|
|
|
 Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: امنة عبد الكريم)
|
وتحية اخرى من ناس الأهلية الثانوية وبخاصة اولاد القلعة وودأرو والسيد المكي والركابية وحي الشيخ الجعلي والمقابيل والشيخ قريب الله وود البنا.
وبصورة أخص دفعة 1984 . واعتقد انو كثير من خريجي الدفعات الأولى من الجامعة الأهلية كانو من اولاد الأهلية او اولاد الحله ديل .
اولاد دفعتي والقبالهم والبعدهم بسنة واحدة محمد خليل و محمد محجوب واحمد القرشي زين العابدين ( سلولي ) والنور عثمان النور ( والهادي قمرين رئيس الإتحاد ) وكثيرين لا استحضرهم
| |
 
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: محمد الواثق)
|
امنة ..
انا درست في امدرمان الاهلية ( الثانوية ) ..
وامدرمان الاهلية ( الجامعة ) ..
وحكاياتي عن ( الثانوية ) اكثر منها في ( الجامعة ) ..
..
..
الشئ الذي اتذكره ( يقينا ) كان في أول يوم ( جامعي ) ..
وبعد ما تجاوزت بنا ( الحافلة ) مبني ( جوازات امدرمان ) .. وعند ناصية ( الكرنتينة ) ..
لقينا ( الكومر ) واقف ..!!
خاطبنا شافع كدا ( في رتبة ملازم ) .. يا وهم يا كرور ( الحفلة ) دي انتهت يلا ارجعوا بيوتكم ..
رجعنا .. وعدنا بعد ( سنة ) من إغلاق ( الجامعة ) ..!
..
..
وبعدها كنت بجي ( الامتحانات ) بس ..
نسبة لارتباطي بـ( كلية ) في جامعة آخرى ..
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: امنة عبد الكريم)
|
الاهلية و ايامها من الملازمين بتبداء
من مباني مدرسة المليك
و ملازمين 2 (كمبيوتر و تصميم)
ملازمين 3(انجليزي و عربي)
ملازمين 4 (ناس مختبرات)
ملازمبن 5 (المكتبة)
ملازمين6(بيئية)
طبعا ملازمين (ون) ناس إدارية مافي شك
شجر الغابة الكبييييرة الان دي، كنا بنسقيه و هو شتل صغار بالبرميل (وحمار الجامعة)
أجمل معسكر كان بالجامعة في الصيف السابق لانتقالها الي المباني الجديدة مباشرة
كان بعنوان(يد تبني...و اخري تمسك بالقلم)
الطلاب المشتركين كانوا بيضربوا البوهية و الجير
و يردموا القاعات بالتراب
و بالليل
يتعشوا بالعدس و الفول
يغنوا
يتونسوا
و ينوموا في الارض
هؤلاء الطلاب ..اصبح منهم الان دكتورات، و دكاترة
اساتذة في جامعات اوربية
و امريكية
اخصائيون في المختبرات المرجعية
اعلاميون مميزون
وفنانون موهوبون تسموا باسمها
...
وغدا للوطن، و للجامعة يعودون
سلام يا أمنة عبرك لكل الجامعة.
