اخبار و بيانات مقالات

News & Press

Articles & Views

المكتبات



مؤتمر الحركة المستقلة بواشنطن
جمهورية (حاو) الديمقراطية العظمى، وأخريات ..!
عسكوري متحدثا فى ندوة يقيمها اتحاد الصحافيين السودانيين في الولايات المتحدة الأمريكية
شكرا SudaneseOnline إيقاف بيع شارع كوستي
القانونيون السودانيون بالدوحة يقدمون دكتور سلمان فى ندوة عن اتفاقية عنتيبى وسد النهضة
مجزرة بانتيو: المصادر ، الحصيلة، كيف تمت .. و ما هي الدوافع ؟
وداعا عثمان على حميدة

المنتديات ابحث

اعلانات مبوبة

English Forum

تحديث المنتدى

الحضور

مكتبة الفساد البوم صور Photo Gallery Latest News مكتبة تنادينا
كيبورد عربي دليل الأصدقاء أغاني سودانية

دليل الخريجين

اجتماعيات

آخر الأخبار

دراسات ومقالات الأرشيف والمكتبات أرشيف الربع الأول8 مواضيع توثيقية قوانين ولوائح المنبر
مرحبا Guest [دخول]
أخر زيارة لك: 19-04-2014, 03:50 PM الرئيسية

مدخل أرشيف الربع الاول للعام 2008م هل استولى عبدة الشيطان (السفلي) على الطريقة التيجانية وطرق صوفية أخرى في السودان؟
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « الموضوع السابق | الموضوع التالى »
أقرا احدث/اخر مداخلة فى هذا الموضوع »
10-02-2008, 04:33 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
هل استولى عبدة الشيطان (السفلي) على الطريقة التيجانية وطرق صوفية أخرى في السودان؟

    ظلت الطرق الصوفية في السودان ومنها الطريقة التيجانية تمثل القلب والضمير الحي للأمة السودانية وكان أعلامها هم رواد الفكر والثقافة في السودان، ومشايخها هم مربي الشعب السوداني الذين نهل منهم أخلاق الأمانة والزهد والكرم والشهامة وإكرام الضيف وإيواء الغريب ومحبة الخلق على اختلاف أديانهم وألوانهم والدعوة إلى الله بالحكمة والموعظة الحسنة، فلا عجب أن ابليس وجنوده وا استهدف الطرق الصوفية في المقام الأول، وفي حين أن أتباع المذهب الإرهابي التكفيري كانوا ظاهرا هم أشد الناس عداءا للطرق الصوفية، فإن الشيطان استهدف الطرق بوسائل أخرى من ضمنها الجهلة الذين نشروا سلوكيات لا علاقة لها بحقيقة التصوف أصبحت مبررا لأتباع المذهب الإرهابي التكفيري لمهاجمة التصوف وتنفير الناس منه، ومن ضمنها من تصدروا للمشيخة حبا في الرياسة دون أن يكونوا مؤهلين لها، وقد أكد الصوفية أن من لاشيخ له فشيخه الشيطان وبالتالي فإن كل من يتبع شيخا غير مؤهل للمشيخة ويدعيها باطلا فهو إنما يتبع الشيطان سواء علم ذلك أم لم يعلمه. كون أن مدعي المشيخة هو حفيد لفلان وفلان من الأولياء لا يعني إطلاقا أنه لايمكن أن يكون من عبدة الشيطان أو المتكسبين من وراء الطريق الصوفي أو غلب عليهم حب الرئاسة وهو شهوة أكد الصوفية أنها آخر ما يخرج من السالك إلى الله من أمراض النفس، بمعنى أنها أشد أدواء النفس فتكا.

    ليس موضوع هذه الأسطر القاء الاتهامات جزافا علىالطريقة التيجانية التي لا شك عندي في ولاية مؤسسها ومن ساروا بسيرته من بعده، ولكننا نشهد في زمننا هدا أمورا مثل التنازع في خلافة الطرق الصوفية، ومادام هناك نزاع فلابد أن هناك صاحب الحق وهناك المدعي، وادعاء المشيخة لا يكون وراءه سوىالشيطان، وقد ذكر الشعراني أنه في زمنه هو قبل قرون جلس عدد كبير من الناس للمشيخة بلا إذن، فكم خلف هؤلاء من خلفاء وكم لقنوا من مريدين بل واذا كان ذلك في زمن الشعراني فكيف بالحال في زماننا هذا الذي بلاشك هو أشد شرا؟ من هنا ندخل لموضوعنا وهو شهادة الشيخ التيجاني سابقا حامد آدم المتبنى من جانب أتباع المذهب الإرهابي التكفيري حاليا، التي ظل يرددها لسنوات، وللأسف الشديد لم أسمع أي رد على ادعاءاته من جانب السادة مشايخ التيجانية، وقد وجهت سؤالي قبل أسابيع لأحد خلفاء الطريقة التيجانية ولكن للأسف الشديد امتنع هو أيضا عن التعليق، ولما كان الرجل قد عمم حالته هو على كل الطرق الصوفية فإن الرد عليه كان ينبغي أن يكون من جميع أهل الطريق، وهو ما لم أسمع به حتى الأن أيضا فأردت أن أنقل جانبا من أقواله هنا عسى أن يتكفل أهل الذكر بالرد عليها.

    المقصود بعبارة عبدة الشيطان الواردة في عنوان البوست هو من نعرفهم في السودان بأصحاب السفلي وهم السحرة الذين يقومون بالخوارق بعد أن باعوا أنفسهم للشيطان وأهانوا القرآن وجعلوا ابليس ربا لهم يتوجهون إليه بالعبادة مقابل التمتع بالأموال الهائلة والسمعة التي تطبق الآفاق، سأستعرض فيما يلي شهادة حامد آدم اعتمادا على المحاضرات التي ألقاها بأحد مساجد الخرطوم قبل نحو أربعة سنوات والتي سجلتها الراسيات للانتاج الإعلامي في أسطوانتي سي دي، وأعتذر عما فيها من أخطاء في الطباعة أو ربما نقص بعض الكلمات نظرا للسرعة التي كتبت بها.

    قبل أن أوردبعض محاضرات حامد آدم أود أولا أن أقول أن مصداقية هذا الرجل عندي موضع شك كبير، فحين يتفرغ انسان منذ طفولته لحفظ القرآن والحديث والعلوم الدينية ويتبحر فيها ثم بعد ذلك يكفر ويصبح من عبدة الشيطان ويمارس السحر لمدة سبعة عشر عاما ثم يتوب بعدها ويأتينا داعية ومعلما أقول أنني شخصيا لا يمكنني أن أثق أبدا بإنسان كهذا حتى لو كان صادقا، وأعتقد أن أي انسان له القدرة على التمييز بين الخير والشر، والمبررات التي ساقها لانزلاقه للطريق السفلي وهي قصة موسى والخضر ومسألة لا تعترض كي لا تنطرد وغيرها ليست كافية اطلاقا لتبرير ما فعله، وأنا شخصيا رغم أنني لست من حفظة القرآن ولست فقيها فحين تبين لي قبل زمن طويل من ظهور حامد آدم أن شيخي الذي كان أيضا حافظا للقرآن وعالما بالحديث وينتمي ظاهريا من حيث النسب لبيت صوفي مشهور إنما هو من أتباع ابليس لم أتردد لحظة واحدة في مفارقته دون أن أعمم ذلك على أهل ذلك البيت الصوفي أو الطرق الصوفية بكاملها كما فعل حامد.

    لذلك رغم أن هذه الشهادة إن كانت صادقة فإنها تدق أجراس الخطر بأن عبدة الشيطان تسللوا إلى بعض الطرق الصوفية وبالتالي فعلى كل من يرغب في سلوك هذه الطرق أن يتثبت جيدا من الشخص الذي يتخذه شيخا لكي لا يلقي بنفسه للتهلكة، وتؤكد أيضا أن ما كان هو يسلكه لا علاقة له اطلاقا بالتصوف وتؤكد أنه رغم حفظه للقرآن وتبحره في الفقه فهو لم يقرأ شيئا من أمهات كتب الصوفية وإلا لتبين له على الفور أن ما هو سالك فيه لا علاقة له بالتصوف أو الطريقة التيجانية وإنما هو طريق سفلي شيطاني ملقن من جانب سحرة يدعون أنهم شيوخ صوفية:
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 04:34 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة الاولى
    كيف تعلمنا السحر
    بتاريخ 11 6 2004

    .... وأشهد ألا اله الا الله وحده لا شريك له واشهد ان محمدا عبده ورسوله يا ايها الذين آمنوا اتقوا الله حق تقاته ولا تموتن الا وانتم مسلمون ... يا ايها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام ان الله كان عليكم رقيبا يا ايها الذين امنوا اتقوا الله وقولوا قولا سديدا يصلح لكم اعمالكم ويغفر لكم ذنوبكم ومن يطع الله ورسوله فقد فاز فوزا عظيما وبعد: فإن أصدق الحديث كتاب الله وخير الهدي هدي محمد صلى الله عليه وسلم وشر الأمور محدثاتها وكل محدثة بدعة وكل بدعة ضلالة وكل ضلالة في النار أعاذني الله واياكم من النار ومن غضب الجبار وبعد السلام عليكم ورحمة الله وبركاته موضوع المحاضرة انشاء الله عن السحر وهي بالحقيقة مش محاضرة واحدة أكثر أكثر من محاضرة انشاء الله عن السحر والسحرة والدجل والمواضيع تتلخص في الآتي:
    أولا : كيف تعلمنا السحر
    أو كيف يتعلمون السحر ويتعاونون مع الروحانيون
    الثانية : الحجبات وما هي حقيقة الحجبات التي نراها
    ثالثا : كيف يسحرونك ... كنا بنسحر الناس كيف
    رابعا كيف كنا نعلم ما يسمى عند الناس بعلم الغيب . كنا بنعلم ونقول ليك بنعلم علم الغيب وبنثبت ليك الكلام ده البيان بالعمل أننا فعلا بنعلموا وحتقتنع ننا بنعلم علم الغيب .. كيف نعلم ذلك.
    الفرق بين العين والسحر
    العلاج الشرعي والغير شرعي
    دي المواضيع وغيرها من المواضيع انشاء الله
    انحنا بنختصر عشان نبدأ في الموضوع الاول انشاء الله وما علاقة هذه المواضيع كلها بالدين. وهل كنت معروفا من قبل أني ساحر مجردة كدي معروف أني كنت ساحر يعني؟ لا. أنا ما كنت معروف ساحر أنا كنت معروف بالشيخ أنا كنت من الأقطاب الأربعة في الطريقة بتاعتي قاعد تسمعوا بالأقطاب الأربعة أنا كنت قطب من الأقطاب الأربعة في ذاك الزمان المسؤولين من القبل الأربعة. أنا كان مسؤول من القبلة الشرقية يعني انتو دول كلكم كنتوا تبعي أنا ولو ما أنا ثبتها ليكم كان خشيتوا البحر انتهيتوا (ضحك من الجمهور) ما معروف بالساحر عديل كده ده الساحر الفلاني كنت معروف بالقطب الشيخ الولي الصالح صاحب الكرامات كنت عندي أكثر من اتناشر كرامة كل كرامة اخطر من الثانية من ضمن الكرامات التي لا يشك فيها أحد واحدة منهم يوم تجي الصلاة زي دي عشان أصلي بيكم وكده القبلة معروفة بي جاي والمنبر ده بيجاي أنا بحولوا بي جاي المصلاية دي أحولها بي جاي طبعا كلكم حتقولوا لي دي ما القبلة القبلة بي جاي يا الشيخ بقول ليكم لا القبلة بي جاي حنقعد معاكم في مغالطات أنا عشان أأكد ليك انو القبلة على حسب الاتجاه الوجهتوا او الاتجاه الاتوجهتا ليهو وأنت على خطأ وانا على صواب ودي كرامة من كرامات الأولياء الصالحين البنعتبرها يعني ما فيش انسان بيشك فيها بقوم برفع يدي الشمال دي وبضرب في الهواء كده الجهة الأنا وجهت عليها المصلاية دي بضرب في الهواء بتسمع الصوت وما بترى المضروب (يطرق التربيزة بقبضة يده) الصوت ده شنو؟ صوت الباب باب شنو باب الكعبة المشرفة ودي في الصلاة يعني ما فيش انسان بيشك في الحتة دي أبدا يعني زول بيصلي بينا وقال لينا دي الما قبله يعني زول ولي صاالح وعارفين ليهو الكرامات المعروفة ويرفع يدينو ويضرب في الهواء وتسمع الصوت وما بترى المضروب والصوت بتاع باب ودي صلاة ما في زول بيشك في دي كلو كلو إنو ده ولي صالح ودي بيشملها حديث النبي صلى الله عليه وسلم الحديث القدسي "وكنت يده الت يبطش بها يعني كدي ده المعروف دي كرامة ما بيشك فيهاأي انسان دي كرامة من كرامات أولياء الله الصالحين الذين لا خوف عليهم ولا هم يحزنون ومهم أنا القدامكم ولا عندكم شك في الكلام ده؟ (الجمهور يضحك) ده ما موضوعنا.

    كيف تعلمنا السحر وأين تعلمنا السحر تعلمناه في داخل السودان وخارجه شيوخنا كانوا من الهند ومن نيجيريا ومن المغرب هاجرت من بلدي القاعد فيها جنوب دارفور منطقة برام هاجرت وأنا صغير لأتعلم القرآن وأحفظه وأكون ولي من أولياء الله الصالحين الذين لا خوف عليهم ولا هم يحزنون ده الهدف بتاعي ما هدفي أمشي أتعلم لي سحر ولا كلام فارغ ماشي أحفظ القرأن وأكون ولي صالح ده الهدف بتاعي كنت صغير فهاجرت لمنطقة داخل السودان اسمها طوال جنوب رهيد البردي قرأت على شيخ بيقولوا ليهو احمد البقجي من كبار الشيوخ الموجودين في البلد دي ومن الأولياء الصالحين على حسب فهم الناس تتلمذت عنده وتمرحلت في التلمذة من طالب أي مهاجر طالب القرآن في بلدنا بنقول ليهو مهاجر من طالب صغير لي شيخ الخلوة لي شيخ الحلقة شيخ الخلوة مسؤول عن الخلوة شيخ الحلقة مسؤول عن مجموعة الحلقات كلها بتنطوي تحت يدك فتمرحلت حتى تساويت مع شيخي قال لي أنا وانت ما بنقعد محله واحدة لازم نفترق ليه قال شيخين ما بقعدوا في منطقة واحدة لازم واحد يتحول يكون في مكان تاني وانت تساويت معاي فأنا بصعدك تمشي لي شيخ أكبر مني تتلمذ تحتو عشان تصل بعد داك يصعدوك.

    ده وصلت فيهو شيخ الحلقة حولني للتاني تتلمذت عندو وده في الجنينة المنطقة الحدودية السودانية التشادية تتلمذت علىشيخ هناك اسمو القاسم ده أكبر من داك تتلمذت معه ثم تساويت معه فقال لي أنا بصعدك تخرج من السودان انشاء الله وتمشي غرب منطقة حدودية بين تشاد والنيجرالمنطقة الشمالية غربية زي الركن ده تمشي هناك لي شيوخ اكبر مننا بدرجة الأوتاد تمشي هناك تتعلم ويمكن تصل درجة الوتد طبعا بتسمعوا الاسماء الزي دي مراحل شيخ تلميذ صغير شيخ الحلقة شيخ بعد ده تمشي تتلمذ تكون وتد الأوتاد الأوتاد الجبال أوتادا يعني بثبتوا الأرض تتلمذت وصلت أني بثبت الأرض المنطقة الكنت فيها مثبت ليهم الأرض لو ما كان أنا كان غتست بيهم (ضحك من الجمهور) دي حتة ده تدرج ثم من الوتدية تخش خلوة تتخرج قطب من الأقطاب الأقطاب الأربعة ما في زيادة الأقطاب دايما أربعة الأوتاد كتار والنقباء كتار والنجباء كتار لكن الأقطاب لأنوا بتقسم ليهم القبل الأربعة مافيش قبل خمسة القبل أربعة جنوب شمال شرق غرب ما في قبله في الوسط يعني خامسة لا تكون مسؤول عن جهة معينة والأقطاب ديل عندهم جلسة الحضرة النبوية ودي بنوضحها ليكم انشاء الله جلسنا مع النبي صلى الله عليه وسلم ثم عندنا جلسة الحضرة الإلهية جلسة مع الله سبحانه وتعالة وبنوريكم الحاجات الحصلت لينا فيها عند الجلوس ده كلو خلاصة المسألة تدرجت ومشيت المنطقة ديك صعدوني وبقيت وتد فالشروط التي شرطت علينا ويشرط على كل انسان في الطريقة أو في الطرق أنك تتلمذ لي شخص من الشيوخ تخدمه خدمة عمياء تكون بين يديه كالميت بين مكفنيه أو مغسليه ما تعترض ما يكون عندك حجة ما تكتر الكلام ما تسأل ما تعترض فتنطرد وبجيبوا ليك مثل حي ومقنع على حسب جهلنا مثل مقنع والمثل ده حقيقي هو لكن كلمة حق الذي يراد من خلفها الباطل يجيب ليك مثل حي ويقول ليك شوف ماتعترض ولا تسأل بس أعمل زي ما يوجهك الشيخ لو قال ليك أقع في النار دي تقع فيها لو اعترضت بتنطرد وما بتصل دايرين نوصلك توصلوني وين نوصلوك رب العالمين تكون الانسان الكامل صاحب الكشف مكاشفي ما معنى مكاشفية تكشف لكم الحجب تمشف لك الحجب ترى اللوح المحفوظ تتعامل مع اللوح المحفوظ ترى النبي صلى الله عليه وسلم يقظة ترى الله عند جلسة الحضرة النبوية وتتحدث معه ويتحدث معك ده تراه وانت من الخواص انتو ديل عوام ما حتشوفوا الشغلة دي وما بتصلوها لازم الانسان يكون في خاص بنعلمك علم الاسرار علم اليقين حق اليقين عين اليقين علم المكاشفات ونعلمك العلم اللدني ده يختلف من علم الظواهر عندنا في الشريعة ظاهر وده علم السر علم الاسرار علم الباطن وعلم الباطن حق أحق من علم الظاهر ودليلنا في ذلك دليل شيوخنا العلمونا دليلنا في ذلك قصة الخضر مع موسى قصة مشهورة عارفنها الناس كلها.

    موسى لمن دار يصاحب الخضر قال ليهو طبعا بعد الخطبة طبعا المسألة دي انتو عارفنها أنحنا عاوزين نختصر لأنو ده الدليل في كلام جاي خطورة الكلام الجاي بيفرض علينا نقولوا الكلام ده لأنو في أشياء خطرة جدا حتواجهنا وحنتكلم عنها لسان حالكم لو ما سألتوني بيقول ليه لو عارفو ده باطل سويتو ليه الكلام البتسوي فيهو ده أي انسان مقتنع أنو باطل انت ده سويتو ليه طبعا ده السؤال بعدين حيكون كده أنا أديك الدليل عشان بعدين ما تسالني السؤال ده بيقول ليك الخضر وموسى عندما صاحبه موسى وماشين في الطريق شافوا ليهم باخرة ولا سفينة ولا مركب المهم أشروا ليها عشان تقيف أشروا ليها قالوا ليها أنحنا دايرين نركب معاكم عشان ماشين البلد الفلانية قالوا ليهو كويس عندكم قروش قالوا ما عندنا طيب مجان شالوهم وماشين في الطريق في البداية اعترض الخضر على موسى قال ليهو ياخي العلم العندي ده انت ما بتتحملوا وما بتقدر تصبر عليه قال ليهو انشاء الله بصبر عليهو قال ليهو طيب اذا كان مشينا معاك سويا ده بالكلام العادي يا جماعة لو مشينا معاك سوية ما تسألني من شئ حتى أنا أحدثك عن الكلام ده ده دليل خلي بالك وما تسأل شيخك حتى يحدثك هو ما تسألني عن شئ حتى أنا أتكلم ليك عن الشئ ده الحصل ده لزومو شنو وليه أنا فعلتوا ده كان اتفاق الخضر مع موسى قال ليهو كويس انشاء الله قاموا ماشين سويا ركبوا السفينة قام بقد فيها موسى قال ليهو الناس ديل شالونا مجان ودايرين يودونا بي غادي القدة دي حتغرق الناس ديل حنغرق كلنا ياخي انت بتعمل الكلام ده ليه قال ليهو شوف انا ما قلت ليك انت علمي ده ما بتقدر عليهو أخير تسكت قال ليهو ياخي معليش نسيت سكت خلاهو ده معناهو اعترض وتاني لو اعترض مرة تانية ولا تالتة حينطرد بيقول ليك ما تبقى زي موسى وانت بتلقى بتبقى شعرة في صدر موسى يقول ليك ما تبقى زي موسى لآنو موسى اعترض فانطرد طيب التانية قطعوا بيغادي ونزلوا ماشين في قرية الخضر لقى ليهو واحد شافع صغير بلعب مع الشفع مسكوا كتلوا قال ليهو يا شيخنا ده كلام ما ببقى ذاتو ياخ ده نفس بريئة كيف تكتل ليك انسان برئ و طفل كمان قال ليهو شفت أنا قبيل اتكلمت معاك وقلت ليك انت ما بتقدر تتحملني قال ليهو ياخي بعد ده لو تاتي سالتك ليك الحق ترفضني قال ليهو طيب استثناهو مرتين المرة التالتة مشوا لي قرية وجوعانين كانوا دايرين ياكلوا طلبوا منهم أكل الناس بقوا بخلاء قال ليهم ما عندنا اكل نديكم ولا بناكلكم مشوا لقوا ليهم حيطة مايلة قعدوا في ضلها الخضر شاف الحيطة المايلة دي قعد يبني فيها موسى عفويا قال ليهو هسع لو طلبت كان حاجة كان أدوك مقابل هذا البناء حاجة دي على الأقل ناكل بيها ولا نشتري لينا بيه حاجة ناكلها قال ليهو هذا فراق بيني وبينك بعد ده خلاص بعد ده تاني ما حنصاحبك طبعا القصة مشهورة عندكم ده دليل لي عدم الاعتراض لانو موسى شغال بالعلم الظاهر وموسى ده رسول أما الخضر نبي في واحدين قالوا الخضر ده ما نبي قالو الخضر ولي صالح لا الخضر نبي من الأنبياء لأنو أوحي اليه طيب الخضر شغال بالعلم الباطني العلم اللدني وموسى شغال بالظاهر القتل وبتاع دي كلها جرائم في الظاهر أما في الباطن ما هو جريمة ده بيدرجنا بعدين شوية حنخش في متاهات يستدلون بالاشياء دي كتير من الناس يقول ليك اذا كان لقيت الشيخ بيشرب في خمر ولا مريسة قاعد يشرب فيها بالنسبة ليك انت بتاع الظاهر مريسة لكن بالنسبة للشيخ الواصل شنو بيبسي كولا (الجمهور يضحك) لأنو واصل ( الجمهور يضحك) أيوه في حقك انت حرام أما في حق الشيخ لا حلال يرتكب جريمة الفاحشة مع احدى النساء يقول ليك الشيخ ده بيحل البركة في المرة دي بعدين ذريتها كلها بتطلع صالحة دي بالنسبة ليك انت زنا وده ما الشيخ ذاتو دي روحو الشيخ غرق غرقان في المرة دي غرقان الغرق بنعرفوا في الموية لكن الغرق بيغرق في النساء شوفوا الضلالات دي وبعد ده الناس تقتنع بالمسائل الزي دي أي جريمة يرتكبوها هؤلاء عندهم ليها طريق بيستدلوا بيها عشان يقول ليك ديل ناس واصلين ناس بيعلموا الغيب ناس وصلوا لله سبحانه وتعالى الأشياء البعملوها دي بيعرفوها هم وانت كزول بسيط ما بتعرف فيها شئ ودي كرامة من كرامات الأولياء الصالحين لأنو بتعاملو مع رب العالمين مباشرة هو البقول ليهم أعملو الأشياء دي طيب تتلمذت لهذا الرجل بهذي الأسلوب عشان أنا ما أفتح خشمي أسألو ما أعترض فانطرد وكل شئ زي ده بجينا بعدين ده الدليل بتاعو لآنو بعدين بنخش في متاهات ما أنزل الله بها من سلطان طيب تتلمذت لهذا الرجل لأكثر من خمسة سنوات ما سألتو في شئ على الاطلاق في اشياء محتاج ليها أسالو وما سالتوا وللآن في أشياء أنا ما عرفتها ولكن كثير من الاشياء وراني ليها هو بعد ما تتلمذت ليهو خدمة ليهو هو خاصة ما ليها علاقة بالدين خدمة ليهو هو يرسلك يشغلك تغسل تعمل أي شئ يوجهك تعملو سافر ارجع قول للناس ديل كده المهم تستسلم ما تنطرد لأنك داير توصل.

    خلاصة المسألة جاء يوم التصعيد قال يا ابني انت والله ما شاء الله خدمتني كثير وحق علي أن أوصلك طبعا الوصول ده لي وين لي رب العالمين بعد ده أن أوصلك وكان في قطب من أقطابنا مات وما صعدوا انسان يكون القطب الرابع هم طبعا أربعة مات منهم واحد والباقي ثلاثة فما فيش انسان بيستحق في الحتة دي الا أشخاص معينين من ضمنهم أنا صعدوني أنا للشغلانية دي قال لي يا ولدي طبعا أنت عارف قطبنا الفلاني توفى ولابد الحتة دي نسدها نسدها بقطب وأنا ما شايف في الناس القاعدة انسان بيستحقها غيرك أنت فأنا بديك طريقة أسلوب بتصل انشاء الله قلت ليهو طيب وده كان هدف سامي لأي انسان عاوز يوصل لله تعالى أو يكون ولي من أولياء الله الصالحين على حسب مفهومنا كناس جهلا خلاصة المسألة قال لي في طريقة بتاعت الوصول ودي ما بنديها الا الناس المخلصين الزيك وانت اخلصت عشان كده انت خلاص وصلت باذن الله قلت ليهو انشاء الله كنت فرح جدا وكنت اعتقد فعلا انو الانسان ممكن يصل لله رب العالمين وممكن يجلس مع الرسول صلى الله عليه وسلم يقظة ما نوم بالمناسبة حي وكنت أصدق أني أنا يوم من الأيام سأذهب إلى الله سبحانه وتعالى وأرى الله سبحانه وتعالى وأتكلم معاهو ويتكلم معاي ده على حسب فهمي لآنو عندهم أسلوب يدخلوا فيك الكلام ده وبتقتنع بالكلام ده زي الخزعبلات الكثيرة الآن بنسمعها عند الناس والناس تؤمن بها على حسب الجهل وعلى حسب بعدهم عن تعاليمهم الدينية أنا اقتنعت بالكلام ده قال لي يا ولدي أنا حأصعدك وبديك ذكر الذكر ده تختار منو الحاجة الدايره الذكر ده هو من القرآن قال لي بختار ليك سور وآيات اختار من السور دي أوالأيات ياتو سورة أو ياتو سور مجموعة داير تتعبد بيها أو ياتو آية أو ياتو آيات انت بتختارها. اختار لي مجموعة من السور ومجموعة من الآيات فاخترت خمسة آيات توجد في القرآن كل آية فيها عشرة قاف موجودة الآن في القرآن ده هذه الآيات الخمسة عندها خمسين قاف قال لي اخترت عظيم قال لي طيب با ابني اخترت عظيم ودي بتوصلك لله سبحانه وتعالى أنا كنت خايف أنك ما تختارها لكن الحمد لله اخترتها قلت ليهو كويس قال لي دي عندها طريقة سرية بيقرو بيها طريقة سر الآية مثلا بتسمع ياسين وسرها الواقعة وسرها آية الكرسي وسرها فلانة وسرها ده سر للايات دي من ضمن الاسرار بتاعت هذه الآيات تقرأ بها قال لي بنوريك كيفيات واختار منها وراني أكتر من عشرة كيفيات لكن بختصر ليكم في تلاتة عشان نختصر الموضوع ما فيش حوجة للعشرة كلها نذكرها نذكر ليكم منها تلاتة من ضمن الاسرار التي تقرأ بها هذه الآيات كالآتي: الأول أنك الآية دي تحشوها سندويتش همبرغر ومش عارف وبصل وبتاع عشان بعدين تاكلها كيف مثلا خلينا من الآيات دي لو اخترت البسملة تحشوها كيف بتقول بسم الله دي طريقة بسم الله بحق النبي صلى الله عليه وسلم بحق جبريل وميكائيل واسرافيل وبحق سهسوب مهمهوب طهطهوب وبسعد بابيل قددبابيل الرحمن بحق عيسى وموسى وابراهيم الذي وفى وبحق جبريل وميكائيل واسرافيل وبحق شمهروش وصكعكع بعبع سلعلع الرحيم بنفس الطريقة بتلقىالبسملة دي اتمطت بقت طويلة اتمطت حشيتها حشو ياهو دي السندويتش القبل شوية بقول فيهو حشيتو جوة بنفس الطريقة دي تخش بيها خلوة حنشرح الخلوة دي طريقة اولى الطريقة التانية تقراها عكس الكلمات كيف تقراها بعكس الكلمات مثلا بسم الله الرحمن الرحيم لو داير اقراها بسرها ابدلها بدل بسم الله الرحمن الرحيم أقراها الرحيم الرحمن الله بسم الرحيم الرحمن الله بسم الرحيم الرحمن الله بسم الرحيم الرحمن الله باسم شفت من الأخير للأول وده تبديل وتحريف وتزوير صاح ولا ما صاح لو اسمك محمد علي احمد لو قلت اسمي علي احمد محمد مزور ولا ما مزور والله يلمو فيك ناس الشرطة ما يدوك راحة فكيف بالله واسماء الله بسم الله الرحمن الرحيم تقراها الرحيم الرحمن الله بسم وده تزوير وتبديل لكلام الله سبحانه وتعالى يا ويلك لو قرات هذه البسملة عنوة بهذه الطريقة لكن ممكن تقول بسم الله براها تقول الرحيم براها ممكن تقول باسم الله براها لكن تقراها عنوة بالعكس يا ويلك وحتخش في متاهات ما انزل الله بها من سلطان وحيستدرجك الشيطان ويدخلك في عالم الجن والروحانيون وانت ما قدرهم ديل ناس خطيرين جدا دي الطريقة التانية الطريقة التالتة بعكس الحروف ودي أخطر طريقة يتعامل بها هؤلاء المجرمون الذين يدعون علم الغيب بيشتغلوا بالطريقة التالتة الأخيرة دي لآي آية ولآي سورة بيشتغلوا بالطريقة التالتة دي اللي هي عكس الحروف بيعكسوا الحروف كيف مثلا كلمة بسم الله لو عكست حروفها بتكون ها لا لا ما سا با هللا مسب هللا مسب (يكررها) شوف الليل كلو بتدخل الخلوة الليلة الأولى والتانية وإلى والعشرينية والتلاتينية بتهلهل وبتسبسب الليل كلو كلام بالشكل ده شوف الشغلانية دي تعكس الحروف دي كلمة بسم الله شوف البسملة ديل من بسم الله الرحمن الرحيم اذا كان عكست حروفها بتدي شنو شيف الفاتحة والاخلاص وغيرها من سور القرآن لو بدلت الحروف دي وعكستها بيجي كلام ما انزل الله به من سلطان بيجي اسماء من اسماء الجن والروحانيون و عالم آخر وانت ما عارف بيقول ليك دي سرها بيقول ليك ده السر بتاع الآيات والسر بتاع السور دي تلاتة طرق نتكتفي بالتلاتة طرق دي طيب بعد ما يدربك على واحدة من ديل تختار انت واحدة من ديل بعد ما تتفق معاهو ويدربك عليها أي سورة حتى البقرة ممكن يدربك عليها معروفة يدربك عليها ويقول ليك بعدين حتدخل بيها خلوة الخلوة يعني شنو ده كلام بنقولوهو انحنا الفقراء الشيوخ الفقراء أبونا فلان الشيخ فلان الخليفة فلان بنقول ليك الشيخ دخل الخلوة دي عندنا في الطرق بتاعتنا الخلوة الخلوة معناها شنو معناها الاعتكاف تعتكف في محل تتعبد فيهو لله سبحانه وتعالى مجرد تتجرد عن كل مشغولية تتعبد والاعتكاف موجود في السنة موجود كما يعتكف النبي محمد صلى الله عليه وسلم في العشرة الاواخر منقطع للعبادة في المسجد لكن الاعتكاف انحنا ما في المسجد لا تعتكف بعيد من المسجد ومن الناس كيف تعتكف وكيف انا اعتكفت؟

    تعتكف تمشي منطقة بعيدة من المنطقة الانت فيها طبعا نظامنا ناس القرى ما زيكم ناس المدينة لا عارفين القطاطي بتاعة ناس القرى دي فبتقوم تبعد من المنطقة الانت قاعد فيها دي اتنين كيلو كيلو ونص تلاتة كيلو بتبني ليك قطية هناك ما عندها شباك ولا عندها حتة تقفل كل الأضواء المسامات الصغيرة دي تقفلها لانو ما دايرين اي ضوء جو هناك وبتجي تخش خلوة وبتقلها وبتتعبد أنا بنيت واحدة زي دي وقال لي انت اخترت لآيات دي قلتلو نعم قال لي طيب دربني عليها قال طيب وقبل ما تفرض على نفسك بعد ده بتجي انت تفرض على نفسك العدد البتقعدوا في الخلوة دي تتعبد لله الأعداد كم هي تلاتة شهور ويوم واحد واحد وأربعين يوم واحد وتلاتين يوم واحد وعشرين يوم وحداشر يوم ادا قلت المدة بطيل القراءة اليومية يعني كل يوم موزع تقرا فيهو عدد كده اذا قلت المدة بتطيل القراية كتيرة واذا طالت المدة بقل العدد بتاع القراية انا اخترت من الاعداد دي واحد واربعين يوم وقبل ما اختار حذرني قال لي شوف يا ولدي الاعتكاف ده ما تفتكرو انك انت حتتنعم بما لذ وطاب من الأطعمة انت في الاعتكاف ده ما حتاكل اي شئ لا عندك أكل تاكل وتشرب الأسودين المعروفين اللي هو الماء والتمر وهل كمية تكفي لا محدودة ليه محدودة لانك انت زاهد ما داير في الدنيا ده شي مطلقة طلاق تلاتة النعم بتاعته دي انت ما دايره ما سمعتوا الفقرا اتقسموا اللالوبة ومش عارف النبقة والاكلوا القرض ياهو انحنا لكن معليش عشان نحنا اكلنا تمر ما اكلنا قرض طبعا بتعرفوا الشغلة دي الكلام ده ليهو اصل بالمناسبة وفي ناس شغالين بيهو في ناس بخشو في ناس بخشوا في الحتات دي وبيقول ليك انحنا ما دايرين اي نعيم من نعيم الدنيا ناكل القرض المر ده في ناس بيقولوا زي ده لكن ديل بيختاروا المده القليلة لأنو القرض ما بخليك تعيش المده الطويلة لكن البلح حتعيش مدة طويلة جدا تلاتة شهور تكون قاعد تاكل في البلح ما بتموت لكن اي شى تاني ما بغنيك الا اللبن واللبن ما بجيبوا ليك هناك اللبن ده ممكن تعيش بيهو اكتر من زمن لكن غيروا الا التمر والماء ممكن تعيش بيهو على كل قال لي انت اخترت الواحد واربعين يوم ايوه نعم شوف ما تختار الواحد واربعين يوم اختار القليل ليه قال لي لانك انت تاكل في اليوم تلاتة تمرات في الصباح منتصف النهار والمساء في الاكلة الواحدة تمرة واحدة تمر بجي من العراق نوع ضخم كبار بيمشي يختار ليك العدد انا اخترت واحد واربعين جاب لي مية تلاتة وعشرين بلحة فقط دخلها جوه في الخلوة البنيتها دخل لي فروة للصلاة ياتو صلاة واحدة اول يوم تاني ما في صلاة لانو ما فيش عبادة داخل عبادة أيو طيب دخل لي الفروة دخل لي ورق عشان بعدين بحتاج ليهو الورق ده (يخرج رزمة ورق صغير من جيبه) الورق ده وكان فاضي ما فيهو اي شي بقطعو وبختو جنبك بعدين بتحتاج ليهو فروة ورق موية معدودة بالكباية تمر معدود بالعدد وتجي تخش هنا قال اختار عدد اقل قلت ليهو انا مصر على الواحد واربعين يوم بتتحمل قلت ليهو ايوه بتحمل لانو كنت شاب قال لي خلاص اخترت حاجة عظيمة اخترت الاختارتو بني اصرائيل بني اصرائيل؟ أيوة الاربعين ومش عارف تاهو شوفوا الناس دي ادلتهم كيف خلاصة المسالة انت حتخش في يوم محدد بتجي يوم بيدخلك الشيخ في الحتة دي والوصاية كالاتي اولا يا ابني ده امتحان من رب العالمين واي انسان ربنا داير يصفيهو ويزكيهو ويدخلو جنتو لابد من يمتحنو دي حقيقة امتحان وامتحان وده امتحان تخش المعركة دي واحذر اذا كان الشغلة دي انت ما قدرها ما تدخل نفسك في متاهات لانك انت اذا كان فرضت على نفسك عدد مية يوم وما قفلت المية يوم ديك جيت طالع حتخسر الدنيا والأخرة حتكون مجنون ومسالة بيخوفوك من الآن بيقول ليك انت اختار الشى البتقدرو وما على كيفك بعد الاختيار والدخول تطلع ده كلو تحذير ليك عشان نت تعمل حسابك وتقلل من المدة.

    أنا أصريت على الواحد وأربعين يوم قال لي انت حتخش واحد وابعين يوم وما حتطلع الا في اليوم الواحد واربعين في صبيحة الواحد واربعين يوم ثم ربنا سبحانه وتعالى في هذه الخلوة بيمتحنك بامتحانين امتحان أول اللي هو الخوف اعمل حسابك يا ولدي ما تخاف ده امتحان كشفتوا ليك ما تخاف ومناسبة الخوف دي اي انسان فينا مجنون ولا عندو صرعة صرعة علي اتنين صرعة في مرض اسمها الماليخوليا وصرعة الجنونية الصرعة الجنونية والمسحور والممسوس ديل كلهم ما بيدخل الشيطان في جسد آدمي الا بإحدى تلاتة طرق أو اربعة طرق بالضبط الطريق الاول الخوف الثاني الغضب الثالث كترة التثاؤب الرابع ما عندك قشة مرة اي شئ بتدخلو في بطنك مريسة بنقو بتاع بتاع بتاع بتدخل بس ديل اربعة طرق البتدخل فيها يعني الخوف احفظوهو عشان الواحد فيكم ما يخاف لآني صاحي تجربة مع عالم آخر عايش معانا في الدنيا دي ومخلوق قبلنا عالم الجن والشياطين أنا كنت شغال معاهم سبعتاشر سنة والمثل بيقول اسال مجرب ولا تسال طبيب والله الذي لا اله الا هو عالم قاعد معانا في الدنيا دي وانحنا ما جايبين ليهم خبر شفتوا وشغال معاهم سبعتاشر سنة أملك تحت يدي برئاسة سهسهوبي ميتين ستة وتمنين جن ديل انا املكهم على يدي برئاسة رئيسهم سهسوبي للآن بعرفوا وبعرف الآخرين والنائب بتاعو ونائب النائب وفي واحد برضو محتال عاوز يدخل الحتة دي عشان يكون النائب الاول (الجمهور يضحك) على كل ده التحذيرات التحذير الاول الخوف يا ولدي ما تخاف التحذير التاني يا ولدي الملك ده .. البجيني ملك؟ ايوه نعم ملك كيف؟ قال ملك اسمو شنو قال ملك بوريك اسمو لكن من الملائكة الروحانيون الروحانيون ملائكة قال ايوه نعم الروحانيين ديل ملائكة هم ما ملاكة عظام وأرفع من الانس ربنا بيخلق الملك عشانك انت بس يجي يخدمك اسمه الروحاني ده المصطلح الدخلونا فيهو المعركة يعني بيقول ليك ملك سبحان الله وربنا قال : ويوم يحشرهم جميعا ثم يقول للملائكة أهؤلاء اياكم كانوا يعبدون قالوا سبحانك انت ولينا من دونهم بل كانو يعبدون الجن وأكثرهم بهم مؤمنون" قالوا لينا ديل ملائكة هل يجوز انو نعبد الملائكة لا الملك ده الله بيخلقوا ليك اسمه الروحاني ومع العلم شوف الروحاني ما هو ملك الروحاني زعيم زعيم من الجن ما يخدعم واحد مستهبل معسول الكلام يقول ياخي انا بتعامل مع الجن المسلم ما باذي لي انسان احذر من الكلام ده ده سليط ده شيطان من الانس يوحي له واحد شيطان من الجن شياطين الانس و الجن يوحي بعضهم إلى بعض زخرف القول يزخرف ليك القول ده كده يقول ليك والله انا شفت ما باذي لي انسان وبتعامل مع الجن المسلم عندي الروحانيون المسلمون ده مستهبل ما يدخلك في الورطات دي اعمل حسابك تاكد انو ده شيطان من الانس الله قال انو الانس ذه فيهو شياطين ده واحد منهم وربنا قال شنو في الآية رقم مية واتنين من سورة البقرة: " واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما انزل على الملكين" الى آخر الآية الشياطين من الانس بتدخلك في شياطين الجن وبيعلموك السحر وبنفس الاسلوب ده أنحنا علمونا الشغلة دي شيوخ ليهم باع والله يشار اليهم بالبنان أولياء صالحين ليهم كرامات وأنحنا ذاتنا بقينا أوليا صالحين ولينا كرامات في هذا المعترك شفت كيف؟
    وفي خلاصة المسالة عالم جن وشياطين بتضلل في الناس والجنون فعلا و الشياطين الشيطان وعد ووعده معروف عندكم وعد الله يضللنا وفعلا ضللنا الا من رحم الله على كل الشيخ بيطمنك انو ما تخاف ثم الامتحانات التانية وافق عليها يا ابني شفت كلمة وافق عليها دي مشكلة رهيبة جدا وافق عليها واحد من الشروط حتنفذوا قدامو بديك مجموعة بتاعت شروط حتنفذ واحد منها قدامو والباقيات عند اللزوم يعني متى احتجت لي خدمة يخدمك بها على حسب كلامو هو الملك اذا كان داير خدمة يخدمك ليها الملك ده بجيب ليك شرط من الشروط دي أساسا الشرط ده في علم الظاهر حرام وبطال وما ممكن لكن انت خرجت من علم الظاهر دخلت في علم الباطن العلم اللدني حق اليقين عين اليقين شاعرهم موجود الآن في بلدنا هنا وفي داخل العاصمة بيقول في الكلام ده شنو؟ : وعلم الحقيقة من أباح بسره للغير ـ انتو ديل غير أنحنا العارفين علم الحقيقة لكن انتو ديل ما عارفين شي جهلا ـ وعلم الحقيقة من أباح بسره للغير أهدر ماله بعد الدم لم يستطع موسىالكليم لخضره صبرا عليه فكيف بالمتعلم... ده واحد من المستهبلين ده زميل لينا قال بيت الشعر ده شوفوا الشغلانية دي آه بيعتبر ده علم حقيقة وعلم الحقيقة ده أنا ما مفروض اتكلم ليكم بيهو ليه لآنو مفروض تقطع الرقبة دي ويصادر المال لانو علم حقيقة انتو ما حتقبلوهو وحتنازعوني فيهو واذا كان في سلطة حتنازعني فيهو وحتصفي دمي وصدق الشاعر ده وهو مستهبل لكن صدق في كلامو ده ليه لأنو واحد منهم يوم اباح بعلم الحقيقة أهدر دمو بتعرفو الزول ده منو عارفنوا منو محمود محمد طه أيوه ده شغال بعلم الحقيقة لانو رفعت عنو شنوالصلاة بعدين نحن جايين لموضوع الصلاة ترفع عنك دي في طريقنا انشاء الله اليها خلاصة المسالة بيقول ليك ده علم حقيقي يعني انت الكلام البيشرطوا ليك ده الملك ده اساسا ملك هو البيشرطو ده وافق وافق الموضوع موضوع امتحان بس شوف موسى حاسب الخضر لا طيب ايهما افضل من صاحبه موسى هو كليم الله ومن الخمسة أولوا العزم ليه ما يحاسب ده هم بيقول ليك ده ولي صالح ليه موسى ده لكن الولي الصالح ده عندو العلم اللدني لكن ده دجل يوم يقول ليك ده ولي صالح ده دجل ما هو ولي الخضر نبي ما هو ولي صالح فقط هو صالح لكن نبي أعلى من الولي الصالح العادي بيقول ليك شيف ده ليه ما حاسبو ليه موسى سكت قتل موسى ما يحاسب عليهو وهو رسول ما يعقل لآنو موسى أدرك أن هذا الرجل علمه الله سبحانه وتعالى علم من عنده وهو ما عندو لآنو موسى لمن خطب في بني اصرائيل ذكرو ليهو قالو ليهو انت في زول اعلم منك قال ليهم ما في ما قال الله اعلم عشان كده ربنا خبرو قال ليهو في زول أعلم منك فدي القضية كلها.

    خلاصة المسالة انت وافق الموضوع موضوع امتحان موسى سمع الكلام ده وقبلو بعد ما فسر ليهو الخضر الكلام والموضوع موضوع امتحانات حتى لموسى ذاته وذاتو ربنا اراد بيها تذكير لموسى لانو الخضر يوم داير يفارق موسى موسى سالو يا عبد الله بماذا توصيني قال ليهو اوصيك على الا تلوم احد يعني ما تلوم ليك زول ليه لئلا تلام قال ليك ما تكتر اللوم للناس عشان انت ما يلوموك والنبي صلى الله عليهو وسلم ما لام احد اذا حصل شي بيقول قدر الله وما شاء فعل قال ليهو بماذا توصيني قال ليهو اوصيك بالا تلوم لئلا تلام قال ليهو كيف ليه السبب شنو قال ليهو يا موسى لمتني لأني قديت السفينة لئلا يغرق اهلها قال ليهو نعم قال ليهو أنسيت يا موسى يوم وضعتك امك في الماء وحفظك الله نسيت الكلام ده يا موسى.. ها... قال ليهو لمتني على أني قتلت نسفا بغير نفس أنسيت يوم أن قتلت أحد من شنو من أل فرعون وقلت رب اغفر لي فغفر لك أنسيت الكلام ده قال ليهو لمتني على اني اقمت الجدار بغير اجر أنسيت يوم أسقيت الاغنام لابنتي شعيب بغير اجر أنسيت الكلام ده يا موسى خلاصة المسالة انحنا ده ما موضوعنا موضوعنا انك انت توافق على الشروط دي أنا وضحت الحتة دي ليه لآنو حاخش معاكم في شروط ما في زول بيقبلها ابسط ناس ابسط انسان هنا بيقول لي ياخي الكلام ده ما غلط ليه انت بتقبل بيهو عشان كده دي ثغرة سديناها انشاء الله لأنو ده الدليل ودي الشعلة الاقنعونا بيها وانت ذاتك اذا كان كنت في مرحلتنا ديك وبجهلنا ده حتقتنع بالكلام ده والآن في ناس مقتنعين بالكلام ده خلاصة المسالة بعد ما جهز ليك الأشياء دي كلها داخل الخلوة الورق ووصاك بالتوصية دي ووصاك بالا تخرج حتى اليوم الآخير وبجيك الملك واذا كان سلم ليك ما ترد ليهو الا في الرابعة وانت ما بتسمع الالف واللام بتسمع همس بي تحت ثم من بعد عليكم يعني بتقول السلام عليكم لا الملك بيقول ال (همهمة) عليكم بتسمع شئ تحت وبعد ده عليكم انت ما بتقول وعليكم السلام لانو السلام ده هو الله مش كدي لكن في جماعة بيقولوا لي رب العالمين في الصلاة اللهم انت السلام ومنك السلام وعليك السلام غلط كيف تفول لله وعليك السلام انتو ما عارفيناللغة العربية دي ما قلتو عرب تقول يا الله عليك السلام الكلام ده غلط هل في ذكر زي ده كذي فتش الكتب دي اللهم انت السلام ومنك السلام وليس اليك السلام ده غلط فبقول ليك قول ليهو وعليكم شوف كلمة السلام ما ينطقها بس وعليكم في الرابعة دي كلها تجهيزات لدخول الخلوة طيب جهزنا لدخول الخلوة العدد معروف من الماء والتمر دينا دخلنا وبتدخل في يوم من الايام في حتات أنا ما بشرحها كتيرة عشان الناس ما تتعلم الشغلة دي وتخش لان المسالة فيها فكة ( الجمهور يضحك) فيها فكة عشان كده في أشياء أنا ما بوضحها .
    خلاصة بجي الشيخ في يوم من الايام الاسبوعية هذا اليوم لا يعود الا في الشهر الجديد بيكون آخر يوم مسمى بالاسم ده في الشهر ده الشهر العربي معروف ايام الاسبوع فلان وفلان وفلان اليوم ده اصلو ما بجي تاني الا في الشهر الجديد الايام دي بتتكرر في الاسبوع في الشهر اربع مرات اي اسم ليوم بتكرر اربعة مرات الجمعة بتتكرر اربعة مرات او خمسة مرات وهكذا اليوم ده معروف ما بتكرر الا في الشهر الجديد وتخش بالليل جدا الناس نامت تب وبتجي بيدخلك الشيخ وبعد ما دخلك بيقفل البيت وبيقول ليك احذر انت بعد ده بقيت في خطورة جدا اما انك تثبت وتنفذ الكلام القلنا ليك ده وتكسب الدنيا والآخرة تكون ولي في الدنيا والآخرة وتذلل لك الصعاب كلها وتكون من أصحاب الكرامات ومن أقطابهاوتكون جلسة الحضرة النبوية وجلسة الحضرة الالهية وغيره وغيره تشجيعات كتيرة جدا بخليك انت تثبت وتخش عشان تصل خلاصةالمسالة جه دخلني في نفس الليله ودخلت جوه بعد ما دخلت جوه وصاني تمام وكرر لي الوصاية اللي كان مكرر واداني العدد الذي اذكره يوميا بالليل وبالنهار حتى يأتي الواحد وأربعين يوم بعد ما دخلت ومرق بره وقفل البيت قبل ما يطلع قال لي شفت الفروة دي تصلي فيها ركعتين تقرا فيها الفاتحة والكافرون والفاتحة والاخلاص ضوف الزول ده وبعد ده تبدا الدعاء ده وتصلي كيف بعد ما انت خشيت جوه تملص ملابسك امك ولدتك تختهن هناك وانت شنو عريان امك ولدتك وتقوم تصلي بتقدر تصلي ركعتين وتفقس (الجمهور يضحك) الشغلة دي ما صعبة خلاص آه تصلي عريان أمك ولدتك ليه عندهم الدليل دليل الكلام ده شنوبيقول ليك ياخي خلي انت براك هنا والخلوة دي مقفلة عليك والدنيا ليل ياخي انت الكعبة دي قبال الاسلام ده الناس ما بيطوفوا بيها عريانين صحي ولا ما صحي صاح الكلام ده صاح والله الكعبة دي الناس بيطوفوا فيها عريانين امهم ولدتهم لكن جا الاسلام وقال الرجل يتهزم ويربط ليهو طرحة من فوق لبس الاحرام الناس الحجو طيب ده ذاتو ما عريان بيقول ليك ده عريان ده اذا كان وقع والحتة دي فكت تفتكر انوعريان ولا ما عريان ايوه نعم عريان طيب ده لبسوا الادوهو هنا ده الاسلام جابو ليه لانو في ناس من حولو بيطوفوا بشوفو عورتو لكن انت هنا مقابل رب العالمين البشوف عورتك منو جوه البيت ده ومقفل عليك طبعا ما في طيب ياخي انا ما استحي من الله انت تستحي من الله ايوه نعم طيب ياخي تفتكر انت لو جابو ليك الهدوم بتاعت الدنيا كلها لفوها بيك كدي آه لفوها بيك مرة واحدة غطوك مرة واحدة تفتكر انو عورتك لله ما بتتشاف؟ شوف الدليل ده عورتك عند الله ما بتتشاف؟ تتشاف طيب ياخي انحنا دايرنك تتجرد من كل شئ تقابل رب العالمين زي ما امك ولدتك انت ولدوك عريان ولا منكسي ولدوك عريان مرة ولا راجل ولدونا عريانين لكن معليش انحنا عندنا شيوخ ولدوهم منكسيين منو فيهم في شيخ بسموهو ابو فركة سمعتوا بالشيخ ابو فركة ابو فركة ده قالوا شنو قالو امو ولدتوا ملتف بي فركة قلت ليهم والله ده ما شيخ ده عريس انو البتلف بي فركة ده عريس اصلو زمان لمن كنا عرسان بلفلفونا بالفركة على حسب عاداتنا لكن ده يطلع من بطن امو عريس ده غريب جدا جدا ومرتو منو سؤال بيطرح نفسو قالو في زول سبحان الله شوفو الدجل ده وناس مقتنعة انو زول بطلع من بطن امو وملتفي بي فركة الفركة دي ذاته دخلت هناك كيف الدخلها هنا منو (الجمهور يضحك) آه سبحان الله وبرضو الناس تقتنع بهذا الدجل بالمناسبه ده شغلنا بنعرفوا من اين تؤكل الكتف وبنعرفوا الاكاذيب بتاعو تماما لانو المثل بيقول ليك اسال مجرب ولا تسال طبيب خلاصة المسالة انت بتصلي ركعتين عريان امك ولدتك وفي ذكر بدوك ليهو ما دايرين نقولو للافتتاح ثم تبدا الذكر اللي هو قبيل ذكرناه واحد منهم بتبدا الذكر اليوم الاول كذا اليوم التاني اليوم التالت الرابع الخامس إلى آخر يوم.


    آخر يوم في يوم واحد وأربعين أنا ذكرت ليوم واحد وأربعين بالليل جدا وفي الزمن داك ما كان عندي ساعة ولا بعرف ساعة بالليل جدا اعتقد انها بعد الساعة اتناشر واحدة اتنين تلاته جاني سهسهوبي ده ماشي سهسوبي ده الزعيم الرئيس للمجموعة بتاعة الجنون دي ده الرئيس الآول طبعا سهسوبي ده في حقيقة الأمر ما هو ملك زعيم روحاني كلمة روحاني اذا اطلقت للجن معناهو زعيم الزعيم الازهري لمجموعة الناس الزعيم الفلاني لمجموعة بتاعة أيوه ده زعيم اسمو الروحاني ما يقول ليك الروحاني ده ملك لا الروحاني زعيم من زعماء الجن له مجموعة تحتو انت يوم تبدل كلام رب العلمين ده ربنا بتخلى عنك لأنو الله قال كلام في حديث قدسي للرسول صلى الله عليه وسلم حديث قدسي قال هو أغنى الشركاء عن الشرك فمن عمل عملا اشرك فيه معه غيره تركه وشركه والله ما بكضب اي عمل تعملو لله اشركت فيهو اي شي آخر ربنا بتركك طوالي للشئ الانت اشركتو بيهو انت غيرت بدلت كلام الله ربنا تركك لعالم الجن والشياكين يتلاعبون بك فانت جاني انا الزعيم الزعيم الروحاني اللي اسمو سهسوبي وما كنت اعرفو وده بجيك كيف لكل من قرينين قرين من الملائكة وقرين من الجن وتؤكد ليك سورة قاف قرناءك الاثنين: " وقال قرينه هذا مالدي عتيد" ده المحضر ده التحري ده الكلام الكتبتوا عن عبدك ده يا رب العالمين" وقال قرينه هذا مالدي عتيد" عيتو ليهو من الكلام السواهو في الدنيا كلو ده قرينك من الملائكة القرين التاني " قال قرينه ربنا ما أطغيته لكن كان في ضلال بعيد" ده قرينك من الشياطين ديل تلقاهم في سورة قاف أمشي أقراها من أولها لآخرها بتلقى فيها الآيتين ديل موجوده فيها يبقى هذا السفيه عندما يجئ طبعا هناك حذروك من الخوف والجن في بعضهم أطوع من الانس للانس يعني شنو في الجامع ده لو عندنا رئيس وواحد مننا خالفو ممكن يحكم ليهو بالسجن أو بالجلد أو بالغرامة لكن الجن لا لو واحد مننا تابع لجن معين اذا أخطأ ما بحاسبك بديل بحاسبك بالقتل لأنو الجن زعامات والمانع فيها بستولى على الضعيف أي جن بحافظ لمجموعتو ما تفر منو أي واحد منهم شق عصا الطاعة يقتل حتى لا يكون قدوة للآخرين يفروا منو وتضعف قوتو ويجو الآخرين القوى غصبا عنو اذن يامر واحد منهم انو يشتغل مع زول يمشي طوالي ومكره هو ليه لآنو خايف من الموت والحساب من الزعيم اذن بيخدم الشيخ ده بكل ما يطلبو منو الشيخ اذا الشيخ نفذ شي من الشروط بتاع الجن ايو طيب يجي مكره أول ما قال ليهو امشي شوف الشيخ ده عاوز شنو فلان ده عاوز شنو بيقول ليهو شروطك بيقول ليهو شروطي واحد اتنين تلاته اربعة خمسة شارطو بالشروط دي بوريها ليهو بعدين حنحكيها طيب اذا كان مشيت ليهو ولقيت الزول ده ما قدر الشغلانيه أقل منها ارجع تعال ما قدر يتحملك تعال خلو دي هي الدايره تعال خلو دي اذن أول ما يجي قبل ما يظهر ليك عشان يتعامل معاك وتتعامل معاهو بيعمل ليك بالبروفات بتاعة الخوف ده الخوف الحذروك منو أول ما يجي بسال منو بسال قرينك بتخاف من شنو انت انحنا قاعدين نخاف من اشياء صغيرة مش الاشياء الكبيرة لا الاشياء الصغيرة دي الضفدعة الحرباء العقرب وغيرها من الحشرات أنا كنت بخاف من شنو بخاف من شي بيقول ليهو الاربعة واربعين عندو جنبتين بتاعة كرعين كتاره بجاي وجاي اسمو الاربعة واربعين ما عارف انتو ناس الخرطوم بتقول ليهو شنو اربعة واربعين كنت بخاف منو شديد جدا جدا بخاف من الاربعة واربعين دي أكتر من العقرب أنا الآن العقرب بمسكها ما بتعمل لي شي لو قرصتني ما بتعمل لي شئ سبحان الله حكمة من الله لكن ما عندي شئ وراء الكواليس لا ما سحر (الجمهور يضحك) ما بتعمل لي شئ هو من الله سبحانه وتعالى من الصغر ما بتعمل لي شي يعني لو في عقرب هنا بمسكها ما بتعمل لي شي حتى لو قرصتني ما بتعمل لي شي من الله سبحانه وتعالى (أحد الجمهور يقول كرامة والمحاضر يضحك) بارك الله فيك خلاصة المسالة ان بعد ما جاك وسال قرينك الشيخ ده بخاف من شنو والله الشيخ ده بخاف من الضفدعة انا حاذكر الاشياء المعروفة لناس الخرطوم طبعا الرؤوس دي شايفها لحم راس في ناس من خارج الخرطوم وفي ناس منها لكن نتكلم عن الاشياء البعرفوها ناس الخرطوم الضفدعة مثلا انت بتخاف من الضفدعة قبل ما يتعامل معاك ويوريك انو هو الملك الفلاني داير يخوفك وتجن ويرجع للزعيم بتاعو يقول ليهو الزول ده ما قدر يتحملني ترفع عنه التكلفة دي مهمتو مكره اذن بفتش لذريعة عشان ترفع منوالتكلفة أول ما تاكد انك بتخاف من الضفدعة في لحظة من اللحظات الكلام ده بالليل جدا الساعة واحدة اتنين بالقديم مش بالجديد وانت ماشي.

    خلاصة المسالة بين اليقظة والنوم ماك نايم وماك صاحي صحيان كلي شغلة زي الجنونية وفعلا هي جنونية بتشوف انا شفت شنو أول ما جاتني اللحظة دي غمضت وفتحت عيوني بشوف ام اربعة واربعين دي هناك ماشة انت بتخاف من الضفدعة بتظهر ليك كيف بتجيك اللحظة دي وبتفتح عينك بتشوف انك انت ما في الموقع الكنت فيه القطية ولا الاوضة ولا الكهف لا زي الانسان النايم وحلمان بيشوف نفسو في وضع آخر نفس الطريقة بتشوف نفسك في وضع آخر وفجأة بينك وبين مدينة معينة بتشوف حركة بعيدة بتاعة مدينة وفي ساحة بينك وبينها في ناس بيلعبو كورة ناس بيشتغلو شغلة معينة في الوسط عشان يبدا ليك الخوف انت بتخاف من الضفدعه فجأة بتشوف الضفدعة هناك والضفدعة ياليتها الضفدعة القدر الكفة بتاعتي دي انتو عارفين الضفدعة قدريشينها الضفدعة البتشوفها في اللحظة دي وانت صاحي قدر الحافلة اربعة وعشرين راكب شي ضخم جدا جدا وياريتها بس قدر الاربعة وعشرين راكب وهناك غادي غادي غادي لا بتوريك البيان بالعمل يبقى الناس البيلعبوا بالكورة دي حتقوم هاجمة انت متوقع انو الضفدعة دي بتاكل في واحدين يتوقعوا انو الحرباء دي أو العقرب بتشوف العقرب قدر القندران الضنب بتاعه قدر العمود ده ضخم جدا جدا بتشوف وبتسمع شوف وسمع وكمان بتلمس أحيانا لو ميت يدك ولمست بني آدم قدامك بتلمسوا بني آدم عادي وأحيانا الحجات دي بتظهر الدم بجي بنقط في ملابسك الضفدعة دي القدر الحافلة الاربعة وعشرين راكب بتنط وتقع في الجماعة البلبعوا البلهوا ديل بتاكل واحد بتقطع رقبتوا وبتشوف بتسمع شايفو وبتمضغ في راسو بتسمع العضام بي أضانك وشايفو ياهو ده الزول والجماعة ديلك قامو الهستريا الهرج والمرج وجروا ونطت وقعت في واحد آخر فرجختوا سواوتو مع الارض وأخر جرى قطعت بنطلونو وداك ما عارف شالت طاقيتنو وداك عمتو جزء فيها الهرج والمرج وبتنضف الساحة دي تمامه وبتلفت يمين وشمال ووراء وقدام ما بتشوف زول بتشوفك انت قاعد في الساحة دي الكلام ليك يا مخدر عينيك الموضوع جاك بعد ده شد حيلك بتنطط من هناك تجي تقيف ليك جنب أقرب من العمود ده وبتفتح عيونه الكبار ديل بتتلفت يمين وشمال ما شايفها ليها شي وبتدنقر تشوفك انت ده شنو ده ايوه معناهو انت ما بتتكلم معاك لكن لسان حالها بيقول المقصود أنا لآنو الساحة دي نضفت وبعد ده ما يهو انت شد حيلك اما انك تشتغل بكلام الشيخ وتصبر على الصدمة الاولى والا فتشهق وتخاف ويدخل فيك الشيطان وتجن رسمي وشعبي حتكون مجنون رسمي فعلا صدقوا تخسر الدنيا والآخرة خسرانك للآخرة بالشرك القعدت تعبد بيهو الله سبحانه وتعالى ده والدنيا أصبحت مجنون يعني الاتنين خسرتهن أول حاجة انت عقلك سليم وقعدت تدعو بالشرك واشركت بالله سبحانه وتعالى حتى دخلت في المرحلة دي والشى التاني خسرت الدنيا لانك اصبحت مجنون لا استمتعت بدي ولا بتلك واذا كان صبرت بتغير والمشهد ده مشهد رهيب.

    أنا واحد من المشاهد في دخول الخلاوي أنا دخلت أكتر من مرة في دخول الخلاوي من ضمن المشاهد البذكرها واحدة من ديل كنت ماسك عدد معين بتسمع اي طريقة عندها عدد معين أنا ماسك العدد ده في دخول الخلوة ظهرت لي ذبابة ضبانانيه عادية لكن ضخمة صغيرة خضراء في سكره قطعة صغيرة مربعة للآن بتخيلها مربعة قاعدة تاكل في السكرة دي الذبابة نازلة جنب السكر وخاته لسانها بتاكل فيهو جات حرباء ماشة بي مشيها البطي ده لقطت الذبابة بي لسانها بلعتها الحرباء ماشه جه كديس الكديس من طبعتو ما بياكل الحرباء ولا بياكل الضفدعة لكن ده كديس من نوع غريب أكل لي الحرباء دي الكديس قاعد بيمرمغ في الحرباء وبياكل فيها لغاية اخر الضنب جاء كلب كبس الكديس في محلو ده أكلو قاعد بياكل فيهو في الاجزاء الاخيرة جاء نمر ارقط عيونو حمر طوالي اعتدى على الكلب ده أكلو أول حاجة مسكو من رقبتو هنا فهقو الكلب واقع والدم سايل وبتسمع فيهو بياكل وانت شايفو بي عينك دي والدم مرات من بيطير الدم في ملابسك ياهو الدم ذاتو شي رهيب قاعد النمر بياكل في الكلب جاء اسد بتربص ويتربص زي تربص الكديس بالفار فره وكبس ليك اسمو شنو النمر ده في محلو الفره دي انت بتفر فيها وانحنا كناس متعودين على الحشرات دي لانو انحنا هناك في الخلا متعودين على التماسيح والبتاعات دي لانو عايشين في الخلا زمان كان الاشياء دي موجودة عندنا ناسنا كان بكتلوهو بالحراب بنتحمل الشغلة دي شوية لكن انتو والله يا ناس الخرطوم عييناتكم البشوفهن ديل الله اعلم تعرفوا لينا حاجات زي دي دي ما بتتحملوها (الجمهور يضحك) آه ما بتتحملوها انا لقيت زول والله العظيم العقرب سكتو هو واسرتو كاملة من البيت عقرب صغيرونة والله صغيرونه جدا جدا يوم شافوها الكواريك والصواريخ قامت واك واك واك العقرب العقرب العقرب جو طالعين وهو جه طالع لابس سروالو بس كان الكلام ده مع الصباح والمرة طالعة بالفستان بس والعيال جنبهم يا العيال اجروا بسم الله ده شنو أنا ذاتي خفت الناس ديل مالهم حرامي قال لينا ابدا ده ما حرامي شنو (بصوت مرتعش) عقرب قال لينا عقرب لا اله الا الله محمدا رسول الله عقرب؟ قال لي عقرب يازول دي كان سكتك ضربتك المقابر با زول المقابر ده راجل ده راجل لا اله الا الله والله لوما خفت الله بقول للمره دي والله حقوا الراجل ده تطلقي انت بتاخدي ليكي مرة زيك انتي دايره ليكي راجل بيحميكي ده راجل يحميكي لكن خفت من الكلمة دي خشيت جوه يا زول ما تخش يا زول ما تخش ياراجل ما تتقي الله ياجبان قال لي انت داير الموت موت شنو ياخي الله كان ماكاتب لي خشيت جوه العقرب وين العقرب لقيتها في مخده وكان في هوا قال لي هو قاعد برا فاتح لي الباب بس قال لي شفت المخدة ديك انحنا شايفنها مشت ليها يازول والله يوم انا ماشي للعقرب دي هو برجف كدي بعد ده مشيت للعقرب وفعلا لقيتها تحت الاسمو شنو ومسكتها عصرتها أول حاجة بي قطعة كده العقرب بالمناسبة بتضرب بي ضنبها ( الجمهور : بالشوكة) عصرت ضنبها ده تحت ومسكتها من شوكتها يوم رفعتها زي ده صرخ صرخة انا قلت بموت فيها (الجمهور يضحك) قلت ده كلام ده ياخوانا ده كان شاف المشهد داك بتلقى روحو ماتت خلاص ده بموت مرة واحدة مشهد قاعد الاسد بياكل في الشغلة دي جا فيل الفيل ده مسك الاسد من ضنبو ولفاهو لفاهو رفعو فوق وضرب بيهو الارض الاسد اتمطى طويل والفيل من طبيعتو ما بياكل اللحوم لكن ده فيل من نوع غريب كمان شنو مسك الاسد ده بياكل فيهو رفعو كده وختاهو في خشمو قبل ما يختوا في خشمو شفت ضفدعة من هناك بعيدة كان حجمها زي الكلب كل ما فرت فرة واحدة بتبقى لي اكبر وماشة وبتبقى اكبر يوم جات هنا وصلتني انا وصلت محل الفيل بقت أكبر من الفيل بلعت الفيل وأسدو وضبانتو والبتاعات دي كلها مشهد والله ما يتحملوا الا قليل كلنا في المسجد ده رجال لا مش رجال ضكور في المسجد ده ضكور مانا رجال لكن الرجال قليلين ضكور لانو لابسين عمم وبتاع ضكور اما الرجال الله اعلم والضكور ان من الحمير لضكور ومن الاغنام لضكور ودي كلها ضكور لكن ضكور لو حصلت حاجة زي دي هسع من الاشياء البنعرفها في تعاملنا مع عالم الجن والشياطين لو الواحد ما فيش مجال كلو كلو للكلام الداير اقولو ده لآنو الدخول في عالم الجن عشان يعملو حركة معينة تثبتها للناس شرك بالله ولو جن مسلم لو في جن مسلم الآن داير انا اطلب منو خدمة معينة قلت لي واحد جن مسلم عارف انا عارف انو في جنون مسلمين لو داير جن مسلم ونحنا الان في مسجد وانحنا مسلمين وانت مسلم دايرك تعمل لي حركة عشان الناس يقتنعو انو في المسجد ده في جن الحتة دي ما حيخدمني الجن المسلم ده الا انا اشرك بالله يعني ادعو دعاء معين بيفرضوا علي ادعوا الدعاء المعين أنا بخدمك حيعمل صوت هنا زي صوت الرعد الله اعلم بعد شوية بنقيف الرجال قليلين بنبقى ضكور بس الناس كلها بتفر من الحتة دي واحدين بالشباك وواحدين بي وين مش عارف خلاصة المسالة نرجع لموضوعنا انت الصدمة الاولى دي اذا كان تحملتها باقي الصدمات خفيفة حتتحمل التانية والتالتة والرابعة لانو كل مرات حتتشكل ليك بطريقة.

    واخيرا لو خفت بتجن ولو جنيت الجماعة بره حارسنك لانو ده اليوم بتاع التصعيد بسيتدعوا ليك ناس من دول تانية أنا الحتة الكنت قاعد فيها في ناس جايين من نيجيريا وواحدين من المغرب وواحدين من الجزائر وواحدين من ليبيا وواحدين من افريقيا الوسطى وتشاد ونيجيريا والنيجر وتوغو وساحل العاج ده مجموعة بتاعة ناس ولانو في تصعيد بتاع القطب الرابع اذن كل الناس ديل عندهم خبر بانو في المنطقة الفلانية في زول مؤهل للشغلانية دي جو آلاف الناس منتظرين اليوم بتاع الافتتاح ده أو اليوم بتاع التخرج عشان يوم تجي تخرج الناس بتجي تاخد البركات والننفحات والأشياء البتسمعو بيها نمشي نتبرك بالشيخ نمشي ناخدوا لينا نفحات نمشوا ناخدو لينا بتاع المسائل الزي دي ناس جو للبلد ديل كلهم منتظرنك انت يبقى انت بختوا ليك الكلام ده في راسك ما تفشل الحتة انت بتعمل حسابك ليها لكن لو بقيت قلبك طاير بتخاف وبتخسر الاتنين طيب اذا كان ما خفت المرة الاولى والتناية والتالت والرابعة اخيرا بتشكل ليك من جزئين أكبر من الكديس وأقل من الكلب من جزئين الجزء ده من هنا وفوق (يشير لراسه) امرأة جميلة جدا جدا جدا جدا جمال فعلا بتاع جنون ما جمال بتاع آدميين أي سهسوبي ذاتو ورا بتتاكد منو هو شنو دايما بكونو ذكور من الرقبة دي وتحت دايما بيكون حيوان فرس سمكة اي حيوان من الحيوانات البتعرفها بتلقاه من جزئين من هنا وفوق بطريقة ومن هنا وتحت حيوان بعد ده بتسمع عليكم همس عليكم همس عليكم اربعة مرات تقول ليهو وعليكم بعد ما قلت ليهو وعليكم قال لي انا الملك سهسوبي الذي خلقني الله من أجلك ,ابشرك ببشارة من الله سبحانه وتعالى ربنا قال قد غفر لك ما تقدم من ذنبك وما تاخر وأتم نعمته عليك وأصبحت من أوليائه الصالحين الـ لاخوف عليهم ولاهم يحزنون الآن رفعت عنك التكاليف الشرعية اذا كان دائرة التكاليف الشرعية دي اذا كان عملت اي عمل من الاعمال الكنت تعملها اوفرتايم يعني زيادة خير اذا كان ما عملت انت ما محاسب ليه لانك اشتريت نفسك من الله سبحانه وتعالى بهذا الدعاء وبهذا الذكر اشتريت نفسك من الله سبحانه وتعالى كنت عبدا والآن أصبحت حرا كنت عبدا لله وبذكرك الكتير ومخافتك لي الله واعتكافك وطلاقك للدنيا والشغلة السويتها دي اشتريت نفسك من الله سبحانه وتعالى فاصبحت حر ما محاسب على أي شئ رفعت عنك التكاليف الشرعية واصبحت من اولياء الله الصالحين أصحاب الكرامات تدعوا الله اي دعاء انشاء الله يستجاب في الحين دي البشارة البشرني بيها سهسوبي الآن بقيت من أولياء لله الصالحين الذين لا خوف عليهم ولا هم يحزنون ورفعت عنك التكاليف الشرعية اي شي عملتو زيادة أجر ما عملتو لا عليك انا اتباشرت خير لانو ده ملك من الملائكة ويجي يبشرني بكلام زي ده اعتقدت انو صح وده كلام صحيح وفعلا انو ده ملك وبنفس الصورة دي قال لي غمض عينك غمضت عينيقال فتحها فتحتها قال لي ارفع راسك في السما رفعت راسي في السما قال لي شفت شنو قلت ليهو شفت الحروف الابجدية الحروف الابجدية شنو الف با تا ثا جيم حا خا دال الى الياء كلها مكتوبة باللون الاخضر في السماء من أول السما لآخر السماء تلقى الحرف الباء من أول السما بي جاي زي قوس قزح بتعرفو قوس قزح من أو السماء لآخر السماء بتلقى على يمين الحرف طلسم الطلسم ده بلغتنا انحنا الفقراء بنقول ليهو الخاتم (يخرج ورقة من جيبه عليه رسومات نجمة سدادسية وخماسية وطلاسم اخرى) بتلقى طلسم من هؤلاء الطلاسم أو من غيرها دي مش بتشمل كل الطلاسم الموجودة في عالم السحر والدجل والشعوذة البسووها الجماعات البدعو انهم من اصحاب الدين وانهم من اولياء الله الصالحين طلسم من ضمن الطلاسم دي الحروف الابجدية التي تراها في السماء طلسم واحد من الطلاسم دي بتشوفو على يمين الحرف وعلى شمال الحرف بتشوف رقم معين كما في طلسم تلاته في تلاتة الموجود جوه هنا تلاته في تلاته وفيهو ارقام جوه الارقام دي لو جمعتها باي زاوية او عموديا أو أفقيا بديك العدد خمستاشر ما معنى العدد الخمتاشر لابسنو انتو ساكت كدي العدد خمستاشر معناهو شنو والا انت لابس ليك شي ما عارف اولو ولا آخرو الطلسم ده شرك كفر بالله ده طلسم أو خاتم بت ابليس لعائن الله عليه أي انسان لابس ليهو خاتم بالطريقة دي الليطلعو اذا كان خاتم بتاع طبعا الراجل ما ممكن يلبس ليهو خاتم بتاع دهب اذا كان خاتم بتاع فضة وبهمك امرو امشي وديهو للصايغ خلي يمسح الكلام ده خليهو عادي البسوو مافيهو شي لكن ما تبيعو ولا تهدي طلعو من يدك بنوريك سر الشغلانيه دي وما بنوريك ليها بالتفاصيل عشان تمشي تخش في مسائل كبيرة جدا اكبر منك أحسن ليك تطلعو دي انحنا عارفين الشغلانية دي.

    بيقول ليك ارسم كل حرف في ورقة واكتب الاشياء الموجودة في الحرف حرف واحد تلقى فيهو اكتر من كذا طلسم حرف بتلقى فيهو طلسم واحد واحد اتنين واحد تلاته وكل طلسم بتلقى فيهو ارقام جوه وبتلقى فيهو كتابات جوه ده مهمه الورق ده القبيل كان ذكرناهوده المهمة بتاعتو يبقى انت حتجي ترسم الطلسم الاول وبتضع فيهوالاشياء الموجودة الحرف الاول بتضع فيهو والتاني والتالت والرابع حتى نهاية الحروف كلها بتجمعها في وريقة زي دي ده بقول ليك حتحتاج للشغلة دي بعدين في المستقبل يعني جيتني داير ليك شغل معين حنرجع للشغلة دي بننادي سهسوبي طبعا عندنا شفرة بنوريكم ليها بنادي سهسوبي جاني الزول ده داير الشغلة الفلانية نعمل ليهو شنو بقول قول ليهو انا بنرقد ليك بالخيرة بعدين تعالني الجماعة البقول ليك برقد بالخيرة ده والبفتح ليك الكتاب والبجر ليك السبحة بدردمها كده وبيديك ليها شيل واحدة ولا بجيب ليك الكتاب يخت قلم ولا ابرة ولا بتاع ولا يقول ليك برقد ليك في الخيرة ديل ياتم ديل ديل الترزية؟ ولا السواقين؟ ديل ما ناس مولانا فلان وفكي فلان ديل العن ناس والله الذي لا اله الا هو ديل اذا كان مشيت ليهم بيشملك واحد من حديثي النبي صلى الله عليه وسلم ديل كهنة ديل عرافين وحديث النبي صلى الله عليه وسلم بيقول ليك شنو " من أتى كاهنا أو عرافا فصدقه فقد كفر بما أنزل على محمد صلى الله عليه وسلم" لكن انت ماك مصدقو جاك واحد عزيز عليك مسؤول كبير محتاج ليهو صديق معرفة بتاع قال ليك ياخي ارحك لي شيخ حامد قال والله برقد بالخيرة قال بفتح الكتاب قال بسوي الفلاني بسوي الرمالي قارئة الودع قارئ الفنجان قارئ الكف ديل كلهم وبعدين الجرايد بتاعة الابراج برضو داخله في الحته دي المنجمون داخلين في الحته دي قال ليك ياخي ارحك لا لا والله شيخ حامد ده كذاب ودجال وزول بعمل الطلاسم وبعمل المسائل دي وبشوف ليك الخيرة ده كضب ودجل ما هو كويس ما ماشي ياخي عليك الله ارحك معاي ياخي معقول ياخي ياخ انا ما عارف بيتو ياخي ده زول كذاب انت مكذبو مكذب الشيخ الفلاني لانو هو بسوي الشغله دي كذاب لكن مخاطرة لي ده انت مشيت ليهو مشيت معاهو لم تقبل منك صلاتك اربعين يوم ده الحديث الاخر حديث صحيح في مسلم والله الله ما يقبل منك الرسول ما بكضب والله الله ما يقبل منك صلاتك اربعين يوم انت المكذبوا مش انت المصدقو المصدقو كفرت بما انزل على محمد صلى الله عليه وسلم وده حديث قالو النبي ما قلتو انا ابدا ده قالو النبي صلى الله عليه وسلم بعد ده انت اختار وديل بنوريك ليهم بنكررهم ليك تاني فاتح الكتاب والبرقد ليك بالخيرة والوداعي والرمالي قارى الفنجان والانثى قارئة الفنجان والانثى والابراج وديل كلهم شاملهم الحديث بتاع النبي صلى الله عليه وسلم الاول ولا التاني تمشي ليهم اما انك مصدقو وكفرت بما انزل على محمد صلى الله عليه وسلم واما انك مكذبو ودخلت في الحديث الآخر لم تقبل منك صلاتك اربعين يوم ياويلك لو مت في الاربعين يوم دي يكون ختم ليك بسوء الخاتمة ولاعمال بالخواتيم واحذر لانوالانسان بيعمل في الخير كده ده حديث ده ما نصو لكن فيما معناهو الانسان يعمل بعمل اهل الجنة حتى لايكون بينه وبين الجنة الا ذراعا فيسبق عليه الحديث فيختم له بالسوء ويدخل النار وبالعكس عشان انت الحتة تعمل حسابك منها ما تخاتر ليك زول تمشي معاهو لي ديل كلهم وخاصة يعني الناس احيانا بخشوا في ورطة الواحد عندو مال سرقوهو عربية قيمة جدا ميتين تلتمية مليون او دهب او دولارات جو الحرامية بالليل هددوه ولا غيرو وسرقوه منو هو ما عارف اصبح لقى الحجات دي ما فيها ده بمشي بشتري الدنيا بالاخرة بمشي لواحد زينا كده شغال بالشغل ده قالو الشيخ الفلاني في المحل الفلاني والله بوري محل المسروقة وين بتمشي ليهو عشان يرجع ليك مالك ده بتمشي ليهو عشان يوصف ليك الشغله دي بتمشي ليهو عشان ... وهو صادق تجيني أنا ايوه مرحب يا فلان انت جاي من البلد الفلانية وسرقو دهبك الكده سرقوا دولاراتك سرقوا عربيتك البيضاء نمرته كده اليوم الفلاني في المحل الفلاني وانت نايم وكذا وكذا بوريك الكلام ده كلو صاح ماني كضاب الكلام ده كلو صاح وبقول ليك امشي الآن وشيل ناس الشرطةو امشي البد الفلانية المنطقة الفلانية المقابر الفلانية البيت الفلاني امشي بتلقى الحاجة دي سوق معاك ناس الشرطة بلاغك عندك ايوه نعم امشي الحتة دي وتاني تمشي تلقى الحاجات دي موجودة غنمايتك مسروقة أيوه بتمشي تلقاها في الحتة الفلانية وبتمشي تلقى كلامي ده كلو مية في المية صح ما هو كضب ده كلو بتلقاهو ميه صح اثبت ليك البيان بالعمل وده كلو بالقاهو ما هوكذب واكتر من كده بقول ليك انت اسمك فلان الفلاني ابوك الفلاني زوجتك الفلانيةاولادك الفلانيين بناتك الفلانيين أكلت كده وشربت كده امس عملت كده وهسع قبل شوية كنت قاعد تعمل كدي يبقى اثبت ليك علم الغيب ولا لا أيوه واكتر من ده أحيانا شي انت خشمك ده ما تكلم بيهو انا بعرفو خشمك ده .. جوه هنا زي ما قبضوا واحد في عهد الحجاج بن يوسف قبضوا واحد كان زميل لينا سابقا قبلنا قبضوهو في الشارع قال ليهو ده ساحر ما ساحر قال ليهو انا ما ساحر ياخي انا والله بس بتعامل مع القرناء آه تتعامل مع القرناء قال آي كيف قال ليهو والله بتعامل مع القرناء الحجاج بتكلم معاهو براحة شال ليهو حصى بي جاي كباهو في يدو وعداهو وكباهو قال ليهو اسمع انت بتتعامل مع القرناء قال ليهو آي ده شنو شافو كده قال ليهو ده حصى آ ده حصى قال ليهو حصى عددو كم قال ليهو العدد تسعتاشر فتحه لقى حصى وعدد تسعتاشر استغرب جدا الحجاج تاني شاغلو شوية بتكلم معاهو شوية تاني خم ليهو حصى كباهو في يدو وقال ليهو اسمع خلي القبيل داك ده شنو شاف كدي قال ليهو ده حصى يازول قبيل انت عرفتو حصى ده حصى قال ليهو ده حصى قال ليهو لعلك كاذب قال ليهو ما كاذب ده حصى قال ليهو عددو كم قال ليهو ما عرفتو قال ليهو ما عرفتو قال ليهو ما عرفتو قال ليهو كيف علمت بالاولى ولم تعلم بالثانية عرفت الاولانية كيف وتلاخيرة ما عرفتها ليه قال ليهو في الاولى سالت وسواسي ليسال وسواسك فسال وسواسي وسواسك بما توسوس به في نفسك فعلم وسواسوك فاخبر وسواسك وسواسواسي بالوسوسة التي توسوس بها وسواسك في نفسك اما الثانية سالت وسوسواسي ليسال وسواسك فسال وسواسي وسواسك فقال وسواسك لوسواسي لم يتوسوس بها في نفسه فلم اعلمها فقال انك ساحر وتتعامل مع السوء فقطع رقبته دي وسوسة وربنا ذكرها في آخر سورة في القران قل اعوذ برب الناس ملك الناس اله الناس من شر الوسواس الخناس الذي يوسوس وين في صدور الناس من شنو من الجنة والناس ايوه يعني انا بنعلم الاشياء دي كيف الاشياء القلتها ليها ليكم قرين وعلم الغيب ده كيف شفرة بتقدم بها لعالم الجن والشياطين البتعامل معاهم وبسالوا لي قرينك وقرينك اعلم بحالك ينقل لي معلوماتك مما مرقت هناك ولغاية ما جيت هنا اسمك وغيرو وغيرو كلو جاهز شفرة بس هنا هو الانسان ياخي بقى محتال ووصل الشفرات دي انا هسع بالموبايل اتكلم مع ايميريكا وانت قاعد هنا جنبي ما بتسمعني صاح ولا كضب؟ كضب ياهو ده الموبايل هسع اطلعوا اتكلم مع اي بلد والله انت ما تسمعني في محلك ده طيب داك سوداجن او موباجن حيتعامل معاي هذا بالاذن ويوسوس لي بكل شي انت عملتو واي وسوسة فيها شتيمة فيها كلام خبيث انا بعلموا وانت ما تكلمت بيها لانو الوسوسة الداخلية الجوه في الانسان في وازعين وازع الخير ووازع الشر وازع الخير فيك بيحركو قرينك من الملائكة ووازع الشر فيك بحركو قرينك من الجن والشياطين أي وسوسة توسوست بها انت بها فيها شر انا بعلمها لانو الشيطان بيسال قرينك وقرينك هو الذي يجري منك مجرىالدم ويوريني يقول لي انو الزول ده وسوس في صدرو قال كده لانو الوسوسة منو هو قال ليهو شتم الزول ده قول ليهو كده الشتيمة دي انا بعرفها لكن كان قلت استغفر الله العظيم الذي لا اله الا هو الحي القيوم هل انا بعلمها ما بعلمها شفتو الشغله كيف اسال مجرب ولا تسال طبيب وما داير اطيل للناس اكتر من كده لانهم قعدوا اكثر من الزمن فانشاء الله نجي نكمل باقي حديثنا ده من الجمعة الجاية ولي غادي بإذن الله تعالى اللهم علمنا علما ينفعنا وانفعنا بما علمتنا وارزقنا علما ينفعنا وعمل يرفعنا اللهم استر عوراتنا آمن روعاتنا وفرج كروبنا اغفر ذنوبنا تول امرنا اسقنا من حوضه شربة لا نظمأ بعدها أبدا آمين آمين آمين والسلام عليكم ورحمة الله وبركاته.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 06:32 PM

Salah Abdulla

تاريخ التسجيل: 15-03-2006
مجموع المشاركات: 3148
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    الأخ محمد

    موضوع شيق جداً ..
    في انتظار بقية المحاضرات ..
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 11:20 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: Salah Abdulla)

    الأخ صلاح لك الشكر وانشاء الله سأضع ما يتيسر من بقية المحاضرات في الفترة القادمة.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 08:43 PM

ismeil abbas

تاريخ التسجيل: 17-02-2007
مجموع المشاركات: 9198
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    ألأخ/محمد عثمان

    ما شاء الله ما تقدر تغمد عينيك...........

