|
|
 تعالو نعمل share ونجمع كل الـLyrics بتاعت مصطفي سيد احمد
|
تعالو نجمع كلمات الاغاني الغناها الراحل المميز مصطفي سيد احمد
ويا ريت اي واحد يكتب القصيدة واسم الشاعر ويا ريت الملحن كمان
لكم الود..
وهاكم دي مني كبداية
لوحة وطن في عيون طفلة - قاسم ابوزيد
لوحة وطن فى عيون طفلة
طفلة حلوة وشايلة لونة ..
ترسم الوطن الشباب
كل خط فى اللوحة باين ..
من دموع الطفلة يحكى
النفوس تبقى السحاب
القلوب تبقى الأراضى ..
نزرع الوطن اليباب
راسمة فى اللوحة القمارى ..
فيها وش النيل حزين
الضفاف كان لونا أحمر .
الشجر كان لونو أخضر
الجباه عرقة بيضارى ..
حمرة النيل واصفرارو
**********
راسمة جوه اللوحة طفلة ..
الفرح فى رموشة صفق
ادت الامواج بسيمة
غير النيل إنحدارو
لابسة من السعدة قرقاب .
شايلة فى الأيد الطوارى
مارقة قمحة من اليباب
**********
شلة من أطفال مدارس ..فى نظام ماشين سوا
رددوا الخير بالوتر
الزمن فى اللوحة بشر
الجروف فتحت مداها
الغيوم شايلة المطر
الترابلة هناك كبار
شتتوا العيش للمواسم
العيون شايلات بطر
من بعيد فى اللوحة عامل
الآيادى على السنابل
ودع الليل والفتر ..
خدرالوطن اليباب
|
|
 
|
|
|
|
|
|
|
 Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
ابداكى من وين-ازهري محمد علي
ابداكى من وين..
وفينى منك لسة حاجات
من مخاوف ومن شجن
أبداك من وين وظنى إنك
فكرة إعلان الحيـاة
وانتهاءات العوارض والمحن
نفسى ألقاكى وأكون
انا كلى من بعضك
أو بعضى من كلك بدن
داير ألقاك وأوحد دايرة الدم
المقسمة بينى بينك والشجن
أبداك من وين
ابداكى منى ..
ولا منك أبتديك محل محل
من ياتو منفذ بدخلك
كل الدروب الفيكى سداها المحل
من ياتو شارع بوصلك
كل الدروب معطونة لآخر الوحل
بستبيح كل المنافذ وادخلك
من بين كلامك بدخلك
من ابتسامك بدخلك
من بين مسامك بدخلك
من أى قاسم مشترك
أو شبه التشابه بدخلك
نتلاقى نهرين من تسامى وإشتهاء
أبداك من حيث انتهت
عندك خواطر الإنتهاء
أبداك من وين
| |
|
|
|
|
|
|
|
|
 Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
نصوص الأغاني الموجودة في البوست مجموعها 55 نص علي المشاركين مرجعتها حتى لا يتم تكرارها وهي:-
1. رجع ليك قليبي المهضلم (مكررة).
2. أظنك عرفتي.
3. عينيك مدن.
4. بقول غنوات.
5. طيبة.
6. قلت ليها(مكررة).
7. ضليت.
8. صابرين(مكررة).
9. ألقاك وين.
10. وهج الشعاع.
11. زمن بروح.
12. سافر(مكررة).
13. نشوة ريد .
14. مع الطيور.
15. سيناريو اليابسة.
16. ادفقي (مكررة).
17. عباد الشمس.
18. فات أوانك.
19. أسئلة ليست للإجابة.
20. وضاحة.
21. يا مطر عز الحريق.
22. من بعد ما عز المزار.
23. عم عبد الرحيم...جزء من النص مفقود...!
24. واقف براك.
25. علمي عيوني السفر.
26. يا ضوء شبابيك البيوت.
27. مشرع الحلم الفسيح(مكررة).
28. إحساس بالأمل.
29. شهيق.
30. أبداكي من وين(مكررة).
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: محمد المعتز)
|
31. لوحة وطن في عيون طفلة.
32. جالوص.
33. سحابات الهموم.