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: Basheer abusalif)
|
Quote: أجمل معسكر كان بالجامعة في الصيف السابق لانتقالها الي المباني الجديدة مباشرة
كان بعنوان(يد تبني...و اخري تمسك بالقلم)
الطلاب المشتركين كانوا بيضربوا البوهية و الجير
و يردموا القاعات بالتراب
و بالليل
يتعشوا بالعدس و الفول
يغنوا
يتونسوا
و ينوموا في الارض
|
وان لم تخذلنى الذاكرة يا حبيب ،، كنت انت اول رئيس أتحاد فى ال 30 فدان
المحررة ،، ومن بعدك كان الشقيق الشايقي
لم نكن من مرتادى ،، السورى او الامريكى ،،، كانت كفتريا النشاط هى
القاعه التى تعلمنا فيها حب الوطن والتضحية فى سبيله ،،،، ولكن أمتدت
له يد الغدر والخيانه وكان نصيبه شرارة من نار ،،، وبالطبع لم يكن النشاط
هو الهدف ،،، كان الوطن ،،،، والى اليوم لم تنطفئ تلك الشرارة
| |
|
|
|
|
|
|
|
|
 Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: كمال مبارك)
|
Quote: وان لم تخذلنى الذاكرة يا حبيب ،، كنت انت اول رئيس أتحاد فى ال 30 فدان
المحررة ،، ومن بعدك كان الشقيق الشايقي |
رئيس اول دورة اتحاد وطني كان عمر خلف الله يوسف - اتحادي ديمقراطي
والسكرتير العام للإتحاد كان عمر الفاروق سيد كامل - مؤتمر الطلاب المستقلين
رئيس ثاني دورة للإتحاد بشير ابو سالف - حزب امة
والسكرتير العام هو مصطفى سري - جبهة ديمقراطية "عضو البورد"
رئيس ثالث دورة اتحاد كان عثمان سليمان الشايقي - اتحادي ديمقراطي
رئيس رابع دورة اتحاد كان ابراهيم يوسف - حزب امة
رئيس آخر إتحاد شرعي كان مجدي عبد المنعم - اتحادي ديمقراطي
والسلام لكل من له علاقة بالجامعة الأهلية
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: انعام عبد الحفيظ)
|
انعام يا عسل ازيك
Quote: رئيس اول دورة اتحاد وطني كان عمر خلف الله يوسف - اتحادي ديمقراطي
والسكرتير العام للإتحاد كان عمر الفاروق سيد كامل - مؤتمر الطلاب المستقلين
رئيس ثاني دورة للإتحاد بشير ابو سالف - حزب امة
والسكرتير العام هو مصطفى سري - جبهة ديمقراطية "عضو البورد"
رئيس ثالث دورة اتحاد كان عثمان سليمان الشايقي - اتحادي ديمقراطي
رئيس رابع دورة اتحاد كان ابراهيم يوسف - حزب امة
رئيس آخر إتحاد شرعي كان مجدي عبد المنعم - اتحادي ديمقراطي
|
ده الكلام البنفتش ليهو زاتو
انو الناس توثق لي تاريخ الجامعة النضالي
والناس الشاركت والاحداث والبرامج وكدا
استمري
لك ودي الاكيد
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: امنة عبد الكريم)
|
سلامات الأخت آمنة و كل الإخوة والزملاء وأبناء قلعة النضال جامعة أمدرمان الأهلية,وقبلها كلية امدرمان
الأهلية ورحم الله آبائناالبروفيسور محمد عمر بشير وبروفيسورعبدالرحمن أبوزيد ود. كرداوى ود.عون الشريف
قاسم ودكتور فاروق كدودة وأستاذ حذيفة الصدّيق وكل من رحل من أولئك الشوامخ الذين كانوا وما زالوا
منارات تهتدى بنورهاالأجيال ومّّتع الأحياء منهم بالصحة والعافية,,
Quote: أجمل معسكر كان بالجامعة في الصيف السابق لانتقالها الي المباني الجديدة مباشرة
كان بعنوان(يد تبني...و اخري تمسك بالقلم)
الطلاب المشتركين كانوا بيضربوا البوهية و الجير
و يردموا القاعات بالتراب
و بالليل
يتعشوا بالعدس و الفول
يغنوا
يتونسوا
و ينوموا في الارض |
كانت هذه هى النقلة الكبرى والتحدى الأعظم ومازلت أذكر تلك الأيام الى تجلت فيها عظمة طلاب الجامعة
فى تلك الفترة بإصرارهم على تكملة المشروع بالمجهودات الذاتية وضربوا مثلا فى الإتحاد ونكران الذات
والتضحية رغم أن كل هذا ليس بغريب على كل أبناء السودان ولكنه كان نفيرا عجيبا وغريبا!!!!