    إسماعيل محمد احمد عباس...........
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 09:44 PM

Abdel Aati

تاريخ التسجيل: 13-06-2002
مجموع المشاركات: 32221
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: ismeil abbas)

    الاخ محمد

    ما هو الغرض من هذا البوست الذي يشبه بوست اخونا عصمت العالم قبل اسابيع والذي تراجع عنه ؟؟
    يا اخي اردت و لم ترد انت تسيء هنا لاهلنا في الطريقة التجانية؛ وتساهم في ترويج كذب الوهابية ودجلهم؛ وخصوصا لما ياتي ممن ذكرت عنه التالي:

    Quote: قبل أن أوردبعض محاضرات حامد آدم أود أولا أن أقول أن مصداقية هذا الرجل عندي موضع شك كبير، فحين يتفرغ انسان منذ طفولته لحفظ القرآن والحديث والعلوم الدينية ويتبحر فيها ثم بعد ذلك يكفر ويصبح من عبدة الشيطان ويمارس السحر لمدة سبعة عشر عاما ثم يتوب بعدها ويأتينا داعية ومعلما أقول أنني شخصيا لا يمكنني أن أثق أبدا بإنسان كهذا حتى لو كان صادقا، وأعتقد أن أي انسان له القدرة على التمييز بين الخير والشر، والمبررات التي ساقها لانزلاقه للطريق السفلي وهي قصة موسى والخضر ومسألة لا تعترض كي لا تنطرد وغيرها ليست كافية اطلاقا لتبرير ما فعله، وأنا شخصيا رغم أنني لست من حفظة القرآن ولست فقيها فحين تبين لي قبل زمن طويل من ظهور حامد آدم أن شيخي الذي كان أيضا حافظا للقرآن وعالما بالحديث وينتمي ظاهريا من حيث النسب لبيت صوفي مشهور إنما هو من أتباع ابليس لم أتردد لحظة واحدة في مفارقته دون أن أعمم ذلك على أهل ذلك البيت الصوفي أو الطرق الصوفية بكاملها كما فعل حامد.

    ارجو ان تدعو الاخ بكري ابو بكر لسحب البوست او تغيير عنوانه على الاقل ؛ فما هكذا تورد الابل يا اخي ولا هكذا يكون الاصلاح ...
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 11:32 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: Abdel Aati)

    الأخ الأستاذ عادل عبد العاطي

    بما أن حامد آدم ردد مزاعمه هذه عبر وسائط إعلامية مختلفة لسنوات دون أن أسمع أو أقرأ أي رد عليه من جانب الإخوة في الطريقة التيجانية فالغرض من هذا البوست هو أولا دعوة السادة مشايخ الطريقة التيجانية الحقيقيين للرد على هذا الشخص، وإذا كانت مشيخة الطريقة التيجانية لا تعترف بسلسلة المشايخ الذين تتلمذ عليهم فنريد من الإخوة مشايخ الطريقة التيجانية توضيح ذلك أيضا.

    حقيقة كنت أود أن أضع المحاضرات بصورتها الأصلية المسموعة المرئية لكن خوفي من التعدي على حقوق الجهة التي أصدرت التسجيلات منعني من ذلك، وذلك ليتيسر للجميع رؤية حامد آدم نفسه وسماعه ومن ثم الحكم على حقيقة ما يقوله.

    وأنا أبعد ما أكون من الرغبة في الإساءة للسادة الصوفية الحقيقيين أهل الله أو مشايخ التيجانية الحقيقيين أو مريديها فإنني إذا فعلت ذلك أسئ أولا لجدتي لأمي رحمها الله التي قضت شطرا عظيما من عمرها الذي جاوز المائة عام على سجادتها تقرأ أورادها التيجانية، ولأخيها التيجاني الشريف الزبير الذي كان مستجاب الدعوة بما يذهل العقول واستجابة الدعاء هي الدليل الملموس على الولاية، أو لابن عم جدتي الولي التيجاني الشيخ الشريف محمد الذي كان زاهدا سائحا في الأرض، طعامه القرض الذي يجده من يتناوله من يده بمذاق التمر. فحاشا أن أسئ إلى هؤلاء ولكن إذا كان هناك من السحرة السفليين من أعلن نفسه شيخا من مشايخ التيجانية فيجب أن نعرف الحقيقة أيضا لأن الضرر في هذه الحالة سيعم أمة من الناس.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 10:49 PM

Yasir Elsharif

تاريخ التسجيل: 09-12-2002
مجموع المشاركات: 15701
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    الأخ محمد عثمان الحاج،

    تحية المودة والتقدير..

    مثل هذه القصص والحكاوي منتشرة جدا في الأوساط الشعبية.. الفرق الوحيد أنه يتحدث من موقع المجرب..

    قوله:


    Quote: ده واحد من المستهبلين ده زميل لينا قال بيت الشعر ده شوفوا الشغلانية دي آه بيعتبر ده علم حقيقة وعلم الحقيقة ده أنا ما مفروض اتكلم ليكم بيهو ليه لآنو مفروض تقطع الرقبة دي ويصادر المال لانو علم حقيقة انتو ما حتقبلوهو وحتنازعوني فيهو واذا كان في سلطة حتنازعني فيهو وحتصفي دمي وصدق الشاعر ده وهو مستهبل لكن صدق في كلامو ده ليه لأنو واحد منهم يوم اباح بعلم الحقيقة أهدر دمو بتعرفو الزول ده منو عارفنوا منو محمود محمد طه


    قوله هذا يجعلني لا أتردد في وصفه بأنه جاهل، وربما يكون أيضا كاذب..

    شكرا
    ياسر
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 11:37 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: Yasir Elsharif)

    الأخ الكريم دكتور ياسر الشريف.

    ربما يكون حامد آدم حافظا للقرآن وفقيها لكن معرفته بالتصوف تكاد تكون معدومة كما هو واضح من أقواله هذه والتي ستلي، وناقل الكفر ليس بكافر ولا ادري لماذا أقحم هو الأستاذ محمود محمد طه في هذا الموضوع فهو في كثير من الحالات يتجاوز ويفتي في أشياء لا علم له بها، إذا كان صادقا ومر بتجربة يريد أن يطلع الناس عليها فقد كان الأولى به أن يتحدث عما حدث له و لا يعمم ويتهم مشايخ آخرين كما فعل مع الشيخ دفع الله المصوبن أو الشيخ المكاشفي فهذا خطأ كبير من جانبه.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 11:02 PM

Hatim Salih

تاريخ التسجيل: 26-11-2004
مجموع المشاركات: 643
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    فعلا هذا مع الأسف واقع السودان الحالي ... وهنالك الكثير المثير في تعامل أهل الحضارات الأولى الفراعنة وما يشبه ذلك مع عالم الجن والغريبة خلدوا أعمالهم في رسومات ظاهرة بالمعابد لكائنات غريبة نصفها بشر والنصف الأخر حيوان

    بل أنا شايف أن عجائب الدنيا دي ما من فعل بشر والقران شاهد على تطويع الجن لسيدنا سليمان

    نفس فكرة الخلوة عند مدعى الصوفية موجودة عند الكهنة والأحبار والقسس

    والحكاية أولها خلوة وأخرها ضلالة

    وبيني وبينك أقول الكيزان ذاتهم خاشين فيها :
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
10-02-2008, 11:53 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: Hatim Salih)

    الأخ حاتم صالح.
    مثلي مثل كل باحث عن الحقيقة فقد مررت بتجارب غريبة، وأذكر منها أنه وفي احدى الدول العربية التي كنت أعمل بها التحق بالعمل معي شاب في العشرينات من العمر يبدو عليه أنه من عائلة مصرية مرموقة و بمظهر حسن جدا. ورغم أنني من أعمياء البصيرة لكنني فوجئت في اوائل الأسابيع التي عمل معي فيها بكابوس مرعب جدا لا أظنني رأيت في حياتي أبشع منه وكان فيه هذا الشاب و ابليس أعوذ بالله منه، فأفقت وأنا متأكد أن وراءه شيئا فظيعا، وشيئا فشيئا عرفت منه أنه كان تلميذا لآكبر ساحر سفلي في مصر وقال لي أن أستاذه السابق بخلاف معظم السحرة السفليين يتعامل مع الكينج ـ أي ابليس على حسب زعمه ـ مباشرة و لايتعامل مع جنوده كبقية السحرة! وقال لي أنه وصل إلى أن يتعامل مع أفراد العائلة الابليسية لكن نزاعا نشب بينه وبين شيخه حيث كانا يتخصصان في فتح الكنوز الفرعونية القديمة المرصودة وانتهى الأمر باضطراره للهروب من مصر وأصبح غير قادر على العودة اليها مرة أخرى. ورغم أنني تشاءمت جدا من وجود هذا الشخص معي في موقع عمل واحد رغم أنه زعم بأن تاب لكنني عرفت منه الكثير عن عالم السحرة السفليين وهو ما استفدت منه في تقييم شهادة حامد آدم هذه.

    حقيقة بعد أن فقد التصوف السوداني آخر الشيوخ العظام مثل الشيخ عبد الباقي المكاشفي والشيخ الجعلي والشيخ ود رحمة والشيخ الشايقي وغيرهم وآخرهم الشيخ البرعي، بعد فقد هؤلاء أخشى أن التصوف السوداني يمر بفترة حرجة جدا.

    حكى لي أحد الإخوة هنا في تورونتو بعد أن عاد من اجازته في السودان أنه كان برفقة أحد المشايخ الصوفية الفقهاء والذي اشتهر بالفقه وليس التصوف، حين مر بهم أحد شيوخ الصوفية المشهورين في السودان فما كان من الصوفي الفقيه إلا أن قال لصاحبي أن هذا الرجل عنده سفلي وقال له أنني أستطيع أن أريك ذلك عيانا الآن إذا أردت ورفض صاحبي خوفا! وكانت حجته الظاهرة أن شيخ الطريقة التي ينتمي اليها ذلك الشيخ عاش زاهدا حافيا في حين أنه هو يعيش في ثراء هائل. وقبل أيام اتصلت باحد الإخوة الشاذلية في السودان وسألته عرضا عن ذلك الشيخ المشهو ففوجئت به يقول لي أن ذلك الشيخ متهم بانه عنده سفلي!

    يبدو أن الموضوع خطير جدا.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
11-02-2008, 01:07 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    اعتذر عن الأخطاء المطبعية في نصوص المحاضرات وربما سقوط بعض الكلمات هنا أو هناك ولكن بما لايخل بالسياق:

    المحاضرة الثانية
    حامد آدم
    روحانية الذكر

    ... قبل مواصلة ما انقطع من حديث في المرة الفائتة. المسائل الزي دي لابد نعرف معانيها شنو والقصد منها شنو انشاء الله عشان في النهاية عايزين نربط المسألة دي بالحجبات ونربط المسألة دي بالبخرات ونربط المسألة دي بالمحاية الشغلة الناس بسووها دي. عايزين نرجع في الملف بإذن الله تعالى هناك قصة من الإسرائيليات ولكن من للعبرة انشاء الله نأخد بها أولا يقول الله سبحانه وتعالى في سورة البقرة الآية رقم ماية واتنين :
    {وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ }البقرة102

    ربنا .. ربط لينا القصة بتاعة السحر و المشاكل دي بي موضوع سليمان وده الموضوع الدايرين نشير إليه انشاء الله المسائل الزي دي. قيل والله أعلم في قديم الزمان كان سيدنا سليمان يصلي أو يسجد لله سجدتين كل يوم بعد النهاية بتنبت شجرة في موضع السجود فبسألها سيدنا سليمان من أنت ولماذا خلقت؟ بتقول الشجرة أنا الشجرة الفلانية وخلقت من أجل كذا وكذا.. سليمان بيأمر اللي كان معاه من الجن ومن إنس أن يكتبواالكلام ده حتى أتى يوم من الأيام فسجد سجدتين فنبتت شجرة فقال لها من أنت فقالت أنا الخروب فقال لها سليمان لماذا خلقت فقالت خلقت من أجل أن أخرب هذا المسجد فقال لها سليمان هل يخرب هذا المسجد وعلى أين أمر أن يكتب هذا الكلام وأمر أن تقطع هذه الشجرة ثم أخذ منها عصا فقيل والله أعلم قابل ملك الموت فقال له متى أجلي فقال له الله أعلم فقال له اذا أخبرك الله سبحانه وتعالى أخبرني قال ليهو ليه قال ليهو قال ليهو من أجل أن أثبت أنو الناس من قديم الزمان أنو الجنون ده بيعلموا الغيب لأنهم بيسترقوا السمع عشان كدي الجنون ده بيعلموا الغيب فدنا أجل سليمان فأتاه ملك الموت فأخبره بعد ما أخبرو فقال سليمان للجن ابنوا لي بيت من قوارير بيت الزجاج القزاز بتاعنا ده أمر الجن وسليمان كان يعني بيملك الجن فأمرهم أن يبنوا بيت من قوارير بيت من قزاز ليتعبد فيه فبنت الجن بيت القوارير أي بيت القزاز فدخل سليمان ممتلكاته بما فيها الكرسي الذي فتن فيه:" ولقد فتنا سليمان وألقينا على كرسيه جسدا..." إلى آخر الأية عشان يدخل يتعبد فيهو بعد ما بنى الجن أو بنو الجن بيت القوارير وأدخلوا ممتلكات سليمان فدخل سليمانالبيت وقال للجن ما فيش واحد فيكم يدخل علي هنا لآني داير أعتكف وأتعبد لله سبحانه وتعالى برة هنا ابنوا لي عمارة وبعد ما تنتهي العمارة ارفعوا لي تقرير وبوريكم تعملو شنو لكن ما فيش واحد يدخل لي هنا ده محل بتاع تعبد فدخل سليمان والجن من برة بنت البيت العمارة بنتها وجاء المهندس بتاع الجن لسليمان رافع التقرير فقال لسليمان العمارة دي انتهت رايك شنو نعمل شنو بعد ده فنهض سليمان وكان متكئ على العصا وقف ونظر إلى العمارة ونظر إلى العماؤة ثم نظر إلى مهندس الجن اللي هو رئيس الجن ومهندسهم الرفع التقرير ولم يتكلم معه وكانت النظرة نظرة حادة ومخيفة للجن فارتعد المهندس بتاع الجن ورجع للجنون وقال ليهم سليمان اليوم غضب غضب أصلو ما غضب قبلو الرجل ده قام وشاف العمارة وما عجبتووما تحدث معاي ما تكلم معاي يبقى الراجل ده زعل وسليمان الليلة زعلتو دي كان طلع ما بخلي فينا نفاخ نار أحسن العمارة دي نكسرها لآنها ما صالحة لو صالحة كان نضم أو أدى أي إشارة نظر لي نظرة أصلو قبل كدي ما نظرها لي فقامت الجن هدمت هذه العمارة في لحظة مافي كسرتها وغير المهندس الخريطة لعمارة أخرى غدا تبنى وده الحصل كذلك رفع التقرير اليوم الثاني والثلث والرابع وكل ما يمشي لسليمان سليمان كان واقف ماسك العصا وبشوف للجن وما بتكلم معاه والجن بخاف وبرتعد أكثر من اليوم اللي قبلو والمسألة طالت قيل والله أعلم الجن بنت في سنة قمرية تلتمية وأربعة وخمسين عمارة كل يوم بعمارة وهدموا تلتمية تلاتة وخمسين عمارة إلا العمارة الأخيرة قبل ما يهدموها وقبل ما المهندس يرفع التقرير أتت دابة اسمها الأرضة وأكلت من عصاة سليمان التي كان يتكئ عليها قرقرتها سوتها رهيفة زي الكسرة فاتكسرت العصا وخر سليمان صعقا أي سليمان وقع الجن لاحظت الشغلة دي واحد من الجن شاف سليمان وقع جا اتأكد تماما من خلف القارور أو خلف البيت بتاع القزاز أن سليمان ده مات فأخبر زملاءه من الجن ياخوانا سليمان ده الظاهر عليهو مات كيف قال ليهم والله ياهو داك وقع امشوا شوفوا الجن الجن طوالي جات دخلت ولقت سليمان مات وعاثوا في المكان فساد أولا الكتب اللي كانت كتبت بمواضيع الأشجار والأخبار وبتاع دي كلها سحبوها خلو منها حجات بسيطة وحتى الحاجات البسيطة عاثوا فيها فسادا وعملوا فيها خزعبلات ودجل وطلعوا سرقو الكتب المفيدة وخلو كتيبات صغيرة للانس ودي فرصة بتاعة الشيطان ما بيضيعها خلى الكتب البسيطة دي عشان الانسان اذا كان دخل يلقى الكتيبات دي ويتفيد منها وحتى الخلاها دي ضللها كلها وعاث فيها فساد.

    خلاصة المسألة مشوا ورسلوا واحد منهم قالوا ليهو امشي للانس أحكي ليهم بأنك جاي من البلد الفلاني ولقيت سليمان واقع فعلا الجن اتحرك من محلو ده ومشى للانس واتشكل الجن اذا ما كان اتشكل بأي شكل لا يمكن أن يراه الانسان ده اتشكل بقى انسان سوي ومشى للقرية اليسكنوها الناس قال ليهم سليمان ده أنا جاي من البلد الفلانية وماشي البلد الفلانية مريت بسليمان لقيتوا واقع ما عارف الحاصل عليهو شنو امشوا شوفوهو فقالوا ليهوا أرح معانا قال ليهم لا أنا خاطر أوعابر سبيل ماشي المنطقة الفلانية أحسن تمشوا انتو فعلا الناس قامت من هناك جاية لسليمان هو اختفى منهم ورجع قعد مع الجنون زملاهو وعاملين نفسهم بيبنوا في العمارة وبيشتغلوا بيشطبوا فيها جو الانس دخلوا لسليمان ولقوهو فعلا هذا الرجل قد مات ميت فمجموعة دخلت فالمجموعة الدخلت من الانس في القارور لسليمان انقسمت إلى تلاتة أقسام مجموعة منهم قالو أن سليمان هذا نبي صحيح وساحر والسحر جايز مافيهو شي ممكن نتعامل بالسحر لأنو سليمان شغال بالسحر والدليل على ذلك هذه الطلاسم وهذه المسائل دي أعمال السحر وسليمان ده تاري ما ملك الدنيا دي إلا بالسحر ده ما دام نبي واشتغل بالسحر ده السحر جايز وديل أجداد بني اصرائيل وعارفين قصتهم مع سيدنا موسى وسحرة فرعون وغيرو وغيرو وأجداد الهند ديل هم كانوا أيدو الرأي ده أنو السحر ما فيهو شئ ممكن الانسان يتعامل به ويستفيد منو ويضر الآخرينمافيهو شي الفريق التالت قالو لا أن سليمان ده ما كان ساحرا ولا كان ده فعل سليمان بل في كتب ضاعت بتاعة فلان وفلان وفلان اذن الشغل ده ما شغل سليمان ده شغل الزول العمل الشغلة دي وأخفى الكتب دي هو العاث فساد في الكتب دي وغيرها ودليلنا على ذلك أن كتاب هذا الكلام فلان وفلان وفلان نمشوا نجيبوهم ونأكدوا وين كتاب فلان وين كتاب فلان ونسأل الناس دي وفعلا جابوا الناس يا فلان انت اليوم الفلاني كان حاضر مع سليمان أيوه نعم هل كتبت كلام عن سليمان أيوه نعم لو شفت كتابتك بتعرفها أيوه نعم وين كتابك؟ مالقوه فلان وفلان وفلان مالقوا كتبههم وفلان لقوا كتابو يا فلان ده كتابك أيوه نعم دي كتابتك أيوه نعم ده شنو قال والله ده أنا ما كتبتوانت ما كتبتو قال أنا ما كتبتو طيب منو كتبوا قال ليهم والله إلا كان سليمان لكن أنا ما كتبت الكلام ده كان كلامي للحد الفلاني ده تاني ما عندي تجاوز للحد الكلام الفلاني ده داك كذلك والرابع والخامس باختصار خلاصةالمسألة الفصيل التالت قال أن سليمان هذا ليس بنبي بل هو ساحر والسحر غير صحيح وكفر وأن سليمان ذاتو كافر سليمان ده كافر والفريق الأخير ده رد عليهم رب العالمين في الآية 102 من سورة البقرة {وَاتَّبَعُواْ مَا تَتْلُواْ الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَـكِنَّ الشَّيْاطِينَ كَفَرُواْ يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولاَ إِنَّمَا نَحْنُ فِتْنَةٌ فَلاَ تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُم بِضَآرِّينَ بِهِ مِنْ أَحَدٍ إِلاَّ بِإِذْنِ اللّهِ وَيَتَعَلَّمُونَ مَا يَضُرُّهُمْ وَلاَ يَنفَعُهُمْ وَلَقَدْ عَلِمُواْ لَمَنِ اشْتَرَاهُ مَا لَهُ فِي الآخِرَةِ مِنْ خَلاَقٍ وَلَبِئْسَ مَا شَرَوْاْ بِهِ أَنفُسَهُمْ لَوْ كَانُواْ يَعْلَمُونَ }البقرة102

    ديل الفصائل التلاتة دخلوا ولقوا الكتابة والقصة موجودة ومعروفة وربنا سبحانه وتعالى حكاها لينا في سورة سبأ الآية رقم 14 من سورة سبأ يحكي الله سبحانه وتعالى يقول في الآية :" فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَى مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ " اللي هو عذاب البناء والتكسير البناء والتكسير الزول قاعد قدامهم دليل قاطع أن الجن لا تعلم الغيب هذا رجل قدامهم وميت ليهو مدة وهم ما عارفين ويتشغلو في الشغل الرسومات دي وينها والرسومات دي كيفنها عشان نحن نربط القصة بالقصص الجايات في المحاضرات الجاية انشاء الله ودي جزء من الرسومات التي تعتبر هي من الدين في شئ وتعتبر الناس بيشتغلوا بيها الآن من السحار (يعرض لرسومات لبعض الطلاسم منها نجمة خماسية وسداسية) معليش بس تمزقت.. المساءل الزي دي تلقوا الخواتيم دي دي الخرايط بتاعة عالم الجن والشياطين العاملاها في الكتب اللي كان تركت في عهد سيدنا سليمان وده ما يمثل إلا واحد من مليون مشكلة أو مليون مصيبة زي دي موجودة في الكتب الصفراء الناس بيتعاملوا بيها وبيعتبروها من الدين في شئ وبيعتبروها أن الكلام ده هو دين وده كمان جزء منها ( يعرض طلسم آخر) وده كمان موضوعو طويل شوية وده موضوعو بعدين بيجينا في موضوع سحب الشرائح الزمان كان في البلد دي حصل ده الخاتم ده دي الأشياء المكتوبة كانت في عهد سيدنا سليمان أو وجدت في المكتبة أو وجدت في بيت القارور بتاع سيدنا سليمان واللي افتتنوا فيهو المجموعة الدخلت المسائل الزي دي هي من عالم الجن والشياطين ودي طلاسم وخرائط فيها مآرب لعالم الجن والشياطين عشان يخدعوا بيها الناس ويعتبروا أن هذا الكلام من الدين في شئ وده كلام الدين برئ منه تماما والحاجات دي في بعض الناس بيعرفوها وخاصة هذا الخاتم مشهور ما أظن يخفى على أحد من الحضور (يعرض رسم النجمة الخماسية) ده كلكم قد تعرفوه قالوا ده خاتم منو (أحد الجمهور يرد بأنه خاتم سليمان) (ضاحكا) ما شاء الله كنتو زملاء لينا ولا شنو؟ (الجمهور يضحك) كلكم بكلمة واحدة قلتو خاتم سليمان يبقى كلكم بتعرفوا مش كدي؟ وده خاتم منو (يعرض رسم نجمة سداسية) (الجمهور يرد) داوود دي الاقلوها قلة (يخاطب أحد الجمهور) انت زميل لينا ولا شنو؟ ده خاتم داوود ده خاتم جد بني اسرائيل داوود ده بالمناسبة العبد الصالح نبي من الأنبياء يوجد هذا الخاتم وين؟ يوجد في العلم الاصرائيلي العلم الأبيض ده ديل أجدادهم من زمان القالوا السحر ده ما فيهو شئ ممكن يتعاملوا بيهو وده السحر الجابو لسيدنا موسى وقصة السحر والمشكلة الكبيرة الخاتم ده نسبوهو لداوود وهل هو فعلا منسوب لداوود أو نحن علمونا الشغلة دي قالوا لينا ده خاتم سليمان وده خاتم داوود وقالوا الخوتيم دي عندها أسرار يعني سليمان ده في معتقدنا نحنا يوم زمان علمونا الشغله دي قالوا لينا فيهو سر السر ده إذا كان ربنا منحك ليهو بتملك الدنيا دي زي ما ملك سليمان الدنيا دي.

    عشان كده الناس كلهم متعلقين بخاتم سليمان أي فكي أي مولانا أي أبونا أي شيخ أي خليفة تمشي ليهو قص ليهو قصتك خاصة تمشي ليهو في ساعة بتاعة صلاة عندك أي قصة بتهمك اتكلم معاهو بشيل ليك فاتحة سريعة جدا في نوع منهم مستهبل بشيل ليك فاتحة سريعة جدا (يصفق يديه) آمين وبعد ده ادوهو شنو أدوهو بخرة ادوهو شنو ادوهو بخرة البخرة دي لو مشيت فتحتها بتلقى فيها بسم الله وتلقى فيها الصلاة على النبي ويمكن تلقى فيها آية وأحيانا ما بتلقى فيها ولا واحد من التلاتة ديل أهم شئ في البخرة دي بتلقى البتاع ده الختم ده يقول ليك ده خاتم سليمان وليه نسبوهو لسيدنا سليمان لآنو وجدوهو الجن رسمو في العصى التي كانت في يد سليمان العصا الاتكسرت دي في راس العصا المكسورة دي وفي قعرها لقوا البتاع ده الخاتم ده قالوا أيوه ده سر عصاة سليمان لآنو ملك بيها الدنيا وده سر خاتم سليمان والكلام البتسمعوا ده الناس الآن بتفتش في سر الخاتم ده أي عمل يعملوه لازم يعمل الخاتم ده للتأكيد ربما يصادف بعض الأشياء وتتحقق الأشياء المطلوبة يبقى ده خاتم سليمان نعم وده خاتم داوود والخواتيم التانية دي حقت منو؟ طبعا دي شغلة بعد ده تجاوزت المجتمع الحضور الموجود معاي لوسألتكم من الخاتم ده في زول فيكم بيعرفو؟ (يعرض رسم مربع سحري رباعي)؟ اذن ما في زول بيعرفو. بعد ده الشغلة بقت تخصص. طيب الخاتم ده في زول بيعرفو؟ (يعرض رسم لخاتم آخر)؟ ده ما في زول يعرفوا ليه بعد ده المسألة دايره أخصائيين ده خاتم ياريت لو بتاع بني آدم ده ما خاتم بتاع بني آدم ده خاتم قالو بتاع أصحاب الكهف وتكتب فيهو أفضل آية في القرآن بكتبوها بطريقة معينة ما داير نشرحها. بكتبوها بطريقة معينة بعد ده اذا كان كتبوها بطريقة معينة وتقدم الكاتب ببعض التقربات لعالم الجن والشياطين بتحقق الأمر بسرعة جدا ده خاتم بتاع أصحاب الكهف كلب أصحاب الكهف ده خاتم لكلب انا ما عارف الكلب ده بلبس الخاتم وين في ضنبو وين ده خاتمهم المدور ده في خاتم آخر قد يكون المجتمع كتير بيلهو بيهو بعض الناس تلقاهو ماسك ليهو خاتم بتاع فضة وفيهو الرسومات دي تلاتة في تلاتة وفيها أرقام جوه من واحد إلى تسعة رقم والأرقام دي لو جمعتها بأي زاوية تديك العدد 15 عموديا أفقيا تديك العدد 15 ما معنى العدد 15 وليه بس العدد يكون 15 والآرقام دي لو غيرتها بجيك العدد 15 في كل زاوية أو حتة عمودية أو أفقية؟ لآ. سر الشغلانية ده شنو؟ أيو بعد ده برضو خرجت عن المجتمع ودايره أخصائي فدي المسائل الذكرناها أو المسائل المتعلقة بالسحر أي انسان مهما طالت عمامتو ومهما أداهو الإعلام من مكانة والناس مشوا وسجدوا ليهو لقيتو يشتغل بالشغل ده دي علامة من علامات السحرة ده ساحر لاشك فيه أبدا.

    أي انسان لقيتوا بيشتغل بالشغل ده ده ساحر وأسأل مجرب ولا تسأل طبيب. أي خاتم من ديل كتب ليك وريقة ولا كتب ليك محاية ولا كتب ليك حجاب الحجبات دي ما كلها مليئة بالحاجات الزي دي كدي افتح أي حجاب من ديل شوفو. البخرة البيدوك ليها دي وبعدين في واحدين شواطين جدا اذا كان أداك بخرات عندك مرض معين أداك بخرة ده زمان لمن كنا شغالين الشغل ده ما بنوريك سرها وبنقول ليك البخرة دي ما تفتحها اذا كان فتحتها مرضك ده تاني ما بتعالج كلو كلو ما تفتحها. انت هنا بتخاف، بتخاف جدا أنك ما تفتحها الأمور الزي دي تلقاها الورق ده فاضي ما فيهو أي شئ فاضي والله ما فيهو أي شي الكلام الزي ده وكلو غش ودجل، والحقيقة فيه الشئ الحقيقي فيه أنه تقرب الشيطان من الانس لان الانس ذاتهم عندهم شياطين وذكرهم الله سبحانه وتعالى ديل أعداء الأنبياء أولا "ولقد جعلنا لكل نبي عدوا شياطين منو؟ شياطين الانس والجن يوحي بعضهم إلى بعض زخرف القول غرور ديل أعداء الأنبياء وربنا جعلهم عشان يكونوا أعداء الأنبياء و الناس ما عارفنهم الناس بيعتبروهم ناس دين وناس بتاعين آخرة وناس يدهم واصلة. الخاتم ده أي انسان عندو خاتم لو بطريقة زي دي لو بتاع فضة ما ممنوع انت راجل تلبسو لكن ممنوع الأرقام دي فيه ياخي كان بهمك أمرو وديهو للصايغ خليهو يمسح الكلام ده ما ممنوع ألبس لكن ما تبيعو ومرسوم فيهو الرسم ده وماتهديهو ومرسوم فيهو الرسم ده وما تجدعوا لأنو بلقاهو آخر بلبسو امشي امسحو خليهو طبيعي جدا وألبسو ما في مانع لكن اذا كان دهب مرتك برضو امسحو لكن الدهب لا يمكن أن يلبسه راجل مهما تكون قلتو لأنو في كتير من العرسان واحد يقول ليك خاتم الخطوبة وتلقى فيهو المسألة دي انت ياخي الدهب ده حرام عليك ما تلبسو عريس ولا ماك عريس خلاصة المسألة المسائل دي كلها ماليها علاقة بالدين دي كلها أمور بتاع شياطين وخرايط للشياطين مآرب فيها وده بعدين حنجي ليهو عندما نحتاج أن نسحر لينا انسان أو نحتاج نعمل سحر معين حجاب كان أو بخرة أو محاية عشان تتحقق والكلام ده يكون نجيض بنلجأ للأشياء الزي دي اللي هو موجود عندنا في الكتيب الصغير ده وقصتو كان حكايناها ليكم ووريناكم ليها (يعرض الكتيب) دي كلها ملئ بالخرائط الزي دي ودي كلها من عالم الجن والشياطين في الخلاوي في دخول الخلوة أي الاعتكاف بالصورة الحكيتها المرة الفاتت فده توضيح لعلاقة السحر بالدين ودي علاقتو طيب المسائل الزي دي لو فرضنا قلنا انو خاتم سليمان ده الواحد ده بنتكلم عن ده، ده خاتم سليمان معروف طيب هل هو خاتم سليمان مش هو خاتم سليمان كذب ودجل وافتراء وسليمان ما ملك الدنيا دي بالخواتيم أبدا سليمان دعوة دعاها لرب العالمين وربنا استجاب " ولقد فتنا سليمان وألقينا على كرسيه جسدا ثم أناب. قال رب اغفر لي وهب لي ملكا لا ينبغي لأحد من بعدي إنك أنت الوهاب. فسخرنا له الريح تجري بأمره رخاء حيث أصاب. والشيطين كل بناء وغواص. وآخرين مقرنين في الأصفاد. هذا عطاؤنا ـ عطاء رب العالمين ـ فامنن أو فامسك بغير حساب" يعني سليمان ملك الدنيا دي او ملك الشياطين وغيرهم بدعاء دعاه لرب العالمين ربنا استجابو واداهو ملك غير محدد يعني سليمان ممكن يتكلم مع اي شي مع النمل مع غيرو مع الانس مع الجن مش بالخواتيم وده دجل ماهو خاتم سليمان وعشان تعرف المسائل دي دجل.

    في خواتيم منها نوريكم ليها بعد شوية دي كلها نسبت لمنو نسبت لسدينا محمد صلى الله عليه وسلم وتلقاهم ما متفقين فيها زي الخواتيم دي (يعرض صور خواتم) ده خاتم قالوا بتاع سيدنا محمد صلى الله عليه وسلم الشغلة دي كان شفناها وسمعناها وعرفناها في مدينة ياوندي عاصمة الكاميرون كنا عملنا محاضرة هناك وفي دجالين لقينا عندهم الخواتيم دي هناك يعني كتيرة جد قبل ما تجي السودان وكان بعد ما جينا السودان في المحاضرات الكنت بعملها كان بحذر الناس بقول ليهم شفت لي خاتم في أقصى الغرب البعيد وأخشى أن يجي السودان وفعلا جا السودان ده أداني ليهم واحد عميد عميد في الجيش مشى زار واحد من الخلفاء الخليفة فلان وخششو جوه طبعا زول عقيد درجتو عالية لحتة خاصة ونسة خاصة أكل خاص فخصاهو بالخاتم ده قال ليهو ده خاتم انشاء الله أنا بديك ليهو هدية وبعدين الخاتم ده اذا كان مشيت ده خاتم النبي محمد صلى الله عليه وسلم ده خاتم النبي محمد صلى الله عليه وسلم قال ليهو الخاتم ده اذا كان صورتو ولبستو أي صورة بتشفيك من 28 مرض صورتين أضرب 28 في 2 عشرة صور 28 في 10 ألف 28 في 1000 شوف تكون أنت معافى من كم مرض ما أظن ذاتو في أمراض قدر دي يعني انت بس تلبسو وقال ليهو الخاتم ده أوعك تديهو لي زول وما تشوفو لي أي انسان بس صورور وختو في البيت وختو في المحل الفلاني و ختو المحل الفلاني فانشاء الله بكره بدوك دبورة تاني عشان تبقى شنو تبقى لواء من عميد لي لواء طوالي شوف الراجل الكذاب ده وقال ده خاتم محمد صلى الله عليه وسلم ومكتوب فيهو شنو كلام كتير جدا الزمن ما بسمح نقراهو طيب ده خاتم آخر أداني ليهو وكيل وزارة برضو مشى لي نفس الشخصية لا آسف لي شخصية تانية برضو لمناسبة حصلت للشخصية دي برضو خصاهو بالخاتم ده شوف الخاتم ده والخاتم ده واحد؟ (يعرض صور الخواتم وهي مختلفة الشكل) وكلهم منسوبات لسيدنا محمد صلى الله عليه وسلم حتى الكتابة المطبوعة دي لو الواحد فيكم جا قراها الناس القريبين شايفنها أنها بتشير على خاتم النبي محمد صلى الله عليه وسلم ياتو خاتم ده خاتم شكلو غريب وده خاتم شكل مثلث وكلها منسوبة لسيدنا محمد صلى الله عليه وسلم ده قال خاتم النبوة في خاتم تاني برضو منسوب لسيدنا محمد صلى الله عليه وسلم عشان تعرف الناس ديل بسووا في شنو ده برضو خاتم بتاع محمد صلى الله عليه وسلم شوفو الدجل ده الكلام ده مش كضب الناس ديل ما يتفقوا هم في بعضهم كده ما يتفقوا ولا أنحنا دايرين الليلة في المسجد هنا انشاء الله نصوت أول حاجة طبعا ديمقراطية ولا شنو نصوت التلاتة خواتيم ديل وفي خاتم رابع ما عارف جدعناهو وين برضو شكلو بيختلف ياهو ده ده برضو خاتم لسيدنا محمد صلى الله عليه وسلم ومطبوع طباعة وتجي تقراهو تلقاهو منسوب لمحمد صلى الله عليه وسلم ده خاتمو يعني ديل أربعة خواتيم كل خاتم بيختلف معنى كده أنحنا الآن دايرين في المسجد ده انشاء الله نصوت لواحد من الخواتيم دي ويكون ده خاتم سيدنا محمد بالضبط كدي وعشان كان لقينا واحد في السوق سايم ديل لأشياء أخيرة لهوى في نفسو نقول ليهو ياخي ده موصو وأشربو أنحنا في مسجد شيخ محمد صوتنا واعتبرنا انوالخاتم البي جاي ده حق محمد صلى الله عليه وسلم ياتو خاتم نصوت على الخواتيم دي بتاع محمد صلى الله عليه وسلم اختارو لي واحد (احد الجمهور يقول الصغير) الصغير؟ (الجمهور يضحك) انا لله وانا اليه راجعون ولا واحد والله الذي لا اله الا هو ولا واحد من ديل خاتم للني محمد صلى الله عليه وسلم شوفو الدجل ده والكضب ده وديل البيعملو الكلام ده ياتهم الترزية؟ السواقين؟ ما ياهو مولانا فلان وشيخ فلان وأبونا فلان و فكي فلان وفلان الفلاني ياهم ديل البعملو الكلام ديل ديل ما ياهم ناس الدين ذاتو! ده دين؟ ده ما دين ده دجل دي شعوذه ده كذب والله ما أنزل الله به من سلطان وديل شياطين الانس وديل أعداء الأنبياء الناس ديل بالضبط أبونا فلان بنعرفوا بالاسم والله مشى ليهو واحد جاب لينا منو الحجاب ده (يقلب الاوراق التي امامه) شالو ولا شنو؟ ياهو ده (يعرض حجاب) أداهو لي واحد اماراتي ده ما بديك ليهو انت سوداني لانك هلفوت بيعتمد علي الاماراتي زول قروش داك ودى ليهو شنيطة بتاعة دولارات ما عارف قروش اماراتيه جاء من الامارات عقيدتو فاسدة جا بالاسم والسمعة جا ماشي للشيخ فلان ده ومشى ليهو وحكى ليهو ظروفو وفي النهاية اداهو ده وقال ليهو ده حجاب وجزى الله أخوانا بارك الله فيهم بعد ما مشى ليهو الراجل ده اداهو ده قال ليهو ده حجاب فاقنعوه انو الكلام ده دجل وشعوذه فجاني في البيت وهو دكتور الزول ده دكتور بالمناسبة دكتور اسمو عبد الله المدحم دكتور والله ادوهو الشغلة دي ده أبونا فلان افتح ده فيهو شنو تلقى فيهو شنو تلقى فيهو الدجل ده والشعوذه دي شفت كيف والله الذي لا اله الاهو وكتير من الحجبات دي فتحناها جاية من الشيخ فلان وجاية من أبونا فلان وجاية من الخليفة فلان وجاية من مولانا فلان كلها بتفتحة وده كلو حجبات شفتو الورق ده المقطع ده كلو حجبات فتحناها لقيناها كلها من الناس ديل والناس ديل سحرة والله انهم سحرة والله الذي لا اله الا هو ما يغشك الاعلام الاعلام ده بالمناسبة كذاب والله الذي لا اله الا هو فالشغلة دي ما عندها علاقة بالدين ولا بالدين ذاتو أولا الخاتم بتاع سيدنا سليمان ده أو غيرو من الخواتيم عندنا الدين دينا الاسلامي ده عندو مصدرين الكتاب والسنة ولا في مصدر تاني؟ طيب سالتكم بالله الخاتم بتاع سيدنا سليمان ده ده ده الصغار ديل الخاتم بتاع سيدنا سليمان ده لو فرضناهو دين بنلقاهو وين في المصدرين ديل؟ في القرآن لو جيت فتحت من البقرة للناس بتلقى الخاتم ده موجود في آية ولا في سورة؟ ما بتلقاهو طيب السنة أنحنا بنعرف كسودانيين معترفين بمذاهب أربعة المذاهب ما أربعة الأوزاعي ده مذهب والثوري مذهب لكن بس ننتفق أو نكتفي بالآربعة مذاهب ديل ما خلو شي في الدين ده الما بتلقى عند المذهب ده تلقى عند المذهب التاني الناس ديل جيبوا كتبهم كلها وكتب الصحاح البخاري ومسلم وغيرو وغيرو في المسجد ده وكل امام من الأئمة الأربعة نختو كتبوا في حتة معينة ونفتش الكتب بتاعة الأئمة دي كلها بتلقى إمام من الأئمة الأربعة قال اكتب خاتم سليمان ولا أكتب كده سوي كده كده بتلقاهو؟ ما بتلقاهو والله ما بتلقاهو بتلقاهو في كتب صفراء مطبوعة في مصر ولا في محلة أخرى وكلام كلو دجل وشعوذة وشياطين الانس والجن يوحي بعضهم إلى بعض زخرف القول ويوهمون الناس بالكلام ده يقولو دين وماهو دين والله ما من الدين في شي والدين ده بتاع محمد صلى الله عليه وسلم محمد صلى الله عليه سلم كان اشتغل بالدين ده ما كان اشتغل بيهو جهله أم علمه اذا كان عرفو بلغو ولا ما بلغو وهل محمد صلى الله عليه وسلم كتم شئ ما كتم شئ أمنا عائشة رضي الله عنها قالت لو كان محمدا كاتما شيئا لكتم قوله تعالى: " وإذ تقول للذي أنعم الله عليه وأنعمت عليه امسك عليك زوجك واتق الله وتخفي في نفسك ما الله مبديه وتخشى الناس والله أحق أن تخشاه لو كان محمد كاتم كان كتم الأية دي محمد ما كتم شئ ولا بعرف شغلة زي دي ده دجل وشعوذة وسحر ما أنزل الله به من سلطان فلنعتبر انو ده نوع من الدين الخاتم ده يامولانا الكتبت الخاتم ده سؤال بيطرح نفسو سؤال بيطرح نفسو للشيخ ده انت يا مولانا كتبت الخاتم ده هل انت من أمة سليمان عشان تشتغل بشريعة سليمان ولا من أمة محمد صلى الله عليه وسلم حيقول ليك شنو بيقول ليك أنا من أمة سليمان اذا قال أنا من أمة سليمان نقض محمد رسول الله خرج بره من الدين ده أي انسان في الأمة دي يحاول يخرج نفسو من الأمة المفضلة دي يتبع أي نبي أي رسول آخر فقد كفر بالدين ده وخرج بره الدين نهائي ولا بيلحق بيداك وخرج نفسو في دي خرج نفسو من الدين ده والله الذي إله إلا هو ربنا ذاتو سبحانه وتعالى ذكر لينا في آيات كتيرة" تلك أمة قد خلت لها ما كسبت ولا تسألون عما كانو يعملون انت مابتشتغل بشريعة سيدنا سليمان انت عليك بس بالآتي الايمان بسليمان والتصديق بأنه نبي من عند الله سبحانه وتعالى وبتتفق مع سليمان في العقيدة لكن تاني لا بتصلي صلاتو ولا بتصوم صومو ربنا جعل لينا شريعة معينة نتبعها هي ما قال لينا نتبع شريعة أي نبي آخر مش نتبع نحنا هم ذاتهم الأنبياء ديل لو كانو حضروا النبي محمد صلى الله عليه وسلم ما وسعهم إلا أن يتبعو سيدنا محمد صلى الله عليه وسلم ودي قصة كلكم عارفنها قصة سيدنا عمر بن الخطاب وقرايتو لبعض الكتب وزعل النبي صلى الله عليه وسلم زعل منو وقال ليهو أأنت يا بن الخطاب والله والرسول صلى الله عليه وسلم قال الكلام ده قال لو كان موسى موجود الآن لما وسعه إلا أن يتبعني فكيف بالآخرين يبقى أنحنا كيف نرجع نشتغل بالخواتيم دي حتى لو فرضنا بتاعة أنبياء ما نشتغل بيها وإلا ده شئ مدسوس وده من الدجل في مكان ده موضوع العلاقة بين الوريقات دي والحجبات البيجي نتكلم فيها في المستقبل انشاء الله بعد ما نكمل بقية الحديث المرة الفائتة.

    اللي هو طبعا عرفنا أنو في الدخول حصل أشياء معينة والحاجات المخيفة ذكرناها لكن ما ذكرنا أشياء معينة اللي هي وقفنا في حتة بكرة الخروج في شروط ذكرناها طبعا ولا ما ذكرناها آه؟ وقفنا في الضفدعة فقط؟ ( الجمهور يرد) طيب قلنا أنوالضفدعة بتتغير يعني من ضفدعة بتتغير لشئ آخر وآخر آخر في النهاية الشئ بنقسم على جزئين الكلام ده حكيناهو؟ (الجمهور يرد) بنقسم لي جزئين بنقسم لي جزئين أيوه بعد ده بيكون الشروط وحكينا الشروط ذكرناها الشروط طيب بكرة ده يوم الخروج أنا يوم خرجت طبعا من الخلوة جاني الشيخ الدخلني الخلوة ذاتو ومعاهو واحد أكبر منو في الوظيفة أو أكبر منو في الدرجة بتاعة الاسمو شنو بتاعة الطريقة فشالوني الاتنين لبسوني الملابس وجيت طالع قال لي غمض عيونك (أحد الجمهور يخاطبه) ها؟ (أحد الجمهور يقول الطريقة الطريقة الطريقة) الطريقة الكنت سالكها؟ ( أحد الجمهور يرد يالايجاب) الطريقة التيجانية الطريقة التيجانية كنت تيجاني من أقطاب الطريقة التيجانية تيجاني من الطريقة قطب من أقطابها الأربعة أيوه ولا عندك راي ياخي؟ (الجمهور يضحك) أيوه أنا سامع سامع كل طريقة عندها أقطاب براهم الطريقة التيجانية عندهم أقطاب أربعة والسمانية عندهم أقطاب أربعة والميرغنية عندهم أقطاب أربعة وأنا ما عارف والدنيا كلها مقسمة على أربعة قبل أنا ما عارف كل ناس عندهم طريقة والطرق أكتر من عشرين ولا تلاتين وكلهم بقولو أنو الأربعة حقتهم هم المسيطرين على الدنيا دي وهم العندهم حق التصرف والآخرين بيقولو الكلام ده ماعارف حاصل نزاع شوفو الكلام ده كيف فكر في الكلام ده أي ناس عندهم نفس الطريقة دي وعندهم الأقطاب الأربعة وألاوتاد والنقباء والنجباء وألاوتاد وغيرهم وغيرهم ومربيين كلهم عندهم الشغلة دي فأنا كنت في الطريقة التيجانية (أحد الجمهور يخاطبه) آي وقفت في الضفدعة إنو جات دايره تاكلني أنا ولا فتنا الحتة دي ( الجمهور يرد) فتناها فتناها أنحنا فتناها ذكرنا حتى الجزئين الجزء الأول والتاني صاح؟ أيوه طيب بعد مانتهيت بيقول ليك ياخي طبعا الخطوة ذكرناها بتاعة أمشي جيب وأرسم الخاتم ذكرناه مش كدي ؟ طيب (أحد الجمهور يقول ما ذكرت يا الشيخ) طيب طيب نرجع من الضفدعة طيب نرجع من الضفدعة طيب ما الضفدعة قلنا كبيرة قدر الحافلة الأربعة وعشرين راكب والضفدعة دي تجي تمثل بيك زي ما شفتو انت عيانا بيانا وسمعا بتشوف وتسمعوالحركة كلها انت مشاهدها خلاصة المسألة الخوف الصدمة الأولى دي لو انت تحملتها تاني ما بتجيك مشكلة البقين بتتحملهن انت اتحملت دي كلها بيكون من جزئين جزء من الرقبة دي وتحت حيوان سمكة حصان أي شي ومن الرقبة دي لي فوق بني آدم ودائما صورة امرأة جميلة بطريقة غير عادية الشعر بتاعتها غليظة طويلة للأرض وهوالجزء الآخر ده حيوان خلاصة المسألة بيقول ليك غمض عيونك بتغمض عيونك أرفع عيونك في السماء بتشوف السماء ويكتب الحروف الآبجدية من الألف للياء بيقول ارسم هذه الكتابة في ورق ده الورق مهمة الورق اللي كان فاضي الحرف بتلقى على جانبو اليمين طلسم وعلى جانبو الشمال رقيم معين بيقول ليك سجلو بعد ما تسجل ده كلو بيقول ليك غمض عينك بيقول ليك شنو ده طرف اللوح المحفوظ بعد ده حتخش في اللوح المحفوظ مباشرة حتاخد أحكامك من اللوح المحفوظ يعلمك من لدنه "وعلمناه من لدنا علما" تاخد العلم اللدني علم المكاشفات المكاشفية يعني شنو؟ تكشف لهم الحجب بيروا اللوح المحفوظ يتحدثون مع الله يتحدثون مع النبي محمد صلى الله عليه وسلم ياخدون الأحكام من عند الله مباشرة دي الشغلة كلها وده صميم الشغل ودي الحقيقة اللي هم قالوا فيها شنو؟ وعلم الحقيقة من أباح بسره للغير أهدر ماله بعد الدم
    لم يستطع موسى الكليم لخضره صبرا عليه فكيف بالمتعلم
    بالأكل آدم قد يكون خليفة في الأرض يا بشرى له بالمطعم
    سلم لقومك ـ أي شيوخك سلم تمام ـ وكن عبدا لهم واخشاهم كخشية ضيغم
    وكن عبدا لهم بدل لله واخشاهم كخشية ضيغم الأسد الانسان بطبيعتو بيخاف من الأسد تخاف من شيخك ده زي ما بتخاف من الأسد وما بيقول ليك تخاف من الله لا تخاف من شيخك زي ما بتخاف من الأسد ده بيت شعر قالو واحد والناس الآن بتتمايل بيهو في المركبات وبتاع . خطير انسان بيرقص في حاجات زي ده علم الحقيقة يبقى وفي النهاية المرة الأولى غمضت عيونك المرة التانية غمضت عيونك طلع ليك خاتم صغير قال ليك الخاتم ده ارسمو (يعرض ورقة) اللي هو الخاتم ده ده الأنا قال ارسمو الفيهو 3 في 3 والعدد 15 قال لي ارسمو رسمتو في شي رسمتو في عظم بيقول ليك ارسمو في لوح بتاع دهب لوح صغير بتاع دهب ما عندي فضة ما عندي بيفتش في الحديد الما بيصدأ أو الألومنيوم توتيا عشان ما يصدأ ويخرب الخاتم لو قلت ليهو ما عندي ماعندي ما عندي أنا قلت ليهو ديل كلهم ما عندي قال لي ياخي قوم من محلك ده أمشي عرديبة محله اسمها عرديبة بتلقى في عظام تحت شجرة القضيم في عظام هناك خذ منها عظم الزند أو لوح الزند اللي هو لوح الكنف ده في عظم هنا لوح الكتف ده عظم مسطح كدي قال لي امشي شيلو قلت ليهو ياخي أنا من هنا لغاية عرديبة المسافة دي بعيدة ما ممكن أنا أمشي هسع وأجي قال لي انت ما عارف قلت ليهو ما عارف قال لي انت ما بقيت أصحاب الخطوة أصحاب شنو أصحاب الخطوة يعني شنو يعني تخطو خطو التانية تلقى نفسك في عرديبة وعرديبة دي من الموقع الأنا قاعد فيهو على الأقل أربعة وأربعين كيلو أو خمسة وأربعين كيلو ده أقل شي خطوة واحدة تلقى نفسك هناك قلت ليهو أعمل شنو قال لي قوم فوق قمت فوق الكلام ده كلو بالليل قمت فوق قال لي أرفع رجلك الشمال أولا رفعت رجلي الشمال قال لي ختها قمت ختيتها قال لي أرفع اليمين ختها جنبها رفعت اليمين ختيتها جنبها قال لي انت وين لقيت نفسي اأنو في المنطقة خطوة واحدة (أحد الجمهور يسأل: نايم ولا صاحي؟) صاحي صاحي. واحد هنا قال لي صاحي ولا نايم أنا صاحي خطوة واحدة اعتبرها اربعين كيلو الخطوة التانية حتكون أربعين كيلو عشرة خطوات كم في أربعين يعني السعودية أمشيها في لحظة مافي السعودية لحظة مافي عشان كدي بتسمع الناس بيقول ليك ديل بقو أصحاب الخطوة يعني أصحاب الخطوة أو الخطوة لآنو في كلام هنا البيصلو في مكة والبيصلوا وين ودي جمعت ليهم الأرض وهو سبحان الله يعني هم ناسين السيرة النبوية النبي محمد صلى الله عليه وسلم تلتاشر يوم من مكة للمدينة ماشي بكرعينو يبقى الخطوة تبقى لي ده آه؟ الناس ناسين الكلام ده ولا شنو؟ وديك كان حوجة مفروض يكون ليهو خطوة فورا من عند الله ولو بقت تكون معجزة للنبي محمد صلى الله عليه وسلم لكن تعال شوف الدجالين ديل خطوة واحدة ولا خطوتين بيقول ليك أنا مرقت في السعودية كلب كضاب ما مرق في السعودية والله ليه أنا بحلف انها كذب لكن كان قال لي مرق في دنقلا بنقول ليهو صاح مرق في نيالا بنقول ليهو صاح ( أحد الجمهور وليه صلاة العصر يا الشيخ) بارك الله فيك بنجيها انشاء الله مرق في جوبا بنقول ليهو صاح لآنو عارف أنا الجماعة الشغالين الشغل ديل ديل كفار من الجن وكفار من الجن ما بيدخلو مكة ما بمشوا مكة لآنو في جن مسلمين بيمعوا الكفار من الجنون ما حيخشوا كما الأن يمنع الإنس الكافر مشركين لا يدخلون مكة كذلك من الطرف الآخر في، ديل بتلاعبوا هنا لكن ما بيمشوا مكة لأنو ديل ما بخلوهم يخشو يمكن يمشو يغوصوا في الطريق يمشو يغوصو في البحر الأحمر لكن ما بيوصلهم مكة كضاب خلاصة المسألة قال لي بقيت من أصحاب الخطوة وفعلا بقيت من أصحاب الخطوة ودي الكرامة الأولى لشخصي أنا المتحدث ده شي خارق للعادة كرامة ودي الناس بيؤمنو بيها الليلة تشوفني هنا وبعد شوية في كسلا وفي المحل الفلاني سبحان الله تدق مويالك يقول ليك شيخ حامد اهو موجود معانا هنا تستغرب فعلا شيخ حامد ده ما عادي ده ولي صاح طاهر زي ما واحد (احد الجمهور يسأله) نعم؟ (أحد الجمهور يقول جسدا وروحا؟) واحد هنا قال جسدا ولا روحا؟ جسدا ياخي روحا شنو جسد بارك الله فيك. وبعدين جسدا ولا روحا دي ذكروني بيها كتير من المتلاعبين بيقول دي روح الشيخ وليس جسده عشان كدي بتلقى واحد منهم واحد من الناس اللي كانوا عقيدتو فاسدة وربنا سبحانه وتعالى هداهو واهتدى للحق يحكي عن نفسو والله يحكي عن نفسو أنو زوجتو كانت واحدة من النساء اللائي يطأهن الشيخ بيجي يرتكب الفاحشة مع زوجته وبيجي بشوف الشيخ يا شيخنا انت في غرقك الزمان لي هسع المرة دي وده شيخو العلمو بيزني في مرتو وبيفتكر أنو ده ما جسدو دي روح الشيخ! روح الشيخ تحل في هذه المرأة لآنو عشان شنو بعد ده الأولاد الذرية كلها تطلع صالحة الذرية تطلع صالحة الآن في منطقة بنوصفها ليكم بالضبط في منطقة في غرب السودان في منطقة اسمها...... هناك الآن موجود إلا كان مات قبل عشرة خمستاشر يوم الآن الشيخ ده موجود ده مهمتو هو وولدو مهمتهم وشيخ قدوة داير تقتدي بيهو وتقول في الله وفي الرسول ولا تقول في الشيخ ده ده الآن مهمتو والله الذي لا إله إلا هو ده الكلام مسؤول منو أنا والله الذي لا إله إلا هو هذا الشيخ في هذه المنطقة أي زواج لابد من يحضرو الشيخ ده نمرة واحد ويزوج هو وبعد ما يزوج هو الثيب الليلة التانية حقت الأب المرة البكر القبل كده ما متزوجة لعريس جديد الليلة الثانية بتاعة ولدو والله الذي لا إله إلا هو شوفوا الشغلة دي شاب عمرو كم وعشرين سنة مهمتو زنا بنساء العرسان الليلة الأولى عريس انت الزول الاتزوجت بسنة الله ورسوله الليلة التانية تخليها للشاب ده يجي يبركها ليك لآنو حلت فيهو البركة يجي يبركها ليك شوفو الشغلة دي ناس معتقدة في حاجات زي دي ايمان قاطع وده تتكلم في الله وفي الرسول ولا تتكلم في ده والله تمشي هناك وتقول الشيخ ده كدي الله أعلم الموت عند الله لكن بتروح فيها! آي. شفت شغلة ذاتها عجيبة جدا جدا.

    خلاصة المسألة بعد ما انا جيت وشارطني الشروط دي وتشكل هذه التشكيلات وأداني الخطوة الأولى أو الكرامة الأولى مشيت ورسمت هذا الخاتم بالليل وفي حتة مظلمة ودفنتو الآن أنا عارف محلو وين بعيد من هنا أكتر من سبعة الف كيلو الخاتم موجود الآن مدفون في الأرض بعرف إلا أنا محلو ما في زول بعرفو في العظم بتاع الزند مرسوم هناك ده مهمتو دي شفرة بيني وبينو بيقول لي اذا كان دايرني أنا أجيك تعقد خنصرك كده حركة انت ما بتفهمها جيت السلام عليكم ورحمة الله وبركاته أهلا يا فلان طوالي بعقد الخنصر ده وبعد أربعة أسماء أولا اسمو هو شخصيا واسم زعيمو واسم شخص آخر وأخر أربعة طبعا الشغال معاي اسمو سهسوبي بعدها بقول الاسم التاني والتالت عشان ما داير أقول الأسماء التانية دي عشان تقلدها انت بامر تجي تجيب لينا شغلة (الجمهور يضحك) بارك الله فيك دي جنون بعد ده بطلب منو الشغلة الأنا دايرها بطلب منو الشغلة الدايرها بيقول لي أرجع للكتيب اللي قبل شوية وريتكم ليهو الصفحة الفلانية الخاتم الفلاني ارجع للمصحف السورة الفلانية رقم الأية كده أعمل كذا وكذا وكذا وكذا أعمل الذبيحة الفلانية وأعمل وأعمل وأعمل دي الشغلة بنرجع للأشياء دي طيب بعد ده قال لي خلاص اتعرفت قال لي أنا بعد ده داير امشي وقبل ما امشي انت نجحت في الطرف الأول من الامتحان بنديك الطرف التاني الطرف التاني الشروط شروط تنفذ الآن واحد الآن عشان نعرفك انت معانا صاح وناجح في بقية الشروط أما بقية الشروط عند اللزوم عند الحوجة طيب الشروط هي كتيرة جدا واختصر بسيط منها شروط تتعلق بالدين بيقول ليك سب الدين سب الدين (أحد الجمهور مستنكرا : سب الدين؟) آي تسب الدين. ويقول ليك سب الرسول سب الرسل سب الملائكة سب الله. ده شرط تنفذو الآن. تقول ليهو وريني الشرط التاني بتشوف تقارن بين الشروط دي دايرتنفذ الآن ياتو شرط دي بيمليك ليها الشيخ بقول ليك الشروط دي كلها بعد ده اختار انت الشرط الداير تنفذو لانو احتمال تختار شرط وفي واحد أسهل منو وفي واحد أخير منو تنفذو الآن عشان يعرفك معاهو بقية الشروط عند اللزوم عشان كدي الناس البيفتو بأن السحر يعالج بالسحر لو اضطريت ممكن النشرة تعالج بالنشرة أو السحر تفكو بالسحر في علماء جوزو الكلام ده ديل أجهل ناس لأن السحر لا يفك بالسحر لأنو السحر ليه يفك بالسحر كيف يفك بالسحر اذا كان الساحر الذي يفك السحر بالسحر أولا أن يشرك بالله نمرة واحد يشرك بالله ويقدم تقربات لعالم الجن والشياطين بعد داك الشيطان بيفك السحر بالسحر فكيف انت تدعو انسان أن يشرك بالله عشان يعالج مرض دنيوي ويخسر الآخرة والمرض الروحي يعني انت بتعالج نفسك الآن من مرض دنيوي ممكن انت تعالج منه وممكن تكون انت تصبر عليهو ولك الجنة انشاء الله وتصبر عليهو لكن هل تستطيع ان تصبر على النار لا تستطيع أن تصبر على النار ليه لأنو في شرك والشرك ده ربنا ما بيغفرو طيب نرجع لموضوعنا بيقول ليك أو قال لي سب الله موافق قلت ليهو موافق سب الرسل أيوه موافق سب الدين أيوه موافق ما تقول لا قلت لا اعترضت فتنطرد أو سقطت وده الكلام الزمان قلنا عشان الناس ماتسأل تقول المسألة دي انت ما عارفها بطالة وليه بتقولها لآنو في شي غرزو فيك سابقا ما تعترض فتنطرد المسألة مسألة امتحانات تنفذها بعد داك انت في المستقبل تعرف كل شي الآن ما تتكلم ما تسأل ليه في المستقبل حتعرف وانت في المستقبل تتوقع انو تعرف حقيقة المسألة دي وتلقاها فعلا كلام عادي ساكت دي الحتة الدايرين يوصلوك ليها لآنو لو قعدت تسأل وبتاع وتتأكد يمكن تعترض وما ترضى بالمسائل الزي دي لا هم أول حاجة بربطوك تمام بالحجج وبالكلام المعسول الكويس عشان يقنعوك عشان تنفذ كل شي. ده شروط تتعلق بالدين شرط آخر يتعلق بالصيام وده الشرط الأنا نفذتو في نفس اللحظة صيام بيقول ليك ما تصوم ليه ما تصوم هو الصيام ده ذاتو انت في حقك هل هو مفروض لا ما مفروض ليه لآنو انت خرجت من دائرة التكاليف الشرعية لو صمت اوفرتايم أجر اضافي ما صمت ما عندك شي ما عندك شي أيوه معناهو ما تصوم أنا مادام نعبد العبادات التانية طيب معناها ما بتصوم ايوه ده الشرط النفذتو أنا سبعتاشر سنة شغال الشغل ده وما صمت ما صمت أبدا بتظاهر للناس أني صايم وبعدين كمان شوف وفي رمضان تلقى الخشم ده ناشف وشفت بنخش جوه نملاها فل بما لذ وطاب من الأكل وتجي طالع وده الشيخ شيخ المنطقة بل القطب بل من الناس بل من الناس المسؤولين من ركن من أركان الأرض الأربعة يبقى في العشية لازم تجي صواني من محلات بعيدة تجي هنا وأنا أبركها أسوي فيها البركة يعني شنو آخد لي قطعة منها أكجمها كده وأختها بعد ده الصينية دي بقت فيها البركة يشيلوها من هنا يودوها آخر المنطقة وديك الصينية لو ما جات لو لي العشاء ما بفطرو لازم صينية الشيخ تجينا وجابوها من هناك عشان أبركها وأنا ما صايم (الجمهور يضحك) شفتو بعد ده كلو أنا ما صايم بركة الشيخ وبركة الشنو صواني صواني تمشي يمين صواني تمشي شمال والناس القاعدين معاي لو أنا ما فطرت والله ما فيهم زول بفطر لأنو بيعتبر انك انت قليل أدب وده الشيخ البعرف في الدنيا والآخرة فأنت كيف تفطر قبالو هو انت ذاتك ما بخلوك انت ذاتك نفسك ما بتطيق ليك أو نفسك تسمح ليك أنك تفطر قدام الشيخ.. وشيخك فاطر! (الجمهور يتكلم) آه؟ أي. زي شنو؟ (أحد الجمهور: شروط مع ترك الصيام ده؟) لالا. بس ما تصوم. بس ما تصوم. ما تصوم ده شرط ونفذتو أنا. في شروط أخرى تتعلق بالصلاة. بقول ليك ما تصلي الجمعة. هي ذاتها في حقك ماها جايزة. ما تصلي الجمعة. ما تصلي بالناس إمام. ما تصلي في مسجد. ما تصلي في الصفوف القدامية. صلي بدون وضو. ودي الحتة الكتير من الناس ما عارفنها. كتير منهم والله الذي لا إله إلا هو، الكلام ده صحيح، كتير منهم بصلي بلا وضوء ما يتوضأ قدامك اتوضأ قدامك لكن بيدخل الأدبخانة بيعمل شنو؟ انت مابتعرفو. في نوع من الناس ديل بخش الإدبخانة يتبرز ولا يبول وما يغتسل خالص بي لويصو بجي تاني يغسل إلا اضافرو ويدينو ديل انت بتفتكر انو الزول ده عمل شي جوه واغتسل لا ما بغتسل بجي يقعد يتوضأ يعني شنو ولا أي شي ما بتوضأ بتوضأ مظهريا ليك عشان ما تقول الشيخ ده ما بتوضأ وتقول عندك كلام تحت تحت لآ. ده بصلي بلا وضوء والناس المشهورين ديك كدي أمشي شوفهم هل هم أئمة الناس؟ بيصلوا بالناس في الجمعة؟ بيصلو بالناس في الصلوت الخمسة؟ الإمام هم؟ العصر. بيقول ليك ما تصلي العصر وكان سألوك قول بصلي في مكة. بتصلي وين؟ شيخنا فلان بصلي في مكة. أنا كنت جاي من الرحلة الكنت ذكرتها ليكم بتاعة ياوندي عاصمة الكاميرون. وجينا دخلنا وبعدين يوم جينا مسافرين ماشين الخرطوم بالمناسبة هنا حصل العربية الراكبين فيها لاندكروزر وتعطلت في الطريق ومسافة كده وأنا ما كنت عارف المنطقة ذاتها. المهم جوعانين وتعبانين وعطشانين خلينا السواق مع العربية وقلنا ليه أنحنا ماشين قدام بالطريق ده لغاية ما نلقى لينا حلة منطقة نقعد ناكل ونشرب انت صلح عربيتك دي وألحقنا جينا فإذا نحن بمنطقة معينة استغربنا دي ياتو منطقة دي المنطقة المشهورة الفلانية ياسلام وده منو القاعد هناك ده ده الشيخ ده الشيخ الفلاني الشيخ ده كبير قدر الليلة وباكر ده الشيخ الفلاني أيوه نعم. ياسلام. دي المنطقة الفلانية أيوه نعم. طيب ياجماعة أنحنا سفار جوعانين وعطشانين. أولا نمرة واحد ديرين موية نشرب. وقبل الأكل دايرين شاي. طبعا معروفين بقارة مغرمين بالشاي. قلنا ليهم دايرين شاي. بعد ده جيبو لينا أكل ناكلو إذا عندكم بي حقنا قالو لينا هنا مافيش أكل بحق تاكلو مجان قلنا ليهم كويس أهم شي أدونا موية شربنا. الأذان أذن أذان شنو أذان العصر قلنا ليهم ياخوانا عن اذنكم أنحنا ديل سفار وحالتنا ما سياحية قاعدين في قعر شجرتنا ما بنمشي نلمو مع الناس النضاف السمحين القاعدين ديل بنصلي في محلنا هنا. فعلا جامعين وقاصرين صلينا أربعة ركعات. عصر وظهر. جينا بتأخير صلينا وقعدنا جابو لينا شاي بنشرب الناس القاعدين ديل ناس طبعا ناس نضاف وناس ظريفين جدا وناس عندهم كرافتات وناس عمم وشالات وبناطلين في عربية واقفة لانكروزر مقفلة مظللة قبل ما يدوروها ما عارفين الفيها شنو لكن يوم دوروها أنا على حسب سواق صوت العربية عنده كوندشن شان عنده مبرد الشيخ قام من ع(.........)يب صغير الشيخ النعرفو ده قام من الع(.........)يب الصغير ده وقبل ما يقوم في واحد من الحضور جا خش جوه العربية وقفل الباب ودور العربية وخلاها مدورة أنحنا قلنا داير يطلع. قاعد نزل جا قعد مع الناس. الزول الدور العربية دي اعتبرناهو سواق لأنو دور العربية كما سواق مكان بدورها ده سواقها دور العربية وجا قعد مع الناس. بعد شوية الشيخ قام جا فتح الباب البي غادي وركب. أنا قلت الشيخ ده الناس ديل ما بصلو صلاة العصر الشيخ ده ما بصلي ولا شنو؟ ولا قلت يمكن ما في محل. أخيرا العربية مدورة والزول جا قعد في جوة العربية.

    بعد شوية أنا قلت الزول ده ليه قعد جوة العربية. الظاهر عليها العربية من النوع التمام. أنا في اعتقادي انو في ناس جايين من بره سعوديين غيرو أجانب. جو للشيخ ده لمهمة عندهم وما دايرين قدام الناس ينزلو ويقولو المهمة بتاعتهم دي. دايرين الشيخ في العربية وجاهم الشيخ في العربية. واتفاهم معاهم. ده كان اعتقادي ما عندي كلام آخر. المهم خلاصة المسألة الناس ديل قاموا بيصلوا. القاعدين الحضور قدمو امام آخر قعد يصلي. أنا الحتة دي شوية خلتني أنتبه للشغلانية. فقدموا الزول صلى بيهم. بعد شوية العربية ما تحركت من محلها. العربية الشيخ جا فتح لباب وجا نازل. أول ما جا نازل من العربية متلفح بي توبو وجا ماشي الناس الصلو ديل القبيلك قاعدين بتونسو ديل كلهم قامو فوق وجو جاريين للشيخ. أنا الحتة دي جذبتني شوية قعدت أشوف : حمد الله بالسلامة (صوت تقبيل) حمد الله بالسلامة جلابيتك ومش عارف ورجلينك وايدينك وبتاع ببوسو فيهو حمد بالسلامة حمد بالسلامة ده سمع أضاني قام الواحد القاعد معانا من ناس المحل ده ذاتو قلت ليهو أسمع حمد الله بالسلامة دي شنو؟ قال لي ما الشيخ جا. آه؟ الشيخ جا؟ آيي. الشيخ جا من وين؟ قال لي الشيخ ما صلى في مكة وجا. لا إله إلا الله! الشيخ صلى في مكة؟ قال صلى في مكة! قلت ليهو أيوووه! دي شغلتنا زمان! يعني الشيخ ده هسع مشى صلى في مكة قال لي صلى في مكة ولا عندك شك؟ قلت ليهو لأ ما عندي شك! انشاء الله صلى في مكة. لا إله إلاالله! دي كنا أنحنا بنعملها ظريفة شوية العربية دي بندورها من محلها ده. وبنمشي هناك وبنجيبها كاتحة لغاية ما نقبض فرملة وندف فيهم التراب حتى بنقيف لكن ما بنسويها واضحة كدي.

    الشى المدهش شنو؟ آه؟ ده شرطو ما بصلي العصر! ما يصلي العصر. مش مشى صلى في مكة كضاب. والله ما صلى في مكة! بعدين شوف أسمعني صلاة في مكة دي العصر عندنا خلي هناك في المنطقة ديك من المنطقة ديك لي هنا الفاصل بين الخرطوم والمنطقة البحكيها دي نص ساعة وبين الخرطوم وبورسودان تقريبا نص ساعة وتقريبا من بورسودان لغاية جدة أو مكة تقريبا نص ساعة. ساعة أو ساعة ونص. قول ساعة قول يازول نص ساعة. يعني العصر أذن في مكة قبل نص ساعة أو ساعة هل تفتكر أنو فعلا مشى صلى؟ ولا السؤال ده فايت على الناس؟ إذن زولكم ده ما مشىصلى العصر في مكة قبيل صلى ولا في دور تاني في مكة هناك. ما الموضوع انتهى. يبقى لازول ده ما مشى صلى في مكة كضاب ساكت ولكن اعتقادات وشوف عمى الناس أنا الحاجة الأدهشتني الوجوهدي ما وجوه جهلة لكن مصيبتنا الآن جهل الناس هم أفسد الناس أو البدعو العلم. بدعوا العلم الأكاديمي.

    يعني مشكلتنا الآن بقت في بروفيسورات. عديل في البروفيسورات قعدوا يفتحو افتاء أعوذ بالله منهم. تلاتة بروفيسو بنتكلم ليك كلامهم. البروفيسور الأول مصحح كتاب اسمو طبقات ود ضيف الله قال أولياء الله الصالحين عندهم درجات كتيرة لكن أقلاهن ثلاثة درجات: ياتن؟ قال الدرجة الأولى من أولياء الله الصالحين الطير في الهواء. دي أقلاهن التلاتة. والثانية المشي على الماء. يمشون على الماء. والثالثة منهم من يقول للشئ كن فيكون. ده بروف. بروف. قال الكلام ده. بتفتكر ده بروف؟ دي شهادة عشان تاكل بيها عيش يا كلب. مش شهادة عند الله. والله شهادة عند الله صفر. ده بروف والله! البروف التاني الآن متزعم طريقة جديدة وانشاء الله نثبت ليكم الخداعات البتعملها الطريقة الجديدة. الطريقة الجديدة الجات البلد دي اسمها الكسنزانية. دي متزعمها بروف. يدعي للناس قدام الناس ديل يدق صدرو. أنا ولي من أولياء الله الصالحين وعندي كرامات. كراماتك شنو يا ولي الله الصالح؟ جيت قعدت قدامنا ومليت خشمك بأنك ولي صالح. من كراماتي ودي عشان انت ذاتك تخش معاي في طريقتي دي وتبقى من أولياء الله الصالحين أول حاجة تبايع خمسين من الطريقة بتاعتي خمسين شيخ. اتنين حتصل المرحلة دي. مرحلتك شنو وكراماتك شنو؟ الكرامة عبارة عن معجزة. والناس ما بفرقو بين الكرامات والمعجزات. أي شئ خارق للعادة بتكون في متناول اليد واحيانا ما بتكون في متناول اليد بتتحدى الناس دي ما كرامة دي شنو؟ معجزة. المعجزات بتحدوا بيها الناس الأنبياء والرسل مش كده؟ وما بتكون للولي الصالح البتحدو بيها الناس دي. ده هو بيتحدى بيها وبقول كرامة دي ما كرامة دي اذا كان معجزة قول لينا معجزة عديل عشان نؤمن بيك وبعدين أثبت لينا أنك نبي صاح. لكن قال دي كرامتو كرامتو شنو؟ قال أولابياكل البلاستيكة بتاعة الكهرباء دي اللمبة دي يجيبوها ليهو بياكلها بيمضغها جت ويبلعها. ببلعها تب شوفك عين. بتشوف بي عينك. آهه والكرامة التانية؟ الكرامة التانية هذا الرجل البروف كرامتو التانية بطعنو بي سكين أطول من سكيني دي بطعنو بي هنا ولغاية ما بتطلع بي هنا والدم سائل بتشوفو بي عينك وتشم ريحتو تلقاها دم وبتجي طالعة بي جزء من المخ تشوفو سائل العجينة بتاعة المخ دي بتشوفها سايلة من السكين وتشوف عينك ياهو ده قاعد قدامك. دي كرامة قال من كراماتو. يوميا بستعمل الشغلة دي. في أي مجتمع يتحدوه يقول ليهو كرامتك دي ما صاح ولا الزول ده طوالي بعمل ليهم الكرامة. الكرامة التالتة بوصلو فيهو الكهرباء بتولع فيهو اللمبة بتاعة البيان بتولع فيهو وبرضو ما بتضروا بيقول ليك خلاص دي برضو كرامة من كراماتو ودي البتدهش الناس وبتخوف الناس كهرباء تولع في بني آدم؟ لمبة تولع في بني آدم وما تسوي ليهو شي؟ فعلاالزول ده ولي من أولياء الله الصالحين اللاخوف عليهم ولا هم يحزنون ويضع سره في أضعف خلقه. دي الآن موجودة بتولاها بروف. اتخيل الكلام ده كويس. والله انه الدجل. والله الذي لا إله إلا هوإنه السحر.