34. هردت لهاتي بالغنوات.
35. المسافة.
36. كوني النجمة.
37. علميني الاحتمال.
38. مريم الاخري.
39. الرسالة الحلوة.
40. جمعنا قدر.
41. الدنيا ليل.
42. عشرة مقاطع للحياة.
43. أقراك مرة صاح.
44. كيف أنساك.
45. حكاوي الشوق.
46. زهرة الصبار.
47. لمحتك.
48. علي بابك.
49. زى ما يكون.
50. الرحيل في الليل.
51. غناء العزلة ضد العزلة.
52. مزيكة الحواري.
53. جفاف.
54. الجبال قالت غروب.
55. في صحة الوطن.
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: محمد المعتز)
|
من جديـــد
من جديد جيت تانى تكسر
صمتى .. بالنظرة الخجولة
يا أمل عمرى القبيل ..
ويا سنين عامرات فصولة
ما قدرت أنساك من زمان
بس ضاعت أحلام الطفولة
********
الحنين الجيتنى بيهو
جانى فى لحظات ندم
فى زمان ضيع صبانا
وكل اشتات العشم
من جديد جيت تانى كيف
تبنى فينى الإنهدم
وما قدرت أنساك من زمان
بس ضاعت أحلام الطفولة
*********
ما بفيد انا لو ألملم
من عيونك .. ذكريات
أو أصحى الماضى فيهن
وأنسى حزن الأمسيات
برضو زمن البهجة عدّى
وعمرى فات فيهو الفوات
ما قدرت انساك من زمان
بس ضاعت احلام الطفولة
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
الاخت أمنة
تحياتى
بداية شفافة تعنى بانك تحملى الكثير . يلا معا نخلد للراحل المقيم
ونحنا ناس الامتداد المفترض ان يكون لنا اسهامات كثر لانة كان بيينا
قبل مغادرتة الوطن والرحيل.
لحظة شهيق
لعاطف خيرى
نكــــر صــوتك صـــداك ... غــالــطــني الـزمن فيك
رجــع فاضـي الكــلام مليان ... معــاك إتــبـرجـت غـيـمة
وشهق جوايا صوت جدول ... مـرقت على المطر حفيان
لـقـيـتــك والــرذاذ مــدخـل ...
ونـاديـتـك …
أقـيـفـي مـعاي نشيل كتف الغنى الميل ..
ونتخيل ... ونتخيل حلم دونك بيتحقق ..
وقبلك خيل دماي واقفة علي شرياني تتشهق ..
وبرق صوتك صداك غنيتي ...
رشحت حلقك لي إذاعات الشجر ...
والمنتظر من عودة المدعو المطر ..
وللمسادير و الطنابير ..
واللسة في رحم القصيد ... والدابو هسة وفي سوق عكاظ
بين مزادات الحروف غيبت رسمك وإحتكرتك للظروف
للزمان الجاي واللحظة الفاتت مني هسة ..
يا واقفه بين جرح السحاب وبين شهقة الأرض البكر ..
ما كان ده ريد ..
كان إحتمال تغيير قوانين حركتك ..
ما بين حديثنا ولحظة الفعل الحقيقي ..
وإنتباهك إنت للشارع البيرجع تاني لي نقطة بدايتو ..
و إنحيازك إنت للشارع البيرشح في مسام رمل التوقع ..
وما إتعرف قانون نهايتو ...
غايتوا أمشى في الدرب البطابق ..
فيه خطوك صوت حوافرك ...
يا فرس كل القبيلة تلجموا ..
ويكسر قناعاتا ..
ويفر يسكن مع البدو في الخلا ..
ما برضى غير الريح تجادلهُ وتقنعهُ ..
إفترضتك لون أساسي ...
يمنح اللوحة إزدواجية القراية ..
ويفتح الضوء بين خطوط الريشة والخط الإضافي ..
الجاي من شبكية الزول البشاهد ..
وإكتشفنا الرسمك وأنا برضو التوارد في الخواطر ..
نفس أرقام التذاكر ..
البيها سافرنا وشهدنا ...
إنفجارك في الأرض ..
يا سمرة يا واضحة ..
ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقه غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي وراصد ..
