|
|
|
 Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: الطيب شيقوق)
|
سلام يا ود الجمام
هل والد صديقك هو المرحوم حسن عبد المجيد الممثل؟
هذا الرجل رغم أنه قد رحل منذ مدة إلا أن ذكراه لا تزال
ساطعة داخلي..أذكر في طفولتنا عرض التلفزيون مسلسلا عن تجار
مخدرات أو مجموعة من المجرمين كان فيه حسن عبد المجيد
حاكم سلمان و عوض صديق و قد انتشر بيننا حينها أن نلقب
بعضنا البعض بأسمائهم -جادو و كورينا-.
حسن عبد المجيد كان فنانا عملاقا..
أويد منح العضوية للأخ عبد المجيد.
| |
 
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: Abdelmoniem ALHAJ)
|
عاين يا بكري
مجيد ده فنان جد جد
اقول ليكـ حاجة سيبكـ من قصة فنان دي
مجيد ده زول مؤدب خالص و ما بتاع مشاكل
ااااي صاح هو شاركـ في كل اضرابات طلاب المعهد زمان زيينا واحد
لكنو برضو زول مؤدب و خجول و ود ناس
صاح كان بتدين من سيد البوفيه بتاع المعهد
لكن اول ما البيلسري ينزل بمشي يسدد ديونو طوالي
طبعا كان عندو اخفاقات عاطفيه سابقة زيو و زي باقي السودانيين
وده ما اظنو يكون سبب يحرمو من العضوية .
ياخي ده الشاب الانا نشرت خبر عرسو قبل سنوات يا بكري
ركز معاي ياخي 
الشباب فوق جابو ليكـ جزء من سيرتو الذاتية
و زي ما قالت الشاعرة
لا لعب القمار ولا جرب الخمرة
غايتو حسب علمي كان بلعب حريق* و بتقبض فوق
اديهو باسوورد ياخي علي ضمانتي
_____
حريق ما مُطعم طبعا
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: Hadia Mohamed)
|
Quote: مجيد صاحب وصاحب صاحب وفنان ملتزم وتاريخة مشرف
حيكون اضافة رائعة لقبيلة الفنانين فى البورد أى هو اتشاكل معاى
فى سنة اولى بدون سبب وكان حيدقنى لكن خلاص المسامح كريم, نحن فى انتظار قبول
عضوية الصديق المسرحى الجميل مجيد. |
بكري قصة مشروع الدقة بتاعت هادية ده ماتاخدو جاد و تقول مجيد ده ضد المرأة و كده
ابدا .. تخيل
دي محض ترسبات شاب مندفع و جاي من الثانوي و بفتكر انو اي شي بتحل بالضراع
طبعا مجيد اتطور شديد جدا بعد داكـ
وبقي اصلا صوتو ما بيعلا .. ناهيكـ عن انو خلا الشكل
اقبلو ياخي
غايتو عندكـ لحدي المسا
قبلتو قبلتو .. ماقبلتو بجي تاني احكي ليكـ عنو
لمن يكون عندك صورة واحده و تقبلو بيها
لانو كمان كلامك صاح ما ممكن تقبل من طرف كدي
_____
اها يا اميرة بعد كلام هادية ده
اخير انا
هادية و اميرة مشتاقين يا اخوانا
وين انتو ؟
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: جمال سعيد)
|
معتصم بما انك صاحبى ومجيد صاحبى ..
حااحرس البوست دا لحدى ما بكرى يرضى عننا ..
Quote: اها يا اميرة بعد كلام هادية ده
اخير انا |
اها خلينى نكمل ليك صاحاتك دى ياخدر..
مجيد دا صاح عيونو دقٌاق لكن شوٌاف.
صاح صوتو براحة لكن ........
عندو فنيلة واحدة صاح(ابيض ببنفسجى) لكن .....
يعنى اسى لزومو شنو انت وهادية تعملو لى الولد كدا
عشان ما عندو باصويرد؟
غايتو النقط نقط دى تمها انت ياخدر..
ـــــــــــــــــــــــــــــــــــــــــــــ
خدر ...
قالو صاحب صاحبك .... ببقى صاحبك..