    طلبنا معاهو مناظرات النائب بتاعو وافق والرئيس ده البروف رفض. وما زلت أنا على كلامي ولابد المحاضرة دي اذا كان وافق لو فيكم زول هنا بيقدر بوصلنا ليهم ونقندر نقنعهم عشان يعملو مناظرة ومحاضرات مستعد تحت أي لحظة وفي أي مكان ويحشر الناس ضحى انشاء الله ويصلها كل الاعلام يكونو شرط الشرطة حكومة تحضر المسألة دي للحماية عشان ما يكون في هرج ومرج لأنو حيحصل موت. أنا متأكد والله انشاء الله دي بتكون آخر لحظة ليهو في الحياة البروف ده لو عمل المناظرة. لأنو في خدعة أنا حأسويها فيهو وحيموت بإذن الله تعالى. آي. لكن رفضوا. كان في زول هنا عندكم بوصلنا ليهم ما عندنا مانع. للآن أنا ما زلت في كلامي. طيب. الشرط الأول تحضر هذه المناظرة الحكومة. ثانيا طبيب. اسعاف لي شنو؟ لا إله إلا الله! اسعاف يسوو لي شنو؟ تانيا طبيب. ثالثا: قاضي عشان يجي يتنازل هو وأولياء الدم إذا حصل موت هو متنازل وأنا كذلك بتنازل. كويس. لو بيقبل بالشرط ده. الطبيب لي شنو؟ يفحص الشخصية دي. لو الدورة الدموية ماشة بالعكس لو مسك الكهرباء دي ما بتعمل ليهو أي شي. أي زول الدورة الدموية بتاعتو ماشة بالعكس الكهرباء دي تمكسها بأياديك ما بتعمل ليك أي شئ. حد المعلومة دي! في زول هنا كهربجي؟ ( أحد الجمهور: علم مثبوت ده) علم ثابت؟ ياهو ده ثبتوهو الجماعة هنا منكم. ما تقولو الزول ده تابع لينا لكن كان الدورة بتاعتو ماشة عادية حيموت الزول ده بإذن الله. التانية. دي مهمة الطبيب. مهمة القاضي اللي هو بحضور القاضي أنو يمضى ويقر وأهلو يقرو إذا كان ما ما يحصل شئ بنجي نعمل فيهو العملية بتاعة الكهرباء دي البنقتلو فيها وقبل ما ننقتلو فيها يجيب البتاع ده يجيب اللمبة دي عشان ياكلها نقرأ ليهو آيات بإذن الله تعالى حتبطل ده سحر التخييل " وخيل إليه من سحرهم أنها" ده لنبي نبي عديل شاف المسألة وشاهدها وخاف خلي ان بشر عادي ولا إعلام ما بخوف بخوفك نبي ذاتو خاف " وخيل إليه من سحرهم أنها تسعى فأوجف في نفسه خيف موسى قلنا لا تخف إنك أنت الأعلى.." الخ. الآيات.

    طيب التانية مشكلة شنو مشكلة البتاعة دي السكين دي نبطلها بي شنو نبطلها بالآيات دي بإذن الله تعالى زي ما أبطلنا شياء كتيرة حنجي نحكيها ليكم انشاء الله حجبات بتحجب صحيح وعشان يكون البيان بالعمل دي الحتة الما فيها شرك ما فيها سحر وممكن أنا أثبتها ليكم بالعمل اذا كان في زول عندو حجاب بحجب صاح ما مغشوش زي كتير من الناس غاشنهم أنو الحجاب بعمل ليك كذا الحجاب بعمل ليك وهو ما عامل لابسو وهم ساكت لكن في حجبات بتحجب صاح في الحجبات دي في حجبات بتحجب صاح. عشان كدي كتير من الدعاة وللأسف الشديد ما عارفين الحتة دي بدعوا في بعض المناطق وبقولو ما فيش حجاب وما فيش حجبات بتحجب من السكين ولا السلاح ولا بتاع ياخي ده ما شأنك انت ما تتكلم في الكلام ده انت كلامك تثبت للناس أنو الحجبات دي شرك تثبت للناس أنها كفر تثبت للناس أنها من عمل الشيطان لكن ما تقول ما بتحجب ما تقول ما بتحجب يا داعية ما تقول ما بتحجب انت موحد بتكون ضد التوحيد ده انت بأسلوب ما عندك بيهو خبرة لأنوشنو كتير من الدعاة الغيرة بتخليهو أنو يقول ما فيش حجاب وتمشي لي محل زي ما تحدونا في منطقة الـ ذكرناها قبل شوية مدينة ياوندي جابو لينا حجبات بتحجب طيب انت جيت قعدت بين ناس زي ديل قلت ليهم ما فيش حجبات بتحجب وجاك واحد أثبت ليك إنو محجب بقيت نكسة للدعوة ولا ما بقيت نكسة للدعوة بقيت نكسة للدعوة انت قول الحجبات دي كفر وشرك بالله وده الحقيقة يعني كفر و شرك وضلال وعالم جن وشواطين يشتغلوا الشغل ده وعشان كده بتتحجب وعشان كده بتختفي وعشان كده بتعمل الشي الفلاني لكن المسألة فالمسألة شياطين.

    خلاصة المسألة ده بروف البروف التاني يتشدق في الملاحظات الفائتة يقول في الإعلام هو ذاتو يتراقص يقول في الإعلام أن المسجد الما فيهو قبة أو المسجد الما فيهو قبر مسجد منزوع البركة. شوف الراجل الضلالي ده. ضلالي ولا ما ضلالي؟ والله ضلالي وألف ضلالي. مسجد ما عندو قبر جوه يعني مسجدكم ده بتاع شيخ محمد ما عندو بركة لأنو ما فيهو شنو؟ ما فيهو قبر جوه هنا. لازم يكون في قبر جوة هنا شوف الناس ديل وضلالهم ديل بروفيسرات شوف مشاكلهم دي عليكم اله ما في زول بخاف الله؟ آه؟ والله ده حديث النبي صلى الله عليه وسلم علماء جهال إلى آخر الحديث العارفنو كلكم.

    خلاصة المسألة دي الكرامة الأولى أودي الشروط. شروط أخرى الشرط التاني أو غير الشروط الذكرناها شروط تتعلق بالمصحف الشريف ولو تابعتو قبل سنتين أو سنة وشوية أو تلاتة سنوات كان طلعنا مصاحف منها مصحف في الحاج يوسف ومنها مصحف في طريق الجيلي ومنها مصحف في وراء مقابر حمد النيل بأمدرمان. ده من الشروط أنك تلبس واحد من المصاحف دي في كرعينك وتخش الأدبخانة. ولا تمشي تخرا في المصحف ده ذاتو ولا تبول فيهو. انتو قايلين الكلام ده بعيد يعني في الغرب البعيد يعني غرب السودان؟ ولا الغرب الأفريقي المشينا ليهو هناك بعد اشتغلنا الشغل ده قايلنو هناك؟ الكلام ده هنا ده والكلام ده جوه العاصمة دي والله الذي لا إله إلا هو. جوه العاصمة دي هنا موجود الكلام ده. وكان جابوه في الجرايد لو متابعين. وحتى سمعتو بقصة المرة الدخلت للواحدة السحر في خشمها وجابوها للدكتور دي مشكلة كلها من المشاكل الأنا كنت بتكلم فيها دي كلها. شوفو الشغلانية دي كيفنها. دي الموجودة الان هنا. مصحف تشيلو تبول فيهو أو تمني فيهو وبوصفو ليك محل معين. وبصراحة انا بكون معاكم صريح يقول ليك تمشي تعمل تنكح يدك تطلع المني في يدك تشيلو تكبو في الأية الفلانية كبو في السورة الفلانية تكتب به الآيه الفلانية تسوي به الشئ الفلاني موافق؟ أيوه توافق. موافق؟ أيوه موافق. ما توافق اعترضت. اعترضت فبتطرد امتحان أيوه. ده يتعلق بالمصحف. أو شرط تاني يتعلق بي نفسك شخصيا. تعمل شنو ترتكب الفاحشة مع احدى أقربائك. امرأة أمك أختك بنتك خالتك عمتك عمتك من الطرفين. من الطرفين يعني شنو؟عمتك اخت أبوك أو عمتك زوجة أبوك تعمل مع ديل فاحشة. جدتك. جدتبن الأب أو الأم. ولدك. ياخي أنت ديل ما بتقدر تسويهن. طيب الشيطان ذاتو يكون الفحل والشيخ يكون المرة. ودي كتير من الشيوخ البدخلو في بيت الأدب بيطولوا وبجيك عرقوا سايل ده بخش بعمل مع الشيطان الشغلانية دي. والله الذي لا إله إلا هو زي الشيخ محمد بالحرف. ده موجود وين؟ في الخوجلاب. في الخوجلاب. الكلام ده مسؤول منو أنا. في الخوجلاب. ده شيخ لا بصلي في مسجد ولا في جماعة ولا كذا. وعامل ليهو غار تحت يتعبد فيهو. ده لا جمعة لا جماعات لا بتاع بس قاعد في محلو ده. شفت كيف. وقروش عندو بالشوالات. وديل الناس بتجي تزورهم. زول ياخي فرض الجمعة ده ما بمشي بيصلي تجي انت تزورو تقول ولي صالح؟ آه؟ الجمعة دي فرض عين لآي مقيم ونصيح فرض عين. ما بمشي ليه في جماعة ما بصلي. وباني مساجد وبعدين ما تفتكر أنو الشغل ده يوم كنا شغالنو ما عندنا اعمل بتاعة خير. لأ. أنا بقري مية ستة وتمانين شخص يوم كنت شغال الشغل ده بنفق عايل أيتام أرامل صدقات عجيبة بالمرة وده الشغل بتاعي وكتير منهم الآن شغالين بالشغل ده والناس عندهم هوس أنو زول بيعمل الخيرات دي كلها معقول ضلالي؟ ضلالي والف ضلالي. وربنا ذكر كتير من الناس ديل. كتير من الناس ديل ربنا ذكرهم في القرآن. " وقدما إلى ما عملوا من عمل فجعلناه هباء منثورا..." كتير من الآيان بتوضح أنو الناس دي ضالين وفي ناس زي ديل ربنا يختم ليهم بسوء الخاتمة.

    خلاصة المسألة دي شروط. ذكرنا شروط منها بتاعة الزنا دي. وقبل كدي لو سمعتو مجلة جات من المملكة العربية السعودية مجلة فيها قصة بتاعة ولد حمل أمو. صاح ولا ما صاح. دي قصة غريبة جدا. وقصة السبب فيها سوداني مشى من السودانيين البعرفوا الخبرة دي من الشروط وبتاع ده شرطو أول شي مشى هناك كسب قروش عجيبة. الآن الشخصية دي في نيالا. مشهور جدا الشخصية العملت العملية دي. مشى السعودية هناك ولم في السعوديين الأطفال وغيرهم وغيرهم. أقنع هذا الولد بتنزيل قروش. قال ليهو كيف تتنزل القروش قال ليهو كذا وكذا تخش في كذا وكذا بجوك. فالولد كوالي قام اشتغل بالشغل ده وفعلا جاهو الروحاني وكلمو وقال ليهو تعمل كدي وكدي وشروطنا كذا وكذا واختار الولد زنا أمه أبوه مات قبل خمسة سنوات وما عارف وهو وأخته وأمه التلاتة المهم دي قصة طويلة ما دايرين نقصها لو في مجال انشاء الله فيما بعد نوريكم اياها خلاصة المسألة ترتكب جريمة الزنا مع أقربائك فدي شروط. في شروط غيرها لكن المجال لا يسع وما دايرين نطول للناس أكتر من ذلك انشاء الله. نجي الجمعة الجاية انشاء الله نتكلم عن الكرامات بتاعتي التانية الأربعة أو خمسة كرامة اللي هو بعد الخروج وأول ما جيت طالع شفت شنو. شفت ابريق اللي هو ابريق بتاع الوضو ركوة بتاع الطين ده هناك من الكرامات اللي بتحصل في اليوم أنك يوم تجي تغمض عيونك أو ما جيت طالع زي ده تفتح عيونك أول شئ تشوفو بتحل فيهو البركة بكون مبروك شفت كلب شفت انسان. الانسان اذا كان شفت انسان لا ما بتكون فيهو البركة وبس. تكون فيهو البركة والانسان ده حيكون غوث حيبقى غوث،ـ من الغوثيةـ في المستقبل. طيب انت يوم تجي طالع بتشوف أول حاجة بتحل فيه البركة ، أنا يوم جيت طالع شفت واحد كان جاي بيحتفل بي من نيجيريا اسمو عمر الفوتي شيخ مشى قضى حاجتو في الخلا وجاء شايل ابريق في يدو اليمين ابريق بتاع ركوة فأنا مغمض عيوني، ده ماسكني باليمين وده ماسكني من الشمال، قال لي الشيخ فتح، يوم فتحت زي ده شفت الابريق لآنو كان فيهو علامة سوداء هو احمر جديد وفيهو علامة سودا. قال لي شفت شنو؟ قلت ليهو شفت الابريق داك. الابريق داك؟ قلت ليهو آي. قال لي الإبريق ده إذن حلت فيهو البركة. الشيخ ده ما سعيد لو كان سعيد كان تشوفو هو قبال الابريق. عشان بيكون الغوثية لكن حلت البركة في الابريق. آهة الابريق ده حلت البركة فيهو قال لي نعم. البركة جا انت بتجي بتبوسو ومرتك بتجي تبوسو و عيالك وبتاع وبعد شوية أباريقك الفي الأدبخانة بي غادي، الفي الفضايا بي غادي وكلهن بجن براهن واقفات جنب الابريق ده. الابريق يجي طالع يتنططن كدي تقول ماشي وماشات معاه لغاية ما يخش البيت التاني والتالت والرابع والخامس. كل الأباريق بتاعة المنطقة بتجينا في المحل ده وبعد ده بنوجهن أي ابريق عندو موية بنعمل كدي أي ابريق بنجي بمشي يقعد جنبك طيب الابريق ده قاعد جنبك معناهو الابريق في المحل دي حلت فيهو البركة لكن لو رجع بيتو ما بتكون فيهو بركة طيب الابريق ده قعد جنبك انت حتتوضا منو واحدين متوضين لكن عشان البركة جاتو بيتوضى تاني لأنو بركة الشيخ مش كدي ما بتخلي تفوفتواوالمافيهو موية دي شنو الأياريق دي فاضية طبعا عرفتو أنها فاضية تقول ليهم كدي كدي دي شنو بيمشن وين البير البير قريبة طبعا جنبنا تمشي الأباريق دي يتطاردن من هنا لغاية ما يمشن الآبار أي ابريق لو جيت وقفت في خشم البير بتشوف الابريق جا ماشي بهناك وقع جوه البير وتسمع الموية تسوي بغ بغ بغ جوه الموية بعد يتملي بجي طاير براهو يطلع بره يمشي يقيف في الصف عشان يتوزع. انتهت الصلاة وبتاع الأباريق ترجع رجعت محلتهاالأباريق أي ابريق رجع براهو بعدين احتجنا ليهم بجن بنفس الطريقة. دي كرامة من كرامات الولي الصالح القاعد قدامكم ولا عندكم راي؟ آه؟ شفرات طبعا. شفرات تعامل الابريق بالاشارة بس بيشتغل واللبيب بالإشارة يفهم. هل الأباريق من أولي الألباب؟ ولا الشغلة دي فيها إن؟ طبعا الشغلة دي فيها إن. المهم دي الكرامة رقم اتنين. بعد ده انشاء الله نجي نبدأ من الكرامة رقم اتنين اللي هي الابريق و نخش في الكرامات التانية عشان ما نطيل الكلام للناس والناس تمل الشغلانية. (أحد الجمهور يسأله)آه؟ لا ما فيش طريقة ياخوي ده سحر لآنو الدخول في الكرامات والحتتات دي الشرك بالله. الشرك بالله. والله هو الشرك. والله الذي لا إله إلاهو إنه الشرك. ولولا الشرك ومسألة عادية والله أي شئ أجربو ليكم قدامكم هنا. أنا الآن بنعرف شفرة والله تخوفكم في المسجد ده خوف ما عادي. أقولها شنو يازول دي شرك بالله سبحانه وتعالى. لا يمكن. يعني الشفرة دي بتاعة الصوت. صوت حاد وقوي بطريقة الناس ما بتتحملها. طبعا قاعدين في المسجد هنا الآن بنعتبر نفسنا كلنا رجال. صحيح؟ رجال. لكن في الحقيقة كلنا ما رجال. ضكور صح. لكن ما رجال. الرجالة دي في حالات معينة. في حاجات لو حصلت كتير مننا بقيفوا عيال. وكتير مننا بقيفوا ضكور ساكت. وإن من الحمير لضكور وإن من الكلاب لضكور وضكور دي كتيرة لكن الرجال قلة. قلة. قلة الرجال.فانشاء الله المحاضرة آه؟ (أحد الجمهور يكلمه) لا لا لا ما فيش أي طريقة للاختبار إلا اختبار مشروع. الاختبارات المشروعة الأعملها ليكم وأأكدها ليكم والبيان بالعمل اختبارين واحد بجي منكم انتو وواحد انا بنعملو ليكم الاختبار الأول اللهو بجي منكم انتو داير تجيبو لي حجاب بحجب وبنبطلو بطريقة شرعية ما فيها شرك بنقرأ القرآن انشاء الله تعالى بعد ما يثبت. أنحنا جايبين السكين دي لي شنو؟ عشان نحرب بيها؟ لأ. جايبنها للتجارب. والمرات الجاية انشاء الله نجي بي لحمنا. بلحم هنا انشاء الله ونعمل زي ماعملناهو في مدينة ياوندي والحصل م حصل وطبعا قصة غريبة جدا وربنا أعاننا عليها وأبطلنا الحجبات وما زلنا بنبطل في الحجبات بإذن الله تعالى الحجبات الشايفنها دي كتير منها كانت شغالة صاح. كلها شغالة صاح وبتحجب وبعدين الأشياء الشايفنها هنا دي بقول ليها شنومافي بخرات بقولوا ليها الاخفاء المسائل عندنا انشاء الله في المستقبل دي التجربة الصحيحة الما فيها شرك. التجربة التانية الصحيحة الما فيها شرك موضوع الكسنزانيين زي توصيل الكهرباء انسان دي خدعة وأنا انشاء الله أمثلها في نفسي عشان ما تنخدعوا بيها لأنو المسألة دي حكومتنا دي ذاتها بتساعد في المسائل الزي دي لآنو بتجيبها في وسائل الإعلام مفروض كلام زي ده يعتم ما يجيبوهو في وسائل الإعلام ولا الناس تشوفو وتسمعو يحبسوه ده كلام دجل معقول بس كلام فارغ زي ده عشان الناس تقتنع وحتى لو ولي صالح بجي قدام الناس يقول ليهم أنا ولي صالح ياخي؟ آه؟ ليه كلام زي يبثوه ولا كلام زي ده يسمعو الناس مفروض ده يسجن أصلو ما يطلع يسجن في السجون ما يطلع لأنو ده دجل وضلال يضلل بيهو الناس على كل في طريقة هنا بتاعة الكهرباء نثبتها ليكم بإذن الله ولو جا منهم واحد داير يناظرنا هنا حنبطل أشياء كتيرة أول حاجة بتاعة البتاع دي حتبطل بإذن الله و بتاعة السكين حتبطل بإذن الله أما بتاعة الكهرباء بنعملها في نفسنا عشان بتعقدوا تشوفو الصاح وين والغلط وين والخداع وين بإذن الله دي الحجبات لكن لكلام التاني البقولوهو بتاعة الكرامات ضرب الكعبة باليدين باب الكعبة دي كرامة في كرامة أخرى بتاعة الآبار دي كلها ما ممكن أعملها ليه لأن مالم أشرك بالله ما بتتحقق الا تشرك بالله أشركت بالله بتتحقق وكيف أنا بعد الهداية دي الواحد يرجع تاني يشرك بالله سبحانه وتعالى قطعا ما ممكن والسلام عليكم ورحمة الله وبركاته.

    تم التعديل لحذف اسم المنطقةفي غرب السودان التي ذكر حامد آدم أنه مسؤول عما يقوله بخصوصها وهي أن الشيخ الموجود هناك يدخل على كل امرأة ثيب تتزوج وذلك في الليلة الثانية وأما ابنه فيدخل على أي امرأة بكر تتزوج. وهذا ادعاء جسيم من جانب حامد آدم ويحق لأهل تلك المنطقة مقاضاته عليه.

    (عدل بواسطة محمد عثمان الحاج on 11-02-2008, 01:33 AM)

                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
11-02-2008, 08:06 AM

Mohamed E. Seliaman

تاريخ التسجيل: 15-08-2005
مجموع المشاركات: 17129
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    الأخ عادل عبد العاطي
    !!!!!!!!!!!!!!!!!!!!!!!!
    ____________________
    محمد عثمان الحاج
    السلام عليكم
    ياليتك تستخدم ميزة الخط (بولد)
    أحتاج مساعدتك لتحقيق نسبة بعض الشعر
    إلى ابن عربي
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
12-02-2008, 04:01 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: Mohamed E. Seliaman)

    الأخ محمد سليمان سيكون ذلك انشاء الله.

    وبخصوص بن عربي فأنا تحت أمرك في حدود معلوماتي المتواضعة.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
12-02-2008, 04:03 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة الثالثة
    المحاضرة الليلة تكملة للفاتت ولكن للظرف الحاصل عشان الناس يتبين ليهم حقايق كتيرة من الخزعبلات والدجل بتاع الحجبات والكلام الفارغ ده، انشاء الله يكون في موضوعنا الليلة موضوع تجربتين : التجربة الأولى بتاعة الحجاب ده بتاع أخونا النور محمد انشاء الله، والتجربة التانية بتاعة الطريقة الكسنزانية، ودي حنجربها أنا في نفسي بتاعة الطريقة الكسنزانية الطريقة الجات البلد دي جديدة عندهم أوليا صالحين بتحدوا الناس وبيعملوا بعض الأمور بتاعة اللف والدوران، وبيعتبروا أنو هذه الحركا من كرامات أولياء الله الصالحين، بيعتبروها أنها كرامة ليهم هم وما حتكون لغيرهم، وهي مسألة بتاعة خدعة فإنشاء الله لخدعة دي حنبينها للناس الآن بإذن الله تعالى، على كل إلى أن يجي انشاء الله الراجل النور محمد، النور محمد، طيب نواصل انشاء الله، طبعا وقفنا المرة الفائتة في الكرامات مش كدي؟ وحكينا (أحد الجمهور يقاطعه: في الأباريق) وقفنا في كرامة الابريق، الابريق الذي كنت أرسله، وقفنا في الحتة دي الكرامة التانية اللي هي الإبريق، الكرامة الأولى قلنا بقينا من أصحاب الخطوة خطوة هنا وخطوة في البلد الفلانية، الناس ديل بتنكمش ليهم الأرض او بتنجمع ليهم الأرض، عشان كدي بتسمع كتير من الدجل والناس بتعتبرو كرامة من كرامات أوليا الله الصالحين، اللاخوف عليهم ولاهم يحزنون، بيقول ليك الزول ده من أصحاب الخطوة وبيستدلوا بحديث ـ حديث النبي صلى لله عليه وسلم اللي هو في من عادى لي وليا إلى آخر الحديث، كلكم حافظنو، يعني "ويده التي يبطش بها ورجله التي يمشي بها" يعني الرجل دي بقت رجل رب العالمين، شوف الفهم الخاطئ ده، بيقول ليك الآن الشيخ هنا وبعد شوية يمكن يضرب ليك من مدني، يقول ليك أنا وصلت مدني، بعد جقيقة بس في مدني، وبعد دقيقة تانية يكون في بورسودان، والدقيقة التالتة يكون في كسلا وهكذا، يقول ليك ديل بقوا أصحاب الخطوة، عشان كدي الخطوة دي بيخدعوا بيها الناس وبيقول ليك الشيخ ده بيصلي في مكة، يعني الضهر أو العصر يأذن هنا ما بيصلي مع الجماعة ديل، بخيل، بنعتبروا أنحنا بخيل، مادام أنت شيخنا وأنحنا تابعين ليك ياخي وماشي تصلي في مكة باخل لينا بي مكة مالك؟ ما تسوقنا معاك؟ سوقنا معاك نصلي معاك سويا هناك؟ ليه انت ماشي براك؟ النعمة دي تخليها معاك انت ما تبقى انسان أجواد وانسان كريم وانسان بتخدم الناس شيلنا معاك أنحنا مش تابعين ليك شيلنا معاك نصلوا في مكة، وبعدين زي ما ذكرنا قلنا أنو الحتة دي فايتة لي ناس كتيرة أولا الآذان أذن الآن العصر ولا .. دايما بيكون العصر أو الجمعة، عشان كدي الناس ديل كلهم المستهبلين ديل ما بتلقى الواحد فيهم بيكون إمام قومه أبدا، ولابصلي جمعة، ما بصلي بالناس الجمعة، ولا بطلع في لمنبر ده يقول للناس قال الله وقال الرسول. مهمتو كرسيهو ده بيقعد فيهو والناس تحبحب (تقبل) في يدينو والشيخ الشيخ، والأذان يأذن بعد الناس تتكلم وتحكي مشاكلها يأذن الآذان من قبيل كان قاعد معانا، أول ما أذن الآذان ده الوقت الفرض عليهو ألا يصليه، طوالي يدعي هذا الشيخ يقول أنا ماشي بصلي في مكة، ياخي مكة دي أذانها زمنها مع زمنا واحد؟ ما واحد. أنحنا أذنا الآن ومكة أذنت قبيل الفرق بيننا وبين مكة على الأقل تكون ساعة ساعة إلا أو أحيانا ساعة وشوية، يعني قبل ساعة وشوية ناس مكة صلوا الآن انت يامفتري بتقول ماشي تصلي في مكة؟

    بعدين شوف ما حيمشي مكة على الإطلاق. شيطانو ده ممكن يشيلو يوديهو أي بلد تانية لكن مكة لا. لأنو الشياطين ديل نوع من الشياطين الكفار الما بدخلو مكة زي ما في الانس الآن ناس كفار ما بخلوهم يوصلو مكة، ولا بدخلو مكة، مكة هناك محروسة من عالم الجن للجن، الجن الآخر المسلم ما بخلي الشيخ يوصلوا مكة، أبدا يودوهوا أي منطقة تانية، وهو بيمشي؟ هو ما بيمشي كضاب ساكت، ما بيمشي، لكن إذا كان قال لي الشيخ ده أنا الآن ماشي بورسودان بعد ساعة دق لي في بورسودان بقول ليهو صح بتمشي بوروسودان، لأنو بورسودان ما من المناطق الطاهرة أو زي مكة يعني حتى لو طاهرة ما زي مكة، فده دجل. المرامة التانية اللي هي الإبريق، الكرامة الأولى اللي الخطوة، بقيت من أصحاب الخطوة، كرامتي أنا التالية في نفس اليوم الطلعت فيهو وبرسل فيهو الابريق ده، في الصباح كان الكلام ده كلو في الصباح، جا وقت الضهر، دي الكرامة التالية انتبه، دي الكرامةالتالتة، الكرامة الرابعة، الكرامة التالتة الحتة الكنا قاعدين فيها سهلة، يبقى الحراية لما ترتفع الناس محتاجة تمشي للضل وهناك ما عندنا الكونديشنات لا، كوندشينا ياهو الأشجار الضخمة، شجر الحراز والشجر الكبار ده الحتة النقيل فيها، من الحتة الأنا كنت فيها عشان أتحرك أمشي الحتة التانية مسافة يعني تكون كيلو يعني، أو أقل، في وادي يفصل بيناتنا، بين المنطقة الأنا كنت فيها والمنطقة بتاعةالمقيل، لأنو الناس بتجي كتار والحلة ما بتشيلهم، الرواكيب ما بتشيلهم لازم يشوفو حتة ظليلة عشان الناس تمشي ليها، بنقوم أنا من هنا عشان أمشي المحل بتاع المقيل الفيهو الضبايح والفيهو الأكل وفيهو الشاي وفيهو وفيهو، يوم أقوم ماشي من هنا في ناس تابعين لي، الحيران يعني، الناس التابعين لي وأنا شيخهم، وهناك كان في نوع من القبائل العربية بيقول ليهم الشناقيط، ناس كبار جدا وناس جميلين وناس شعيرين، يعني تلقىالانسان فيهم اذا كان ربى دقنو ما حلقها يوم يجي يقرا في المصحف لغاية ما يحول شعرو كده، ديل ناس كانوا تابعين لي وأنا شيخهم، أنا شيخهم لأنو بياخدو المدد مني أنا وبياخدوا النفحات مني أنا أنا شيخهم، لأني قطب من الأقطاب وديل أوتاد، ديل أوتاد ونجباء ونقباء ومربيين، والقطب أعلى درجة ، وأعلى درجة من القطب الغوث، الغوث ده أعلى درجة في الطريقة، يبقى أنحنا ماشين لي درجة الغوثية.

    يوم أقوم أنا ماشي من هنا عشان أمشي حتة المقيل، بين الحتة الأنا فيها وحتة المقيل في آبار، آبار كتيرة جدا، بنشرب منها الماء، يعني ما عندنا المواسير دي، لا، عندنا الآبار، بتمشي البير وبتنزل دلو أو رمباية، دي الوسائل بتاعة غرف الموية من داخل البير، والبير العمق بتاعة حداشر متر، أقل بير حداشر متر، في الخمستاشر اذا كان حتتها عالية وفي الاتناشر وفي التلتاشر، والقطر بتاعها أحيانا بتلقى بير اكتر من مترين، مترين في مترين مدورة كدي كبيرة، عشان مجموعة من الناس بيجو بيحفرو البير دي وبيوضبوها تمام عشان يجو ينشلوا منها الموية، بعد ما حفروها الموية بترتفع في داخل البير تلاتة وأربعة امتار، أربعة متر دي موية صافية، عشان كل الناس والبهايم وبتاع تجي تنشل من البير دي تشرب موية، ما بتنقطع لغاية ما ربنا سبحانه وتعالى يجيب الخريف والناس تشرب من خارج الآبار. فالابار دي في الوسط، يوم أنا أقوم ماشي من هنا عشان أمشي هناك الشناقيط ديل مجموعة يعني أكتر من خمستاشر عشرين بكونوا ماشين معاي، زي السيد رئيس الجمهورية والمواتر المن حولوا بجاي وبجاي يمشوا محلة معينة، ديل عبارة عن ناس بجاي وبجاي حماية للقطب حماية وخدمة للقطب عشان يرضى عنهم واذا كان رضي القطب في الطريقة فيرضى الله عنهم ودي الحتة اللهم دايرنها لآنو ده زول وصل وهم ديل ما وصل بيحبو أنو ياخدوا لمدد من الإنسان الواصل، الإنسان الكامل باعتبار أنو أنا كامل وهم مقصرين، يعني أنا مية المية أو خمسة وتسعين في المية وهم سبعين في المية تلاتين في المية عشرين في المية، عشان يكمل ده لابد من يتقرب لي أنا عشان أنا أوصلو، ولو زكيت واحد معناها خلاص، أزكيهو أنا، مش التزكية تجي من عند الله لا، بزكيهو أنا، لو حبيت واحد فيهم، وخدمني خدمة طويلة زي ما خدمت الراجل داك، بزكيهو أنا بعملو الحاجة الداير اعملو، فهم دي سلسلة في الطريقة بتاعتنا لكنا سالكنها. طيب يوم أجي ماشي الجماعة ديل بيكونوا شايلين نوع من القصب بتاع الدخنـ العيش الاسمو الدخن ده البذرة بتاعتو يوم تبذر بتعمل قصبة، القصب ده هناك بيكون طوال أحيانا القصبة مترين الطول بتاعها وأحيانا أقل، وأحيانا أطول، ديل متوقعين انو طول البير على الاقل مترين متر ونص وكده، بيشيلوا قصبة من القصب الطوال كل واحد تلقاهو شايل ليهو تلاتة أربعة خمسة وماشين، ديل ماشين بي جاي وديل ماشين بي جاي وواحدين ماشين بي وراي وأنا ماشي في النص، يوم أجي ماشي عشان أصل هناك لو في بير هنا قدامي هنا ما بلف منها، يعني أجي بي جاي للبير دي لا، عشان أثبت ليك انو أنا ولي صالح وعندي كرامة ما بلف من البير دي، بسوي ليها شنو؟ الجماعة ديل يوم يشوفوني أنا جاي قصاد البير دي عليه أن يجيب القصبة دي، والقصبة دي زي الحصيرة، انتو ناس الخرطوم بتعرفوا الحصير، يعني القوة بتاعتها زي الحصيرة أو أقوى من الحصيرة بي بسيط، فديل بجوا بختوا القصبة دي حفرة البير كده وبيختوا القصبة كده القصبة من اول البير بتقطع بي غادي حتى لو بي سنة أو بي أصبع زي ده تقطع بي غادي، أنا بعمل شنو؟ بجي ماشي في القصبة دي وأحيانا بتشوف الرجل بتاعتي ما في القصبة في النص، في طرف القصبة البي جاي، الرجل التانية قد تكون هنا، التانية تكون والتانية تكون هنا، بتشوفني أنا ماشي في القصبة دي وبقطع البير ده بي غادي والبير التانية والتالتة، انشاء الله عشرة أبيار في طريقي كلها ما على هؤلاء إلا أن يضعوا القصب، وواحدة بس مو كتيرة، يعني ما تلاتة أربعة عشان يقاومن لا واحدة بس، وده للبركة ولاقصبة دي بتكون مبروكة الناس المحل الفلاني ودوا ليهم قصبة، القصبة دي مبروكة لآنو الشيخ مشى فيها على البير دي معناها قصبة مبروكة وحيتبركوا بيها ويموصوها يشربوا مويتها، ويعملوا بيها كل شي، شوفوا الشغلة دي! البير دي قطعتها والبير التانية والتالة والرابعة والخامسة ولغاية ما اقطع بي غادي مرات بيرين تلاتة ومرات أكتر من خمسة آبار، بقطعها بي نفس الطريقة دي، وأي قصبة قطعت بيها دي خلاص مقدسة بيشلوها يودوها لحلة من الحلال، أو لمنطقة من المناطق عشان يتركوا بيها، يجيبوا قصبة تانية جديدة عشان البركة تعم الناس، تعمكم كلكم انتو ديل، أي ناس يقولو فلان جبت لينا قصبة أيو خلاص انتو ديل، والفلانيين ودوا ليهم قصبة، وفلان، خمسة ستة قصبات ودوها لي خمسة ستة منطقة من المناطق عشان تحصل ليهم البركة، دي الكرامة التالتة، كرامات الولي الصالح، من كراماتي أنا شخصيا، كرامات شيخك ديك خليها، دي كراماتي أنا المتحدث، عشان ما تتوهم دي كرامتي أنا، دي يعني أضلت ناس ما عندهم عدد، أي زول يجي يشوف المشهد ده بيؤمن ايمان تام أن هذا الرجل رجل صالح، أصلوا ما مكن، والقصبة دي لو ختيتها بين أصبعين زي ده، تلاتة أصبع وضغطتها لومانع بتكسرها خلي يمشي فيها انسان كيف يمشي فيها انسان، أيوه بيقول ليك الزول ده خلاص الزول ده بقى انسان كامل، معناهو الجمادات والحاجات دي كلها خدمة لهذا الولي الصالح القطب، شوفوا الفتنة دي.

    الفتنة الرابعة بعد ما وصلنا هناك، وجلست في العنقريب، عناقريب هناك الزمن داك ما في سراير، عنقريب صغير بختوهو لي في وسط المفارش دي، بروش سجادات، حاجات فراوي، تلقاها كلها أبعد من الجامع ده، بختو لي العنقريب الصغير في محل معين ده محل جلوسي، بقية الناس بيقعدوا في الواطة وفي الفرشات، بالتدرج فالناس المتقدمين خالص في الكريقة بكونوا قدام، ثم ثم ثم إلى الآخر، الحفظة وبتاع ديل بيكونوا بعيدين، حفظة القرآن ديل بيكونوا بعيدين شوية فالناس القريبين الناس الفي الطريقة مثلا النجباء النقباء المربيين، الأوتاد، بعد داك حتى يكون ناس الحفظة بعدهم الناس الكشامشا ساكت، فدا الأسلوب، طيب الكرامة الرابعة في الحتة دي شنو؟ بعد ما نجي طبعا أنحنا بقارة مغرمين بالشاي، بتعرفونا أنحنا بقارة مغرمين بالشاي، وناس الشرق يعني بيحبوا الجبنة مش كدي؟ وأنحنا بنحبوا الشاي، وانتو ناس الخرطوم؟ الله يهدينا ويهديكم، الله يهدينا ويهديكم،أنحنا بنتكيف للشاي ده وهو حلال، حلو وحلال، شفت دي مصطلحات، يقول ليك حلو وحلال، بنتكيف للشاي، ناس الشرق كتر خيرهم، بتكيفوا للجبنة برضو حلوة وحلالة، أما أنتو ناس الخرطوم الله يهدينا ويهديكم! بتتكيفوا لي شنوا أنتو؟ ايسكريم؟ ايسكريم بتاع شنو! شفتو آهة: (يمد شفته) ده كيفكم: سجايرو سعوط الله يهدينا ويهديكم!

    خلاصة المسألة أنحنا عندنا طقوس وعادات في موضوع الشاي، بقارة بنحبوا الشاي شديد، بيقول ليك، حتى في مثل بيضربوه، بيقول ليك بتلقى بقاري تاركصلاة لكن بقاري تارك شاي ما بتلقاهو! والكلام ده يشبه الصحي، أنا شخصيا بقاري لكن مالقيت زميل لي ولا واحد من قبيلتنا دي، وهي ما قبيلة بالمناسبة، الناس الموهومين في الخرطوم بيقول ليك البقارة ديل قبيلة، البقارة ما قبيلة، البقارة قبائل رعاة البقر، عشان كده أنحنا هناك في بلدنا بنسميهم البقارة، حتى انت شقيقك ماراعي للبقر مثلا راعي للابل بنقول ليهو ده أبالة، أو راعي للجمال بنقول ليهو ديل جمالة، ناس الجمال، غنامة، ناس الغنم، بقارة ناس البقر لأنو منطقتنا اشتهرت برعي البقر عشان كده الناس البرعو البقر بيسموهم البقارة لكن قبايل شتى، شماليين وجنوبيين وغيرهم وغيرهم، عاشوا في البلد ديك وسعوا لبقر بنقول ليهم البقارة، طيب بنحبوا الشاي عندنا ليهو نظام وبتسمعوا بالبرامكة والتشكير بتاع الشاي والمسائل دي، خلاصة المسألة داير أوصلكم لي حتة، كرامة بنعملها في الشاي، مثلا الهواء الآن بيجي من الجنوب كدي وبيمشي على الشمال، من عاداتنا انو الشاي لايمكن يصنعوهو النساء أبدا لآنو بنعتبر انو المرة دي في الحتة دي ماها ناجحة، لازم يعبوا لينا الرجال، لو جيتك ضيف وأنا بقاري سوا وانت بقاري صاح أصلك ما بتعبي الشاي في جوه البيت وتجيبو لي بالبراد لا، لازم تجي تولع النار دي هناوأنا أشم ريحة الشاي دي، الكفتيرة وبتاع شغلة زي دي، الهوا جاي من جاي بعبوا الشاي من جاي عشان الريحة بتاعة السكر والشاي بتكون عابرة من هنا وبنشم الريحة دي نتكيف ليها، المهمة بتاعة الناس ديل شنو الناس الشناقيط البخدموني ديل بجيبوا اذا كان الناس كتار زيكم كده الآن ولا أكتر بيكون عندنا نوع من الحلل الألومنيوم البتجي من مصر كبيرة جدا بيختوها في النار، وبيملوها موية وبتغلي، بعد الغليان في ناس مهمتهم يغرفوا الموية دي ويكبوا فيها الشاي وفي صواني بتاعة نحاس صفراء لو شفتوها دي بتكون فيها كبايات ستين كباية تلاتين كباية أربعين كباية على حسب سعة الصينية بتتمر الكبايات دي بالمناديل ومهمتهم أنو يملو الكبايات دي شاي وبس، دي الصينية قاعدة وملوها شاي بقى دايرين التوزيع، التوزيع شفرة، الشيخ: بتلفت لفتتي دي بنشوف الشاي معناهو الشاي جاهز، ده ذاتو معناهو شنو؟ دايرين كرامتك، انت ما شيخ ولي صالح، دي بي طريقة ملتوية، وهو اتفاق معاهم يعني عبو الشاي وأدوني اشارة، الشيخ: التفت لقيت الصينية يعني مليانة شاي بقول ليها كدي (يشير برأسه) الصينية دي براها تتحرك وتجي من هناك طايرة وتجي لأول زول في خطها بتقيف قدامك، هي طايرة بس وصينية ومليانة شاي وقفت قدامك، انت ما عليك الا أن ترفع الكباية الداير تختارها، بتشيل كبايتك بتنزلها اتحركت للتاني، التالت الرابع الخامس كملت الصف بي جاي وخشت الصف في النص الى أن تنتهي الكبايات دي، بعد انتهت الكبايات الصينية بتقوم فوق فوق رؤوس الناس الجالسين وبتجي تقعد جنبي بي هنا، فاضية، منتظرة شنو الناس ديل يشفطو الشاي ده شفطا فإنشاء الله هي بترجع تاني. بعد ما الناس شربت الشاي عاداتنا أي زول داير يدبل يخلي الكباية قاعدة عديلة، وزول ما داير يدبل يكفيها، فإذا الكبايات فضت بنشوف الكبايات فضت بنقول ليها كدي (يشير برأسه) واللبيب بالاشارة يفهم، الكلام ده صحي؟ الصينية من أولي الألباب؟ ولا الشي ده شنو؟ كرامات الولي الصالح طبعا. أديت الإشارة الصينية قامت اتحركت، خشت لآول كباية جات جنبك، في ناس عارفين الشغلة وخاصة الناس القاعدين قدامي عارفين الشغلة واحد فيهم برفع الكباية مافي، لا، كبايتك براها مكفية ولا فاتحة مكفية بتقوم براها تسمعها تعمل كدي (يطرق المنضدة) بتقوم براها من الأرض وبتقعد في الصينية، طج طج طج، ومتحركة الصينية، أي كباية فاضية جات جنبها الصينية بتقوم براها من الأرض وبتقوم بتقعد في الصينية دي وبتحلق لغاية ما تتملي الكبايات الفاضية، المكفيةمكفية والما مكفية الفاتحات بتمشي تتملي تاني وتاني بتجي تمر بنفس الخط، أي زول كان كبايتو فاتحة متذكر أنو أنا كبايتي كانت فاتحة داير المزيد من الشاي تاني هو يرفع الصينية التالتة والرابعة وهكذا بعد الناس كلهم شربوا الشاي، ده كلو في اليوم الأول، شفت دي كرامتين في اليوم الأول.

    الكرامة التالتة برضوا في اليوم الأول أقصد الرابعة، في اليوم الأول. الكرامة الخامسة اللي هي شنو، بعد بقينا الناس أكلت وشبعت وشربت الشاي وكل شي جا وقت الظهر للصلاة طبعا من البديهي أنا أصلي بيهم، لاشك ما في زول تاني بيصلي بيهم، وما في زول أعى مني عشان يصلي بيهم، بنقوم طوالي عشان نصلي بالناس الناس بتفرش الفروة على جهة القبلة، طبعا ما فيش بوصلة ولا في اتجاه معين بس دي جيهة الشرق والناس تفرش فروتها على اتجاه وتصلي أول ما يفرشو الفروة دي على جيهة القبلة،أنا طوالي بلوشها على الجنوب شوية، بلفها، هسع دي المحراب بتكون كده لا كده عديل تشوف القبلة جاي شرق والبتاعة دي عديلة كدي جنوب أصلو شي ما يصدق، فواحد من الناس بيعترض أو داير يوجهني بيقول لي مثلا دي ما القبلة حتى لو هي موجهة على القبلة أنا بقوم بعدلها واحد من الناس القاعدين بيقول يا الشيخ القبلة ما كده القبلة بي جاي شوية بي جاي، بقول ليهو لا القبلة بي جيا، لا بي جاي، بقول ليهو انت شن عرفك بالقبلة؟ آه؟ طبعا هو حيسكت. بنقوم عشان أاكد ليكم انتم انو دي القبلة وأنا على حق والشي الفي راسكم ده وهم برفع يديني ديل كده شفت ديل الاتنين ديل (يرفع اصبعيه) برفعهن كدي وبضرب في الهواء بتسمع اليدين ديل بيعملن كدي (يطرق المنضدة) المضروب ده شنو؟ باب الكعبة. ده باب الكعبة. بضرب في الهواء بضرب في الهواء بتسمع باب الكعبة بيسوي قَو قو، باب دغري مش تربيزة زي دي لا باب، بتاع حديد وبتاع دهب كمان بنقول ليكم ده باب الكعبة بتاع الدهب اسمعو صوتو، قو قو قو، أيوه، الناس كلها بتسجد ساكت سبحانك اللهم يضع سره في أضعف خلقه، صحي والله ولي من أولياء الله الصالحين اللاخوف عليهم ولا هم يحزنون، تسمع الناس بالهمس بيسووا زي ده سبحانك الله أكبر والبكبي ببكي بكي عديل بيقول ليك والله بي أذاني دي سمعت باب الكعبة ما زرتها لكن سمعتها بي أذاني دقاها الشيخ حامد في اليوم الفلاني في صلاة الظهر دق باب الكعبة الله يوصلنا ليك يارب العالمين. شفت دعوات ناس تبكي الله يوصلنا ليكي الله يوصلنا ليكي. تسمع الصوت وما بتشوف المضروب. بتسمعوا بي أذانك دي وما بتشوف المضروب وباب فعلا لانو الدقة ما دقة تربيزة ولا بتاعة حيطة ولا بتاعة خشب باب بتاع حديد اللي هو باب الكعبة من الدهب الخالص. شفتو كيف، اليد دي وأنا أبعد من الكعبة اكثر من سبعةألف كيلو الحتة دي بالضبط لآنو من هنا لي بورسودان أكتر من ألف وتلتمية وشوية ومن بورسودان لي مكة أكتر من اربعمية ولا تلتمية ما عارف كيلو، أقصد لي جدة ومن جدة لي مكة تقريبا كم وسبعين كيلو ومن هنا من الخرطوم دي بس عشان تمشي نيالا ألف وتلتمية وتمنتاشر كيلو ومن نيالا عشان تمشي الجنينة ألف وتسعة كيلو ومن الجنينة عشان تخش في تشاد لغاية أردمتا اتنين ألف وشوية، ومن أردمتا لي منطقة أخرى اسمها عرديية ألف وشوية ومن عرديبة للمنطقة الأنا كنت فيها كم وأربعين كيلو لو جمعتهم تلقاهم أكتر من سبعة ألف كيلو تبعد عن الكعبة سبعة ألف كيلو وتجي يدي دي من هناك شفتو من محل القاعد فيهو داك يدي دي بتجي طايرة بي هناوبتجي ماشة بالخرطوم هنا، انتو شفتوها ولا ما شتفتوها؟ ما شفتوها؟ انتو ما أولياء صالحين! ما شفتوها كلو كلو؟ كدي اتذكروا يمكن شفتوها؟ بتجي طايرة من هنا وبتمشي تصل مكة تعبر ده كلو البحر الأحمر وغيرو وتمشي تعبر هناك وبعد ده كلو الباب انتو قايلنو بي جاي؟ باب الكعبة ما بي جاي بي غادي، بالجهة الشرقية ما بالجهة الغربية، اليد دي بتعبر البيت بي غادي وبتنلوي وتضرب باب الكعبة. بتصدقوا ولا ما بتصدقو؟ ليه؟ انتو منكرين للأولياء الصالحين ولا شنو؟ شوفو الكلام ده! شوفوا الفتنة دي! ودي يوميا مش يوم واحد عشان نعتبرها كرامة لا، يوميا أنا بعامل الكلام ده، أي صلاة لوما اتأكدت انو القبلة وينما بصلي وكلها جنوب شوية جنوب، جنوب الكعبة والله عديل، كل ما أجي الصلاة بدقها كدي بدق الباب، بعد ده بصلي عليها وهي عكس القبلة تماما مش يقول ليك أن بمشي الصلاة ما بمشي اذا كان أنا بصلي على غير اتجاه القبلة وواضحة يعني ما دايره ليها أي تفسير ولا دايرة ليها جهد، هي ياخي القبلة كدي أناأوجهها كدي وتكون القبلة؟ ما ممكن. دي كرامة من الكرامات في نفس اليوم.

    الكرامة الأخيرة، مش الأخيرة من كراماتي لا، عشان نختم بيها موضوع الكرامات وما موضوع الكرامات دي، امرأة اسمها حاجة بتول. حاجة بتول دي عجوز. مشت يوم الخميس مشت الخلاء البعيد، مشت جابت ليها نوع من الأعشاب التوجد في البلد ديك بكثرة اسمه القضيم، تعرفوهو كلكم ما مزروع ربنا زراعو براهو، مشت الخلا لقطت القضيم وجابتو، ومن النوع البيصنع الطبق بتاع السعف بتعرفوا؟ الطباقة، صنعت ليها مجموعة بتاعة طباقة ومشت جابت القضيم في ماعون آخر بنقول ليهو الصوصل مصنوع برضو من السعف، على حسب وضع البلد وعلى حسب بساطة الناس فعشان ماشه يوم الجمعة لي سوق تبيع الأشياء دي وتاخد ليهاأغراض سكر شاي الحاجات المحتاجين لها فشالت الحاجات دي يوم الجمعة ومشت السوق باعت ما باعت والباقي فضل وقامت ماشة ترجع، وبينها وبين المنطقة بتاعتها السكناها والسوق مسافة بعيدة في الوسط طبعا الدنيا هناك غابات ما صحراء زي دي، غابات كتيرة جدا وأشجار كثيفة بي طريقة ما عادية يعني الانسان اذا كان بقى في طرف الجامع ده والتاني في طرف الجامع ده ما بتشوفوا، ما بتشوف الزول ده من كترة الأشجار، وكلها طرق ملتوية ما طريق دغري عشان تشوف الانسان لا، الشجر ذاتو ما بخليك تمشي في طريق مستقيم، خلاصة المسألة في مرفعين ذئب، بياكل أي شي ضعيف في الطريق يعني بالليل ما بالنهار، الذئب ده اذا كان لقى طفل صغير ماشي في الشارع براهو بياكلو، لقى حمار ولا ماعز ولا اي شئ ماشي براهو بالليل بياكلو، ومعروف حتى لو كان لقى الانسان معروف عندو فراسة بيستعملها، أو حيل بيعملها، كبير ولا صغير بيعمل ليك حيلة معينة، لقاك جبان بيعتدي عليك، لقاك شجاع ما بيعتدي عليك، فقامت العجوز حاجة بتول مشت باعت حاجاتها والعشية قامت بقية الحاجات أخدت ليها أغراض وجان شالت حاجاتها في راسها وجات ماشة في الطريق مع ناس حلتها والناس كانو راكبين في حمير وهي ما عندها حمار فكانت ماشه معاهم بكرعينها الناس اندمجت مع الونسة والسوق وما السوق فاتوا خلوها هي ماشة بي كرعينها ماشة والمغرب جا والحتة دي كريهة فيها الذئب أو الذئاب فجات ماشة والناس سبقوها والناس الورا ما معروفين بي وين ماشة في الطريق فإذا هي في حتة معينة مع المغرب لقت المرفعين. بقى بينها وبين الجماعة الفاتو ديلك. المرفعين طوالي ظهر ليها وداير ياكلها. والمرفعين اذا كان داير يجس نبضك أول نا يشوفك براك عشان يعتدي عليك بيقعد ليك في نص الشارع الانت ماشي فيهو بيقيف في نص الشارع ده، وبفتح خشموا بوريك سنونو دي، ومش كده بس بيضرب ليك سنونو بيعمل ليك صوت شك شك شك، ككك كككك ارهاب، امريكة لو تعرف الارهاب اهم المرهبين هم ديل! لأنو دي بتجس نبضك انت: هل انت مستعد للقتال معاي؟ أنا داير آكلك رأيك شنو؟ فأنت بتشوف، لو داير توريهو فراستك بتوريهو، أنحنا عشان ناس خلا طوالي بتجي جاري عليهو، أول ما تقوم جاري عليهو لو عندك عكاز تقوم تضربو هو بنتظرك؟ لا ما بنتظرك، بقوم طوالي هارب، اذا هرب تاني ما بتلقاهو بكون بعيد، براقبك وبيمشي بفوت بخليك معناهو خلاص جس نبض واتأكد أنك انت مستعد ليهو، لكن اول ما شافك انت خلاص قاعد تتراجف وهو قاعد في الطريق وانت حولت في الطريق التاني ياكا الاتاكلت. اتاكلت تب. شفت كيف. عندو صوت بيعملو للنداء، أي مرفعين في الخلا عندو صوت بنعرفو نحنا بيعمل صوت للنداء بعد شوية تلقى تلاتين مرفعين معاك كل واحد بجيك هاجم وكلهم بيعملوا دوار كدي، وكلهم بيجو هاجمين عليك تضرب منو وتخلي منو ما بتعرفو، في الحالة دي نحنا عندنا أسلوب، لأنك انت ما ممكن تقاتل ليك تلاتين مرفعين، أول ما شفت المرفعين ده عمل الطريقة دي ونادى الجماعة ديلك، انت ما عليك الا أن تشوف ليك شجرة كبيرة، وتطلع فوق خلاص، لكن شجرة قصيرة ولا شجرة صغيرة بيحفرها طوالي بيرميها بيك أنت وتنداس طوالي، فدي خبرة أنحنا بنعملها.

    خلاصة المسألة لقت المرفعين فكانت عندها نوع من التياب زمان الناس العجايز زينا كده بعرفوا، لكن الشباب ديل ما أظن بعرفوا، في نوع من التياب بنقول ليهو توب الزراق، نوع من الدمورية بيصبغوهو بي لون أزرق، بيكون اسمو توب الزراق، شايلة واحد وقامت نزلت، المرفعين عمل ليها سنونو كدي قامت نزلت البتاع ده، وتربطت من الحتة دي ولي الحتة دي عشان تتلفلف بالتيبان الاتنين بتاعة الزراق عشان شنو حتى لو نهشها ينهشها في أياديها في رجولها يمكن ربنا يجيب فرج مع الصراخ والبكي والبتاع ده يمكن تجيها نجدة، بس حاولت تستر من تحت الركبة ولغاية الرقبة دي، لفلفت التياب دي تمام، وتوكلت، علي منو لكين، بعد شوية حتعرف، مش على الله! فهي أول ما نزلت البتاعات دي وكانت بتتراجف المرفعين بي خبرتو عرف خلاص أنها دي ضحية، وبدل ما أنادي الجماعة ديلاك يجو يشاركوني في الوليمة دي لأ بعتدي عليها أن براي، وباكلها والجماعة ديلك يجو يلقوا الفرت ولا بتاع أي شئ ياكلو الآخر، لأنو هو جس نبض، لقاك جبان ما بنادي الجماعة، لقاك فارس احتمال ينادي الجماعة، في الحالة دي انت بتطلع قبل ما يجوك الجماعة ديلك، خلاصة المسألة اتربطت ودنقرت عشان تشيل الصوصل وكان كبير فيهو بقية القضيم وبقية الطبقة فأول ما دنقرت عشان تشيلو المرفعين طوالي جاء هاجم عليها، هي هنا طوالي قالت شنو؟ بدل ما تقول يا حي ياقيوم برحمتك أستغيث، أو يا الله أو أي دعاء، لأسماء الله الحسنى، في نفس اللحظة الشيطان أو قرينها أو الشيطان اللي كان معاها أو قرينها، وسوس ليها أنو تدعو القطب حامد، قالت شنو: يا الشيخ حامد تلحقني وتفزعني، قالت قبل ما المرفعين يحصلها شافت شيخ حامد جاي من السماء ونزل في ضهر المرفعين ده ومسك المرفعين من ضهرو، في شعر كده في المرفعين في ضهرو مسك الشعر ده، وبصورة الشيخ حامد ذاتو القاعد قدامكم وقال ليها أنا الشيخ حامد وده موت وأنقذتك منو مش المرفعين ده والله تاني في الأرض ما ينزل، ومسكت المرفعين ده وطرت بيهو في السماء وقالت بتشوف وكان في سحب قالت لي بشوفك لغاية ما دخلت في جوه السحاب، واندرقت خلاص تاني ما بعرف المرفعين وانت مشيتوا وين. هي في الحتة دي شكرت الشيخ حامد وحمدتو، بعد ده نذرت قالت أنا يوم الأحد انشاء الله أشتري لي تيس وأوديهو لي شيخ حامد ده، ده نذر ، نذر لي منو؟ مالله، للشيخ حامد، فعلا يوم الأحد مشت اشترت تيس وشالتو مع ولد ولدها صغير كدي عمرو تقريبا سبعة تمنية سنوات، وشالت التيس ده يوم الأحد وجاتني في المنطقة الأنا فيها، بعد ما اشترت التيس من السوق وأول ما جات، بعيدة هناك جاني الراجل البيشتغل معاي، اللي هو نوع من العفاريت واسمه سهسوبي، الراجل ده الشغال معاي ده اسمه سهسوبي، جاني سهسوبي ده طبعا روحاني، اللي هو زعيم لميتين ستة وتمنين جن، ده رئيسهم، من عفريت لي مارد لي شيطان، وديل كلهم كانوا شغالين تحت ادارتي، وديل كلهم أنا كنت باعتقد أنهم ملايكة، لأنو قالو لينا الروحاني ملك، الله بخلقو للأولياء الصالحين عشان يخدمهم، وفهمونا الكلام ده، شوفوا سبحان الله وربنا سبحانه وتعالى يقول ويوم يحشرهم جميعا ثم يقول للملائكة أهؤلاء ا اياكم كانو يعبدون. ديل كانوا بيعبدوكم يا ملايكة؟ قالوا سبحانك أنت ولينا من دونهم بل كانوا يعبدون الجن و أكثرهم بهم مؤمنون. فعلا كنا بنعبد الجن مش ملايكة. لأنو الأذكار الكنا نعملها ما بنعرف أنها دي ذاته شركية، لأنو بيقول ليك أدعوا الله وأدعو سر من الأسرار ما بيقول ليك، الأشياء الشايفنها دي ما سر من الأسرار، بيقول ليك ده سر الآية اأنت قريتها، سر الاسم بتاع الله الانت قريتو، بدل تقول يا الله بحق سهسوبي، سهسوبي ده شنو؟ ده سر يالله! سرو. طبعا في ظاهر وباطن، ده الباطن بتاعو. أيوه. ياسين وسرها. الواقعة وسرها. كذا وسرها، الأسرار دي تعال أقراها، زي الكتيب الهسع الصغير ده، ده كتيب مطبوع طباعة وعندو هنا أسرار كتيرة جدا، بيقول ليك دعاء الفوز العظيم، ياسين وخطبتها، الواقعة وخطبتها، حرز جلب الأرزاق، كذا كذا كذا، في كلام هنا دايرك تسمعو مطبوع طباعة، ده خطبة الواقعة، خطبة بتاعتها أو سر الواقعة، أو العلم اللدني لمعرفة حقيقة الواقعة، عندها ظاهر وعندها باطن، ده علم الباطن لسورة الواقعة، بعد ما تقرأ الواقعة عدد معين بكيفية معينة بتجيب الدعاء ده، تلقاه دعاء لله ودعاء حتسمعو انت، طيب الكلام الكتير ده ما دايرو عشان نختصر شوية، بعد قال بسم لله الرحمن الرحيم اللهم اني اسالك ياالله يا الله يا الله، طبعا ذكرنا الكلام ده قبل كده ولا ما ذكرناهو؟ يا الله يا الله، الناس بتعتبر كلمة يا الله يا الله ده ذكر، ده ماهو ذكر. ما في ذكر لا في السنة ولا في الكتاب، ذكر اسمو ياالله، مافي. في ذكر آخر يالطيف يا لطيف يالطيف يالطيف، مائة وتسع وعشرين، مافي ذكر اسمو يالطيف مية تسعة وعشرين. خالص، لا في كتاب ولا في سنة، كلكم علماء وعارفين الدين ده تمام، دايرين الدليل، في ذكر بيقول يا لطيف يالطيف يالطيف مسنود من النبي محمد صلى الله عليه وسلم بي كلام زي ده؟ ما في. يا رزاق يا رزاق يا رزاق. ما هو ذكر. ده ما هو ذكر. وعشان يقرب ليك المعنى وتعرف الكلام ده حقيقة، نفترض جدلا ـ يخاطب أحد الجمهور : اسمك يا الشيخ منو؟ عبد المنعم ـ لو أنا قاعد في المحلة دي وقلت يا عبد المنعم حتقول لي شنو؟ نعم؟ حتقول شنو؟ يا عبد المنعم، يا عبد المنعم ، يا عبد المنعم (يكررها) مليون مرة فهمت شنو؟ فاهم حاجة؟ ده شنو يعني؟ ده لعب. مفروض يا حرف ندا وعبد المنعم منادى. مفروض يجبو في جملة مفيدة. يا عبد المعن: قول لي نعم. قوم أمشي جيب لي موية. ياعبد المنعم سوي لي الشي الفلاني. يا عبد المنعم سوي لي الشي الفلاني. أنحنا قلنا يالطيف ماهو ذكر. الله قال ولله الأسماء الحسنى فادعوه بها فكيف تقول ما ذكر. ما ذكر. الذكر الصاح تجيب يالله في جملة مفيدة: يالله اعمل لي الشئ الفلاني. يارزاق ارزقني، يارحمن أرحمني، يا حي يا قيوم برحمتك استغيث، يا شافي اشفني، يا كافي اكفني، جيب الكلام ده اسماء الله الحسنى جيبها في جملة مفيدة، والملائكة واقفين عشان يؤمنوا. ربنا أول ما تقول يا الله ربنا قال ليك لبيك عبدي. داير شنو؟ نعم يعني. انت ما قلت شي. ياالله. لبيك عبدي. نعم. يارحمن. نعم. يارزاق. نعم. يا كذا نعم نعم نعم نعم. ربنا عارف لكن دايرك تقول. وإلا لماذا تصلي. ما الصلاة دي لازم تعملها. الدعاء لازم يكون في جملة مفيدة. يبقى انت ده كلام موجود هنا: يا فتاح يافتاح يا فتاح يا فتاح كتير. يافتاح شنو يعني؟ يا فتاح افتح لي أبواب رحمتك يافتاح أي كلام جيب جملة مفيدة. لكن برضوا ما تدعو بالعكس: يا رزاق اقهر لي أو يا قهار أرزقني. ما بتجي. تعمل الاسم وتجيبوا في جملة مفيدة بي نفس الصفات أو الأسماء. ده كاتب شنو يا فتاح يارزاق يا وهاب يا معطي يا مغني يا كريم ياذا الطول يا باسط يا ودود قول سمح دي كلها أسماء من أسماء الله الحسنى. تعال شوف هنا. إنا فتحنا لك فتحا مبينا ليغفر لك الله ما تقدم من ذنبك وما تأخر ويتم نعمته عليك ويهديك صراطا مستقيما، وينصرك الله نصرا عزيزا، نصر من الله وفتح قريب، وبشر المؤمنين، اللهم اني اسالك يا الله يالله يالله يا واحد يا أحد يا فرد يا صمد يا غني يا مغني، بحق سهسوبي سهسوبي سهسوبي، مهمهوبي مهمهوبي ذز الطول الحفي، بصعصع صعصع ذا النور والبهاء، ديل ياتهم ديل من اسماء الله الحسنى؟ دي من اسماء الله الحسنى؟ بمهمهوب مهمهوب ذي العزة الشامخ الذي له العظمة والكبرياء، بطهطهوبي طهطهوبي (يكررها) ده كلام شنو ده؟ اليس هذا بالدجل؟ دي من اسماء الله الحسنى؟ دي اسماء من اسماء الرسول؟ دي اسماء من اسماء الملائكة؟ وهل يجوز دعاء الرسول؟ وهل يجوز دعاء الملائكة؟ أو أي شئ؟ ديل شنوهم ديل؟ بتفهموا من الحاجات دي شنو؟ سهسوبي مهمهموبي طهطهوبي؟ الناس القاعدين جنبيالكلام دهي صحي؟ شوف الكلام ده (يعرض الكتاب عليهم أحدهم يقول صح) صاح؟ الكلام صاح؟ طيب شوف الكلام القلتو بي جاي ده: شوف هنا: مهمهوبي مهمهوبي صاح؟ بمهمهوبي مهمهوبي صاح؟ الناس القريب شايفين الكلام ده كلو صاح. ياهو ده مكتوب مهمهوبي مكتوبة طهطهوبي وصعصع وبعبع الحجات دي وكتيرة اليوم اليجي نفتح فيهو الأكياس دي بتشوفوا العجب العجاب والله. والله تشوفوا العجب العجاب. الحجات الشايفنها دي كل شي ليهو معني خاص حنوضح المسائل دي تماما وانشاء الله، وأنا ما عارف الزول ده ما جاء مالو. أخونا النور محمد أرجوك تعالنا ياخي.

    خلاصة المسألة أن هذا الدعاء وهذه الأشياء بنعملها أنحنا باسم الدين وده كلو منسوب للدين. ومنسوب ده للأولياء الصالحين وبيعملوا كرامات، وكرامات كلام فارغ أصلو الكلام ده ما من الدين في شئ، أنحنا عشان نختصر ونتكلم عن الكرامات وذكرنا كرامة معينة أنحنا حنمثلها وذكرنا الراجل ده احتمال ما عرف الوصف احتمال قدر الله وما شاء الله فعل، وبيعمل الحركة دي ذاتها هو رئيسها في السودان قدام الناس انو هو ولي صالح وعندو الطريقة الصالحة، والطريقة الحقيقية، وهو ولي صالح وبثبت ليك أنو هو ولي صالح، ولو انت جيت دخلت في الطريقة دي حتبقى ولي صالح زيو، اذن انت بتسعى لأنو تكون ولي صالح ودي فتنة الناس بالأولياء الصالحين. ده بياكل اللمبة دي بيمكسها يقرشها ليك زي البسكويت، ببلعها شوف عينك، كرامتو التانية بيجيبوا سكين زي بطعنوهو، في دماغو هنا ولغاية ما السكين تشوفها طلعت بي هنا،


    /// يتبع بقية المحاضرة الثالثة///
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
13-02-2008, 09:50 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    ويطلعوها تشوف دمها ينقط، دم السكين ده بينقط، وفيهو كمان نوع من شنو من العجينة بتاعة المخ تجي طالع بيضاء ده شنو؟ ده صديد؟ لا. بيقول ليك ده المخ، ده مخ؟ شوفو. تشمو بتلقاهو رائحة المخ، تشم الدم دم، تنقطو دم عديل ما فيهو اي شك، من الرائحة ، تمسو دم، الناس كتيرين يجي واحد يمسكو زي ده ويشمو ويختو في هدم دم أكيد، وسكين في راس الشيخ والشيخ قاعد وعندو شال أخضر كده خاتيهو وقاعد، الله أكبر، الله أكبر، ده ولي صالح صاح، لو ماكان صالح ودي كرامة من كراماتو كان مات، وكمان يدللوا ليك يقول ليك الأشياء دي حدثت من قبل، عصاة موسى، ياتو مشا عارف، كان برضو أشياء غريبة جدا، طيب يا أخونا، ياخي ما تقول لينا دي كرامة قول لينا معجزة، الكرامة والمعجزة بفترقن، الأشياء البتكون تحدي للناس واثبات انك انت على حق، دي معجزة وليس كرامة، الكرامة ما بتجي للتحدي والكرامة ما بتجي على كيف الشيخ ولا كيف الولي الصالح، أبدا، بتجي بدون ارادتو، لحل مشكلة، لكن الشئ الأنك داير تثبت للناس أنك ولي صالح لابد من تكون دعوتك دي مستندة على شئ معجزة، يبقى الأشياء الزي دي ماها كرامة، دي معجزات، الشيخ ده البروف ده حقو يقول لينا أنا عندي معجزات لأنو دي ما ممكن تكون كرامة لولي صالح تكون معجزة لنبي من الأنبياء، طيب التالتة، وبعد شوية شوف بعد الدم الشايفو ده، وبعد الشغلات البتشوفها دي بيخششوه في محله معينة وبجي طالع يجيك نصيح ما فيهو أي شئ، الطعنة القبيل ديك كان قال ليك وصفها ما بتوصفها، محلها وين بتفتش الراجل تلقاهو سليم ما عندو أي شي بروف، شوفو الراجل ده وضلالو. دي واحدة. التانية أنو عندهم طريقة بوصلوا بيها الكهرباء وبختوها في البروف، الكهرباء دي بختوها في الشيخ بتاعهم الولي الصالح ده، وبولعو اللمبة في يدو لمبة البيان، وبتولع في يدو وما بتعمل ليهو شي، الحتة دي الناس بيأمنوا بيها ايمان تام، لمبة ولعت في جسد الشيخ والشيخ الكهرباء ما بتسوي ليهو شي، فعلا أن هذا الرجل ولي صالح لا شك فيه من الأولياء الصالحين، ويضع سره في أضعف خلقه سبحان الله، الأولياء الصالحين ديل عجيبين خلاص، دي كلها كرامة من كرامات الأوليا الصالحين الآن أنحنا بنعتبرها وهي من كرامات أولياء الشيطان الطالحين وليس أولياء الرحمن أبدا. ديل أولياء الشيطان بروف ولا غيرو، ده البروف الأول، وهسع نجرب التجربة دي هنا حتشوفوها، البروف التاني بتكلم كررنا الكلام ده قال أي مسجد ما يكون فيهو قبر مسجد منزوع البركة، ما فيهو بركة، زي مسجدكم ده، انتو بتصلوا في مسجد ما فيهو بركة لأنو ما عندو ولي قاعد فيهو جوه هنا، وقال كمان شوف أكتر من ده قال أن أولياء الله الصالحين منهم من يخرج من قبره ويقضي للناس حوائجهم ويرجع تاني، عليك الله القبر العينك شافتو ده أنا لقيت طريقة طلعت منو تاني بنخش فيهو؟ في زول لقى طريقة طلع من القبر ده تاني برجع؟ ياخي انت الناس بكوا ليك والناس حزنو ليك والناس قامت اتبهدلت وأموالك صادروها والناس قسموها وانت ياخي عربيتك الخاصة ركبوها غيرك يمكن ذاتو والله أعلم زوجتك اتزوجوها وانت بتطلع من قبرك بتحل مشاكل الناس ياخي انت أولى بمشكلتك انت ما تحلها يوم تجي تحاسب الناس ديل، في زول بطلع من القبر ياخوانا بيقضي للناس حوائجهم سبحان الله سبحان الله سبحان الله، شوفو الناس ديل وضلالاتهم، ده بروف بيقول الكلام ده، يا بروف شهادتك دي عشان تاكل بيها عيش، والله عند الله لا تساوي شي، ومش ادوك شهادة معناهو انت تتبجح وتقول كلام كتير، والله القبر ده يومك اليضمك اتحداك واتحدى قبيلتك واتحدى السودانيين كلهم خلي يجوا يطلعوك من القبر ده وانت حي. والله لا يستطيعون ومش السودان الانس والجن والملائكة والخلق كلهم لا يستطيعون أن يخرجوك من هذا أنك حي أبدا، الا يوم القيامة وأول من تنشق عنه الأرض يوم القيامة هو النبي محمد صلى الله عليه وسلم، ياناس ما فيش عقل يقبل كلام زي ده على الإطلاق، ناس تقبل الكلام ده، شوف سبحان الله. شوف الناس دي عقولها كيف. دي كرامة أو ده قال من كرامات أولياء الله شوف الغلو، غلو في كرامات اولياء، ياخي شوف النبي محمد صلى الله عليه وسلم، ما بجي طالع من هناك يقضي للناس حوائجهم، الناس افتتنوا في موضوع الخلافة الناس افتتنوا في مشكلة بتاعة معاوية وعلي ودي كلها ما سمعنا النبي محمد صلى الله عليه وسلم طلع من قبره وجا حلا للصحابة مشكلتهم، يبقى واحد ولي دون هذا الرجل ولا في ولي ياخوانا أعلى من محمد صلى الله عليه وسلم؟ يبقى محمد صلى الله عليه وسلم ما جا حلا للناس مشاكلهم يبقى ولي من أمتو هلفوت يجي يقول واحد من الأولياء الصالحين يطلع ويجي يقضي للناس حوائجهم ويرجع قبره ، الراجل ده ياخ ما بختشي ياخوانا الناس ديل ما.. والله الذي لا اله إلا هو بن آدم البسويها شفت ابليس ما بسويها ابليس ذاتو يقول لا حول ولاقوة ابن آدم ده بالغ ذاتو، يخت كده ويقول والله البني آدم ده بالغ مبالغة عجيبة خلاص ده شنو ده ياخ، ذاتو يقعد يتفرج في شغلاتنا الانحنا بنسوي فيها شي أصلو ما انزل الله به من سلطان، باسم شنو باسم الولاية الصالحة وكرامات أولياء الله الصالحين، والله الذي لا إله إلا هو ديل مش كرامات صالحين، ديل كرامات أولياء الشيطان الطالحين. ده بروف. البروف التاني أو التالت حكينا البروف الأول بتاع ... والبروف التاني ده كلامو، البروف التالت قال شنو، مصحح كتاب اسمو طبقات ود ضيف الله قال ان لاولياء الله الصالحين درجات كتيرة لكن أذكر أقلاهن، آها يا بروف، انت طبعا قريت وشهادات عالية، ورينا أقلاهن شنو، قال أقلاهن ثلاثة، أنا ماعارف العاليات ديك كيفنهن، قال أقلاهن ثلاثة سأحكيهن، طيب احكيهن، الكلام ده مكتوب، قال أقل درجات أولياء الله الصالحين منهم من يطيروا في الهواء، قال أولياء الله الصالحين بطيروا في الهواء، واحد، اتنين قال أنو أولياء الله الصالحين بيمشوا على الماء، مشي مش يعوموا، لا، مشي، وقال منهم من يقول للشئ كن فيكون، عليك الله ده كلام ده، وده بروف، بروف، شوف البروفيسورات ديل بيقولوا في شنو، عليك الله ديل بروفيسورات صحي؟ آه؟ ديل عقول؟ سبحان الله ديل العلماء الجهال علماء وجهال، علماء أكاديميين عالين لكن في الدين صفر ومش كمان على اليمين، مية صفر على الشمال. آخر صفر من الميلون في الشمال. عليك الله ديل بروفيسورات؟ العقول ياخوانا العقول دي مشت وين؟ هل قلت ليهو يا البروف اذن في السودان، أنا طفت أكتر من خمستاشر دولة في العالم، مشيت حلقت، قلت ليهو والله خلي الدول المشيت لها اعتبرني سوداني ما طلعت من السودان، والله الذي لا إله إلا هو من هنا ولغرب السودان وشمال السودان وجنوب السودان، وشرق السودان، من ألله ما خلقني مالقيت لي زول طاير في الهواء. اتنين مالقيت لي زول ماشي في الماء. لقيت زول عايم صاح وأنا بعوم لكن مشي ما شفتو، مالقيت لي زول اذا أراد شيئا يقول له كن فيكون، يبقى يا بروف بمنطقك ده أنحنا السودانيين ما فينا ولي واحد صالح. وإلا فأثبت لي إنت شخصيا قل لي فلان طار، والا خلي ده كلو، طير لي أنت. عشان نشهد أنك طاير وولي من أولياء الله الصالحين. ولا تعال ياخي كدي نمشو النيل ده أنا بقيف بي جاي وانت أمشي أقطع لي النيل ده بي غادي بكرعينك ما تعوم أمشي بي كرعينك أقطع بي غادي وتعال راجع، ولا ياخي أنا دايرك تعملني أغنى رجل في العالم، قول للرزق بتاعك ده ياشيخ حامد انت حتكون أغنى رجل في العالم، خليني النكون أغنى رجل في العالم.

    طبعا داير لي عشرين عمارة في الصافية، الله يسكنك الصافية، وشنو بس عارف، وبقالة ناصية وبتاع، داير لي عشرين عمارة هناك، وداير لي ميتين عربية، وداير لي طيارات، ومع العلم داير ياخي انك انت ما دام انسان مسلم، وتابع لي دين محمد صلى الله عليه وسلم، وأمرك انما تقول له كن فيكون، دايرك ياخي تقول لي اس رائيل قول للأرض أخفسي بإس رائيل بي دائرتها شفت الاس رائيليين خليهم يغطسوا في البحر، بتقدر؟ إنا لله وإنا إليه راجعون! شوفوا، شوفوا فتنة الكرامات وفتنة الأولياء الصالحين وخزعبلات وزي كرامات منسوبة لعبد القادر الجيلاني، وهو برئ من الشغلة دي، عبد القادر الجيلاني قال عندو حوار، ده واحد من القادرية، قال عبد القادر الجيلاني عندو حوار مات، مات الحوار ده، وعبد القادر الجيلاني كان في سفر جا لقى تلميذو ده مات، تلميذي ده الكتلو منو، قال والله ملك الموت جاء كتلو وفات، طبعا معروف ملك الموت هو البكتل الناس، قال هو ملك الموت ده ياخي ماعارفني التلميذ ده تابع لي، قال والله يا الشيخ بس كتلو وفات، قال كويس اقيفوا أقيفو، قال بس عمل كدي وزاغ منهم، الزوغة دي طلع لي ملك الموت لقاه شايل الأرواح بتاعة اليوم ده كلهم شايلهم في قفة، في السماء الرابعة، قال وصلو في السماء الرابعة، وصل ملك الموت هناك شايل الأرواح دي في السماء الرابعة في قفة، زي قفة الخضار دي، قال ليهو: ملك الموت هوي أقيف، ماشي وين انت؟ قال ليهو والله الله رسلني وقبضت الأرواح دي وماشي بيها، قال ياخ عندي حوار والحوار ده انت قبضت روحو ما استأذنت مني، قال ليهو ولله أنا قلت ليك الله قال لي، قال ليهو أنا قلت ليك كمكوت (؟) قال ليهو ياخي ده طبعا أمر من الله، قال اتصارع معاهو، يومداك ده أبا وده أبا، عبد القادر الجيلاني وملك الموت اتصارعو ليك، انتل أنتل أنتل أمشي عارف المهم عبد القادر الجيلاني قدر على ملك الموت، قلع منو القفة بتاعة الأرواح، مع القلعة والنتلة دي الأرواح كلها اتشتت، بما فيها روح الحوار بتاع عبد القادر الجيلاني، فالآرواح كلها رجعت لأصحابها، الدخلوا القبر جاء طالع، والمشى قبرو جاء طالع الأرواح كلها في اليوم ده جات طالعة وقال ملك الموت رجع لله حسيرا مكسور الجناح، فمشى لله سبحانه وتعالى وقال ليهو والله عبدك عبد القادر الجيلاني كان نازعني وصارعني وتغلب علي، ,أخد القفة بتاعة الأرواح وشتت الأرواح ورجعت الأرواح لآصحابها، قال ليهو ياخي ماكان تتعامل معاهو ياخي ما خسرتنا خسارة كتيرة خلاص ياخي ده شنو ده، كان تدي روح زولو وبس ياخي انت خسرتنا خسارة كبيرة، هل يعقل هذا الكلام؟

    والله مكتوب كتابة وأجيبو ليكم هنا ده تقروهوا مطبوع طباعة، عليك الله ديل أوليا صالحين صحي، هل في عقل بيصدق الكلام ده، ملك الموت ده عليك الله في زول بيقابلو، آه؟ لا اله الا الله محمدا رسول الله صلى الله عليه وسلم. إنا لله وإنا اليه راجعون، والله الزول ده ما بيعرف ملك الموت، كان بيعرف ملك الموت أظن كلامو ده ذاتو ما بيقولو. قالوا زمان سيدنا سليمان كان قاعد في مجلس من المجالس جاهو ملك الموت قاعد جنبو، وكان قالوا بتشاف بيتشكل بيتشاف، قال في زول قاعد وملك الموت كل ما يتكلم مع سيدنا سليمان بيشوف الزول داك. الزول داك عرفو ده الملك الموت، وملك الموت بيشوفو بيدنقر، بعدين بيسرح عينو بي تحت بيشوف ملك الموت بيشوف ليهو لا ما بيشوف ليهو، كل ما يسرح عينو ملك الموت بيشوف ليهو تاني بيدنقر، المسألة دي أزعجتو جدا الراجل ده داير مني شنو ياخ، ده قدر الله سبحانه وتعالى، مشى براحة عمل ليهو حيلة، جا قعد جنب سليمان، بي غادي قال ليهو يا سيدنا سليمان قال ليهو نعم، قال ليهو والله أنا شايف ملك الموت ده بيقرصني عين عين، فالمسألة دي ياخي كدي صرفني من الموضوع ده، يمكن الزول ده دايرني، قال ليهو طيب. قالوا سيدنا سليمان سليمان أمر الريح قال ليها خذيه أمشي بيهو البلد الفلانية أتركيه هناك، جات الريح أخدت الزول ده في أقل من دقيقتين وصلتو البلد دي، قعد هناك، فملك الموت بعد شوية اختفى، استأذن وفات، فبعد فترة جا ملك الموت لسيدنا سليمان وقعد يتونس معاهو، قال ليهو زمان ياخي في قضية كده وكده، قال نعم، قال ليهو الزول ده ربنا حاكم عليهو أنو أقبض روحو في المنطقة الفلانية، مشيت طقت الأرض مالقيتو في منطقتو، طفت الأرض عن بكرتها مالقيتو جيت لقيتو قاعد هنا، ودي ما الحتة الربنا قاسم أنو أقتلو فيها، ربنا قاسم أنو أقتلوا في الحتة لفلانية والباقي دقيقتين ولا تلاتة دقايق فقط، انا محتار أقبض روحو هنا لا دي ما الحتة، محتر ذاتي أسوي شنو، يوم انت بتكلم معاك مشيت أمرت الريح وديتو نفس المحل، نزلت، الراجل لقى ملك الموت مسكوا خنقو، إن الله يحب المحسنين، فملك الموت ده قالو عبد القادر الجيلاني بتصارع مع ملك الموت وبتغلب على ملك الموت وبيشيل أرواح مريديه وبرجعهم، شوف الشغلة دي عليك الله، هل يعقل هذا الكلام، ده كلو من كرامات الأولياء الصالحين الناس بيقولو ليك ما تتكلم فيهم وديل أوليا، وانت بتنكر لأولياء الصالحين، معناهو إما تايد هذه الخزعبلات والدجل، وإلا أنت مصنف خامسي وهابي أنصار سنة مش عارف ايه ايه، وإلا تصدق هذا الكلام، وإذا كان صدقت هذا الكلام انت يكون ياويلك لأنو ده مش أولياء صالحين، ديل أوليا بتاع الشيطان طالحين.

