|
الحب الحب الحب سرقتو والله
|
سارقاهو كلو...
اقراها جيدا
نصيحة قبل ان تحب
لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
***
لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل
***
وإذا قررت يوما أن تترك حبيباً فلا تترك له جرحاً
فمن اعطانا قلباً لايستحق ابداً منا ان نغرس فيه سهماً
او نترك له لحظه الم تشقيه
وما أجمل أن تبقى بيننا لحظات الزمن الجميل
***
وإذا فرقت الايام بينكما فلا تتذكر لمن كنت تحب
غير كل احساس صادق
ولاتتحدث عنه إلا بكل ماهو رائع ونبيل
فقد اعطاك قلباً...واعطيته عمر وليس
هناك اغلى من القلب
والعمر في حياة الانسان
***
واذا جلست يوماً وحيداً تحاول ان تجمع حولك
ظلال ايام جميلة عشتها مع من تحب، اترك بعيداً
كل مشاعر الالم والوحشة التي فرقت بينكما
حاول ان تجمع في دفاتر اوراقك كل الكلمات الجميله
التي سمعتها ممن تحب
وكل الكلمات الصادقة التي قلتها لمن تحب
*** واجعل في ايامك مجموعة من الصور الجميلة
لهذا الانسان الذي سكن قلبك يوماً...ملامحه
وبريق عينيه الحزين...وابتسامته في لحظة صفاء
ووحشته في لحظه ضيق...والامل الذي كبر بينكما يوماً
وترعرع حتى وإن كان قد ذبل ومات
*** إذا سألوك يوماً عن انسان احببته فلا تقل سراً كان بينكما
ولا تحاول ابداً تشويه الصورة الجميلة لهذا الانسان
الذي احببته اجعل من قلبك مخبأ سرياً لكل اسراره وحكاياته
فالحب اخلاق قبل ان يكون مشاعر
*** وإذا شاءت الأقدار واجتمع الشمل يوماً فلا تبدأ بالعتاب والهجاء
والشجن وحاول أن تتذكر آخر لحظه حب بينكما
لكي تصل الماضي بالحاضر ولا تفتش عن اشياء مضت
لان الذي ضاع ...ضاع...والحاضر اهم
كثيراً من الماضي
ولحظة اللقاء اجمل بكثير من ذكريات وداع موحش
واذا اجتمع الشمل مرة آخرى
حاول أن تتجنب اخطاء الامس التي فرقت بينكما
لأن الأنسان لابد أن يستفيد من تجاربه
***
ولاتحاول ابداً تصفي حسابات أو تثأر من انسان اعطيته قلبك
لأن تصفية الحسابات عملة رخيصة
في سوق المعاملات العاطفية ، والثأر ليس من اخلاق العشاق
ومن الخطا أن تعرض مشاعرك في الاسواق
وأن تكون فارساً بلا اخلاق
واذا كان ولا بد من الفراق فلا تترك للصلح باباً الا مضيت فيه
***
اذا اكتشفت ان كل الابواب مغلقة
وأن الرجاء لا أمل فيه
وأن من أحببت يوماً أغلق مفاتيح قلبه
والقاها في سراديب النسيان...هنا فقط اقولك
إن كرامتك أهم كثيراً من قلبك الجريح
حتى وإن غطت دماؤه سماء هذا الكون الفسيح
فلن يفيدك أن تنادي حبيباً لايسمعك
وأن تسكن بيتاً لم يعد يعرفك أحد فيه
وأن تعيش على ذكرى انسان فرط فيك بلا سبب
في الحب لا تفرط فيمن يشتريك...ولاتشتري من باعك
ولاتحزن عليه
وكمان لو في زول سارقلو حب يورينا
كلام جميل لكم فايق الحب والاحترام
|
|
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
بوست موفق أختي أمنة عبدالكريم
وكريمٌ منك أن تفسحي أول مساحة بالمنبر للحب وسوف يبادلك بحب مثله
وأن كانت نسمة الصباااح من الحبيب فالنحياء سحر المساء عن قريب ،،،،
Quote: ولاتتحدث عنه إلا بكل ماهو رائع ونبيل |
قمة الوفاء بعد الفراق ونبيل المشاعر أبد ا لا تجف مواعينه وتبقي بالأناء لزٌوجة العسل دائما.