في اللاوعي سكون مواعيد ..
صحوة ... وحلمه... ولونه ..
وشاري يقينك في زندي ...
وسارق لحظة إني أفكر ..
المارق منك ... مارق منك ..
أو مت شهيد ...
ما تتضاري ورى الدعوات ... وما تتلبسي فرح الفات
يسكن فيك النغم الزايف ... ويسرق حاسة شوفنا الواقفة
على رجلين جوانا ..
ونحن الهاويه والمطامن من الأرض ..
آه من نحلك ساعة يرحل ..
ولمن يكتب فينا الحنضل ..
ويختم عمره بفعل الشهد ..
قال الجدول :
طلوع النخلة مرور الريح واحد
لاكين الريح بتعانق حقل ..
ونحنا بنطلع نخلة وننزل ..
ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..
قالت غيمة (غيمة لئيمة) :
أولاد الشارع فهرس لي كل المدن ..
التهرس جوفك بالأسمنت ..
قالت ريح :
شوف الناس قنديل ..
لو ما نور يحرق كوخ ... وباقي الحلة تنور ..
أو جبة جوخ أو ينزل بوخ ... يقول للنسمة الزايفة أقيفي ..
لو تتفرد ريح ... تتشرد ريح ... ريح الخوف ... لو تتفرد ريح
تبدأ تفرتق ضفائر المدن الكاذبة ... تعيد تسريحتك ..
يوم سمايتك شكل قامتك ..
كيف تموتي وتحي تاني ..
ويوم قيامتك ..
هو البيدينا الثبات ..
يا مجلوبه في قافلة رق ..
ما بستحمل صدرك رصاصة ظلم ..
يا صابت رحم الفال يا قطعت حبل الحلم ..
يا كنا نبيعك يا نسرق ..
إخترنا النار الضلها بيحرق ..
طمناك إنو الدنيا بخشها ضو ..
يجرح جلد العتمة ..
لما الليل قربان فجرك ..
يا بت يا نيل ... يا بت يا نيل ..
لو نامت قمحة على الأبيض ... تتشرد زيه ..
وزاد الأبيض في غية ..
ومدد رجلة اليسرى ..
ما كان الكسرة جاتك من بره .... صفرا ومنكسرة
زوجناك الشهداء أولاد الكد ..
الماتو عشان الشعب ..
زوجناك ما عندك ضرة ..
زوجناك ما جاتك ضرة ..
ما إنشاف ماعونك ... في الحلة يساسق
ويلقى فتات ...
قال الأبيض للأزرق :
يبقى ضد الانتباه ..
وضد تواريخ التمازج ..
بيني بينك ..
وده البشوفك في مراهقة الخرائط ..
وفينا من وجع المسافرين ..
واطه مالاقت هوية ..
رد الأزرق :
مطر الحبش لو كان نبش ... جواك سقف
وهد حيلك في الدواخل ... وشد عصبك في المداخل
صوت مراكبي ويد بتسأل في القمح ..
وفينا من فرح المسافرين ..
قصة الشمس القضية ..
يا أعشاب النيل الأبيض ..
ماتتضاري ورى الدعوات ..
أقرا تاريخك ... أخاف ..
أقرا تاريخي … أخاف ..
أسأل جبين الفجر ...
ألقى الفجر مطعون في القفا ..
هل سافرت في دمعك المحقون جفا ..
حبة غضب ..
ما شلنا جمرك وإنطفا ..
جوانا نارك والمطر ..
جايين بالكتابة ..
وضربة الناس المهابة ..
لو هز نخلك باشبزق ..
ما فارق التمر السبيط ..
وما سارو الطورية شك ..
إنو الأرض أنثي ... وبتحمل بالحلال
مين القال إنو المسافة ..
البينا بين الشمس طاقة ..
أو مياه النيل بتدخل ..
في عروق السنبلة ..
المسقية بي عرق ..
الجعانين والمساهرين بالبطاقة ..
أقرى تاريخي وأقيف ..
أقرا تاريخك وأقيف ..
جواك والزمن النضيف ..
جواي من جواك غضب ..
سلم مفاتيح السؤال ..
جيل الشمس موكب حريق ..