    فيبدوا أنو الراجل ده ما جاء والغايب عذرو معاهو، يبقى أنحنا دايرين نوري الطريقة الشرعية لأنو كل الكلام البقولو ليكم لو كان في مجال ليهو أي كلام بثبتو ليكم بالعمل، الكلام البقولو ليكم بتاع التصنيفات والشغلة دي، دي كلها متسلط فيها عالم الجن والشياطين، الطيران، أنا كنت في كف، الطيران الكان في الخلوة، المنطقة المشيت ليها الكم وأربعين كيلو، أساسا كف بتاعة عفريت وضعها وقال لي أرفع رجلك الشمال وختها رفعت رجلي الشمال وختيتها ورفعت رجلي اليمين ختيتها ورفعني بالكف وداني للمنطقة، ما أكتر من ده، كف بتاع عفريت، ما سمعت بيقول ليك والله الشئ ده في كف عفريت؟ في مثل بيقولو زي ده، ده كف بتاع عفريت.

    طيب الكرامة التانية الابريق، انت عارف أنو الإبريق ده في النهاية البحركو شنو؟ بيحركو ابن من أبناء الجن، يوم يقول للإبريق اتحرك أمشي الجن لأنو بصورتو الحقيقية انت ما بتشوفو، بيقوم عشان تعتقد أنو الابريق ده ماشي، هو يمكن الابريق كده طاير، لكن انت بتشوف الابريق يعمل كده (يطرق المنضدة مكررا) كأنو الابريق كأنو الابريق ذاتو أو بذاتو الشخصية بقنص أو بنط وبقعد يعني شي ما مرفوع، لو انت شفت طاير كده تقول يعني شي شايلو رافعو لأ، هو بوريك أنو الإبريق ده بنقمز وينط، شفت بيعمل كدي (يطرق المنضدة مكررا) شفت جن بشيل الابريق ده يعملو كدي، شافع من شفع الجن، بوصلو المحل الأنا دايرو، أمشي ودي لي كده، الأباريق البتجي من البيوت، عشان تجي مع الإبريق ده، مجموعة من الشفع بتاع الجنون أول من الابريق ده مشى هناك ده حركو، الشافع ده بنادي الشفع التانين بقول ليهم جيبوا الأباريق الفي البيت، داك بيمشي يجيب الإبريق ده وبختو بي هنا، وكل واحد ماسك ليهو ابريق ويطقطقوا في الطقطقة دي لغاية ما يجيبوها، شوفوا الشغللانية دي, واحد.

    اتنين الورقة أو القصبة البختوها في خشم البير أساسا دي خدعة بنمشي في كف بتاع عفريت، عفريت بخت كفو كده في البير، كبيرة جدا من أول البير لآخر البير، أنا بجي ماش، لأنو قلت ليك أحيانا بتشوف رجلي هنا، أحيانا بتشوفها بالطرف بي هنا، الطرف البي هنا ده ما هواء، طيب ليه الرجل دي ما تزلق تقع؟ لا ما بتنزلق، الحتة دي أساسا أنا بخت القصبة لأنو القصبة رقيقة اذا كان الانسان داير يمشي فيها لازم يعمل رجلو دي كده ودي كده، لأ أنا بمشي مرتاح، والإنسان بطبعوا في فتحة بين القدمين، مابختهن في خط واحد، دي بي جاي ودي بي جاي، أنا بمشي المشية الطبيعية دي يعني رجل ممكن أختها هنا والرجل التانية أختها بي جاي، التانية ممكن أختها هنا التالي ممكن أختها بي جاي، وهكذا، انت بتشوف رجل في القصبة ورجل خارج القصبة، وبتستغرب: دي في القصبة عرفناها التانية دي الشيخ ده شنو؟ دي كرامة من كرامات الولي الصالح شوفوا الشغلة كيف، ده كف بتاع عفريت.

    الكرامة اللي بعدها اللي هي ضرب الكعبة بأصابعي،أساسا ماها الكعبة، حديدة بتدي صوت زي صوت النحاس، كبير من النحاس، بجي الشيطان وبتلبسو، الشيطان لو اتلبس بالشي، دي لحمة الشيطان لو الآن اتلبس في اللحمة دي انت ما حتشوف اللحمة دي، عشن كده في ورق هنا وطبل هنا اسمهن الاخفاء، يختفي، الشيطان بصورتو الحقيقية دي اذا كان تلبس بي شي يختفي بيهو، اذن دي لحمة أنا ماسكها اذا كان جاء شيطان، دعيت مع الله غيرو وجاء شيطان قدمت ليهو خدمة معينة شفرات جا اتلبس في اللحمة دي انت حتشوف يدي دي مرفوعة زي ده ما حتشوف اللحمة، أو بالضبط أنا شخصيا ممكن أعمل شفرة معينة تقرب لعالم الجن والشياطين انت الآن تسمع صوتي في الميكرفون وما حتشوفني، خالص ما حتشوفني، الشيخ ده وينو والله ده صوتو مابتشوفني.

    إذن الباب عبارة عن حديدة من نحاس والحديد بتاع النحاس صوتو بيشبه الدهب قريب من الدهب، بجيب الحديدة كبيرة جدا زي صينية وبتاع وبيعرضها وأنا بدق كده بتسمع الصوت بتاع النحاس ده وكانو صوت بتاع دهب لأنو صوت النحاس بختلف من الحديد،عندو رنة خاصة الرنة دي بعيدة كأنو شي بيعمل صدى بتاع صوت فإنت بتسمع الصدى بتاع الصوت بتعتبرو باب بتاع دهب الموجود في مكة المكرمة، الكرامة اللي بعدها بتاعة الصينية وبتاعة الشاي شفع. لما أعمل كده شفع قاعدين بتاع الشواطين واحد منهم بشيل الصينية بجي بوزع بعد ما عملت كدي واحد منهم رافع الصينية وداك بلقط في الكبايات بشيلها بختها لأنو الكباية يوم تقعد ما بتقعد بتسمع (صوت طرق) داك بشيلها بختها كدي شالها ختاها (صوتطرق) وماشي بلقطوا فيها ومارين بين الناس والناس ما شايفين الشواطين بتاعين شنو بتاعين الجنون لأنو على صورتهم الحقيقية.

    الكرامة الرابعة الأخيرة الحكيتها بتاعة المرة، أساسا معرفة الشيطان والجن لفساد أخلاق الناس بيعمل الحركة دي، الإتنين لا دا هو مرفعين ولا داك أنا، شفت: حتى المرأة يوم جات من بعيد قبل ما أنا أعرف الكلام ده جاني سهسوبي قال لي شفت المرأه الجاية ديك قلت ليهو نعم ده كان يوم الأحد، والناس كان أكتر من الكمية الموجودة الآن كان بيراقبوا وبجوا ياخدوا النفحات، الناس في المجلس ده جات المرأه من هناك سايقة التيس مع ولدها ممسكاهو، وجات هناك وملصت نعلينها وجات تحبي في الأرض، ومن الأدب الكانو بيقدسونا بيهو مسافة أبعد من نهاية الجامع دي تملص نعلينك هناك وتكون حابي مش تقيف فوق لآنك لو جيت ماشي فوق ما بخلوك تصلني لأنك قليل أدب وكن جيت هنا الناس القاعدين ديل الأوتاد والجماعة ديل تكون قاعد بي أدب تتربع وتدنقر تحت ما تشوف الشيخ، لأنو شوفك للشيخ بيعتبر عندنا كمتصوفة أو عندنا في طريقتنا نوع من قلة الأدب، ما مؤدب لازم تنخضع، لله الناس ما بخضعوها زي ده، للشيخ تلقاه مدنقر، يا الشيخ، أي كلام يقولو ليك وهو مدنقر، بيرفع راسو يشيفك بقول ليك الشيخ ما تشيفو، ده نوع من الحقارة وده نوع من قلة الأدب،المرأة دي جات من هناك ملصت نعلينها وجات تحبي، قبل ما تصلني من بعيد جاني سهسوبي قال لي شفت المرة ديك قلت ليهو أيوه نعم قال لي المرأة دي يوم الجمعة حاصل كذا وكذا ذكر لي لي الكلام الحكيتو ليكم ده كلو، أيوه وحصل كده كده كده، واسمها حاجة بتول، عشان كده حنخش بعد كده في (موضوع) ناس بيعلموا الغيب المرة دي ما بعرفها هي بتعرفني زي رئيس الجمهورية كلنا بنعرفه لكن لو جيت خاشي الليلة خاشي هنا والله ما بنعرفكم، مشهور هناك هي بتعرفني أنا ما بعرفها، أول ما جات من هناك قال شفت المرأة الجاية ديك قلت ليهو نعم قال لي دي اسمها حاجة بتول، أيوة حجت، أها وقاعدة وين قال لي قاعدة في الحتة الفلانية وأبناءها فلان وكذا وكذا وكذا، خلاصة المسألة حكى لي القصة الحكيتها ليكم كلها، يوم جات المرة دي الناس منعوها تصلني قلت ليهم خلوها تجي، يوم جات قريبة هنا وهي كان بتحبي تحت مدنقرة كدي بتمشي بكرعينها الأربعة، خلاصة المسألة قلت ليها يا حاجة بتول قبل ما هي توريني أنا حاجة بتول ولا حاجة ميرم، قلت ليها ياحاجة بتول الموت وأنقذتك منو تاني دايرة شنو جاية مالك دايرة شنو؟ قالت لي رضي الله عنك أنا جيت جبت ليك التيس ده نذرت وجبتو ليك كرامة قلت ليها خلاص قبلت الصدقة اتفضلي امشي فقالت رضي الله عنك وعنا بك آمين، شوف، فرجعت وكان مشهد عجيب جدا، والمسألة دي أخدت إعلام ما عادي، لأنو الناس كلهم من وجوه شتى ومن بلاد بعيدة جدا من توغو من بنين من ساحل العاج افريقيا الوسطى الكاميرون تشاد نيجيريا النيجر وهكذا، فناس كانو لحم راس فالناس رجعت بسمعة عجيبة جدا عن الولي الصالح ده ومن كراماتو، حاجة بتول أنها جابت سمعة للشيخ بطريقة ما عادية، ودي خبرة للشيطان بفساد عقايد الناس، الشيطان البقى مرفعين ده شيطان ماهو مرفعين حقيقي، والشيطان التاني داك شيطان اتصور بصورتي أنا، والشيطان يستطيع أن يتصور بصورة أي انسان، اتنين شواطين اتفقوا ووسوسوا لشيطانها هي الحقيقي وقالو ليهو أنحنا بعدين حنعمل كذا وكذا وسوس ليها في صدرها بدل تنده الله سبحانه وتعالى أو تنادي الله سبحانه وتعالى تنادي الشيخ حامد، حتى السمعة اللي طلعت في اللحظة ديك أنك في وقت الضيق ماتنادي الله، ما تنادي الله، الله ما بفزعك لكن كن ناديت الشيخ حامد بفزعك قبال الله، شيخ حامد بلحقك قبال الله لآنو شيخ حامد بينو وبين الله عامرة وبينك وبين الله انت ماك عامرة، وعشان بين الله وبين شيخ حامد عامرة ربنا بستجيب ليك بستجيب لي شيخ حامد مش عشانك انت عشان شيخ حامد، شوفو الشيطان بسوي للناس شنو عشان يضللهم، ده شيطانين عرفو فساد عقائد الناس وعملو البهلوانية دي والمسعة طلعت أنو من كرامات الشيخ الصالح يوم دعيتو في ساعة الضيق بلحقك قبال رب العالمين، شوفو الشغلة دي. دي كل الحقائيق وانشا الله ما أطيل عليكم نعمل التجربة بتاعة الكسنزانية، ونرجع بلحمتنا ونجي الجمعة التانية اذا كان في العمر بقية انشاء الله ويجينا أخونا ده النور محمد، انشاء الله لو لقيتو حتى لو ما دير يجي أنا بشيل منو الحجاب ذاتي وبجيبو معاي هنا أنا خليت ليهو الحجاب لأنو رفض بيهو، التانية، ما داير أجيبو بي طريقتي الناس هنا يكون عندها فهم إنو أنا عملت الشغلانية دي. لأ، دايرو يجي هو ذاتو يحكي، هو عسكري وكان في الجنوب وقعد في الجنوب اتناشر سنة مقاتل، وأداهو الحجاب ده واحد بي ماهيتو كلها بل زاد عليها، وكان في الزمن داك ماهيتو أو الراتب بتاعو سبعة وأربعين ألف بس في الشهر، وقال تم عليها تلاتة آلاف بي خمسين ألف، خمسين ألف، خمسين ألف دي راتبو كلو وتلاتة آلاف زيادة سلفة، حلف وأقسم في كل طلعة لأي اتجاه بودوني أنا قدام وأنا راكب قدام الناس الذخيرة دي كلها بتجي عابرة بي جاي وجاي ما في طلقة بتصيبني كلها تمشي تكتل الناس ديل وتعوقهم وأنا ماشي قدام ما في طلقة بتصيبني، إما جات بي فوق ولا جات بي جاي، والسكين ما بتضربني ولا سونكي، ولا أي شئ، وجربناه ولقيناهو كلامو صاح في البيت، فأنا طلبت منو إنو الحجاب يديني ليهو قال لي حجابي ده ما بديك ليهو، قلت ليهو الحجاب ده شرك وجربنا التجربة وبطل الحجاب، وقلت ليهو الآن لو فتحناهو ببطل نهائي، أنحنا الحمد لله ودي نعمة من نعم الله عشان نمشي نثبت للناس في الجامع تجينا في الجامع وتجيب لينا حجابك ده وبعد ما نجربوه في اللحمة ما بنجربوه في انسان لأنو بتختو في اللحمة دي ما بتقتطع، أي واحد فيكم انشاء الله اليوم اليجي فيهو الراجل ده بنقول ليهو تعال خت الحجاب ده في اللحمة دي وحيخت الحجاب ده في اللحمة وأقوى واحد فيكم حنديهو السكين دي نقول ليهو قطع اللحمة دي ما حتتقطع. أطعنها ما حتتطعن تبقى زي اللستك. وبعد ده بإذن الله تعالى والحمد لله المصاحف عندنا نختار منكم تلاتة أشخاص ونجيبو المصاحف واحد منكم يقرأ سورة البقرة والتاني الصافات والثالث الدخان والرابع يؤذن كما عملناهو في البيت انشاء الله وانشاء الله سيبطل الحجاب وتتقطع اللحمة، والسلاح لو في لكن السلاح ده عاو ليهو تصديق، ومشاكل بتاعة ناس الشرطة وبتاعة وكيل النيابة دي ما دايرين نخشوا فيها، المهم نعمل التجربة الما بتجيب مشاكل، نقطع اللحمة والجماعة ديل يقروا، وببطل الحجاب وبعد داك نسكت تاني الحجاب بحجب، تاني نقرأ بيبطل، ده شئ بيأكد للناس أن حقيقة هذه الحجبات شياطين، ببطل ليه لأن الموقع الذي تقرأ فيه البقرة والصافات والدخان لا يطيق الموقع ده، ما في شيطان ولاعفريت ولا مارد يستطيع أن يواصل عملو السحري في الموقع،والأذان كذلك طارد لعالم الجن والشياطين، أما السكات بجي من بعيد بشوف الورقة دي، هل قاعدة في صلها الهو مفروض يتابع،ولا فتحوها وطلعوا منها أشياء، لو جا من بعيد بعد السكات بجي بشوف من بعيد، ويجي قريب ذاتو يتأكد الورقة دي سليمة، مكلف يتابع، مكلف من زعيمه يتابع الورقة دي، وكن فرطت فيها بسرقها منك، عشان كده بعض الحجبات بقول ليك يا الشيخ كان فرطت فيهو بيطير منك، ما بطير، الموكل ده بسرقوا وبطير برجع عشان ترفع عنه التكلفة، أيوه يبقى حنسكت، إذا كان سكاتنا لخمسة عشرة دقايق لو تاني جربنا اللحمة دي ما بتتقطع، نغير ناس تانين ونجيبهم بنفس السور التلاتة ومؤذن جديد بيبطل كل شئ تجربة عيان بيان انشاء الله، فنسال الله سبحانه وتعالى يلمنا في الراجل ونجي نعمل التجربة دي بعد ده بتتأكد ليك شغلة بتاعة شياطين وجنون الدين الفيها ما بحجب، وذا كان قبل لينا نفتحوا، ما قبل لينا عندنا هنا حجبات مفتحة بنوريكم المكتوب فيها هل هو دين حنقراها ليكم وأي واحد يجي يقرا الكلام المكتوب ده مكتوب بالنجاسات، النجاسات انت ماشفتها لكن بنقول ليك تعال أقرا الكلام كده بتلقاهو والله لا في الكتاب ولا السنة ما بتلقاهو في محل كلام كلودجل وخزعبلات وناس سهوب مهوبي طهوبي دعاء لغير الله والدعاء لغير الله شرك انشاء الله نعمل التجربة الأخيرة دي انشاء الله نختم بيها الكلام وانشاء الله الجمعة الجاية نجي نواصل ما اانقطع من حديث.

    (يقوم بتجربة توصيل جسمه بالكهرباء ووضع لمبة بيان عليه حيث تضئ لمبة البيان)

    كده مولعة يا عصام ولا طافية (يرد مولعة).

    دي الخدعة الغاشين بيها الناس أنهم بتولع فيهم الكهرباء والكهرباء ما بتسوي ليهم شي. شيخ من أولياء الله الصالحين توصل فيه الكهرباء ويخت فيه لمبة البيان وهذه الكهرباء ما بتسوي ليهو شي ودي تقنع كتير من الناس لأنو لو ما ولي صالح لا يمكن الكهرباء دي تولع في جسدو، في جسدو، مش تولع هنا لأ تولع في جسدي أنا وما تعمل لي شئ شئ غريب جدا وبقنع كتيرين من الناس أنو هذا الرجل رجل صالح. والا ما في انسان يهبش الكهرباء دي او اللمبة تولع فيهو ويكون انسان عادي انسان ماهو عادي. شوف الناس ديل واحتيالهم. يبقى الحتة دي فيها كهرباء وعشان نتأكد انو فيها كرباء ولا ما فيها كهرباء بنخت كده. شايفنها فيها كهربا؟ كده ولعت كده طفت؟ في زول ما شايف ياخوانا؟ كده مولعة صاح؟ في زول ما شايف؟ عشان مافي زول يقول أنا ما شايف، كده مولعة. كده طافية كده مولعة، صاح، طيب أنا نمسك نشوف أنا الكهرباء دي بتسوي لي أنا شي؟ أها مسكتها يبقى كدي قوموا ياشفع شوية زحوا شوية، لا أبقى بعيد مش هنا، طيب دي يدي أنا ده ما سلك دي يدي أنا صاح؟ ولا في سلك هنا؟ طيب أنا دايرك عشان الناس البي جاي وبي جاي يشوفوك تقوم تمسك البتاع ده كده وبعد داك ترفع يدي أنا أدي مجال واسع عشان الناس بي غادي يشوفوا، دي يدي شايفها؟ شايفنها ولعت؟ أرفعها مولعة؟ ده ولي من أولياء الله الصالحين اللاخوف عليهم ولاهم يحزنون (الجمهور يضحك). شفتو الاحتيال كيف؟ شفتوا احتيال الناس ديل وخداعهم للناس؟ يبقى انت خليك يجي واحد تاني. تعال ياخي عشان الناس برضو ما تعتقد وتفهم غلط تقول هو ذاتو شغال الشغلانية دي. تعال بي هنا تعال بي جاي، أمشي، أمسك هنا، زح يا ولد، شايفين الراجل ده ماسك الكهرباء، لا أمسك بيدك التانية، شايفين الزول ده ماسك الكهرباء معناهو مشحون كهرباء ليه ما بتكتلو؟ يبقى ذه برضو من أولياء الله الصالحين! (الجمهور يضحك) طيب أنحنا عشان نـتأكد الكلام ده صاح حنولعها فيهو أهه. دي الكهرباء ده الراجل ده شايفنو ولعت؟ كده طفا؟ كده ولع؟ كده طفا؟ من أولياء الله الصالحين الذين لاخوف عليهم ولا هم يحزنون (الجمهور يضحك) شوفو الناس ديل. شوف خداعاتهم. أي انسان يمكن يعمل الحركة دي. يوم طلبنا معاهم مناظرة شخصيا طلبت مناظرة عشان يعمل المسالة دي، وطلبت شروط أديتهم شروط لازم تنفذ هذه الشروط، الشرط الأول تحضر هذه المناظرة وسائل الإعلام كلها البنشوفها والبنسمعها والبنقراها، واحد، اتنين تحضر هذه المناظرة تكون في حتة واسعة ويحشر الناس ضحى انشاء الله، ثلاثة يحضرها قاضي من الحكومة أربعة يحضروها ناس الشرطة عشان بعدين بكون في موت، الزول ده أنا بقتلو والله ما أخلي، ما برحمو كلو كلو لأنو ده عدو من أعداء الأنبياء، ولقد جعلنا لكي نبي عدو شياطين الانس والجن يوحي بعضهم إلى بعض زخرف القول، يخدع الناس بالحتة دي بالولاية الصالحة، بروف حينتهي بعدين شهادتو دي خليهو تنديهو من الموت، لأنو الحتة أنحنا حنعمل الآتي أولا، القزاز ده أكلو وبلعو مستحيل، تاكل صحي تدفقو صاح لكن قزازة كاملة من البتاع ده تاكلو وتبلعو في بطنك بي سكاكينو دي ما مكن، واحد، ده سحر خيال وسحر الخيال خدع وخوف حتى من أفضل الأنبياء والرسل موسى، وخيل اليه من سحرهم أنها تسعى، أيوه خدع رسول الناس العاديين مابيخدعوا؟

    رسول حتى كمان خالف كمان. فأوجس في نفسه خيفة موسى. قلنا لاتخف ـ لأنو شاف حقيقة هي ما حقيقية ـ اذن دي خدعة للناس، الحتة بنبطلها بإذن الله تعالى بقراءة القرآن. وآيايت معينة ما حنوريها ليهو عشان بعدين ينخدع ويقول نعم مناظرة، آيات معينة أنا بنعرفها حتبكل باذن الله تعالى كل سحر يخدع بيهو الناس، ما حنوريهو نقول ليهو حنقرا ليك ياتو عشان هو يعرفها يمشي يجربها يلقاها صاح حيرفض، بنقول ليهو أنحنا حنقرا ليك القرآن، من غير تحديد يبقى حنقرا ليهو آيات معينة يبطل هذا السحر بإذن الله، والطعنة الهنا لغاية المخ برضو خيال وكذب وإلا بعد ساعتين يجي الراجل ده نصيح بياتو عقل بقبل الكلام ده؟ دجل يبقى البروف حيموت، الأخيرة بنجيبو دكتور الأخيرة لأنو أي انسان الدورة الدموية لو ماشه بالعكس لو مسك أربعة خطوط بتاعة الكهرباء ما بتعمل ليهو أي شي يتعلق فيها كده ما بتعمل ليهو شي. الدورة الدموية لو ماشه بالعكس، ده شي علمي معروف، لكن دورتو عاجية حيموت، لأنو لو الدكتور أثبت لينا الدورة الدموية ماشة بالعكس ده خلاص. معناها عرفناهو انها خدعة لأنو الدورة الدموية ماشة بالعكس، يجيبو نايبه في الحتة دي. طيب الدورة الدموية ماشه عادية هو طوالي حيجي يمسك الكهرباء كدي يقول لينا أهة بولع اللمبة هنا، بعد ده أنحنا بس بنوصل في الأرض ولا تحت ولا في أي شي بنوصل بي هنا أول ما تجيب التيار التاني، اللي هو ده الموجب بتجيب السالب بتختو فيهو بتولع وحيموت طق تطقو الكهرباء، هسع أنا الشغلة دي مش ماسكة هسع خلي زول يجي يوصل هسع دي آخر لي لحظة، لأنو الكهرباء ما بتعرف الهظار ولا بتعرف المزاح، تنتهي منو تنتهي منو، يبقى البروف يوم قلنا ليهو الكلام ده والنائيب قال ـ الكلام ده مع نايبو ـ نايبو في الصافية ، الكلام ده عندنا في الصافية في بحري، نايبو وافق، أن يعمل معاي مناظرة قلت ليهو دي شروطي أمشي كلم مديرك أو كلم الرئيس أو كلم البروف قول ليهو في واحد اسمو كذا وكذا ده كلامو داير معانا مناظرة وديل شروطو، القاضي الشرط ده شنو لأنو يجو أولياء الدم يتنازلو وهو يتنازل وكل شي يكون قانوني، أمام المجتمع وأمام كل انسان، قانوني، لأنو بعدين عشان ما يطالبوني بي دمو وهو مناظر وهو ولي صاح طيب خليها ما تؤثر فيهو ونعرف ولايتو صاح. فهي الحتة دي وافق النايب، عندما مشوا وأديتهم التلفون بتاعي في الموعد المحدد ما دقوا لي أنا قمت دقيت ليهم أيوة فلان، مرحبا أنا فلان الفلاني وكان عملت في مسجد جنب البيت بتاع البروف دي الحتة الأثارتهم، كان في واحد داير يضاربني لكن الحمد لله كان في المحاضرة قاضي طوالي أمر بقبض هذا الشاب وفتحوا ليهو بلاغ ومشوا حاكموه لأنو قام من هناك (ثاير) جدا وقال لي انت دجال الكلام ده صاح ودي ولاية صاحة وده أبونا وبيعمل كده ـ قريبوـ المهم ده فتحو ليهو بلاغ واتحاكم والحمد لله رب العالمين، قبلوا في اللحظة ديك وفي اللحظة التانية يوم أنا دقيت ليهم تلفون قالوا لي والله جينا للشيخ وقال الحكومة منعتو ما يعمل كلام زي ده المسالة دي بتجيب مشاكل وبتاع حفظا للأمن أنحنا ما دايرين نعمل الحكاية دي. حفظا للأمن يا كلب، بالله شغلك دجل وعارف انك انت حتفشل والآن أنا بعلنها للمرة التانية لو في زول منكم بقدر بوصلنا للناس ديل لمناظرة في أي مكان أنا على استعداد حتى لو خاصة، بس بشرط انو أنثاء ما بنعمل المسألة دي يكون في قانوني، لأنو الحتة بكون فيها موت وبتفتكر أنو أنا بقيلوا ؟ ما بقيلو برحمو؟ ما برحمو بقول ليهو وصل الكهرباء دي وصل الكهرباء طوالي بخت واحد في الرض وبختها فيهو الموضوع انتهى.

    اللهم أرنا الحق حق وارزقنا اتباعه وأرنا الباطل باطلا وارزقنا اجتنابه، اللهم علمنا ما ينفعنا وانفعنا بما علمتنا وارزقنا علما ينفعنا وعملا يرفعنا أستر عوراتنا آمن روعاتنا فرج كروبنا اغفر ذنوبنا تول أمرنا احسن خلاصنا فك أسرنا ارحم ضعفنا عجز الطبيب فداونا طهر الفساد فنجنا قلت حيلتنا فتولنا اللهم اجعل جمعنا هذا مرحوما واجعل تفرقنا من بعده معصوما ولا تجعل بيننا شقيا ولا محروما أوردنا حوض نبينا اشملنا بشفاعتة حبيبنا واسقنا شربة لا نظمأ بعده أبدا آمين والسلام عليكم ورحمة الله وبركاته.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
14-02-2008, 06:50 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة الرابعة
    ما هي حقيقة الحجبات
    الحمد لله نحمده و نستعينه ونستغفره ونعوذ بالله من شرور أنفسنا ومن سيئات أعمالنا من يهد الله فهو المهتد ومن يضلل فلا هادي له، وأشهد ألا إله إلا الله وحده لا شريك له وأشهد أن محمدا عبده ورسوله، يا أيها الذين آمنوا اتقوا الله حق تقاته ولا تموتن إلا وأنتم مسلمون، يا أيهاالناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء، واتقوا الله الذي تساءلون به والأرحام إن الله كان عليكم رقيبا، يا أيها الذين أمنوا اتقو الله وقولوا قولا سديدا، يصلح لكم أعمالم ويغفر لكم ذنوبكم ومن يطع الله ورسوله فقد فاز فوزا عظيما، وبعد فإن أصدق (القول) هوالقرآن وخير الهدي خير محمد صلى الله عليه وسلم وشر الأمور محدثاتها وكل محدثة بدعة وكل بدعة ضلالة وكل بدعة ضلالة وكل ضلالة في النار، أعاذني الله وإياكم من النار ومن غضب الجبار وبعد... السلام عليكم ورحمة الله، مواصلة للحلقة الفائتة انشاء الله وموضوع اليوم هو ما هي حقيقة الحجبات التي تحجب حقا لأن الحجبات كثير منهاغش ما فيها الشئ الذي وعدوك به، يعني الشئ الوعدوك بيهو قال ليك الحجاب ده بيسوي كده غش، وكذب ودجل، أنحنا نتكلم عن الحجاب الصحيح، الحجاب الصحيح الحجبك ده، أو قالوا ليك الحجاب ده بيعمل ليك الشي الفلاني وعملو، بنتكلم عن ديل، وذكرنا المرة الفائتة أنو واحد من اخوانا العساكر واسمه النور محمد، ووعدنا أنو يجينا هنا وما جاء، وبعد ما رجعنا جاني في البيت وقال لي أنا ما عرفت الجامع، وصفت ليهو الجامع الجمعة دي برضو، وهو مشكلتو رفض ما يديني الحجاب، رفض، لأنو حجابو حتى لو فيهو شرك ولا ما فيهو شرك ما داير يخليهو على الإطلاق، مهما أغريتو من القروش برضو رفض، قال لي لا، حجابي ده ما حتفتحو عشان تبوظو لي لأنو الحجاب ده أنا ماخدو زمان بي خمسين ألف، ماهيتي كلها سبعة وأربعين وأدينت عليهو، وكان رقيب، وأدينت عليهو تلاتة آلاف أخدت الحجاب ده، والحجاب ده حجبني العمر ده كلو، وأبطلناهو بإذن الله تعالى، وكررنا البطلان بالقرآن، وقلنا ليهو الشئ ده شرك، والأن يوم قرئ القرآن بطل الحجاب، فأرجوك بعد ده بقيت انت على بينة من أمرك وهذا الحجاب شرك، وكلما كان عندك ما دام ده اعتقادك انت مشرك، فابتعد عن الشرك، قال لي ياخي حجبني، قلت ليهو نعم حجبك، حجبوك الشياطين، وأكدنا ليهو أنو الحجبوهو شياطين، وبرضو ما داير يخليهولأنو شيطانو أكبر منو.

    خلاضة المسألة قلت ليهو انت مادام ما داير تدينا ليهو شيلو معاك، ما دام أبيت ورفضت شيلو معاك، بس تجينا عشان نثبت للناس أنو الحجاب الشي بحجب فيهو ده شياطين، وما هو الدين الموجود فيهو. قال لي ما عندي مانع لكن إذا كان أبطلتو زي ما الآن ظهر، ما تشرط الحجاب ده وتفتحو لأنو أنا دايرو، ياخي ده شرك، قال لي برضو، سبحان الله، إن الله يهدي من يشاء، يعني انسان تبين ليهو الشرك واضح لا شك فيهو وبرضو يصر، وأنحنا ما علينا إلا أن نهدي الناس هداية البيان، أما هداية التوفيق فمن عند الله، كونو ربنا يوريك الحق حق ويرزقك اتباعو دي مشكلة عظيمة، فقلت ليكم وعدني بجيبو هنا، وهو الجمعة الفاتت كان أظنو في المسجد البي هنا ده، في مسجد بي هنا كده في الظلط فيهو عربات كتيرة كده، قال لي أنا قايل ده المسجد، وقال جيت خشيت في مسجد اسمو شنو؟ مسجد السيد السنهوري، قلت ليهو لأ المسجد ده بعدو تمشي طوالي على الجنوب وتمشي شوية وبعدين تسأل عن مسجد شيخ محمد، قال لي أنا في المسجد ده، سيد سنهوري، أنا قايلو في سيد سنهوري، وما أظنو جاء، ده كلامو لي، لكن الله أعلم. فهسع وعدني أنو يجي هنا وبرضو هسع ما شايفو، فإذا موجود شيخ لانور محمد أرجوك أن تجينا ياخي، وعشان المسألة تكون للناس يشوفوها زي ما المرة الفاتت عملنا التجربة تجربة البيان بالعمل، دايرين نعمل تجربة البيان بالعمل بموضوع بطلان الحجبات، يبطل الحجاب بإذن الله تعالى، فإذا كان الراجل ده موجود خلي يجينا انشاء الله، جبنا معانا اللحمة عشان نعمل التجربة، ياهي دي اللحمة، عشان نعمل التجربة في الحجاب ده واذا كان في زول منكم عندو حجاب بحجب الليجيبو لينا. خلو ده كلو خليناهو تب، اذا كان جا الليجيبو، اذا كان ما جا ما بنقدر نجبرو عليهو، لأنو في الحالة دي كلمناهو بس، أنكرنا المنكر بلساننا أما اليد يد السلطان، ما بنقدر نرفع ليهو عصى الطاعة ونقلع منو، ده ما شغلنا، اذا كان جا الراجل ده خليهو يجيب لينا الحجاب ده هنا انشاء الله عشان نعمل التجربة وإذا كان ما جاء في غيرو من المستمعين عندو حجاب بحجب الليجيبو لينا هنا.

    موضوع الحجبات الحقيقة وكثير من الإخوان الغيورين على الدين بيتكلم في المساجد وبنكر وجود الحجبات، وده خطأ، انت يا أخي مع عقيدتك النضيفة ورجل موحد وعقيدتك في الله عظيمة، ماتنكر وجود الحجبات، ده ما شغلك، شغلك أن تثبت للناس أن الحجاب شرك بالله، وكفر بالله وتميمة، دي كلها واردة في الحجاب، لكن اذا كان أنكرت للناس أنو لا يوجد حجاب بتجي يوم من الأيام وحتكون نكسة للدعوة ونكسة للحق، زي ما حصل مرة وكنت في مدينة ياوندي عاصمة الكمرون، فعملت محاضرة في المسجد الكبير وتكلمت عن الحجبات، وما الحجبات، والبلد ديك مليئة بالدجل والشعوذة والسحر، اللي هو الكاميرون، أفريقيا الوسطى والكاميرون، وتشاد وغيرها فمليئة بالأسحار دي، وأي انسان ما عندو حجاب بيعتبروهو امرأة، يوم يلمس ذراعك ويشوف صلبك ما عندك أي شي بيقول ليك انت زيك وزي المرأة، لأنو انت كراجل مفرضو يكون عندك حجبات تحجبك من السلاح، لأنهم كلهم مشاكل، ما بخافو الله، يعني ما عندو وازع ديني يمنعو من أن يؤذي الآخرين، يعني حتى في بعض الناس انت قاعد زي ده غفلان يجي يطعنك بي سكينو، ما بتورع، طعنك بي سكينو معناها اذا عندك حجاب بحجبك، اذا ما عندك حجاب طعنك بي سكينو المشكلة استفحلت، يعني ما عندهم وازع ديني يمنعهم من الكلام ده، فكنت أتكلم عن الحجبات في المسجد، وما كل من يسمعك بفهمك صاح، ده واحد موجود مع المستمعين يوم اتكلمت عن الحجبات وقلت الحجبات كفر وشرك بالله والدين الفيها ده ما بحجب، الزول ده يعني زعل زعلة ما عادية، وده من النوع العندو الحجاب، حجاب صاح زي حجاب العسكري ده، النور محمد، ده حجابو صح، ما مغشوش، فده زعل جدا وغار يعني غيرة للدين، وليهو الحق لآنو جاهل بالأمور دي، قال كيف أنا أقول الدين الفيها ده ما بحجب؟ فالراجل ده غضب غضب ما عادي وكان في آخر المسجد، فقام من هناك ثائر وجا من هناك ويبكبر ماشي علي، وبقول خربتو بلدكم وجيتو تخربو بلدنا، ياناس شيلو لينا الفاتحة ورفع يدينو كان، قال شيلو لينا الفاتحة وماشي زعلان،ينطط في الناس وماشي علي، يا ناس شيلو لينا الفاتحة، الفاتحة، الله يرفع البلاء، وينزل الرحمة، واحد قال ليهو البلاء شنو يا شيخ؟ قال ليهو البلاء الوهابية غزوا البلد، فقال لي انت يا وهابي يا كلب انتو أنكرت الدين، أنكرتوا الرسل، أنكرتو الأولياء، والآن قعدتو تنكرو في القرآن؟ والله الليلة دمك في الأرض ما يلقوا، والله الليلة دمك في الأرض ما يلقو، ومطلع سكينو، سكين هي ذاتها ضراع، وبيطعن في رقبتو، تقول الدين ما بحجب، وبطعن في رقبتو وماشي علي، مشهد مثير ومخيف، الاتنين، مثير اثارة ما عادية، والناس يوم شافتو بطعن في رقبتو وعندو حجاب رافعو في ضراعو بهز كده، وبطعن في نفسو الناس كبرت وهللت، وشافت أنو ده الحق وده الدين وده زول منكر للدين يجب أن يسفك دمو، والليلة كلنا حنسفك دمو طبعا بيكبروا وبهللو وشايفين المشهد، والراجل ده ماشي، واحد من العاقلين مسكو قال ليهو أقيف أقيف أقيف، ياخي تقتل ليك زول، وهم قتل الزول ده هناك ولا أي شي، كونو يقتلك ده ما قضية، فكونو يقتلك وفي دين ده معناهو قتلك ذاتو حيدخل الناس الجنة، القتلك ده بيعتبر أنو هو قتل كافر لآنو الإنسان البنكر الدين أو ينكر القرآن كافر، ده في مفهوم الناس، وده صحيح اذا كان أنكرت الدين صاح انت كافر لاشك في ذلك، فده فهمو أنو البحجبو ده دين، وأنا قلت ما دين، فما فاهم الجانب الآخر بتاع القصة، خلاصة المسألة قلت ليهو كويس تعال، جا وقف قدامي وكان برجف من الزعل والناس بتهلل وبتكبر أنو في زول أنكر الدين الدين أو أنكر القرآن وفي زول أثبت ليهو أنو الحجاب بيحجب ودايرين الزول ده مصيرو شنو.

    كل الناس متفرجة على أنو مصيري أنا شنو، قلت ليهو طيب أنا المحاضرة دي لغيتها، دايرك انت ده تكون موضوع المحاضرة، في شنو؟ قلت ليهو انت حجابك ده حجب صاح؟ قال لي انت ماشايفو، قلت ليهو أنا عشان أاكد ليك أنو البحجب فيهو ما هو دين ما قرآن البحجبك ده ما قرآن، لازم تسمع لي كلامي ونقتنع، وإذا كان أنا ما قدرت وخذلني رب العالمين انت ياخي بي سكينك وأنا غريب في البلد دي والانسان اذا كان مواطن قتلو عندكم لا يعني أي شي خلي انسان غريب جاي من بلد تانية ده والله ما أظن يسمع بيهو غير ناس المسجد ولا غيرو، فأنت أنا بثبت ليك أنو البحجب ده ما هو دين، قال لي دين، قلت ليهو ماهو دين، قال لي دين، قلت ليهو طيب أنا داير الحجاب ده بحجب من شنو غير السكين؟ قال لي بحجب من البندقية وبحجب من السهم اللي هو النشاب، هم بقولو ليهو النشاب، والحربة والسكين والبندقية والعصا يعني العصا ذاتها لو رفعتها تضرب الانسان ده يعني يدك ولا وقفت ولا استشليت يمسك شلل طوال يدك بتقع ما بتقدر ترفع العصا ما بتقدر تمسكها، لو داير تضرب الراجل ده، طيب، لو داير تضربو بنية ما حتقدر تضربو وحتى كاراتيه ولا غيرو ما حتقدر تضربو، لأنو حجاب كامل شامل من كل أنواع الاعتداء، قلت ليهو طيب تعال جيب الحجاب ده، قال لي داير تسوي بيهو شنو قلت ليهو داير نثبت ليك أنو الحجاب ده البحجب فيهو ماهو دين. قال لي حتعمل ليهو شنو قلت ليهو أول حاجة حنقرأ دين لتبطيل الحجاب ده، قال لي ببطل؟ قلت ليهو حيبطل. كيف تقرأ دين يبطل؟ قلت نعم حأبقرأ دين انشاء الله ويبطل الحجاب ده،قال لي ما ممكن قلت ليهو ممكن ونص، أنا حأقنعك بالكلام ده، قال لي انت كونو تقنعني خلو، ده دين كلام الله انت ده الوهابي تبطل كلام الله، قلت ليهو أنا مكتوب في وجهي وهابي؟ قال لي من خليقتك دي وهابي، مادام تتكلم في الشغلة دي قلت ليهو نت الوراك وهابي منو أنا لا قلت ليك أني وهابي ولا مكتوب في وجهي وهابي، كيف يعني؟ قال لي أسمع انت خلي كلامك وجوطتك البتسوي فيها دي انت كيف تبطل كلام الله، قلت ليهو أنا ما ببطل كلام الله أنا ببطل الدجل والشعوذه الموجودة في حجابك ده قال لي دي ما دجل وشعوذة ده دين، قلت ليهو ماهو دين، وعشان أنا أثبت ليك أنو ماهو دين مطلوب الآتي: قال لي شنو؟ قلت ليهو ياخي تتطلع الحجاب ده تختوا لينا بره هنا ده، الناس ديل كلهم يشوفو وحنعمل طريقة شرعية يبطل فيها الحجاب ده، طريقة شرعية؟ قلت ليهو طريقة شرعية، قال لي مامكن قلت ليهو حأقنعك بيها، قال لي ما بتقنعني بيها قلت ليهو ما نجادل كتير انت قلت عندك حجاب بحجب وأنا قلت أنو البحجب فيهو ده مادين، داير أثبت ليك أنو ما دين، قال لي كويس وحد كلمو قال ليهو ياخي طلعو، طلعو ختاهو، قلت ليهو ياخي دايرين حاجة تانية نجرب فيها. حاجة تانية شنو؟ قلت ليهو دايرين أي شي تاني نجرب فيهو. يعني نجيب ليك شنو؟ قلت ليهو جيب لي أي حاجة تانية. قال لي أجيب ليك تيس؟ قلت ليهو لأ. ديك؟ قلت ليهو لأ. أمشي جيب لينا لحمة من السوق. زي اللحمة دي. قال انت بتقبض في الرغو. الكلمة الفظة قال لي انت بتقبض في الرغو. وده كلام بيقولوهو الناس البرة، بتقبض في الرغو يعني شنو؟ رغوة الصابون دي لو خجيتها وطارت في الهواء لو جيت بتقبض في شنو؟ معناهو زول ما عندي حجة. قال لي أنا جربتو ليك في نفسي قلت ليهو ياخي انا لو جربتو في نفسك لو بطل ممكن أنا أجربو في نفسك؟ ما ممكن لأنو حيطعنك السكين. قال لي انت بتتكلم من وين انت شنو السكين هسع ما ما طعنتني؟ قلت ليهو حتطعنك. انت جيب لي ياخي وخليني أنا أفشل، اذا كان ربنا خذلني ده شي تاني، لكن انشاء الله ربنا ما يخذلني، مشو رسلو جابو لينا قائمة من السوق الرجل الورانية دي جابوها لينا أنحنا في السوق ذاتو، مشو جابوها، شلنا الحجاب ختيناهو في القايمة دي وجربنا فيهو كل شي : عصا : أي انسان مهما يكون قوي يجي من هناك منشد وغضبان عشان يجي يضرب اللحمة دي يرفع يدو كده تاني يدو ما بتنزل لو ما رجع ورا يدو دي تاني ما بتنزل الا يرجع ورا، تبتعد من الحجاب يدك بتنزل ما بتضرب، دردم يدق كده عشان تدقو تاني ما بتنفك عشان تمط يدك تاني ما بتنمط وما بتزل، في شي ماسكك. في نوع من الناس بجي عشان يعمل اي شي تلقاه هو ذاتو انشل كلو. الانسان ذاتو بنشل كلو، شوفو المصيبة دي.

    خلاصة المسألة جربناهو وجربنا فيهو السلاح، هناك العسكري بقولو ليهو الزاندرمة، نادو عسكري من برهن وهناك البلد ديك ما بتحتاج لوكيل نيابة ولا أمشي ناس الشرطة يطلعوا ليك تصديق ما عندهم، العسكري هو العسكري بشتغل أي شغل نادوا عسكري من بره اسمو الزاندرمة قال ليهو تعال ما بعرف اللغة العربية فقال ليهو تعال اضرب لينا اللحمة دي عشان يثبت لي أنو الحجاب بحجب حتى من السلاح، فعلا عندو الام بي فايف الصغير ده وجهو على اللحمة عشان يضربها ما يضرب تسمع كج كج كج الحديد براهو صوت لكن مافيش أي طلقة بتقوم، يرفع الام بي فايف فوق أي طلقة تجي طالعة يوجهو تحت لا. ختينا الام بي فايف ختينا اللحمة كده (فوقه) لأنو بضرب فوق ختينا عشان نأكد للناس برضو ما بضرب، تزح منو اللحمة الطلقة بتقوم، يعني شي حجب تماما، قلت ليهو طيب الحجاب حجب، وفي حاجة أنا ممكن أجرب فيها تجربتي أنا، قلت ليهو التجربة دي تجربة شرعية، وين امام المسجد؟ قال لي أيوه نعم، قلت ليهو ياخي أدينا تلاتة مصاحف فجاب تلاتة مصاحف، بعد ما جابها كده أنا شفتها شكلها غريب شوية، فتحتها لقيتها رواية ورش، في رواية اسمها رواية ورش، ما زي مصاحفنا دي رواية ورش، البلد ديك كلها بتقرأ بي رواية ورش، لقيت المصاحف كلها رواية ورش، فقلت ليهو انتو بتقرو بالرواية دي؟ عندك فيها شك؟ قلت ليهم لأ ما عندي فيها شك، رواية صحيحة وراوية كويسة وأنا ما عندي فيها شك، ناديت من المجموعة تلاتة أشخاص، ياخينا تعل انت اسمك منو؟ قال لي اسمي القوني آدم، قلت ليهو بتعرف تقرأ القرآن؟ قال لي أنا حافظ القرآن ده من البقرة للناس، مش بعرف اقراهو! وفعلا كلمة قوني (معناها) انسان حافظ صم، بيعرف ليك مؤمنون ومرمنين في القرآن كم، وبوريك محلها كذا وكذا وكذا، يعني ناس للقرآن ده حافظنو بطريقة عجيبة جدا جدا، ما يتغالط في القرآن كلو كلو، لو قريت أي آية يقول ليك الآية دي موجودة في الحتة الفلانية موجودة في السورة الفلانية يكررها ليك كلهابتمشي تلقاها كلها صاح، قوني، فقال لي أنا اسمي القوني آدم، وانت ياخينا تعل قرب، انت برضو قوني؟ قال لي أنا ما قوني، وانت؟ قال لي أنا برضو ما قوني، تعلو دياركم تعملو لي الآتي، وين المؤذن، قال لي نعم، قلت ليهو تعال، فجوا التلاتة أشخاص أديناهم تلاتة مصاحف، قلت للقوني آدم ياخ أقرا لينا من سورة البقرة من أول سورة البقرة وأدخل فيها، وانت أقرا لينا من أول سورة الصافات ويدخل فيها، وانت يا شيخنا اقرا لينا من أول سورة الدخان ويدخل فيها، وانت يا مؤذن أذن لينا، فقط، ده الكلام القلناهو، ياناس الكلام ده شرعي ولا غير شرعي؟ كلكم القاعدين بتسمعو، شرعي ولا غير شرعي؟ ما في زول فتح خشمو، كل الناس قاعدين يشوفو في الشغلة دي، ومقتنعين انو الكلام ده ما فيهو لف لكن غضبانين، وزعلانين دايرين كيف انو أنا ربنا يخذلني وأنو أفشل ويسووا فوقي الدايرنو، وغيرة للدين ما عادية، وليهم الحق، يعني غيرة للدين ما عادية لكن بجهل، قدر ما تكلمت مع واحد ما فيش واحد فيهم رد لي بالكلام ده صاح ولا غلط فيها واحد قدام هناك ياناس ما في زول يا خوانا بقدر بقول لي الكلام ده صاح ولا غلط، الكلام ده صح؟ واحد هناك قال لي (يصدر صوتا بفمه علامة الموفقة) بس! الكلام ده صح (يكرر نفس الصوت) يعني بدل يقول صح ما داير ذاتو يقول لي صح، (يكرر الصوت)، ما في شي غير شرعي، ده دين، وبعدين الناس ديل ما بعرف فيهم ي زول التلاتة ديل والرابع المؤذن ما بعرفو، وقلت ليهو يا شيخ آدم انت بتعرفني؟ قال لي الله ما عرفني بيك ذاتو، وليهو حق زعلان، وانت يا شيخنا بتعرفني؟ قال لي كدي (يهز راسه نفيا) ما بعرفك. قلت ليهم أشهدوا لأنو ما تقولو الناس ديل متفقين معاي، ديل ناس منكم وأنا غريب في البلد دي، يبقى أنحنا حنبدا الآتي: يا شيوخ تبدو وتعوذوا وتخشوا في القرآن لغاية ما أنا أقول ليكم أقيفوا بعد ده تقيفوا وانت يا مؤذن أذن، لو كمل الأذان دبل الأذان وتلتو وربعو لغاية ما نقول ليك أقيف، والعسكري واقف، وقمت قلت لواحد آخر قوم قبيل السكين البطعنوا بيها التوت والنوع ديلاك من الناس ما بلبسو السكين في ضراعهم زي السكين دي تلبسها في ضراعك لا بلبسوا السكين تحت هنا، وطويلة جدا أطول من سكاكينا دي، فقام واحد عندو سكينة حادة جدا لو عملتها في الكف كده بتشيلها ليك، زي الحلاقة سنين جدا فقلنا ليهو تعال قوم انت ياخونا بعد ما الناس ديل يقروا وأديتك اشارة معناهو قطع لينا اللحم ده، وقلت ليهم أنا ما بصم خشمي وما بتكلم أقرا، بفتح خشمي كده عشان تشوفوه فاتح لأنو الانسان إذا كان صم خشمو ممكن يتكلم في داخلو لكن لو كان فاتحو ما يقدر يتكلم أي كلام، عشان ما تقولو أنا بنعمل شي معين وعشان كده بطل الحجاب ده، الناس ديل حيبطلو الحجاب ده بإذن الله تعالى مع قراءة القرآن، اللهو القرآن ده جيبطل الشي الفيهو الدجل والشعوذة والشواطين الموكلين بالحجاب، خلاصة المسألة تعوذوا من الشيطان الرجيم وخشوا في القرآن، والله الذي لا إله إلا هو أول قطعة هو ذاتو لمن خاف القايمة دي قطعناها تلاتة قطع، وقطعة صغيرة أربعة، لكن القطع الكبار تلاتة قطعة، كل قطعة براها، الناس ذاتها استغربت، الكلام ده قبيل الشايفنو حجب والآن ما حجب ليه؟ فيا دوب الناس بدت تستغرب والحاجة الفي راسها اتغيرت، قلت للعسكري أضرب، ما بيعرف داك رطن ليهو قال ليهو قال ليك أضرب العسكري ذاتو ما كان مصدق لأنو قبيلك المشهد أنو الذخيرة دي قبيلك الام بي فايف ده ما بضرب والأن حيضرب، فعلا ضرب الطلقة الأولى قامت والتانية أربعة طلقة في اللحمة وأي زول قبيلك جرب الشغلانية دي قلنا ليهو قبيلك تعال أضرب برفع يدو بدق في اللحمة ذاتها، الناس استغربت في زول هناك جوه الناس كبر، واحد بس، ما عارفو كبر لي شنو، كبر تأييد لي أنا، كبر لي شي في راسو مش عارف، خلاصة المسألة قلت ليهم الحجاب بطل ولا ما بطل؟ قبيلك الحجاب بحجب، لو الحجاب ده فعلا صاح ودين مفروض يزداد قوة الآن ده دين دي البقرة، في زول عندو شك في البقرة؟ في زول عندو شك في الصافات؟ في زول عندو شك في الدخان؟ مافي زول عندو شك، يبقوا ديل ناسكم وبيقروا الآيات وده آذان، رايكم في الكلام ده شنو؟ كلام مشروع؟ كلام مشروع لاشك فيهو لكن ما في زول بتفاهم، خلاصة المسألة قلت للناس ديل أقيفوا اسكتوا، بعد شوية أكتر من خمسة ستة دقايق قلت ليهم الآن الحجاب برجع بحجب، كيف؟ واحد قال لي كيف؟ برجع بحجب، لأنو قبل شوية يوم القرآن ده قرئ بطريقتوا الصحيحة الحجاب ده كان فيهو شواطين، الشواطين ديل هم الموكلين بحماية هؤلاء الناس، أو بدائرة معينة، يعني الشيطان موكل في قطر معين، مترين في مترين أو تلاتة في تلاتة، أو خمسة في خمسة، عشان كده تلقى الناس البكتبوا الحجبات البعرفوا الحجبات صاح يقول ليك ضامن عشرة، ضامن خمسة ضامن تلاتة ضامن اتنين ضامن عشرين، بضمن عشرين نفر ده معناهو بكون عندو زي خمسة متر في خمسة مترفي شكلدل دائري، اي انسان في داخل هذه الدائرة بحجبو، أما ضامن واحد بحجبك انت بس يعني ده بيكون قطره نص متر في نص متر بس، وبكون فيهو شواطين بسيطين، أما ديلك بكون فيهو شواطين وعفاريت كبار جدا وخاشين في الحتة دي أي شي جايي من هناك بحموه وبصدوه عنك وما بخلو شي يؤثر فيك، جنون.

    فقلت ليهم الآن الحجاب بحجب، ليه؟ واحد قال ليه؟ قلت ليهو لأنو فيهو شواطين وعندما قرئت البقرة كل شيطان لا يستطيع أن يتحمل هذه السورة، والصافات حارقة والدخان كذلك من السور الطاردة للشياطين وحارقة للشيطان، والأذان لايستطيع أي شيطان واقف مدى هذا الصوت الشياطين يهربوا ولهم ضراط يبتعدوا من المكان ده، هسع يوم نحنا سكتنا والقرآن سكت هم بجوا من بعيد بشيفوا هل الحجاب ده قاعد بصورتو دي، هم موكلين يكونوا قاعدين معاهو وعندما تفرتقوا وتطلع الحجات الفيهو في حاجات بتكشحها، بعد ده رفعت عنهم التكلفة وبرجعوا للروحاني وبوروه أنو حاصل كذا وكذا وكذا، أيوه بعد ما عملنا المسألة دي قلت ليهم الآن الحجاب بحجب وفعلا جربناهو لقينا أنو السكين القطعت دي ذاتها تاني ما بتقطع أول ما تختها زي ده وتقوم تقطع كدي بتسمعها تسوي زييط زيط زي اللستك شفت لستك الكتربيلار الكبير ده وعندك حديده كالة ماها سكين وداير تقطعو ممكن ولا ما ممكن، لستك وبتاع عربية كبيرة قال ليك قطعو بتقطعو ولا ما بتقطعو؟ نفس اللحمة بقت زي اللستك أصلو ما بتنقطع و لا السلاح بضرب فيها، نفس السكين القبيل قطعتو لي تلاتة ديك الكبيرة وقطعة صغيرة نفس السكين جربناها تاني بقت ما بتقطع كل ما نختها في اللحمة تعملها كده زيط زيط زيط ما بتقطع، السلاح كذلك جربناهو برضو رفض يضرب، قلت ليهم طيب عندي شرط، وقبل نحنا نخش في ده أنا كان عندي شروط، قلت ليهم إذا كان قدرت بطلت هذا الحجاب أنحنا، أنا ببطلو بإذن الله وإذا كان بطل حنفتحو حنلقاهو أنو الشي الفيهو جوه ماهو دين صاح، اما مكتوب بالزيادة واما مكتوب بالنقصان واما عندو أشياء طلاسم، الأشياء البنلقاها في الحجاب دي ما بنلقاها في القرآن ولا بنلقاها في السنة، خالص ما بنلقاها، قال لي أصلو الكلام ده ما صاح كلو دين، قلت ليهم ما كلو دين فيهو دين بتلقى البسملة وبتلقى لاصلاة على النبي وبتلقى آيات من القرآن موجودة في الحجاب لكن الآيت دي ولا لقيتها بالزيادة ولا النقصان، وحتى لو لقيتها سليمة بتلقى فيها طلاسم زيادة على الأيايت الطلاسم ما بتلقاها لا في القرآن ولا في السنة، التانية بتلقى خلاف ذلك أدعية، وبتكتب الحجبات بي نجاسات، مافيش حجاب بحجب صاح مكتوب بي مدتد طاهر على الإطلاق، أي حجاب حقق الأمر بتاعو حقا هذا الحجاب الدين المكتوب فيهو ما مكتوب بمداد طاهرة، مكتوب بي مداد كلها نجسة وأضافو عليها نجاسات وتقرب الشيخ الذي يكتب بالشرك لي ابليس وترضية للشياطين عشان كديكلفو سفها عشان يجو يتوكلوا يشتغل مع الراجل ده بتاع الحجاب ده، فقلت ليهم الحجاب ده عندي شرط بعد ما يبطل حنفتحو ونثبت ليكم ا=أنو الشي الفيهو ده ما هو دين صحيح، زيادات وانتو حتقتنعوا بي كلامي ده، غصبا عنكم لأنو أديكم شي شرعي، وإذا كان لقيتو سليم الدايرنو سوهو، قالو لي طيب اذا كان لقيناهو صحيح ودين صافي مافيهو أي شي أنحنا الحجاب بتاعي ده اشتريتو بي ألف سيفا القروش بتاعتهم اسمها السيفا، بألف سيفا يعني ما يعادل مليون ونص سوداني، لو لقينا أنو الدين الفيهو ده صحيح مكتوب سليم وما فيهو طلاسم وما فيهو أي شي بسم الله الرحمن الرحيم معناها بسم الله الرحمن الرحيم، الآية التانية هي سليمة ونضيف ما فيهو أي شي أنا بديك اتنين ألف سيفا يعني تلاتة مليون سوداني، الآن ياها دي القروس جاهزة لو لقينا الكلام ده صاح، ولو ما لقيناهو صح شرطي معاك الحجاب ده حنحرقوا ونشيلو معاي، قال لي مش كده ديل حجبات تانية حنديك ليها لو الكلام ده بقى صاح، قلت ليهو طيب، بل كمان الناس قعدوا كلهم الموجودين قالو لي شوف يازول هوي انت لو كلامك ده بقى صاح كلامنا ده كلو يكون كضب وكلامك انت ده يبقى صاح أنحنا حجباتنا دي حنديك ليها، تحرقها تشيلها توديها معاك السودان أنت حر، قالوها بطريقة بتاعة زعل جدا وبطريقة تحدي، لأنو هم واثقين من الكلام البسووا فيهو، لو عارفين أنو المسألة بتجيهم ما كان قالوها، فقلت ليهم كلنا على عهدنا فعملنا التجربه تانية رجعت الناس ديل وجبت ناس تانين، بس المؤذن خليناهو هو، اخترت تاني تلاتة أشخاص وجينا أديناهم المصاحف، أدوهم المصاحف، بتعرفوا تقروا دايرنكم انتو برضو تقروا لينا، بتعرفوني؟ قالو لي ما بنعرفك، قلت ليهم وأنا كذلك ما بنعرفكم، يبقى عشان ما تقولو أنا متفق مع ديل ديل ناسكم، وأنا زول غريب، خلاصة المسألة الناس ديل جووبدو يقروا نفس السور الأولى وجبنا اللحمة ذاتها والحجاب فيها وقطعناها قطع صغار وضربناها أربعة طلقة كل الطلقات دي قامت فيها، وأي زول عندو شك جا جرب مظبوط والحجاب بطل تماما فالناس استغربت، وأدت الدنيا العجب وقالت سبحان الله أنحنا ما كنا نعرف أنو المسألة دي فعلا بهذه الطريقة، قلت ليهم الآن قبل ما الناس ديل يسكتوا أنحنا حنقطع الحجاب ده ونطلعو وفعلا قطعنا الحجاب وطلعناهو ياهو ده الحجاب، حجبات اتنين، واحد فتشناهو مالقيناهو وده زميلو التاني، ياهو ده الحجاب (يعرضه على الجمهور) ده الحجاب موضوع الحديث اللي كان بشتغل كل الشغل مع زميلو التاني الهسع كنا بنفتش فيهو انشاء الله كان لقيتو أوريكم ليهو، ده الحجاب البخدم الغرض ده كلو مع الواحد التاني أكبر منو شوية، ماعارف يمكن نسينا في البيت ولا نسيناهو في حتة معينة، ده الحجاب، ده بحجب حجاب صح مع زميلو التاني، قمنا فرتقنا الحجاب وقعدنا شفناهو، أول حاجة قلت ليهم ده شنو المربع ده، قلت ليهم سالتكم بالله المربع ده لو فتحنا القرآن الموجود قدامنا من البقرة للناس بتلقى مربع زي ده؟ في؟ قالوا لي ما في، قلت ليهم ولا في سنة النبي محمد صلى الله عليه وسلم، ولا في السنة موجود، يعني الكتب بتاعة السنة كلها مافيش كلام زي ده ولا في المذاهب الأربعة، طيب الكلام ده جا من وين؟ جا بتعاون من شياطين الإنس والجن الذين يوحون لبعضهم البعض زخرف القول أنو ده من الدين، ده في شياطين من الانس بتعونو مع شياطين الجن ليعلموا الناس السحر بالمسألة دي وينسبوها للدين وهي ما من الدين في شي،آيي واتبعو ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر، شياطين الانس والجن بتعاونوا مع بعضهم وبعلموا الناس النوعية دي من الشغل، وده بيعتبروهو دين وده ما دين، ده شرك، وكفر والحاد، طيب بعد ما فتحناهو، فتحنا داك وفتحنا ده أشرت للحتات دي وقلت ليهم ده شنو ده دين؟ كان دين وروني وين؟ عندنا مصدين : في الكتاب؟ ياهو ده موجود، في السنة؟ جيبوا لي السنة. قالوا الشي ده مافي. قلنا ليهم طيب واحد. صدقت في كلامي. اتنين: قلت ليهم طيب خلين نقرا الحجاب ده فيهو شنو، قبيلك قلنا الحجبات دي ولا كتبت بالزيادة ولا كتبت بالنقصان وأنحنا الآن دايرين نعرف الموجود في الحجاب ده شنو، الموجود هنا في الحجاب ده فوق بسم الله الرحمن الرحيم، دي سليمة، والصلاة على النبي صلى الله عليه وسلم، كويس، نشوف نخش جوه في شنو، واعتبر أنو الكلام ده (يشير للمربع في الحجاب) كلو دين، الكلام البتشوفو ده اعتبرو دين، وأنحنا كان أهم لينا شي الحجاب التاني ده ما عارفنو مشى وين، خلاصة المسألة اعتبر ده كلو دين، في كلام أنا داير الناس تسمعو، بعد ما شفت الكلام السمح ده واعتبرتو انو قرآن، في كلام هنا يا الله يا الله ياالله، والمرة الفاتت اتكلمنا عن الاسم المفرد، تاني بتلقى شنو يا محمد يا محمد يامحمد وده شرك بالله، ده شرك، التالة بتلقى آيات مكتوبة، الآيات الكانت مكتوبة انا أعطيناك الكو واحد. اني رايت أحد عشر كو اتنين زينا السماء الدنيا بزينة الكو. الله يكويكم في نص روسينكم انشاء الله. أاذن النبي بهذه القراءة؟ أليس هذا هو التزوير؟ أليس هذا هو الشرك والكفر؟ (يعيد قراءة الآيات الناقصة) أيكتب القرآن هكذا؟ أليس هذا بالتزوير؟ ده ما دجل؟ ده ما كفر؟ ده ماشرك؟ قرناها ليهم بنفس الطريقة. قلت ليهو يا مولانا آدم، القوني آدم، إنا أعطيناك شنو؟ قال لي إنا أعطيناك الكوثر. طيب. إني رأيت أحد عشر شنو؟ قال لي إني رأيت أحد عشر كوكبا، زينا السماء الدنيا بشنو؟ قال زينا السماء الدنيا بزينة الكواكب، قلت ليهو أجمع لي الحروف المحذوفة في التلاته آيات لقيناها تمانية حرف محذوف، تمنية حروف أكلها الشيخ بلعها تب، كتبوا بهذه الطريقة قلت ليهم أليس هذا بالتزوير ، إنا لله وإنا إليه لراجعون، هكذا يكتب القرآن في الحجبات، وهكذا يكتب القرآن في المحايات، وهكذا يكتب القرآن في البخرات، البخرات الزي دي، دي الجابوها لي هسع منكم من الجامع هنا، أما بخراتي أنا ياهي دي دي كلها بخرات (يرفع كيس ملئ) بتلقى القرآن ده مكتوب بالتزوير ده في الآيات دي، وكل آية بتلقاها في الحتة دي بتلقاها كلها مزورة، زي الورقة التانية زي دي: زي الورقة التانية زي دي مكتوب فيها شنو؟ فسيككفككهم الله مكتوبة بهذه الطريقة وهي الكلمة في سورة البقرة فسيكفيكهم الله وهو السميع العليم، في زيادة بتاعة أربعة كاف زيادة، وبحجب، تكتبوا بهذه الطريقة بحجب. تكتبوا بي طريقة شرعية ما يحجب، أليس هذا بالتزوير؟ ده ما تزوير؟ أأذن النبي صلى الله عليه وسلم أن يكتب القرآن بهذه الطريقة؟ أم لهم شركاء شرعوا لهم من الدين ما لم يأذن به الله ولولا كلمة الفصل لقضي بينهم وإن الظالمين لهم عذاب أليم.

    وإن كادوا ليفتنونك. النبي صلى الله عليه وسلم لا يستطيع أن يزيد في القرآن ولا ينقصوا، وربنا خاطب النبي صلى الله عليه وسلم في آيات كتيرة وقال للنبي : ثم جعلناك على شريعة من الأمر فاتبعها و لاتتبع أهواء الذين لا يعلمون، وقال للنبي محمد صلى الله عليه وسلم: وإن كادوا ليفتنونك عن الذي أوحينا إليك لتفتري علينا غيره وإذن لاتخذوك خليلا، ولولا أن ثبتناك لقد كدت تركن إليهم شيئا قليلا، لإذن لأذقناك ضعف الحياة وضعف الممات ثم لا تجد لك علينا نصيرا، وقال الله سبحانه وتعالى للنبي محمد صلى الله عليه وسلم: وإذا تتلى عليهم آياتنا بينات قال الذين لا يرجون لقاءنا أئت بقرآن غير هذا أو بدله قل ما يكون لي أن أبدله من تلقاء نفسي إن أتبع إلا ما يوحى إلي أني أخاف إن عصيت ربي عذاب يوم عظيم، قل لو شاء الله ما تلوته عليكم ولا أدراكم به فقد لبثت فيكم عمرا من قبله أفلا تعقلون، فمن أظلم ممن افترى على الله كذبا أو كذب بآياته إنه لايفلح الكافرون.

    أليس هذا التزوير، ده ما تزوير ؟ ده تزوير. ده دجل ده كفر والله أنه كفر. ووالله أنه الإلحاد: إن الذين يلحدون في آياتنا لا يخفون علينا، أفمن يلقى في النار خير أم من يأتي آمنا يوم القيامة اعملوا ما شئتم إنه بما تعملون بصير.

    وربنا قال :وإن منهم لفريقا يلوون ألسنتهم بالكتاب لتحسبوه من الكتاب وما هو من الكتاب ويقولون هو من عند الله وماهو من عند الله ويقولون على الله الكذب وهم يعلمون.

    ويقول الله: قد كان فريق منهم يسمعون كلام الله ثم يحرفونه من بعد ما عقلوه وهم يعلمون.
    ويقول الله سبحانه وتعالى فويل للذين يكتبون الكتاب بأيديهم ثم يقولون هذا من الله ليشتروت به ثمنا قليلا فويل لهم مما كتبت أيديهم وويل لهم مما يكسبون.

    وربنا ضرب لينامثل في سورة البقرة عن بني اسر ائيل رسل ليهم رسول والرسول جا قال ليهم يا بني اسر ائيل الله بقول قولوا حطة نغفر لكم خطاياكم وسنزيد المحسنين قالو شوف يارسول هوي امش قول لي الله بتاعك ده أنحنا ما بنقول حطة، بتقولوا شنو يا ملاعين؟ قالوابنقول حنطة وفي بعض التفاسير قالوا بنقولوا حبة، يا ناس قولوا حطة نغفر لكم خطاياكم وسنزيد المحسنين قالوا ما بنقولو حطة بتقولوا شنو بنقولوا حنطة، في الآية تمانية وخمسين من سورة البقرة، الآية تسعة وخمسين قالت شنو؟ فبدل الذين ظلموا قولا شنو غير الذي قيل لهم فأنزنا على الذين ظلموا رجزا من السماء بما كانوا يفسقون، هذا هو القرآن يكتب بهذه الطريقة ويحجب يبقى نحنا عشان نؤكد للناس أن ما نقوله صاح الراجل ده نحنسوا ما زلنا دفعنا ليهو التمن الكتير وحندفع اذا رضى ونجيب الحجاب ده هنا نجربوا بإذن الله تعالى يحجب تشوفوه بي عينكم، نقرأ القرآن أو تقرؤون القرآن يبطل بإذن الله تعالى كويس، بعد داك انشاء الله حنفتحوا وتشوفوا نقرأ أنا للآن ما عارف الجواهو شنو، لكن حنقراهو، ده خلو، لو في انسان عندو حجاب بيحجب غير الراجل ده جيبوا لينا هنا، انشاء الله ما نفتحوا انشاء الله بس نقرأ فيهو القرآن، أو تقرؤون فيه القرآن وببطل بإذن الله تعالى عشان تتأكد أنو بإذن الله تعالى أنو الشئ البحجبك ماهو دين، شياطين موكلين بعمل معين بقوم بيها الفكي، بقوم بيها الشيخ بقوم بيها الزول الكاتب الحجاب ده، لعالم الجن والشياطين الروحانيون، بقدموا ليهو مجموعة من الشياطين بكونوا مواظبين، يعني الانسان العندو التصريف، في حجاب بقولوا ليهو حجاب التصريف، الحجبات دي كتيرة، في حجاب اسمو التصريف التصريف يعني شنو؟ بتصرف عنك أي ذخيرة ده بيكون في مجموعة من الشواطين مع الحجاب وواحد منهم بيمشي للراجل الداير يضرب ذاتو أنا ماسك البندقية هنا وشايف الحرامي هناك عشان أنشن وأضربو ياهو داك هو مختفي هناك، وعشان أنا أضربو وياهو العدو وأنا أضربو هنا، واحد من الشياطين بكون قاعد وراي هنا بمسك مؤخرة البندقية دي انت ما شايفو، هسع عندنا شياطين معانا في المسجد ده هنا انتو ما شايفنهم، طيب دهو واحد منهم بيجي يمسك مؤخرة البندقية أنا بنشن للإنسان هناك عشان أضربو، ده مهمتو من هنا أول ما أنا أتحمق وعشان أعمل (كلمة غير واضحة) أو الغماز، ده هنا مهمتو يعملها كدي شفت كدي، تو تو تو، بحركها كدي بتضرب ومع الحماقة بفتكر انت أنو مع الجبدان بتاع البندقية البتعمل كدي دي الارتداد ده بتفتكر أنو ده من البندقية، لا ده من الشيطان الوراك قاعد هنا ده، ده شغلتو بس يلوش ليك البندقية كدي تو تو تو ، انت بتضرب والمسألة دي كده بقول ليك الزول ده عندو تصريف، ياهو زول قريب جنبك، والطلقة ما بتصيبو ليه لأنو في شيطان هنا ماسك المؤخرة عشان يلوش النيشان وواحدين آخرين قاعدين معاهو هو وبعدين هم بشيفوا الطلقة وهم أسرع في نوع من الشياطين أسرع من الطلقة، ده هو بشوف الطلقة أول ما شاف طلقة جاية أي طلقة عليهو بس يضرب زي البحتت أي طلقة جات يطقها يلوشه بي جاي يلوشه بي جاي، ويقول ليك عندو تصريف، الطلقة ما بتصيبو، ونوع آخر من الحجبات برضو فيها شي آخر مجموعة من الشياطين أول ما الطلقة دي تجي من هناك يمسكوها بس ينزلوها تحت، تلقاها ضربتو كلها حتت الطلق دي، يعني مجموعة بتاعة ذخيرة تجي تلقاها مصبوبة تحتو وهدمو ده تلقاهو ما اتقدد وكل الذخيرة دي قاعدة، بقول ليك والله كبينا فيهو ذخيرة ، كدي امشي مناطق الالتماس بتاعة النهب المسلح، امشي الجنوب، شوف الكلام ده صاح ولا ما صاح، بتلقى أنو بقول ليك أنو في حرامية والله العظيم العساكر وصلوهم والله الحرامي ده إلا مسكوا مسك، ذخيرتو انتهت وما انضرب، وكل الذخيرة دي كبيناها فيهو ما ضربناهو، أخيرا عملنا ليهو خطة، وهو يوم تعمل ليهو خطة إلا كان ذخيرتو كملت، لكن كن ما كملت ما بتقدر تعمل ليهو خطة لأنو أول ما اتلفت بلقاك بضربك، وانت ذخيرتك بتكبها فيهو ما بتعمل ليهو شي، في النهاية بجوا بيمكسوا مسك يوم ذخيرتو تكمل، يمسكو بعد داك يقوموا يجردو يسلمو يلقوا عندو حجبات يقول ليك ديل الحجبات دي، سبحان الله الناس تفتش للحجبات دي، أنا لقيت فلسط ينيين وين في ياوندي ماشين بي عربتيهم لاندكروزر ماشين يفتشوا في الحجبات، هي يا ناس، قال انحنا دايرين هنا في حجبات نلبسها وماشين لإسـ رائـ يل دي ندمرها، يا ناس انتو جاينن من هناك للحجبات دي؟ آيي. وفتشوا أنا ما عارف لقوا ولا ما لقو، أنا هديتهم قلت ليهم أرجعوا، والكلام ده ما صاح لأنو الحجاب ده فيهو شرك، انت لو داير تموت تموت عادي لكن بالشرك والكلام الفارغ ده ما ممكن، ما اقتنعوا بي كلامي قالوا أنحنا عندنا قضية ماشين ليها ما لينا شغلة بي كلامك البتقول فيهو ده، خلاصة المسألة مشو لقوا ولا ما لقوا أنا ما عارف، خلاصة المسألة كل الحجبات حتى البخرات دي، دي بخرة جابوها لينا هنا كدي نفتحها نشوف فيها شنو، وما عارفها ذاتها من أجل شنو، دي بخرات تلاتة اربعة واحد اتنين تلاتة أربعة خمسة، بسووها ظريفة كدي وبعد ده تلقى كلام فيها هنا وبتلقى أشياء، آها، ده صمغ لبان، وده شفت آها دي: لابد تلقى فيها خزعبلات ودجل قول ده بسم الله الرحمن الرحيم قول سورة البقرة الحجات دي شنو؟ الناس القريبن شايفنها. دي نجمة داوود وده هود وده آدم وده كذا وده كذا خواتيم ياهو نفس الكلام البنقولوا بتلقاهو في أي حجاب، دي بخرة أدوني ليها في المسجد هنا كل الحجات دي بتلقاها، دي واحدة، طيب نفتح منها تانية، آها دي كسبرة، ياها دي كسبرة شايفنها، دي كسبرة، شيف المستهبل ده، كسبرة، كاتب هنا (يضحك) وكاتب حتى السحر ياهو كاتبو، والسلطان، يعني أول حاجة كاتب سبعمية سبعة وتمانين سواخط مش عارف السحر وشنو مش عارف وكتابة ما بتتقري وهنا كاتبين فسيكفيكهم الله وهو السميع العليم ولا حول ولا قوة إلا بالله العلي العظيم حسبي الله ونعم الوكيل، ومن شر الحسد وشنو مش عارف ياهو نسف الكلام، فسيكفيكهم الله ياها ذاته مكتوبة هنا، في دي، ده غش، دجل شعوذة إن كان لابد فاعلا ليه ما يخلي بسم الله الرحمن الرحيم، البسملة ما كاتبها فيها الصلاة على لانبي ما كاتبها فيها يها دي قاعدة دي بخرة، ودي ما عارف أداها ليهو لشنو، كان من أجل الصداع ياخي شوف، شفت الكسبرة دي عندك صداع، ما يغشك زي ده ويبيعها ليك بقروش، كسبرة لو شحدتها من الدكان بيدوك ليها، امشي للدكان لو ما عندك قروش قول ليهو ياخي أديني أربعو ولا خمسة قطعات بتاعة كسبرة بديك ليها، بديك الكسبرة دي، وقول ليهو أديني خمسة ستة حبات بتاعة الحبة السوداء، الكمون الأسود خليه يديك، يديك اتنين و لا تلاتة مسمار بتاع شنو قرنفل، وتشيل حبة بسيطة من لبان اللبان البتبخرو بيهو النسوان ده، الربعة ديل أجمعهم وختهم في ورقة زي دي في أي حاجة مش عندك صداع تخت فيها نار وتشمها الصداع بخليك، ما داير ليهو أنك تخسر ليك تلاتة ألاف ولا أربعة آلاف ولا كلام فارغ، وهو بعمل الحركة دي وبخت ديل عشان انت تعتقد أنو ده من الدين، يعني لو مشيت عملت البتاعات ديل براهم ما بعمل ليك شي لا بعمل ليك شي، لكن دي حيل ونوع من الأساليب عشان ياكلو مال الناس بالباطل وما ممكن يوريك ليها بقول ليك دي سر المهنة،والله بقول شنو: إن الدين يكتمون ما أنزلنا من البنات والهدى من بعد ما بيناه للناس في الكتاب أولئك يلعنهم الله ويلعنهم اللاعنون إلا الذين تابوا وأصلحوا وبينوا فأولئك أتوب عليهم وأنا التواب الرحيم، شي بنفع الناس ما تكتموا هو ليه انت بجيك لو قبلك كتموا ما كان جاك، طيب شي الناس بيستفيدوا منه لمصلحة الانسان ما تكتمو قولوا للناس عشان ربنا ذاتو يزيدك علم، فهم هنا بقول ليك لا سر الشغلة أو سر المهنة بقول ليك ده سر المهنة ده نوع من البخل ونوع من الدجل بقول ليك سر المهنة عشان كدي واحد منهم قال وعلم الحقيقة من أباح بسره للغير أهدر ماله من بعد الدم، لم يستطع موسى الكليم لخضره صبرا عليه فكيف بالمتعلم، يعني كلامات ما توريها للناس، ده معنى الكلام ده.

    خلاصة المسألة الحجبات دي، في نوع منها كضب ودجل، واي مرض ده أحيانا بيدو هسع دي في كتير من الحجبات هنا كضب، دي كلها شفت المجموعة دي واحدة منها بتحقق الكلام القالوه ما في، ولكن أحيانا بتلقى شيخ ويكتب ليك حجاب زي ده ويديك ليهو بنفعك، زي حل السحر بالسحر سحر حلوه بي سحر نفعك لكن انت خسرت الدنيا والآخرة وخسرت رب العالمين وأغضبت رب العالمين ورضيت الشيطان، في بعض الحجبات من أغرب الأنواع بتاعة الحجبات الموجودة عندي هنا حجاب هنا غريب جدا جدا حجاب وبعدين شوف أي مرض من الشواطين متدخلين فيهو الشواطين لو مشيت للناس ديل وأدوك ورقهم ده قد يخليك المرض يعني بتشفى منه، امرأة عندها ولد دلاهة عمره تلتاشر سنه، ريالتو سايلة لا بياكل إلا ياكلوه، ما بنوم ولا برقد إلا يرقدوه، وكان صحي بخره وبيسوي في محلو داك، تلتاشر سنة مشت للشيخ، الشيخ، اسمو شيخ محمد، الشيخ السلام عليكم مرحب السلام أها أنا جيت عندي مشكلة، مشكلتك شنو يامرة؟ قالت والله جيتك وشفت الولد ده عمرو تلتاشر سنة، تلتاشر سنة الولد ده دلاهة عذبني في رقبتي دي، لا بياكل لا برقد لا.. لا.. لا.. ، ياخي جيتك تسال لي الله أو جيتك تداويه لي، قال ليها كويس، أولا تمشي تجيبي الآتي: تمشي تجيبي زيت سمسم، تمشي تفتشي زيت سمسم وتجيبي، وتجيبي بصلتين وتمشي تجيبي ديك أحمر ورقبتو زرقاء وأشابيرو مقطعات وخصي، ديك خصي، انتو شفتو ليكم ديك خصي؟ خصي قال. المرة فتشت بي جاي بي جاي لقت ديك بالمواصفات لكن خصي ما خصي ما بتعرفو، شالتو جابتو للشيخ، آها جبتي قال آيي، وبعد ده دفعها قروش، قال ليها طيب امشي اليوم الفلاني تعالي، مشت، اليوم الموعود جات وجابت الولد معاها فلقت وريقة صغيرة مكتوبة قال ليها شفتي الورقة دي أدرعيها للولد في رقبتو خلاص الولد ده ببقى كويس، مشت شالت الولد ومشت بيتها ودرعت الورقة في رقبتو والولد الليلة وبكرة وبعد بكرة بقى كويس تماما رجع بتكلم وبياكل براهو وبشرب براهو وبرقد براهو وبنوم براهو وكمان ودوهو المدرسة دخلوهو الابتدائي، هو عمرو تلتاشر سنة لكن عشان الناس عارفين حالتو استثنوهو ودخلو، دخلوهو المدرسة قعد يقرا، بعد شهر شهرين تلاتة خمسة ستة شهور الولد استمر كويس جدا والحمد لله، خلاصة المسألة مشى يستحم براهو وقعد في الطشت يستحم وقامت الورقة دي اتقطعت، دخلت المويه بعد ما اتبلت جا لأمه يا ولد الورقة وينها؟ هبشها لقاها مافي قال ليها والله ما عارف، قالت ليهو الورقة انت مشيت استحميت قال مشيت استحميت في المحل الفلاني، مشت فتشت الطشت لقت الورقة جوه الطشت انبلت تماما اتمزقت قامت الوية فرتقت الورقة، أول ما فرتقتها مع الخيوط والبلاستيك فرتقتها لقتها شنو؟ لقتها بي جاي جزء من مقالة في جريدة الأيام سابقة، جريدة الأيام، وبي جاي صورة الرئيس جعفر محمد نميري، ده بي جاي، شافتها كدي هوي، ده ما الرئيس السابق للسودن جعفر محمد نميري أيوه، ودي جريدة لقوا هنا مكتوب عليها جريدة الأيام، شالت الورقة المسكينة ومشت لي فكي محمد، يا فكي محمد كيف حالك مرحبا يامولانا كيف حالك قالت ليهو أنا جيتك راجعة تاني، في شنو ياولية مش أديتك الورقة العلقتيها للود أوع يكون أهملتوا فيها وطارت، قالت ليهو لا ما طارت، أها الحصل شنو، قالت والله الحصل الورقة دي الولد مشى استحم في الطشت وانقطعت في الموية وانبلت واتمزقت، أنا مشيت فرتقتها عشان أشرها تنشف واطبقها وألفها لفة تانية كويسة وأربطها ليهو في رقبتو لقيت الورقة دي ياها دي شافها كده وقال ليها فيها شنو دي؟ قالت ليهو يا مولانا دي مش جريدة الأيام قال ليها نعم، والبي جاي دي مش صورة بتاعة جعفر محمد نميري قال ليها آي، قال ليها فيها شنو يامرة، قال ليها ده انتي ما بتعرفي قال ليها ده ما الرئيس جعفر محمد نميري، قال ليها انتي ولدك بقى كويس ولا ما بقى كويس قالت بقى كويس، قال ليها ده الرئيس ده إذا كان نشف ريق الشعب السوداني كلو لولدك ده ما بنشف ليك ريقو؟ دي حجة الشيخ! وشوف خبرة الشيطان وتضليلو للإنسان، صورة بتاعة اجعفر نميري بتعالج ليها مريض؟ لكن ده أساسا مرض من الجن والشياطين، عشان يشوفك ضليت وحتضل الآخرين طوالي يعينك في ذلك عشان انت تعتقد وتفسد مرة واحدة، ده اعتقاد أعمى مرة واحدة، المسكينة شالتها طبقتها ومشت سوتها تاني علقتها ليهو في رقبتو، تخيل الكلام ده، ومسألة لأنو متسلط فيها الشيطان.