،،،،أبوقصى،،،،
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: لاتندم على حب عشته...حتى ولو صارت ذكرى تؤلمك |
Quote: وإذا قررت يوما أن تترك حبيباً فلا تترك له جرحاً
فمن اعطانا قلباً لايستحق ابداً منا ان نغرس فيه سهماً
او نترك له لحظه الم تشقيه |
Quote: إذا سألوك يوماً عن انسان احببته فلا تقل سراً كان بينكما
ولا تحاول ابداً تشويه الصورة الجميلة لهذا الانسان |
الأخت العزيزة أمنه شكراً جميلاً لهذه الوصايا ودمتي محبة للناس والوفاء لمن تحبين .
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك |
الذكري الجميلة دائما تكون مغروسة في الدواخل حتي لو كانت مؤلمة,,,والحب الحقيقي بعيش ياحبيبي
بعلمنا نسامح وبنسينا امبارح,,,, وبفضل دائما وابدا جواناحتي لو كان الطريق ملي بالاشواك .
دمتي اختي امنة وانتي تعطرين صفحات هذا البوست بكل ماهو جميل
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
الأخت الكريمة آمنة بنت عبد الكريم
يسعدك صباحك بكل خير ، ، ،
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك |
هسه عليك الله شوف جنس الكلام ده ، يا أختي مالك علينا كلما نقول نضمد جروحنا بالنسيان أو التناسي إن صح التعبير تجوا تفتحوا الجرح من جديد .. كلامك روعة × روعة بس منو البسمع .... سامع يا ........... ،
لك كل التقدير والاحترام
عماد
| |
|
|
|
|
|
|
Re: الحب الحب الحب سرقتو والله (Re: طارق جبريل)
|
Quote: بت عبد الكريم صلي علي النبي انت مالك طوالي بديتي بالشواكيش الله يستر من الطفيق |
د.طارق جبريل بي جلالة قدرو عندي هنا
والله دي ولا في الاحلام
انا لو عارفة الكلام دي بجيبك جاي من زمان كنت فتحتو
لك الود استاذي الرائع..
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك |
مرحباً بكِ آمنة ،،
و البداية تنبئ عن جميل قادم ..
. .
تحية و تقدير ..
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
أمونة اختي كيفنك؟؟
دا كلام سمح خلاس
لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل
ودا بيزكرني مثل البير القديمة
| |
|
|
|
|
|
|
Re: الحب الحب الحب سرقتو والله (Re: خالد حاكم)
|
صار عندنا آمنتين كل واحده احلى من الثانيه آمنه مختار و آمنه عوض الكريم مرحب بك يا غاليه.
واجمل ما قرأته عن الحب بنظري شعر نزار قباني:
الحب ليس رواية شرقيه بختامها يتزوج الابطال لكنه الابحار دون سفينة وشعورنا ان الوصول محال هو ان تظل على الاصابع رعشة و على الشفاه المطبقات سؤال هو هذه الكف التي تغتالنا ونقبل الكف التي تغتال.
دومي محبه وربنا يمتعك بقرب من تحبين.
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
آمنة كيفنك
Quote: لا تكسر ابداً كل الجسور مع من تحب
فربما شاءت الأقدار لكما يوماً لقاء يوماً آخر
يعيد مامضى ويصل مانقطع...فإذا كان العمر الجميل قد رحل
فمن يدري ربما انتظرك عمر أجمل |
والله آآ زولة جيتيني في محلّي .. والناس يقولوا لي انت مالك ماسك العصاية من نصها!!! هي يا جماعة عصاية شنو هو الحب ده فوقو عصي!!!
الحب ده امانة مو حلو وانا ساظل احب احب احب لمن اموت واحب وااتشاكل واخلي عشان اصالح .. والله يا آمنة كمان صلح الحب ده طاعم طعم ...