الأخ بشير أبوسالف أحد محركات ذاك الزمن والكوادر المنافحة رغم كثرة الإعتقالات والإيقاف المتكرر,
ومعه كثير من الإخوة الأفاضل والزملاء الذين حملوا لواء التغيير رقم ثقله وخطورته,,,
صديقى الفقيد الراحل بوبو شول له الرحمة كان مثالا يندر وجوده فى حب الوطن والآخرين والجود بما تملك
مهما كانت النتائج رحمه الله رحمة واسعة وقد فقدت أخا عزيزا وإنسان لن أجد له ما يمكن أن يوفيه حقه من
الكلمات وأذكره هنا لدوره فى ذلك النفير الجبار فقد فقدنا كثير من الأخوة منذ تلك الأيام,
الحديث عن الأهلية حديث ذو شجون وهو كثير وأتمنى أن نسمع من الذين صنعوا أحداث ذاك الصرح,,,حاول بعض
الإخوة عدة محاولات للتوثيق ولكن للأسف دائما ما تنقطع المحاولات فى منتصف الطريق!
تحياتى وإحترامي لكم جميعا.
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: أيمن الطيب)
|
Quote: رئيس اول دورة اتحاد وطني كان عمر خلف الله يوسف - اتحادي ديمقراطي
والسكرتير العام للإتحاد كان عمر الفاروق سيد كامل - مؤتمر الطلاب المستقلين
|
الشقيقه / أنعام
1/ دورة رئاسة الشقيق عمر خلف الله ( تحياتنا له ) كانت بالملازمين ،، وليس
بالمقر الجديد ( حمدالنيل )
2/ دورة رئاسة الحبيب بشير ابوسالف ،، كانت بالمقر الجديد حمدالنيل ،، واعتقد
أن هنالك بعض الكليات لم يتم ترحيلها حتى قيام الانتحابات وفى ذاكرتى ذلك
البص الذى تم تحويله لمنزل الامن شرق دار حزب الامه بواسطه كادر الامن والاتجاة
الاسلامى ما يسمى ( أنـس عمر ) تتذكرى هذة الشخصيه ،،، وعلمت انه الان رتبه
كبيييييرة فى الامن
3/ الحبيب بشير ابوسالف متابع اتمنى منه التصحيح ،،،
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: كمال مبارك)
|
Quote: 1/ دورة رئاسة الشقيق عمر خلف الله ( تحياتنا له ) كانت بالملازمين ،، وليس
بالمقر الجديد ( حمدالنيل )
2/ دورة رئاسة الحبيب بشير ابوسالف ،، كانت بالمقر الجديد حمدالنيل ، |
يا شقيق كمال
سلام وتحايا
تاريخ اتحاد الجامعة الأهلية لم يبدأ بحمد النيل لذلك ذكرت لك الترتيب السابق
عمر خلف الله يوسف اول رئيس اتحاد لكلية امدرمان الأهلية حينها قبل ان تترفّع لجامعة
وكان ذلك بالملازمين وفي عهده كان معسكر البناء لمباني حمد النيل
تحت شعار (يد تبني و اخري تمسك بالقلم)
كما ذكر بشير ابو سالف وكان وقتها سكرتيراً اجتماعياً للاتحاد
ما أتذكره جيداً انني دخلت الجامعة الأهلية من بوابة الملازمين للتقديم بها
ولكننا بدأنا الدراسة بحمد النيل وكنا اول دفعة تدرس بحمد النيل
وكانو قد اختصروا لنا سمستر كامل كان الطلبة قد ذهبوا ليلتحقوا بالدفاع الشعبي
لأنه كان إلزامي للدخول للجامعات واتذكر اننا تعاونا مع طلاب الجامعة وباشراف الاتحاد
في ترحيل الجامعة من مباني الملازمين لمباني حمد النيل
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: انعام عبد الحفيظ)
|
Quote: عمر خلف الله يوسف اول رئيس اتحاد لكلية امدرمان الأهلية حينها قبل ان تترفّع لجامعة