    الورقة الماسكة دي ده ورقة حجاب وسيدها أخدها بعجلة جذعة، وحلف وأقسم قال أنا من رابط الورقة دي في ضراعي سبعتاشر سنة بفتش للشر ما بلقاهو، سبعتاشر سنة، لابس الورقة دي سبعتاشر سنة قال لابس الورق دي بفتش للشر ما بلقاهو، قال أحيانا بمشي لي سيد الدكان عشان يؤكد أنو حجابو ده في ضراعو لغاية ما يهزو تمام ويمشي لي سيد الدكان يقول ليهو أديني كذا وأديني كذا بعد ما أدهو ملا كيسو تمام بقوم ماشي بقوم سيد الدكان يقول ليهو تعال ما دفعت لي، لا دفعت ليك، دفعت لي ما دفعت لي قال لي طوالي بقوم بزنقه معاهو، عشان اتشاكل معاهو، قال سيد الدكان يقعد يشوف لي ولو في ناس بقول ليهو يا زول أقيف كدي قول بسم الله، كدي راجع نفسك احتمال أداك الراجل، ياخي أديتك حسابك مش كان كدي أيوه أديتك، ياخي ما أديتك أديتك ما أديتني، أها أنا بتشدد وهو بنرخي، أي زول موجود معانا بقول ليهو يازول هوي الجاتك في مالك سامحتك، ياخي خلي الراجل ده، الراجل جه والله انفعالو ده عندو سكري والله تقوم تعمل معاهو مشكلة يموت في يدك دكانك ده ما يخلصو، قال دي عملتها ولامرة ولا مرتين ولا تلاتة، لأني داير أفتش الشر ده، وقال لي الزول ده قال لي لابس الحجاب ده شر ما يجيك كلو كلو، قال دي من الأعمال الأنا عملتها لكن ياخي كلامك ده أقنعني وقلت يمكن حجابي ده ذاتو فيهو الشركيات دي وما دام شي فيهو شركيات أنا ما دايرو، كدي هلك أفتحو شيفو، والكلام ده في المسجد كان، مسكناهو فتحناهو لقينا فيهو شنو؟ شوف الحجاب البمنع عن الشر: تخيل الكلام ده مكتوب هنا فيهو شنو؟ الدكتور عبد الله السلام عليكم ورحمةالله وبعد، بمناسبة زواج بتي لود أخوي يوم الاتنين الجاي أرجو الحضور السلام عليكم ورحمة الله عمك الشيخ يوسف ابراهيم، ياهو ده، الناس القريبن شايفين الكلام ده ولا لا، الحتة المشطوبة دي، الكلام ده مش صاح؟ ده حجاب. اتخيل الكلام ده. اتخيل الشي الناس بسووا فيهو، والله الناس ديل الله ما بخافوه، حجاب فتحناهو لقينا فيهو شنو، والله الدي لا إله إلا هو، بعرة بتاعة حمار، ورقة نضيفة زي دي قطعناها مربعة، لقينا فيها جوة بعرة بتاعة حمار، بعرة بتاعة حمار بتحجب؟ لا إله إلا الله. حجاب فتحناهو في الخوجلاب لقينا فيهو والله كيس بتاع تمباك، اتخيل الكلام ده، والله الدي لا إله إلا هو، حجاب آخر فتحناهو مربع لقينا فيهو حجر منحوت نضيف، حجاب آخر فتحناهو لقينا فيهو شنو علبة بتاعة ماجي، وفيها حتى الرز بتاع الماجي البعملوه ملاح ده، لاإله إلا الله والله الحجبات دي فيها جنس كلام، كله دجل وكضب وديل ياتهم البكتبو الحجبات ديل؟ الترزية؟ السواقين؟ منو هم البكتبوا الحجبات ديل؟ ما هو مولانا فلان وشيخ فلان والخليفة فلان وأبونا فلان، عندنا حجبات هنا جات من أبواتكم ياها دي، الحجاب الهنا ده جا من زول بقول ليهو أبونا، الحجاب الكبير ده، وأداهو لواحد قطري جاهو زيارة، من قطر هناك جا للراجل ده زيارة ومشى ليهو وأداهو الحجاب ده، فشال الحجاب ده وكان في جلد أحمر نضيف، جديد وبي تحت قديم جدا، خلاصة المسألة القطري ده أخوانا أقنعوهو وجابوهو لي، وهو دكتور وبعد نقاش طويل اقتنع وقلت ليهو الشي ده ماهو صاح، ولا بحجبك، الآن لو بتقول بحجبك تعال نجربو فيك، قال لي لأ، قلت ليهو طيب نجربو في منو؟ قال لي جربو في نفسك قلت ليهو أنا أجربو في نفسي ما ممكن، نجيبو أي حاجة تانية، جربناهو لقيناهو ما بشتغل أي شغل، دجل افتراء كذب، ويغشوا الناس الحجبات دي كلها غش، زمان كان لما يغشو البنات الواحدة تجي يامولانا والله أنا جوني الخطبا والله في خطيب جاني درتو و والله أبوي أبا، خطيب آخر ناس أمي أبوهو، خطيب آخر جابوهو هم أنا أبيتو، وواحدين من الشارع بنسمع انهم دايرين يجونا وبستعدوا وما بجونا، ياخي والله دايرين لينا ورقة كده ولا حجاب عشان نتزوج، انتي دايرة تتزوجي؟ أيوه نعم. أمشي جيبي لي كذا كذا كذا بنشرط ليها أشياء معينة وضبيحة معينة وبعد ده بنجي نكتب ليها شنو: وأذن في الحج يأتوك شنو يأتوك رجالا وعلى كل ضامر الى آخر الأية وبنكتب ليها الكلام ده وبنقول ليها أربطيها في رقبتك و لا موصيها أشربيها وبتمشي المسكينة بكرة بعد بكرة بجوها الخطباء، تقول والله الزول ده والله آيتو كاربة والله الظيم يكتب ليكي حجاب والله، أبونا ده لما يجي ماشي في منطقة البنات بلمن كوم بقول ليك بس تشوفي بي عينك كان شفتي بي عينك عملتي كده باكر بتزوجوك ده شنو ده، دجل وخرافات وكلام ما أنزل الله به من سلطان، باسم الدين والدين منها برئ، الحجاب الشايفنو ده مكتوب شنو، شايفنو ملولو، ده مكتوب شنو، مكتوب بعد الكلام الكتير ده مكتوب هنا بسم الله الرحمن الرحيم والصلاة على النبي صلى الله عليه وسلم الخ.. بعد ده مكتوب شنو يا الله يا الله يا لله وتكلمنا في الموضوع ده، تحت هنا مكتوب يا محمد يا محمد يا محمد وده شرك زي ما قلنا، بعد ده كلو مكتوب تاني شنو؟ مشك شكشكشكشكشكشك ده شنو ده؟ ياهو ده. شايفين الكلام ده؟ صاح ولا لا؟ ده: مشكش شكشكشك (يكررها ويعرضه على الجمهور) ده دين. قال ده دين. ما عرفنا ده من اسماء الله الحسنى، من اسماء الملائكة، من أسماء شنو، دي أسماء بتاعة جنون وشواطين وقالو ده دين، والله الذي لا إله هو الدين ده برئ من الخزعبلات دي والدجل ده وده كلو كلام فارغ وما تنغشو، وأي حجاب شرك بالله، أي حجاب شرك بالله، أي حجاب فيهو خاتم فيهو بتاع كلو شرك، شرك بالله، وخاصة الحجبات البتفعل الأفعال البقولوها ليك، أما المغشوشة دي كلها دجل وكلام فارغ ساكت وموضوع عن الحجبات ده كتير وما عاوز أطيل للناس أكتر من كده اللهم علمنا ما ينفعنا، وأنعنا بما علمتنا وأرزقنا علما ينفعنا، وعملا يرفعنا اختم بالصالحات أعمالنا، استر عوراتنا فرج كروبنا اغفر ذنوبنا تول أمرنا احسن خلاصنا فك أسرنا أرحم ضعفنا عجز الطبيب فداونا ظهر الفساد فنجنا قلت حيلتنا فتولنا.

    اللهم اجعل جمعنا هذا مرحوما، واجعل تفرقنا من بعده معصوما، ولاتتدع فينا ولا بيننا شقيا ولا محروما، اللهم أوردنا حوض نبينا اشملنا بشفاعة حبيبنا واسقنا من حوضه شربة لا نظمأ بعدها أبدا والسلام عليكم ورحمة الله وبركاته.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
14-02-2008, 09:34 PM

amir jabir

تاريخ التسجيل: 12-01-2006
مجموع المشاركات: 5550
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
18-02-2008, 08:57 AM

Mohamed E. Seliaman

تاريخ التسجيل: 15-08-2005
مجموع المشاركات: 17129
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: amir jabir)

    UP
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
18-02-2008, 05:13 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: Mohamed E. Seliaman)

    الأعزاء أمير جابر ومحمد سليمان لكما الشكر على رفع البوست، ونواصل المحاضرة قبل الأخيرة وهي المحاضرة الخامسة.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
18-02-2008, 05:14 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة الخامسة
    كيف يسحرونك
    حامد آدم
    بسم الله إن الحمد لله نحمده ونستعينه ونستغفره ونعوذ بالله من شرور أنفسنا وسيئات أعمالنا، من يهد الله فهو المهتد ومن يضلل فلا هادي له، وأشهد ألا لا إله إلا الله وحده لا شريك له، وأشهد أن محمدا عبده ورسوله، يا أيها الذين آمنوا يا أيها الذين آمنوا اتقوا الله حق تقاته ولا تموتن إلا وأنتم مسلمون، يا أيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء، واتقوا الله الذي تساءلون به والأرحام إن الله كان عليكم رقيبا، ياأيها الذين آمنوا اتقوا الله وقولوا قولا سديدا، يصلح لكم اعمالكم ويغفر لكم ذنوبكم ومن يطع الله ورسوله فقد فاز فوزا عظيما.

    وبعد

    فإن أصدق الحديث كتاب الله وخير الهدي هدي محمد صلى الله عليه وسلم، وشر الأمور محدثاتهاوكل محدثة بدعة وكل بدعة ضلالة وكل ضلالة في النار أعاذني الله وإياكم من النار.

    وبعد السلام عليكم ورحمة الله وبركاته.

    موضوع محاضرتنا اليوم انشاء الله كيف يسحرونك، لكن الجمعة القابلة انشاء الله أهم المحاضرات دي، وهي كيف بنعلم الغيب، كيف كنا بنعلم الغيب، ودي مهمة جدا عشان الناس تجي تتابعها الأسبوع الجاي انشاء الله،أما اليوم كيف يسحرونك أو كيف كنا بنسحر الانسان، زمان يوم كنا شغالين الشغل ده بنسحرك كيف، بجينا عدوك أيا كان هو، والعدو أحيانا بعيد منك وأحيانا من داخل البيت، وأكتر الأعداء من داخل البيت، يوم يجينا عدوك أيا كان هو من داخل البيت أو من خارج البيت، بنطلب منه أشياء معينة، أيوه مالك داير منو شنو والله أنا ياخي جيتك للغرض الفلاني، المصيبة الجاء من أجلها، فأول شي بنسألو أو بنطلبو منو بنقول ليهو الزول ده اسمو منو، بنطلب اسمك، الزول ده اسمو فلان الفلاني، لا ما دايرين فلان الفلاني، اسم أمو منو، اسم الأم، دي علامة من علامات الساحر، أي زول مشيت ليهو سألك من اسمك واسم أمك ده ساحر، اسم أمو منو، وليه الاسم بتاع الأم؟ كلنا معروفين فلان بن فلان في البطاقات وفي الجنسيات وفي غيرها، إلا مع الشيخ، اسمك واسم أمك، ليه اسم الأم؟ لأن السحر إذا ذكروا لي اسمك واسمك ده ما هو حقيقي لأنو اسمك الأصلي مع اسم الزول المنتمي ليهو، اذا كان ما بقوا حقيقيين، الزول ده ما أبوك حقا، السحر ما بكون فيك مكرب، ليه لأنو في شي أنا بنعملو يجب أنو الكلام كلو يكون صحيح، أول ما سألت من اسمك بنسأل من اسم أمك لأنو دايما الحتة الفيها الرخو دي ما بندورها، دايرين الحتة المتينة، وجانب الأم بالنسبة ليك أقوى من جانب الأب، بالنسبة لينا نحنا، لكن لو أبوك ده هو حقيقي وذكرو اسمو وهو حقيقي السحر بكون فيك مكرب، تمام التمام زي ما أنحنا دايرنو، لكن الحتة دي عشان أنحنا متخوفين نفشل ومتخوفين أنو فكي فلان ولا الشيخ فلان ولا القطب ولا أبونا فلان دعوتو ما مستجابة والله سوى لي الشي الفلاني ما بقى لي صاح ولابتاع ولا سيبك ياخي، عشان الحتة دي أنحنا حنضع ليها حساب، لازم نسألك من اسم أمك ليه؟ لأنو حأجمع حروفك عندك كم حرف في اسمك طبعا عارفها انت، يوم تقول لي اسمي فلان بنعرف حروفك كذا، أيوه طيب اسم الأم لأنو جانب الأب حش، ليه لأنو دائما جانب ابن الحرام بجي من جانب الأب، ما من جانب الأم، أمك الولدتك لا شك فيها على الإطلاق، لكن أبوك الله أعلم، أمك مع صباها ده يمكن لقطتك من أي فحل ماشي في الشارع وما أكثر الفحول الآن في الشوارع ماشين، فعشان الحتة دي أنحنا حنعمل حسابناعشان ننجح في شغلنا ده، لحتة الفيها الرخو دي لا، دايرين الحتة المتينة، اللهي شنو الأم، بنجمع حروفك وحروف أمك بنجمعهم كلهم، وبنشوف الحروف المتكررة في الاسمين، الألف الباء التاء الحروف الأبجدية كلها، هل في حرف من الحروف دي كلها متكررة فيك انت وأمك، أيوه نعم، لا مافي، لو مافي انت جيتني بي ياتو يوم، اليوم الجمعة بنشوف كلمة الجمعة، بنشوف كلمة الجمعة من كم حرف هل الجمعة دي في ا حرف منها متكرر فيك انت وأمك؟ لأ. بنجيب الشهر. ما بطلع من ديل إلا بألقى حروف متكررة فيك انت واسم أمك طوالي، اسمك اسم اليوم اسم الشهر لابد من ألقى واحد من الكلام ده بل لابد نرجع للساعة ذاتها، يبقى هي الظهر الظهر، العصر العصر، المعرب المغرب، أيوه، العشاء العشاء، بنلقى حرف واحد هنا موجود فيك انت وفي أمك، بنشوف الحروف دي الحرف الموجود ده، انت شنو، عندنا الحروف مقسمنها على أربعة: حروف مائية وحروف هوائية وحروف نارية وحروف ترابية مش الترابي ترابية بنشوف الحرف الاتكرر فيك انت وفي اسم أمك أو فيك انت وفي اليوم أو الشهر، أو الساعة ياتو حرف من الحروف دي، بقى أنا بعد ما عرفت حرفك ده شنو، مثلا انت ناري، فلان الفلانية دي ناري أو فلان الفلانية دي ما فيش ليها طريقة، اليوم إلى آخره.

    خلاصة المسألة بنقسمها بنشوف هي شنو، لقيت ناري بعد ده بطلب طلباتي، وقبل ما أطلب طلباتي في شفرة بنعملها وحكيتها قبل كدي، بقدم للراجل اللي كان أو الجن زعيم الجنون اللي كانوا شغالين معاي اللي هو سهسوبي بناديهو فبعد ما ناديتو جا بشوف الزول ده، بقول ليهو ياخي الزول ده ـ والكلام ده انت ما جايب ليهو خبرـ ولا بتشوفوـ الزول ده داير كذا وكذا وكذا داير أسحر ليهو زول كذا وكذا وكذا، أو بس يعني داير أطب ليهو زول كذا وكذا أو داير يعمل ليهو الشي الفلاني، أعمل شنو؟ سهسوبي بستدعي واحد آخر عشان يقوم بالمهم دي، بقول ليهو طلباتك، طلباتك أيوه، طيب ياخي أنحنا دايرين تيس رقبتو كذا، وصلبو كذا وشكلو كذا، أيوه وما يقل من العمر الكذا، أو دايرين لينا ديك أحمر أو أخضر أو كذا أو كذا، دايرين لينا ديك خصي، دايرين لينا بتاع، أيوه، بنقول ليك ياخي أنحنا دايرين دم، دم، دم يعني شنو؟ يعني كرامة ده البتفهموانت كرامة دايرين لينا دم، لآنو المسألة دي ما بتتحقق إلا نضبح دم، انت حتوافق، بتظبطو لي بظبطوا ليك، بس تجيب لي الضبيحة، تمشي تفتش التيس اللون الفلاني الديك الفلاني الخروف الفلاني تجيبو لينا، بعد ده دايرين فكة دايرين البياض، واذا كان اتحقق الأمر ده حقنا كده، ومن حقنا ذاتو تدفع لينا جزء منو، دي كلها طلبات بنقولها ليك، بعد ده انت حتمشي تجيب لينا أشياء معينة، ده اذا كان انت ناري، في النهاية انت ناري أنا بعمل أشياء فيها طلاسم بعد التقربات دي وبعد الشغلانية دي وتحرق في طواسي أو أواني النحاس يجيبو اناء من نحاس يضعوهو في النار بنعمل وريقات فيها الطلاسم اللي كان شوفتكم ليها هنا دي، وبنكتب اسمك واسم أمك انت المضرور، المطلوب ضرك ده، اسمك واسم أمك وبعد ده بالليل أنا بقوم بالمهمة دي، بقوم بشيل بتاع النحاس ده بختو في الجمر وبجيب الوريقات دي بقلي فيها، على حسب الطلب، فانت بتنقلي زي ما أنا بقلي في البتاعات دي، تنقلي، طيب انت مائي بنعمل شنو؟ بنعمل نفس الطريقة وبنفس الشروط قد تختلف من ديك لتيس لبتاع لي بتاع لكن نفس الأسلوب، في النهاية بنعمل وريقات نكتب فيها أسماء ونكتب فيها اسمك واسم أمك، ولابد تربط في حجر وتوضع في أماكن الماء الراكده، حتة فيها بير متروكة، سانية ولا البحر ده ذاتو بشرط أنو يكون مربوط في حجر عشان الحجر ده يشيل السحر ده ينزل بيهو تحت الموية وما يطلع بره خالص لأنو لو طلع بره عرضة للناس يقوموا يفتحوهو ولا يلقوهو ده شنو، فإذا كان فتحوهو طلعوا منو الحاجات دي السحر بنفك منك، أنحنا بنختو في محله عشان السحر ما ينفك، في جوه الموية تحت، طيب لقيناك هوائي بنعمل شنو؟ بعدين بتاعة المائي دي دي الطريقة السحروا بيها النبي محمد صلى الله عليه وسلم، هو مائي عشان كدي عملو ليهو السحر ودخلوهو في البير جوه تحت وعصرو بي حجر، والقصة مشهورة عندكم، طيب انت هوائي بنعمل شنو؟ بنجيب اسمك ونكتب أشياء معينة وبنطلب خيوط من آثارك ثم بنعقد وبننفث، ومن شر النفاثات في شنو في العقد، بنعقد وبننفث وبنقول كلام معين وبنعقد سبعة عقدة عشرة عقدة عشرين تلاتين أربعين على حسب الفكة المدفوعة، خلاصة المسألة ده يختو وين؟ بنقول ليك تقبض ليك حمامة ولا ود أبرق ولا أي شي طاير، تمشي تسعى تجيب لينا البتاعة دي، حتمشي تجيب لينا حمامة ولا حمامتين ولا تلاتة بي شكل معين جزء منها بنضبحو وجزء منها ما بنضبحو بنقوم نربط العقد دي في الطاير ده في حتة معينة صغيرة وبنفكو عشان يطير بعدين انت بتطير زي ماهو طار، ده انت هوائي، طيب انت ترابي بنقوم نعمل نفس الطريقة وتدفن هذه الخزعبلات في المقابر المهجورة، مقابر مهجورة، طبعا القصة الزمان قبل سنة ولا سنتين صاحبها أنا، قصة المرأة الدخلت السحر في خشم الجارة الميتة وشالوهو الرجال دفنوهو في المقابر، وهذه المرأة حجت البيت مرتين ولم تر الكعبة وطافت بها، قصة مشهورة جدا وكان المسؤول منها الأول اللي هو الدكتور عبد الحي يوسف، المسألة دي زمان كان في ناس عارفنها، طيب ديل الأربعة طيب أنا عشان أعمل ده شنو وليه الضبيحة دي؟ أول حاجة الصبيحة دي بطلبها مني الجن القايم بالشغلانية، طبعا انتو ما بتعرفوها بقول ليك كرامة صدقة، أيوه تصدق أعمل ليك كرامة، هي ماها كرامة وان كانت هي كرامة لكن كرامة ما لله، لغير الله أي الذبح لعالم الجن والشياطين، لأنو المواصفات بطلبها الجن، وانت على حسب وهمك وعلى حسب جهلك بدينك بتقول أنو الزول ده طلب كرامة لله ودي صدقة بتتقسم لأ. هي ما بتتقسم. وصحي بتتقسم لكن تتقسم بين منو ومنو؟ بين الضعفاء والمساكين؟ لأ، بين الشيخ اللهو أنا وبين الجن وانت ما عارف الشغلانية دي، أنا يوم أجي أضبح عندي شروط، يوم اجي أضبح لابد أن أعضي معدن وأصم شفتي أول حاجة أعضي حديدة، وأصم الشفتين دي، والحديدة تكون بي جوة وأصم الشفتين ديل، وأجي أذبح، ليه؟ عشان في كلام أنا ما أقولو، ولكن انت ما جايب خبر، عشان ما أقول بسم الله الله أكبر، وده حرام، ولا تأكلوا مما لم يذكر اسم الله عليه، دي واحدة، وبعد ما أنا ضبحت بنفس الطريقة دي، وأي انسان شيل ليك أي حاجة عضيها بسنونك ثم صم شفتيك، ولا تستطيع أن تقول بسم الله الله أكبر على الإطلاق، جرب الشغلة دي، ومش تعضي ليك شي، والله لو كجرت سنونك كده بس وعضيت خشمك لا تستطيع أن تقول بسم الله الله أكبر، ما بتستطيع جربها شوفها ما بتستطيع، يبقى أنا بضبحها بغير اسم الله، حرامة، الحرام التاني فيها وانت ما جايب ليهو خبر بلقي الدم، الدم أنا بشيلو، بشيلو بكبو في المحبر، الدوالية المحاية البتشربوها دي، بنكبو فيها بنخلطه بيها، ده دم نجس حتى لو قلت باسم الله الله أكبر هي حلال والدم المسفوح ده نجس، يعني أنا بشيل الدم ده، بأي حال من الأحوال نجس الدم ده، بنكتب بيهو آيات من القرآن، أول آية تقريبا بنكتبها بيهو بسم الله الرحمن الرحمن الرحيم، وبعد ده تلقى الصلاة على النبي صلى الله عليه وسلم، وبعد ده تلقى الكتابابت الموجودة التانية، أي آية أي سورة بنكتبها قد أكتبها بزيادة حروف أوبنقصان الحروف عمدا، مش جهل، لأ، عارف أنا بسوي في شنو، وبكتبها أحيانها بي حروف مقطعة، ويمكن الحروف أعكسها أسوي الأول آخر والآخر أول والفي الوسط في النهاية لخبطة، حتى اسم الله ما بنكتبو الله، لازم الاسم ده نلخبطو الهاء نسوي في النص، ولا سوينا في البداية ولا سوينا في الحرف التاني وحولنا الحرف التاني، المهم ما بتلقاها صحيحة، وأحيان بتلقى بعض الكلمات صحيحة لكن في لخبطة تانية وياها دي الحجبات موجودة عندنا تعلوا أي حجاب تختاروهو أفتحوه شوفوا الكلام ده صاح ولا ما صاح، والبخرات وغيرها، طيب بعد ما أنا عملت ده كلو،بذبح شلت الدم كتبت بيهو الآيات، بي طريقتي الأنا نعرفها أو بالتوجيهات التي أوجه بها، بعد ده الثر البطلبوا منك عشان تنضر أهم أثر عندنا شعر المحسن، شعر محسنك ده أهم شي، وكتير من المربوطين مربوطين من شعر محسنهم، ده أهم أثر منك، طيب واحد، نمرة اتنين لشعر المحسن شعر الاباط، نمرة تلاتة شعر الراس أو الدقن، أربعة الأظافر، أضافرك ديل، خمسة، ده كلو مافي أي شعر من جسدك، ده كلو مافي دايرين من الأشياء المحتكة بيك، وأهم شئ محتك بيك انت أنحنا بنستفيد منو النكسي الصغير الداخلي، الداخلي ده، ده أهم شي عندنا، طيب غيرو : الفنلة، غيرها : العرقي. غيرها الجلابية البنطلون الكرافتة، البدلة بتاع ده كلو مطلوب، ده كلو ما لقينا ليهو طريقة بنقول ليهو ياخي تابع لينا الزول ده محل ما ماشي تابعو، في متيم في فرحة في كره في شغل في بتاع، مش عدووك؟ أيوه، تابعو شوفو من بعيد لو جا في صلاة ولا في غيرو طلع نعالو دي فجغ الواطة كدي، تعال براحة كأنك داير تطلع نعالك، ولا شوكة طعنتك دايرتسوي، ولا داير تصلح نعالك ولا داير في حاجة تلقطها تجدعها، خم لينا تراب براحة كده دخلو في جيبك جيبو لينا منو، حيتابعك برضو ده أسلوب، في النهاية دي كلها ما لقيناك ليك ليها طريقة بنعمل نظام أخير، برضو انت ماك نجيان مننا بس ربنا ما يسلطنا عليك، خبرة زي ده قليلة بكل صراحة، خبرة بالطريقة دي قليلة، والحمد لله بقت قليلة، والله في ناس بنعرفهم لو بعرفوا الخبرة دي يلخبطوا الواطة لخبطة ما عادية، أعوذ بالله من ناس زي ديل، فدي في النهاية بنعمل شنو؟ فشلنا من كل شي محتك بيك، بنقول ليهو ياخي تجينا في يوم معين بنعرفو في الأسبوع، عندنا يوم معين، ده يوم بتاع السحر معروف من قديم الزمان، وحتى بتاعة التراب موجودة في القرآن أقرا القرآن ده بتلقاهو: فقبضت قبضة من اثر شنو؟ من أثر الرسول وذلك سولت لي نفسي، موجود في القرآ الكلام ده ، زمان الشغلة دي قديمة ما جديدة.

    طيب خلاصة المسألة بنعمل شنو؟ في يوم من الايام بتاعة الأسبوع هذا اليوم لا يعود إلا في الشهر الجديد، الأسبوه معروف السبت الأحد الاتنين التلاتا الأربعا أو الجمعة السبت الأحدالاتنين الثلاثاءالاربعا الخميس أيوه عندنا يوم عارفنو ده يوم معروف لدينا، ما دايرين نقولو ياتو يوم عشان الناس ما تفتش تلقاهو، فعلى كل عندنا يوم معين تجيني بالليل، أول ما الشمس غابت والدنيا ذاتها آخر شهر مضلمة أيوه ضلام، واليوم ده ما بعود إلا في الشهر الجديد، يبقى بتجيني بالليل بنعمل محاية في نحاس وحتة ظلما وأنا في موضع أظلم، وبنكبو في شي أظلم وتشيلو في ظلام تدخلو جوه شي ما يرائي ضو ولا قمر ولا أي شي أي ضو بفشل إلا ظلام، أي ضو بفشل بنقول ليك لفو أصلو ما تفتحو إلا في الموقع، بعد ما لقيت الزول ده دخل بيتو بالليل الساعة عشرة الساعة حاداشر الساعة اتناشر اتأمدت تربص ليهو من بعيد لغاية ما شفتو دخل بيتو بعد ده تعال بعد ده تعال في خشم الباب فكو طوالي ودفق الموية دي في خشم الباب، المعروف لديكم يا ناس الخرطو بالكشحة، يقول ليك ده والله عمل ليك كشحة، ولا ده فجغ ليهو كشحة، دي الكشحة بعملوها بنظام معين بنعرفو نحنا، طيب بعد ده بنسلط عليك عالم الجن والشاطين، بنبدأ من أضعف أنواع الجن، شياطين مثلا بجوك، لقوك انت شوية عندك شوية صلاح عندك شوية تحصينات عندك بتاع، بقولو لا لا، الزول ده ما قادرين ليهو ما شايفنو، في بعض من الناس أنحنا بنرسل ليهو الجماعة ديل بقول لي والله فتشتو في السماء والأرض ما لقيتو، كيف؟ بقول ليك والله بنسمعو بتكلم لكن ما بنشوفو، يوم يجي يقرب منو ما يشوفو، بعيد منو عشان ما يقدر يأذي بشوفو ياهو داك الزول المقصود أذاهو، يجي قريب ليهو مابشوفو، ده بيجينا راجع بقول لينا والله الزول ده ما قاعدين نشوفوا، من بعيد بنشيفو ولمن نجي قريب بنسمع صوتو واذا كان سكت ما عارفنو اتحرك ولا قاعد، ما بنقدر نصيبو، بنرسل نوع آخر اسمهم المردة: زينا السماء الدنيا بزينة الكواكب. وحفظا من كل شيطان مارد. مردة، بقوموا جاينك المردة ديل، ديل أقوى من ديلك شوية/ ديل الحتات الديك ما بشوفو فيها ديل بشوفوا فيها، بمشوا قريب باقي ليهم عشرة أمتار خمسة أمتار بقول ليك والله شعرنا بي سخانة ما عادية، الزول ده أظن متحصن ولا الزول ده بيقرأ آيات من القرآن: ده شيفوا فضل التحصين، انت يوم تجي تخش الادبخانة قلت بسم الله اللهم إني أعوذ بك من الخبث والخبائث، انت قايل الشياطين الموجودين في الأدبخانة بيشوفوك؟ ما بشوفوك. بيعموا منك. تجشي خاشي بشوفو الحركة جايي خاشي لكن يفتشوك فوق وتحت في الأدبخانة دي ما يشوفوك وانت قاعد في الأدبخانة. شوفوا فضل الذكر ده، والله ما بشوفوك. وأنحنا دي ما عرفناها من السنة، عرفناها من تعاملنا مع عالم الجن والشياطين قبل ما نعرفها في السنة، شوفوا الفضل بتاع الذكر ده، يعني يوم تعملو حتتفادى مشاكل كتيرة جدا جدا، طيب بجونا راجعين، حتى ناس المردة ديل بجونا راجعين، بعد ده بنختار العفاريت، عفريت ده طبعا أقوى ومنهم واحدين مسلمين ويهود ونصارى واللادينيين كلهم منهم في، فديل أقوى من ديلك، بقول ليك والله يا الشيخ أنحنا لمن مشينا للزول ده حصل بنشوف ملايكة، وده السؤال اللي كان سألتو لواحد منهم قلت ليهو طيب انتو ذاتكم ما ملائكة؟ لأنو فهمونا أنو ديل ملايكة البخدمونا ديل، ذكرت الكلام ده قبل كدي، قال لي لأ، ديل الملايكة العظام، شوف الحيل، هو ما ملك بيقول ليك أنا ملك عشان يوهمك عشان ما تعرف انو هو جن، وداير يضللك بقول ليك ديل ملايكة عظام الملايكة العظام ديل انحنا بنحترمهم وما بتخشوا في مناطقهم وبعدين هم قاعدين مع الزول ده، خليهم يفوتو بعد داك بنمشي، يفوتوا متين ما بفوتو، بفوتوا بتين؟ عندما انك انت ما تتحصن، وديل الملائكةالملايكة الاسمهم الحفظة للإنسان البتحصن وبذكر الأذكار في أوقاتها المسنونة، ما ذكر أداك ليهو شيخ حامد، لا، الذكر الأداك ليهو محمد صلىالله علية وسلم، أيوه، ديل اسمهم الحفظة، بقول ليك في ملايكة معاهو قاعدين معاهو،خلي الملايكة ديل يمشوا أنحنا بنقدر نصلوا، يمشوا لغاية ما يلقوا ليهو غرة، نسى أوصهين، النسيان ربنا بحميهو لكن لو خلاها من أجل شي معين، انت شغال ليك في شغلة معينة أديت الشغلة دي أهمية أكتر من الذكر، في الحالة دي هو بقدريؤذيك لكن لو نسيتو، حتى الصلاة لو نسيتها ربنارافعها منك ما ربنا يحاسبك بيها إلا اذاكان اتذكرتها، أي صلاة انت نسيتها في عمرك نسيان وما اتذكرتها ربنا بكتبها ليك طوالي، لكن اذا كان خليتها عنوة ولا للمشغولية محاسب بيها لكن متى ما تذكرها صليها، طيب بارك الله فيك.

    يبقى ديل ذاتهم بجونا راجعين، بعد ده بنحاول نرسل شياطين آخرين لأنو انت ذاتك أثناء التحصين وأثناء الوضو ده ذاتو هم بجو بشاغلوك، في شيطان زمان ما كان عارفين اسمو ولا عارفين اسمو بي... نسيتو أنا هسع، لكن اسمو.......الولهان، الولهان ده شيطان بشغل الانسان في الصلاة، تجي توضأ، أول حاجة تجي ماشي الأدبخانة تنسى الذكر، تخش الأدبخانة وتطلع وما جايب خبر، تجي داير توضا داير تقول بسم الله ولا قلت بسم الله الرحمن الرحيم، ولا قلت بسم الله الرحمن الرحيم انا انزلناه في ليلة القدر، جبت حاجات مصطلح من عندك، ده انت ما اتوضيت، قلت بسم الله الرحمن الرحيم ده انت ما اتوضيت لأنو ده ما السنة، السنة بتقول بسم الله فقط، شيل وتوقيف ما على كيفك ولا تستحسن في الدين شي، توقيف، الرسول قال بسم الله ما تبقى فالح من الرسول ولا تبقى أعلم منو ولا أحسن منو ولا لأ، قول بسم الله في حد النبي، تكون انت على مأمن من كل شر، لكن تستحن كل شي الشيطان طوالي بتدخل، تقول بسم الله الرحمن الرحيم، واحد بقول إنا أنزلناه في ليلة القدر، واحدين ما عارف شممتو ريحة الجنة، اللهم اغسل يدي من شنو ما عارف، اللهم لا تسمع.... لخبطة ما أنزل الله بها من سلطان، ولا في الدين من شي، ده ذاتو من شغل الشياطين اللي كان أنحنا بنرسلهم،شفت كيف، بجي عشان شاغلك ما تقول أي كلام مسنون، ولا تزيد من عندك ولا تنسى، خلاص برضو بلقى ليك فرصة، ده لقى فيك فرصة،. ده ذاتو جا لقى انك انت تمام التمام، بنرسل ليك واحد برضو ما كنا عارفين اسمو زمان شنو، لكن الآن بعد السنة عرفنا انو اسمه خنزب، خنزب ده انت متوضي ومتحصن وداخل في الجامع ده وا بخليك، كدي لاحظ الناس البصلوا ديل، أول ما يقوموا دايرين يصلوا تلقى الواحد تثائب، اذا كان واحد منهم تثائب، والتثاؤب ده بالمناسبة من الشيطان، طيب، اذا كان واحد تثائب تلقى اتنين تلاتة بتثائبوا، ده تدخل خنزب طوالي في اللحظة دي، مجموعة منهم دايرين يشاغلوا الناس ديل، ودي من الوسائل البدخل فيها الشيطان في جسد الانسان، ودايما الشيطان ما يقصد انسان ولا يدخل فيهو إلا بشهيق وامتصاص بتاع أوكسجين أكتر من اللازم، الشيطان بخش في الانسان عند الخوف، الانسان الخايف ده بيعمل شنو؟ هههههه طوالي الشيطان بخش، الشيطان بخش في الانسان عند الغضب، شوف الغضبان ده بتنشق شنو، تلقى أوداجو قايمة ويزفر كتير، شهيق وزفي بتاع هوا، لاحظوا شوفوا، امتصاص للأكسجين بأكتر من الللازم، وذلك الشيطن يتدخل يدخل في الانسان بواسطة التثاؤب، ديل من التلاتة وسائل الشيطان بيدخل فيها في جسد الانسان برضو التثاؤب برضو الملاحظ برضو امتصاص بتاع أكسجين أكتر من الحاجة الطبيعية، فديل بجوا برضوا بشاغلوك وبجوا برضو حيلقوا فيك فرصة، أخيرا يوم فشلنا من ديل كلهم رسلناهم جونا راجعين، بعد ده بنتكلم مع صاحبك ويزيد لينا الشغلانية، لأنو المسألة استفحلت،

    ولابد من نلحق حدك، وانت ذاتك، بعدين في شي ما نتغالط فيهو لأنو أي زول عندو فهم في الكلام ده، مافي شي بلحقك من غير اذن الله، وما هم بضارين به من أحد إلا بإذن الله، أنحنا بنتكلم ليك بعد اذن الله، اذا ربنا ما كاتب ليك الشي ده أساسا ما بسلط انسان عندو خبرة زي دي عليك أصلا، ربنا يعمينا ولا يجيب عدوك لينا، لأنو أساسا ما كاتبها ليك، لكن لو ربنا كاتبها ليك بسلط فيك واحد عندو خبرة بنفس الطريقة دي، ده ربنا في الأزل كاتبها ليك عشان تلحقك تلحقك، آي، ربنا كاتبها لمحمد صلى الله عليه وسلم أن يسحر، سحر محمد صلى الله عليه وسلم، مافيش فيكم يمثل شعرة في صدر النبي صلى الله عليه وسلم، مع جلالة قدره وتحصينه وذكره لله، توبته وخشيته لله سبحانه وتعالى، يوم ربنا في الأزل كاتبها ليهو جاتو ولكن جاتو خفيفة، كان بي تلاتة دراهم المفروض يقتل بها محمد صلى الله عليه وسلم، تلاتة دراهم بس من القروش كان مفروض يقتل محمد صلى الله عليه وسلم لكن قدر الله وما شاء الله فعل، جاتو خفيفة جدا وقصة مشهورة عندكم، خلاصةالمسألة بيزيد لي القروش وبطلب منك شي آخر وبطلب منك في النهاية بسلط فيك شيطان أصلك ما عندكم منو مفر، متحصن، رجل صالح طالح، ما عندك منو مفر، اللي هو القرين، قرينك من الجن، قرينك ده ما عندك منو مفر، قرينك قبل شوية الشيخ ذكرو، البقرصك وبتصرخ ياهو ده. ده قرينك، وأي واحد فينا عندو قرين من الملائكة وقربن من الشيطان إلى أن يموت، ده ما فيش ليك منو مفر، بنقدر نصل للراجل ده اللي هو قرينك وده تمنو غالي، تمنو غالي بندفعو أنحنا لعالم الجن والشياطين، زمان كان بنقول تمن غالي بندفعو للملايكة، لكن الآن بنقول ليك تمن غالي بندفعوا لعالم الجن والشياطين بعد ده بدونا الشفرة بتاعة الزعيم المسؤول من ده، شيطانك ده، داك هو اللي بفرض علينا الفروضات دي، سووا لي كده وسووا لي كده وسووا لي كده (يكررها) بنسوي ليهو أي شي، على حسب انت ما دفعت لين أنحنا بنسوي، انت دفعت لينا قروشك لكن أنحنا التمن البندفعو اللي هو الشرك بالله ده أهم شي الناس تفهموا، ما بنلحق حدك إلا نشرك بالله سبحانه وتعالى، بعد ده بنتصل بيهو بورينا كيف نتعامل مع الراجل قرينك ده، بورينا الكلام اللي نتعامل معاهو وهو ذاتو بوجهو، بعد ده بنلحق حدك.

    طيب الأشياء الذكرتها دي انتو قايلنها ما بتجينا؟ شعر المحسن ده انتو قايلنو ما بجينا؟ أيوه منك انت بجينا. وأنحنا يوم كان زمان شغالين الشغلة دي وكنا في خارج السودان، والله جابوا لينا شعر محسن بتاع رئيس، رئيس للبلد الكنا فيها، رئيس، والعدو من داخل البيت، ما تفتكر العدو البيعمل الشغلة دي أحيانا من بعيد، جايز، صحي، ده من الأعداء بكونوا من الآخرين، لكن في احيانا عدو من داخل البيت ومن أقرب الناس إليك، الزوجة، الزوجة أحيانا بتكون عدو والله ذاتو قال لينا في الكتاب القرآن ده لو قريتو بتلقى في آية بتوضح أنو بعض أزواجنا وأولادنا في بعض منهم عدو لنا، صح الكلام ده ولا ما صاح؟ يبقى دي عداوتها بتكون كيف؟ أحيانا هي على حسب بساطتها وعلى حسب جهلها وغيرة زايدة مفرطة بتخليها تبقى عدوك، لأنها دايرة مصلحة في راسها هي بس، وخاصة أنحنا في عالم عجيب جدا، علم ذاتو بيزرعو في الناس المشاكل، زي المسلسالات بتاعة الأزواج البتزوجو في السر، وببثوها للناس، الناس بتفتكر انو ده لهو، والله المسألة دي خطيرة خطارة، المسؤولين البلد دي ما فيها مسؤولين، مفروض مسلسلات بتاعة الحاجات الزي يمنعوها تماما ما يدخلوها البلد لأنو دي بتدرس النسوان كيف الرجال بتتزوج بالسر وانتي ما خابره ما عارفة، مسلسل والله تلقى مرتك منفعلة معاهو انفعال عجيب، والله بالمناسبة النسوان ديل ضعاف بطريقة ما عادية، ما تتخيلها بني آدم كده كامل عقلها زي عقلك، عقلها صغير جدا جدا جدا، واذا كان داير تتأكد من كلامي ده صحي أمشي السوق، اشتري ليك شوكولاته واشتري ليك حلاوة وبتاع لأطفالك عندك تلاتة أربعة خمسة، كل واحد بيع ليهو شوكولاته واحدة واحدة واحدة أو اتنين اتنين اتنين، وتعال خليها هي ذاته قاعدة معاهم قسم للأولاد وما تديها، تقول ليك انت أنا أسمع هريت في الجامع ما بتديني مالك؟ شوف ضعفها! حاجة جبتها لأطفالك لازم تديها، وده دايره ترتاح منك وتسويك... شوف امشي اشتري حاجة لأطفالك واشتري ليها نفس الشي الاشتريتو لأطفالك قول ليها اتفضلي، بتمسكو منك طوالي بكل صراحة، وزي ما بتعمل لي شافعك كدي كدي في خدو تعال للمرة سوي ليهاكدي كدي في خدها تضحك وتتكيف، سبحان الله، شوف الضعفة دي، ضعاف ولا ما ضعاف، كدي جربها شوفها، والله تضحك ليك ضحكة من آخر قلبها، ضعاف جدا، المسلسلات دي بتأثر فيها تأثير ما عادي، والله ما عادي، والله تجي.. أنا مرة جيت لقيت الولية بتبكي، مالك ياولية؟ قالت والله الليلة مشيت شاهدت لي مشهد عجيب خلاص، المسكينة ضروها خلاص، أنا ذاتي خفت المسكينة شنو؟ أنتي ما مشيتي لي ناس فلان؟ قالت آيي، مالهم الحصل عليهم شنو؟ الضروها دي منو؟ من بناتهم؟ قالت لي لا. شنو قالت لي شاهدت المسلسل. وانتي هسع بتبكي من مسلسل في بيت جيران قالت والله اتأثرت تأثير ما عادي، والله دموعها سايلات. لا إله إلا الله، في قصة، قد تكون صحي ولا قد تكون خرافية، حتى لو صحي ولا خرافية هي أساسا ما صحيحة، لأن الصحيح ما مكن المسألة دي تجي بي نفس الطريقة والناس بتصوروا بالكاميرا، انت بتشوف ليك زول واقع في هاوية، الشرطة وين والحكومة وين والحكومة وين وبتاع، زول ماشي لغاية ما تشوف الزول قتلوهو، وده من التصوير، ما مكن، هي أساسا قصة قد تكون جزء منها صحيح وجزء ما صحيح، حتى لو صحيح فات عليها الأوان، تلقاها بتبكي، تبكي زي ما بتنفعلوا انتو في الكورة، تغضب ومش عارف تصرب التاني وبتاع، هن برضو نفس الطريقة فضعاف.

    يبقى هي على حسب ضعفها والمسلسلات الزي دي خربت البيوت، وأي امرأة ـ بعدين نحن عندنا فروع ـ يوم شغالين الشغل ده عندنا فروع، وفروعنا دي حنحكيها ليكم: الوداعية دي فرع لينا، أنا بعرف الودع، وبعرف قراءة الكف، وبعرف قراءة الفنجان، وبعرف الرمل، وبعرف فتح الكتاب، وبعرف السبحة، ديل كلهم بعرفهم وبعرف التنجيم، وبعرف الحسابات بتاعة الأرقام الرقم كذا وكذا أطرح منو تسعات والشغلة دي، كلها بعرفها، كلها مصايب بعرفها، بجونا النساوين البسومن الريحة وغيرها، ماشات تعالي ياولية ما عندنا بيننا وبينهن حاجز، ما فكي مولانا شيخ بجونا طوالي، بخلو بيها، انتي شغالة شنو، والله أنا شغالة ريحة ودلكة و حاجات، بتسومي في البيوت؟ آيي. تعالي نديكي خير آخر زيادة خيرين. آهة شنو؟ تعالي بعلمكي الودع بعلمكي الرمل بعلمكي كذا، شفتي الودع ده كشكشي كده وكبي الودعات دي لو قعدت كدي معناهو الكلام ده كذا وكذا، قعدن كدي: الكلام ده كذا وكذا، قعدن كدي ... بدرسها واحد زايد واحد تساوي اتنين.، بدرسها ليهو تمام، شفتي ده خير مع خيرك الشايلاهو ده، أمشي سومي لو لقيتي ناس، ناسا مكان، ختي ليهم الودع، دي بتجي شايلة الدلكة و شايلة الريحة وبتاع، بقى أنا وانت والآخر الصباح قمنا من البيت ماشين الشغل، خلينا النساوين قاعدات ربات البيوت خليناهن قاعدات في البيت، بعد شوية هنا جاتهاجارتها فلانة وصديقتها فلانة وجيرانها الزمان ديلك خلاصة المسألة قالن ليها أرحكي نشرب الجبنة مع فلانة، أو نشرب الشاهي الليلة مع فلانة، شالت دي بن وديك شالت سكر وديك مش عارف ومشن للبيت المنشود، فبعد ما مشن هناك لمن تلاتة أربعة خمسة، صياحهن وضحكهن وكضبهن يجيبن المودر، واك واك واك، مش عارف فلانة طلقوها وفلانة عريسها جاها وفلانة مش عارف خطبوها و... و.. جوطة، دي بتاعة الحجات دي جاية ماشة سمعت الحركة جوة، الباب ما بتدقو، طوالي بتخش خاشة، مرة وديل نسوان مافيش مانع، تجي تخش بيتك طوالي، جات لقتهن بشربن القهوة ياخوانا أنا عندي الدلكة وعندي كذا، آيي جيبي لينا الدلكة دلكتك دي سمحة، دي شمتها وديك مش عارف بتاع، بعد شوية أدوها فنجان، اذا كان قارئة الفنجان، أول ما أدوها الفنجان شربتو وكفتو، شافت الفنجان قرتو،انتي بتعرفي الفنجان؟ أيوه نعم، ولا بتاعة الودع، بعد ما طلعت ليهن الريحة قمت كشكشتو وقالت الليلة ده سوقي والله سمح الليلة ده بنلقى لي نسوان ببيعن مني، انتي بتعرفي الودع؟ أيوه بعرف الودع، طيب ما تختي لي، طيب جيبي أصبعك ختي في الوا طة ختت أصبعها في الوا طة، كشكشتها كشكشتها كبت ليها الودع في الأرض قالت ليها ـ لي مرتك ـ قالتليها الترابة في خشمك. في شنو يا مرة؟ والله شفتي الودعاية دي قالت راجلك ده متزوج في السر، سجم خشمي، متزوج في السر؟ كدي أقيفي دبلي لي، تاني دبلتو ليها أكدت ليها أنو الراجل ده عندو واحدة في السر، ولا صديقتو ولا متزوجها في السر، وهي متابعة المسلسلات اللي كانت بتبكي فيها، أي امرأة خاصة في زمننا ده يقولو ليها زوجك متزوج في السر أو داير يتزوج فيكي، درجة التصديق فيها مع المسلسلات والمشاهد البتشوفها، بيصل تسعين في المية، تصديق، ودي الفيها خير، عندك دي أم رييسا فايت دي مية في المية، ودي بتصف ليه مواصفات، أحيان تقول ليها زوج ده والله خاتي عينو في واحدة. كيف؟ الشيطان ما بتدخل طوالي، ده ما تكهن وده ما فرع من فروع السحر، الشيطان ما بدخل طوالي الشيطان ما بردف ودعات معينة بنفسر ليها أنو الودعات دي اذا كان الراجل ده خاتي عينو في واحدة بتتردد في البيت، بنفهمها كده ياخي الودعة دي قالت والله في مره بتتردد عليكم في البيت بت شكلها كده كده كده، الشيطان يتدخل طوالي، شكله كدي كدي كدي ، ترسم ليها شخصية فعلا أنو الشخصية د ي بتجي تتدخل في البيت، بت الجيران سابقا، بت العم بت الخال بت كذا بت كذا، بتجي تتردد في البيت، أيوه تاني كشكشتو كبتو ليها الشيطان تدخل طوالي رسمت ليها الشكل ذاتو، طويلة قصيرة ماكنة.. ضعيفة حمراء سوداء شعيراتها بتاع الوصف انطبق بنفس الصورة اللي كانت بتجي بتتردد عندكم في البيت، بت عمك بت خالك بت كذا بت كذا، وبعد ده أكدت ليها أنها شنو الراجل ده عينو طايرة، خاتي بالو في المرة دي عشان كدي المرة دي عندهم سر بيناتهم بتجي تتردد في البيت ده، ده لا حول ولا قوة، يغلي مرتك غليان، بعد ده شفت المره دي في النخرة دي، أول حاجة تجي تلقى قدومها ضراعين، شفت كيف، صاراهو ليك ومن هناك جاي، وانت تعبان تجي تلقاها هي تعبانة أكتر منك، انت ذاتك تحتار المرة دي المزهجة شنو، لا، المزهجة في، ما نحن رسلنا ليها واحدة من فروعنا، جات وورتها الكلام ده كلو وانت ما جايب خبر، ودي قبل ما أنك انت تجي وتلقى قدومها مترين بتأكد ليها شي واحد: ياخي انتي دايرة أحل ليكي القضية دي؟ أيوه نعم، أنا عندي شيخا كارب، والله شيخ بيعلم الغيب، بجيب المودرة، شيخ بيسوي كده، شيخ بسوي كده، شيخ موجود في البلد الفلانية، ما بوريك اسمو لكن كان دايراهو أنا بوديكي ليهو، وشيفي الشيخ يوكد ليكي كلامي ولا لا. هنا دي تلميذتي وأنا وجهتها: تلقى ناسا مكان لاقت مرتك دهبها كتير طوالي قالت ليها الكلام ده، ، لقت هيئتها لقت البيت هيئتو تمام قالت ليها الكلام ده، وأكدت ليها مية المية أنو الكلام ده صحيح، بقى بتواعدن، اليوم الفلاني أنا بجيكي وبوديكي للشيخ ده، ما سمعتو بالشيخ الفلاني؟ سمعنا بيهو، بوديكي بنشوف الشيخ ده بيقول ليك شنو، ديل ناس واصلين، ديل ناس الله، والله ديل الأوليا الصاحين الذين لا خوف عليهم ولا هم يحزنون، ديل بعرفوا الفي بطنك في شنو، والله يريحك من الشغلانية دي، يأكد ليكي كان أكد ليكي بعد ده تحلي رقبتك، ما أكد ليكي خليني أنا أكون كضابة، بعد ما مكنتها تمام ووعدتها، وعدت مرتك فبعد ما وعدتها وطلعت منها وانت ماجايب خبر لقيت بس زعلانة وما عارف المزعلها، لكن وروها الحل ما حتصل معاك حدها، يعني بتلقاها زعلانة وبعد شوية كده تبقى ليك كويسة، لكن هي مليانة فل، لكن مسكت راس الخيط بتاع الحل دايره تتأكد أنو الكلام ده صاح ولا ما صاح، بعد ما ديك جات وأخبرتها ومرقت جاتني طوالي، آها الشيخ، شنو، الليلة سوقك كويس، والله سوقي كويس، الليلة لقيت واحدين عجيبين كلو كلو، بيتهم زي المراية، وكذا وكذا حكت لي الحالة بتاعة البيت، حالة مرتك وحالتك انت، كلها حكتها، ودهبهم لي هنا، آها انشاء الله بس ختيتي ليها الودع؟ أيوه. أكدتي ليها شنو؟ قالت أكدت ليها واحد زايد واحد يساوي اتنين، أكدتي ليها الكلام ده؟ أيوه، ليه؟ بتخت لي الودعاية دي كدي لأ دي قالت كدي، انتي قلت ليها كدي؟ يا زول خير ما فيش عوجة، بتجيبيها لينا؟ أيوه بجيبها ليك، طيب حقك محفوظ، حقي محفوظ يا الشيخ؟ أيوه. طيب اليوم الفلاني أنحنا جايينك، جو ومرتك كمان، زمان كان الكلام ده مافي، لكن الكلام ده مافي لكن الكلام ده لقيناهو في الخرطوم هنا، كمان النسوان عملن ليهن شغله جديده قالوا في حنة اسمها حنة الشيخ مرتك اتحننت تمام واتسوت دي انت قايلها ليك انت، لينا نحنا.

    المهم اتحننت حنة الشيخ واليوم الموعود انت طلعت بي هنا ومرتك جاتها المجرمة ديك طلعتها من البي وساقتها لغاية ما جابتها لينا، دي المرأة أول ما جات، الشيخ جبت ليك المرة، بي طريقة كده ذكية شوية، تعالي امشي للشيخ، وهي طلعت طوالي وخلتني أنا براي معاها جوه الحجرة والباب مقفول. بتفتكر بنذكر في الله؟ عندنا ذكر جماعي؟ ما عندنا شغلة عجيبة. وأنا لاقي خبرها، بعد ده أنا برضو جيت عملت عمايلي البعرفة كويس وقلت ليها اسمعي، أنا رقدت في الخيرة وعرفت أنو زوجك ده، على حسب كلام البت، الدجالة بتاعتي، أنو زوجك ده متزوج في السر، ومتزوج في حتة أنحنا عارفنها، في شرق في غرب بتاع عارفنها، المهم هي كلها مسألة بتاعة تمويه عشان هي ماتمشي تبحث عن حتة معينة، في خلاصة المسألة أنحنا بنجرها بي طريقة ملتوية عشان ناخد منها قروش ونعمل ليها أشياء بتاعة طب نطب ليها زوجها ده ونخلصها من الشي اللي هي وقعت فيهو، أنا باختصار شديد بنصل معاها لي حل بعد ما أكدت ليها الكلام ده كلو صحي ووصفت ليها المرة ووصفت ليها أنك متزوج، ووصفت شكل راجلها ذاتو وصفتو ليها، عموما بقول ليها انتي اسمك فلانة الفلانية، متزوجة سنة كذا وكذا، وأبوكي فلاني الفلاني الفلاني، وانتي في الاسبوع بجيكي وجع راس كذا، وانتي مع الدورة بتجيكي آلام مغص، وانتي كذا... لا اله الا الل محمدا رسول الله والله بعلم الغيب! يضع سره في أضعف خلقه، والله ده ولي صالح آمنت به تب، بقول ليهاكلام كلو حقيقي، لأنو عارف، ويوم نجي في موضوع علم الغيب بنوريكم الكلام ده بيتم كيف، بنوريها أشياء كلها حقيقية مية المية، واسمها ذاتو أنا وريتو، اسمك كده واتزوجتي كده قريبك ولا بتاع أكدت ليها الشغلنة دي.

    خلاصة المسألة بتدور أنو أطبك، أنت مش متزوج في السر، أيوه نعم، أيوه، أقرب شي، ودي كويسة بتقول ليك أربطو من المرة دي ما يبقى فيها فحل، وانتي كيف؟ قالت أنا يبقى فوقي فحل، لكن في واحدة بتقول لي أنا ذاتي ماني دايراهو،مادام عمري ده كلو قضيتو معاهو، والله المثل البقول الآمن الرجال كب الهوا في الغربال، الكلام ده صحيح، الراجل ده عمري كلو قضيتو معاهو، عليك الله الرجال ديل ماهم خاينين؟ في النهاية يمشي يفكر يتزوج في السر وأنا ما عندي خبر؟ لا إله إلا الله محمدا رسول الله، والله أصبري لي، والله شفتي يفتشو ما يلقاه، أيوه دايره يفتشو ما يلقاه؟ أيوه نعم. والله شفتي ما يبقى فيها فحل كلو كلو، أربطو ليكي وينتهي الموضوع وخلاص، انتي قنعتي منو؟ والله أنا ذاتي قنعانة منو ماني دايراه، ولدت منو وعجزت ولا عمري ذاتو، يازول ماني دايراه أربطو ما يبقى فحل كلو كلو يفتش فلان ده ما يلقاهو، طيب شوفي، اسمو منو؟ اسمو فلان الفلاني، لآ جيبي لينا اسم أمو، أمك، أمك، أها زوجتك بتعرف اسم أمك؟ بتعرفها. لو ما انت بتعرف اسمها، أمو فلانة أمو آمنة خديجة بتاع، أيوه، اسمو هو فلان، بعد ده عملت الشغلة وعرفتك انت ترابي ولا غيرو، قلت ليها اذا كان دايره أكرب ليكي الراجل ده تمام ما يفرط وألبسك ليهو زي خاتمي ده شوفي تجيبي لينا منو شعر العانة، شعر المحسن بتعرفي؟ أجي يا الشيخ ده نجيبو كيف؟ لا بتجيبي. أنتي المسألة بتهمك؟ آيي. أنتي الراجل ده بتحسن هو براهو ولا بتحسني انتي؟ والله الراجل ده بمشي براهو بتحسن. طيب ياخي الموضوع داك فيهو لا اتحسن؟ الموضوع مش قايم صغار كدي؟ أيوه نعم. تعالي في اليوم الانتي مستعده منو، أعملي الآتي، مرتك والله قلنا ليها جيبي لينا شعر العانة وعنده هوى في الكلام ده وعندها وهم زي ده، بتجيبو لينا ولا ما بتجيبو؟ والله بتجيبو، أول حاجة والله مع الملابطة عندك تمسكها منك تمعطها تششاك! تشيلها تجيبها لينا شفت، تجزها منك وانت ما جايب خبر مع الملابطة عندك دي، كتير منهم، بتاع الرئيس ده والله في المسألة بتاعة العملية ذاتها! وكان طوال، جزتو منو شالتو جابتو لينا، ده شنو قالت بتصرخ ولا حيلة ذكاء وانت ما جايب خبر، ولا انت كمان من النوع المدلع داك، البتجي تنرخي وامشي جيب الموس، وانت بس شعر اباطك ده ياخي والله عفن خلاص ما ترقد جنبي، ياخي عليك الله خلينا نمشي نجيب الموس، آيي انت خلاص انرخيت واسترخيت لأنك بجو بحسنو رفعت اباطك وهي قاعدة تكورك ليك في البتاع هي انت قايلة دايرة تحسنو ليك ، لأ، عشان يجيبو لينا أنحنا، أعمل حسابك، يبقى، ولا انت ذاتك من النوع التاني جيت سخنو ليك موية ساخنة ودافية غسلو ليك، المرة دي الحاصل عليها شنو سبحان الله، أنا جيت تعبان جات غسلت البتاع ده، هي عندها هدف معين.

    خلاصة المسألة شافت الأضافر كده قالت ياخ اسمع أضافرك ده بقن خشن خلاص خلينا نجيب الموس، عندكم ضفارة؟ آيي في ضفارة، جات كرض كرض قرضتهم ليك، شالت لمتهم انت قايلها ماشه تدفقهم؟ لأ، شالتهم جابتهم لينا، المسألة دي ساهلة عندنا تماما بتجينا، ده كلو خليهو، النكسي الداخلي، نكسيك الداخلي البتغسلو منو؟ قاعد تغسلو انت؟ ياخينا؟ تغسلو انت؟ (يضحك) هدومك دي ما بتغسلهم المرة، نكسيك الداخلي ده بتغسلو هي، لو هي خافت من الشرور التانيات دي عشان ما تتعرف نكسيك الداخلي بتجيبو ولا ما بتجيبو؟ والله انت قايل غسلوه وختوه في الحمام، ولا شروه بي هناك، وين... شالوه جابوه لي شيخ حامد والله شالوه دخلوهو كلو في كيس جابوهو وتم معانا أسبوع ولا أسبوعين، بعد داك طلعنا الخيوط منو ولا طلعنا الحاجات الدايرنها عشان نعمل ليك سحر بي نفس الأسلوب القلناهو ليك دي الطريقة بتاعة أي انسان مسحور سحروهو أيا كان هو السحر ده نوعو شنو، شل؟ شلل يعني. قدو بيهو عينك، مرضوك جنيت ما عرفت سببك شنو.. أي سحر لازم يدخل فيهو الأشياء دي، لازم يعملو واحدة من ديل، لو ما عملو واحدة من ديل أصلو ما بتنسحر على الإطلاق ما بتنسحر دي خبرة، أسال مجرب ولا تسأل طبيب، بعد ما نعمل الأشياء دي بتم سحرك وبتنفذ الأمر المطلوب، شلل؟ تنشل تماما، مش يودوك انجلترا، لو ودوك رب العالم الآن أمـريكة الوهم الفي الناس، لو يودوك أمـ ر يكة يدخلوك مصانعهم، والله ما يلقو ليك مرض واحد، آلاتهم دي كلها ما تثبت عندك مرض واحد فحوصات سليم سليم سليم، وتجي انت بالعين المجردة مريض تعبان هلكان، شفت كيف، الشيطان عندو الخبرة وعندو المقدرة الآلة ما تثبت فيك أي مرض، يحل بين الآلة وبين المرض، الفحص ده يطلع أنك الدم كويس، البصاق كويس، العظام كويس، اللحم كويس الأنسجة كويسة أي شي شرايين بتاع بتاع بتاع، يقول ليك والله انت سليم، ياخي أنا عيان، ياخي أنا الدكتور أنا ذاتي مقتنع أنك انت عيان لكن الفحوصات ما أثبتت لي شي، أقدر أديك دوا غلط؟ نصيحة بقول ليك والله انت سليم، مغص، مغص في شنو؟ منظار بتاع يدخلو فيك المصارين بتاعتهم دي جوه مصارينك، يطلعوك نضيف وانت عيان، ده شنو؟ ياهو دي الأسباب بتاعتو، والشيطان المقدرة بتاعتو، والجنون من المقدرة بتاعتهم أعلم من الإنس في الحاجات الزي دي، ما يثبتوا ليك أي مرض تجي تموت بي مرضك لأنو مرض بتاع سحر، بتاع حسد وبتاع مشاكل، بتاع فقراء زي ما بقولو، وديل الفقراء البقولو أنهم ناس الله، البسووا الشغل ده، ديل ناس الله، فقراء، أي فقير معناهو زول الله، ناس الله، ديل مولانا فلان، وفكي فلان والشيخ فلان، وأبونا فلان والخليفة فلان، ديل البسووا الشغلة دي، ماهو الترزي فلان، ولا السواق فلان ولا العسكري فلان، ولا التاجر الفلاني، يبقى ديل هم فعلا صحصح أنهم ديل ناس الله ولا ديل أعداء الله؟ ديل أعداء الله. والله الذي لا إله إلا هو ديل أعداء الله، والناس موهومين في ديل ذاتهم، ديل ناس الله، إنا لله وإنا إليه لراجعون. وده قليل مما نعرفه في السحر أشياء أخرى اللسان ذاتو بتعفف ما بقولها، يعني شغلة خبيثة بطريقة ما عادية، وكمان بالدين، المشكلة الواجعة الواحد بالدين. كل السحر يتدخل فيهو الدين، يجيبو دين يكتبوهو هنا ويسووه هنا عشان يوهموا الآخرين أنو بالدين ده ممكن تعمل أي شي وكمان في مصطلحات القرآن يهدم الجبال ويكسر الجبال وبتاع وبتاع وبتاع، ويفعلو الأفعال الخبيثة دي باسم الدين، والدين برئ منها كل البراءة، والله إنه ما الدين، والله عالم الشياطين والجنون بتعاونو مع شياطين الإنس وبفعلوا هذه الأفعال والدين منها برئ تمام تمام تمام، والله انه السحر والله انه تعامل مع عالم الجنون والشواطين ولبيس الدين بعمل الحاجة دي، الزول المربوط ده اتزوج بي سنة الله ورسوله، الله حلل الزواج، حلل الزواج، تتزوج بي سنة الله ورسوله مسألة سليمة جدا وحلل ليك أربعة يجي المرأة دي هي واحدة عشان بتتزوج واحدة تانية تمشي تربطك وتربطك بي شنو تربطك بي واحد شيخ، واحد فكي، فقراء، ديل ناس دين؟ ده ما زواج صح، طيب ليه، الدين بفعل ده؟ الدين ما بفعل ده، الدين ذاتو المكتوب فيهو ده تعال اكتب بمداد طاهرة وأكتب الأيات كاملة نضيفة وخليه يربط الإنسان ده، ما بربطو ولا بياخد خبرو، عادي يكون فعل في زوجتو الجديدة دي، لكن الدين تقوم تلخبطو بي أشياء ما انزل الله بها من سلطان تنسب للدين، ويحصل الربط ويحصل كل البلاوي بتاعة الناس، فإنشاء الله نقيف عند هذا الحد ما نطيل للناس، وانشاء الله المحاضرة الجاية مهمة جدا عشان نخش في عالم غريب جدا جدا بفعلو أفعال خارقة للعادة والناس في ألغاز لازم تعرف الحل بتاعها، عشان ما تقعوا في الوهم بتاع الناس وما أكثرهم الآن، أنحنا عندنا في الحاج يوسف أو بالضبط في أم دوم نساء كان كنا زمان رجال لكن الآن هن النساء النساء هناك في عندنا نسا هناك في ام دوم أنا ما ساكن أم دوم لكن كان عملت محاضرة في أم دوم بتاعة نساء، والله ذكروا انو في امرأة في اسمو شنو، قال دي بتتكلم مع الله! عديل كده بكل صراحة، عديل كده، دي نبيه؟ شنو؟ مش عارف، قالت هي بتتكلم مع الله، بتجي انت خاشي ليها بتسلم عليك وبتوريك اسمك وبتوريك الغرض الجايي ليهو ومتكوعة وبتشرب في شنو؟ في الشيشة! متكوعة وبتشرب في الشيشة وقالو بتتكلم مع الله! ومقتنعين الناس، الرجال، الواحد يملص نعلينو هناك ويجي حايب ويدنقر تحت ويجي عشان يحكي ليها، أول ما تجي وتدنقر وتنذل، ياريت لي راجل لي مرة كمان! بعد ده تجي وتوريك اسمك وتقضي ليك حاجتك وتوريك محل الضيعتو وين وتوصفو ليك وتمشي تلقاه ميه الميه ده الشي الوهم الناس وضلل الناس تماما الآن موجودة، فالمسألة دي خطيرة اللي هو ما يسمى عند الناس بعلم الغيب أنحنا انشاء الله الأسبوع الجاي لو في العمر بقية نجي نعرف كيف المعلومة الصحيحة مش الكضب المعلومة الصحيحة البتكلم بيها هذا الشيطان من أين له هذه المعلومة الصحيحة؟ من أين له هذه المعلومة الصحيحة اللي اتكلم بيها وهي حقيقية جابه من وين؟ عرفها كيف؟ ماهي الشغلة البشتغلها عشان يعلمها؟ الأسبوع الجاي انشاء الله، نسأل الله للجميع الهداية بإذن الله تعالى، اللهم علمنا ما ينفعنا، وانفعنا بما علمتنا، وارزقنا علما ينفعنا، وعملا يرفعنا، واستر عوراتنا آمن روعاتنا فرج كروبنا اغفر ذنوبنا ، تول أمرنا، احسن خلاصنا، فك أسرنا ارحم ضعفنا، عجز الطبيب فداونا، ظهر الفساد فنجنا، قلت حيلتنا فتولنا، اللهم اجعل جمعنا هذا مرحوما واجعل تفرقنا من بعده معصوما، ولا تدع بيننا شقيا ولا محروما، أوردنا حوض نبينا، اشملنا بشفاعة حبيبنا، اسقنا من حوضه شربة لا نظمأ بعدها أبدا، آمين آمين آمين، والسلام عليكم ورحمة الله.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
18-02-2008, 06:55 PM

سيف النصر محي الدين محمد أحمد

تاريخ التسجيل: 12-04-2011
مجموع المشاركات: 0
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    ده زول خيالو واسع جدا و كذاب جدا و بلدنا متخلف جدا

    عشان كده في جهات تطبع و تسجل و تهتم بمثل هذا الهراء.



    كباية تنط من الواطة و تقعد في الصينية..لا بلاي
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
18-02-2008, 07:34 PM

AMNA MUKHTAR

تاريخ التسجيل: 31-07-2005
مجموع المشاركات: 11171
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    Quote: وكانت حجته الظاهرة أن شيخ الطريقة التي ينتمي اليها ذلك الشيخ عاش زاهدا حافيا في حين أنه هو يعيش في ثراء هائل. وقبل أيام اتصلت باحد الإخوة الشاذلية في السودان وسألته عرضا عن ذلك الشيخ المشهو ففوجئت به يقول لي أن ذلك الشيخ متهم بانه عنده سفلي!

    يبدو أن الموضوع خطير جدا.

    فعلا الموضوع خطير جدا ..ومقزز..

    الحكاية ما دايرة ليها درس عصر..
    مما ممكن أصلو صوفى وزاهد حقيقى يكون فاحش الثراء ومن اصحاب الرياسات والحاشيات والاتباع..!!
    وشيوخ السلطان المتقربون الى أهل الحكم هؤلاء امرهم عجيب.. !!



    اللهم انا نسألك الهدى..

    شكرأ أخى محمد عثمان..بوست فى الصميم..
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
19-02-2008, 03:06 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: AMNA MUKHTAR)

    الأخت آمنة...
    يقول الشاعر:
    يعالجنا الطبيب إذا مرضنا فكيف بنا إذا مرض الطبيب

    ونحن ننوء تحت القهر السياسي وينخر سوس الفساد في أجهزتنا وينقسم أهلنا إلى أغنياء فاحشي الغنى وفقراء مدقعي الفقر وتنطفئ جذوة المحبة والتآلف ليحل محلها الكراهية والقتل، في خضم هذا لايبقى لنا سوى الرجوع لمن كانوا شعلا تنير الدرب أمامنا وهم السادة الصوفية الكرام، ولكن يا للأسف، يبدو أن جرثومة الفساد قد امتد تأثيرها ،ولم يعد جنود ابليس في المواخير ومقاعد السلطان فحسب، بل أصبحوا أيضا يتخذون ألقاب المشيخة ويرفعون رايات طرق صوفية هي منهم براء...

    لنا الله.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
19-02-2008, 02:29 PM

خرماج

تاريخ التسجيل: 11-08-2005
مجموع المشاركات: 491
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    أخونا الخليفة محمد عثمان
    موضوع شيق جدا رغم اختلافنا معه
    يشتم رائحة جهات كثيرة تقف وراء هذا العمل
    فى نهاياته استهداف واضح وتشويه لسماحة الصوفية
    اى سالك لطريق القوم يعرف من اول وهلة الغرض من مثل هذا العمل الخبيث
    صحيح ان ناقل الكفر ليس بكافر لكن ينبغى ان يكون دورك وان صوفى معروف وتنتمى لطريقة صوفية معروفة ومستهدفة هى كذلك من قبل الوهابية وقالوا عنها ما لم يقال عن غيرها كان ينبغى ان لا تروج لمثل هذا الغثاء وسادتنا التجانية لا يعجزون عن الرد لكن التجاهل احيانا كثيرة ابلغ رد ويتسق مع التوجيه القرانى اذا خاطبهم الجاهلون قالوا سلاما
    هل تتفق معى ان كل المحاضرات عبارة عن لغو
    لا تنسانا من صالح الدعوات يا خليفة أبوهاشم
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
19-02-2008, 11:03 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: خرماج)

    الأخ خرماج، لك التحية وشكرا لك على هذه المداخلة اللماحة، وفي الوقت الذي أنتظر فيه المزيد من التوضيح من جانب الإخوة التيجانية فيما يخص هل كان حامد آدم أحد أقطاب الطريقة التيجانية، وسوف أنشر هنا كل ما يردني في هذا الصدد، فقد أرسلت البارحة رابط هذا الموضوع لأخ من الزاوية التيجانية في أفريقيا بأمل أن يرد على ما ورد فيه، وأعتقد أنه لا توجد مشيخة واحدة مركزية للطريقة التيجانية بل هنك أكثر من جهة تدعي ذلك، وحيث أنني شخصيا اصطدمت بمن يدعي المشيخة والولاية ناسبا نفسه للتصوف مستفيدا من سمعة البيت الصوفي الذي ينتمي إليه في حين أنه جندي من جنود ابليس يعمل على هدم التصوف من الداخل وتقديم المبررات لأعداء التصوف، فأعتقد أنه من الواجب أن يتخذ الجميع الحيطة والحذر والتمحيص في اختيار شيوخهم لئلا ينتهي بهم الأمر لأن يسلموا أنفسهم لجنود ابليس ويكونون كالميت بين يدي غاسله معهم. بعد استكمال هذه المحاضرات التي تبين لي أن عددها ثمانية وليس ستة سأعود وأحاول الرد على بعض ما طرحه من نقاط اذا أسعفني الوقت وأرجو من الاخوة من خارج البورد كل من لديه رد أو تعليق أن يرسله لي على الايميل وسأقوم بوضعه في البوست
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
19-02-2008, 11:04 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة السادسة
    حامد آدم

    كيف كنا نعلم الغيب
    باسم الله إن الحمد لله نحمده ونستعينه، ونستغفره ونعوذ بالله من شرور أنفسنا ومن سيئات أعمالنا، من يهد الله فهو المهتد ومن يضلل فلا هادي له، وأشهد ألا إله إلا الله وحده لا شريك له،وأشهد أن محمدا عبده ورسوله، يا أيها الذين آمنوا اتقوا الله حق تقاته ولا تموتن إلا وأنتم مسلمون، يا أيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام إن الله كان عليكم رقيبا، يا أيها الذين آمنوا اتقوا الله وقولوا قولا سديدا،يصلح لكم أعمالم ويغفر لكم ذنوبكم ومن يطع الله ورسوله فقد فاز فوزا عظيما وبعد..

    فإن أصدق الحديث كتاب الله، وخير الهدي هدي محمد صلى الله عليه وسلم، وشر الأمور محدثاتها، وكل محدثة بدعة وكل بدعة ضلالة وكل ضلالة في النار، أعاذني الله وإياكم من النار ومن غضب الجبار، وبعد، السلام عليكم ورحمة الله، محاضرة اليوم رقم خمسة كيف بنعلم الغيب سابقا، كيف بندعي علم الغيب.

    وأي انسان يدعي علم الغيب لا يخرج من اثنين: أولا إذا كان خبير بالسحر بكون صادق وإذا صدق فهو عدو للأنبياء والرسل وهو شيطان من شياطين الإنس، ده إذا عندو خبرة وصدق في قوله، وإذا ما صدق فهو دجال كذاب. لايخرج من الاثنين.