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: طارق اخوي كيفنك
Quote: صار عندنا آمنتين كل واحده احلى من الثانيه آمنه مختار و آمنه عوض الكريم مرحب بك يا غاليه
الكلام ده خطير بعدين امنة مختار ما ترضي المقارنة دي |
آمنة يا مطرطشة دي تراجي ما طارق يللا عدليها وانا بسحب دي وللا بعدلها بترك مساحة شااااااااااسعة لحب قديم
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
ـــــــــــــــــــ امونه بت عبد الكريم اولا : مرحبا بيك في المنبر ... ثانيا : انتِ (الاحمر)ده سارقاه من وردة (الحب) ولا من المريخ..!! لانو في ناس كثار مابيشجعوا المريخ علشان عندنا الهلال والمورده وحي العرب واهلي ودمدني والفريق القومي وده برضة ماحب .. ارحب بك للمره الثانية في المنبر ولك كل الود
| |
|
|
|
|
|
|
Re: الحب الحب الحب سرقتو والله (Re: ismeil abbas)
|
اسماعيل عباس كيفنك
Quote: لو كلمتى أخونا محمد عثمان عضو البورد الجميل يتحفك بى غنوة تناسب
البوست...والله زول فنان خلاص....بقترح ليهو أغنية..محمد احمد عوض ...يدوم سعدك ما غيرى وبملآ شبابك العافية(((((((حبيبى فاكرك معاى))))))))))))
|
انشاء الله يسمعنا...
تحياتي واحترامي...
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: لا يا هاشم
كدا أحلا
ولا شنو يا أمونة
|
ود القريش ان شاء الله ما تقع في حبالك لانك عندك خانة واحة فاضية وتكمل الاربعه زوجات لكن ما عندك مشكلة فهمك للدين والشريعه بتعطيك حق ملك اليمين وهو سلك سلك
الاخت امنه
كلام جميل ويا ريت كل من حب وانقطع عنه صلته بالحبيبة او الحبيب يدلي بدلوه
ما اجمل سنوات الحب والحقيقة الحياة حلوة
| |
|
|
|
|
|
|
Re: الحب الحب الحب سرقتو والله (Re: Sabri Elshareef)
|
صبري اخوي كيفنك
Quote: الاخت امنه
كلام جميل ويا ريت كل من حب وانقطع عنه صلته بالحبيبة او الحبيب يدلي بدلوه
ما اجمل سنوات الحب والحقيقة الحياة حلوة |
اكتب لينا عنها يا صبري
ما انا زي ما قال صلاح كتبت ليك لا بيني بينك ريدة لا قصة غرام
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
أختى أمنة
سلام الله يغشاك...
عليك الله بى راحة على الجماعة هنا اصلهم ما متعودين على جنس الكلام ده... أحسن فى ناس هنا بتجيهم صدمة... صدقى معظمنا نسى إنو فى كلمة ذى دى موجودة فى القاموس...
مفاجا...مش لقيت صديقى الساكن فى الإمتداد....أخوه من زوار بوستاتك التى تجمع الناس الغلبانه والباحثة عن واحة....
ودعناك الله قبال ما يجو ناس دينق ونيكدوها علينا....
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
ـــــــــــــ امونه بت عبد الكريم ازيك : بالله ده اسمو كلام .. من تشجيع المريخ ...
تمشي الي تشجيع الهلال الشيعي ...ماكان الهلال السوداني افضل
هم اصلا اللي بيشجعوا النجمة الحمراء دائما ما عندهم مبادي
| |
|
|
|
|
|
|
Re: الحب الحب الحب سرقتو والله (Re: emad altaib)
|
عمدة ازيك ياخ
Quote: هم اصلا اللي بيشجعوا النجمة الحمراء دائما ما عندهم مبادي |
ياخي ما تقول كده الكلام ده بجيب زعل.. ...
بعدين يا فردة انا غيرت الصورة لانوا الاولي دي كانت صورة قديمة ليها سنتين ثلاثة والصورة الاخيرة دي قريب ده وقلنا ندي الناس آخر اصدار عشان لو زول لاقاني يعرفني طوالي لكن انا متاكدة لو في زول شايل الصورة القديمة وقالوا ليهوا فتش ما حيلقاني حتي لو قاعدة قداموا
لك الود..