واقف على باب الدخول ..
بيناتو بينات الوصول ...
لحظة شهيق ... لحظة شهيق
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
مشرع الحلم الفسيح
للشاعر المبدع دوما ازهري محمد علي ود العمدة
يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح
***************
يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
وبيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
*******************
يا مشرع الحلم الفسيح
أنا وإنت .. والمطر الفصيح
حنطوِّع الزمن القبيح
ناخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف .. الأصابع
حدثنى دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا ..
على الدروب المبهمة
أو ربما..
تهدم آلات الشوارع ..
وترجمْ العُزّى الصواقِع
حدثنى لو مطرك همى ..
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس ..
يبهر بأنوارو السما
يا مشرع الحلم الفسيح
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
حــاوره هـاشـم كـرار
تـوطـئـة :
هو ثروة قومية مثله مثل حقول (الذهب الأبيض) في الجزيرة الخضراء... مثل حزام الصمغ العربي في كردفان (الغرة أم خيراً برة)... مثله مثل حقول الذهب الأسود في بانتيو والمجلد ومدرسة الغناء والتطريب يلتف حولها- الآن- جيل من شعراء الأغنية في السودان، ويلتف حولها الملايين... الملايين من متذوقي الأغنية المتقدمة على امتداد أرض المليون ميل صوته فرد... وصوته جماعة... وصوته أمة، فيه في صوته كل كبرياء الجرح وجرح جيل بأكمله، أشواقه، همومه، عذاباته تطلعاته، نداءاته، دقات قلبه، ودقات قلب الكون.
ما سبق جزء من مقدمة الحوار الذي أجراه الأستاذ هاشم كرار ونشر بصحيفة الوطن القطرية قبيل رحيل الفنان مصطفى سيد أحمد كآخر حديث صحافي... نعيد وبمناسبة الذكرى السادس لرحيل مصفى سيد أحمد مقتطفات من ذلك الحوار الهام جداً والذي أجاب خلاله على السؤال الفلسفي الهام الذي يواجه كل مطرب لمن يغني مصطفى سيد أحمد؟ وتساؤلات أخرى ولأهمية الحوار نعيد نشر جزء منه:
أنت هكذا، يا أستاذ مصطفى معطوب الكليتين لسنوات وسنوات... لكن رغم ذلك مازلت تغني... بل مازلت تبدع.... تضيف مجداً- في كل يوم جديد- للأغنية السودانية، أريد الآن أن أسالك عن هذه التجربة الاستثنائية تجربة الغناء في خضم الألم؟
صمت لفترة خلتها قد طالت أخيراً جاءني صوته الرحيب من وراء شاربه الأبيض الكثيف المميز:
الألم شعور ذاتي خاص، والتعامل معه ومعايشته يومياً يورث المرء قدراً من الجرأة، وقدراً كبيراً من الشفافية والألم، من خلال معايشتي اللصيقة له يلون الطاقة الإبداعية... يشحذ همتها من خلال عملية الإسقاط هذه ، ومن خلال الجرأة المكتسبة، والشفافية تتفجر الطاقة الإبداعية بشكل أو بآخر.
أيضا ومن خلال معايشتي للألم، يمكنني أن أقول أن الألم قد يجعلك تنكفئ على ذاتك أو تنفلت منها وفي حالة الإنكفاء على الذات تتوارى كوامن الإبداع وتندثر وتموت... وفي الحالة الثانية... حالة الانفلات تكتسب قدرة أكبر في الإحساس بألم الأخرين ويستميل هذا الإحساس إلى مشاركة أعمق وأرحب، وبشكل موضوعي.
المسألة في ظني أشبه بالتربية في الصوم إحساسك بالجوع في الصوم يجعلك تحس بجوع الآخرين تلتفت إليهم... تتعاطف معهم تنحاز إليهم وتتبنى– في الغابة- موقفاً معارضاً للجوع حيث وجد وأنى كان.
إذن... من هنا يمكن أن نقول أن انحيازك للنصوص وليد تجربتك مع الألم؟
إلى حدٍ ما.