    كيف بنعلم المعلومات الحقيقية اللي عندك؟ الأنت جيت من أي بلد وما بتعرفنا ولا بنعرفك، بل يوم تجي داخل علينا بنوريك كل كلام وهو صحيح، بدل انت تجي تحكي لينا أمورك الجيت من اجلها نحنا البنحكي لك، يعني الموازين بتنقلب، انت جايينا لغرض معين، عشان تحكي لينا وتشوف حلنا للقضية دي شنو، لأ، أنحنا البنحكي ليك غرضك الأنت جيت بيهو. بنوريك انت جايي من البلد الفلانية واسمك فلان وحالك كذا وكذا، حتى الأمراض حتى الأمراض الأنت بتمرضها بنوريك انت بتمرض كذا وجع راس كذا عندك كذا عندك كذا، يعني انت ذاتك بتقيف محتار في امرنا نحنا، بعد ده انت بتفكر، ياهو ده الفتنة ذاتها، فتنة الولاية، فتنة أولياء الله الصالحين، انت هنا خلاص حتعتقد وخاصة اذا كان ايمانك ضعيف وجاهل، الجهل مصيبة، يعني يوم تكون جاهل بالأمر ده حتآمن ايمان تام أنو فعلا لأولياء الله الصالحين خاصية، خاصية ربنا خصاها بيهم ودي كرامة من كرامات أولياء الله الصالحين، وبعلموا الغيب، بعلموا الغيب. لأنو الشي الانت جيت من أجلو غيب بالنسبة للشيخ ده. غيب ليهو عرفوا كيف؟

    يوم كنا شغالين هذا الشغل بنتقرب لعالم الروحانيون، والروحانيون قلنا جنون، ما يخدعك الاسم السمح ده، روحاني، روح والروح، تسمع اروحانيون بتعتقد كأنو شي زي ملائكي ولا شي كده روحاني، يعني شي بتستغرب فيهو، كلمة روحانيون تسميح لعالم الجن ما بقول ليك جن بقول ليك روحانيون، ليه؟ تسميح، كما الآن غيرنا جميع المسميات القديمة بأسماء جديدة، عشان تقبل، الربا الآن مسمى شنو؟ فوائد. مش كده فوائد بنكية مش كدي؟ فوائد بنكية ولا بقول ليها شنو؟ مرابحة. برضو اسم تاني جديد، فوائد بنكية، مرابحة، حاجات بالشكل ده وهو ربا، الخمر غيرنا اسمو سميناهو شنو؟ مشروبات روحية. خمر مشروبات روحية. كلام كتير جدا، العلاقات الجنسية برضو سميناها أشياء غريبة جدا، على كل ده ما شغلنا نرجع لي شغلنا البنعرفوا، الجنون وعالم الجن والشواطين ما بنسميهم ليك جنون وشواطين عشان تنفر وتبتعد مننا، بنسميهم روحاني، روحانيون، والله ياخ أنا بتعامل مع روحانيون مسلمون، روحانيون مسلمون، شنو هم الروحانيون؟ الروحانيون ديل زمان كان قالو لينا ملائكة، بعد شوية بتتغير المسألة، روحانيون مسلمون، فبتقرب لواحد من الزعماء اللي هو الروحاني ده زعيم، كلمة روحاني بالنسبة للجن كأنو الزعيم، يوم تقول للإنس زعيم معناهو الشخص ده عندو تبع، الزعيم الأزهري الزعيم فلان الزعيم فلان، عندو ناس ماشين معاهو، للإنسان زعيم، الجنون بقولوا ليهو الروحاني، عندو ناس تابعين ليهو، بتتقرب ليهو بأشياء شركية، منها ـ ديل أنحنا ـ بنتقرب ليهو بالذبائح، وببعض الأدعية، بنقدم ليهو التمن، والتمن هو الشرك بالله، الذبح لغير الله ووريتكم بنذبح كيف، الذبح لغير الله ودعاء لغير الله، نجيب اسم مناسماء الله، آية من آيات الله، بندعوها وندخل الراجل ده مع الله سبحانه وتعالى، آيي، بنساوي مع الله، يعني أي زول بيدعو الله وبيدعو معاهو انسان معناها ساويتو مع الله سبحانه وتعالى، اعترفت أو ما اعترفت ساويتو، زي ما ذكر بنا سبحانه وتعالى في سورة :" يوم لا ينفع مال أو بنون. إلا من أتى الله بقلب سليم. وأزلفت الجنة للمتقين وبرزت الجحيم للغاوين. وقيل لهم أين ما كنتم تعبدون. من دون الله هل ينصرونكم أو ينتصرون. فكبكوا فيها هم والغاوون. وجنود ابليس أجمعون. قالوا وهم فيها يختصمون. تالله إن كنا في ضلال مبين. إذ نسويكم" يالله ويا الشيخ أحمد التيجاني تلحقني وتفزعني! ساويتو. يا الله ويا المهدي وخليفتو. ويا الله ويا ودبدر من الفقر. ويا الله ويا ود حسونه من عيونه. ساويتو. " إذ نسويكم برب العالمين" إلى آخر الآيات. دي تسوية. بنسوي هذا العفريت أو هذا الروحاني مع رب العالمين، نجيب آية، نجيب اسم، نجيب صفة لله سبحانه وتعالى، وبندخلو طوالي هنا، زي هسع عندنا كتب هنا مطبوعة وكتب غير مطبوعة، يا الله يا الله يا الله، ويا محمد يا محمد يا محمد، ويا كشكش كشكش شكشك شكشك، ده شنو؟ ما ياهو ده التسوية. يا الله ويا محمد ويا كشكش ساويتو ولا ما ساويتو في الدعاء؟ ساويناهو. يوم ندعوهو ونساوي برب العالمين ونتقرب لهذا الزعيم من الجن بالتقربات الشركية بعد ده برسل سفيه أو سفهاء من سفهاءه ليخدمني أنا الشيخ، بجي ده خدمة لي، أول ما يجو برسلهم لي، ديل يخدموك، ديل بكونو تحت إمارتي أنا، مش ملك، مش بنملكهم، لأ، التعاون بين شياطين الإنس والجن مش بيملكوا الجنون، الملك ده لسليمان بيملك الجنون وبخوفهم، وبشغلهم من غير مقابل، نحن ما بنشغلهم من غير مقابل، بندفع التمن، والتمن هو الشرك، ده فرقنا بيننا وبين سليمان، لأنو في ناس عندهم فهم بيقول كيف الملك ده كان لي سليمان فقط، وما ممكن أي إنسان آخر يملك جن، أنحنا ما بنملكو أنحنا بنتعاون معهم، بنقدم الشركيات والكفريات وبنقدم ليهم طلبات هم بطلبوها، سليمان كان يوم بخدموهو ما بقدم ليهم طلبات، طاعة عمياء، لسليمان بدون تقديم، وبيحرشهم وبيعمل معاهم زي الدايرو، زي ما داير، يأمرهم بأي شي، لكن أنحنا ملك منفعة بيننا وبين عالم الجن والشياطين بنقدم الشركيات والكفريات والذبائح وكل شي، بنرضيهم أولا بندفع التمن أنحنا أولا، ثم من بعد هم بساعدونا، بساعدونا بي شنو؟ برسل لينا مجموهة من سفهائه المجموعة دي تجي أنحنا بنطلب منهم الآتي: أنا كان الزعيم بتاع جماعتي اسمو سهسهوبي يوم يرسل لي جماعة زي ديل بنقول ليهو اسمع يا سهسوبي الواطة أصبحت؟ أيوه نعم. طيب رسل من المجموعة العندك دي ـ ده رئيسهم بيأمرهم ـ مجموعة خليها تمشي غرب كدي ومجموعة خليها تمشي شمال، ومجموعة تمشي الجنوب، ومجموعة تمشي الشرق، حولي، يسألوا أي قرين إنسان ماشي في الشارع ربما تلقوا واحدين جاييني هنا، أيوه، ديل البنرسلهم بطوفوا حول الشيخ، حولي أنا، مسافات بعيدة جدا، بجوا بلقوكم انتو ماشين، طبعا الجن مع الجن بتشاوف زي ما انت بتشوف الانس زميلك، بجي بشوف قرينك، بيسأله، ماشين وين؟ والله ماشين السوق، أيوه، ديلك بي جاي مشوا، ماشين وين؟ ماشين زيارة للمستشفى. ما عندنا بيكم شغلة. ماشين وين؟ والله ماشين زيارة لي ناسا كدي. ما عندنا بيكم شغلة. ماشين وين؟ مسافرين.ما عندنا بيكم شغلة. ماشين وين؟ ديل الجماعة البيسألوا ديل. ماشين لي شيخ حام. آها؟ ماشين لي شيخ حامد؟ أيوه نعم. ديل الجنون في بعضهم وانت ماك شايف.

    ده أول ما تأكد انتو جايين لي أنا طوالي بستخبر منك، بيسأل قرينك: أها ماشين لي شيخ حامد لي شنو؟ والله ماشين لي شيخ حامد من أجل كذا وكذا وكذا. غرضك الجيت بيهو قرينك عارفو من أولو لي آخرو. جايي من وين؟ عارفك. اسمك منو؟ عارفك. ولدوك بتين؟ عارفك. أكلت قبل شوية شنو؟ عارفك. وفي وسوسة بتوسوسه انت في نفسك ذاتها، ما حديث الروح لأ، وسوسة، وسوسة تحريك الشر فيك برضو بنعلموا أنا، يعني حاجة ما بتتكلم بيها لكن بتوسوس بيها جوه أنا برضو بعرفها، ديا بستخبر قرينك، وقرينك أعلم بحالك من أولك لآخرك، جايي من وين، اتزوجت منو، أولادك كم، بناتك كم، بيتك وين، قبيلتك شنو، وماشي لي شنو، سرقو منك شنو، عربيتك موديلها كم، تمنها كم، كلو عارفو.

    يبقى ده الأنا رسلتو ده بيستخبر قرينك وبنقل ليهو المعلومات دي كلها في أقل من لحظة، يعني انت مسافتك عشان تصلني هنا البقاي ليك خمستاشر دقيقة، الخمستاشر دقيقة دي هذا الشيطان في دقيقتنين بنجز المهمة دي كلها في دقيقتين فقط، واذا كان استدعى الأمر طوالي بيستدعي الشيطان التاني اللي هو العفريت، لأنو الشيطان العادي ما سريع زي العفاريت، العفاريت ديل هم صعبين شوية، ده الفصيل التاني ده، بيستدعي واحد من الجماعة ديل او بيستخبر بستشير الرئيس اللي هو سهسوبي، بقول ليهو ياخ في خبر كده كده وفي زول جايي من دنقلا، ولا الزول ده جايي من واو ولا من الجنينة، ولا من بورسودان، مسافة بعيدة طبعا بحتاج لي سرعة وحنكة ومقدرة، بيستدعي واحد من ديل، وأنحنا الناس ديل ماشين لي شيخ حامد، فعندهم أمر في عربية سرقوها في بورسودان، في اليوم الفلاني كذا كذا كذا في المنطقة الفلانية والناس ديل قالوا أنو القرناء زملانا معاهم زملاء من الانس والآن ما فيشهم فانحنا دايرنك تمشي بورسودان هسع تمشي بورسودان الآن وتلقط لينا الخبر وتمشي للزعيم بتاع القرناء ديل ذاتهم تشيفهم وين ناسهم ديل، من الإنس والجن، ده طوالي هنا العفريت ده بمشي بورسودان وبمشي للموقع الانسرقت فيهو العربية، أو الموقع في بيتك الانسرق فيهو الدهب، أو دكانك أو أي شي أو غنمايتك وين، بمشي بيستخبر منها طوالي وقبل ما خمسة دقايق تمر هو بستخبر الخبر ده كلو وبجي راجع طوالي، يجي راجه في أقل من خمسة دقايق، ولسع البيني وبينك عشرة دقايق، المسافة خمستاشر دقيقة، طيب، بجي بكلم الرئيس، والرئيس طوالي بجي بكلمني، آيي يا شيخ حامد نعم والله الحاصل في جماعة جايين، من وين؟ والله الناس ديل جايين من بورسودان. مالهم؟ كذا وكذا واحد زايد واحد تساوي اتنين. بنقل لي المعلومات دي كلها تامة، بعد ده بنقول ليهو ياخي طيب اتفضلوا امشو استقبلوا ناس آخرين، ديل خلوهم، يا سهسوبي انت خليك جنبي هنا، الناس ديل أول ما يجو خاشين علي وريني ليهم، طبعا القرناء معاهم أيوه نعم، انت بتجي ماشي، أول ما جيت ماشي أول الداخل ده، ده بنخسني بقول لي ده فلان، مرحب يا فلان اتفضل اتفضل، انت جيت اتفضلت، لا إله إلا الله، الزول ده عرفني كيف؟ يضع سره في أضعف خلقه، سبحان الله. دي رواية ترى سودانية ماهو حديث، يضع سره في أضعف خلقه، والله ده ولي صالح، مرحب يا فلان، حق الله بق الله، كيف حالك ما تعبت ياخي وانت مشيتو كدي وعطشتو كدي وعملتو كدي ياخي الشغلة دي كان تجونا من زمان، وأنحنا عارفين الشغلة دي، بنعلم أنحنا الحاجات دي بنعرفها، آيي، بي طريقة ملتوية: أنحنا أوليا صالحين! بنعرف الشغلة دي كلها الكذا كذا كذا، في بورسودان كذا كذا كذا، والحاصل كذا كذا كذا ومشيت بلغت الشرطة الفلانية والمتحري فيها الشرطي الفلاني ورئيسو فلان وياخي الناس ديل بحثوا كده ما لقوا ليك أي شي، انت ما كان تتعب التعب ده كان تبلغ بس وتجينا ماشي.

    أيوه... طيب انت ياخي ما بمسكك صداع نصفي، آيي نعم ، صداع نصفي كمان بتعرفها، أيوه بنعرفها، طبعا لسان حالك بقول الكلام ده، أيوه ومما انت عربيتك دي ذاتها فقدتها الأكل ده خليتو، والله لقيمات كدي بس وبتقوم، والله صحي. طيب ياخي الولية كيف حالها، الولية دي منو؟ أم عيالك فلانة بت فلان، الله الله الله حتى هي بتعرفها كمان؟ عندك بيها علاقة ولا شنو؟ لسان حالك بقول كده، لأ ما عندي بيها علاقة لكن بنعلم الغيب! أها أولادك فلان وفلان وين فلان داك في أمريكا، رسل ليك قريشات؟ لأ ما رسل لي، رسل ليك في الشهر الفلاني ما كان رسل ليك ألفين دولار. الشيخ انت ياخ حتى الألفين دولار برضو بتعرفها؟

    وهكذا يبقى بخش فيك أولا، بثبت ليك أني أنا بعلم الغيب، تماما والمعلومات دي كلها صادقة، ماها الكذب، لأ صادقة، وبعد ده بنقول ليك ياخي أدفع البياض ولا أدفع المبلغ الفلاني وتمشي من محلك ده، مش سرقوها في بورسودان؟ أيوه نعم، تمشي الحاج يوسف، تمشي تلقى العربية دي في كرتون كسلا، في المربوع الفلاني، سوق ليك ناس شرطة من هنا وأمشي البلد الفلانية تلقى الكلام ده كذا وكذا وكذا الدهيبات ديل مدفونات في المقابر الفلانية، في مقابر في بورسودان ولا مقابر الحاج يوسف ولا مقابر في المنشية، ولا المنشية ما عندكم مقابر؟ الجريف؟ عندكم مقابر؟ بتدفنوا وين انتو؟ بتجدعوا البحر ولاشنو؟

    خلاصة المسالة بنوريك أنو الدهب ده وين، وبنقول ليك سوق ليك ناس شرطة وامشي المقابر الفلانية عشان تحفر وناس الشرطة معاك عشان الناس ما يجو يلقوك انت بتحفر المقابر دي يعملو معاك مشاكل سوق ناس الشرطة ضمان لأنو الزول ده عندو بلاغ ووصفوا ليهو دهبو مدفون هنا الحرامية جابوهو هنا، بعد ده حتمشي وحتفتش المحل ده وحتلقى دهبك تمام، النقصوا منك بنقول ليك نقصوا كذا وكذا وكذا وده تاني ما بتلم فيهو لأنو باعوهوا وتصرفوا فيهو وناسو شالوهو فاتو، لكن لو دفعت التمن بقول ليك الاشتراهو فلان وفلان وفلان، في المنطقة الفلانية الفلانية الفلانية، والحرامية الآن ممسوكين ولا ما ممسوكين بتهمه تانية ولا قاعدين بره السودان ولا داخل السودان ولا في العاصمة ولا رجعوا بورسودان بنوريك محلهم ده اذا كان دفعت انت مالك ومال ده، ده حقك ده، بنركز ليك في حقك ده عشان نحنا الحرامية ديل نستفيد منهمما بجيبوا لينا الزيك كتار بيشموا بسرقوا وبجوا يبقى نحنا لو وريناهم وقبضوهم أنحنا ما بنستفيد، ما دايرين يسرقو من واحد تاني برضو يجينا، فما بنوريك الحرامية ديل، بنقول ليك ياخي انت ما كفاك دهيباتك و لاكفاك غنمايتك دي، لا كفاني، طيب عربيتك لو لقيناها ليك داير شنو تاني؟ والله يامولانا ما داير شي، لكن لو حبينا انو نوريك الحرامية أمشي المحل الفلاني بتلقوا الحرامية قاعدين يسكروا ولا يعملوا كده، لكن دي ما بنقولها ليك وانت دي ذاتها ما بتسأل منها، انت المهم داير حقك ده، فبنوصف ليك وصف تام، وبتمشي تلقانا صادقين جدا وبتستلم مالك ده، تاخد وتتطلب الله، ده سر الشغلانية وليس علم غيب، ما علم غيب، ده تعاون مع أعداء الأنبياء والرسل من الانس اللي هم شياطين الانس، تعاون معهم ومع شياطين الجن، ربنا سبحانه وتعالى قال:" ولقد جعلنا لكل نبي عدوا شياطين الانس والجن يوحي بعضهم إلى بعض زخرف القول غرورا" وده نوع من الشعر البليغ جدا بالمناسبة كثير من الناس ما بوصلوا المرحلة دي، لكن الآن أن بعلن ليكم زول خطير جدا جدا جدا، وجدا دي أضربها في مية، الآن موجود وساحر، وبوريكم ليهو بالاسم والداير ما بعرف محلو يجيني بوصلو ليهو، ده من أخطر السحرة الموجودين في البلد دي، وليه أنا بفصح عن اسمو لأنو مشيت ليهو في محلو وعشان أناظرو ناسو رفضو بيهو، وده ساحر بيعمل أشياء أنا ما شفتو، ما شفتو عمل الأشياء دي، لكن الحواريون بتاعنو قالو بعمل الكلام ده، أول حاجة الساحر ده موجود في بحري وفي بحري منطقة العزبة، واسمه أبو القاسم أحمد موسى، ادعى أنه عيسى المسيح نفسو، وله كرامات وله معجزات، بل أكتر من ذلك سمى نفسو عيسى المسيح المهدي المحمدي ده اسم أطلقو على اسمو، المسيح المهدي المحمدي وليهو حواريون كتار، وما جهلة أكاديميا متعلمين، للأسف الشديد، طلبة جامعيين، دكاترة، مهندسين، وكلام بالشكل ده، وزول خطير بطريقة ما عادية ودي دعوتو الآن، والناس ديل آمنوا بيهو سريا وحتى معاهو ناس من الحكومة مسؤولين معاهو، وقبل فترة عمل مشكلة في غرب السودان، وكتل من حامية من حاميات كردفان أكتر من خمسة عسكري، غار عليهم وكتل جزء منهم وقبضوهو، قبضو الزول ده وبعد ده فكوهو، بعد فترة فكوهو، والزول ده قبل أسابيع مسجون تلاتة شهور سجن، وبعد ده تاني فكوهو، بيعمل جرائم ما أنزل الله بها من سلطان، وبخوف بخوف عديل، تمشي ليهو وتناظرو بخوفك، لأنو بعمل أشياء الزول البسيط العلم بعتقد أنو ده حقا وحقيقة، لأنو بعمل أشياء غريبة، الأشياء دي أنا ما شفتو عملها، لكن واحد من الحواريين المعاهو قال لي ده عندو كرامة وبيحي الموتى، آها؟ أبو القاسم أحمد موسى بيحي الموت؟ قال لي آيي، وين انتو الزول ده؟ قال والله أنحنا ما بنخليك تقابلو، ده، وشوف الناس المعاهو ما برفعو صوت فوق صوتو، لا يتكلموا بالمخالاة تحت،أصلو ما في زول برفع صوتو من احترامهم ليهو، وده ادعى عيسى، طيب ده الحوار بتاعو ده قال لي شنو؟ قال لي ده بيحي الموتى، ولو أنحنا خليناك ومشيت ليهو يحي ليك أي زول موجود، تمشوا معاهو المقابر وده قبر منو؟ قال قبر فلان، متأكد قبر فلان؟ طيب بنحيي ليك، يا فلان قوم، قال الزول ده طوالي من قبرو بقوم، دي أنا ما شفتها لكن ده واحد من الناس التابعين ليهو، ادعى أنو حوار من حوارييه، فده الحاصل والداير نوريكم العناوين عشان الناس تمشي ليهو تكون على بينة، ده شنو؟ ولو أحيا هل هي حقيقة؟ في أشياء كسحرة بنعملها وفي أشياء ما بنعملها،الأشياء البنعملها زي الشغلة دي ممكن نعملها؟ بنحي ليك الموت بنقول ليك بنحيي ليك الموت، زي ما زمان سمعنا إنو الشيخ الفلاني احيا فلانة، وسمعنا الشيخ الفلاني قلب التمساح حجر، وسمعنا الشيخ الفلاني شرب البحر، وسمعنا إنو الشيخ الفلاني بجر الشمس مع الملائكة، قال جر الشمس مع الملايكة ما غلبو والتمساح حجر عشان جلوق قلبو، شفت ده نوع من كرامات هؤلاء الشيوخ، يبقى الأشياء النحنا اللا نستطيع نعملها شنو ونخدعك بيها؟ لانستطيع أن نعملها زي جر الشمس، جر الشمس هذه فرية وكضب، جر الشمس لا شيطان لا إنس لا جن ما يستكيع أحد منهم مش يجرها، حتى لو بقت في متصف السماء بدون حجب لا يستطيع واحد من الفصائل الذكرته سكت حتى عين يشوفها خلي يجرها مع الملايكة، يبقى ما فيش انسان ولا جن يستطيع أن يجر الشمس دي بتنجر؟ بمسكوها من وين وبجروها؟ حبالاتها شنو ذاتو؟ الحبال المربطين بيها دي شنو؟ دي مش فرية وكضبة كبيرة جدا جدا الناس ديل ما يكضبوا كضبة صغيرة. وفعلا عندنا مثل في غرب السودان بيقول ليك الطضب ما عندو عضم بيغنج عشان كده أي زول بيديهو فل، فأسمع الكلام ده، قال جره الشمس مع الملايكة ما غلبو والتمساح حجر عشان جلوق قلبو، دي كضب لكن التمساح حجر صحي. شوفوا القضية دي الشمس كضب والتمساح صح. شرب البحر كضب. كويس. أحيا فلانة صحي.

    طيب بيحييها كيف؟ أساسا اتفاق زي الذكرناهو قبل شوية، الشيخ ده في مناسبة من المناسبات السنوية ولا مناسبة عظيمة جدا بتفق مع الزعيم بتاع الجن، يقدم ليهو طلباتو يقول ليهو اليوم الفلاني عندنا حولية، اليوم الفلاني عندنا تجتماع اليوم الفلاني عندنا مناسبة، يبقى اليوم ده بيجمعوا فيهو ناس كتار، عشان يثبت أنو ولي صالح والناس الجو ديل كلهم يآمنوا بيهو ايمان تمام ما عندهم بيهو شك بيقدم لعالم الجن والشياطين الخدمة الذكرناها وبتفق مع تلاتة أو أربعة زي التمساح ده. التمساح ده كيف بقلبو حجر؟ يتفق مثلا أنا أتفق مع سهسوبي وشمهروش، واليوم الفلاني عندي حولية ولا عندي مناسبة كبيرة تجو أنتو ديل كلكم، بعد ما اتفقت معاهم شوف يا سهسوبي اليوم داك انت تمش على جيهة البحر، وانت يا شمهروش تكون قاعد معانا، انت يا سهسوبي تتشكل تبقى تمساح، وتجي طالع من البحر، وانت يا شمهروش تكون تبقى انسان قاعد مع الناس هنا، انسان سوي، وفي الحتة دي انت ياسهسوبي يوم تجي راجع، من الناس ديل ما تاكل أي انسان ولا تبلع أي انسان، شفت، عليك بشنو عليك بسهسوبي ده أو عليك بي شمهروش ده، شمهروش ده بتلقاهو في الحجر الفلاني ولا قاعد في العنقريب الفلاني وأنا قاعد في الحتة الفلانية، بعد المناسبة جات والفتة أم توم كترت والناس شبعت، ورقصت وقامت بالبهرجة بعد شويةأديت الشفرة لسهسوبي، سهسوبي اتقلب بقى تمساح وجا من طرف البحر ماشي، وماشي لقى الناس في هرج ومرج واعتدى عليهم، طبعا أي انسان بقوم جاري لاشك في ذلك، هو ما عليه إلا أن يبلع شمهروش، يجي ماشي من هناك يعنى ليك شمهروش ده بس، شمهروش قاعد غفلان يمسكوا يبلعوا، بعد ده بتدخل أنا دوري، طبعا ي واحد من الإنس ولا واحد شيطان آخر يجي يقول لي الشيخ حاصل كذا وكذا وأنا بجي طالع من مكان معين بجي بلقى شنو الناس كلها شايفين التمساح ده بلع، بقول يا تمساح أول حاجة تعال أفتح خشمك، نجيب واحد شيطان تاني متفق معاهو كأنو الحداد، قلع السنون ديل، يجي يقلع السنون بتاعة الشيطان، وهم كلهم الشياطين في بعضهم، بعد ده نقول ليهو ياخي أطرش لي فلان، ده منو ده قال في زول الزول ده ما عارفنو، ده جلوق ولا أي اسم أنا أطلقوا، يلا يا جلوق أطلع، يجي منو؟ سهسوبي طالع وسليم ما عندو أي شي، وبعد ده بنقول ليهو يا تمساح أبقى حجر، ويتقلب الشيطان تاني يكون حجر، يبقى هنا خدعتك تماما والمسألة مسألة اتفاق.

    لكن والله الذي لا إله إلا هو، ما في انسان بقلب شي لشي آخر. ولا في انسان يحي الموتى، ولا في انسان يخلق شي وربنا ضرب مثل قال شنو؟ قال: " يا أيها الناس " لينا كلنا " ضرب مثل فاستمعوا له إن الذين تدعون من دون الله لن" لن دي زمخشرية أبدية نهائية " لن يخلقوا ذبابا" ده قرآن، " ولو اجتمعوا له" نجتمع أنحنا والملايكة والرسل كلنا نجتمع في ساحة واحدة والجنون كلنا نجتمع في ساحة واحدة نخلق ذبابة ربنا قال انو ما نستطيع أن نخلق ذبابة، " لن يخلقوا ذبابا ولو اجتمعو ا له وإن يسلبهم" مش كده وبس أكتر من كده أنو الذباب ده، بالمناسبة شغال قلع ونهب، أصلو ما بشورك، يخش بيت الوزير وبيت الخفير، وبيت أي انسان ويقلع منك رجالة، شغال بس بالقلع، ويشيل وانت الشالو الضبان ده ما تقدر ترجعو منو، كلنا لو اجتمعنا، قال " وإن يسلبهم" سلب معناهو نهب و قلع وشغلة بالقوة، لذبابة تخش في أكلك ده ولا على كيفك، وتشيل منو وتمشي، لو شالت حاجة وأكلتها دخلتها في بطنها لو نجي كلنا أنحنا عشان نرجع الحاجة دي زي ما هي كانت لا نستطيع، " ضعف الطالب والمطلوب" دي آية. يبقى ده الدجال ده يقول قلب التمساح حجر؟ يغيرو ويقول يحي الموت، ما بحي الموت كذاب، كيف بيحي الموت؟

    فلانة ماتت. ودعوها للراجل ده وناسها سافروا، وفي النهاية ماتت والناس جو راجعين، وين أختنا وين فلانة وين فلان، قال والله فلانة دي ماتت أجل الله. ودي كلها من مصايب الكرامات بتاعة الدجالين، والكذابون والمنافقين، دي ما كرامات دي كلها نحنا بننكرها الحاجات الزي دي، طيب جوا فلانه وين؟ ما فيشها، ماتت ما ماتت المهم خلاصة المسألة بي اختصار شديد الناس بتمشي تبحث عن فلانة دي وين جوا للشيخ قالو ليهو والله فلانه دي ما مؤمنين أنها ماتت عادية، قال والله ما ماتت عادية لازم حصل شي. طيب خلاص نمشوا. نمشو وين؟ أرحكم قبرها. وبتسوي شنو في قبرها؟ بحييها ليكم. ها. حتى الشيوخ بتحيي الموتى؟ أيوه نعم. طيب دي معجزة ولا كرامة سؤال؟ دي معجزة ولا كرامة؟ دي مفروض تكون معجزة، ما يقولو كرامات الولي الصالح. لأ، يقولوا معجزات الولي الصالح. وهل للأولياء الصالحين معجزات؟ لأ. طيب بنمشي أنا والجماعة بنمشي للقبر. ده منو؟ ده قبر فلانة، أي اسم سميهو، ده قبر فلانة، طبعا أنا بعد ما قدمت الخدمة التمام المعروفة لي عالم الجن والشياطين يلا بنجي للحتة دي وبنضرب القبر بي عصاية ولا بي أي شي، يا فلانة قومي، وبتجي قايمة من القبر، البجي قايم ده منو؟ قرين فلانة الماتت، قرينك حي، يبقى قرينك أنا اتفقت مع عالم الجن والشياطين أدوني الشفرة بتاعتو، بعد التقديمات الشركية القلتها ليكم، أدوني الشفرة بتاعتو وزعيمو سخرو لي، لأنو دفعت ليهو التمن، يبقى عندي مهمة معينة يجي يعيني فيها، مهمتك شنو؟ واحد زايد واحد يساوي اتنين، ده أنا شيطان الإنس مع شيطان الجن، الزعيم، اتفقت معاهو رسل لي واحد من السفهاء، وده المشهد : يبقى ضربت القبر قومي يا فلانة، قوم يافلان، يبقى القبر تشوفو طوالي اتشلع وجا قايم. يا فلانة، نعم بي نفس الصوت بتاع أختك بتاع بتك بتاع قريبتك، نفس الصوت، يا فلانة، نعم، انتي متي أجل الله ولا أنا قتلتك؟ لا يا أبوي الشيخ، والله أنا مت أجل الله عادية. متأكدة؟ سامعين يا ناس؟ سامعين. الله أكبر، الله أكبر الله أكبر يضع سره في أضعف خلقه، أحيا فلانة والله أحيا، والله ده ولي صالح، صحي صالح، أها دي كرامة من كرامات الأولياء الصالحين، يبقى بعد ده أرجعي قبرك، حترجع، ترجع تاني والقبر بنسد، انتو قبيل شايفين القبر ده اتشلع، وبعد ده هي رجعت والقبر انقفل والدعاية طلعت، أنو الشيخ الفلاني بيحي الموتى، والله ما في انسان بيحي الموتى، ديل ناس فاتو وديل ناس رسل وأنبيا لكن مافيش كرامة لولي صالح وخاصة زمننا الفينا ده أن يحي الموتى على الإطلاق ده دجل وكذب، الكرامات الزي دي فيها خداع، أما الكرامات بتاعة شرب البحر دي شي خارق لعمل الجن يعني بحرنا ده لو جبنا جن قلنا ليهو اشرب البحر ده، البحر ده حدو وين؟ وجاي حدو وين؟ ما بشربو. دي ما بقدرو بستطيعو يسووها، الشمس ما بجروها مع الملايكة كضابين برضو الشياطين ما بتقدر تجرها، لكن الأشغال الزي دي، زي عندنا في بعض المناطق يقول ليك القبيلة الفلانية بتبعت، واحد فيهم مات بيمرق بعاتي، بعاتي ده فتنة، أساسا القرين عارف فساد أخلاق الناس أو فساد عقايد الناس بيعمل الشغلة دي فلان مات مشو دفنوا وبعد يومين تلاتة الشيطان أو قرينو بجي للحلة اللي هو مات فيها مع المغارب يعني الزول ما بشوف كويس ما بقدر بيفرز الشي ده شنو، بشيف حاجة كده زي الخيال، بجي للبيت طوالي البيت الحاصل فيهو المأتم والناس فارشين قاعدين في الفراش يجيهم شبح ما عارفين شكلو شنو، وفي الضلام وبمسك مناخرو وبعد ده بقول ليهم السلام عليكم أنا فلان الفلاني داير الشي الفلاني، والله ده فلان ذاتو والقبيلة دي بتبعت، والمسألة قامت. ده شيطان اللي هو القرين بيفعلوا الأفعال دي وليس مسألة بتاعة إحياء موتى، ولا في انسان بيستطيع أن يحي الموتى والله لو الضبانة ماتت لو جمعنا كلنا عشان نحييها ما بنحييها، ده كلو كذب وده كلو من الأكاذيب بتاعة الأولياء الصالحين، أو الناس المنسوبين للناس الصالحين، الكرامات الزي دي ماها كرامات، أسمع كويس، ده كلو دجل وكذب ما أنزل الله به من سلطان، والمسائل دي كتيرة جدا، منهم الرجل الآن موجود حي هسع الآن ده خوف حتى الناس المسؤولين، يعني في مرحلة من المراحل خش مع ناس معينين كده في كلاش، قال ليهم والله ولا ترجعو ولا بنعمل كذا وكذا وكذا، الناس خافت رجعت لأنو ساحر، ده بيعرف سحر ما أنز الله به من سلطان، الزول الزي ده مفروض يقتل، يقتل، ده شرو مستطير، ده أخطر بني آدم، والأن بيضلل في شريحة الناس بتفتكرهم أنهم ناس فاهمين لأنهم قارين أكاديمي، والأكدايمي ده في الدين صفر مع الشمال، ما عارف أي دين، لأنو كل الناس التابعين للناس البتشعوذو ديل كلهم ناس دكاترة مهندسين طلبة جامعيين ديل بتبعوا ليهم واحد زي ده، أنا ناظرت واحد من الحواريين بتاعو وقال لي ده عيسى صاح، قلت ليهو أول حاجة انتو كلكم كذابين، وانت كذاب وصاحبك ده كذاب وعيسى له علامات، أنا داير علامة واحدة من العلامات البتذكرها لي عشان نعرف أنو عيسى، قال لي من علاماتو شنو؟ قلت ليهو أول حاجة، في حاجة.. وبعدين أسمعو الحاجة دي، قلت ليهو أول حاجة في أول ظهور شي معين يظهر من علامات الساعة الكبرى، وهي أول علامة من علامات الساعة وهي علامة من علامات الساعة الكبرى الأشياء الكبيرة اللي هي طلوع الشمس من مغربها دي أول علامة، هل ظهرت الشمس من مغربها عشان تدعي عيسى؟ سكت. قال لي ما أول علامة. قلت ليهو أول علامة، اتغالطنا، ما أول علامة، أول علامة ما أول علامة، أثبت ليهو أنها أول علامة.

    ورجعنا لتفسير بن كثير، الجزء الثالث، في سورة النمل، ورجعنا للتفسير ولقينا أول علامة تحدث فيها النبي محمد صلى لله عليه وسلم من علامات الساعة الكبرى هي طلوع الشمس من مغربها، ثم الدابة، بعد داك حتى بتجي الباقيات ماشة، وأول واحدة تطلع ديلاك بي سرعة بجن ماشات ما بتأخرن، لكن العلامات الصغرى كلها جات وأخدت من زمنها كتير، أول علامة الناس تفهم، ما يدعي ليك واحد أنا عيسى وواحدين يدعوا أنهم مهدي وواحدين يدعو أنو فلان الفلاني ده كلو كضب ودجل، اذا كان هو مهدي عادي قد يكون صادق لكن مش المهدي المنتظر، عيسى عادي، وكم عيسى عندنا في السودان، لكن عيسى المسيح اللي هو من الخمسة أولي العزم كضب ودجل، الدابة ظهرت؟ الدابة ماها ظهرت، الشي الفلاني ماهو، أي علامة كبيرة ما ظهرت، وأول علامة تظهر من علامات الساعة الكبرى الناس فلتفهم، عشان ما تنخدع لي واحد زي ده يغش ليهو أي انسان، لأ، أول علامة طلوع الشمس من مغربها، وأرجعو التفاسير أرجعو العلم كويس أفهموا الكلام ده، أول علامة من العلامات الكبرى طلوع الشمس من مغربها، لم تطلع الشمس من مغربها، الباقي ده كلو دجل وشعوذة وكضب، حتى إنو فتنة جهيمان السابقة اللي كانت في السعودية برضو كانت في موضوع المهدي المتظر وكأن الناس حتى في السعودية ذاتها كأنو المسألة دي خفت عنهم، لأنو الشيطان لعب دور وحلم ليهو تمانية وأربعين عالم منهم في السودان ده كم واحد منهم، ومنهم في وين وين، وكلهم حلمهم بأنو المهدي المنتظر ومشو وبايعوه، وحصلت المشكلة الانتو كلكم سامعين بيها ونسوا الكلام ده كلو، لكن لو كان رجعوا لي صوابهم ورجعوا للدين، وفتشوا العلم بيعرفوا نو أول علامة هي طلوع الشمس من مغربها، ثم الدابة ثم بعد داك يجوا ناس ياجوج وماجوج وعيسى والمهدي وغيرو وغيرو. فده ادعى أنو عيسى، أي زول فيكم داير يناظرو لو ما عارف محلو تمشي العزبة (بكسر العين وتسكين الزاي) تقول ليهم في عيسى المسيح ظهر هنا داير وين؟ العزبة عزبة ود الأحمر يعني بعد المنطقة الصناعية بتاعة بحري بي مسافة، بتركب ليها من كوبر آخر محطة بتاعة كوبر، قول ليهم داير العزبة، بتمشي هناك امشي العزبة قول ليهم أنا داير عيسى المسيح عيسى الظهر هنا ده بوروك محلو، تمشي تقعد معاهو وشوف الزول ده بيقول ليك شنو، وعندو كتب مؤلها هو، وزول شيطان وفعلا والله يعينوهو شياطين الجن، لأنو كلامو البقولو يخدع بيهو أي انسان علمو بسيط أو ايمانو ضعيف. يخدع بيهو لأنو عندو معسول كلام تنمق بتاع كلام تفسيرات للبتاع وتأويلات عجيبة جدا جدا لكن الناس بتنسى أنو لو أنا وانت اختلفنا نرجع لمنو؟ نرجع للكتاب والسنة، بي فهمك انت ولا بي فهمي أنا؟ لأ. بي فهم السلف الصالح، الناس لو رجعت لي دي ما بختلفوا لكن أي زول داير يشرع لينا في دي ماهو داير وكل زول يشرع لينا رايو يبقى هو حيقنع الآخرين لأنو ديل ما عندهم فهم أنو الناس ترجع للكتاب والسنة بفهم السلف الصالح ديل ناس ما عندهم كلام زي ده، بنرجع للكتاب والسنة بنلقى الآية قالت كده والحديث قال كده، انت بتفسر على كيفك وأنا بفسر على كيفي وأي زول خاشي في الحتة دي.

    فنسأل الله السلامة يبقى أنحنا الليلة انشاء الله نقيف في الحد ده ونيتح بعض الاسئلة لأنو المحاضرات السابقة ما أتحنا فرصة للأسئلة وهي الماحضرة الأولى كيف تعلمنا السحر، ورحانية الذكر، ما هي حقيقة الحجبات، كيف يسحرونك، كيف يعلمون الأشياء الغيبية اللي هو محاضرة الليلة وأنا أختم كلامي بالآتي: شوف الآيات دي يبقى البكضب فينا منو؟ رب العالمين ولا نحنا البندعي علم الغيب؟ آيات كتيرة قالت ما بيعلم الغيب إلا الله. عالم الغيب فلا يظهر على غيبه أحد. دي آية " وعنده مفاتح الغيب لا يعلمها إلا هو" إلى آخر الآية، وما كان الله ليطلعكم على الغيب، ولكن الله يجتبي من رسله من يشاء، ده كلها آيات بتثبت إنو علم الغيب لله، عيسى لرب العالمين، عيسى ذاتو البقول هو الهسع ادعى ده، عيسى قال شنو قال " تعلم ما في نفسي ولا أعلم ما في نفسك" إلى آخر الآية، " ولله غيب السماوات والأرض" " فقل إنما الغيب لله" دي كلها آيات بتثبت إنو علم الغيب لله، "قل لايعلم من في السموات والأرض الغيب إلا الله"، ناس السموات قالوا أنحنا ما بنعلم الغيب، ديل الملائكة، " وعلم آدم الأسماء كلها ثم عرضهم على الملائكة انبئوني بأسماء هؤلاء" إلى آخر الآيات، " فقالوا سبحانك لا علم لنا إلا ما علمتنا" إلى آخر الآية، ناس الأرض منهم الجنون قالو أنحنا ما بنعلم الغيب، في سبأ اربعتاشر قال شنو؟ " فلما قضينا عليه الموت ما دلهم على موته إلا دابة الأرض تأكل منسأته فلما خر تبينت الجن أن لو كانوا يعلمون الغيب ما لبثوا في العذاب المهين" إلى آخر الآيات، ده رب العالمين، وغيرها من الآيات، بتثبت أنو علم الغيب لله وحده، حتى الرسول صلى الله عليه وسلم برضو قال أنا ما بعلم الغيب، قال" لو كنت أعلم الغيب لاستكثرت من الخير وما مسني السوء" إلى آخر الآيات.

    فدي موضوع علم الغيب، ونحنا وضحنا ليكم الطريقة البنستخدمها ونعلم منك معلومات معينة وانت بتعتبرها أنها هي من علم الغيب وفعلا الرجل ده بيعلم الغيب، والناس دايما وخاصة الناس الفاقدين أشياء اضطروا أن يمشوا لهؤلاء الناس عشان يوروهم أين هي هذه المفقودات وده بكون خسر الدنيا والآخرة، الناس الزي ديل الرسول صلى الله عليه وسلم قال ولو صدقوا كذبوا، كذبوا ولو صدقوا، ثم تانيا أي انسان بمشي للناس ديل مهما كان قيمة الشي عندك فانت ولدوك من بطن أمك عريان ما تملك شي واحد، ربنا بعد داك خرجك في الدنيا دي ورزقك هذا الرزق، كويس، فانت ما يغرك الرزق ده، وتخسر رب العالمين ويهون عليك غضب رب العالمين وترضي الشيطان، أيهما ترضيه؟ فأنت اذا كان مشيت لي ديل رضيت الشيطان، وأغضبت الرحمن والرسول صلى الله عليه وسلم قال الناس الذكرناهم ديل منهم بيعلموا الغيب ديل في شيخ فلاني بيعلم الغيب بجيب الرايحة بتاع، لو مشيت ليهو الرسول صلى الله عليه وسلم قال شنو "فقد كفر بما أنزل على محمد"، " من أتى كاهنا أو عرافا فصدقه فقد كفر بما أنزل على محمد" صلى الله عليه وسلم، والبيمشي ليهو ما بصدقو خاطر فلان وخاطر علان ومشيت ليهو لم تقبل صلاتك أربعين يوم ويا ويلك لو مت في الاربعين يوم تكون مت على سوء الخاتمة، ديل كلهم الناس ديل وغيرهم من المسميات، الوداعي والرمالي وقارئ الكف والأبراج بتاعة الجرايد قميت من بيتك ده عشان تشتري ليك جريدة بتاعة أبراج عشان تشوف أنو الشهر ده شهر ياتو والأسبوع ده ياتو أسبوع في الشهر برجك شنو دخلت في الحديث ده، اعملو حسابكم، الناس ديل أشر ناس، والله ما ناس دين، والله ضد الدين، والله ديل ضد الأنبياء وضد الرسل، أي زول بيدعي حاجات زيدي مرأة ولا راجل ديل كلهم بعيدين كل البعد عن الدين، والمثل بيقول اسأل مجرب ولا تسأل طبيب، ده شغلنا زمان كان شغالينو، فنسأل الله العفو والعافية.

    جزاك الله خيرا، يا شيخ كيف يعالج الإنسان نفسه من السحر ومن العين؟ بارك الله فيك. بارك الله فيك كذلك أنت فيا أخي ده موضوع محاضرة كاملة قائمة بي ذاتها بنعتذر عن الرد لأنو بنشرح فيها ودي ذاتها مهمة حتى لإخواننا الرقاة البرقوا يعني الحتة دي أنحنا حنشرحها كويسة جدا انشاء الله والناس تعرفها بإذن الله تعالى انشاء الله.

    بارك الله فيك. بسم الله الرحمن الرحيم... قال بسم الله الرحمن الرحيم كيف يبعث ولا شنو ماعارف السحر المرسل يسمى سحر الإرسال وماهو غرضه وكيفية العلاج منه، طيب كيفية العلاج نأجلها، كيف يبعث السحر المرسل، أنا مثلا عندي زول في السعودية، داير أضرو، يمشي السعودية دي ما ينجح، يمشي كدي يجي سجم وشو، يشتغل هناك ما يلقى شغل ذاتو، كويس، بنرسل ليهو السحر كيف؟ مطلوب أثر من أثر هذا الشخص، أنا هنا، بنطلب اسمو منوالزول ده؟ أسمو فلان الفلانية طبعا شرحنا الكلام ده سابقا/ اسمو فلان الفلانية، دايرين منو أثر، والله الزول ده في السعودية، مافيش ملابس هنا؟ يبجيبوا لينا ملابس منك، طاقيتك، عمتك، سروالك، أي شي قاعد هنا يجيبو لينا، خصيمك ده يجيبو لينا، بعد ده بنعمل أشياء معينة، وبنكلم سهسوبي، يا سهسوبي، أيوه نعم، ياخي في زول في السعودية اسمو كذا وكذا قاعد في البلد الفلانية وده الأثر بتاعو دايرنك من الجماعة التحت ادارتك ترسل لينا واحد من هنا يمشي يتابع لينا الزول ده ودايرين منو يعمل ليهو كذا وكذا يقيف في طريق حياتو كلها، فده اسمو السحر المرسل، يعني بنرسلو ليك من هنا لي هناك، لكن لو ما لقوا لينا منك أثر ما فيش طريقة، إلا في زول يجيب لينا حاجة منك، انشاء الله تراب قدمك، كويس، يجيبوا لينا بنسحرك وبنرسل ليك شياطين بتضرك هناك.

    غرضه على حسب الطلب. داير شنو؟ يتعطل؟ ما يلقى شغل؟ ما حيلقى شغل. داير أمرضو يمرض يجي راجع، حأمرضو يمرض يجي راجع. بعدين شوف، المسألة دي ما بتتم إلا بإذن الله كل شي بإذن الله، " وما هم بضارين به من أحد إلا ..."

    (يقرأ سؤال آخر) يوجد لدينا شيخ وفي الحلقة يمر عصاه فإذا كل الحضور يقعون على الأرض فماذا نصف هذا وإن كان سحر كيف يمكن ابطاله؟

    قال الظاهر عندهم طريقة معينة في ذكر معين الشيخ ده قال يوم يذكرو كويس بعمل عصاتو كدي قال الجماعة ديل كلهم بطيحوا بقعوا في الأرض، ده شنو ده؟

    ده ما ذكر. كدي راجع شوف الناس ديل بقولو في شنو؟ هو هو هو، ياهو الأذكار الزي دي. دي أذكار بتاعة جنون وأسماء بتاعة جنون. ودي اشارات من عالم الجن والشياطين، والإشارة بتاعتو تشيلها الشياطين عشان تسقط الناس ديل، أي شيطان بيمسك ليهو واحد بيدق بيهو الأرض، الناس بتطيح، ده ما هو ذكر ده لعب، شوف الزول ده بيقول بسم الله الرحمن الرحيم وشيف الناس بوقعوا؟ ربنا سبحانه وتعالى بقول شنو؟ " ألا" دي شنو؟ في شنو؟ تطمئن الزول الواقع ده مطمئن قلبو؟ زول ياخي انت واقف على حيلك دقيت الدلجة دي انت اطمئنيت وين؟ انت ده ما خلاص انتهيت. دي ما مصيبة ذاتها من المصايب الدايرة علاج ذاتها. ديل كلهم ديل بترميهم الشياطين. هو ذكر الله كان برمي، الشياطين أنحنا ما بنذكر دايرين شنو، أنحنا بنعالج الشواطين بذكر الله يجي ذكر الله ذاتو يجيب لينا شواطين؟ ما مكن. الزول ده الرماهو شنو؟ رماهو شيطان. ديل شواطين ده ذكر شواطين. مجموعة بتاعة شواطين شيطانهم ده رئيسهم، الإنسي ده ده رئيس الشواطين القاعدين هنا ديل، بيأمرهم، دي إشارة منه أعملو كده اتفق سابقا. يوم نجي أنا نعمل ذكر نعمل كده الناس ديل كلهم يقعوا على الأرض، والناس ديل شنوهم غرقانين! ده شنو؟ روحانيات الذكر! غرق؟ غرق في النقعة ساكت؟ الغرق ده في الموية، في الواطة العادية برضو فيها غرق؟ قال ديل غرقهم الذكر، الذكر بغرق انسان؟ ذكر ياخي بخلي قلبك مطمئن تكون منشرح تكون مع رب العالمين مش تكون انت مجنون وواقع في الأرض، ده كلام فارغ، وانت ذاتك اسمع الذكر ده بقولوا فيهو شنو بتعرفوا لو ذكر صح ولا غلط.

    بارك الله فيك. أيوه نعم، ما هو القرين، هل هو مذكور في القرآن، نعم في سورة قاف: "وقال قرينه هذا ما لدي عتيد" ، ألقيا في جهنم كل كفار" وقال قرينه بالواو، ده قرينك من الملائكة، "هذا مالدي عتيد" الراجل ده ده المحضر بتاعو، ده الأديتو ليهو، ده التحري بتاعو، دي الأمور السواها في الدنيا مما خلق لغاية الآن، اتفضل يا رب العالمين، ده الملك، قرينك من الملائكة، جريت الآية مشيت قدم شوية: " قال قرينه ربنا ما أطغيته لكن كان في ضلال بعيد" ده قرينك من الجن: والله هو براهو هو خسران والله ما رفعت ليهو عصا الطاعة، ما شلت الابريق كفتو منو، ما قال ماشي العلم مسكتو أديتو عكاز، ما جا ماشي حلقة الذكر علمت ليهو مباراة بتاعة كاراتيه رميتو، لا، وسوست له وأطاعني، والله هو براهو خربان، أصلا أنا لا خربتو ولا بتاع، "وقال قرينه هذا ما لدي عتيد. ألقيا في جهنم كل كفار عنيد. مناع للخير معتد مريب. الذي جعل مع الله إلها آخر فألقياه في العذاب الشديد. قال قرينه ربنا ما أطغيته ولكن كان في ضلال بعيد." إلى آخر الآيات ديل قرناك ودي الآية البتشير إلى قرينك الاتنين من الملايكة ومن الجنون لكن ديل ما بيعنوا اللي ذكرهم الشيخ ال.. ديل برضو قرناك من الملايكة رقيب وعتيد اللي هم بكتبوا الأشياء، بارك الله فيك، هل مذكور في الكتاب؟ أيوه نعم مذكور في الكتاب، وفي السنة، الرسول صلى الله عليه وسلم في مسألة من المسائل انتو عارفنها جدا بس بنذكركم ليها، في مسالة من المسائل ذكر القرين الشيطان لأمنا عائشة قالت ليهو وحتى انت يارسول الله؟ وحتى أنا لكن ربنا سبحانه وتعالى أعانني عليه فأسم فلم يأمرني إلا... أيوه... أما في الاية اقرأ سورة قاف. بتلقىسورة قاف بتقراها بتعرف قرنك من الملائكة وبتعرف قرينك من الجن، آيي.

    (يقرأ سؤال آخر) طيب. ما علامة الزيـ بق الأحمر.. (يضحك) انت داير تشتغل بالشغلة دي ولا شنو؟ قال ما علامة الزيـ بق الأحمر أنا ما بوصف ليك علامة الزيبـ بق الأحمر عشان تعوم كده وما تقدر تشتغل الشغلانة دي. عارف علاماتو؟ وانت بتسأل من علاماتو داير شنو؟ عندك مصنع بتاع بقولو ليهو شنو سـلاح نوووى؟ ولا عندك مصنع بتاع عفاريت؟ اتنين (يكرر الكلمات). يتسخدم فيها الزيبـ ق بمواصفات معينة، وبجي من ساوث أفريكا مصنوع في جنوب أفريقيا يبقى أنحنا ما حنتكلم عن مواصفاتو عشان مواصفاتو دي ذاتها لو الناس عرفوها بعد ده بفتش بيلقى المواصفات دي أنا ما دايرو يفتش عشان يلقى المواصفات دي معليش. أيوه نعم عندو علاقة بالجن. كيف؟ علاقتو بالجن، وده من أصعب الأشياء، والزول البستخدم الزيبـ ق ده بكون انسان حرامي الحرامية بتاعين الجنون بتعاونو معاهو كيف؟ لأن الجن الهرم الشيخ الكبير في العمر شاخ ولسه بقية عمرو ما مات وبكون قايد مجموعة من الناس أقصد من الجنون كلمة ناس هنا بنقصد بيها الجنون، هو زعيم بتاعهم، يعني رئيسهم، بكون هرم وبقى شيخ كبير، الجن ده لو في انسان مد ليهو الزيبـ ق بمواصفات معينة ماسك الانسان الزيبـ ق ومداهو للشيخ الكبير الهرم من الجن والشيخ الكبير الهرم والشيخ الكبير ده مسكو قبل ما الانسان يفكو مسكو داك وشربو برجع بكون شاب، ده السبب، يوم انت ترجع ليهم شيخهم ده يبقى شاب في عمر كم في عمر تلاتة آلاف أربعة آلاف سنة، ده عمر الشابا بتاع الجن، انتو عارفين، سهسوبي ده أنا كان اتكلمت معاهو في موضوع قلت ليهو انت شفت ابليس؟ قال لي أنا شفتو. قال لي شفت ابليس. ابليس ده وين؟ قال لي في البحر. في موقع في البحر. وصف اللي الجيهة الأنا قاعد فيها، الحتة الأنا قاعد فيها دي وصف لي قال لي كده، قال لي في البحر قلت ليهو قاعد في البحر قال لي آيي. وعندو مملكة كبيرة جدا في البحر. وما كنت أعرف من الناحية الشرعية أنو عرش ابليس على الماء، والله ما كنت أعرف، قال لي في البحر، قلت ليهو شفتو انت بتين؟ قال لي زماااان. زمان ده بتين؟ قال لي وأنا صغير. انت صغير؟ قال لي آيي. الوداك منو؟ قال وداني أبوي. أبوك ذاتو وداك لي ابليس؟ قال لي آيي. ابليس ذاتو؟ قال لي ابليس ذاتو. وشفتو؟ قال لي شفتو. وانت صغير؟ قال لي أنا صغير. عمرك كم؟ قال والله لسه يادوب الفطامة. فطموني كده و.. قلت ليهو كان عمرك كم؟ قال لي ميتين وأربعة وعشرين سنة. ده يادوب فطموه. ميتين وأربعة وعشرين سنة وفطموه. والآن عمرك كم؟ قال لي الآن أنا عمري أكتر من سبعة ألف سنة. لا إله لإإله إلا الله، مسألة مخيفة. يوم تسمعوا يتكلم بتخاف منو. يعني شوف قال زمان مشى شافو. موضوعنا النتكلم فوقو عن شنو؟ أيوه عن الزيبـ ق. يبقى الشيخ ده هسع يوم يتم ليهو سبعة ألف سنة تانية تكون أربعتاشر ألف سنة بكون هرم وبكون مجموعة معاهو، بمشي بفتش الدجالين الزينا كده ديل، أمشو للشيخ الفلاني أمشو للشيخ الفلاني أنا يوم أقوم أمسكو هذا الزيبـ ق المواصفاتو معينة وهو يمسكو مني أنا، لو الجن جابو ليهو ما بكون شاب، شوف الحكمة، لو الجن جابو ولا أي شي، لو كان الجن بجيبو ما كان احتاج للانس، لكن لازم يمسكو انس ويمسكو للجن وقبل ما يفكو لغاية ما يقول ليهو خلاص، ويجي يشربو يرجع يكون شاب عمر السبعة تلات خمسة ألف سنة. يبقى ده حيدخموهو الناس التابعين للشيخ ده، البقى شاب ده، لو قال ليهم جيبو لينا ـ ديل الناس النزلو قروش ـ لو قالو ليهو جيب لينا قروش من أممريكا هسع دي قبال ما الشمس ما غابت بجيبو ليهو قروش من أمـر يكا قروش صاح، ده اسمو التنزيل، القروش دي عندها نوعين: في خدعة وبترجع وده ورق عادي وده فيهو سحر التخييل، أقطع ورق معين، أخت ورقة كبير صاحة بهنا وورقة بي هنا بعد ده يخيل اليك أنو القروش دي كلها نفس الورقة البي فوق أو البي تحت دي، ده اسمو سحر التخييل دي بتتغير هنا طوالي، ده اسمو خدعة وغش، اسمو سحر التخييل، في قروش آخره بسيطة م بتصل للمليارات دي بسرقوها من جيوبكم، بتعلق الجلابية ولا بتعلق البنطلون بعد شوية بتلقىالقريشات مافيها وتقوم تعبي شكلة مع الجماعة الفي البيت، الأم وأولادها وبتاع منو الشال قروشي ديل والله ما عارف والله ما شلنا قروشك، ديل برسلو الجماعة الصغار صغار بمشو بجمعوا لينا قريشاتكم ديل بجيبوهم لينا لأنو في واحد داير ليهو قريشات، لكن القروش الكبيرة البدفعو فيها ملايين زي ما عندنا واحد في بحري هناك دكتور، دفع لي واحد تمنتاشر مليون جاب ليهو تلاتة مليار دولار، وبعد ما اتأكد منها تمام وشافها في غرفة الدكتور ذاتو قال ليهو امشي جيب لينا خروف، أداهو من القروش دي قال ليهو امشي بدلها، أداهو ورقة من الورق ده دولار قال ليهو أمشي بدلها وأمشي جيب لينا خروف نضبحو وبعد ما نضبحو ـ ده في بيت الدكتورـ انت تجي تبول في القروش دي عشان تثبت حقتك لأنو رايحتك تتخلط بيها خلاص تاني ما بتجيها أي عوجة، ومشى غير القروش دي وجاب الخروف، وضبحوهو والدكتور جا بال في الشنط دي بعد ما فتحها شافها دولارات بال فيها تلاتة مليار، وقال ليهو أقفلني هنا بعد تلاتة يوم تعال افتحني، لكن قبل التلاتة يوم ما تفتحني، غرفة ذاتو كان الدكتور بناها ليهو في داخل حوش الدكتور، خلاصة المسألةالدكتور قفلو وطبلو بي طبل بي برة، بالليل أو بحالة من الأحوال الراجل ده أظن شاف القروش دي طمع فيها براحة كسر الشباك بي غادي وشال قريشاتو وشال عفشو من أول يوم، فات، بعد تلاتة يوم الدكتور قلق، والمشكلة لعبت في راسو، أنا بكره أبقى ماعارف شنو والمصنع الفلاني، اتحدى فلان وامشي لي فلان والسيارة الفلانية والعمارة الفلانية وسويسرا و... و .. و .. إلى آخره، حلم اليقظة لعب في عقلو تمام، قال تلاتة يوم ده ما نام، من الأحىم والطموحات، يعني بدل دكتور حيعمل أحسن مستشفى للسودانيين في البلد دي انشاء الله، مكونة من عشرين طابق، قسم للشفع وقسم للولادة وقسم وقسم، خلاصة المسألة اليوم التالت قال ليهو اليوم التالت ده تجيني بعد صلاة العشا، مش في النهار بعد صلاة العشا، تجي تفتح الباب من بره تجي تلقاني بتشيل القروش دي بعد ده أنامع السلامة معاك وإلا السماح السماح، اليوم التالت الدكتور جا عشان يفتح الاسمو شنو دقا كو كو كو مافي زول. كو كو كو استئذان عشان يجي يخش برضو ما في زول، المهم فتح الطبلة وجا خاشي، لقى الراجل ده من اليوم الأول ما أظن تاني ضبانة ذاتها قاعدة في البيت ده، عيك مع السلامة، لا تمنتاشر مليون لا تلاتة مليار دولار ولا هو ذاتو، مشى فتح بلاغ في انسان مجهول كذا كذا قال يقبضوه ليهو. يقبضو ليك يا مغفل؟ وانت لو ما مغفل يغشك واحد هلفوت زي ده؟ انت دكتور يغشك واحد هلفوت زي ده عشان ياخد منك المبلغ ده؟ يبقى الناس البشتغلو بالز يبق بتصلو بالناس ديل ومستعدين يجيبو ليهم قروش من أي مكان، بارك الله فيك.

    -(يقرأ سؤال آخر) كيف تركت هذا السحر وهل تضررت منه؟ كيف تركت هذا السحر؟ دي محاضرة قايمة بي ذاتها وفيها كيف تضررت منه لو انت متابع معانا هنا قلنا في حلقة وأخيرةا قصة توبتي من هذا السحر أو الأشياء ومعاداة عالم الجن والانس لنا، وتهديدات لنا والأضرار التي فعلوها انشاء الله تابع معانا حتسمع الخبر ده.

    يا جماعة الاسئلة دي كتيرة كلها مابنقدر نجاوب عليها.

    (يقرأ سؤالا آخر) الغيب ثلاث الماضي والحاضر والمستقبل لا تستطيع الشياطين علم المستقبل، وهذا يخص الله سبحانه وتعالى، حتى على .... فعلا المستقبل ده ما بعرفو إلا رب العالمين، لكن ده بتاع العزبة ده ادعى أنو بعرف المستقبل، بعلموا كيف؟ بالكضب والدجل، في السنة الفلانية في الشهر الفلاني يبقى كذا وكذا ده تكهن، التنجيم شنو؟ النجمة دي طلعت كده وسوت كده السنة دي بكون في كده احتما يكون احتمال يكون، ده تكهن، فقط، وبيدعي أنو بيعلم ما في المستقبل، النبي صلى الله عليه وسلم يوم جات الجارية بتمدح في النبي صلى الله عليه وسلم وقالت وفينا نبي يعلم ما في غد مش كده؟ قال ليها ياجارية ما تقولي كده لا يعلم ما في غد إلا الله، يبقى الكلام ده ما دايرين نقاش فيهو، أصلو غد دي ما يعلمو إلا الله وحتى علم الغيب الاسمو شنو وهسع الذكرناهو بي صفاتو دي بنعلموا عن طريق الجن، لكن ما عن علم بحت أبدا، وده ما علم غيب، ده معلوم لي شخص ولي شخص ما معلوم، بارك الله فيك.

    (يقرأ) و هل هذا يخص الله؟ نعم سبحانه وتعالى، في كلام هنا غايتو ما عرفتو لكن ده العرفتو رديت فيهو، الغيب ثلاثة الماضي والحاضر والمستقبل الماضي ياهو الانحنا شرحنا ده، بنعرف ماضيك كلو بواسطة قرينك، والحاضر لو في حاجة قدامي هنا ده ما بتعتبر غيب، أما المستقبل لا يعلمه إلا الله وحتى الماضي ده ذاتو ما بعلمو إلا الله سبحانه وتعالى، ولا ينقلوه لي نقل، الآن الأنسان بقى يستطيع أن يعلم الماضي، أنا الآن هنا ممكن أرفع الموبايل اتكلم مع أمـ ريكة أقول ليكم والله في أمـ ريكة في كذا وكذا وكذا سبحان الله الانسان وصل للكلام ده، الجن، الانسان وصل الموبايلات، الموبايلات دي الجنون فاتوها زمان.

    (يقرا) اذا ذكرت اسم الجلالة يا الله أو الله حي كيف يكون من ذلك حضور الروحانيون؟ لا. أنحنا ما قلنا. الزول ده قال اذا ذكرت اسم الجلالة يا الله يا الله، الكلام الذكرناهو قلنا يا الله ياالله يا الله ده ما هو ذكر. وين موجود في السنة؟ في السنة موجود تذكر يا الله يا الله يا الله ده في؟ كلكم شيوخ وعلماء سنيين وغير سنيين موجودين في المسجد ده، في ذكر موجود في السنة يا الله يا الله يا الله عدد معين؟ واحدة ولا اتنين ولا مليون؟ اطلعتوا على الكلام ده؟ في ذكر بقول يارحمن يارحمن يا رحمن؟ الكلام جه دايرين ليهو سند في ذكر بقول زي ده؟ مافي، اليا حرف نداء والله منادى ده ما ذكر، انت ناديت لازم تجيب الكلام ده في جملة مفيدة، وشحنا الحتة دي، شرحنا الحتة دي، ما في ذكر بي اسم أو صفة مفردة، تجيب في جملة مفيدة، يا الله سوي لي كده، يا رب العالمين سوي لي كده، يا حي يا قيوم برحمتك استغيث، يا شافي اشفيني، يا رحمن ارحمني، تجيب الاسم أو الصفة في جملة مفيدة بكون ذكر وبعدين الملايكة بتأمن و بتكتب وانشاء الله يستجاب، الله حي، الله حي؟ في ذكر زي ده مش كده؟ الله حي الله حي الله حي. ما في ذكر زي ده. يا حي يا قيوم يا حي يا قيوم يا حي يا قيوم! ده الذكر الموجود! الله حي الله حي الله حي! ده ما ذكر ما فيش كلام زي ده. يالطيف (يكررها) ده ما هو ذكر. يالطيف ألطف ذكر. يالطيف ألطف برحمتك كده تجيبها في جملة مفيدة. جيب الذكر ده في جملة مفيدة أو الشئ الأكيد ترجع لسنة النبي محمد صلى الله عليه وسلم، كيف بيذكر الاسم بجيبو في جملة مفيدة، كيف بيذكر الصفات بجيبها في جملة مفيدة، ده أحرى ليك وأحسن ليك، بدل تصنع ليك حاجة وتستحسن حاجة من عندك، خير الهدي هدي محمد صلى الله علية وسلم ومحمد صلى الله عليه وسلم دعا الله بأسماء كتيرة وبي صفات كتيرة، أرجع للسنة بتلقى الطريقة الانت بتذكر بيها الله سبحانه وتعالى وربنا انشاء الله يعينك في ذلك، لكن ما تستحن حاجة من عندك عشان يتدخل الشيطان ويخربك، يخرب ليك الموضوع، أحسن تبحث عن الشي الفيك ده شنو، مثلا أنا ما تسهلت أموري، في شي تعسر علي، في دعاء لذلك: اللم لا سهل إلا ما جعلته ـ شنو دي السنة ـ اللهم لا سهل إلا ما جعلته سهلا وأنت تجعل شنو؟ لا ما الحزن، شنو؟ ما الحزن شنو؟ اللهم لا سهل إلا ما جعلته سهلا وانت تجعل الحزن ـ كتير الناس بغلطوا في ( يعيد القراءة بتكرار نص الدعاء مستخدما مرة لفظة الحزن بفتح الحاء ومرة بضمها ـ عدة مرات ويناقش مع الجمهور) ، الحزن بسكون الزاي وفتح النون والحاء القبلو الحاء القبلو فاتحة والزاي مسكون والنون فاتحة الله لا سهل إلا ما جعلته سهلا وأنت تجعل الحزن ان شئت سهلا، والحزن المنطقة الصعبة الشي الصعب فيهو السير اسمو الحزن، يبقى ده انت داير تذليل تجيب الدعاء ده، لانو ده في السنة، ربنا بسهل ليك، بدل ما تصنع ليك شي وتستحسن ليك سي تجيب ليك كده جمل من عندك لكن لو رجعت للسنة بتلقى أي مشكلة.. في الكتيب الصغير ده اسمو حصن المسلم ده سمح جدا أي مشكلتك دي مما تقوم من النوم لغاية ما تجي راجع تنوم موجود مشاكلك دي كلها، ماشي تآسي ناس معروف بتقول شنو زي الكلام القبل شوية الشيخ قالو، ماشي طالع من بيتك تقول شنو، خاشي بيتك تقول شنو، خاشي المسجد تقول شنو، جايي، ماشي السوق تقول شنو، جيت راجع، ده كلو موجود في حياتك دي، خفت ليك من ناس قدامك هناك تقول شنو، خايف ليك من زول تقول شنو، حياتك دي كلها بتلقاها انشاء الله في الكتيب الصغير ده والصيغة الموجودة هي صيغة من محمد صلى الله عليه وسلم، يبقى ده أحرى ليك من أنك تبتدع ليك ولا تستحسن والاستحسان ده مشكلة لأنو بدخلك في كلام كتير وبخليك مبتدع، فترجع للسنة انشاء الله.

    كيف يكون من هذا سبب في حضور الروحانيون؟ لأ أنك انت يوم تقول يا الله يا الله يا الله (يكررها) ماهو ذكر وأي شي ما مسنون عرضة لتدخل الشياطين، أي شي ما مسنون عرضة لتدخل الشياطين، يبقى انت بي ذكرك ما شي كتير يمكن يتعرض ليك الشيطان انت بقيت كده انت بقيت كده يعمل ليك حاجات ومسألة تخش في متاهات يبقى انت اذكر المسنون وانشاء الله ما بتحصل ليك عوجة لكن أي شي ما مسنون أنا بقول ليك عرضة للشياطين، لأنو الشيطان ذاتو يوم يلقاك انك انت ابتدعيت من عندك استحسنت من عندك حيتدخل، ودي المشكلة ذاتها الهسع خاشة فيها الناس، مافي شي البحر ما بيابا الزيادة، في واحد كان بيناقشني صعب خلاص، رجال صعب سني هو جا قال لي ياخي ـ الشيطان ضللوـ أنا الليلة جيتك بخبر جديد قلت ليهو شنو؟ قال لي لقيت أنو أفضل من السور القصيرة دي قال لي لقيت الإخلاص لو الواحد قراها مرة واحدة بتعدل ثلث القرآن، قلت ليهو صدق، في الأجر. قال لي لو قراها تلاتة كأنما قرأ القرآن كلو، قلت ليهو نعم ده كلام صحيح، قال لي ياخي، قال لي ياخي رايك في الاخلاص دي شنو؟ قلت ليهو ما عندي راي، تمام التمام، قال لي الكلام ده صحي؟ قلت ليهو الكلام ده صحي. قال لي أنا تاني بصلي بالإخلاص قلت ليهو صلي بيها. حبا فيها؟ قال لي حبا فيها. قلت ليهو صلي بيها ما في، الراجل ده مشى وبعد فترة جا الشيطان لعب بيهو واستحسن بس بيصلي بالاخلاص، حتى وأنو جا وناقشني في موضوع الصلاة، قال لي أنا في الركوع بدل أقول سبحان ربي العظيم وبحمده، أو سبحان ربي العظيم تلاتة مرات بنقرأ قل هو الله أحد تلاتة مرات، قلت ليهو حرام! قلت ليهو حرام عديل القرآن لايقرأ في الركوع، حرام، والقرآن لا يقرأ في السجود، حرام، قال لي ياخي أنا غنيت؟ قلت ليهو ما غنيت، رايك في الاخلاص شنو قلت ليهو ما عندي راي، قال لي تاني ما عندك راي اسكت، أنا بدل أقول سبحان ربي العظيم بقول قل هو الله أحد تلاتة مرات، يكون عندي أجر القرآن، أسجد السجدتين يكون عندي أجر قرآنين، يعني في السجود الأول حأقول سبحان ربي الأعلى تلاتة مرات أقرا قل هو الله أحد تلاتة مرات، بقى في النهاية غير صلاتو حتى بدل سمع الله لمن حمده بقول قل هو الله احد الله الصمد لم يلد ولم يولد ولم يكن له كفوا أحد، شوفو الاستحسان ويجي يحاججك ابتدعت شي من عندي رايك شنو في القرآن؟ رايك شنو في الاخلاص، شوفو الشيطان، في النهاية الرجل ده أخيرا خلى حتى الصلاة، قال هو وصل وربنا عفا عنو وغفر له ما تقدم من ذنبه وما تأخر وموضوع انتهى، هسع الآن بيشيل الورق وبيدخل في جيبو وماشي أنو هو الخضر، هو الخضر، خلاص الموضوع انتهى، شوفو الاستحسان، وفي أفضل من الكلام ده، قل هو ، توحيد، لكن ما تستحسن من عندك وتشتغل راي من عندك، ارجع للسنة لو ترجع للسنة والله ما بتجيك عوجة، لكن والله لو تذكر أي اسم بي طريقتك الخاصة مافيها شي ما غنيت ما رقصت ما بتاع ده دين، وتاخد على كيفك والله تضل والشيطان بيتدخل، الله يبارك فيك، معليش الأسئلةاباقية دي ما بنقدر نجتوب عليها انشاء الله لآنو اسئلة كتيرة والناس ملتوأنا ذاتي الحقيقة تعبت فنسأل الله السلامة.

    أيوه الراجل ده هنا جاب لينا ورقة وفيها كلام عجيب، ودي قال من العين، نقرأ ليكم جزء منها، اذا السماء انشقت. عين العائن دقت، والسماء ذات البروج عين المعيان تموت، والسماء والطارق عين شنو ما عارف هنا مشطوبة، التطبيقة بتاعة الاسمو أخفت مني الكلمة، المهم كلمة من القرآن ويدخلو كلمة آية تانية ياهو ده ذاتو الخزعبلات وفي النهاية كاتب هنا خاتم وهنا خاتم وجرجرة هنا خاتم آدم وهود وطه ويافث ونوح نفس الكلام البنقولو ياهو ده، ودي قال من العين دي ذاته بتجبد ليك العين مش تمترس العين دي الشغلة الما أنزل الله بها من سلطان، العين دي الرسول صلى الله عليه وسلم قال بداووها باشياء معينة غسل، تكلمنا عن غسل العين؟ ما تكلمنا طيب أظن ما تكلمنا بنرجأ انشاء الله طريقة أسرع للعين طريقة الغسل وحنجي هنا نعمل الكيفية بتاعة الغسل انشاء الله لأنو انت ربما تكون العائن ذاتك انت ذاتك لأنو الرسول صلى الله عليه وسلم يقول في حديث ليهو كلكم معيانون إلا من بورك، إلا من قال تبارك الله وفي حديث آخر: يقول فيه الرسول صلى اله عليه وسلم تدخل الرجل القبر وتدخل الجمل القدر، ويقول الرسول صلى الله عليه وسلم أكثر من يموت من أمتي بعد قضاء الله وقدره بالعين، دي كلها أحاديث في العين وأحاديث غيرها في العين، وانشاء الله نجي نتكلم في العين ونشوف أسرع طريقة لخروج العين من المعيون نعمل ونمثل مرتين تلاتة عشان الناس تفهمو لأنو ربما تكون انت غفلة من غفلاتك عنت ليك زول، ويمكن الزول ما بعيد جناك، وأكتر ناس بضرو الناس الأم والأب، وخاصة الأم بتضر جناها وهي ما عارفة، من جهلها والانسان مش بضر الآخرين، بتضر حتى نفسك لكن في فرق، بين شخص وشخص، شخص نفسو بتتفاعل بي سرعة بحاضرك بالعين، وشخص نفسو بتتفاعل ببطء ما بحاضرك بالعين، أنا أصيبك الآن بالعين وما تلحقك إلا بعد أسبوع، بعد شهر، كلن في شخص آخر يشوفك الآن يعلق طوالي انت تنضر، ده يعني الفرق بيناتنا، ده نفسو بتتفاعل بي سرعة ودي بطيئة، والعين بتلحق والعين حق، ونتكلم عن العين دي، انشاء الله بي طريقة تجربتنا والشغلة البنعرفها فيها ونوريكم طريقة الغسل ودي أسهل طريقة، ثم الايات المسنونة لعلاج العين انشاء الله ونسأل الله للجميع الهداية انشاء الله.

    اللهم علمنا ما ينفعنا، وانفعنا بما علمتنا، وارزقنا علما ينفعنا، وعملا يرفعنا اختم بالباقيات الصالحات أعمالنا ، استر عوراتنا آمن روعاتنا فرج كروبنا اغفر ذنوبنا ، تول أمرنا، احسن خلاصنا، فك أسرنا ارحم ضعفنا، عجز الطبيب فداونا، ظهر الفساد فنجنا، قلت حيلتنا فتولنا، اللهم اجعل جمعنا هذا مرحوما واجعل تفرقنا من بعده معصوما، ولا تدع فينا و لا بيننا شقيا ولا محروما، أوردنا حوض نبينا، اشملنا بشفاعة حبيبنا، اسقنا من حوضه شربة لا نظمأ بعدها أبدا، آمين آمين آمين، والسلام عليكم ورحمة الله.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
22-02-2008, 03:57 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة السابعة
    علامات الساحر
    باسم الله إن الحمد لله نحمده ونستعينه، ونستغفره ونعوذ بالله من شرور أنفسنا ومن سيئات أعمالنا، من يهد الله فهو المهتد ومن يضلل فلا هادي له، وأشهد ألا إله إلا الله وحده لا شريك له،وأشهد أن محمدا عبده ورسوله، يا أيها الذين آمنوا اتقوا الله حق تقاته ولا تموتن إلا وأنتم مسلمون، يا أيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام إن الله كان عليكم رقيبا، يا أيها الذين آمنوا اتقوا الله وقولوا قولا سديدا،يصلح لكم أعمالم ويغفر لكم ذنوبكم ومن يطع الله ورسوله فقد فاز فوزا عظيما وبعد..