وكان ذلك بالملازمين |
يا شقيقه لوكى الصبر ،، وما تتسرعى ،،
1/ ان عدنا للتاريخ ،، الشقيق عمر خلف الله ليس أول رئيس أتحاد
2/ أول رئيس أتحاد كان أتجاة أسلامى يسمى الهادى ،، من أبناء الملازمين او
ودنوباوى ان لم تخنى الذاكرة
3/ الشقيق عمر خلف الله رئيس أول اتحاد وطنى ديمقراطى معارض لنظام الانقاذ
فى ذلك الوقت
4/ أنتهت دورته قبل الترحيل الكلى للجامعه ،،،
5/ كانت هنالك مراكز انتخاب بالملازمين وبحمدالنيل ،،، وكانت ملازمين تو
أو كليه سعاد الصباح للكمبيوتر أخر الكليات التى تم ترحيلها لحمدالنيل
6/ بشير ابوسالف بداءت دورته بحمدالنيل ،،
قطعتى نفسى بالغلاط ،،، المهم لن نختلف أحتمال غيابنا ال 11 عام
فقدنا بعض من حتى
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: كمال مبارك)
|
Quote: يا شقيقه لوكى الصبر ،، وما تتسرعى ،،
1/ ان عدنا للتاريخ ،، الشقيق عمر خلف الله ليس أول رئيس أتحاد
|
Quote: أول رئيس أتحاد كان أتجاة أسلامى يسمى الهادى ،، من أبناء الملازمين او
ودنوباوى ان لم تخنى الذاكرة |
كمال مبارك
نحن بنتذكر في ايام الجامعة والاحداث والذكريات جميعها
فيما يخص الاتحاد بدأت انت في معلومات عنه وذكرت انا ما لدي
ومنها هذه | Quote: رئيس اول دورة اتحاد وطني |
انا لم أقل اول اتحاد بالجامعة بس قلت رئيس اول اتحاد وطني
(وهذا ما اعترف به ممثلاً حقيقياً لإرادة الطلاب)
ولم أحضر اول اتحاد وطني بالجامعة وانما دخلت الجامعة في دورة ابو سالف
وعلى فكرة هاتفت عمر خلف الله بهذا البوست وتأكدت من بعض التفاصيل
التي كنت أظن ان الزمن قد فعل فعايله بذاكرتنا بشأنها (ويقريك السلام)
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: انعام عبد الحفيظ)
|
امونة
كيفنك
التحية ليك. الجامعة الاهلية نحنا بدأنا بالملازمين
مبنى (3) لغة انجليزية . مواصلين حتى لان عكاليت .
ومن مؤ سسى رابطتك بالامتداد ورئيس الرابطة فى بداية اول دورة .
بشير ابوسالف ازيك . كان مصطفى سرى ببوست الترحيب نوة لضرورة توثيق
الفترات الرائعة من احداث الملازمين واسترداد النشاط الطلابى اتمنى
ذلك لانى كنت خارج المنبروماظهر شى نقول الكبر حصل
ولا شنو منكم
انعام انتى ياكى خريجة انجليزى من الدناقلة . لو كذلك تحياتى لعاصم
نقد وسحر عثمان وكل الرائعين من بحرى
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: بابكر التوم)
|
بابكر اخوي كيفنك
Quote: ومن مؤ سسى رابطتك بالامتداد ورئيس الرابطة فى بداية اول دورة .
بشير ابوسالف ازيك . كان مصطفى سرى ببوست الترحيب نوة لضرورة توثيق
الفترات الرائعة من احداث الملازمين واسترداد النشاط الطلابى اتمنى
ذلك لانى كنت خارج المنبروماظهر شى نقول الكبر حصل
ولا شنو منكم
انعام انتى ياكى خريجة انجليزى من الدناقلة . لو كذلك تحياتى لعاصم
نقد وسحر عثمان وكل الرائعين من بحرى |
باي طريقة تشوف لينا الجماعة ديل
لك الود...