وإلى حد أبعد؟
لقد كانت معرفتي بالشعر وتذوقه وإدراك الصادق منه وراء ذلك ثم كانت تجربتي مع فن الدراما وقبل ذلك كانت تجربتي مع الرسم والشعر والدراما والتي كانت وراء وضوح رؤيتي في اختيار النصوص التي تتفق مع موقفي من الدنيا والواقع وجملة الأشياء.
أعود وأسألك لماذا إلتمعت فيك موهبة الغناء واندثرت أو كادت موهبة كتابة الشعر وموهبة الرسم؟ بمعنى لماذا أصبح الغناء سيد الموقف الإبداعي فيك؟
الطاقة الإبداعية واحدة وأن تعددت أشكالها هذه حقيقة غير أن هذه الطاقة تعبر عن نفسها في المجال الذي تمتلك أنت فيه، أدواته، ومفاتيحه، لا تندهش إذا قلت لك إن الطاقة ذاتها التي كنت أكتب بها الشعر هي الطاقة نفسها التي كنت أرسم بها وهي ذاتها التي أنشيء بها الآن أعمالي الغنائية الموسيقية، بعد أن امتلكت أكثر أدوات ومفاتيح الغناء من خلال دراستي الجادة في معهد الموسيقى والمسرح، والذي تخصصت فيه في علم الصوت تكنيك الأداء الصوتي... الصوت البشري قديمة وحديثه... إلى جانب المواد الأخرى من الدراسات الموسيقية.
أنت تخصصت كما قلت- في علم الصوت... وأنت بالطبع- من المؤمنين بالمقولة التاريخية التي تقول (أعرف نفسك) الآن انطلاقاً من كل هذا دعني أضع صوتك في طبلة أذنك كيف تسمعه... ما هي ملامحه... في أية خانة من الخانات الصوتية يمكن أن تضعه لنا؟
ابتسم الأستاذ مصطفى سيد أحمد صمت قليلاً ثم قال:
إني أمرؤ أتنفس بالغناء وباستمرار أحاول أن أعبر عن المعاني التي تغيب وتظهر في النصوص الشعرية بمعادل موسيقى وصوتي! أي بُعد في صوتي أو ارتفاع فيه أو انخفاض في درجاته السفلى هو تعبير أصيل عن تلك المعاني التي تبين وتختفي!
ليس هناك صوت زائد أو ناقص عن الضرورة التعبيرية.
يبدو أن السؤال مازال قائماً أين تضع صوتك في أية خانة من الخانات الصوتية.؟
صوتي من فصيلة (باص بريتون) وهي الدرجة الأولى من الأصوات الغليظة عند الرجال.
من من المغنين السودانيين يشاركك الانتماء لهذه الفصيلة؟
صديقي الفنان محمد ميرغني وأيضا جلال الصحافة
قلت الآن دعني أسألك لمن يغني مصطفى سيد أحمد؟
الفنان أي فنان حقيقي- عبر التاريخ كان، وسيظل له موقفه الصارم من العالم الذي يعيش فيه كان الفنان وسيظل ناقداً مبيناً لقيم الخير والحق والجمال... كاشفاً لكل أقنعة القبح ومظاهره... محرضاً على الثورة والتغيير... راسماً معالم الحلم والظلم والظلام وأنا مثلي مثل أي فنان حقيقي آخر كان لي موقف صارم قبولاً ورفضاً ونقداً وتعرية... لذلك فإنني أغني لجملة الناس بما يعبر عن هذا الموقف أنني أتعطل أولاً... أتنفس بما أغني نصاً وموسيقى ثم أعيد تقديمه مرة أخرى لمنبت غناي: جملة الناس الذين ما انفصل غناي عنهم وعن همومهم، وقضاياهم في يوم من الأيام أنني أؤمن إيماناً لا يشوبه أي نوع من التزعزع بضرورية الالتزام بأرضي وأمتي ومن هنا يجئ اختياري للنصوص الشعرية التي تمجد هذه الأرض وهذه الأمة بأية صورة من الصور ومن هنا يجئ الالتفاف الكثيف من أبناء أمتي حول إسهاماتي!