    فإن أصدق الحديث كتاب الله، وخير الهدي هدي محمد صلى الله عليه وسلم، وشر الأمور محدثاتها، وكل محدثة بدعة وكل بدعة ضلالة وكل ضلالة في النار، أعاذني الله وإياكم من النار ومن غضب الجبار، وبعد، السلام عليكم ورحمة الله،
    لكم العتبى حتى ترضوا انشاء الله لأنو حصل لي عذر الجمعة الفائتة تأخرت في اللحظات الأخيرة كنت جايي يعني لكن قدر الله وماشاء فعل، نظرا لإطالة الخطبة وفعلا هي تستحق أكثر من ذلك، انشء الله نختصر الليلة الحلقة تكون بسيطة جدا حتى أنو نتيح للناس تمشي لأنو الزمن زي ما شايف فات شوية، فنتكلم بسيط عن علامات الساحر حتى تتجنبوا، وإذا أتيحت لينا الفرصة ممكن نتكلم عن العين ودي أخطر شغلة وبتحتاج لكثير من التوضيح، شغلة العين دي لأنو العين دي لإلا من رحم الله، فعلى كل أنحنا نتكلم انشاء الله عن علامات الساحر عشان تعرف بيها الشخص الذي يمارس السحر وهو ما معلوم لدى الناس أنه ساحر،لأ، الشيخ الفلاني ولا الفكي فلاني ولا مولانا فلان. ولا أبونا فلان ولا الخليفة فلان، في علامات معينة لأي مسمى من المسميات دي لقيت الإنسان فيهو صفة من الصفات دي اتأكد أنه ساحر، اتأكد تمام أنه ساحر، وده يمارس السحر بطريقة ذكية جدا، ما معروف للناس ساحر لأنو معروف أبونا وشيخنا ومولانا فلان والخليفة فلان وفلان لكن هو ساحر، السحر هو الأصل، أما فروعه كثيرة، فروع السحر ده واحد من فروع السحر، يعني أي انسان مشيت ليهو سألك من اسمك واسم أمك اتأكد أنه ساحر، اتأكد أنه ساحر، لأنو مافيش مناسبة تخليهو يسألك عن اسم الأم، على الإطلاق، مافيش حوجة لإسم مع إسم الأم إلا لأنه ساحر، وهو يبرر ليك كلام كتير جدا عشان يقنعك بأسلوب معين، وديل عندو سليطين لسان لأنو بتعاونو مع عالم الجن وربنا ذكر الكلام ده في القرآن، {وَكَذَلِكَ جَعَلْنَا لِكُلِّ نِبِيٍّ عَدُوّاً شَيَاطِينَ الإِنسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُوراً وَلَوْ شَاء رَبُّكَ مَا فَعَلُوهُ فَذَرْهُمْ وَمَا يَفْتَرُونَ } (ملاحظة : أخطأ حامد آدم في ذكر هذه الآية حيث قال: ولقد جعلنا وكذلك قال عدو بدلا من عدوا وحتى الجهلة في النحو من أمثالنا لايمكن أن يقول عدو فهي واضحة عدوا مفعول به منصوب وهذا يثير التساؤل عن حقيقة ادعائه حفظ القرآن ؟؟؟!!! ) زخرف القول ده كثير يقنعك بأشياء كثيرة أنه غير ساحر، لكن أول علامة من علامات الساحر أنه يسألك عن اسم أمك، وأنحنا شرحنا موضوع الأم تقريبا مش كده؟ وورينا سر الشغلة بتاعة الأم، فأي سؤال يسألك ليهو ولا جيتو لي مشكلة عن شخص معين قال ليك اسمو منو واسم أمو منو وأمك منو طوالي قوم انسحب من الموضوع ده بي طريقة ذكية، انسحب منو عشان هو ما ياخد عنك فكرة سيئة ويضرك لأنو ديل كلهم مضرين، بكل صراحة، لو شعر أنو انت شعرت أنو زول ما مستقيم وبتحاول تفوت يمكن يسعى لضررك وأنه ساحر أكيد، فدي أول علامة، علامة تانية من علامات اللي هو بفتح الكتاب، فتح الكتاب فتح الكتاب ده سحر نوع من التكهن، برضو تنسحب منها، قال ليك نفتح ليك الكتاب أو قال ليك نرقد ليك في الخيرة، بنفتح ليك الكتاب قام عمل السبحة كده طوطوه طي معين، قام شال ليك سبحة قال ليك أمسك واحدة، قال ليك أطأ بي قدمك الأرض رمالي، الوداعي، قارئ الكف، قارئة الفنجان، الجرايد برضو بتاعة الأبراج ديل برضو فروع من فروع السحر، دي كلها فروع من فروع السحر أي واحد لقيتو بمارس الشغلانية دي ساحر. اضافة لذلك كتب ليك حجاب قال ليك ألبسو تأكد أنه ساحر، كتب ليك بخرة كتابة، في بخرتين هي بخور وبخرة، بخور من أعشاب من غير طلاسم ومن غير همهمة وكلام ما فيهو شي، جايز، لأنو في كتير من الأشياء ممكن تعمله خاصة الصداع يعني وذكرنا قبل كدي الكلام ده، الأشياء البتستعمل للصداع من غير كتابة، ومن غير نفس وكلام همهمة، فالبيدوا البخرات ديل أي انسان مشيت ليهو أداك بخرات في وريقات قال ليك امشي اتبخر بيها تأكد أنه ساحر، بتفتح البخرات دي، وفي واحدين سليطين كمان، البقول ليك البخرات دي ما تفتحها اتبخر بيها كده لأنو إن فتحتها ما بتتعالج تاني، خالص، بقنعك بي دي، كتير من الناس جابو لينا بخراتهم قالوا لينا خوفونا الناس دي قالوا لينا كان فتحت البخرة دي وجع راسم أصلو مابتعالج، تاني خلاص مدى الحياة، وكتير منهم بقول ليك السحر ده محروس، سحر أسود سحر محروس بسحر وده ما بنفك إلا بطريقة معينة اتأكد أنه ساحر، ديل كلهم سحرة، الكتب ليك حجاب قال ليك ألبسو في ضراعك ولا ألبسو في رقبتك ولا ألبسوا في صلبك ولا في أي موقع من المواقع ده ساحر، قال ليك شيل الورقة دي وختها في الدكان ختها في المحل الفلاني ختها في البيت ختها في البتاع ورقة ملفوفة تأكد أنه ساحر، لو جيت فتحت الورقة دي بتلقى فيها أشياء كتيرة جدا، هي ما من الدين في شي، أشياء هي ما من عمل الدين من عمل السحرة وهم سليطين بصراحة سليطين لسان بقول ليك ديل من الأسماء السريانية تلقى ورقة يديك ليها لو لقيت فيهو كلام مثلا مثلا سهسوبي مهمهوبي سعدبابيل صعصع مشكك شكشك الأشياء دي يقول ليك أسماء سريانية ويدخلها في القرآن بسم الله الرحمن الرحيم ويدخل الأشياء دي، بسم الله يدخل الأشياء دي الرحمن يدخل الأشياء دي الرحيم يدخل الأشياء دي، الله لا إله إلا هو يدخل الأشياء دي، صم بكم عمي فهم لالالا ده ساحر. ده ساحر أكيد،كويس، بعد ما يدخل لالالا يدخل أشياء زي دي، لو سألتو ببرر عندو مبرر وفي الزمن ده قال ليك ما تسأل عن التبرير لأنو أي شي عملوه أعدوا له الإجابة، أي شي هم بيعملو أعدو ليهو الإجابة جاهزة، يعني عندهم مبررات فاسأل عن الحق لكن لا تسأل عن الأشياء دي، دي تلقاها طوالي بقول ليك يامولانا أيوه ياخ أنا شايف هنا صم بكم عمي فهم لايبصرون أو فهم لالالا ده تزوير لالالالا فهم لا شنو؟ ما بكملها ليك، وده تزوير، لو اسمك أحمد وقلت لي أح أح أح يعني شنو؟ أحم أحم أحم يعني شنو؟ ما مزور، اسمك أحم؟ اسمك أح؟
    يب صم بكم عمي فهم لا ليه ما يكملها؟ ما داير يكملها ليه؟ ما بكملها ليك بخليها كده ده تزوير ده تبديل ده تحريف ده ضلال، ده لعب بالقرآن، ديل سحرة تماما، أي ورقة أدوك ليها فيها طلسم اتأكد أنو هذا الشخص ساحر، لكن ما طوالي تقوم تبادرو أنك انت ساحر وانت كذا وانت كذا وانت كذا المسألة دي خطيرة في حقك لأنو الناس ديل ملاعين ما بخافوا الله أيا كانوا هم ما بخافوا الله خاصة لو واجهتو المواجهة دي طوالي يسعى ويرسل ليك مجموعة من الجنون يحاولو يضروك، انت بس انسحب من الموضوع ده حتى لا يشملك حديث النبي صلى الله عليه وسلم، يعني حديث النبي قال شنو؟ قال من أتى كاهنا أو عرافا فصدقه فقد كفر بما أنزل على محمد صلى الله عليه وسلم،وإذا انت مشيت وانت ما مصدقو مشيت من خاطر أي انسان وديتو ليهو أو مشيت رفقة للإنسان ده مشيت ليهو وانت ما مصدق المجرم ده / المجرمة دي ما مصدقها، ربنا ما يقبل منك صلاتك أربعين يوم، حديث صحيح في مسلم، يبقى المشي لهؤلاء خطير جدا جدا ما تمشوا ليهم، لكن لو صدفة أنك محتاج لي شي معين وتحسب أنه رجل صالح، ظن في الناس الصلاح ظن في الناس الخير ما تظن فيهم الشر، مشيت لي شيخ معين بيقرأ رقية، مشيت ليهو لي مشكلة ووضح ليك أنو بتخذ أي أسلوب من الأساليب الشركية انت في الحالة دي ما بيشملك الحديث لأنو أنت تحسب أنه رجل صالح لكن عندما مشيت تبين ليك أنه رجل سحر طوالي تنسحب من الموقع حتى لا تخض وتقعد وتسمع لو اتأكدت أنه ساحر وقعدت عشان تسمع، طوالي خشيت في الحديث، لكن أول ما تأكد ليك أنه ساحر انسحبت بأي أسلوب فيمكن ما يشملك الحديث، لأنك انت جاهل ما عارف أنو هذا الشيخ بتعامل مع الشياطين وبتاع، فهم حجتهم أنو الحتة دي أسماء سريانية أسماء كده عشان يبرر ليك، ومافيش مناسبة لأسماء سريانية في لغة عربية، هو القرآن عربي ما قال يقرو بالسرياني، وأسماء الله الحسنى الربنا أمر ندعوه بيها تسعة وتسعين وفي أسماء أثبتها النبي صلى الله عليه وسلم على الله من أسماء الله، يبقى دي أنحنا حدنا يقيف في ده، أنحنا الرسول صلى الله عليه وسلم ما قال تقول سهسوبي بالاسم السرياني لأنو اسم من أسماء الله الحسنى، لأ، ده كضب ودجل وشعوذة،وبعدين الناس البقولو الكلام ده مدعومين من ناس كبار جدا، في بروف بيدعم الكلام ده، بيدعم الكلام ده أنو بقول الأسماء دي من الأسماء السريانية، برروف والله الذي لا إله إلا هو، بقول سهسوبي ده اسم من الأسماء السريانية شوفوا الراجل ده وضلالو، أضل بني آدم في الخرطوم دي، بروف بقول سهسهوبي اسم سرياني. اسم سرياني من الأسماء السريانية وهي من أسماء الله. من أين لك الدليل يا بروف ياضلالي. شهادتك دي موصها أشرب مويته والله الدي لا إله إلا هو هذه الشهادة لا تساوي عند الله جناح بعوضة. دي أدوك ليها في الدنيا هنا عشان تاكل بيها عيش، امشي قابل رب العالمين قول ليهو سهسوبي ده، يوم القيامة امشي بشهادتك دي قول ليهو يارب العالمين أنا بروف دخلني الجنة تقول كلام زي ده امشي بي شهادتك دي، والله يدخلك النار، دي شهادة أدوك ليها ناس الدنيا عشان تاكل بيها عيش ما تفتي في شي ما عندك بيهوعلم، وليه بس دخلت السريانية هنا في اللغة العربية مناسبة اللغة العجمية في اللغة العربية وخاصة القرآن شنو؟ في ضرورة بتخليني أدخل رطانة أي رطانة أدخلها في داخل القرآن؟ حتى كلام عادي عربي ممنوع تتدخلو في القرآن. اقرأ القرآن ده صافي كامل واسأل رب العالمين. هكذا. لكن ما تقول بسم الله وتدخل لغة عربية الرحمن وتدخللغة عربية الرحيم وتدخل لغة عربية تلخبط المسألة وتخليها، لأ، ده كلو مبررات للأفعال البفعلو بيها وهم سحرة وما معترفين بالسحر، هم سحرة تماما ما في زول فيهم بيعترف بالسحر، وزي ما ذكرنا قبل كده قلنا أي ساحر اشتغل السحر ما برجع وبتوب أبدا، خالص إلا من رحم الله، وخاصة لو الزول دخل في عالم الجن، لأسباب كتيرة جدا جدا جدا، أولها الجاه والأبهة والناحية الاقتصادية، ثم تانيا مافيش انسان... انتو كلكم قاعدين، ملايكة؟ ما ملايكة. معصومين من الخطأ؟ في زول بقعد قدام الناس يتكلم عن خطأه، لأنها مسألة برتكب فيها أخطاء كتيرة جدا ما بقدر بجي يتكلم ما في زول جرئ يقعد للناس قدامهم بقول ليهم أنا عملت الخطأ الفلاني أصلو، كلكم القاعدين ديل عملتو أخطاء اتحدى أي واحد فيكم يجي يقعد لي هنا ده يقول لي أنا والله في حياتي عملت جريمة كذا وعملت كذا وعملت كذا، زي ما أنا بتكلم وأنا صاحب تجربة في الشغل ده، دي كلها جرايم عملتها أنا وأتحدى فيكم أي واحد يجي يقعد هنا ويتكلم عن جرايمو، في زول بقدر بتكلم؟ ما في زول، ما في فيكم زول فيكم شجاع يجي يتكلم عن جرايمو السواها؟ ليه؟ ولاإنتو ملايكة؟ ارتكتبوا الذنوب ولا ما ارتكبتوها؟ دي واحدة من الأسباب البتخليهو أنو اذا كان تاب تاني ما بتكلم بسكت. لأنك الناس دي كلها مامكن تعرفك أنك تعمل كذا بتزنى بتكضب بتسي للقرآن كذا بتكتبوا بي نجاسات بتاع بتنقصو بتزيدو، دي واحدة من الأشياء البتخليهو أنو ما يتكلم، تاني من الأسباب أنو عداء، عداء عالم الجن والشياطين، الاتنين بيعادو، وأخطر شي يعاديك الجن، أخطر من أنو يعادوك السحرة، لأنو الجن لا بنوم ولا بكل ولابمل، ليل ونهار هو متابعك، اذا كان انت دخلت فيهم وتجي تتكلم فيهم ما بخلوك أبدا، إلا تكون حذر جدا وتتحصن وربنا يحميك منهم، عشان كدي هم ذاتهم ببروا شوف التبريرات: الناس الشغالين الشغل ده ببروا بقولوا شنو؟ ببروا الكلام ده وما يتكلموا بيهو للناس ببروا شنو؟ بقول ليك ده اسمو علم الحقيقة، الشغلة الضلالات دي بقول ليك ده علم الحقيقة، بقول ليك في ظهر وباطن عديل، في علم الظهر وفي علم الباطن، أنحنا بنشتغل بالباطن، الشيوخ دي، الناس الواصلين ديل بشتغلوا بالباطن والناس العوام بشتغلوا بالظاهرـ اذن علم الحقيقة ـ ده اسمو علم الحقيقةـ حق اليقين، عين اليقين، العلم اللدني علم المكاشفت ده تسمية وده زخرف القول، ده تلمع للمدسوس والضلال والكفر والشرك، بلمعو ليك بطريقة زي دي بلمعوا ليك علم الحقيقة، بلمعو ليك العلم اللدني علم المكاشفات علم الأسرار، سر وجهر بقول ليك وعلم الحقيقة من أباح بسره ـ شوف الشغلة ده واحد منهم ـ علم الحقيقة من أباح بسره للغير ـ انتو ديل غير لأنو ما عارفين علم الحقيقة، كلكم ما عارفين علم الحقيقة لأنكم بقيتو غير، يعني
    علم الحقيقة من أباح بسره للغير أهدر ماله بعد الدم
    لم يستطع موسى الكليم لخضره صبرا عليه فكيف بالمتعلم
    شوفوا الشغلانية دي شوفوا الراجل ده سليط لسان ولا ما سليط لسان، ده ما زخرف بتاع قول باشتراك مع عالم الجن والشياطين؟ فعلا هذا الرجل الألف هذه القصيدة رجل شيطان من شياطين الانس يتعاون مع شيطان من شياطين الجن عشان يجيهو بيت الشعر ده في قالب كده لطيف تقبلوهو وتعتقدوا اعتقاد جازم انو الدين ده فيهو سر وفيهو جهر في ناس بتعاملو بالسر بي أسرار الشغلة والعوام بتعاملو بالجهر حتى كمان يبررها ليك بقول ليك الصلاة ذاتها فيها سر وجهر، ويبرر ليك بي شريعة موسى والخضر قاصد الحتة دي. شغلة موسى والخضر، الخضر عندو العلم اللدني ـ وعلمناه من لدنا علما ـ الخضر ده نبي لأنو العلم اللدني من عند الله، وعلمناه من لدنا علما، ربنا علمو هو بي طريقتو، وده نبي، ربنا بنزل ليهو وحي، بنزل ليهو ملك، بيوحي ليهو، ده شي مفروغ منو، الأنبياء والرسل ربنا بيوحي ليه، لكن الأوليا الصالحين العاديين ربنا بنزل ليهم وحي بنزل ليهم جبريل؟ بتكلم معاهم؟ ما بتكلم معاهم. يقول ليك علم الحقيقة من أباح بسره أهدر ماله بعد الدم لم يستطع موسى الكليم لخضره صبرا عليه فكيف بالمتكلم يضرب ليك مثل بموسى والخضر موسى ده شغال بالظاهر والخضر شغال بالباطن وده رسول وداك نبي الرسول ما قدر حاسب النبي. تبرير ما بتقدر تنفك منو كلو كلو. ولكن عين الضلال والله إنه ضلال كبير جدا، يبرر ليك بالكلام ده ويمكن يبرر ليك بأساليب آخرة كتيرة جدا لكل منهم له أسلوبه الخاص، عشان يقنعك بيهو ويوريك أنو هو شغال شغل صح وده لعلم الباطني وكتير منهم وأشجع واحد ـ وبالمناسبة الناس ديل كلهم هم والحلاج وبن عربي واحد والله كلهم متشركين في قاعدة واحدة، كلهم والله الذي لا إله إلا هو، يبررو ليك بي شغلة زي ده حتى يوصلوك لي رب العالمين، زمان لمن كنا شغالين الشغل ده شيوخنا نجالسهم وفي مجالس خاصة قال لينا الواحد ممكن يصل ـ عندنا جلسة الحضرة النبوية يعني جلسة الحضرة النبوية بجي يحضر فيها النبي محمد صلى الله عليه وسلم، وده ما بشوفها إلا القطب، الأوتاد والنقباء والنجباء ديل ما بشوفوها بشوفها القطب، لأنو في بعض الأذكار هنا في الخرطوم موجودة، بيذكروا ذكر معين بعد شوية يقوموا فوق، مرحبا يا مرحبا بالمصطفى، ما معنى القومة الفوق ومرحب يا مرحبا بالمصطفى؟ معناها شنو؟ انتو قايلين المسألة دي عادية؟ لأ. معناهو المصطفى جا وصل صلى الله عليه وسلم. معناهو محمد جاء وصل في الذكر ده جا وصل عندنا هنا في مسجد محمد عبد الكريم والجماعة البي غادي برضو في المسجد داك وصلهم، وكلو في لحظة واحدة تلقاهم ديلك قاموا وديلك قاموا، شغلة ذاته عجيبة جدا جدا، ونقولوا ليهم جانا أنحنا هنا، أها و جاكم انتو في دنقلا؟ أيوه نعم، وجاكم انتو في الجنينة؟ أيوه نعم، وجاكم انتو في أركويت؟ أيوه نعم. وجا الجماعة ديل وكلهم في لحظة من اللحظات بقيفوا فوق جاهم هو، و شخص واحد هو النبي محمد صلى الله عليه وسلم، هل يعقل هذا الكلام؟ هوالمسألة تلفزة ولا شنو؟ المسألة ضلالات ما أنزل الله بها من ضلال، قالوا لينا جلسة الحضرة النبوية ودي كنا قاعدين نشوفها، أنا يوم وصلت القطبية كا يوم تجي تذكر زي ده عندنا حاجة بيضاء بنفرشها في النص الحاجة البيضاء بشرط أن تسع ستة أشخاص، المفرشة البيضاء دي قماش، قاعدين في حلقة والقماش ده قاعد قدامنا، معنى الكلام ده شنو، ده محل بتاع مجلس النبي محمد صلى الله عليه وسلم، بنصل مرحلة معينة من الذكر، الزول التاني لي، كقطب بقول لي قطب، كلمة قطب دي شفرة، الذكر الكنا بنذكر فيهو بنغيرو لذكر الخواص، مثلا، دي مثال، الأذكار هي كثيرة لكن في ذكر كلكم بتعرفو : لا إله إلا الله، لا إله إلا الله أنحنا عندنا ليها ذكر العوام، الذكر الظاهر والعوام ديل الزيكم كدي، أما نحن الشيوخ الواصلين عندنا ذكر الخواص، وحتى الخواص ذاتهم عندنا ذكر خاص الخواص وذكر خاص خاص الخواص، عندنا حاجات زي دي، مع العوام كلمة لا إله ـ ده مثال ـقد نذكر لا إله إلا الله وقد نذكر غيرها، وقد نكر البسملة وعندنا ليها نظام بتاع تغيير، لكن نقول كلمة لا إله إلا الله، كيف أنحنا بنغيرها ونعملها ذكر للخواص وذكر لخاص الخواص وخاص خاص الخواص؟ مثلا نجي نفرش فراشنا ده ونجو الحلقة ونبدأ بذكر العوام ذكر الظاهر : لا إله إلا الله (يكررها) بعد شوية : القطب: بنغير لا إله إلا الله للاسم المفرد: الله الله (يكررها) القطب: آها دي الشفرة التانية نغير الله نقسمها النص انا بجيب جزء من اسم الجلالة وانت تكمل اللـ هو (يكررها) انا بقول اللـ وانت تقول هو بعد شوية : قطب : غيرناهو من ذكر الخواص لخاص خاص الخواص، خاص خاص الخواص كلمة الله دي بنسحبها بقى خشينا في باطن الذكر في اليقين في حق اليقين في عين اليقين، في الذكر اللدني ده علمنا ليهو الله من لدنه يعني شنو الله دي بنسحب كلمة الله وبنشتغل بي هو : هو هو هو (يكررها) كلاب بس. شفت كيف يقول ليك ذكر.

    ده غيرناهو. شوف الشغلانية دي ماشة كيف؟ شوفو ابليس ده بستدرج الناس كيف؟ أفضل ذكر ورد في الكون هو لا إله إلا الله. مافيش أفضل منو، لكن شوف الشيطان و تسليطه على بن آدم، هذا الذكر العظيم يستدرجك يستدرجك لمن تعملو كلام ما أنزل الله به من سلطان على الإطلاق، يعني من لا إله إلا الله تختصرها لي الله، وبعد تختصرها لي الله الله ذاتها تقسمها على اتنين وبعد ما قسمتها على اتنين بتكتفي بس بالهاء: هو (يكررها) ينبحوا كلاب بس ويقول ليك ده ذكر. ده ذكر سنو؟ الناس الواصلين. دي الشغلة ذاتها، فشغلة ما انزل الله بها من سلطان، ولا في ذكر بقول الله، زي ما ذكرنا قبل كدي، قالوا لينا في جلسة الحضرة الالهية، طبعا دي جلسة الحضرة النبوية، بعد ما نذكر الإذكار دي ونصل الحتة دي، وصلنا خاص خاص الخواص، بيحضر فيها النبي محمد صلى الله عليه وسلم، أنا كقطب بقوم أول زول، أول ما شافوني أنا قمت هم يقوموا، أنا يوم بقوم بشوف في نور جاء داخل، نور أخضر وزي كده ما أخضر غامض أخضر فاتح ومتصور النور ده زي شكل البني آدم، شكل بني آدم بس، ده أول القدام ده منو؟ هو النبي محمد، عليكم السلام أنا بسلم انتو ديل قاعدين ساكت مدنقرين ساكت، أنا القطب، شيخ الطريقة وشيخ الحلقة، بسلم للنبي صلى الله عليه وسلم، السلام عليكم، بفضلوا اتفضل، السلام عليكم، التاني عارفنو منو؟ أبو بكر. اللي بعدو عمر، اللي بعدو عثمان، واللي بعدو علي، بنجلسهم، بعد ده شيخ الطريقة بتاعي، ده السادس، قلنا الحتة تسع ستة نفر، محمد صلى الله عليه وسلم والخلفاء الأربعة، ببقوا كم؟ والشيخ ستة. دي الحتة. بي حتة تسع ستة أشخاص. بعد ده بنخشوا في الأذكار وبتاع وبننهوا الأذكار بي طريقة معينة، وكلام يعني ما فيش لزوم ليهو والله شغلة شغلة شياطين تماما، شواطين من الانس مع شواطين من الجن يتعونوا ويشتغلوا شغل ما أنزل الله به من سلطان، وبعد ده كنا بنتكلم وواحد من الشيوخ ذكر لينا كلام غريب جدا جدا، يعني نتحرك من جسلة الحضرة النبوية إلى جلسة الحضرة الإلهية، الله، حنمشوا لي الله كمان! نجلسوا معاهو هناك، حنمشوا لي الله نجلسوا معاهو، بقول ليك جلسة الحضرة الإلهية، واحد بذكر اسمو لغاية الآن اسمو الفاروق، قال لينا زمان كان مع شيخي ـ يحكي لنا ـ قال لينا زمان انو هم كانوا في جلسة الحضرة الإلهية، وكان يتسامر مع الله سبحانه وتعالى، ويتجادبون بعض الأحاديث، فخلاصة المسألة في نهاية الجلسة مع الله سبحانه وتعالى شيخي رضي الله عنه وعنا به آمين في نهاية المسألة طلب من الله ثلاثة طلبات: فأعطاه الله اثنتين ومنعه الثالثة. قال ليهو سمح، طلب من الله شنو؟ قال والله شيخي طلب من الله سبحانه وتعالى أنو في حياته من زاره، من زاره في حياته وتبرك به تكتب له حجة وعمرة ويشفع له يوم القيامة، فأعطاه، أي انسان الآن جيت زرت شيخ حامد تكتب لك حجة وعمرة ويوم القيامة بشفع ليك طوالي. بدخلك الجنة معاي. ولا عندكم شك؟ بيتي وين؟ عشان تزورني؟ خير انشاء الله بوريك ليهو! تكتب لك حجة وعمرة ويوم القيامة بدخلك معاي الجنة. قال اعطاه الؤال ده. والسؤال التاني؟ قال السؤال التاني قال لي رب العالمين أن بعد الموت من زار قبري وطاف به تكتب له حجة وعمرة وأشفع له ولذريته يوم القيامة. فأعطاه إياها. يعني أي زول بعد ما ييموت ويدخلو القبر ويعملوا ليهو المبنى ده تجي ما عليك إلا أن تصل البيت ده وتطوف بالشيخ الميت في هذا القبر فيوم القيامة تمشي تدخل الجنة طول، أول حاجة بشفع ليك بدخلك الجنة، ولو كنت كافر قال ليك يخش الجنة، وأسرتك أهلك مش القبيلة كلها لأ أسرتك زوجتك وأولادك وبناتك لكن أولاد الزوجة وأولاد البنات لأ ما خاشين في الشغلة، أيوه زوجتك وأولادك وبناتك، لكن الخرجو من ديل طبعا ما داخلين في الشغلة، قال فأعطاه إياها، قال ليهو طويس والله، رضي الله عنه وعنا به آمين، وطلب الله سبحانه وتعالى الثالثة، فلم يعطه اياها، قال الشيخ ده طلب من رب العالمين في الجلسة دي تلاتة طلبات أداهو الاتنين الذكرناهن وفي واحدة رفض قال ما بديها ليهو. قال ليهو ما هي ؟ قال ليهو والله شيخي طلب من الله سبحانه وتعالى أنو يوم القيامة أن يدخله النار فرفض. الشيخ طلب من رب العالمين يوم القيامة أن يدخلو النار قال رب العالمين رفض قال ليهو ما بدخلك النار، شوفو الكلام ده، شوفو الزول ده ما مفتري؟ في زول بطلب من رب العالمين يدخلو النر ورب العالمين رفض قال لي ما بدخلك النار؟ قال ليهو ليه الشيخ ده طلب أنو يدخلو النار. وليه رب العالمين رفض؟ قال الشيخ طلب من الله سبحانه وتعالى أن يدخله النار يوم القيامة فالله رفض قال ليهو ليه؟ قال رفض الله سبحانه وتعالى لأن الله يعلم علم اليقين وعين اليقين وحق اليقين لو أدخل شيخي في النار فشيخي سوف يتمرغ في النار فسوف تصير النار حشيشا أخضر لا يستطيع الله سبحانه وتعالى أن يعذب بها كافرا من بعده. شوفو الافتراء ده. إنا لله وإنا إليه لراجعون، والله ابليس ذاتو يقعد يستغرب والله ياخوانا البني آدم ده بالغ مبالغة ذاتو عجيبة خلاص، شغلة ذاتها والله ابليس ما بسويها، ابليس والله الذي لا إله إلا هو ما قال الكلام ده، وابليس بالمناسبة افهموا: ما حلف بغير الله شوفوا الغريبة دي، ما حلف بي طلاق، ما حلف بالنعمة ما حلف بالقوة، ما حلف بي أي شي ابليس، شفت بي لعاينو دي ما حلف بي شي إلا بي رب العلمين، لكن تعالوا شوفوا حليفتنا أنحنا: وحات الخوة، وحات الطعام، وحات العافية، علي الطلاق، وحات الشيخ فلان، شوفوا الشغلة دي.

    ابليس ذاتو يقعد يتفرج ويقول بسم الله الرحمن الرحيم والله البني آدم ده والله بالغ عديل، قال لأن الله يعلم علم اليقين وحق اليقين لو أدخل شيخي في النار فشيخي سوف يتمرغ يعني يتقلب يتمرغ في النار فسوف يتمرغ في النار فستصير النار حشيشا أخضر لا يستطيع الله أن يعذب بها من بعده كافرا، حشيش أخضر بعذب ليهو زول؟ شيخ لو دخل النار الغرض من الدخول هو طلب ليه لأنو الشيخ ذكي داير يفرض ذكاءه على الله قال ليهو أدخلني النار، قال الله عرف المقلب ده، ده مقلب الله عرفو، لأنو عرف نية الشيخ، الشيخ قال يدخلوه النار ليه؟ لأنو داير يشمي يخش للنار وبعدين يمقلب رب العالمين على انو حيتشقلب في النار دي النار كلها بتبقى حشيش أخضر بعد ده ربنا بيحتار كيف أنو يعذب الكفار بعد ما ناره كلها الشيخ ده قلبها ليهو حشيش أخضر. اتخيل الكلام ده. انا لله وإنا إليه لراجعون، دي جلسات الحضرة الإلهية، شوفوا الناس ديل بقولوا في شنو، كلام ما انزل الله به من سلطان والله أنه ده الشرك بعينه، لو في ذنب آخر أكبر من الشرك كان قلت ليكم الكلام الزي ده أكبر من الشرك، لكن مافي ذنب أكبر من الشرك، شوفو الناس ديل جرائتهم على الله وحلم الله عليهم، انسان يتجرأ على الله ويقول كلام بالشكل ده وربنا سبحانه وتعالى بعد ده يأكلو، ويشربو ويكسيهو، وينعمو في الدنيا يتنعم ويشم الاكسجين ده، ويتغذى منه، ما أحلمك يا رب العالمين ما أحلمك ، شوفو الانسان ده يتجرأ على الله شنو وربنا بعد ده كلو يعينو في أشياء كثيرة عشان يستفيد منها، بالله ده كان واحد أحمق كده زي أنا أسوي شنو؟ إنا لله وإنا إليه لراجعون، الناس ديل بسووا في كلام والله كلام خطير جدا.

    ديل علامات السحرة وعلامات كتيرة و عشان ما نطول للناس الحديث انشاءالله، المرة الجاية انشاء الله نجي نتكلم عن العين والحديث بتاع العين ده خطير شوية والناس حقوا تستفيد منها لأنو في صفات بتاع علاج بتاع عين ساهل جدا الناس تلحقو عشان تجي تسمعوا وتحضر معاها ورق عشان تكتب الكلام ده لأنو حل ساهل جدا للعين وموجود عند كل نسان تجيب ليك ورقة وتجيب ليك قلم تجهزو عشان المرة الجاية انشاء الله نجي نتكلم عن العين، وخطورة العين على الناس والناس ما جايبه ليها خبر، اما عشان تحمي نفسك من عيون الناس وعشان تحمي الناس من عينك دي كلها الانسان، والعين من خطورتها حدث فيها النبي محمد صلى الله عليه وسلم، والنبي ما بكضب، كلامو حقيقي، لأنو الله قال: والنجم اذا هوي. ما ضل صاحبكم وما غوى. وما ينطق عن الهوى. إن هو إلا وحي يوحى، يقول شنو؟ قال النبي صلى الله عليه وسلم أكثر من يموت من أمتي بعد قضاؤ الله وقدره بالعين، يعني المقابردي لومشيت لقيت فيها مثلا ألف نفر تتوقع انو الناس الماتو بالعين كم نفر،تقريبا، ده التقريب ساكت، تمنماية تسعماية نفر ده ماتو بالعين، لكن الناس ما عارفين ليهم زول واحد من الألاف الفي المقابر ديل فلان ده كتلتوالعين أصلو ماعارفين ، لآنو في أشياء كثيرة بتحصل من العين الناس ما بعرفوها، والناس بعدهم عن دينهم، الناس بتمشي تفتش أشياء ما بتسفيدوا منها لكن الأشياء البستفيدو منها ما بفتشوها عشان يعرفوا، لو بفتشوا في دي عن دينهم ده انشاء الله بعرفو حقايق كتيرة وما نطيل أكتر من كده للناس انشاء الله نتيح فرصة لسؤال سؤالين انشاء الله ونختم الحلقة انشاء الله، ما دايرين نطيل على الناس، اتفضل ياشيخ:
    (سؤال عن السر عن طلب معرفة اسم الأم): أنحنا تكلمنا الكلام ده مش كدي؟ آيي يكون انت ما حضرت الحلقة لكن باختصار شديد بسألك عن اسم أمك لأن السحر الأنحنا بنعرفوالو ذكرت لي اسمك واسم أبوك وأبوك ده أعرف كويس ما ولدك السحر ما بكون مكرب، ما بكون فيك مكرب لأنو ليه أنا بشوف اسمك من كم حرف خمسة حروف أيوه نعم، اسم أبوك من كم خمسة حروف نعم، بنشيف الحرف المتكرر فيك واسم أبوك ياتو حرف من الحروف الأبجدية التمانية وعشرين دي، لو لقيت حرف واحد متكرر فيك واسم أبوك بشتغل بالآتي: الحرف المتكرر فيك انت وأبوك ده حرف شنو من تسقيماتنا للحروف، حرف من الحروف النارية، ليه الحروف النارية عشان أعمل سحر ويقلوه في القلاية في النار لأنك انت ناري، طيب حرفك المشترك مع أبوك ده مائي، عشان أعمل سحر وأعمل أشياء معينة ذكرناها يدخلوها في البير ولا في بحر، لو لقيت الحرف المتكرر من الحروف الترابية عشان أعمل ليك سحر أضرك بيهو يدخلوه في المقابر المهجورة، لو لقيت انك انت هوائي من الحروف الهوائية، طبعا الحروف الأربعة وعشرين مقسمنها على أربعة هوائية ترابية مائية نارية، لقيت من الحروف الهوائية بنقوم نعمل سحر يربطوه في الطيور أو في الأشجار العالية جدا في مهب الريح، وده خطير جدا، بعد ده بنعمل السحر وزي ما قلت ليك بنعمل على حسب الحالة، طيب انت ذكروا لي اسمك واسم أبوك وده ما أبوك الأصلي هل سحرنا بالطريقة دي بكربك تمام؟ لأ، قد يكون حاجة بسيطة ويمكن لو مشيت عالجتو بأقلعلاج ينتهي، لأنو الشغلة ما كملت، لكن وقت يكون اسم أبوك الحقيقي الولدك لاشك أن السحر ده حيضرك ضرر بليغ، ربط من مرتك تربط من مرتك والله ما تبقى فيها فحل على الإطلاق، على الإطلاق، كويس، أقد عينك بقد عينك، داير أجننك تطلع من البلد دي حتطلع من البلد دي، داير أقتلك تب بكتلك اذا كان المسألة اتطابقت، طيب الحتة دي أنحنا دايما بنصطاد زي ما قالوا في الماء العكر، وعشان أنحنا شغلنا ده ما يكون هش يكون مكرب بنسأل من اسم الأم لأنو عندنا شك في الأب، بن الحرام، أي ابن الزنا يعني، قد يقول ليك انسان انت ود الحرام ما معنى كده انت ود زنا، يمكن أبوك ماكل حرام، قمار بتاع ميسر بتاع كلام، بن حرام، صح أكل حرام ده بن حرام، لكن أنحنا بنقصد بابن الحرام ابن الزنا، يعني الحتة بتاعة الأب عندنا أنحنا كسحرة شغالين الشغل ده حتة مرخية هشة لأننا متوقعين أنو أمك في صباها في الشياطين في بتاع، لقطتك من أي فحل من الفحول الماشين في الشارع ديل، لقطتك من أي فحل، ده ما أبوك الولدك الحقيقي، عشان الحتة دي شغلنا يكون مكرب بنتفاداها، أمك الولدتك لاشك فيها أنها أمك، أما الأب الله أعلم، عشان كده بنختار الأم، أي واحد سألك من اسم أمك أعمل حسابك ما توريهو لأنو ده داير يكربك تمام، خلي بالك والزول البعرف بقول ليك بسألك عن اسم أمك ده ساحر،قبيل قلنا ده ساحر ده بيعرف الشغل ده كويس، لكن في واحدين دجالين كضابين بتاعين الأشجار وبتاع ديل ما قروا السحر بي طريقتو الصحيحة، ده السبب في اختيار اسم الأم عشان المسألة تكون محبوكة، المسألة تكون مظبطة ومربطة زي ما قالوا، فده سبب اختيار الأم انشاء لله بارك الله فيك.

    سؤالك يا الشيخ ( سؤال عن الحضرة النبوية وأن الشيطان لا يتمثل بالنبي صلى الله عليه وسلم) بارك الله فيك الراجل ده سأل سؤال مهم جدا وانتبهوا للكلام ده، قال الحضرة النبوية البنقولها نحنا دي، قال أن الرسول صلى الله عليه وسلم قال أن الشيطان لا يتمثل به، وده بجرنا لي كلام اعقلوه تماما، الملام البجرنا ليهو السؤال ده ناس كتيرين مفتونين في موضوع تمثيل الشيطان بالنبي محمد صلىالله عليه وسلم، الحديث الذي ذكر بأن الشيطان لا يتمثل بصورة النبي صلى الله عليه وسلم حديث صحيح لاشك فيه من الأحاديث الصحيحة، والحديث ده مش قال الرسول تشوفني يقظة لأ، في المنام، رؤية، قال رؤية، من رآني فقد رآني فإن الشيطان لا يتمثل بي، انتبهو لي دي، لكن في خيط رفيع شعرة معاوية في الحديث ده، والناس مسطحين منو، أي انسان خلي أنحنا البنقول ليك بنشوفو يقظة وبجي شكل بتاع نور، النب نور هو؟ النبي ما نور. أول حاجة ده ما النبي محمد صلى الله عليه وسلم البجينا ده. نور أخضر. النبي كان نور أخضر؟ النب ما معروف: "قل انما أنا بشر" بشر بني آدم، له أم وله أب ويأكل ويشرب، ويمشي الأسواق ويتكلم وبطعنوه وبضروه وبيأذوه، بشر، انت النور ده مضوي، هسع ده نور، بتقدر تعمل ليهو شي؟ ما بتقدر، الرسول صلى الله عليه وسلم بشر، لكن ما زي البشر في صفات كثيرة أفضل من البشر ديل كلهم، صلى الله عليه وسلم ورسول وأفضل من مشى على هذه الأرض، أفضل من الملايكة ومن الجنون ومن الإنس، لاشك في ذلك، أي زول شك في الكلام ده معناهو خرج بره الدين الإسلامي، تشكيلة الشيطان على صورة النبي صلى الله عليه وسلم، الشيطان لا يتمثل في الرؤية خلي بالك، خرجنا من موضوع أنو نشوفوه في الحضرة النبوية، لأ، ده أصلو مستحيل، مستحيل تشوف النبي على يقظة زي ده ياهو ده النبي بشحمه ولحمه، لأ وألف لا، لكن في المنام لو رأيت صورة للنب صلى الله عليه وسلم انتبه للآتي: هل قال ليك باللفظ أنا النب محمد صلى الله عليه وسلم؟ ولا وهم في راسك؟ انتبه. في صورة انت حتشوفها وحتتوهم أنو تحدثك نفسك أنو ده صورة الرسول صلى الله عليه وسلم في الرؤية تحدثك نفسك، هو ما نطق، على الإطلاق، أو يمكن نطق قال ليك أنا نبي ياتو نبي في الأنبيا؟ قال ليك أنا محمد؟ ما قال ليك أنا محمد، انت الوهم الفي راسك ياهو النبي محمد صلى الله عليه وسلم، ده شي في نفسك انت، لكن هو جا وما قال ليك أنا النبي محمد صلى الله عليه وسلم قال ليك أنا نبي، ولا قال ليك أنا الرسول، في كم رسول غير محمد صلى الله عليه وسلم، كثيرون، ما ادعى قال ليك أنو أنا الرسول محمد صلى الله عليه وسلم بالاسم ما قالو ده شي في قرارة نفسك انت على حسب الحاجة الفي راسك وعلى حسب أوهامك اعتقدت أنو هذا الرجل قال أنا النبي (اعتقدت) يعني محمد صلى الله عليه وسلم، قال ليك أنا الرسول (اعتقدت) ياهو الرسول صلى الله عليه وسلم، دي انتبه ليها كويس. ثانيا: ما الذي فعله معك؟ ذكر ليك أشياء قال ليك اعمل أشياء معينة، الأعمال القاله ليك الكلام القالو ليك أساسا هو موجود تركو في حياتو؟ ولا شي جديد؟ لأنو كتيرين من الناس بجوا بأشياء في رؤية النبي محمد صلى الله عليه وسلم بقول أنو رأى النبي محمد صلى الله عليه وسلم، أنو قال ليهو وقال ليهو وقال ليهو، وأقرب مثال بتاع الكريمت، بتاع الكريمت ده قال شاف النبي ثلاثة مرات، ده الكلام الجابوه لينا منو، وأمره أن يكوي أمته ويشفوا من أي مرض، وفي المرة التالتة مشى شاور شيوخو، قالو ليهو يازول ده امر من النبي نفذوا، مرق في الناس يازول كواهم، تجيك في نص راسك المهم انت عندك صاداع عندك سكري عندك بتاع، وقصتو واضحة ليكم ما دايرين نقول فيهو، قصتو واضحة والناس الماتو قدر ايش والما شفوا كم، وهل هذا من النبي محمد صلى الله عليه وسلم؟ لأ وألف لأ. طيب الكي ممنوع؟ الكي جايز مع الكراهة في الضرورة، هل الكي ما من السنة؟ من السمة لكن مع الكراهة ومع الضرورة ليه لأنو الرسول صلى الله عليه وسلم قال شفاء أمتي في ثلاث: شرطة محجم وجرعة عسل وكية نار، وأنهي أمتي عن الكي، شوف كلمة انهي أمتي عن الكي دي انتبه ليها، ما تنكوي، واحد من الصحابة بمشي في الشارع بسمع السلام عليكم يا فلان، السلام عليكم يا فلان، يلتفت ما يشوف شي، أخيرا جا للنبي محمد صلى الله عليه وسلم قال له يا رسول الله والله ياخ أنا بمشي في الشارع بسمع السلام عليكم يا فلان وأنا الشي ده خفت منو ده شنو؟ قال ليهو ديل الملايكة اذا كان سمعت رد ليهم السلام، الراجل مشى وكل ما يسمع السلام عليكم يا فلان بقول وعليكم السلام، بلتفت ما بلقى انسان، عليكم السلام ماشي شهور بل سنين، جا يوم من الأيام انقطع السلام، فانقطع يوم كامل ويوم تاني ويوم تالت طوالي اتحرك مشى للنب صلى الله عليه وسلم، قال ليهو يارسول الله والله كان الحصل كذا كذا كذا وجيت كلمتك الكلام ده قلت لي ديل الملايكة، والآن انقطع السلام بتاع الملايكة، من متين؟ قال ليهو من اليوم الفلاني، قال ليهو اليوم الفلاني ده انت عملت شنو خطأ؟ قال ليهو والله ما عملت أي شي ما بتذكر قال ليهو اتذكر تمام اليوم الانقطع فيهو من الصباح أحكي لي كل شي انت عملتو في صباحك ده، حكى ليهو حكى ليهو حكى ليهو قال ليهو ياخي فعلا في اليوم ده اليوم الفلاني عملت كذا من ضمن الشي القالو قال والله عندي ثؤلولة بتعرفوا التالول انت بتعرفو لكن في واحدين ما بعرفوا، التالول أو الثآليل اللي هو الأشياء البتقوم هنا دي، في واحده هسع هنا في رقبتي يمكن القريبين بشوفوها، حاجات كده بتقوم من الجسد، بقول ليها نخلة؟ بقول ليهو اسمو التالول، قال عندي تالولة مرقت لي هنا طويلة ومشيت لي فلان كواها لي، قال ليهو حسبك، إن الملائكة لا تسلم على رجل انكوى، الوضوع انتهى خلاص، شوف الزول ده كان في خير كيف الملايكة تسلم عليهو عندما انكوى بطلت السلام، يبقى الانسان ما ينكوي، وده ما النبي، نرجع لموضوع الحديث، ونرجع لي رؤوية النبي صلى الله عليه وسلم، شوف يا أخي ما تتوهم وترى رؤية في المنام ويقول ليك أنا الرسول تعتقد أنه الرسول محمد صلى الله عليه وسلم، أو قال ليك أنا النبي تعتقد على حسب وهمك أنو النبي محمد صلى الله عليه وسلم، يمكن ده شيطان وقال ليك أنا انبي، ما قال ليك أنا محمد، قال ليك أنا النبي وما بقصد الرسول محمد صلى الله عليه وسلم، أي رسول آخر، وما فيش نص واضح أنو الشيطان لا يتمثل بالرسل الآخرين، لا النص الواضح في الحديث لا يتمثل بصورة محمد صلى الله عليه وسلم، اذا رأيت رؤية زي دي تمشي لوبتعرف صفات النبي صلى الله عليه وسلم، تمشي تقارن هذه الرؤية التي رأيتها ومع صفات النبي صلى الله عليه وسلم، هل هي مطابقة، النبي عندو شكل معين موجودة في السنة، هل الرؤية الشفتها مطابقة لي صفات النبي صلى الله عليه وسلم الموجودة في الكتب؟ ولا ده وهمك انت ياخي؟ وخير مثال أنا المتحدث واحد جاري لو قبل الجمعة الجاية بنجيبوا معاي هنا، الرجل ده، وفي واحد آخر في مسجد، شيخ حسين مسجدكم الأخير المشيت عملت فيهو المحاضرة الما أكملتها اسمو مسجد شنو؟ نعم؟ مسجد المنظمة، هذا الرجل من نفس المسجد، واحد منهم جا وراني قصة نقص ليكم التلاتة نختم بيها الكلام، القصة الأولى جاري اسمو محي الدين، بيني وبينو شارع، جاني يوم من الأيام فرحان جدا جدا وقال لي والله اليلة يا حامد الليلة من فرحتي البنسوي أنا ما بعرفو، بتسوي شنو؟ قال لي الليلة ما تفطر وما تتغدة تجي تتغدى معاي، انت وفلان وفلان، ما شاء الله الحاصل شنو؟ قال لي الحاصل ده خلو، قال لي الليلة امشي اجيب ليكم جداد وبيض وسمك مالذ وطاب وشفت التفاح الغالي والعنب أجيبو ليكم تاكلوا الليلة من هسع خليكم جيعانين عشان تمشوا تتملوا، قلنا ليهو كويس والله دي فرحة عظيمة الله يفرحنا معاك، قال لي فرحان جدا، السبب؟ قال لي أنا مستعجل خليني أمشي، قلت ليهو لا ما بخليك تمشي، لازم توريني السبب الانت فرحت بيهو فرحة زي دي عشان نفرح معاك ونستعد ونصين البطون دي كويسة عشان نجي ناكل نشبع. قال لي السبب الآتي: امبارخ صليت في نص الحوش بتاعي، ختيت السجادة وصليت العشا في المسجد وجيت شفعت وما وترت قعدت قال لي صليت على النبي أكتر من سبعة الف مرة، صلاة، قلت ليهو الصيغة شنو وراني الصيغة، الصيغة ماها شرعية، قال صليت على النبي صلى الله عليه وسلم أكتر من سبعة ألف مرة وجاتني دقسة رقدت في محلي ده، قال بعد شوية وأنا في النوم جاني النبي محمد صلى الله عليه وسلم، قلت ليهو صلى اله عليه وسلم، قال لي جاني النبي محمد صلى الله عليه وسلم وسلم علي وقعد جنبي جلس جنبي وقعد، قال ليك شنو قال ما قال لي شي بس سلم علي السلام عليك يا محي الدين قال سلمت عليهو وجلس جنبي وما تكلم معاي، قلت ليهو كويس قلت ليهو حديث النبي صلى الله عليه وسلم بقول من رآني فقد رآني ف‘ن الشيطان لايتمثل بي، قال لي ايوه صح، الحديث ده صح؟ قلت ليهو صح وألف صح، قال اذن اتفقنا يعني شاركتني في الفرحة قلت ليهو شاركت في الفرحة قال لي خلاص أنا ماشي قلت ليهو لا ما تمشي وريني الصورة الشفت بيها محمد صلى الله عليه وسلم؟ قال لي أها قمت لي طول لسانك؟ دي أول كلمة قلت ليهو خلي طول لساني، انت عارفني لساني طويل؟ قال لي انا بعرفك انت الحاجات الزي دي ما بتوفتها تقعد تعمل لينا فيها نقة، قلت ليهو لا بس وريني عشان نفرح معاك، قال لي خليني امشي قلت ليهو ما بخليك الا توريني ولا ما بجيك، قال لي خلاص خلاص خلاص اقيف بوريك، قعد قال لي شفت جاني النبي صلى الله عليه وسلم ومن الركن بتاعي الشمالي الشرقي جا ماشي على ركن بيتي ده جاني في المحلة دي وجلس جنبي، قلت ليهو طيب وصف لي الصورة الشفتها، قال لي يا زول هوي انت عندك شك في الحديث قال لي ما عندي شك في الحديث، الحديث ده خلو أنا بعرفو أكتر منك، ما عندي شك في الحديث عندي شك في كلامك ده، قال لي شوف النبي بأي حال من الأحوال هو، قلت ليهو كويس وصفوا لي؟ قال لي شفت ـ أول وصف ـ قال لي شفت لونك ده ـ لوني أنا ده؟ـ قال لي فاتح منك شوية، قلت ليهو إنا لله وإنا إليه لراجعون، لوني ده فاتح منو شوية قال لي فاتح منك شوية، هممم! تاني؟ قال لي لابس جلابية نضيفة وقصيرة زي جلليباتكم ديل، قلت ليهو جلابية بتاعة شنو؟ قال لي والله ما متاكد ليها لكن بتكون تترون، أيوه طيب، وعندها عزبة، عندها عزبة؟ عندها عزبة، زي شغلتكم دي، وتاني، قال لي شفت رقبتوا دي طويلة. رقبتو طويلة؟ قال لي آيي. قلت ليهو إنا لله وإنا إليه لراجعون. قال لي في شنو؟ قلت ليهو رقبة الرسول طويلة قال لي طويييييلة! تاني؟ قال لي شفت الحاجة السمحة العجبتني فيهو الدقن أيوه ما شاء الله، قال لي شفت دقن السعوديين ديل البيزنوها هنا نضيفة الزريقة السوداء الهنا بقرنوها مع الشنب ده ومن هنا نضيفة وجميلة هنا دي قلت ليهو شفتها قال لي بالظبط حالقها هنا نضيفة وسمحة، قلت ليهو لا حول ولا قوة الا بالله، قال لي مالك؟ قلت ليهو كمل لي الباقي صنقع دنقر، قلت ليهو اتذكر قال لي تاني ما بتذكر شي، قلت ليهو اتذكر قال لي أيوه أيوه قلت ليهو شنو قال لي الحاجة العجبتني فيهو الحاجة السمحة العجبتني فيهو مشلخ ألف ومية وحداشر قلت ليهو لا حول ولا قوة إلا بالله إنا لله وإنا إليه لراجعون، قال لي مالك؟ قلت ليهو والله الذي لا إله إلا هو هذا الرجل الذي شفتو ما الرسول صلى الله عليه وسلم، قال لي والذي لا إله إلا هو ده الرسول صلى الله عليه وسلم، قلت ليهو والذي لا إله إلا هو ده ما الرسول صلى الله عليه وسلم، قال لي ده شنو؟ قلت ليهو والله شفت ليك واحد من المحس القاعدين بي هنا ديل (الجمهور يضحك) لكن ده ما الرسول. آهة؟ مية وحداشر ألف محسي! مع احرامنا للمحسيين يعني! ده محسي ياخي ده ماالرسول صلى الله عليه وسلم! ورجعت ليهو قلت ليهو ياخي اتقي الله ياخي انت قايل الرسول ده سوداني هو؟ قلت ليهو أول وصفك غلط، شكلي ده الرسول فاتح مني بسيط؟ ياراجل ما تتقي الله ياخي! ياخي انا شن شبهني بالرسول وياخي الكلام ده بعدو بعيد جداياخي، ولا قريب ليهو ولافاتح منو ولاوأول حاجة الرسول ده ما سوداني عشان تمثلو بواحد سوداني، أيوه وتاني؟ قلت ليهو جليلبتو قصيرة دي معليش جليلبتو قصيرة صحي، لكن بي عزبة وبتاع قلت ليهو أيوه نعم بي عزبتها، لكن تقول لي تترون ولا بتاع الزمن داك مافي تترون، أيوه، وتاني؟ قلت ليهو طيب، كونوا تقول لي رقبتو طويلة قلت ليهو انت قايلو ابو سعن ولا أبو خريطة ياخي ده الرسول صلى الله عليه وسلم. ما تقول لي رقبتو طويلة، وزدت الطين بلة قلت لي دقينتو صغيرة هنا، قلت ليهو ياخي خليني أنا انت أساسا حتجادلني وحنخش معاك في جدال كتير، ياخي قال فاسالو أهل الذكر ان كنتم لا تعلمون ياخي انت مش عندك شيوخ قال لي عندي شيوخ قلت ليهو امشي لي شيوخك قول ليهم وصفوا لي صفات الرسول صلى الله عليه وسلم الحقيقة من دقنوا ولي طولو وعرضو وشكلو كيف خلي يوصفوا ليك هل الشفتو ده؟، وقلت ليهو التاني قول ليهم الرسول ده كان مشلخ مية وحداشر ولا تي ولا اتش ولا بتاعة الجماعة اخوانا الطيبين ديلاك، كدي أسألوا شيخك ده هلي يقول ليك واحد من ديل مشلخ، كان قال ليك الرسول مشلخ خلو تعال، أنا بنوديك لي ناس، خلو كلامي ده تب، بنوديك لي ناس بيوصفول ليك النبي صلى الله عليه وسلم بوصفو الصحيح، لو لقيت الرؤية دي متكابقة مع حقة الرسول ده الرسول، لكن من قلت لي مشلخ وبتاع أسود ده ما الرسول صلى الله عليه وسلم انتبه.

    يبقى هل الحديث غلط؟ الحديث صاح، الشيطان تمثل بي صورة النبي صلى الله عليه وسلم؟ لا. لا ما تمثل بيهو، الرسول عندو شكل معين شوف الرؤيا الشفتها دي امشي ودي الكلام ده للكتب الموجودة تصف الرسول صلى الله عليه وسلم مطابقة؟ اذا مطابقة هو الرسول صلى الله عليهوسلم، لكن اذا ما مطابقة يبقى الشيطتن ذاتو ما تمثل بي صورة النبي تمثل ليك بي شيطان تمثل ليك بواحد من القبايل ديل، زي ده.

    أنا المتحدث والذي لا إله إلا هو شفت الرسول صلى الله عليه وسلم أكتر من تلاتة مرات، قسما بالذي لا إله إلا هو ده كلام أسأل من يوم القيامة تقابلو الله واسألوني من الكلام ده أمام الله شفتو أكتر من تلاتة مرات والله التلاتة مرات واحدة مطابقة مع التانية مافي! الرسول هو حرباء عشان يتشكل؟ والله كنا أجهل وكنت أعتقد أنو الرسول صلى الله عليه وسلم. مشيت لي شيخ من شيوخنا قال لي أيوه، قلت ليهو اليوم السنة الفلانية شفت الرسول بي شكل كذا كذا كذا قال لي ماشاء الله ده الرسول، فرحت فرح ما عادي، وتاني شفتو بي شكل ما بقدر بحكي ليكم عجيب مرة واحدة مشيت لي شيخ آخر قال لي دي اعمالك شوف فسر لي قال لي ايوه ده الرسول لكن ده عملك انت، الصورة الأولانية جميل جدا والصورة التانية قبيح قال لي ده الرسول لأنو الشيطان لا يتمثل بيه، شوف جهلو، لكن قال لي دي أعمالك انت زمان كان الرسول كويس أعمالك كويسة الآن أعمالك بقت كعبة، التالتة ما بقدر بحكيها ذاتو، وبرضو قال لي الرسول، والذي لا إله إلا هو هل ده الرسول؟ ده ما الرسول.


    يتبع بقيةالمحاضرة السابعة
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
22-02-2008, 04:16 PM

abubakr

تاريخ التسجيل: 22-04-2002
مجموع المشاركات: 16044
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    كان والدي رحمة الله عليه عاملا في السكة الحديد وتدرج حتي صار ناظرا لمحطات السكة الحديد ثم موظفا في التمنية الريفية الي ان وافاه الاجل قبل عقديين من الزمان وكان حينئذ "مقدما" تيجانيا .. ومنذ ان كنت طفلا وقبل وخلال ثلاث عقود فترة سبقت اغترابي الطويل رايت عشرات من رجال الطريقة التجانية وكانو من عامة اهل السودان وزرت زواياهم في امدرمان وغيرها من مدن السودان وحضرت اذكارهم البسيطة وهي في ظهر يوم الجمعة بارادتي ولم يكن المرحوم الوالد يطلب منا ذلك..زرت شيخهم في مصر في العام 60 مع المرحوم الوالد وحضرت بعض زيارات شيوخهم من شمال وغرب افريقيا.. ورايت بعض من شيوخهم في بيوتنا -وفق تواجدنا مع المرحوم الذي كان يتنقل بحكم عمله- ولم اعرف عنهم سحرا ولا حتي شيئا في لبسهم ومظهرهم العام يفرقهم من عامة الشعب بقطاعاته المختلفة وكان منهم الموظف الكبير والوزير والمعلم والاعلامي والمهني وضباط الجيش والشرطة ...كان تعرفنا بهم في اشخاصهم وليس كتجانية فقط ...اعجابي بالتيجانية حينئذ كان لانهم لا يقحمون بانفسهم في امور تتجاوز مهنهم واعمالهم ولا يستغلون علاقاتهم في تزكية احد علي الاخر ...والتيجانية في السودان حسب علمي حينئذ لم يلتزمو كلهم بفكر سياسي واحد او حزب سياسي واحد فتيجانيتهم لم تكن مرتبطة بسلطة سياسية محددة ....
    هذه وجهة نظر لحالة واحدة ولا علم لي بغير ما عايشت كابن لاحد التيجانية

    لكم مودتي
    ابوبكر
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
22-02-2008, 08:11 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: abubakr)

    الأخ أبو بكر التيجانية الحقيقيون هم كما وصفته، لكننا في عصر الفساد والانهيار الشامل الذي نعيشه تجد أن السحرة السفليون يتلقبون بلقب المشيخة، لا أحد منهم يقول للناس أنه يتعامل مع الجن السفلي بل تجده ملقبا بلقب الشيخ والجديد أنهم صاروا يتخذون من أسماء الطرق الصوفية المرموقة واجهة لهم، وبعضهم هم من المتساقطين من تلك الطرق الذين أضلهم الشيطان وانحرفوا عن طريق مشايخهم ومع ذلك ظلو يتخذون من الطريقة واجهة لهم يضلون بها الابرياءأ وأضرب لك مثلا أنظر لهذاالشخص :

    http://www.eltejany.com/vb/############.php?f=15

    هذا الشخص الذي يتخذ من الطريقة التيجانية واجهة له كماترى بعينيك يقوم بتعليم السحر السفلي الشيطاني:

    Quote: (( إذا كنت عاوز تحضر عفريت تقدر))
    التيجانى الكبير يوم أمس 01:50 PM
    بواسطة التيجانى الكبير 2 33
    مثبــت: شبشبة الفلفل الكبرى للجلب والتهييج
    التيجانى الكبير 01-02-2008 07:45 PM
    بواسطة التيجانى الكبير 0 46
    مثبــت: (( باب جلب كانون القدرة للمحبة والتهييج
    التيجانى الكبير 01-02-2008 01:34 AM
    بواسطة التيجانى الكبير 0 37
    مثبــت: ((باب شبشبة السفينة للمحبة والتهييج من عجائب هاروت وماروت))
    التيجانى الكبير 01-02-2008 01:31 AM
    بواسطة التيجانى الكبير 0 28
    مثبــت: ((باب شبشبة المارد زعزوع ))
    التيجانى الكبير 01-02-2008 01:29 AM
    بواسطة التيجانى الكبير 0 16
    مثبــت: (( باب فى شبشبة الرمل الأبيض))
    التيجانى الكبير 01-02-2008 01:24 AM
    بواسطة التيجانى الكبير 0 14
    مثبــت: استخدام ابو رياح
    التيجانى الكبير 01-02-2008 01:23 AM
    بواسطة التيجانى الكبير 0 15
    مثبــت: باب سحر الجراد من عجائب الدهر والزمان مجرب
    التيجانى الكبير 01-02-2008 01:21 AM
    بواسطة التيجانى الكبير 0 20
    مثبــت: سحر الهدهد وسحر السحر الأكبر فى كل هذا
    التيجانى الكبير 01-02-2008 01:20 AM
    بواسطة التيجانى الكبير 0 17
    مثبــت: باب سحر الدجاج وهو للجلب من المشرق والمغرب
    التيجانى الكبير 01-02-2008 01:18 AM
    بواسطة التيجانى الكبير 0 19
    مثبــت: باب فى سحر العصفور وهو للجنون والمحبة الجذب
    التيجانى الكبير 01-02-2008 01:16 AM
    بواسطة التيجانى الكبير 0 14
    مثبــت: باب فى سحر السنور وهو القط وهو من العجائب المغلقه بالعلم


    ما علاقة الطريقة التيجانية بهذه الشيطانيات؟

    لذلك فعلى كل انسان أن يتثبت من حقيقة من يتقدم إليه لأخذ الطريقة والاسترشاد ولا يغتر بالدعاوي فهؤلاء الأدعياء يدعون أنهم كبار المشايخ و قد يقيمون فرعا كاملا زائفا للطريقة، وليست الطريقة التيجانية وحدها هي التي تعاني من هذه المصيبة.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
22-02-2008, 08:13 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    بقية المحاضرة الثامنة.

    المسجد الفيهو الراجل ده مشيت عملت محاضرة جاني واحد قال لي أنا شفت الرسول صلى الله عليه وسلم بصورة شخص، أركع ليهو، تركع ليهو؟ قال لي لأنو الرسول صلى الله عليه وسلم تمثل لي بي شكلو، منو؟ قال لي شيخ البرعي، والذي لا إله إلا هو، قال لي أنا شفت الرسول صلى الله عليه وسلم بشكل شيخ البرعي طبق الأصل من القصرة واللون والدقينة والطويقية وبتاع، قلت ليهو انا لله وإنا إليه لراجعون، قلت ليهو والله الذي لا إله إلا هو لا الرسول والرسول بشبه شيخ البرعي، وإنا لله وإنا إليه راجعون، وقال لي مشيت ليهو وركعت ليهو، قلت ليهو ركوعك ده ذاتو كفر وشرك كونو تمشي قال لي، ده ضلال هل الناس البعرفوا صفات الرسول امشي اسأل هل الرسول صلى الله عليه وسلم بشبه شيخ البرعي؟ إنا لله وإنا إليه راجعون، شوفوا الشغلة دي، شغلة أصلو دجل وكضب ما أنزل الله به من سلطان وبعدين تفسير خطأ، ياخي صورة الرسول صلى الله عليه وسلم الحقيقية، كل انسان قاعد معانا في المجلس ده عندو صورة حقيقية، الشيطان ممكن يتمثل بي شكلي ده يقول ليك أنا فلان الفلاني انت براك مش بتعرف شكلي؟ لو جيت في المنام شفتني بي صورة أي واحد من الناس ديل بكون ده انا؟ بتقول والله امبارح شفت شيخ احامد؟ جاني زول قال لي أنا شيخ حامد لكن ده ما الزول شيخ حامد ده زول آخر، أنا شيخ حامد بعرفو كذا وكذا وكذا ده ماهو لكن قال ليك أنا شيخ حامد، هل بكون أنا، لأ، يبقى شوف أفهم يا أخي، اذا شفت صورة الرسول صلى الله عليه وسلم في الرؤيا أعرضها للكتاب والسنة، لقيتها مطابقة الأصل وما أمرك بأمر ، وحتى لو أمرك بأمر الأمر ده مخالف للشي اللي كان في حياتو تركو تأكد أنو ما الرسول صلى الله عليه وسلم، إلا تنطبق الصفات كلها وما بيأمرك، سيدنا مالك رضي الله عنه رأى النبي صلى الله عليه وسلم، في الرؤيا وجا حكاها لي شيخو، شيخو قال ليهو صفه لي، شوف، انتبه، قال ليهو صفه لي، يا مالك وريني شفت الرسول كيف؟ قال ليهو شفتو بي شكل كذا وكذا وكذا لغاية ما كمل الكلام، وقال ليهو سألته سؤال ولم يجبني عليه أو جاوبني جواب أنا ما فهمتو، قل ليهو سألتوشنو؟ قال ليهو الصفات القلتها دي منطبقة في صورة محمد صلى الله عليه وسلم ده النبي، سؤالك شنو؟ قال ليهو سألتو قلت ليهو يا الرسول صلى الله عليه وسلم متى عمري، عمري بنتهي متين أنا بموت بتين؟ قال الرسول سوى لي كده لكن ما جاوبني بي كلامو قال الجواب ده أنا ما عرفتو، قال ليهو ما عرفتو قال ما عرفتو قال الرسول قال ليك كدي؟ قال آيي، قال والله ده كلو الرسول، حتى في كلامو قال ليك كدي، ده الرسول، صفتو كدي أيوه الرسول، دقنو كدي أيوه نعم، صفتو كذا أيوه نعم طولو كذا أيوه نعم، شكلو كذا أيوه نعم، وحتى لما قال ليك كذا قال له برضو ده الرسول وجاوبك، لكن الجواب انت ما عرفتو قال ليهو الجواب شنو؟ قال ليهو انت سألتو قلت ليهو شنو؟ قال سألتو قلت ليهو عمري بتين بنتهي؟ قال ليك خمسة لا يعلمها إلا الله، اللي هي الآية بتقول شنو؟ :"عنده مفاتح الغيب لايعلمها إلا هو، ويعلم ما في الأرحام، وما تدري نفس بأي أرض تموت، الخ الآية يعني الصفات الخمسة التي لا يعلمها إلا الله من ضمنها الأعمار، جاوبك يا مالك قال ليك الحاجات الخمسة ديل أن ما بعلمهم ومن ضمنها سؤالك الأنت قلت ليهو عمري بتين، فعلا ده النبي صلى الله عليه وسلم.

    عبد الله بن عمر قال إذا كان أي انسا جا قال ليهو أنا شفت النبي بقول ليهو صفه لي فيصف الشخص الصورة الرآها بقول ليهو انك لم تره، (يكررها) يجي واحد يقول ليهو شفت الرسول يقول ليهو صفه لي يقول ليهو شفتو كذا يقول ليهو أيوه ده الرسول صلى الله عليه وسلم، فانتبه لي دي، أي شكل ما يجي يتخيل ليك تجي تقول ده النبي محمد صلى الله عليه وسلم، لازم تنطبق الصفات بصفات النبي محمد صلى الله عليه وسلم، وجزاكم الله خير ، سؤال أخير طبعا آيي يا الشيخ بارك الله فيك آيي اتفضل.

    (يرد على أحد الحضور) أقيف خليني نجاوب دي أقيف عشان ما يتلخبط لي الكلام، الراجل قال الأذكار المربوطة بأعداد، هي من السنة لكن مربوطة بأعداد، غلط غلط وبيتدخل الشيطان طوالي، شوف يا أخي أي شي ما قيده النبي محمد صلى الله عليه وسلم انت ما تقيده، وانت بتعد لي شنو؟ عشان تحاسب بيها منو؟ عشان تحاسب بيها رب العالمين؟ بتعد لي شنو؟ ما تعد، ما تشرع، أي ذكر قالو النبي محمد صلى الله عليه وسلم أرجع لي آخرو شوف هل النب عددو قال ليك عدو كذا؟ لو قال ليك واحد اياك وألف اياك أن تعملهم اتنين، اقيف لأنو هو المشرع، وحي من عند الله، قال ليك تلاتة ما تبقى لي فالح تعملهم لي خمسة ومية ميتين وتلتمية، غلط، قال ليك مية ما تعملهم لي مية واحد خمسمية ستمية تسعة وتسعين، قف في العد العداهو النبي، اذا كان النبي قال ذكر معين زي مثلا في أذكار حددها النبي، مثال يعني، قال ممكن تقول استغفر الله العظيم وأتوب إليه مية مرة، قال استغفر الله وأتوب إليه مية مرة وقال استغفر الله العظيم الذي لا إله إلا هو الحي القيوم وأتوب إليه، الأخير ده قال يغفر له ولو فر من زحف، طيب الأولاني قال مية اللي استغفر الله العظيم وأتوب إليه، والتانية استغفر الله وأتوب إليه قالها مية، الأخيرة قال من قالها لكن ما عدد، لا قال مية لا قال تلاتة لا قال عشرة، يبقى دي الأخيرة دي عجبتك قولها بغير عدد استغفر الله العظيم الذي لا إله إلا هو الحي القيوم وأتوب إليه (يكررها) عجزت خليها جيبه، لكن ما تلزم نفسك بعدد اليوم عشرة بكرة عشرة بعد بكرة عشرة، اذن انت شرعت والشيطان حيتدخل في الحتة دي، والشي الحددو النبي زي ما قلنا قال مثلا في دبر كل صلاة تقول تقول سبحان الله تلاتة وتلاتين ما تبقى لي فالح تعملها لي ياخي خمسن خمسين، مية مية، غلط، تلاتة وتلاتين تلاتة وتلاتين انتهى الأمر، زي الصلاة دي رباعية، لو جيت صليتها خمسة العصر الآن أربعة لو جينا عندنا فراغ صليناهو خمسة فيها شنو؟ ما زيادة خير والبحر ما بيابا الزياده؟ و أنحنا فاضيين ليه ما نسوي لي الله ده خمسة ركعات؟وأحب الأعمال إلى الله ما افترضه اللي هي الصلاة دي حب الأعمال يبقى ده شي ربنا بحبو، شي سمح أنا لازم أسوي خمسة وستة وسبعة وتمانية، رضاء لرب العالمين، هل تقبل؟ لا تقبل. كذلك الأدعية، من القرآن إذا كان لقيت حديث عدد آية معينة، سورة معينة، حدد عدد تقيف، انت داير تختار من القرآن داير تعمل ليك ذكر من القرآن، اقرأ القرآن ده ما تشاء وما تحدد نفسك، ولا في ذكر اسمو تلتمية وتلتاشر دي أوهام بعملوها الناس، مثلا يالطيف مية تسعة وعشرين حسبنا الله ونعم الوكيل خمسين، ياتو مش عارف مية تسعة وعشرين، تلتمية وتلتاشر منو القال تلتمية وتلتاشر؟ ناس بقت تشرع، ودي الحتات المداخل البدخل فيها لاشيطان ويسوي للناس ويضلو الطريق، ياخي تقيد بتقيدات النبي صلى الله عليه وسلم تبرأ لدينك، اتقيد بنص الحديث الأتى بيهو محمد صلى الله عليه وسلم، بتكون انت في أمان تماما، وربنا برضى عنك، وده معنى محمد رسول الله، انت يوم جيت شرعت وعملت يا لطيف مية وتسعة وعشرين انت ما قلت محمد رسول الله قلتها شفاهة لكن تطبيقا لأ ما قلتها، تلتمية وتلتاشر انت هنا بي طريقة غير مباشرة، ما محمد رسول الله، انت ذاتك رسول لأنك شرعت، شرعت، منو القال ليك انت تشرع ياخ؟ محمد رسول الله معناها تتقيد بالكلام القالو محمج صلى الله عليه وسلم، ما تتجاوزو ما تسوي ليك بدع، ربنا يدينا ويديكم العافية، معليش ياخوانا، ياجماعة فالراجل داك عندو الحق كان، طيب سؤالك التاني يعني؟ (أحد الجمهور يسأل عن شخص كان يقرأ آية الكرسي بي عدد وأصبح يأتيه شئ يقول أنه روحاني وبصحيهو فهل هذا ملك؟) بارك الله فيك ياها دي المشاكل ذاته البنقولها ، يعني اذا كان التزمت بي آية الكرسي أو بأي سورة من السور اخترتها أنت، كقرآن ما فيهو شي لكن انت البتدخل فيهو الشي، ودي الحتة الضيقة الناس ما قادرة تفهمها، الناس متعقدة فيها، موضوه الأعداد وموضوع التزامك وبفتكروا انو مادام انو هو شي من الدين ما فيهو شي، زي ما ذكرت ليك الصلاة دي من الدين ومن أحب الأعمال لله سبحانه وتعالى، اذا كان زدت في الفرائض ربنا ما بقبل منك على الإطلاق، النوافل ذاتها عندها عدد وعندها ترتيبات وعندها أوقات زدت منها برضو ربنا ما بقبل منك، كذلك حتى القرآن تقرأ، زدت فرضت لي نفسك ربنا ما بقبلو منك، دايرك انت تتقيد بتقيدات النبي محمد صلى الله عليه وسلم، آية الكرسي، قال انسان التزم بعدد معين في آية الكرسي، بعد فترة جاهو ملك، ودي الحتة الغشونا بيها أنحنا، الحتة الغشونا بيها أنحنا قالوا ديل ملائكة، ملائكة؟ بقول ليك خدام آية الكرسي، خدام آية الكذا، ملائكة خدام، أشياء خدام بجوا يخدمو دين الله، دي الوهم، كضب ماهو ملك، أولا افهم، الملك ما بتأمر بأمرك أنت على الإطلاق، والملك ما بجي بتوجيهاتك انت ولا بشتغل بكلامك انت ولا بساعدك في أي شي الملك بتأمر بي أمر الله سبحانه وتعالى، يرسل الله سبحانه وتعالى معناهو يحفظك ترتيبات معينة، لكن اذا قلت يا ملك سوي لي الشي الفلاني ده هل الملك انت بتشيفو؟ بتكلم معاك ولا بيأمر بأمرك؟ لأ وألف لا وألف لا، وانت ذاتك منو عشان يجو يرسلو ملايكة تشتغل معاك نبي انت ذاتك ولا رسول؟ شوف، ده شيطان. عشان كذي ربنا قال :"ويوم يحشرهم جميعا ثم يقول للملائكة أهؤلاء إياكم كانوا يعبدون. قالوا سبحانك انت ولينا من دونهم بل كانوا يعبدون الجن وأكثرهم بهم مؤمنون". ده جن. ديل شواطين، تدخلوا في الحتات الانت سويتها وشرعت فيها دي عشان يضللوك وكلام كتير زي ده الناس بضلوا بيهو، والناس بتعتقد أنو ده صلاح وده كذا وملائكة، مافيش ملائكة ولا في ملك بجي يتشغل مع انسان صالح، ولا غير صالح بأمرو يأمرو عشان يعمل شي معين، ولا يخدمو في حتة معينة ولا يقول يبشرك مافيش كلام زي ده على الإطلاق، الملك ما بجي من رب العالمين يبشرك بأنك انت وصلت كده وصلت كده، لا، وألف لا، ديل شواطين، عشان كده بنحذر الناس في الأعداد وفي الالتزام بأعداد أشياء معينة ذكر م ألزمك بيه الرسول ولا الشارع ألزمك بيها تلزم نفسك بي أشياء بتخش في ورطات زي دي وناس كتيرة ضلو في الحتة دي، ودي حتة بستغلها الشيطان تماما، خبرة بتاعة ميات بل آلاف السنين وبضيع في الناس الناس كلها ضاعت في الحتة دي بارك الله فيك. معليش ياخوانا أنا ذاتي تعبت ياخ العصر جا كفاكم.

    اللهم علمنا ما ينفعنا، وانفعنا بما علمتنا، وارزقنا علما ينفعنا، وعملا يرفعنا اللهم استر عوراتنا آمن روعاتنا فرج كروبنا اغفر ذنوبنا ، تول أمرنا، احسن خلاصنا، فك أسرنا ارحم ضعفنا، عجز الطبيب فداونا، ظهر الفساد فنجنا، قلت حيلتنا فتولنا، اللهم اجعل جمعنا هذا مرحوما واجعل تفرقنا من بعده معصوما، ولا تدع فينا و لا بيننا شقيا ولا محروما، أوردنا حوض نبينا، اشملنا بشفاعة حبيبنا، اسقنا من حوضه شربة لا نظمأ بعدها أبدا، آمين آمين آمين، والسلام عليكم ورحمة الله وبركاته.

    (عدل بواسطة محمد عثمان الحاج on 22-02-2008, 08:18 PM)

                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
22-02-2008, 08:42 PM

صباح حسين طه

تاريخ التسجيل: 04-08-2007
مجموع المشاركات: 453
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    مجهود مقدر وكبير في موضوع مثير وأتمني أن يجد الإهتمام من المثقفين بالبورد ولا سيما>وي الإهتمامات الصوفية والبحثية

    يستحق الرفع
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
23-02-2008, 05:21 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: صباح حسين طه)

    الأخت صباح حسين طه لك الشكر على كلماتك الطيبة وعلى رفع البوست، وهذه المحاضرات عمرها أكثر من ثلاثة سنوات وقبلها تكلم حامد آدم في قناة النيل الأزرق الفضائية وغيرها ولم أسمع أي رد على أقواله، وإذا كان هو صادقا وكان يتبع سلسلة مشايخ مزورون لا علاقة لهم بالتيجانية الحقيقية وهم في حقيقتهم سحرة سفليون كما يدعي فهو إذن لم يسر في الطريق الصوفي وبالتالي فما يقوله ليس المقصود به الصوفية بل المقصود به السحرة السفليون الذين يتظاهرون بأنهم صوفية ومن هذا المنطلق فإن شهادته هامة جدا.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
23-02-2008, 05:23 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    المحاضرة الثامنة والأخيرة

    حامد آدم

    بسم الله إن الحمد لله نحمده ونستعينه، ونستغفره ونعوذ بالله من شرور أنفسنا ومن سيئات أعمالنا، من يهد الله فهو المهتد ومن يضلل فلا هادي له، وأشهد ألا إله إلا الله وحده لا شريك له،وأشهد أن محمدا عبده ورسوله، يا أيها الذين آمنوا اتقوا الله حق تقاته ولا تموتن إلا وأنتم مسلمون، يا أيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام إن الله كان عليكم رقيبا، يا أيها الذين آمنوا اتقوا الله وقولوا قولا سديدا،يصلح لكم أعمالم ويغفر لكم ذنوبكم ومن يطع الله ورسوله فقد فاز فوزا عظيما وبعد..

    فإن أصدق الحديث كتاب الله، وخير الهدي هدي محمد صلى الله عليه وسلم، وشر الأمور محدثاتها، وكل محدثة بدعة وكل بدعة ضلالة وكل ضلالة في النار، أعاذني الله وإياكم من النار ومن غضب الجبار، وبعد، السلام عليكم ورحمة الله،

    وقبل ما نبدأ المحاضرة انشاء الله الناس ما تنسى التبرعات انشاء الله، موضوع المحاضرة بتاعة اليوم في شيئين انشاء الله: أولا علامات السحرة: نعرف علامات الساحر حتى نتجنبه، وفي الآونة الأخيرة باسم الرقية الشرعية كتروا بقوا كتار جدا، باسم الرقية الشرعية، ما من محل إلا وتلقى فيهو رقية شرعية، وهي لساحر أو دجال، فكيف أنحنا نقدر نعرف الرقية الشرعية من هؤلاء المجرمون باسم الدين؟ زملاءنا سابقا، فأول علامة من علامات الساحر وده قليل بعمل الشغلة دي، أول ما تجيهو بذكرك باسمك بسميك: مرحب يا فلان زي ما عندنا في بحري في منطقة من مناطق بحري اللي هي منطقة أم دوم هناك في ساحر وساحرة، امرأة تتدعي أنها تتكلم مع الله مباشرة واحدة ، اتنين ساحر برضو يدعي أنه يتكلم مع الله مباشرة والناس تعتقد أن هؤلاء صالحون والناس تزورهم من مكانات بعيدة، ديل الشي البعملوه أول ما تجيهو من أي بلد بسلم عليك وبذكرك بي اسمك مرحبا يا فلان الليلة الجابك لينا شنو؟ دي ببادرك بيها، مرحب يا فلان، الليلة الجابك لينا شنو؟ وعارفين السبب الجابك لينا، انت جايي من البلد الفلانية وجايي من أجل الشي الفلاني، دي ساحر سواء كان رجل أو امرأة، أي زول مشيت ليهو ما بعرفك ولا بتعرفو ذكر الكلام ده تأكد أنو ساحر، البفتح الكتاب، في كتير من الناس بترددو بقول لي الشيخ والله جيتك تفتح لي الكتاب، الرجل الذي يفتح الكتاب أو المرأة ده ساحر، السحر ده الأصل وديل الفروع، في أصل في أصل الشجرة وفي الفروع بتاعنها، البنذكرهم ديل كلهم فروع للسحر، البفتح الكتاب والبرمل، والبقرأ الفنجال وقاري الكف، والمنجمون وبتاعين السبحة، بتقوم تقول ليهو يوه أنا جيتك للغرض الفلاني بقوم بطبق ليك السبحة كدي وبقول ليك شيل ليك واحدة منها، بتشيلها بعد العدد، تاني بقوم بطبق السبحة بديك ليها، ده ساحر ده ساحر، ديل كلهم سحرة وديل فروع للسحر الكبير، وغيره من الأشياء البعرفوها الناس بمشو لي بعض الناس الواحد أول ما تجي من غير ما يسألك ولا تسألو ولا بتاع بقول ليك خت كراعك دي هنا، في رملة وبقول ليك خت كراعك، تأكد انو ده ساحر، البسألك من اسم أمك اتأكد أنه ساحر، ديل كلهم سحرة أو فروع للسحر، وغيرهم من الأشياء الناس عارفنها في جزء منهم قد يكون نسيناه انشاء الله، لكن دي علامات السحرة.

    وننتقل للموضوع الثاني اللي هو موضوع العين. موضوع العين وخطورة العين عليك وعلى أسرتك، العين حق، وأنا في السودان بنعتبر الزول العاين ده بنقول ليهو ساحر، فلان ده سحرني، تختلف العين من السحر، السحر فعل فاعل، يعني انسان مشى عدوك، مشى لي شيخ من هؤلاء البنذكرهم، شيخنا فلان، أبونا فلان مولانا فلان الخليفة فلان والمسميات البنسميها، بتمشي بتلقى الناس ديل كلهم سحرة، الناس البسموهم بالتسميات ديل، كلهم سحرة، الله أعلم إلا من رحم الله، لكن كتير منهم الناس بمشوا ليهم ديل كلهم سحرة، أمشي لي أي شيخ معروف الخليفة فلان ولا أبونا فلان، ولا مولانا فلان، أمشي ليهو لغرض معين شوفو بتعامل معاك بياتو أسلوب، بسألك من اسمك؟ طيب، اسمك ذاتو داير منو شنو؟ اسم أمك؟ شوف بسألك من اسمك واسم أمك، أها أحكي ليهو القضية براكم شوف بعمل ليك شنو، بكتب ليك بخرة؟ بكتب ليك محاية بديك ليها؟ بعمل ليك شنو؟ ولا أها الفاتحة؟ حتى البسوي كده الفاتحة (يصفق يديه) ديل سحرة. ما فيش فاتحة كده (يصفق يديه) امشي. أدوهو بخرة، ده واحد أبونا كبير قدر الليلة وباكر وبعد باكر تمشي ليهو بأي قضية من القضايا برفع ليك يدينو كدي (يصفق) أدوهو بخرات، ده أبو، ناس كلهم بسموهم أبونا فلان، ده ساحر ده اكبر ساحر ده زميلنا، انتو ما جايبين خبر ساكت، اسأل مجرب ولا تسأل طبيب، والله الذي لا إله إلا هو أكبر مجرم في البلد دي هو، يجو ليهو من السعودية ويجو ليهو من وين ويجو ليهو من وين، أبونا فلان وكلام فارغ، والله ساحر. البعملوا وراء الكواليس الله به عليم. دجل وشعوذة باسم الدين والناس بعدهم عن دينهم وعن معرفة حقيقة دينهم طوالي يلجأو ليهو ماشين لي أبونا فلان الدايرة تتزوج والدايرة بتاع الدايرة الكلام الفارغ وفي كمان بعض من الناس واحد مرضو يغلبو يقول ليك والله أنا فتشت الرقية الشرعية وغيرو مالقيت وقالوا السحر ده ما بفكو إلا الساحر الذي عملو أو ساحر، في سحر بفكو بي سحر بالنسبة للناس البأيدوا مشكلة فك السحر بالسحر،زمان كان يوم كنا شغالين الشغل ده عشان نفك ليك السحر بالسحر بنعمل الآتي، وده جزء عشان البأيد بقول المضطر يركب الصعب، والضرورات يبحن المحظورات الكلام البقولوا ده، النوع ده من الناس بنقول ليهو كالآتي: زمان لما دايرين نفك السحر بالسحر وخاصة سحر المرأة، أحيانا في نساء بكونن عقيمات، عقيمات عقم ما بلدن، فبجوا بنقول ليهم المرة دي مسحورة، بنقول ليك المرة دي مسحورة، ودي فيها سحر خبيث جدا جدا، وده سحر لا يفك بي سحر، بنقول ليك خليها وامشي، أنحنا لقينا المعلومات دي كالآتي: أنحنا بنستخدم شفرات مع الجن، بنعلم أنو مثلا هذه المرأة عقيمة من جانبك انت، هي ما عقيمة عقيم انت. يعني عندك نقص في الحيوانات المنوية مش عارف عندك كذا، دي بنفك مشكلتها نحن، مشكلة زوجتك دي بنفكها ليك أنحنا لأنك انت ما بتخصب، بنخصبها ليك نحنا، بنقول ليهو شنو؟ بنقول ليك دي فيها سحر والسحر ده كبير جدا ومصيبة وسحر من النوع الذي لا يفك إلا بسحر، بعد ما نقنعك بالكلام السمح ده وغيرو من الكلام عشان تقتنع، بتخليها بنقول ليك خليها وامشي، خليها معانا يومين تلاتة وامشي، بنعمل ليها شنو؟ بعد ما مشيت بنقول للمرأة، طبعا ضعيفة، بنقول ليها انتي فيكي سحر والسحر ده من النوع النجس والنجاسة لازم يفكوها بي نجاسة، النجس لازم يستعملو ليهوا النجس، انتو عارفين المسألة دي مستدرجة لي شنو؟ بنقنعها بالمسألة دي، وهي لي جاهك لي سلطتك لي قرابتها لي حبها فيك أي كلام بنقولو بتنفذوا، بنقول ليها السحر ده نجس والنجاسة لازم تفك بنجاسة، بنقوموا بنعمل شغلة معينة وبنكتب في راس الذكر في راس الذكر كتابة ورسومات، وبنقول ليها اليوم الفلاني، انتي كويسة؟ أنا كويسة، يعني كويسة، لو ما فهمتها بنفهمها، يعني انتي نضيفة من الحيض وبتاع، تحيضي بتين؟ الفترة الفلانية، بتنضفي بتين؟ الفترة الفلانية، انتو عارفين انو أي امرآة ما بتحمل إلا من اليوم الخامس والسادس من غسلها من الحيض، يعني أول يوم تاني يوم أصلو المرة ما بتحمل، بتحمل في الأيام من خمسة يوم وانت ماشي، أي امرأة، دي خبرة عارفنها من زمان كان شغالين مع الجنون، فبنعرف أنو مثلا المرأة دي بتحيض الليلة والحيض بنتهي اليوم وبعد تلاتة خمسة يوم بنقول ليها تعالي في اليوم الخامس من الغسل أو اليوم السادس أو اليوم السابع لأنوالجماعة خبروني انشاء الله السحر ده في اليوم ده ينفك، الخدام ولا الجناعة، بنقوم بنكتب في راس الذكر، كتابة معينة، وأحيانا بتكتب البسملة ذاتها، شوفوا الشغلة دي، البسملة بتكتبها في راس ذكرك، وبتكتب طلاسم تانية وبتجي هي جاهزة، وبتقول ليها النجاسة لازم تحل في نجاسة، وبتشتغل الشغلانية، بكل صراحة!