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: أيمن الطيب)
|
Quote: حاول بعض
الإخوة عدة محاولات للتوثيق ولكن للأسف دائما ما تنقطع المحاولات فى منتصف الطريق!
|
نعم يا ايمن الجامعة الأهلية وبالذات منذ تأسيسها وحتى التسعينات الماضية
مليئة بالكثير من الذكريات والمواقف الوطنية والإجتماعية الجميلة
وكلما استدعينا الذاكرة أتتنا بالكثير والكثير في مختلف المناحي
هو حديث طويل ولكنه دائم ما ينقطع وان كنت اعتبر هذا الانقطاع تقصير منا
في التوثيق لذلك الزمن الجميل والذي لن يجود الزمان بمثله مره اخرى
كنت قد تحدثت مع نوال جحا وايمن السر تابر ومصطفى سري واسمهان عبد الله هاشم
(وهم اعضاء بالمنبر) للتوثيق ببوست نستدعي فيه جميعاً ذاكرتنا
ونطلق نفير لتجميع كل الحاضرين لذلك العهد الجميل للتوثيق
شكراً آمنة عبد الكريم لنافذة الضوء هذه
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: أيمن الطيب)
|
ايمن اخوي كيفنك
Quote: ورحم الله آبائناالبروفيسور محمد عمر بشير وبروفيسورعبدالرحمن أبوزيد ود. كرداوى ود.عون الشريف
قاسم ودكتور فاروق كدودة وأستاذ حذيفة الصدّيق وكل من رحل من أولئك الشوامخ |
اللهم ارحمهم جميعا
******
Quote: الحديث عن الأهلية حديث ذو شجون وهو كثير وأتمنى أن نسمع من الذين صنعوا أحداث ذاك الصرح,,,حاول بعض
الإخوة عدة محاولات للتوثيق ولكن للأسف دائما ما تنقطع المحاولات فى منتصف الطريق!
|
بعونكم يستمر هذا البوست الي الابد
لك ودي ايها الرائع دوما..
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: امنة عبد الكريم)
|
احييك يا امنة عبد الكريم
والتحية لكل خريجي وطلاب جامعة امدرمان الاهلية
شخصيا قضيت فيها أجمل ايام حياتي
حليل ناس لغة انجليزية القديمة
التحية لدفعة 1996 انجليزي فردا فردا
الغريبة انو انا ما لاقيت ولا شفت السيد مدير الجامعة الاهلية بروفسور محمد احمد خليفة الا بعد ما اتخرجت بي 4 سنة عندما جمعني به عمل
في الاهلية زمان اصعب حاجة انك تلاقي مدير الجامعة
اسا ما عارف الحصل شنو؟؟
في اخر زيارة لقيت النادي السوري بقي بقايا اطلال
فما كان مني الا ان وقفت باكيا علي تلك الايام السمحة التي قضيناها في كنف هذا المبني !!!
كم من أحلام وكم من اوهام وكم وكم من حاجات نسجت في تلك الايام وكأنها أحلام يقظة !!!!
ما أجملك وما اروعك يا امدرمان الاهلية
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: قرشـــو)
|
أمنه وشباب الأهليه
سلام وتحايا
الذكريات والكلام عن الاهليه في البوست ده اعتقد حيمتده سنين وسنين..
بي طول عظمة ايامه وتاريخه الطويل وعدد الناس الموجودين هنا السجلوا تاريخ ناصع للحركه الطلابيه في الاهليه ..
مثلا قافلة بورتسودان وقافلة الابيض ديل براهم دايرين ليهم سنه مذاكرة ذاكره ، والمعسكر والنشاط والروابط .. انتخابات الروابط الاكاديميه دي براها قصه كانت زيها وزي انتخابات الاتحاد ..
الداخليات بنات وأولاد .. الرياضه .. الفنون والثقافه ..
ناس كتار دسوا شباب حياتهم في الملازمين وحمد النيل ..
أمنه طبعا انا من العجايز دفعة 95 لكن موت الجماعه قالوا عرس .. عندك بشيؤ وبابكر ومصطفى وانعام ونوال جحا حتظر بي جاي قريب انا متاكد من كده وشباب كتار عاصروا بداية الاهليه يلا ابدوا التوثيق والحكي الطاعم ..
على الهامش :
مصطفى ما تضارى ورا الدعوات ولا بنطلع الدفاتر القديمه كلها .. بابكر نفتوا ؟
بشير شد حيلك برضوا ..
على جنبه كده ..
انعام .. ياحليل زمان !
برجع ليكم ..