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
سلام للجميع ... و عمتم مساءا... و حفظتكم الآلهة!!
سؤالي للمشايخ ... هل هذا هو (الحب الحلال)؟ أم انه الحب المطلق ؟ ام ماذا؟
في واحد بيقول : حرموني( الحب الحلال)... ؟؟؟؟ و هذا يعني ان هنالك (حب حرام) !! اليس كذلك؟
| |
|
|
|
|
|
|
Re: الحب الحب الحب سرقتو والله (Re: WadAker)
|
ود عكير(كتبتها صاح) كيفنك
Quote: نقول مرحبا على الدخول بثلاثية غاية فى الروعة و... رائع ....ان تظل على الاصابع رعشة و على الشفاه المطبقات سؤال |
تتمثل الروعة في اللة الادبية الرفيعة المستخدة في مداخلتكم
لك الود ايها المرهف..
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
اختنا امنة وبت حلتنا سلامى ...
كلام جميل وقفت هنا وواصلى حديثك ونحنا فى انتظار
المزيد
| |
|
|
|
|
|
|
Re: الحب الحب الحب سرقتو والله (Re: راشد جبريل)
|
Quote: لاتندم على حب عشته...حتى ولو صارت ذكرى تؤلمك
فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك
اختنا امنة وبت حلتنا سلامى ...
كلام جميل وقفت هنا وواصلى حديثك ونحنا فى انتظار
المزيد |
راشد ود جبرين كيفنك اخوي انا في انتظار تعبيراتك الجميلة عن بعض اللحظات الرومانسية التي عشتها وذكرياتك مع الحب (شواكيش بس).. لو الحب عرض مستمر ما معانا
تسلم يا غالي
| |
|
|
|
|
|
|
Re: الحب الحب الحب سرقتو والله (Re: راشد جبريل)
|
(اموووووونة !! صورتك قبل سنتين ،،، قبل تلاتة ....... يووم ولدوك كلها بتسيب الركب ) انتهى
دا نقلا عن صديقى قال ما قادر يدخل هنا خجلان اولا
وخايف من الشلاليت تانيا ،،،
اها يا امونة الوصية امانة
وناقل الكفر ما عندو ذنب ........
ــــــــــــــــ امونة خلينى امرق بعدين شلتى سمح ؟؟؟؟؟؟
| |
|
|
|
|
|
|
Re: الحب الحب الحب سرقتو والله (Re: دينا خالد)
|
دينا يا عسل مشتاقين
Quote: صورتك قبل سنتين ،،، قبل تلاتة ....... يووم ولدوك كلها بتسيب الركب ) انتهى
|
ده من ذوقك يا عسل تسلمي
Quote: دا نقلا عن صديقى قال ما قادر يدخل هنا خجلان اولا
وخايف من الشلاليت تانيا ،،،
|
قولي ليهو قرب تعال ما تبتعد الشلاليت دي كان مقصود بيها زول معين وشكلو طفش الله لا عادو
Quote: امونة خلينى امرق بعدين شلتى سمح ؟؟؟؟؟؟
|
والله حسستيني عديل كده
| |
|
|
|
|
|
|
Re: الحب الحب الحب سرقتو والله (Re: دينا خالد)
|
Quote: يا سلام ياسلام يامونة
بت مفتحة !
Quote: وشكلو طفش الله لا عادو
شلاليت ذى السم ...
ما تتحسسى امونة انا برضو قاصداهو هو ما انتى ...
انتى من الليلة ما فيك اى كلام !
