نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 البلطجه في شوارع الخرطوم ( تعرضت شقيقتي لحادث كاد ان يفقدها حياتها )
|
كل يوم يحكوا ليك قصه جديده عن انفلات الامن
وظهور عصابات تبتكر اساليب جديده في ترويع
الناس واخذ ما بيدهم بالقوه ...
الحادث كالاتي :
قام شخصين كانا على ظهر دراجه ناريه بضرب شقيقتي
باله على راسها ومن ثم خطفا شنطة يدها وعندما تمسكت بالشنطه
سحبوها على الارض الا ان تركت لهم حقيبتها ....
اصيبت اصابات خفيفه ولكنها كادت ان تفقد عقلها من هول الهجمه
التي تعرضت لها ولكنها الان في احسن حال ,,,,
كان ذلك في تمام الساعه التاسعة مساء
في الثورة الحاره الثانية بالقرب من باب المنزل
وامام اعين كثير من الماره ....
الى اين يذهب هذا الوطن والى اي درك ستوصلنا له حكومتنا
التي تكرس جل موارد السودان في ميزانيتها للامن ولكن لا امن
للمواطن دافع هذه الميزانيه من ضرائب وجبايات .
|
|
 
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: معتصم ود الجمام)
|
Quote: الى اين يذهب هذا الوطن والى اي درك ستوصلنا له حكومتنا
التي تكرس جل موارد السودان في ميزانيتها للامن ولكن لا امن
للمواطن دافع هذه الميزانيه من ضرائب وجبايات . |
الاخ ود جمام مـــــــــــــسائك ســـــــــــــــــــــعيد
الى اين الى الجحيم وفوتنا الجحيم كمان
ديل تيوس الدين و تجار الدين الامن لهم فقط
بلد مشتحة هاملة تيوس الدين ديل مافى واحد عندو عليها وجيع
يا سيدى حمدللة على ســـــــــــلامة اختنا وربنا يحفظ كل بنات بلدى
| |
|
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: معتصم ود الجمام)
|
الف حمدالله علي سلامة اختك...
قبل ان تقلب مقاييس الامن والسلامة والانسان في زمن التمكيين والتعذيب وخنق الاصوات والتروييع في بلادنا كان من يسافر مثلا الي نيروبي او لاغوس وبعض عواصم افريقيا التي ابتليت بانظمة سياسية فاسدة في الثمانينات يسمع ويري انفلاتا امنيا وكان دائما يبدء بمثلما حدث لاختك -حماها الله- وكان امر ان تحمل مثلا شنطة صغيرة فيه كثير من المخاطرة اما ترك السيارات في اماكن عامة فقد كان دعوة مفتوحة للعصابات او ال thugs وتطور الامر تدريجيا الي استعمال اسلحة بيضاء ثم اتوماتيكية واستغلت جماعات نافذه الانفلات وفرضت علي الناس تاجيير حراسات خاصة لبيوتهم ومحالهم ومكاتبهم ومن لا يفعل تسطو نفس الحراسات علي هذه الاماكن.. ذهبت الي مقديشو في اخر زمن ديكتاتورها الاخير سياد بري في نهاية 85 وعايشت رعبا مثل ذلك فرض علي استئجار حارس يلازمني كظلي خلال الثلاث ايام التي قضيتها هناك...
انه الانحدار الاعظم نحو هاوية الفوضي التي عملت له انظمة سياسية في بلادنا لتبقي هي ولكن ان اتي الطوفان فالجميع ستبتلعهم الامواج دون فرز .....
| |
|
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: معتصم ود الجمام)
|
الأخ معتصم
ألف حمداً لله على سلامة شقيقتكم
Quote: في الثورة الحاره الثانية بالقرب من باب المنزل
وامام اعين كثير من الماره .... |
يعني لو كان الحادث في الحارة كم وأربعين ولا القرية ولا الأحياء الطرفية كانت النتيجة ح تكون شنو؟؟؟
الأمن،، الظلط،،، التشجير،،،
إما في شارع يمر به أحدهم
أو يسكن فيه كلب أنقاذي
أو مثلث صينية حديقة الحيوانات سابقاً وكبري النيل الأبيض وكبري الفتيحاب (مكان التصوير التلفزيوني الذي يخدعون به خلك الله)
غير هذه الأماكن خلي سيفك ومسدسك جنب راسك ونوم نص نص يعني عين مغمدة وعين مفتحة....
الغريبة يا معتصم اليوم الجمعة وفي دعوة غداء تحاورنا في هذه الأمور وضيف الدعوة قريبي المغترب السابق والعائد للإغتراب من أرض الوطن مرة أخرى بعد العودة النهائية بسنتين ونصف وليس بسبب ضيق مادي لأنه عندما عاد نهائياً عاد بوضع مادي أفضل من الإغتراب ولكن توصل بعد كل هذه السنتين ونيف إلى أن السودان ما بلد معيشه... أمن مافي ،،، وقت مافي ،،،، أضافة علمية مافي (أصلة الرجل أكاديمي)....
وقبل حوالي 10 أشهر عاد آخر بعد أن عاش في السودان سنة ونصف عقب أغتراب دام لأكثر من ربع قرن (عاد بعد بلوغ سن التقاعد) ورجع بدون عمل ليبحث عن مصدر رزق أو أحد يحن على شيخوخته ويشغله!!!
ولذات الأسباب وأضاف عليها النهب المقرب والكذب بلا حياء،،،
وفي النهاية يبدو أن مصيرنا نحن ومن تجاوز معنا الربع قرن أغتراب الموت بالمغسة ثم الرقدة الأبدية في الصحراء غرباء كما عشنا!!!!!!