    شوفوا الشغلة دي! دي البشتغلوها ياتهم؟ ناس أبونا فلان الجماعة البدوا الولد بوقية دهب، البت بي نص وقية ولا هو الولد بوقيتين دهب، ده شغلهم، ده اذا كان التقصير منك انت، أما اذا كان العقم منها هي بنسأل قرينها، عندنا شفرات بنخش للجن وبنسأل قرينها، المرة دي مالها؟ معدايها الشيطان؟ لأنو في نوع من الشياطين بسكن في الرحم معاداة لهده المرأة، يعني هي قد تكون أذتهم، قد يكون عاشقها واحد من الجن ما دايرها تلد من الراجل ده حتى أنو بعد فترة يطلقها، برضو جايز، نوع من الجنون بسكنوا في داخل الرحم، ده مهمتو شنو؟ بعمل ركض، ركض يعني شنو؟ كل ما المرأة تجي تحمل، بعد يومين تلاتة، وبدأ الجنين يلتصق برحم الأم، فهو عندو خبرة بقوم بفصل الغذاء الجاي من رحم الأم للجنا، بقوم بفصل الغذاء الجاي ده، بعد يومين تلاتة المرأة تجهض، بعد شهر شهرين تلاتة المرأة تجهض، أصلو ما بتحمل، ده عارفنو، بنعرفوا بواسطة القرين، مثلا بقول ليك فيها شيطان أحمر ولا جن أحمر، دي خبرة بنستخدمها مع عالم الجن وبخبرونا الكلام ده، ده داير ليهو شغلة. ده عشان نخلي المرأة دي تحمل وما يقطع السلوك الرفيعة دي أو الخيوط البتغذي الجنا لينمو ويكون جنا تام داير ليهو خدمة معينة، بنقول ليها تمشي أو بنقول ليك انت جيب البهيمة الفلانية والشي الفلاني، مسألة بتاعة تقربات للجن والشياطين بالذبائح والنذر، فبنذبح ووريناكم قبل كده كيف بنذبح، بنحيب بهيمة بي مواصفات معينة، انت بتمسي بتفتشها ولا هي مشت فتشتها جابتها، ذبحناها وشلنا الدم المسفوح ده وكتبنا بيهو كتابات معينة خدمة، وده طلبو الجن الذي يركض في رحم المرأة بننفذ ليهو كل شي هو دايرو بعد ده بخليها وبدل انت تخصبها بنخصبها ليك أنحنا بكل صراحة، بنخصبها ليك أنحنا وبنديك ليها، بعد داك انت بتمشي بتقول جاني جنا، حتى في ناس يقول ليك والله ده ود الشيوخ!

    أنا لقيت شافع صغير بلعب في نص الشارع وأمو جنبو واقفة و (هو) في نص الشارع بتاع الظلط، ياوليه ده ما طفلك؟ قالت طفلي. قلت ليها طيب ما تنهي؟ قالت لي ده ما بنهروا، مالو ما بنهرو؟ قالت ده ود الشيوخ، ده ود الشيوخ، ياتو شيوخ؟ في شيوخ بي جاي في بحري بي منطقة علي الكدرو بقول ليهم شنو؟ الإزيرقاب، قالت ده ود الإزيرقاب ده ما بنهروا، يلعب في شارع الظلط ده وزول يطقو مافي، أداكي ليهو الله ولا شيوخ الإزيرقاب؟ قالت أدوني ليهو شيوخ الإزيرقاب! اعتقاد تام! سبحان الله. يعني ده شنو؟ دي مسألة أنحنا بنعملها ونديك ليها وانت بتقول خلاص الشيوخ ادوني، زنينا المرأة، بكل صراحة، ده شغل والله زمان ده شغلنا شغالين الشغل ده سبعتاشر سنة وزول جايب لينا خبر في الحتة دي مافي، والله الدي لا إله إلا هو.

    نخس في موضوعنا اللي هو العين. ذكر الني محمد صلى الله عليه وسلم العين في احاديث كثيرة وأثبت العين. وربنا سبحانه وتعلى ذكر حتى في القرآن: "وإذ يكاد الذين كفروا ليزلقونك بأبصارهم لما سمعو الذكر ويقولون أنك لمجنون. وما هو إلا ذكر للعاملين" دي آية بتثبت العين." فارجع البصر" الخ.. الآيات دي. طيب في الأحاديث؟ يقول النبي صلىالله عليه وسلم في حديث له :" كلكم معيانون إلا من بورك" يعين كلكم معيانون إلا من بورك يعني إلا من قال تبارك الله، كلنا بنصيب بالعين يعني العين ما مشخصة بي شخص معين، كلنا بنصيب بالعين، لكن فرقك انت مع الشخص الآخر التفاعل النفسي، يعني انت نفسك بتتفاعل بطئ، ما بتحاضر الانسان العنتو في اللحظة، يمكن تصيبو بعد شهر بعد أسبوع، بعد خمسة يوم ستة يوم بعد ساعات، فرقك من الآخر المعروف فلان ده عائن أنو فلان نفسو بتتفاعل بسرعة وبلحقك بالعين في نفس اللحظة، ده فرقك بيناتهم، انت ما دعيت ببركة وهو ما دعا ببركة، انت بتصيب بالعين وهو بصيب بالعين، لكن في المشهد الحصل قدامك بتشوف أنو فلان ده علق وانت ما علقت، هو طوالي أصاب الشخص ده بالعين، وبيعتبروا أنو الإنسان ده تعيس وانسان ما فيهو خير،وانسان شرير وده عائن، ودي حسابات الناس، يبقىالكلام ده خطأ، ليه؟ لأنوالصالح ممكن يعين، الصالح، والعين ما على كيف الأنسان العائن، أبدا، ما على كيفك، انت ممكن تصيب نفسك، وممكن تصيب زوجتك، تصيب طفلك وممكن تصيب الآخرين بالعين، بشرط أنك تدعو بالبركة اذا كان دعيت بالبركة ممكن ربنا سبحانه وتعالى يحفظ عينك من الآخرين، ويقول النبي صلى الله عليه وسلم:" العين حق تدخل الرجل القبر وتدخل الجمل القدر" ، ويقول النبي صلى الله عليه وسلم: "العين حق ولو كان شئ سابق القدر لسبقته العين وإذا استغسلتم فاغتسلوا". الحديث الأخير ده، "العين حق ولو كان شئ سابق القدر لسبقته العين وإذا استغسلتم فاغتسلوا". الحديث ده عندو جوانب كتيرة مفروض نفهمها، أولا أنك بتصيب بالعين نعم، صالح ولا ماك صالح بتصيب بالعين، إلا أن تدعو بالبركة، التانية الحديث ده فيهو جوانب مهمة جدا، لأنو في مسألة دايرين نحكيها للناس وتشوفها، تنتبه ليها كويس، والشي ده مطلوب منك انت، الجانب المهم في الحديث ده: "وإذا استغسلتم فاغتسلوا" ده أمر من النبي محمد صلى الله عليه وسلم، اسمع كويس، عشان لو جيت لي بيت بتاع ناس وأصبت طفل ولا أصبت أي شي بالعين وطلبوا منك الغسل لازم تجي تغتسل للناس ديل عشان يعالجو بيهو الشخص العنتو ده وتكون نفسك طيبة بدون أي حسابات طاعة لرسول الله صلى الله عليه وسلم، وأوعك تبقى زي الشيطان، يقول ليك ياخي انت جيتنا في اليوم الفلاني، والله أعلم لكن ربما انت عنت لينا الشخص الفلاني، ولا عنت الشي الفلاني ده فتعال اغتسل لينا، ترفض، ده انت بقيت شيطان، لأنك تفاعلت مع الأمر ولم تتفاعل مع الآمر، ابليس عندما امره الله سبحانه وتعالى أن يسجد لآدم ما نظر للأمر نظر للأمر وتفاعل مع الأمر ونسي الآمر اللي هو الله سبحانه وتعالى، فطرد من رحمة الله، الآن هنا آمرك الرسول صلى الله عليه وسلم، اذا ما اغتسلت انت عاصي للنبي محمد صلى الله عليه وسلم، آيي، وتكون نيتك سليمة جدا يعني كاعة لرسول الله صلى الله عليه وسلم تغتسل للشخص ده عشان يصبو فيهو الغسل وربنا يديهو العافية انشاء الله، يبقى أنحنا انشاء الله في حوجة عشان نعرف الاغتسال، الاغتسال ده أسرع شي للعين، أسرع شي بعالج العين الاغتسال، ده أسرع من حتى القراءة ذاتها، يعني العملية بتاعة الاغتسال يوم تعملها خمسة دقايق انشاء الله لو انت العاين أقل من خمسة دقايق لشخص ده ولو مرضو ده من قبل عشرين سنة انت العنتو وجيت اغتسلت الآن بنفس المواصفات دي انشاء الله وصب فيهو يبرأ اذا كان مرض ما تجسد، يعني شنو، اذا كان انت أصبتو بالعين والعين دي ما تجسدت لي عاهة العاهة دي شنو؟ مثلا اذا كان انت أصبتو بالعين وجا ماشي في الشارع طقتو عربية اتكسرت رجلو ولا يده، ودوهو للمستشفى ـ انت أصبتو بالعين ـ ودوهو للمستشفى بترت اليد دي أو الرجل، هل بعد خمسة يوم ولا عشرين سنة لو ديت قرأت ليهو يعني الايد دي المبتورة بتجي راجعة؟ لا. انقدت عينو. بتجي العين دي تاني بتجي راكبة من السماء؟ لا. لكن اذا كان انت اصبتو بالعين ومرض مرض ما أتلف عضو وبتروه بيشفى بإذن الله تعالى، أي مرض، في مرض متحول يعني الليلة تمشي المستشفى تفحص وجع بطن ماسكك وجع بطن أو مريض، بطنك نضيفة، مخك نضيف، دمك نضيف، أي شئ صاح صاح ما عندك أي شي وانت مريض، بتعاني، ولا الليلة من ملاريا بكرة اتحولت لي تايفويد بعد بكرة تحولت لي بايل بعد بكرة اتحولت لي صورة تانية بعد شوية كلوة من هنا بعد شوية بتاع من هنا، يعني شي غريب جدا، فدي دايما بتكون فيها العين، طيب العين دايرين نعرف غسل العين، عشان نغتسل حتى لوما للآخرين لينا في البيت، مثلا عندنا كفل صغير، ودايما الأطفل ديل بريئين وحلوين فيمكن أن تصيبه أمه بالعين، أو تصيبو انت أبوهو، يمكن هو طفل صغير قام يضحك ولا قام يتكلم ولا قال يا بابا ولا قال ليهو كلمة كدي طوالي قمتو ضحكتو وشوفو الولد ده، ولا وليد كده صغير فصيح شوية وقمتو علقتو ما دعيتو ليهو بالبركة أصبتو بالعين، انتو ناس البيت ديل أصبتو بالعين بتفتكروا إلا الناس الضيوف البجوا جداد وغيرهم وغيرهم؟ جايز يعني، لكن أكتر ناس بصيبو الطفل ده بالعين وبأثروا فيهو أبوهو وأمو، لأنو أكتر ناس بنشرح صدرهم ومع الانشراح بينسوا أشياء كتيرة، ما بدعو للطفل ده بالبركة ثم يعلقوا، أول ما لفظت تدعو له بالبركة : تبارك الله ماشاء الله بعد داك علق، لكن لو نسيت الكلام ده وعلقت قد تصيبو بالعين، قد تصيبو الآن وقد تصيبو بعد يومين تلاتة أو أربعة على حسب تفاعل النفس بتاعتك.

    أنحنا دايرين نعرف غسل العين، دايرين نعرف كيف نغتسل للعين حتى يصب للمريض ويبرأ بإذن الله تعالى، طيب، أولا غسل العين كالآتي: يجيبوا ليك جردل صغير فيهو موية باردة، جردل كورة بتاع ما يضعوهو في التربيزة، يكون في زول ماسكو زي ده، لو فتر ما ينزلو في الأرض ولا في التربيزة ويمسكو واحد تاني لا، يديهو لي واحد تاني يمسكو، طيب يمسك الماعون الفيهو الموية، الموية دي تكفي للصبة، يعني بعد ما يعمل فيهو العملية دي يصبوها فيهو يعني موية بسيطة ما كتيرة خالص، يكون ده شخص ماسك الماعون كدي واقف، يجي العائن، مثلا أنا مكلوب مني الغسل، كيف أجي اغتسل وهل في ذكر معين أنا أقولو؟ ما في ذكر ما وارد في غسل العين أي ذكر، العدد واحدة واحدة واحدة موجودة، طيب أول شي تعملو تجي تدخل يدك اليمين وتكب موية في خشمك، أول حاجة تكب الموية في الخشم، تتمضمض، دي اسمها المضمضة، تتمضمض يمين وشمال تحرك، ثم تمج، المج يختلف من المضمضة، يوم تكب الموية في خشمك وتعمل كده ده انسان بتضمض، لكن البمج بعمل كدي، بصم خشمو وبحرك الموية يمين وشمال، تمضمض وتمج وتتف في الموية دي، بعد ما اتمضمت ومجيتها تبزق في الموية دي، دي أول غسلة، تاني غسلة برضو يدك اليمين تقوم تغسل وشك غسلة واحدة كلو وتحتو في الماعون ده، المرة التالتة بتدخل يدك الشمال بتغرف موية بتغسل شنوبتغسل المفص ده بتاع يدك اليمين لغاية المفصل ده بس، بتحتو هنا، المرة اللي بعدها بتدخل يدك اليمين شيل موية بتغسل كفك الشمال، دي بتغسلها بتحتها هنا، اللي بعدها يدك الشمال تغرف موية بتغسل المفصل ده (مفصل الكوع) بتغسلو، تمسحو كده وبتحتو هنا، اللي بعدها اليمين للشمال نفس المفصل بتحتو هنا، اللي بعدها الشمال للرجل الرجل المحلة دي (القدم) لغاية المفصل ده بس تمسحو زي ده، تحتها، اللي بعدها اليمين للرجل دي نفس المحلة دي تمسحها كويس وتحتهاـ اللي بعدها الشمال لليمين، يعني تدخل يدك للركبة وبي جوه للملابس دي لأنو دي عورة ما تكشفها تدخل يدك بي جوة الركبة دي كلها تمسحها تحتها، اللي بعدها اليمين للشمال بنفس الطريقة، وآخر غسل يدك الشمال تدخل يدك لي جوه عدتك بضاعتك دي كلها تمسها بورا وقدام وبتاع وتقوم تحتها في الموية دي والشخص ده ماسكها، تجيب الزول المريض ترقدوا في الفراش، فراش شوال المهم ترقدوا على الأرض وشو ده كدي وتشيل الموية دي تكشحها ليهو في ضهرو هنا فر راسو فوق هنا وتشيل الماعون ذاتو تكفيهو فيهو أقل من خمسة دقايق أي مرض بالعين ربنا بشفيهو.

    دي أسرع طريقة للعين، واضحة؟ واضحة؟ دي طريقة غسل العين. (يجاوب عن سؤال للجمهور عن الماعون) لا تكفيهو في راسو هنا ده مش تكبو ليهو في ضهرو تكبو ليهو في راسو من الخلف أيوه حتة الذاكرة دي تكب الموية هنا في مؤخرة راسو وهو منكفي كده، تكب المويه دي هنا وتكفي الماعون ده ذاتو كده وأقل من خمسة دقايق ترفع الماعون ده، فيطيب بإذن الله تعالى، أي عين بإذن الله تعالي.

    (سؤال آخر عن استعمال ماء غسل الملابس الداخلية للعائن بدلا من الغسل) لا الملابس ما بتكفي. عن تجربة الملابس لا تكفي. يعني لو جبت العائن غسلت ملابسو الداخلية، الله أعلم لكن دي الطريقة اللي اغتسل بيها عامر بن ربيعة لسهل بن حنيف عندما أعنه في منطقة المدينة المنورة في وادي من وديانها اسمو الخرارة، عندما أصابه قلع جبة كان يلبسها، مش جبة زي حقتنا دي، حقتهم الزمان الكانو لابسنها ديك، خلعها وقعد يستحم في الوادي ده فكان عامر كان واقف فبدل يدعوه ليهو بالبركة علق تعليق وسهل ده ربنا أصابو بالعين بتاعة عامر، ومن محلو ده ما قدر يرجع، وكع يعني مرض فشالوهو ودوهو البيت، والخبر انتقل للرسول صلى الله عليه وسلم، فدعاه وعاتبه وقال له علام يقتل أحدكم أخاه، ألا بركت؟ يعني ليه الواحد فيكم بضر أخوه لغاية ما يحصل المسألة دي ليه ما دعيت ليهو بالبركة، اغتسل، فاغتسل، ودي الكيفية اللي اغتسل بيها عامر بن ربيعة لسهل بن حنيف انشاء الله,

    بارك الله فيكم، فدي الطريقة بتاعة غسل العين انشاء الله.

    الطريقة التانية اللي هي الرقية الشرعية، لو ما تعرف العاين، هل العين ما في ليها علاج؟ نعم في ليها علاج وهو الرقية الشرعية، وتكرر ليهو الآيات بتاعة العين خاصة الذكرناها قبل شوية، {وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ }القلم51 وغيرها من الآيات أو الرقية الشرعية وتكرر له في موية وتديهو يشرب، وتكرر ليهو في موية ويغتسل بها عدة مرات انشاء الله ، فإذا كان ربنا شفاهو انشاء الله يشفى، بإذن الله تعالى.

    // يتبع //
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
27-02-2008, 06:49 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    تابع بقية المحاضرة الثامنة والأخيرة:

    انشاء الله نقيف لهذا الحد لأنو دقو لي في الطريق أنو عندي ضيوف جايني من برة ووصلوا البيت فبس ما حبيت أنو أفوت المحاضرة انشاء الله، فإذا كان في سؤال سؤالين نجاوب عليهم ونجي نواصل الحلقات التانية.اتفضل. سؤال وجيه قال في عين بتاعة جن؟ في عين بتاعة جن. وأكتر عين يصاب بها الإنسان في الحمام مش الأدبخانة الحمام البتستحم فيهو ده. يعني من الغلط بمكان أنك تخش في الحمام ده وتنسى الذكر. ثانيا حتى لو ذكرت ما تخش الحمام ده وتتعرى أمك ولدتك وتستحم، طبعا ما أظن فيكم زول ما بتعرى كلكم ببتعروا صح؟ آي كلكم بتتعروا، ما جايبين خبر ساكت، الحتى دي خطيرة جدا جدا، لأنو انت لو قلت بسم الله اللهم إني أعوذ بك من الخبث و الخبائث بتطرد الجن أو الجن ما بشوفوك انت في داخل الادبخانة، يوم تجي تقول الكلام ده، في جن في الادبخانة دي، الجن ده ما بشوفك على الإطلاق بعمى عنك نهائي، ماشبوفك عشان يضرك ولا بتاع، لكن لو غفلت ما جبت الذكر ده في جنون بشوفوك، ويمكن يشوفوك في بضاعتك دي وتروح فيها شمار في مرقة زي ما قالوا فأعمل حسابك! يبقى تعمل شنو؟ تعمل ليك نكسي صغير، بتاع الملابس البترولية دي لأنو ما بمسك الموية كتير، تعمل ليك نكسي نكسيين تلاتة، صغار، عندما تجي تخش الحمام وتنزل لسروال الكبير تلبس النكس الصغير ده، تلبسو وأقلع ملابسك دي، استحم واغسل نفسك تماما، واغسل حتى السروال ده ذاتو الصغير ده معاك،خليهو صغير عشان ما يحتفظ بالموية كتير، اغسلو ودخل يدك بي جوه أغسل أي حاجة نت داير تغسلها، بعد ده انتهيت من الغسل ده أو حمام عادي، ألبس ملابسك الخارجية وأملص التحت ده، أملصو تمام وشرو خلي ينشف، شرو ختو هنا بره أي محل، ده خلي خاص للحمام، عشان ما تتعرى، أعمل حسابك ما تتعرى في داخل بيت الأدب، بيت الأدب ده أخطر محل يصاب به الناس بالجنون.

    انت عندك طرف سؤال تاني؟ طيب علاج الرقية انشاء الله آيات كتيرة من الحلقة الجاية انشاء الله نجيبة مكتوبة مطبوعة، عشان الناس تقدر تنقل منها انشاء الله. الرقية الشرعية نجيبها مكتوبة عشان الناس تنقل منها بإذن الله تعالى. آيي، حافظنها لكن لو درنا نقولها كلها كتيرة جدا تاخد مننا زمن،نجيبها مطبوعة انشاء الله ونلصقها بس في البوابة هنا،أي زول يجي ينقل منها انشاء الله، بارك الله فيك، آيي، والجن بصيبك بالعين، الجن بصيب بالعين بالمناسبة، بصيبك بالعين، وكتير من عاهات الرجال وعقم النساء من عين الجن. والسرطان ده، السرطان الخطير ده، عين. السرطان عين. الأورام الخبيثة دي كلها ناتجة عن العين! لأنو في حديث للرسول صلى الله عليه وسلم:" أكثر من يموت من امتي بعد قضاء الله وقدره بالعين"، ده حديث للنبي صلى الله عليه وسلم، وانتو بتعرفو النبي ما بكضب: " والنجم اذا هوى ما ضل صاحبكم وما غوى. وما ينطق عن الهوى. إن هو ..." إذن المقابر دي إذا كان جيت لقيت فيها مية شخص، اتأكد سبعين تمانين شخص ماتوا بالعين ولا واحد يعرف أنو فلان ده كتلتو العين على الإطلاق. هسع عارفين ليكم زول كده أصبتو عين كتلتو؟ ما عارفنو. لكن ده حديث النبي صلى الله عليه وسلم:" أكثر من يموت من أمتي بعد قضاء الله وقدره بالعين. (يساله أحد الجمهور) لا لا الرقية واحدة يعني ترقي من عين بشر ولاترقي من عين جن واحدة الرقية واحدة اللي هي آيات واحدة، آيات موجودة في القرآن، بارك الله فيك.

    طيب. طيب. سوالو قال ما الفرق بين الجن المسلم والجن الكافر والشيطان؟ طيب الفرق بيناتهم أفهم تمام يا أخ، الشيطان ما فيهو مسلم إلا واحد، الشياطين كلهم ما بسلموا إلا شيطان واحد فقط، أعرف، لكن الجن، اللي هوالصنف الثالث من الجن، ديل ممكن منهم يكونو مسلمين ويهود ونصارى وغير دينيين، وشواطين، اعلم أن كل شيطان جن وليس كل جني شيطان والجن بنقسموا إلى تلاتة أقسام: شيطان وده عندو مهمة معينة: تضليل الناس عن الحق، ومن الصنف ده ذاتو من كان سليط وبارع في المشاكل ونشط في الفساد والخراب والمشاكل بين الناس والشحناء، اسمه مارد المارد ده صنف من الشياطين، زي ما ذكره الله سبحانه وتعالى:" .. زينا السماء الدنيا بزينة الكواكب. وحفظا من كل شيطان مارد" ده مارد. ديل ما بسلموا والقبلو الشيطان ده ما بسلموا. لكن الصنف التاني من الجنون ممكن يكون مسلم. الله هو العفريت. من كان بارعا ماهرا قويا عظيما قادرا اسمه العفريت، زي ما في سورة النمل: " قال عفريت من الجن" لسليمان "أنا آتيك به" الله يبارك فيك، ديل اسمهم العفاريت، ديل المسلمون. طرف السؤال التاني هلي يجوز نتعامل مع الجن المسلم عشان يعمل لي أشياء معينة؟ لا يجوز. لا يجوز على الإطلاق التعاون مع أي جن، أيا كان صنفه لابد من تدفع التمن غالي. مافيش تعاون حبا في سواد عيونك على الإطلاق، الشيطان أو الجنون ما بخدموك ساكت، لوجه الله تعالى أصلو ما بخدموك ولو كان الخدمة بيناتهم بين الانس والجن جايزة كان أولى بيها الصحابة وكان أولى بيها النبي محمد صلى الله عليه وسلم: "وإذ صرفنا إليك نفرا من الجن يستمعون القرآن"، ليه ما استخدمهم امشوا اعملوا لي كده اعملو لي كده، لأنكم انتو جنون امشو جيبوا لي خبر قريش امشوا جيبوا لي الناس ديل بتآمروا في شنو، امشوا ياخي أنحنا يوم نتكاتل معاهم اكتلوهم، ما حصل صحابي ولا رسول ولا غيرو اتعامل مع عالم الجن سلفنا الصالح ده كلو ما فيش انسان اتعامل مع عالم الجن، خالص لو كان الشي ده شرعي وصح كان هم اتعاملو بيهو.اذن ممنوع وما يجيك واحد سليط لسان فكي فلان ولا مولانا فلان ولا الشيخ فلان ولا أبونا فلان ولا الخليفة فلان يقول ليك أنا بتعاون مع الجنون المسلمين، أو بتعامل مع روحانيون أو بتعامل مع مسميات بسموها هم، ده الدجل ودي حيلة، وكذب وافتراء، أصلو مافيش تعاون بين الشيطان والانس لوجه الله تعالى. الانسان البدعي انو بتعامل مع شيطان مسلم ده دفع التمن هو، دفع التمن هو، لأنو الشيطان لا يستطيع أي انسان أن يملكه عشان يخدمك ساكت، وهو ما بخدمك ساكت، وبعدين الشيطان ده ما فوضى زي الانس، الشواطين والجنون زعامات، كل ناس تابعين لي ملة، وما بخدمو على كيفهم إلا بتوجيه من العفريت من الروحاني الروحاني ده زعيم، زعيمو يوجهو بخدمك سواء كان عفريت ولا شيطان ولا مارد. عندو زعيم بوجهو، هو على كيفو؟ ما على كيفو، إذن ما بخدمك إلا انت الزعيم ده تدفع ليهو التمن، بعد ده بوجه واحد من المسلمين ولا غير مسلم بقول ليهو اخدمو اخدمو، مسلم يعني ما زي البني آدمين يعني انتو قايلين اسلامو شنو يعني كم واحد يقول ليك أنا مسلم وينطق أشهد ألا لا إله إلا الله وأن محمدا رسول الله وبعد شوية بنقضها هم برضو بنفس الطريقة، وطرق كمان، وهابية وأنصار سنة وغيرو وغيرو كلو موجود عندهم، نفس الانسان وبفكر نفس الانسان، يعني ما يغشك يقول ليك انا بتعامل مع جن مسلم ما بضر لي زول وبستخدمو في الاعمال الخيرية الأعمال الخيرية عشان يجيب ليك قروش؟ هو عندو مصنع؟ ما بجيب ليك قروش بمشي بسرق حرامي سرقة. يجيب ليك قروش يعمل ليك سحر التخييل، جاب ليك قروش اديني عشرة الاف بذيك مية الف! البسوي الشغلة دي شنو؟ واحدين شياطين مسلمين. البنزل القروش ديل ياتهم؟ شياطين وجنون مسلمين. تتعامل مع واحد يقول ليك أنا بتعامل وبقلب ليك القروش ديل كلهم حرامية والإسلام ده وينو؟ الاسلام قال ليك انك تبقى حرامي؟ ما يغشك، ده كلو كلام معسول كان نغش بيهو الناس. غشونا بيهو وغشينا بيهو آلاف الناس، أنا بتعامل مع الجنون المسلمين، أنا بتعامل مع الروحانيون وكذا، ده كلام فارغ، مافيش تعاون بين الانس والجن بطريقة سليمة لأن الجن لا يملكه الانس أبدا، زول واحد اللي هو ملكهم ملكة مطلقة، غيرو لا، وحتى النبي صلى الله عليه وسلم كان في الصلاة مسك واحد. يوم مسك واحد وتذكر دعوة سيدنا سليمان ففكاه الناس خافو قالو يارسول الله شفناك هبشت كده بتسوي في شنو انت؟ قال ليهم والله جاني الشيطان بشهب من نار وقبضته من رقبته قال خنقتو حتى لسانو ده شعرت بالبرودة بتاعة لسانو، ولولا تذكرت دعوة أخي لربطته هنا لغاية الصباح عشان شنو الشفع يلعبوا بيهو انتو عارفين الكلام ده، بس بنذكركم، اذن ما يغشك وواحد يقول ليك أنا بتعامل مع الجنون المسلمين ما بضر لي زول لا ، ولا في واحد يقول ليك أنا بملك. أنا كنت بتعاون مع ميتين ستة وتمانين جن، من عفريت لي شيطان لي مارد. زمان بقول ليك بملكهم ويمكن عفوا كده تجي الكلمة أقول ليك أنا كنت مالك كدي، لكن مش مملكة يعني ملك أنا آمرهم من غير مقابل، مملكتي لهم بالتعاون فقط، أقدم ليهم أولا كفر وشرك بالله سبحانه وتعالى ثم يخدموني، يعني ما يغشك واحد يقول ليك أنا بتعاون مع جن مسلم، وتقتنع وتقوم تتعاون معاه، ده أعرفو أنه كافر وأعرفو أنه مشرك وأعرفه أنو قدم لابلبيس وجنود ابليس عفاريت وروحانيين وغيرهم الخدمة الصحيحة البحبوها هم وكل ما انسان بقى يتعامل مع الجماعة ديل اتاكد أنه بعيد عن الله سبحانه وتعالى، وقريب من الشيطان فما فيش تعاون، وما يغشك يقول ليك بتعاون مع جن مسلم، هل يجوز التعاون مع الدن المسلم مثلا يعطيك أموال؟ نفس الكلام القلناه، يعطيك أموال بجيبها من وين؟ بسرقها حرامي.

    بارك الله فيك. (يرد على أحد الجمهور) ده الشيخ البرعي قال كده؟ أنا ما عارف الكلام ده؟ الشيخ البرعي ذاتو قال ليك كده، الزول الكاتب السؤال ده؟ (أحد الجمهور يسأل ولكنه لايذكر شيخ البرعي) طيب بارك الله فيك. ده افتراء ودجل وكضب. الشيخ ده كضاب. عشان كده أنا بنحذر الناس، قال هناك شيخ يدعي أنه يتعامل مع جن مسلم ويعالج به الناس ويتعامل معه لمصلحة المسلمين، ما نفس الكلام القالو الأخ ده، يقول ليك الجن الخيري، ياهو جن خيري جن مسلم بتاع، المسميات بسموها الناس، ده مافيش كلام بالشكل ده، خالص مافيش كلام بالشكل ده، بعدين الرقية دي، أنا غايتو من رايي الشخصي ده مش شرع ولا سنة لكن من رايي الشخصي، العارفو في عالم الجن والشياطين والعرفتو في الرقية وفتن الرقية اي انسان لا يرقي إلا يتجاوز عمرو الخمس وأربعين فما فوق، أعمل حسابك، دون الخمسة وأربعين أعمل حسابك، أعمل حسابك من عالم الجن والشياطين دي نصيحة من خلال تجاربي أنا مع عالم الجن والشياطين. أولا الرقية دي فتن. الرقية دي في حد ذاتها فتن. أكبر فتنة للانسان تضللو الرقيةالشرعية. لآنو بمروا بيك النسوان، ومشكلة النسوان دي إلا من رحم الله، إلا كان ما عندك نخوة بتاعة رجولة، أنحنا المسألة دي ما جربناها، كنا في الشياطين جربناها والآن في الحق جربناها ولقيناها أكبر فتنة للناس الرقية الشرعية وخاصة الناس البقولوا أنهم سنيين وناس موحدين أنا أنصح أنو أي شاب ما يرقي إلا لأسرتو، إلا يتجاوز عمرو الخمسة وأربعين، ثم حتى الخمسة وأربعين ما يرقي إلا وهو متزوج. ومايرقي إلا في بيتو ذاتو بتاع الزواج، ومرتو موجودة، عشان كده شوية بتأمن شر الفتنة بتاعة الرقية والله الرقية دي فيها فتن لا يعلمها إلا الله سبحانه وتعالى، أحيانا تقوم ترقي لي مرة وتشوف مناظر ما بتصلح معاك، والشيطان للانسان بالمرصاد، يعني خلال التجارب ده والله امرأة قدام ناسها يحل فيها الشيطان تقوم تقابضك، قدام ناسها خلي انت، ما كتير من اخوانا الآن كانو سبحان الله كانوا عجيبين مرة واحدة الآن مية وتمنين درجة انتهوا خلاص، كانوا سنيين كانوا الواحد فيهم اذا كان لقى خطوط زي ده من شدة تشددو يقول ليك الخط ده كان في زمن النبي مافي أنا ما بصلي في الخط ده ارجعوا ورا ولا زحو من الخط ده، ده كان أسلوب قبل ما يعمل الرقية وقبل ما يرقي الآن يركب ومعاهو مرة وما زوجتو والغنا في عربيتو يغني ويرقص ويلبس السبحة في رقبتو وطاقيتو خضرا ده الزول القبيل دي نهاية الكلام ده شاب والله الذي لا إله إلا هو فسد فساد ما بعدو، ظاهر أما الباطن ده الله به عليم، لكن ده الظاهر، حتى لو بيرقي زي ده جا وقت صلاة بفوت الصلاة لغاية ما ينتهي من الرقية حتى بعد داك يصلي، دي من فتنها، وده كان متشدد بطريقة ما عادية، الآن موجود عندنا هناك في بحري، وكتير من الإخوان الفتحوا باب الرقية دي والله إلا من رحم الله، باب الرقية دي بالمناسبة شر لأنو بجيب ليك عالم النساء وأكتر ناس متأثرين بمرض الجنون والشياطين النساء، وهم حيترددوا عليك، تجيك واحدة تسوق واحدة لا قريبتها لا بتاع فالمسألة دي دايرة ناس كبار شوية عاقلين ومتزوجين و.. و إلى آخره.

    كويس دقيقة. وزي ما تكلمنا قبل شوية، أنو ما يغشك أي انسان، قلت ليك ده غش، اسألني أنا من الشغل ده، قال اسأل مجرب ولا تسأل طبيب، مافيش تعامل مع الشياطين والجن في أي مصلحة وبعدين باب الرقية فاتح موضوع تاني، أنا كنت برقي لامرأة بت ومعاها زوجها فرقيت ليها واستحضر الجن ده مثال للزول ده، استحضر الجن بتكلم معاي، وبعدين شوف، أنا ما بحب أنو أتكلم مع الشيطان، لآنو بعرفو بيعمل فتن، من زمان كنا شغالين معاهو عارفين فتنو، الآن عارفنو أكتر، اذا كان اتكلم معاي بقول ليهو اخرج ياعدو الله بإذن الله لا إله إلا الله محمد رسول الله ما بكترها معاهو، لو كترتها بكون هو برتاح لأنو كلامك ما بياذيه بتأذيهو الرقية، ويفتح ليك باب بتاع كلام عشان يقول ليك الشغلة دي هناك وكذا وكذا وكذا، وانت بتخلي القراية وبعده انت زي الانسان الخانقو خنقتو تمام قطعت روحو دي وبعد شوية فكيتو ما بياخد نفس بعد ده ممكن يقاومك، انت يوم تقرى ليهو ده خانقو لكن يوم خليت القراية فكيتو، بعد ده يقعد يراوغ معاك عشان يرتاح، بعد ما يرتاح عشان تاني يقدر يقاوم معاك يعمل خبايثودي، والشيطان ما بصدقك على الإطلاق وأي شيطان خش بواسطة سحر عملوه بواسطة سحر يعني طبوك وعملو ليك سحر ما بتكلم بالانسان الحقيقي العمل السحر ده على الإطلاق إذا كان الساحر حي، أنا السحر، جيتني انت عشان أعمل لي زيد ولا عبيد سحر، عملت ليهو سحر وسحرتو، ومشى انضر الزول ده، ومشو ودوهو لي فلان بقرا ليهو القرآن، بستحضر الجن، استحضر الجن، هل بقول السحر ده عملو فلان مشى لي شيخ حامد عمل ليهو السحر الكذا كذا الجن بتكلم بالكلام ده؟ ما بتكلم، ليه؟ بخاف. بخاف من منو؟ بخاف مني أنا لأنو لو نضم هناك قال في زول فلاني مشى لي شيخ حامد عمل الكلام ده الخبر بجيني اذا كان الخبر جاني طوالي بستخدم الشفرة بتاعة زعيمو، تعال انت ياخي تجيب لي زول يفتني مع الناس؟ ليه حصل شنو؟ زولك ده مشى قروا ليهو القرآن حصل كذا كذا يبقى داك طوالي برسل من خلفو بقطع رقبتو طوالي، أنا وديتك عشان تعمل فتنة ولا داير تخدم الشيخ ده.

    عشان كده الجن برواغك وما بتكلم الكلام الصحيح، بيعلم الكلام ده من وين، بيتكلم مع قرينك، بيعرف من قرينك عندك فتنة مع زيد من الناس،بستغل الحتة دي، ينضم ويقول الساحر فلان و سوى كده وسوى كده ، وانت فعلا مع فلان ده عندك معاهو مشكلة، يبقى انت هنا حتجزم تماما انو الزول ده ما دام عندي معاهو مشكلة عمل الشغلانية دي، ده الجن بيرواغك هنا، المرة دي أنا قريت ليها القرآن واستحضر الجن ونضم وقلت ليهو اخرج بإذن الله لا إله إلا الله محمدا رسول الله ماداير معاك كلام، قال لي اصبر لي اصبر لي داير اخرج قلت ليهو طيب اخرج، اخرج وإلا بواصل قرايتي، قال ياخي قبل ما أخرج أنا داير اسلم، قلت ليهو تسلم؟ قال لي آيي، قلت ليهو انطق بالشهادة، قال لي كررها لي عشان ننطقها قلت ليهو قول أشهد ألا إله إلا الله وأن محمدا رسول الله، قال أشهد ألا إله إلا الله وأن محمدا رسول الله، نصحتو قلت ليهو الإسرم سمح والمسلم من سلم المسلمون من يده ولسانه والمسلم على المسلم حرام دمه وماله وعرضه، الآن انت أصبحت مسلم ودي مسلمة، يبقى حرام عليك بكل الجهات، تطلع منها، قال طيب أنا بطلع منها وإكراما ليك ودخلتني الإسلام وده كلام سمح وبتاع، شوف مراوغتو، وقال لي ياخي مادام أنا دخلت الإسلام وتبت لله سبحانه وتعالى أنا داير اتعاون معاك، داير تتعاوةن معاي؟ قال لي آيي، قلت ليهو طيب تتعامل معاي في شنو؟ قال لي شفت الدرج بتاعك ده، عندي درج كده الانسان بكون قاعد خلفو كده فيه درج، قال لي شفت الدرج بتاعك ده أي مريض يجيك دخل يدك في الدرج ده، بعد ما تقرأ ليهو دخل يدك في الدرج ده، بتلقى ورقة مطبوعة بتوريك اسم المريض ومرضو ده من شنو وفي تاريخ متين والآيات البتشفيهو والأشجار البتعينك في ذلك، قلت ليهو انت متأكد من الكلام ده؟ قال لي متأكد. ليه؟ قال لي عندنا أطباء أحسن من أطباءكم لأنو في بعض الأمراض في أشجار فيها خاصية بتسرع في العلاج، قلت ليهو أنا عارف الكلام ده، قال طيب أنا داير اتعاون معاك قلت ليهو مقابل شنو؟ قال لي لوجه الله تعالى، مـتأكد لوجهه تعالى؟ قال لي لوجهه تعالى، ما داير مني أي خدمة؟ قال لي ما داير منك أي خدمة، لا قريب لا بعيد؟ قال لي ما داير منك أي خدمة لاقريب لا بعيد، كل انسان يجيك هنا اقرأ ليهو أنا انشاء الله بحضر وبجيب دكتور ويشخص الحالة وتلقى ورقة مطبوعة في الدرج ده. قلت ليهو طيب عشان نعرف المسألة دي لوجه الله تعالى أنا الان ما قدمت ليك أي خدمة، قال لي انت ا لآن قدمت لي خدمة، خدمتي القدمتها ليك شنو؟ قال لي دخلتني الإسلام، قلت ليو كويس طيب الآن أنا داير أعرف المرة دي مريضة بشنو؟ قال لي دخل ايدك في الدرج فتحت الدرج دخلت يدي لقيت ورقة مطبوعة قريتها، لقيت اسم البت البنقرا ليها دي ذاتها، ومتين اتزوجوا، وراجلها ده اسمو فلان، وساكنين في الحتة الفلانية ومريضة من الزمن الفلاني وحاصل حاصل حاصل، من الآيات سورة البقرة الآية رقم مية تلاتة وسبعين وميتين خمسة وخمسين وميتين ستة وتمانين وخمسة وتمانين وىل عمران كده كده كده، الايات كده ذكرها لي كلها مطبوعة جاهزة بالكمبيوتر، طلعتها قريتها، سألت زوجها ده قلت ليهو انت اسمك فلان؟ قال لي آيي. وهي اسمها فلانة؟ قال لي آيي، ما أنا ما قاعد نسأل عن الأسماء، وصاح المرض كذا وكذا، قال لي الكلام ده كلو صاح، سكنين في الحتة الفلانية قال صح، قلت ليهو طيب، شفت الآيات ديك حفظتها كويس والورقة مطبوعة وعرفت الشياء البتعالجها من الأعشاب، طبقت الورقة دي وختيتها في جيبي وقلت ليهو ياخي داير من الحقيقة؟ قال لي آيي، قلت ليهو أنا ماداير اتعاون معاك لا في خير لا في شر، هم شي انت تطل من المرة دي، وخليني أنا ومرضاي أعالجهم ربنا يشفيهم أو مايشفيهم مادير منك أي خدمة، لأنو بنعرفوا هو نصب لي شرك بعيد جدا وذكاء منو دي حيلة وخطة بخططهاا من هنا عشان أنا أقع في المستقبل في الشرك بتاعو، ودي قد تفوت على كتيرين من الناس يعني قد يكون انسان ما عندو خبرة قديمة مع الشياطين ويقول ليهو لوجه الله تعالى ويستدرجو بي طريقة ملتوية ذكية، وفي أنو في مثل يقول ليك من كان أكبر منك يوم واحد أعلم منك سنة فما بالك الشيطان ده أكبر منك بتلتمية اربعمية خمسمية ألف سنة، بكون خبرتو زي خبرتك؟ لا. ده استدراج، أخيرا يوم قلت ليهو أنا مادايرأتعاون معاك وبس أطلع من المرة دي قال لي انت يا الكلب، بنفس الصورة، شفت قبيل بتعامل معاي كيف وبعد ده قال لي انت يا الكلب.. انت يا الكلب, أيوه.. طيب انت ليه قبل شويه قلت أنا بتاع، فيا دوب اتأكدت أنو فعلا نصب شرك معين وفشلت خطتو عشان كدي شتمني، وإلا ما مافي لزوم للشتيمة والكلام الفارغ لو هو كان صادق، فدي مدخل من مداخل الشياطين البغشوا الناس حتى البرقوا، قد يقول أنا مسلم وأسلمت على يديك، وخرجت عشانك، و.. و.و كلام سمح كتير جدا، وأناحأتعاون معاك، وبعد شوية يستدرجك يدخلك في متاهات ما أنزل الله بها من سلطان، فنسأل الله العفو والعافية.
    اللهم علمنا ما ينفعنا، وانفعنا بما علمتنا نعم؟ (يسأله أحد الجمهور) سبحان الله ده كلام غريب شوية انت مافرقت، أنا قلت الرقية، والأخضر ده شنو؟ الخضراء دي شنو؟ آيي نعم أيوه ده الكلام ده أنا قلتو شنو ما قلت ليك ده كدين وسنة لا، قلت ليك من رأيي أنا الشخصي، من رأيي أنا الشخصي وتجاربي سابقا مع عالم الجن والشواطين والآن بعد الهداية تعاملي مع عالم الجن والشواطين وخدعتهم للناس، وعرفتي ليهم وفتنتهم وخاصة للشباب، بننصح من خبرتي، (يستمر أحد الجمهور في طرح الأسئلة) بارك الله فيك فأنا من تجربتي بقترح أنو الإنسان دون السن دي خلي يرقي لأسرتو في البيت لكن كونوا يعمل ليهو محل عشان يرقي الجاي والماشي والطالع والنازل المسألة دي فيها خطورة، خطورتها في الآتي الكلام الذكرتو قبل شوية، فتن ما أنزل الله بها من سلطان، وخاصة الإنسان يكون شاب، الجن يعني قادر يعني يفتنو، لكن الانسان يكون كبير زينا كده وبعد عمرنا ولي غادي يعني المسائل دي ذاتها هو شبع منها وشوية كده بكون عاقل شوية، ومرتو جنبو وأولادو جنبو ما بكون زي الشاب، وخاصة الشاب اذا كان بقى شاب وعازب، فالمسألة دي فيها خطورة. لا لا أنا ما بنفي أنو ما يجيهو ضرر لكن بنقول انو السن دي يعني سن في الحاجات الزي دي أعقل من الشباب يعني هسع يوم يجيبو شاب عمرو سبعتاشر تمنتاشر سنة معاي أنا عمري خمسة وخمسين سنة بكونوا سوا؟ فيها فتن أيوه فيه فتن، كدي أنا بنتفاهم معاك لأنو هنا في اسئلة كتيرة (سؤال من الجمهور) قال عالم الجن بعد خليتهم وشغال ضدهم هل مستعدين أت يؤذوني؟ مستعدين للآن وباكر وبعد باكر إلى أن أموت، عداء ما عادي لكن ماني خايف منهم أبدا بل هم بخافوا مني، انشاء الله، أنا ما بخاف من عالم الجن والشواطين، بارك الله فيك.

    ياخوانا الاسئلة دي ما حقو ... هل الجن أو الجان يضرب صاحبه اذا كذب عليه في شئ يريده؟ لا ما كل جن بضرب جن الزعماء هم البضربوا، آيي بضربوا، ما هو تابع ليهو، هو زعيمو لو رسلو لي حتة معينة عشان يشتغل فيها ورفض ولا لف ودار مش بضربو بكتلو، يكتلو نهائي عشان كده الجن حريص وأطوع لزعمائهم من الإنس لأنو الجن إذا كان عاقب بعاقب بالموت ما بعاقب بالسجن ولا بتاع ولا كدي، عشان كده بخافوا جدا وطاعتهم عمياء لزعمائهم. بارك الله فيك.


    اللهم علمنا ما ينفعنا، وانفعنا بما علمتنا، وارزقنا علما ينفعنا، وعملا يرفعنا استر عوراتنا آمن روعاتنا اللهم اجعل جمعنا هذا مرحوما واجعل تفرقنا من بعده معصوما، ولا تدع فينا و لا بيننا شقيا ولا محروما، أوردنا حوض نبينا ، اسقنا من حوضه شربة لا نظمأ بعدها أبدا، والسلام عليكم ورحمة الله وبركاته.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
27-02-2008, 07:16 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    الشكر أجزله لمتابعي هذا البوست، حقيقة كنت آمل أن أضع هذه المحاضرات لتكون في متناول الباجثين عن طريق محركات البحث من المهتمين بالمواضيع ذات العلاقة بهذا الموضوع ولكنني فوجئت بما لقيه الموضوع من متابعة واهتمام. وآمل أن يسعفني الزمن بالرد على بعض النقاط التي أثارها حامد آدم.

    مثلما ذكرت سابقا فهو إذا كان قد وقع ضحية لسحرة سفليين استدرجوه للطريق السفلي ولم يشفع له تفقهه وحفظه للقرآن من الإنزلاق والوقوع في الشرك ولم يجعل له فرقانا يفرق به بين الحق والباطل، فتلك مشكلته هو وما كان عليه أن يعممها بطريقة توحي أن جميع الصوفية هم سحرة سفليون وأن جميع كرامات الأولياء هي سحر شيطاني.

    من أول ما ذكره من اخطاء قوله بأن كل طريقة صوفية لديها أربعة أقطاب وأن الطريقة الختمية لديها أربعة أقطاب والسمانية لديها أربعة أقطاب، هذا قول كاذب وباطل تماما. للسالكين في الطريق الصوفي درجات وعادة يكون هناك المقدم والنقيب وهؤلاء يساعدون الشيخ ويقومون بتنظيم شؤوون الزاوية أو حلقة الذكر، أما مراتب الأولياء الكمل الذين يعتقد الصوفية بوجودهم وأنهم يشكلون الحكومة الباطنية التي تحكم العالم والذين عددهم ثلاثمائة وستون بعدد اسمه تعالى رفيع 200 + 80+ 10+ 70 = 360 الدرجات ذو العرش بحساب الجمل وعلى رأسهم القطب ثم الامامين ثم يلي ذلك الأقطاب الأربعة والأبدال السبعة إلى آخر التصنيفات، ويعرف هؤلاء أيضا بأهل الدائرة، وأهل الحضرة النبوية، فالحضرة النبوية ليست كما ذكرها هو جلسة ذكر يفرش فيها بساط أبيض يحضرها الرسول صلى الله عليه وسلم، بل الحضرة هي الحكومة الباطنية للعالم وتتكون من الأولياء الكمل وينعقد مجلسها كل ليلة في المنطقة التي يقع فيها غار حراء في الحجاز، وهؤلاء الثلاثمائة وستون من الأولياء إذا مات أحدهم يصعد مكانه واحد من الطبقة التي تليهم، ولا يتم اعطاء هذه الدرجة بقرار من طريقة صوفية بل بهبة إلهية، عبر سلوك وترقي في المقامات قد يتبع خلاله الانسان عددا من الشيوخ مثل أبن عربي وعددا من الطرق في كل مرحلة، ولا يتم ذلك بدخول خلوة والخروج منها بدرجة كذا أو درجة كذا، لآن من دخل خلوة بنية الوصول لدرجة معينة فقد فسدت نيته من البداية فهدف الخلوة هو عبادة الله والتقرب إليه فقط وليست لنيل درجات معينة أو قدرات خارقة معينة كما يفعل السحرة. ومن أراد المزيد من المعلومات عن الحضرة النبوية والأولياء الكمل فعليه بكتاب الإبريز من كلام سيدي عبد العزيز وهو من أشهر المراجع الصوفية.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
27-02-2008, 07:35 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    بخصوص الروحانيdن، هل يقول الصوفية : الروحانيون ملائكة؟ بالتأكيد لا، فالمرجع الصوفي الأشهر في هذا المجال وهو كتاب الإبريز من كلام سيدي عبد العزيز الذي أشرت إليه سابقا وفي موضع حديثه عن الحضرة النبوية يقول أن من ضمن الذين يحضرون الحضرة النبوية الكمل من الجن وهم الروحانيون، فهذا تأكيد بأن الروحانيون هم من الجن وليسوا ملائكة، والذين يحضرون الحضرة هم الأولياء الكمل من الجن مثلهم مثل الأولياء الكمل من الإنس، ويقول المرجع المشار إليه أنهم قد يساعدون الأولياء الكمل من البشر في التصرف بالقيام بأشياء معينة مما لا تطيقه ذواتهم.

    الكرق الصوفية تحذر سالكيها من الوقع في الحبائل الشيطانية فلك سالك يعرف أنه بمجرد سلوكه هذا الطريق أصبح من ضمن فئة البشر التي هي أكثر استهدافا من جانب الشيطان لأنها الفئة التي توجهت بكل همتها إلى الله، وحتى أشهر مشايخ الصوفية وهو الشيخ عبد القادر الجيلاني يذكر كيف ظهر له نور هائل ومشهد عظيم وقال له أنا ربك وقد أحللت لك ما حرمت على خلقي، فماذا كان رد فعل الشيخ عبد القادر الجيلاني؟ هل سارع بتصديق ذلك كما فعل حامد آدم؟ كلا فقد رد على ذلك المشهد قائلا اخسأ يا لعين، قيل له كيف عرفت أنه ابليس؟ قال بقوله أحللت لك ما حرمت على خلقي، فالقاعدة الصوفية الرئيسية هي أن كل كشف يتعارض مع الكتاب والسنة فاضرب به عرض الحائط، لكن حامد آدم إن صحت روايته، لم يتلق أي تربية صوفية فأصبح هدفا سهلا للاستدراج الشيطاني! ومن الغريب أن ما شهده في الخلوة كان كائنا نصفه حيوان ونصفه انسان، وهو رسم متكرر في رسومات الكهوف التي عمرها عشرات الألاف من السنين والمنتشرة في مختلف أنحاء العالم والتي تصور الكائنات التي كان يراها و يتعامل معها سحرة القبائل البدائية بعد تعاطي أنواع معينة من النباتات أو الفطريات، في حين أن من المعروف أن الملائكة اذا تشكلت تتشكل بشكل جميل جدا، وسيدنا جبريل عليه السلام في المرات التي شهده فيها الصحابة كان يأتي بصورة رجل جميل المظهر شديد بياض الثياب أو في صورة الصحابي الذي اشتهر بوسامته الفائقة دحية الكلبي، وحتى حين تمثل لمريم عليها السلام تمثل لها في شكل بشر سوي بنص القرآن، لكن كل ذلك فات على حامد آدم في خلوته!

    (عدل بواسطة محمد عثمان الحاج on 27-02-2008, 07:38 PM)

                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
27-02-2008, 08:04 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    هل تدعوا الطرق الصوفية مريديها للانقياد الأعمى لكل من يدعي أنه شيخ بحيث يصبح الإنسان بين يديه كالميت بين يدي غاسله؟

    لاشك أن مشايخ الضلال المتوارين خلف واجهات صوفية هي منهم براء يودون أن يشيع مثل هذا المفهوم الباطل والذي حاول حامد آدم أن يؤكده.

    القاعدة الصوفية الأولى هي أن من حق المريد أن يمتحن شيخه، لكن مدعي المشيخة من الكاذبين قد عتموا على هذا الجزء تماما بحيث كاد أن ينساه الناس مما أتاح الفرصة لظهور المزيد من المدعين. من حق المريد أن يمتحن شيخه في كل النواحي الروحية والعلمية والفقهية وكذلك مدى الالتزام بالكتاب والسنة فإذا تبين له بعد كل ذلك أنه شخص تخلص من عيوب النفس وأصبحت كل همته في الله وأنه على بصيرة من الله وعلم لدني وله القدرة على اخراجه من وهدة النفس الأمارة بالسوء فعندها يتبعه ويطيعه طاعة كاملة وليس قبل ذلك.

    مما يشيع في أيامنا هذه أن الإنسان حيثما توجه وطلب الطريق يتم اعطاءه الطريق. حقيقة هناك نوعين من اعطاء الطريق: بقصد التبرك وبقصد السلوك، وحقيقة معظم من التقيت بهم يأخذ الطريق ويعتبر نفسه سالكا. في طريق السلوك لكل انسان طريق معين في بدايته وشيخ معين وتلك هي الحكمة من تعدد الطرق، وفي تراثنا الصوفي هناك الكثير من القصص عن بعض كبار الأولياء الذين كان الواحد منهم يطوف على الشيوخ فيرد عليه كل منههم " أنا ما شيخك: أو ينصحه بالذهاب لشيخ معين في مكان معين هو شيخه، ولم أسمع أبدا في زمننا هذا بشخص ذهب لشيخ ورد عليه أنا لست شيخك بل شيخك فلان وطريقتك ليست كذا بل كذا! وهناك حكاية الشيخ التوم ود بانقا الشهيرة حيث أرسله الشيخ أحمد الطيب ود البشير لشيخ آخر ليعطيه الطريق لأنه مقدر له ألا يصل إلا أذا أخذ الطريق من ذلك الشيخ ثم يكون إرشاده على يد الشيخ أحمد الطيب بن البشير!

    أما حكاية الخضر فهي حقا لها مكانة في الطريق الصوفي ولكن هل يستعملها الصوفية لتبرير مخالفة الشريعة؟ كلا. بل للوصول إلى فهم أعمق للكون وللشريعة وعدم اطلاق الأحكام المتسرعة الخاطية على الأشياء، وهي لايمكن أبدا أن تكون مبررا لقبول شروط كالتي قبل بها حامد آدم مثل سب الله أو الدين أوسب الأنبياء! ذلك خروج صريح عن الملة، والخروج عن الملة يختلف عن مخالفة ظاهر الشرع كما في قصة الخضر. وقاعدة لا تعترض فتنطرد لا تنطبق إلا على التعامل مع الشيخ الحقيقي الذي امتحنه التلميذ وتأكد منه، وهي تحذير للتلميذ من اتباع الهوى في الرأي وتغليبه على ما يأمره به الشيخ من حق، والشيخ محي الدين بن عربي يحكي كيف اعترض هو على أحد شيوخه وفارقه غاضبا وسار فلقيه الخضر عليه السلام في الطريق وشرح له ما قصده الشيخ، فرجع خجلا إلى شيخه الذي كاشفه قبل أن يتكلم بما معناه لم يرد إلينا سوى نبي الله الخضر؟!

    ألف وأربعمائة سنة من تاريخ الإسلام والتصوف وحامد آدم أول شيخ صوفي يترك التصوف لكن هل كان هو حقا شيخا صوفيا؟ بالتأكيد كلا، فهو إن صحت روايته لم يكن سوى ضحية أخرى من ضحايا جنود ابليس المتنكرين في شكل شيوخ صوفية!

    آمل أن أتابع لاحقا الرد على بعض النقاط الأخرى والشكر لجميع المتابعين.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
28-02-2008, 04:43 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    معظم ماأثاره حامد آدم من نقاط لا يحتاج ردا عليه لأنه يتعلق بممارسات السحرة السفليين وهي ممارسات لا علاقة لها بالتصوف. حقيقة لقد اندهشت جدا عندما عرفت لآول مرة أن السحرة السفليين يستعملون القرآن بعد اهانته وتدنيسه وهي إهانة لا تقتصر على الكتابة بالنجاسات فحسب بل أكد لي الساحر السفلي التائب الذي أشرت إليه سابقا أن بعض الطقوس لا تتطلب سوى تلاوة القرآن بألحان معينة! ولكن هل يعني ذلك أن القرآن العادي غير قادر على "الحجب" إذا تمت كتابته بطريقة عادية؟ بمعنى آخر هل كل الأحجبة هي احجبة سفلية شيطانية؟ هذا تعميم آخر خاطئ وصل إليه حامد آدم بلا سند، الشهير عندنا في السودان أنه إذا شك الإنسان أن خصمه محجب فما عليه سوى أن يتبول في الطلقة وبالتالي فإن الحجاب لا يستطيع صدها لوجود النجاسة بها. ربما كان أكثر الحجبات تداولا في السودان هو حجاب الحصن الحصين وهو حجاب مطبوع في شكل كتيب صغير يحتوي على سورة الحديد والأيات السبعة المنجيات والأسماء الحسنى وغير ذلك، ولا يحتوي على أي شئ شيطاني!
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
28-02-2008, 05:31 PM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    تبقى حقيقة وجود السحرة السفليين المدعين أنهم صوفية باقية للأسف الشديد، وأحب أن أذكر فيما سيلي بعض ماحدث لي معهم.

    كان أول من صادفني منهم هو شخص اسمه حسن، وينتمي من حيث النسب ظاهرا لاحدى الأسر الصوفية السودانية الأقدم والأشهر، وقد هاجر والده إلى إحدى مناطق الشايقية في شمال السودان وتزوج بأمه التي تنتمي إلى أسفل الطبقات الاجتماعية في المنطقة وأنجبه حين كان عمره سبعة وتسعين عاما (؟!).

    كان سبب تعرفي به أنني تعرفت على زميل في الجامعة اكتشفت أنه ليس معجبي بن عربي فحسب بل كان يمتلك مجموعة من الكتب الصوفية النادرة التي وصلت له بطريقة غريبة لاداعي لذكرها هنا، لاحقا اكتشفت أنه تلميذ لشيخ حدثني عنه كثيرا جدا وذكر الكثير من الكرامات التي شهدها له، احداها مثلا أنه أرسله ذات يوم لفرع مصرف سوداني بالخرطوم ليقابل مدير المصرف الذي كان مسيحيا، ويطلب منه أن يفتح درج مكتبه ويبحث في البريد الواصل إليه عن رسالة ليست معنونة إليه وإنما معنونة باسم الشيخ أرسلها فرازي البريد خطأ لصندوق بريد المصرف! قال لي أن مدير المصرف لم يصدق الأمر لكنه أخرج الرسائل الواصلة إليه فكان من بينها الرسالة المقصودة الآتية من شخص مقيم في دولة غربية، فاندهش دهشة شديدة حيث أنه لم يستطع العثور على أي تفسير منطقي للحادثة! كتبت للشيخ ورد علي ووجهني بالالتزام بالافعال والأقوال المحمدية الموجودة في الأحاديث الصحيحة وقراءة الصلاة الإبراهيمية بالصيغة الواردة في الأحاديث الصحيحة مائة مرة في اليوم. حين فعلت ذلك بدأت ألاحظ على الفور تغيرا في الرؤى المنامية التي أصبحت تزداد وضوحا حتى أصبحت من العسير التفريق بينها وبين الواقع، وتوالت الرؤى التي تتحقق، أذكر أنني رأيت نفسي في مدينة الكويت قبل حوالي شهر من الغزو العراقي وكانت الكهرباء مقطوعة عن المدينة الخالية ورأيت آبار النفط مشتعلة في الصحراء والأجانب يحاولون اخمادها، باختصار رأيت الكثير مما لم أشهده خلال سنوات من سلوك الطريق الصوفي قبل ذلك على يد شيخ آخر!

    وقر في ذهني أن ذلك الشيخ على درجة كبيرة من الولاية فكتبت إليه ورد علي، ثم فاجئنا ذات يوم بوصوله شخصيا وعلى نحو مفاجئ حيث بقي معنا في الجامعة لعدة أشهر! كانت المفاجئة الأولى لي هي شكله الغريب جدا: كان يختلف عن البشر العاديين في الكثير من التفاصيل فقد كان عبارة عن تجسيد حي لصورة الشيطان المرسومة في لوحات عصر النهضة: وأغرب ما فيها عيون مائلة وأنياب طويلة بشكل غير عادي!

    ثاني يوم لوصوله وأنا أهم بالدخول للعمارة التي كان يقيم فيها فوجئت بزميل آخر خارج من العمارة يقول لي بأن الشيخ قال أنه ولد مكتوب على ظهره لاإله إلا الله وحين طلب منه الحضور أن يريها لهم ادعى أن من يراها يموت بعد أيام وضرب عدة أمثلة لأشخاص ماتوا في السابق فكف الحضور عن الطلب! ذهبت للشيخ فوجدته وحده في غرفة الزميل التي تنازل عنها له مؤقتا، وبعد أن تحدثنا لفترة نهض من سريره وتوجه ليشرب من ماء كان موضوعا في نهاية الغرفة وأولاني ظهره عندها تذكرت على الفور ما قاله الزميل قبل قليل فقلت في نفسي هل حقيقة مكتوب على ظهره لا إله إلا الله؟ وهل سأقبل رؤيتها اذا كان ثمن ذلك الموت، هل أنا شجاع لتلك الدرجة؟ وهنا فوجئت بالشيخ يصرخ بأعلى صوته منتهرا لي" قلت شنو يا محمد عثمان؟" قلت له أنني لم أقل شيئا. قال لي "لقد جرى على خاطرك شئ وقد نقل إلي سريعا" قال العبارة الأخيرة بالفصحى. ثم سرد لي جميع ما فكرت فيه في الدقائق الأخيرة وهو شئ لم يكن له أي علاقة بما دار بيننا من حديث قبله. أصبت أنا بالرعب الشديد فقد كان ذلك برهانا عمليا على أن قراءة الأفكار حقيقة واقعة لكنني تحيرت في قوله نقل إلي من الذي نقل إليه أفكاري؟ لم أفهم ذلك إلا بعد عدة أسابيع. بعدها كان الناس يأتون له لمساعدتهم في مشاكلهم فكنت ألاحظ أنه لأيام يكاشفهم بأشياء بدرجة مذهلة وفجأة تختفي قدرة الكشف عنده لأيام فتكون مكاشفاته كلها كاذبة. ثم لاحظنا أنه لا يصلي الصبح والعصر فحين يتم ايقاظه بصعوبة شديدة لصلاة الصبح يبقى في دورة المياه إلى ما بعد شروق الشمس، وكذلك صلاة العصر كان يجد يوميا العذر لكي تفوته! وكان لا يستحم اطلاقا.

    كان يحفظ القرآن بدرجة مذهلة حيث كان أستاذا في مسيد شيخ صوفي مشهور في أمدرمان، علمت لاحقا أن ذلك الشيخ طرده، وكذلك عرفت أنه متخصص أيضا في علم الحديث وأنه يحفظ عددا هائلا من الأحاديث. ادعى لنا أنه ختم الأولياء وفسر الرمز الموجود في كتاب عنقاء مغرب على أنه هو المقصود به، ادعى لنا أن اسمه محمد، وتشاء الصدفة أن زميلي الذي يسكن معي كان من نفس القرية التي ولد الشيخ فيها ويعرفه معرفة شخصية لكنه أنكر أنه هو وقال أن ذلك شقيقه لأبيه، الجدير بالذكر أنه اشتهر كـ "فكي " في تلك المنطقة حتى أن اسمه ورد في بعض أغاني الشايقية. قال لنا أن أمه سعودية تزوجها ابيه حين كان مفتيا في السعودية واتضح لاحقا أن كل ذلك كذب.

    أخذ شيخنا يطلق النبوءات بأن صدام سينتصر وحين قلت له أن صدام ظالم ولايمكن أن ينتصر أصر على قوله، ثم أخذ يطلق النبوءات عن حكومة البشير بحيث أن السفارة وجهت إليه رسالة انذار! في النهاية تبين لي بكل جلاء أن شيخي ليس سوى ساحر سفلي، فما كان مني سوى أن قمت بطرده فورا. غادر المدينة إلى مدينة أخرى، وبعد سنوات من ذلك التقيت بشيخ صوفي ينتمي لعائلة صوفية أخرى شهيرة في السودان أتى من السودان لعلاج بعض حالات التلبس الشيطاني المستعصية وقال لي أنه قابل شيخي السابق في بنغازي فوجده أصيب بالجنون وأنه يرتدي ملابس بالية وتفوح منه رائحة كريهة، وأنه ملبوس من جانب ابن ملك من ملوك الشياطين، وأنه حين سأله عن سبب نزول هذا البلاء عليه قال له أنه كان يسئ الأدب مع أولياء الله، ولم يتجرأ ذلك الشيخ على محاولة علاجه، قال لي أنه وجهه بالذهاب لقرية طابت ليتعالج فيها على يد شيخ كبير في السن وأن يدركه قبل ن يموت!

    كان ما حدث لي مع هذا الشخص هزة روحية كبيرة جعلتني أعيد النظر في التصوف بأكمله، لكن والحمد لله فبخلاف حامد آدم لم أعمم ما حدث لي على كل مشايخ الصوفية ولا على العائلةالتي ينتسب لها ذلك الشخص ويقيني أنه ليس منهم، رغم أن شيخ السجادة من تلك العائلة الذي كتب اليه شاكيا ذكر لي أنه منهم ووجهني بأن أحاول اعادته للسودان لئلا يتسبب بالمزيد من المشاكل للناس وهو أمر لم يكن في مقدوري.

    سأذكر لاحقا تحربتي الشخصية مع بعض خلفاء الطريقةالكسنزانية ومع ابن شيخ الطريقة الذي كان يدرس معي في نفس الجامعة، و التي تحدث عنها حامد آدم انشاء الله.

    (عدل بواسطة محمد عثمان الحاج on 28-02-2008, 05:40 PM)

                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
29-02-2008, 00:55 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    هل الطريقة الكسنزانية طريقة صوفية حقيقية وما تقوم به من خوارق هل هو كرامات أولياء أم أنها ظواهر من فعل الجن؟

    في مكان ما من الانترنت موسوعة من أربعة وعشرين جزءا قام بتأليفها شيخ الكسنزانية الحالي محمد عبد الكريم، وهي مجرد مؤلف واحد من مؤلفاته وهي اقتباسات من مختلف المصادر الصوفية فيما يخص مختلف المواضيع استعان فيها بمئات المراجع وهي بالتأكيد تكفي لمنحه لقب بروفيسور من أي جامعة، وشيخ بهذه الدرجة من العلم يجب أن حقا من الأولياء، أم أن في الأمر علامة استفهام؟ بالنسبة لي وبلا شك فإن في الأمر علامة استفهام ضخمة جدا بناء على تجربتي الشخصية.

    سمعت بالطريقة الكسنزانية قبل زمن طويل من دخولها الحالي للسودان وذلك من زملائنا الأكراد في الجامعة، ذكر لي أحد الإخوة التركمان أن الطالب الذي كنت كثيرا ما أصادفه في الجامعة (جامعة الموصل أيامها) والمتميز بلبس شال في جميع الأوقات هو ابن شيخ الطريقة الكسنزانية، واعتذر لي التركماني أنه لا يستطيع أن يقدمني له لأنه ترك الصلاة منذ فترة ولذلك يخجل من الوقوف أمام ابن الشيخ!

    بعد سنوات من ذلك وفي دولة أخرى التقيت بشخص عراقي اسمه أحمد مع محامي صديق لي وكانا يعملان لدى رب عمل واحد. لفت نظري في ذلك الشاب العراقي أنه كان ملتحيا بخلاف العادة وكان وجهه يشع نورا. مرت عدة سنوات ثم التقيت به مرة أخرى مصادفة لوحده، وهالني أن أجد أن النور اختفى من وجهه وأن شعره غلب عليه الشيب! دار بيننا حديث ولدهشتي الشديدة فوجئت أنه عميق المعرفة بالروحانيات وحينما سألته من أين له هذه المعرفة قال لي بأنها متوارثة لدى عائلتهم التي تنتسب لأهل البيت عليهم السلام. وذكر لي أنه التقى بالشيخ محمد عبد الكريم الكسنزاني وأنه أعطاه الإذن بإعطاء الطريقةالكسنزانية.كنت حينها أبحث في بعض علوم الحروف فأكد لي أن عنده ذلك العلم لكنه ممنوع من تعليمه! بدلا من ذلك أخذ يحدثني عن الجن! حكيت له بعض الأشياء الغريبة الجيدة التي حدثت لي، وفي اليوم التالي قال لي أنه علم أن الجن يريدون الاتصال بي. لماذا؟ رفض أن يذكر السبب! وفي جلساتي معه تعرفت بخليفة كسنزاني أخر كردي اسمه عبد المجيد، كان في بعض الأحيان يطلق شعره بطريقة دراويش الكسنزانية المعروفة وكان يلبس صورة شيخ الطريقة معلقة من قلادة صغيرة في رقبته!

    لم آخذ الطريقة الكسنزانية من أي منهما. أكد لي أحمد أن الخوارق التي تحدث في حضراتهم إنما يقوم بها الجن المسلم ون أطباء من الجن يقومون بالشفاء الفوري لطعنات السكاكين ويقومون بغير ذلك من الظواهر الخارقة, وأخذ يرغبني في الاتصال بالجن، وقال لي أنه إذا أظهر أمامي أي شئ خارق فسأظن أنه نومني تنويما مغناطيسي لذلك علي أن أذهب وأقوم بكل شئ بعيدا عنه. بعد أن أخذ علي العهد بكتمان السر طلب مني أن أحضر أشياء معينة في غرفتي التي كنت أسكن فيها لوحدي والتي كانت في منطقة تبعد عشرات الكيلومترات عن مكان سكنه هو، وطلب مني المراقبة والانتظار إلى أن يقوم الجن بالاتصال بي. قمت بتجهيز المطلوب ولم يحدث شي فرجعت إليه في اليوم التالي فأمرني بالصبر تكرر الموقف ومر زمن طويل بحيث ظننت أنه كاذب يسخر مين، ولكن لدهشتي الشديدة فقد رأيت أمامي تغييرا ماديا ملموسا أعلن الجن به عن حضوره. كانت دهشتي شديدة لكنني كذبت عيني وأعدت التجربة مرة أخرى فتكرر الأمر وقمت بتكراره إلى أن اقتنعت تماما بأن هناك حقا جن قد حضر. لكي أتأكد من أنه جن مسلم كنت أقوم بتشغيل الإذان والقرآن أثناء الاستحضار فكان الاستحضار يتم بسهولة شديدة فتأكدت أنني أتعامل مع جن مسلم! كان استاذي قد وعدني أنه سيعلمني كيفية سماع الجن ورؤيتهم ولكنه ودون ابداء أي سبب لم يقم يتنفيذ وعده. بعد مرور عدة أشهر راودتني الشكوك بأن ذلك الجن شيطاني رغم نجاحه في كل الاختبارات فتوقفت عن الاتصال به، وهنا بدأ يحضر دون استدعاء ويعلن عن حضوره بطرقات قوية في الغرفة أحيانا حتى عندما يكون معي ضيوف!

    ذات يوم أخبرني أنه علم من الجن أن شيخ الطريقة قد توفي وخلفه ابنه، وصدقه خليفةالطريقة الآخر الذي حاول اقناعي بشتى الطرق أن آخذ الطريقة وأنه سيجعلني أقوم بكل خوارق الطريقة فرفضت وقلت له أنني لا أرى أي شئ يجعلها اميز من الطرق التي سبق لي أخذها، فطلب مني أن أردد " مدد يا شيخ محمد نهر الكسنزاني" وهو اسم ابن شيخ الطريقة الذي ظن الخليفة أنه أصبح الشيخ مكان أبيه، ثلاثمائة وثلاثة عشر مرة وأنني سأرى شيئا يجعلني آخذ الطريقة وفعلت ذلك ولم أر شيئا. بعدها غادرت تلك البلاد وأتيت إلى كندا، وقمت بشراء جهاز كمبيوتر لابتوب لأول مرة في حياتي، ولدهشتي الشديدة أصبح الجهاز يصدر أصوات مزعجة جدا فقمت بإعادته للشركة طالبا تصليح العيب الذي فيه، وبعد أن بقي لديهم مدة أكدوا لي أنه لاتوجد أية أصوات. عندها طلبت منهم فصل سماعات الجهاز الداخلية وتم ذلك لكن الأصوات استمرت، وبعد أن حللت الأمر بطريقة علمية ولاحظت كيف تتكرر تلك الأصوات ومتى تأكدت أنها من فعل الجن. بعدها بشهور قمت بشراء جهاز لابتوب من نوع آخر فانتقلت الأصوات إلى الجهاز الجديد أيضا! باستعمال القرآن كانت الأصوات تنقطع لتعود مرة أخرى بعد التلاوة! في النهاية كان الحل الوحيد أمامي هو وضع سدادات الأذن أثناء العمل على الكمبيوتر وبذلك انحلت المشكلة، وحاولت الاستعانة بعدد من خبراء الروحانيات لكنهم فشلوا جميعا، ومرت عدة سنوات من المعاناة إلى أن لاحظت أن معظم طرق طرد الأرواح الشريرة في مختلف الديانات تستعمل الماء المقدس أو الماء المقروء عليه القرآن، وأتتني فكرة أن أقرأ القرآن على ماء وأضعه في بخاخ وأقوم برش جهاز الكمبيوتر حالما تبدأ الأصوات، ولدهشتي الشديدة نجحت تلك الطريقة وأصبحت الأصوات تضعف في كل مرة تعود فيها وأقوم برشها مرة أخرى إلى أن اختفت تماما!

    من ضمن من حاولت الاستعانة بهم كان الشيخ محمد نهرو الكسنزاني، الذي اكتشفت أن والده حي يرزق وأن أستاذي السابق كذب عليه الجن المسلم الذين كان يتعامل معهم حين قالو له أن شيخه توفي! ارسلت ايميل لشيخ نهرو فماذا كان رده؟


    هذا هو رده
    Quote: الأخ محمد عثمان موسى الحاج المحترم
    السلام عليكم ورحمة الله وبركاته
    لقد قرأنا رسالتك بإمعان ولنا رغبة شديدة بمساعدتك ولكننا نحتاج منك إلى شيء واحد فقط وهو : ان تتوفر فيك في المقابل رغبة شديدة ايضا في مساعدة نفسك .
    ان خلاصة ما عليك ان تفعله هو ان تترك كل التفاصيل التي ذكرتها جانبا وتبدأ معنا خطوة واضحة وواثقة وهي : ان تبعث لنا برقم هاتفك كي نعطيك العهد ثم بعد ذلك نعطيك بعض الأوراد فترطب بها قلبك ولسانك بحضور وبصدق ثم بعد ذلك لا تخش شيئا لأنه وببساطة ان من يكون مع الله فان الله سيكون معه والسلام عليكم ورحمة الله وبركاته.


    طبعا رفضت ذلك. حمدت الله أنني لم أستغث به وهناك تمساح على وشك الهجوم علي! رددت عليه وسألته ما هو الذي يميز طريقته عن الطرق التي سبق لي أخذها ولماذا أزيد عددها واحدة أخرى؟ تحديته أن يثبت لي ذلك فما كان منه إلا أن امتنع عن الرد علي.

    هنا أجدني متفقا مع حامد آدم، فليس هناك أي سبب يجعل مسلمي الجن يتركون شؤونهم وعبادتهم ويأتون لمساعدة دراويش الطريقة لعمل الخوارق. لذلك آمل ألا ينخدع الناس بظواهر لا يعلمون حقيقتها ويسلمون أنفسهم لمن يظنون أنه سيوصلهم إلى الله فتكون النتيجة الوصول إلى الشيطان بدلا من ذلك! إن لدينا في السودان طرق مجربة ومشهود لأهلها بالصلاح ولا أدري كيف انخدع البروفيسور حسن وأصبح شيخا لهذه الطريقة في السودان!

    وفي الختام أقول أن طائفة اليزيدية التي هي أول طائفة اشتهرت بالمجاهرة بعبادة الشيطان بدأت كطريقة صوفية أسسها الشيخ عدي بن مسافر الأموي تلميذ الشيخ عبد القادر الجيلاني وتولى خلافتها ابناؤه من بعده لكن الطريقة انحرفت تدريجيا إلى أن تحولت لعبادة الشيطان. اليزيدية أيضا هي من نفس منطقة كردستان التي أتت منها الكسنزانية!
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع
29-02-2008, 01:00 AM

محمد عثمان الحاج

تاريخ التسجيل: 01-02-2005
مجموع المشاركات: 2997
للتواصل معنا
FaceBook
تويتر Twitter
YouTube
Google Plus
أضغط هنا للتسجيل فى الموقع
Re: هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ (Re: محمد عثمان الحاج)

    سبحانك اللهم وبحمد أشهد ألا إله ألانت وأن محمدا عبدك ورسولك.

    اللهم صل على سيدنا محمد صلاة أنال ببركتها حسن الختام صلاة بعدد أنوار تجليات الله على سيد الأنام وعلى آله وصحبه السلام.
                   |Articles |News |مقالات |اخبار

صفحة سودانيزاونلاين فى الفيس بوك فى حالة توقف الموقع

[رد على الموضوع] صفحة 1 من 1:   <<  1  >>

تعليقات قراء سودانيزاونلاين دوت كم على هذا الموضوع:

هل استولى عبدة الشيطان (السفلي) على الطريقة التيجانية وطرق صوفية أخرى في السودان؟ فى FaceBook

· دخول · أبحث · ملفك ·

Home الصفحة الاولى | المنبر العام | مدخل أرشيف الربع الرابع للعام 2013م | مدخل أرشيف الربع الثالث للعام 2013م | مدخل أرشيف الربع الثانى للعام 2013م | مدخل أرشيف الربع الاول للعام 2013م | مدخل أرشيف الربع الرابع للعام 2012م |مدخل أرشيف الربع الثالث للعام 2012م | مدخل أرشيف الربع الثاني للعام 2012 | مدخل أرشيف الربع الاول للعام 2012م |مدخل أرشيف الربع الرابع للعام 2011م |مدخل أرشيف الربع الثالث للعام 2011م |
مدخل أرشيف الربع الثاني للعام 2011 | مدخل أرشيف الربع الاول للعام 2011م | نمدخل أرشيف الربع الرابع للعام 2010م | مدخل أرشيف الربع الثالث للعام 2010م |أمدخل أرشيف الربع الثاني للعام 2010م | مدخل أرشيف الربع الاول للعام 2010م | مدخل أرشيف الربع الرابع للعام 2009م | مدخل أرشيف الربع الثالث للعام 2009م | مدخل أرشيف الربع الثاني للعام 2009م | مدخل أرشيف الربع الاول للعام 2009م |مدخل أرشيف الربع الرابع للعام 2008م |مدخل أرشيف الربع الثالث للعام 2008م |
مدخل أرشيف العام (2003م) | مدخل أرشيف العام (2002م) | مدخل أرشيف العام (2001م) | مكتبة الاستاذ محمود محمد طه |مكتبة البروفسير على المك | مكتبة د.جون قرنق | مكتبة الفساد| مكتبة ضحايا التعذيب | مكتبة الراحل الاستاذ الخاتم عدلان | مكتبة دارفور |مكتبة الدراسات الجندرية | مكتبة العالم البروفسيراسامة عبد الرحمن النور |
مواضيع توثيقية متميِّزة | مكتبة قضية سد كجبار | مكتبة حادثة يوم الاثنين الدامي | مكتبة مجزرة اللاجئين السودانيين في القاهرة بتاريخ 30 ديسمبر 2005م |مكتبة الموسيقار هاشم مرغنى(Hashim Merghani) | مكتبة عبد الخالق محجوب | مكتبة الشهيد محمد طه محمد احمد |مكتبة مركز الخاتم عدلان للأستنارة والتنمية البشرية | مكتبة الراحل الاستاذ الخاتم عدلان | مكتبة سودانيز أون لاين دوت كم |مكتبة تنادينا,الامل العام,نفيرنا | مكتبة الفنان الراحل مجدى النور محمد |
مكتبة العلامة عبد الله الطيب | مكتبة احداث امدرمان 10 مايو 2008 | مكتبة الشهيدة سهام عبد الرحمن | منبر اليوم الحار لخريجى كلية الهندسة و المعمار بجامعة الخرطوم |مكتبة الراحل المقيم الطيب صالح | مكتبة انتهاكات شرطة النظام العام السودانية | مكتبة من اقوالهم |مكتبة الاستاذ أبوذر على الأمين ياسين | منبر الشعبية | منبر ناس الزقازيق |مكتبة تهراقا الفن الدكتور محمد عثمان حسن صالح وردى | اخر الاخبار من السودان2004 |
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |مكتبة الراحل المقيم الاستاذ الخاتم عدلان |الارشيف والمكتبات |
Discussion Board |Latest News & Press |Articles & Analysis |PC&Internet Forum |SudaneseOnline Links |

للكتابة بالعربي في المنتدى

للرجوع للصفحة الرئيسية اراء حرة و مقالات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
اضغط هنا لكي تجعل المنتدى السودانى للحوار صفحتك الرئيسية لمتصفحك
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا WWW.SUDANESEONLINE.COM
الاخبار اليومية Contact Us اتصل بنا أجتماعيات

© Copyright 2001-02
Sudan IT Inc.
All rights reserved.

If you're looking to submit news,video,a press release or or article please feel free to send it to bakriabubakr@cox.net

Software Version 1.3.0 © 2N-com.de