|
انشاء الله يكون طفش ما يقوم يجينا ناطي بعد شوية تاني
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
اختنا امنه صباحك ورد لي كم يوم داير ادخل البوست ده
تجيني ليك شغل تودرني .اااااااااي قريتو تمام التمام
مااظن في كلام حيكون احسن واحلي من كدا
Quote: فإذا كانت الزهور قد جفت وضاع عبيرها ولم يبقى منها
غير الأشواك فلا تنسى انها منحتك عطراً جميلاً أسعدك |
الله الله
Quote: ظلال ايام جميلة عشتها مع من تحب، اترك بعيداً
كل مشاعر الالم والوحشة التي فرقت بينكما
حاول ان تجمع في دفاتر اوراقك كل الكلمات الجميله
التي سمعتها ممن تحب |
الله يخليك .... رجعتي فينا احلي ايام مضت وما احلي زكرياتنا
ماخد لي كعايه صغيرة كدا
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
الأخت آمنة ... تسلمي,
كلام جميل عن الحب ومخلفاته وتداعياته وإحتمال إنبعاثاته. ويبدو أن وراء هذا الكلام عن الحب تجربة صادقة وردت قلبا صادقا, فكانت كل هذه الروعة.
Quote: فالحب اخلاق قبل ان يكون مشاعر
|
وهو كذلك
مع مودتي
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
كيفنك
Quote: من اي قاسم مشترك او شبه التشابة بدخلك |
طالما فى انثى تعى مثل هذا التداعى الجميل اذن نحن الرجال بخير* _______ فيما يخص الجندرة سدى دى بى طينه وديك ايضا بى طينه او احذيفها فى التناول الخاص ++++++ *الاجابه: طالما فى من يعى مثل هذا التداعى الجميل اذن نحن بخير
| |
|
|
|
|
|
|
Re: الحب الحب الحب سرقتو والله (Re: WadAker)
|
طيب ما دام المشايخ صهينوا من سؤالي ... ساقوم بتوجيه السؤال الي الاخت /امنة عبد الكريم صاحبة الجلد و الرأس في هذا الخيط...
هل هذا هو (الحب الحلال)؟ و هل هنالك (حب حلال و آخر حرام)؟ ام ان الحب لا علاقة له بالحلال و الحرام... اي انه لا يخضع لمثل هذه المفاهيم؟
و يا ريت الجماعة يدونا شويه روائع عن حديث الشعراء السودانيين في قصائدهم الغنائية عن الحب الطاهر و الحب الحلال ...الخ
يا جماعة بطلوا الصهينة ...البتسوا فيها دي...
| |
|
|
|
|
|
|
Re: الحب الحب الحب سرقتو والله (Re: WadAker)
|
Quote: *الاجابه: طالما فى من يعى مثل هذا التداعى الجميل اذن نحن بخير |
نحن بخير مادام مثلكم يعطر سماواتنا بالابداع
__________________________________ *طنشت موضوع الجندر عشان خاطرك بس المرة دي
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: الاخ/برير كيفنك ليس هناك صهينة ولا حاجة بس سؤالك ير محدد المعالم اشرح اكثر لمزيد من التوضيح |
الاخت/ امنة عبد الكريم
سلام
اذا كانت هذه ليست بصهينة ... فالله لا يجيب يوم صهينتكم!!
يا جماعة عنوان البوست الحب الحب الحب... و في داخل البوست كلام جميل جدا عن الحب ... طرحنا سؤال صغير ... جئنا به من ميراثنا (الثقافي الكبير) ... فقلنا هل هذا هو (الحب الحلال) ؟ ام انه (الحب الطاهر) ؟ و هل هنالك (حب حلال و آخر حرام)؟ بمعني آخر هل يخضع الحب للمواريث الثقافية ؟ و نزيد و نقول هل يخضع الحب للدين مثلا اي ان كان هذا الدين ...؟ بعد ده انا اشرح اكثر من كده اقول شنو؟
| |
|
|
|
|
|
|
Re: الحب الحب الحب سرقتو والله (Re: Shamael Elnoor)
|
Quote: على الطلاق دا شاكوش ود الناس الطلع منك حكيمة دا
لكن يبدو انك لسه غرقااااااااااااااااااااااااانة،،، ياربي بيستاهل |
شمائل يا عسل ازيك منورة البوست بالمناسبة دي خواطر غير مرتبطة بتجربة معينة ولكنها تراكمات تجارب بعض من اعرف ومن لا اعرف _____________ مافي شاكوش ولا حاجة الزول لسه محتفظ بي مقعدوا علي كرسي العرش والله بستاهل الله يخليهو ______________________ هسي في داعي تدردقيني في الكلام كده
لك الود..