وحاة الله لو ما كان ظهرت ببوست(مدد ياهارب) كان شوية كدا
فتحت ليك بوست وسالت منك .. بس انت استعجلت شوية ..
اسال عماد عبدالله حتى...
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: معتصم ود الجمام)
|
Quote: بكري قصة مشروع الدقة بتاعت هادية ده ماتاخدو جاد و تقول مجيد ده ضد المرأة و كده
ابدا .. تخيل
دي محض ترسبات شاب مندفع و جاي من الثانوي و بفتكر انو اي شي بتحل بالضراع
طبعا مجيد اتطور شديد جدا بعد داكـ
وبقي اصلا صوتو ما بيعلا .. ناهيكـ عن انو خلا الشكل |
ياطارق ابوعبيدة ..
الضمان شنو؟؟..
انا بفتكر ياطارق توسع الفرصة حق بكرى اكتر شوية
من لحدى (المساء) ..
لحدى مابكرى يكون مطمئن اكتر..
لانو بصراحة موضوع ال(التسنية ) دا ماااااااااااااا ساهل!!
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: nazar hussien)
|
اول حاجة
نثني
مش نسني
وبعدين يا ودالجمام
شنو هناك من مسني ؟
شوف المساك منو
انا من اول يون شفتك قلت
الزول ده ممسوس
وجمال سعيد عطشان من رمضان الفات جايب صورتو زيرين
وكوز معفن وباقة بلاستيك مرمية على الأرض
اول حاجة كان ارمي الكوز المعفن بتاع علبةالفروتا
وبعدين انضف تحت الزير واخت ليهو كوز بايركس
وارش حول المزيرة وانضف الأزيار واحكها بي حيمورة
واغطي فتحة الزيرين بي قوطة جميلة واخت ليهو كرسيين
واحد ليهو والتاني لي عبد المجيد
ونحن ضيوف وبعد ما اديهو الباث وورد
اشوف ليهو زول غير جمال ومعتصم اعمل ليهو صورة
مرحب بيك عبد المجيد
محبتي
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: معتصم ود الجمام)
|
ياجمام وخدر وسني دفع الله واميرة والمسينيح تروس
انتو والله ماجيبين خبر ساكت مجيد كاتل حيلو وقاعدلوا فوق رايي
ومتيقن عارفين (( متيقن)) من شنو؟
وبجاوبكم وبجاوبكن للبنوت
أول حاجه الزول ده جابوا ليه بنيه سمحه وفنجريه سماها (( يقين)) ماحرام عليكم وعليكن ماتباركولو البنيه؟ ده سعال لازم تجاوبوا عليهو حروم علي رجاله؟
نمرت اتنين يا تارق ابواللوعبيدة ات البوديك تنكت الصفحات اللاوراء شنو؟ نقوم نفت؟
والله نقوم نفك فيك مدام شيراز تجيب اجلك عشان كده ارعى بي قيدك
يا بكري وليد ابوبكر قسما عظما ماتدي مجيد ود حلتنا في كارديف باظ وريد علا نقوم نشتكيك لامريكا كان ترجعك الحلفاياوكان رفعنا يدنا لي الله تحت ليك التفه الكبيرة تخليك صلعه بين الليله وباكر.
يا جماعه مجيد مسكين شغال وحيلو مهدود علا مابقول ليكم شغال شنو بس بياكل من ضراعو ما شغل صيع زي ناس طارق ابواللوعبيدة .. اما حبيبي علي تروس الوكت ده بكون بقرأ كلامي ده زي اللغه الصينيه عرفتو السبب؟ ضلمت وبعد تضلم عييييييييييييييييييييك . أبشر يامعروف بالشره.
وقسمبلا كان مجيد ماجابوه لينا هنا تاني تشوفوا البكتبلكن يا ناس سودانيزاونلاين
ويابكري ماتكسر بي خاتر سلمى الشيخ دي نحنا بنعزها بالحيل ومابندور زعلا.
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: معتصم ود الجمام)
|
اول حاجة ياخوانا وخسوسا اخونا بتاع لندن الكاتب
Quote: أول حاجه الزول ده
جابوا ليه بنيه سمحه وفنجريه سماها
(( يقين))
ماحرام عليكم وعليكن ماتباركولو البنيه؟ |
نحن ياهمت ولاهمد ماعارف نحن ياناس لندن البنيه ما بناباها لكن الفيكن اتعرفت!!