غايتو يا معتصم يا وليدي كان ما طولت في المدينة حقو تشوف ليك هجرة بديلاً للإغتراب الغريب والوطن الأغرب وأقسى...
لك الله يا وطن!!!!!
الشايقي
| |
|
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: Dr. Moiz Bakhiet)
|
معتصم سلام
امبارح مشيت أسلم على ناس وصلوا من السودان و كانت معظم الونسة
عن مثل هذه الظواهر التي انتشرت انتشارا واسعا..يعني ما لازم
تكون في مكان بعيد أو شارع مظلم ..في أي مكان و أمام أي مجموعة
من الناس ممكن يتخطف موبايلك أو شنطتك..
حاجة غريبة مش؟ خصوصا و أنو السودان بقى دولة غنية
و كل الشوارع اتسفلتت و الكباري مرصوصة جنب بعض لدرجة
أنك ممكن تتحير ..تقول يا ربي أقطع بياتو كبري الأصفر
وللا الأحمر؟ و البترول مغرق الدنيا لامن ما لاقيين حتة
يخزنوه فيها..غايتو ابن أدم ما يملا عينو إلا التراب
يا زول حمد الله على السلامة.
| |
|
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: معتصم ود الجمام)
|
ود الجمام
سلامة شقيقتك وارجو ان تتعظ من هذه التجربة المرعبة وتتحرك بدون حقيبة يد واذا اضطرت لحمل اشياء خفيفة ممكن تشيل كيس بلاستيك قديم لا يغرى هؤلاء المجرمين الى ان يزيل الله والشعب هذه الغمة من السودان الذى لم يعرف هذه الجرائم البغيضة إلا فى هذا العهد البغيض .. ايضا على الشباب فى كل الاحياء الاستعداد لحراسة احيائهم ويتجهزوا بالاسلحة البيضاء والحجر لزوم فليق الموترجية المجرمين..
منان
| |
|
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: معتصم ود الجمام)
|
صديقي معتصم
ازيك
اختي السغيرونة نزلت اولى جامعة يادوب وفرحانة بيها
طلعت الصباح زيها وزي الباقين ماشة على موقف المواصلات
جاها بتاع ركشة من وراها بدون ما تشوفو وجر منها شنتطا
وعشان هي مكنكشة في الشنطة .. جراها بي شنطتا بي الواطة لحدي ما فكتا مضطرة
وقفت على حيلا في حالة هسترية وجسمها كلو جاري دم
وكان ممكن تتكسر رقبتها او تحصل ليها عاهة مستديمة اذا صادف حجر وشها
وهو حيكون لقى شنو في الشنطة !!
- مبلغ 15 ألف رسوم حاجة في الجامعة
- سندوتش
- قروش مواصلاتها
- موبايل من النوع سوداني الرخيص
وعلى فكرة الكلام ده في الثورة الحارة التالتة
وامام اعين كثير من المارة برضو
انا طبعا لو كان في يدي حاجة وخصوصا بعد شفتها بحالتا ديك
أضعف الايمان كنت ح آكلو بسنوني واتفو في الواطة وبعد داك اتف عليو واهرسو بي جزمتي .
ولكن عشان ما عندي حيلة غير اني امشي افتح بلاغ .. اضطريت مشيت قسم الشرطة
وما حصل حاجة لحدي هسة .
ووالله العظيم يا اخوان
البت عندها حالة نفسية لحدي هسة ..
اها نمشي لمنو تاني ؟؟
والبجيب لينا الحق منو ؟؟
| |
|
|
|
|
|
|
|
|
|
Re: البلطجه في شوارع الخرطوم ( تعرضت شقيقتي لحادث كاد ان يفقدها حياتها ) (Re: Ameer Farouq)
|
ود الامير يا امير
والله احترتا اقول ليك شنو ؟
ما في غير نحفر غريق ونقلع هذا النبت الشيطاني
عشان يقل الجوع والفقر ويبقى ما في زول داير يختف لقمة غيرو
منان يا عزيز
اضيف الى اقتراحك ان نعود الى عهد المحفضه حقت حبوباتنا الزمان ديك
ولا كمان حتيجيب ليها شريط هدوم ..
هيثم الكاشف
كده ما بقى لينا غير نبكي على حالك يا وطن
مازن الجمال
سلامة اختك الصغيرونه ....
اها تاني الناس تخلي شغلا وتقعد توصل اخواتها الجامعات ولا كيف
امير فاروق
تحايا وود
الراسماليه وحكومتا قاعدين في قصورهم الفخمه
وسايبين الشعب يطحن في بعضو ...
الله ينجي السودان من الجـــــــــــــــــــــــاي
| |
|
|
|
|
|
|
| |
معتصم ود الجمام
عاطف عمر
hanouf56
Adam Omer
abdulhalim altilib
abubakr
Abdel Aati
AnwarKing
خالد حاكم
نهال الطيب
bent-elassied
العوض المسلمي
Elhadi
شهاب الفاتح عثمان
Al-Shaygi
Dr. Moiz Bakhiet
اسعد الريفى
محمد سنى دفع الله
محمد عبد الماجد الصايم
بدر الدين الأمير
Mannan
مازن الجمّال
إسماعيل وراق
Emad Abdulla
Raja
Alsa7afa_30
حسن طه محمد
ismeil abbas
Mamoun Ahmed
mahdy alamin
فيس بوك
تويتر
انستقرام
يوتيوب
بنتيريست