حقيقة أنني لا أجد في نفسي مساحة لذلك النوع من الغناء الذي يعطي الناس (التعسيلة) و(الغمدة) لا أجد غناء يعطي الآخرين وسائد الخدر اللذيذ والطرب فواقعي من واقع أمتي وأمتي واقعها أليم ومفجع ويبقى بالضرورة أن نلمس هذا الواقع، ندق على أبوابه لشحذ الهمم والتحريض على التماسك لقد سقطت- بالطبع- فكرة الفن للفن، وبقيت وستبقي إلى الآن مقولة الفن للإنسان... والحياة.
أنت الآن فنان جيل بأكمله في السودان... هذا اعتراف من الكثيرين... كيف تأتى لك ذلك؟
منذ وقت مبكر أدركت دور الفنان عبر التاريخ، مثلي مثل غيري خرجت من صلب شعبي غير أنني رأيت في الأغنية شيئاً مبتذلاً إذا لم تحمل هذه الأغنية هموم هذا الشعب... عذاباته، أمانيه وتطلعاته... ومنذ البداية، أيضا وضعت نفسي تلميذاً في مدرسة هذا الشعب: أتعلم فيه... أشاركه همومه اليومية قضاياه... انفعالاته... تشوقه للمستقبل... رفضت أن ابتعد أو أتعالى في برج عاجي وهمي عن سواد الناس، فتعلمت منهم كيف أغني الغناء الذي يعبر عنهم، وكيف أعيش إحساس المشاركة العامة، وكيف أكون برقاً بانتمائي لشعبي العظيم. لقد رفضت أن استدعي الماضي لأعبر به عن قضايانا الآنية أو المستقبلية من زاوية أنني الأقدر على التعبير عن واقعي وآفاق مستقبلي من السابقين... وكان ذلك بالطبع تجاوزاً لكل أدبيات الركود والردة حدثت الأغنية السودانية في فترات ما تغنيت به كان خروجاً عن (المتواضع) و(المألوف) وكان خروجاً عن النص السائد غير أنه كان يعبر بإيمان عميق... عن الواقع.
لقد طرحت مشروعي من خلال جلسات استماع في بداية الثمانينات... تعلمت من خلال الحوار الذي كان يدور في هذه الجلسات الكثير، الكثير مما يعتمل في نفوس الناس من هموم ومشاكل وقضايا ملحة فيخرج غنائي من بهو روحي معبراً عن المشاكل والقضايا حين امتنعت الأجهزة الرسمية (بلجان نصوصها وألحانها) الخائبة التي ساهمت في ركود الأغنية السودانية كثيراً حتى صارت شيئاً مكرراً ومسخاً مشوهاً يحاولون تجديده وتزيينه باستدعاء (أغنية الحقيبة) التي لا تعبر عن زمانها وهمومها، في الوقت الذي كان قد تغيرت بالتالي المضامين الشعرية.... وتغيرت النصوص إلى نصوص جديدة لشعراء شباب يكبرون ويكبرون بنصوصهم الجديد في كل يوم جديد.
ويصمت فناننا مصطفى سيد أحمد لفترة ثم من مكان ما في أعماقه يجيئني صوته أخيراً ليقول
المسألة مسألة تشكيل جيل جديد متذوق للأغنية السودانية لم تكن سهلة، ولم تكن قفزة فوق المراحل وإنما كانت توخي أمانة شاهد العصر الذي قرأ الواقع قراءة متأنية عراه برؤية واضحة، وبشر بكل احتمالات المستقبل.
الآن كيف ترى مستقبل هذه التجربة.؟
أتوقع أن يصير هذا توجهاً عاماً وكاملاً عند أبناء الجيل القادم.... سواء كانوا شعراء أو مغنين فالأغنية لم تعد ترفاً لم تعد أرجوحة تخدر... الأغنية صارت هماً قناة لنشر الوعي الذي تعجز عنه كل برامج محو الأمية.