وهس انت مفروض تكون زول .. يعنى بحكم عضويتك هنا فى البورد اكثر انضباطا
وتراعى للوأئح والقوانين
يعنى كيف اتا دايرنا نبارك لزول بنيتو.. وهو اصلو ما عندو لاعضوية ولاباسويرد
هسع كان الناس باركوا ليهو يرد عليهن كيف؟؟
انا افتكر نحن حقو نرجع للمربع الاول
ونفكر مجددا فى موضوع التسنية
حتى بعد داك نشوف
والله شنو؟؟ فخليك زول حقانى
كدى نرجع لموضوعنا
كنا واقفين ويييييييييييييييييييييييييييييين!!!!!!!!!
| |
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: على عمر على)
|
الساده:
بكري بعت لي المكتوب الاليكتروني قبال يومين
وقت كدي اااجماعه الباشمهنديس خلاس بعد التمحيص والتفحيص بقي داير يسودن مجيد, علي العموم ياناس المسرح هوي
المشهد بخسنا نحنا خسوس وناس الاعلام عموم
وفي عامن اول الباشمهندس قالي في المكتوب هيلو:
الرجاء الاخ عليش
خلي مجيد يرسل لي ايميل في عنواني الظاهر لديك.
وعقب انا قالوك استهونت بالمكتوب ده؟؟هيع...هلا هالله يمين بالله ماخليت الحبر ينشف ...طوااااااااااالي قمت بعت نفس المكتوب الجاني من الباشمهندس للاخو مجيد في لندن وناغمتو قلتلو في مكتوبي :اللخ مجيد ولمن يهمه الامر الرجاء الرد علي الاخ بكري سريعا وارفاق بيناتك الشخشيه عسي ولعل تجي دافر سيلك حدانا.
وسجم الحله الحارسالا مويه
--------------------
| |
|
|
|
|
|
|
|
|
|
|
Re: المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح (Re: معتصم ود الجمام)
|
اصدقائى \اهلي قبيلة الفنانيين لكم الشكر لتثنيتي
معتصم الجمام شكرا والي افاق ارحب
اميره الشيخ التحايا الحاره شريكة الهم المسرحي والزكريات الخصبه
عليش سلام للوطن عبرك ايها الولد النجيض
الطيب شيقوق شكرا للمسانده
سيف نصر شكر وتقدير
عبد المنعم حسن حولا دي سنين كتيره خلاص ارجو ان تكون بخير وخلينا علي تواصل
خدر اييييييع ياها المحريه فيك وقفته معاي ايام الدبلوم اياكا زول حاره لك كل الود
خضر حسين الشكر الكتير
علي عمر نحنا دخلنا والزارعها الله في الزلط بتقوم لكن الفيك اتعرفت
هاديه -دفعه- الله يديك العافيه رجعتيني سنين لي وراء لك الود تحياتي لي يحي والاولاد
جمال سعيد صديقي الشاطر لك كل والود وسنكون علي تواصل
استاذه سلمي اليشيخ لك الشكر انا متابع جيد لكتاباتك ارجو ان اكون اضافه لمسرحي هذا المنبر
نزار حسين لك كل الشكر
استاذ السني احي فيك هذا الحس التواصلي عبر الاجيال لك شكري
ود شندي شكرا
رامي لك الشكر وارجو ان تكون بخير
همت شايفك عملته بوصية الجار قبل الدار لك شكري
سميه قسم الاخت الصديقه بت الدفعه دي سنين طويله فرقتنا الخبار شنو حتما سنكون علي تواصل
| |
|
|
|
|
|
|
|
| |
معتصم ود الجمام
Mohamed Ahmaed Olyesh
الطيب شيقوق
خدر
خضر حسين خليل
على عمر على
جمال سعيد
سلمى الشيخ سلامة
nazar hussien
محمد سنى دفع الله
ود شندي
عبدالوهاب همت
somia gassim
عبد المجيد حسن
فيس بوك
تويتر
انستقرام
يوتيوب
بنتيريست