزلتها من بدري
كيفك يا شيخنا
اخبارك والبنوتات بتوعينك كيفنهن
تخريمة
زول يوريني الغنية بنزلوها كيف
عشان نزلتها على حسب معرفتي وعلى حسب الـ gides بتاعت بكري
ما سامعة صوت الفنان الشجي عاطف السماني
عموما هي غنية جميلة
قلنا ننزلا مساهمة مني في حوار الاديان وكدا
وعشان برضوا نرضي ناس هناية وهناية
شكرا على مرورك ياعم رافت
وان شاء الله يجينا زول بعرف بينزلوا الغنية كيف
| |
 
|
|
|
|
|
|
|
|
Re: قصة ريدة بين مسلم ومسيحية (Re: mayada kamal)
|
حكايتي طويله ياخلا عايشه وجوه الفؤاد حيه
دي قصه ريده بين انسان مسلم ومسيحيه..........
دي قصتي الاسي وحاليه
لكن بس نقول..........
يافاطمه هاك ثمن التي سكبت يداك شربتها
أنجم موقعه من سما ليل الضياع جمعتها
هذه آخر الابيات شعر لاقبلها ولابعدها
نصبر ونقول..........
يافاطمه كبيلهم لفيلهم الساقي خلي الحزن يرحل يفضل الفرح باقي
تحياتي
| |
|
|
|
|
|
|
|
|
|
Re: قصة ريدة بين مسلم ومسيحية (Re: mayada kamal)
|
| Quote: لـو افتـرضـنا الـريدة دي كـانت بيـن مـسـيحـي وفتـاة مسـلـمـة... |
إلا كان يحبها فى صمت...
طبعاً صمت قاتل لانو لو إتجرأ وصارحها بحبو ليها وعرفوا الجماعة...
الجمعة طوالى ممكن يكون هو موضوع الخطبة (هذا مع الإحترام للديانة الإسلامية ... عشان ما يجى واحد يفتكرنى بقلل من الديانة الإسلامية).
طبعاً هيكون العلاقة مرفوضة جملة وتفصيلاً من قبل أهل البنية!!!
شول أشوانق
___________________________
من دون زعل لو سمحتو
| |
|
|
|
|
|
|
|
|
|
Re: قصة ريدة بين مسلم ومسيحية (Re: شول اشوانق دينق)
|
الاخ شول
أكييييييييييد العلاقة حتكون مرفوضة
لان الاسلام ينص على عدم جواز زواج المسلمة من غير المسلم
ودا منصوص صراحة في القران الكريم يعني ما من عند زول تاني
والاسلام يشترط أن من شرط صحة النكاح إسلام الزوجين عدا ما استثنى الله جل وعلا، قال تعالى: {وَلاَ تَنكِحُواْ الْمُشْرِكَاتِ حَتَّى يُؤْمِنَّ وَلأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ وَلاَ تُنكِحُواْ الْمُشِرِكِينَ حَتَّى يُؤْمِنُواْ وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ}، وقال تعالى: {لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ}، وقال: {وَلَا تُمْسِكُوا بِعِصَمِ الْكَوَافِرِ}؛ فالأصل تحريم نكاح المسلمة لغير المسلم ونكاح المسلم لغير المسلمة إلا أن الله - جل وعلا - استثنى العفيفات من أهل الكتاب؛ فقال: {وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِن قَبْلِكُمْ}. أما المسلمة فلا يحل لها التزوج بغير المسلم من يهودي أو نصراني.
ومايجي زول يقول حرية شخصية وكلام من دا
بجيكم راجعة
| |
|
|
|
|
|
|
|
|
|
Re: قصة ريدة بين مسلم ومسيحية (Re: mayada kamal)
|
Quote: لان الاسلام ينص على عدم جواز زواج المسلمة من غير المسلم
ودا منصوص صراحة في القران الكريم يعني ما من عند زول تاني |
كان كده ما دايرينو معاكم.
يعنى شنو؟ أخوكى يحب ويعرس أختى وأنا ما أعرس مش عرس كمان أحبك سايت ممنوع على!!! معقولة يا عالم؟؟؟!!!
شول اشوانق
____________________
ميادة إزيك؟
| |
|
|
|
|
|
|
|
|
|
Re: قصة ريدة بين مسلم ومسيحية (Re: شول اشوانق دينق)
|
يا ميادة إنتى ما سمعتى التيجانى يوسف بشير قال شنو
آمنت بالحسن برداًوبالصبابة نارا
بالكنيسة عقداً منضداً من عذاري
وبالمسيح ومن طاف حوله واستجارا
ايمان من يعبد الحسن في عيون النصاري
أها أولادكم زاااتم سمحين .. أنا لما كنت صغير كنت بوقف الحركة فى شارع الزلط
يعنى أولادكم يتكسروا ويتجدعوا على كيفم .. وبناتكم يلوكن الندم .. يعضن أصابعن ويموتن كمد
وبعدين عليك الله نكتة | Quote: قلنا ننزلا مساهمة مني في حوار الاديان وكدا |
سيبينا منها دى .. حوار أديان منو وسلطة شنو .. ما كل واحد يلتزم بى دينه ويخلى أخوه فى حاله .. ده ما حوار البعملوا فيه ده .. ده تحرش .. قدونا وخرموا راسنا .. خلينا فى الغنا السمح .. وإنسانيتنا .. والدين عند الذى لا ينوم ..