كيف يمكن لنا أن نعبر بأغنيتنا السودانية حدودنا الوطنية... إلى العالم من حولنا؟
أغنيتنا- دون أي نوع من التحيز- يمكن أن تشكل إسهاماً نشارك به الآخرين فنصوصنا الشعرية الغنائية متقدمة إلى حدٍ بعيد، ومقامنا الموسيقى- رغم خصوصيته- ليس غريباً عما هو موجود في العالم، غير أن ما يميزه هو أنه يعبر عن وجداننا نحن عبر التاريخ فقط، يبقى علينا أن نسبغ هذه الأغنية باللون العالمي الذي يشكل قاسماً مشتركاً بين كل شعوب الدنيا يبقى علينا ما يعرف بالتوظيف الآلي والتقنية المتقدمة في فن التسجيل الصوتي ومتى ما تعرفنا على ذلك توافرت لأغنيتنا الشروط اللازمة التي ستجبر الآخرين للاستماع إليها.
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
إحساس بالأمل
مدني يوسف النخلي
أديني إحساس بالأمل ..
مع كل رحلة شوق تطول ..
وأدي الخطاوي الراجعة ليك ..
في سكتك وهم الوصول ..
ما الدنيا كلها إنتظار ..
والإرتحال قدر الفصول ..
الموجة تحلم بالضفاف ..
والغيمة تحلم بالهطول ..
راحل معاي ضي الأماني ..
وذكرى للأيام هناك ..
لحظات بتذخر بالمعاني ..
وكيف أنسى تذكارات هواك ..
تتخلل الغربة ونعاني ..
ونصبر عشان نكسب رضاك ..
ونغني لو زار الحنين ..
يا ريتو كان سفراً معاك ..
شايف مداينك في البعيد ..
وبيناتنا ممدود الطريق ..
كيف الخيول بدت الرحيل ..
جوانا كم جرحك عميق ..
جفت حدايق الروح وراك ..
والزهرة عدمانة الرحيق ..
أدينا إحساس بالندى ..
في سكة الضنا والحريق ..
وأدي الخطاوي الراجعة ليك ..
في سكتك عشم الوصول
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: mahdy alamin)
|
مشروع الحلم الفسيح
يا مشرع الحلم الفسيح
أنا بينى مابينك جزر
تترامى .. والموج اللّديح
القدرة والزاد الشحيح
كملتو .. ما كِمل الصبر
نتلاقى فى الزمن المريح
ميعادنا فى وش الفجر
يا مشرع الحلم الفسيح
***************
يا مشرع الحلم الفسيح
يا بعض منى .. وفينى ساكن
أنا أصلى منك ومشتهيك
وبيناتنا ليل الغربة ... داكِنْ
هبّة هبوبك..
أفتح شبابيك المساكن
وسـِّع دروبك ..
ولـِّع مصابيح الأماكن
يا مشرع الحلم الفسيح
يومنا النـّهِـبْ .. أسلِبنا خوفنا
كبـِّرنا قدرك .. مرتين
وطـِّول قدر كتفك .. كتوفنا
يا رغبة الرعد البيسكن ..
بين غناوينا وحروفنا
ضوِّى الدساكر والضفاف
عبِّى الحناجر بالهتاف
سدِّد مسامات الرِّعاف
نوِّر مغاراتنا وكهوفنا
*******************
يا مشرع الحلم الفسيح
أنا وإنت .. والمطر الفصيح
حنطوِّع الزمن القبيح
ناخد بعض .. شكل السما
حدِّثنى دايماً .. كلما
تنشف على البر الضفادع
يهجر الضو المواضع
وتسقط من الكف .. الأصابع
حدثنى دايماً كلما
تحرد مراسيك السفن
تسكن مرافيك الزعامات .. الدُمى
حدثنى لو تاهت خطانا ..
على الدروب المبهمة
أو ربما..
تهدم آلات الشوارع ..
وترجمْ العُزّى الصواقِع
حدثنى لو مطرك همى ..
حدثنى لو صادف الكى المواجع
وضلك على الساحل رمى
حدثنى لو مطرك همى
علمنا دايماً كلما
نبذر على أرضك شهيد
يطلع شمس ..
يبهر بأنوارو السما
يا مشرع الحلم الفسيح
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: mahdy alamin)
|
ضوء شبابيك البيوت
يا ضو شبابيك .. البيوت
بين التوهج .. و الخفوت
بسرح معاك .. و اسألك
قبال ما يخنقنا الرماد ...