| |
|
|
|
|
|
|
Re: الحب الحب الحب سرقتو والله (Re: WadAker)
|
عزيزنا/ ود عكر
يا اخي هل أنت في الامارات العربية المتحدة و في ابي ظبي تحديدا؟ انا بسأل من اخينا اسامة عثمان محمد الحسن من اولاد شندي ... شقيق المهندس خالد عثمان محمد الحسن ... عاوز تلفونه لأنه ضاع مني ... اسامة شغال في التدريس ... و في شندي بيسكن في حي الزهور ... لك الود .
| |
|
|
|
|
|
|
Re: الحب الحب الحب سرقتو والله (Re: برير اسماعيل يوسف)
|
سلام يا أهل الدار أنتو البوست دا كان غرقان ويييييييين اندفن كده يا سلام ياروعة يا كلك جاذبية وحاجات كده ياساااااااااتر وبس
وبعدين انتو النهر البسقينا وانتو المدخل للبستان الفيهو زهورنا ورياحينا دا الكلام ولا بلاش قمة في اللغة قمة في الاختيار قمة في التناسق تسلمي يا أمونة
| |
|
|
|
|
|
|
Re: الحب الحب الحب سرقتو والله (Re: ebrahim_ali)
|
Quote: وبعدين انتو النهر البسقينا وانتو المدخل للبستان الفيهو زهورنا ورياحينا دا الكلام ولا بلاش قمة في اللغة قمة في الاختيار قمة في التناسق تسلمي يا أمونة |
يا ابراهيم ازيك والله بعدين اصدق واعمل فيها شاعرة واجيكم رابطة مكنة الفيتوري وكده ما تجامل
شكرا للمرور ونتمني عودتك
| |
|
|
|
|
|
|
Re: الحب الحب الحب سرقتو والله (Re: WadAker)
|
ود عكير انا كوبسة انت كيف
Quote: ثلاثة مكيفات تنبح - مرسلة - برزاز بارد احيانا قاعةاو سمها صالة ان شئت , تحتوينى فى هذه اللحظة,, وانا انفرد ب11 طربيزة وعشرة اجهزة حاسوب انا .. خلف حاسوبى ... حاسوبى المفتوح على ثلاثة نوافذ.... الاولى على هذا البوح الجميل والثانيه موقع لتبادل الصراحة والود والثالث مفتوح على قرف العالم واخر خبر "الروسية كوزنتسوفا في الدور الثالث لبطولة دبي للتنس" بجانب نافذة القلب المفجوع حبا وشوقا على وطن فارقناه عشقا... وعيون تحاول لملمة هذه التنافر العجيب ما استطاعت الاصابع ملت الكتابة واتجهت بصورة درامية نحو الجوال لتسمعنى / راحت عليك/
|
كلام جميل.. انت عارف انا كنت مفكرة افتح بوست واكتب فيهو يوميات وخواطر وكنت محتاجة لي زول (ثابت) يشاركني فيهو ويكون عندو الزمن الكافي للتواصل قدر المستطاع...يا ريت لو تكون انت الزول ده...شوف برنامجك ووريني...لو بقيت موافق عشان نناقش طريقة طرح البوست وافكارو ةاسمو والحاجات التانية المتعلقة بيهو.. المهم..كان عندك افكار تانية وريني مشكور يا ود عكير
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
اخونا برير احترامى
Quote: يا اخي هل أنت في الامارات العربية المتحدة و في ابي ظبي تحديدا؟ انا بسأل من اخينا اسامة عثمان محمد الحسن من اولاد شندي ... شقيق المهندس خالد عثمان محمد الحسن ... عاوز تلفونه لأنه ضاع مني ... اسامة شغال في التدريس ... و في شندي بيسكن في حي الزهور ... لك الود . |
ياريت والله كان شوفتو ليك وين .. تعرف اخر مره زرت ابوظبى كان 2001م بس ممكن اسال الاخ فيصل نوبى فى دبى يشوف لينا اى معرفة فى ابوظبى واذا وجدت خبر حا افيدك عبر هذا البوست , كما يمكن الاستعانه ببورداب الامارات / ابوظبى وهم من خيرة الشباب.... وربنا يسمعك صوت اسامة
| |
|
|
|
|
|
|
Re: الحب الحب الحب سرقتو والله (Re: صلاح الأحمر)
|
Quote: بوستك زي العسل يا ستو وأعتذر عن الخلط في اسمك الكريم مع الأخت آمنه مختار. وارجعي تاني لي بوستي(نفسك في شنو) عشان تعرفي السبب. ولك التحيه والتقدير. |
الرائع صلاح البينا اكبرمن تلومني واعتذر ما بيناتنا يا سوداني يا اصيل لك الود والاحترام..