عندكم مكتوب | Quote: بني الإسلام على خمسة على أن يوحد الله وإقام الصلاة وإيتاء الزكاة وصيام رمضان والحج فقال رجل الحج وصيام رمضان قال لا صيام رمضان والحج هكذا سمعته من رسول الله صلى الله عليه وسلم |
ركزوا هنا وسيبكم من النصارى واليهود وغيرم .. بس الخمسة ديل وتدخل الجنة .. ويوما لا بنفعك لا مسلم لا نصرانى ..
محبتى يا ميادة
| |
|
|
|
|
|
|
|
|
|
Re: قصة ريدة بين مسلم ومسيحية (Re: رأفت ميلاد)
|
يا عم رافت
تمعن هذا الكلام الجميل
الإسلام في حقيقته هو اتباع الرسل عليهم السلام فيما بعثهم الله به من الشرائع في كل زمان ، فهم الطريق لمعرفة مراد الله من عباده ، فكان الإسلام لقوم موسى أن يتبعوا ما جاء به من التوراة ، وكان الإسلام لقوم عيسى اتباع ما أنزل عليه من الإنجيل ، وكان الإسلام لقوم إبراهيم اتباع ما جاء به من البينات والهدى ، حتى جاء خاتم الأنبياء محمد صلى الله عليه وسلم ، فأكمل الله به الدين ، ولم يرتض لأحد من البشر أن يتعبده بغير دين الإسلام الذي بَعث به رسوله ، يقول الله عزوجل : { ومن يبتغ غير الإسلام دينا فلن يقبل منه وهو في الآخرة من الخاسرين } ( آل عمران : 85 ) ، فجميع الخلق بعد محمد صلى الله عليه وسلم ملزمون باتباع هذا الدين ، الذي ارتضاه الله لعباده أجمعين .
| |
|
|
|
|
|
|
|
|
|
Re: قصة ريدة بين مسلم ومسيحية (Re: mayada kamal)
|
يا ميادة ده كلام شنو ???
جبتى لى آية عديل كدة | Quote: { ومن يبتغ غير الإسلام دينا فلن يقبل منه وهو في الآخرة من الخاسرين } ( آل عمران : 85 ) |
طيب الكلام ما واضح زى الشمس .. في الآخرة من الخاسرين .. تجى تقولى لى كلام قاطعاه من راسك | Quote: فجميع الخلق بعد محمد صلى الله عليه وسلم ملزمون باتباع هذا الدين ، الذي ارتضاه الله لعباده أجمعين |
يعنى تعلنى على جهاد الكيزان عديل كدة ..
ياخ زى ما قلت ليكى كل واحد يشيل شيلتو فى الآخرة .. والعايشين فى الدنيا ديل كلهم خلق الله .. كان داير يهديهم .. بهديهم فى ثانية .. وكان داير يغطس حجرم .. فى رمشة عين بغطسو .. دعوا الخلق للخالق ..
والعرف الإسلام وإرتضاه يخارج نفسه بالعبادة .. والما عرف يشيل شيلتو بعدين قدام ربه .. الإنسان خلقوا الله بكامل معرفتو .. بدون أى وصايا ولا إذن .. يعنى مافى كافرة بتحمل وبتلد بفتوى من أنصار السنة .. والمسلمين ما بولدوهم بصباع زيادة ..
هسة ما شايفة المسلمين زعلانين كيف من الدنمارك ?? .. نفس الحكاية الناس بتزعل على معتقداتها من الإهانة .. وكل واحد قايل دينو هو الصاح والأحسن .. نخلى كل واحد فى حالو وندع الحكم لصاحب الحكم ..
فى مسلمات متفق عليها .. الإمتناع عن الأذية وعدم الضرر .. مثل القتل السرقة الزنا .. ودخيل الناس لبيوت الأشباح  البعمل ده أو ما شابهه ضرر فى الدنيا .. ياخد عقابو فى كل الدنيا .. أما الماشى بالعديل مالكم ومالو .
كلو يخارج نفسو بى نفسو .. بلا حوار أديان بلا بطيخ
خليتك عافية
| |
|
|
|
|
|
|
| |
mayada kamal
رأفت ميلاد
أبوبكر طه
يسرى معتصم
شول اشوانق دينق
فيس بوك
تويتر
انستقرام
يوتيوب
بنتيريست