ايمن السر
آداب - انجليزي
| |
|
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: امنة عبد الكريم)
|
اختنا الكريمة بنت الاهلية أمنة
البوست موضوعه جميل و شائق
و الاهلية منطقة تداعي ذكريات كبير جدا و تحتاج لتوثيق، و قد بداء البعض في هذا من قبل و لم يستمروا..
نحن مستعدين، و نجر معانا ناس كتااااار هنا في البورد ده للكلام عنها و التوثيق لاحداثها و تاريخها
لكن لدي طلب او رجاء لكي يكون البوست توثيقي و باقي، أن تفتحي بوست جديد بعنوان جديد يحمل المعني تحديدا فقط، و بالتأكيد مع كل الاحترام للاخ الكريم هباني الذي وجد اسمه في هذا البوست هكذا.
الاعزاء إنعام عبدالحفيظ و كمال مبارك
الاتنين كلامكم صاح
و ممكن نستطرد فيه في البوست الجديد، لو اختنا أمنة عملته(حقها الادبي) او اي شخص اخر منكم.
وبالمناسبةعمر خلف الله و الله رجل احبه في الله، و له عندي ود عميق.
العزيز ود السر تابر...نتلاقي في الموضوع ده في البوست الجديد، و اتوقعه بوست طووووويل، و ممهوووول نمشي و نجي فيه، لانه الاخوات و الاخوان هنا كثااار.
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: DKEEN)
|
Quote: تاريخ التسجيل: 08-02-2008
مجموع المشاركات: 91 |
91 مداخلة في 9 يوم
يعني 303 في الشهر
يعني 3640 في السنة
لو مشيتي بي سرعة دة يا امنة طوالي حنسجيل مع ناس عمك هباني وتراجي مصطفي (مع الاختلاف الواضح في نوعية المشاركات) (عيني باردة)
...
امدرمان الاهلية
محبة خاصة لهذه الجامعة العريقة .. سببها الاساسي رابطة ابناء النوبة .. كانت من الراوبط النوبية المتميزة علي مستوي الجامعات والمعاهد العليا بالسودان ...
دعوة خاصة لابن الاهلية خضر حسين صاحب الجولات والصولات في اركان ام درمان الاهلية للكتابة هنا فهو شخص يجد الكتابة وخاصة عندما يكون الموضوع الاهلية ..(خضر لو جيت ابدا من حكاية حفلة عركي وتحدي الرابطة لقرار الادارة والتنظيمات السياسية المعارضة والحكومية)
شكرا امنة ... بس لامن تفتحي موضوع وتزنقي ما تزوقي ...(بوست الوصف)
محمد
| |
|
|
|
|
|
|
|
|
|
Re: الناس الدرسوا في امدرمان الاهلية او اشتغلوا فيها احكوا لينا الكان حاصل..ياناس هباني (Re: hanouf56)
|
56اخوي كيفنك
Quote: مداخلة في 9 يوم
يعني 303 في الشهر
يعني 3640 في السنة
لو مشيتي بي سرعة دة يا امنة طوالي حنسجيل مع ناس عمك هباني وتراجي مصطفي (مع الاختلاف الواضح في نوعية المشاركات) (عيني باردة) |
دي بدايات للتعارف بس
وبعد داك نشوف المواضيع الجد
انتظر
وبتشوف براك
Quote: كانت من الراوبط النوبية المتميزة علي مستوي الجامعات والمعاهد العليا بالسودان ...
|
وما زالت انشط رابطة بالجامعة
Quote: بس لامن تفتحي موضوع وتزنقي ما تزوقي ...(بوست الوصف)
ما زغت بس انشغلت
ولو رجعت ليهو تاني ح تلقاني مريت
لك ودي الاكيد وكلم لينا خضر معاك ما تنسي
|
| |
|
|
|
|
|
|
|
| |
يسرى معتصم
Mohamed Elbashir
محمد الواثق
humida
هشام هباني
heba Elmahi
انعام عبد الحفيظ
Dr.Ahmed Boasch
أيمن الطيب
بابكر التوم
بكري الخير
قرشـــو
Aymen Tabir
Khaalaleyaal
hanouf56
منتصر الامين
فيس بوك
تويتر
انستقرام
يوتيوب
بنتيريست