شكرا للزيارة
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
أنا لاأدري ما اصابني بالضبط.. أري دائره تدور ونحن بداخلها..ولا نستطيع الخروج.. فقط نتحرك في شكل دائري يسرع وتقل سرعته.. يفعل و لا يفتح لنا منفذا للخروج.. ارانا وقد عجزنا عن أي شيء..استسلمنا او زاد غباءنا..لا يهم..سيان.. فمازلنا نقول نفس الكلام.. ونقدم نفس التحليل..ونبتسم بغباء ونحن نكتب أوراقا تكرر أفكارها ونلعن من جوعنا وشردنا ومرضنا وقتل أغلبنا ثم نرفع أكفنا دعاءا عليهم.. ونرخي النظر آمين.. ثم ندور مع الدائرين في نفس الدائره اللعينه!
ماما مني خوجلي لحظه من فضلك..3
| |
|
|
|
|
|
|
Re: الحب الحب الحب سرقتو والله (Re: امنة عبد الكريم)
|
Quote: زول (ثابت) يشاركني فيهو ويكون عندو الزمن الكافي للتواصل |
كيفنك منذ ايام يحاول الصافى ابعاد طيف الحبيبة الحبيبة الطيف تجبره على الثبات وفق نفس المعايير والشروط وهو يريد الرحول الشروط الغربة ... الغربه والشرط الجزائى للرحيل... ادفع ترحل والا... ارجعناك الى ..الى اين لايدرون!! الرحيل .... سادفع شرطه بعدا اخرا على الوطن الحبيبة ... الوطن طن حب ومحطات للسفر وشى من الصياعة الصافى لاوهامه ...سارحل سادتى وسيكون لى وتدا فى ارضا صخريه .. مكتوب عليها هنا انا الصافى الجعلى ود السره وللوطن والحب ساكتب واقول .... عند غياب الشهر,,,, سابدا فى النهوض نافضا تعب الرحيل
| |
|
|
|
|
|
|
Re: الحب الحب الحب سرقتو والله (Re: WadAker)
|
Quote: منذ ايام يحاول الصافى ابعاد طيف الحبيبة الحبيبة الطيف تجبره على الثبات وفق نفس المعايير والشروط وهو يريد الرحول الشروط الغربة ... الغربه والشرط الجزائى للرحيل... ادفع ترحل والا... ارجعناك الى ..الى اين لايدرون!! الرحيل .... سادفع شرطه بعدا اخرا على الوطن الحبيبة ... الوطن طن حب ومحطات للسفر وشى من الصياعة الصافى لاوهامه ...سارحل سادتى وسيكون لى وتدا فى ارضا صخريه .. مكتوب عليها هنا انا الصافى الجعلى ود السره وللوطن والحب ساكتب واقول .... عند غياب الشهر,,,, سابدا فى النهوض نافضا تعب الرحيل |
ده قبول مبطن انا غايتو ح اعتبروا كده
المزيد نواصل
امونة
| |
|
|
|
|
|
|
Re: الحب الحب الحب سرقتو والله (Re: WadAker)
|
ود عكير يا معاين من الشباك يا احلي زول شفناك نشكر مرورك الكريم ولكن.. احس ببعض الماء في فيك يمنعك من ان تدلي باعتراف اكاد اراه من بين سطور كتاباتك احك لنااخي العزيز عن بعض الحب المسروق نحن في انتظار بوحك الجميل
لك ودي الاكيد
امنة
| |
|
|
|
|
|
|
|