و يعلم العقل الحياد
قبّـال لهب حلمك يفوت
وجذوتك تبهت ... تموت
بسرح معاك و استفسرك
عن ظلمة تمتد و تطول
وإتلخبطت فيها الفصول
عن كلمة ضاعت في الفراغ
بين البزيـِّف و البقول
عن سر يباس البذرة ..
في طين الحقول
عن كل أحلام .. الصغار
الما لقت ... غير الذبول
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
علِّـمي عيوني السفر
مدني يوسف النخلي
علمي عيوني السفر ..
ما البسافر في عيونك ..
سكتو تبقى السلامة ..
بنسى أحزانو ..
وبعرف الدنيا جنبك إبتسامة ..
ضللي الناس بي حنانك ..
أبقي ليهم ضُل غمامة ..
الشقا اللازمني مدة ..
يوم إفوت ، والفرحة تبدأ ..
ما بقول فارقني عدَّا ..
عشان بخاف ترحل عيونك ..
وتنهزم فيني الأماني ..
وبي أساهو وبي شقاهو ..
تاني إتوشح زماني ..
أصلو غير عينيك وحاتك ..
ما في للأفراح معاني ..
جينا ليك .. شوق في عيونا ..
وفي عيونك شوق إناغم ..
الشجون باكر بترحل ..
والزمن يصحى ويسالم ..
الحلم يصبح حقيقة ..
وتنسجم في الحب ظروفه ..
والحنين تزهر غصونه ..
والعشم دانيات قطوفه ..
شوفي كيف يوم بكرة عامر ..
هاتي إيدك شان نشوفه
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
واقف براك
الشاعر مدني النخلي
واقف براك والهم عصف ..
ريحاً كََسَح زهرة صباك ..
ليلاً فتح شُرفة وَجَع ..
قمراً رحل فارق سماك ..
مطر الحزن عاود هطل ..
جدد عذاب الأرصفة ..
ضي المصابيح البعيدة ..
أتعب عيونك وإنطفأ ..
لمتين مواعيدك سراب ..
والريد شقا وحرقة جفا ..
واقف براك ..
بعد المشاوير البقت ..
ممدودة في نبض التعب ..
بتعود وتلقى رجاكا زول ..
حفظ الوداد زمنا صعب ..
والباقي من ليل الهوى ..
وعطر الصبابة الما إنسكب ..
والباقي من كل الغنا ..
وسيل الكتابة الما نضب
-----------------------------------
عم عبدالرحيم ( 1 )
كلمات : محمد الحسن سالم حميد
فتاح يا عليم .. ورزاق يا كريم
صلي علي عجل ..همهم همهمية
وحصن للعباد وهزز سبحتو
دنقر للتراب .. هم فوق هم هما
صنقع للسماء .. وكان في الجو في غيم
وكم نجمات بعاد ، وكان الدنيا صيف
لا قالتلو كيف .. كيف اصبحت كيف
لا لمسة حنان .. لا لمسة وداد
لا رمشة طريف من قلبا وفي
زي ايام زمان.. ايام الدفي
وكانت ماها في .. كانت في المراح
شدتلو الحمار ..
تحلب في الغنم لي شاي الصباح
والطير ما نضم.. ما رسل نغم
عم عبد الرحيم اتوكل نزل
في المشرع لقا .. زملان الشقا
الجا من الجريف .. الجا من الجبل
عل الناس بخير
صبح هاظرم .. نقنق ناقرم .. غاظوه ونعل
عم عبد الرحيم ما بيخبر زعل
تزعل من منو.. وتزعل في شنو ؟
كل الناس هنا ..
كل الناس صحاب .. كل الناس اهل
والماهم قراب .. قربم العمل
الطاق اليطق .. عشت ابو الزمل
بالحال العليك .. بالفال الامل
عم عبد الرحيم كت فلاح في يوم
في ايدك تنوم .. علي كيفك تقوم
لا دفتر حضور .. لا حصة فطور
تقرع بالقمر .. تزرع بالنجوم
لكن الزمن دوارآ بدوم
***
وعم عبد الرحيم ماشي علي الشغل ..
في البال القديم اتعارض تكل
تتشايح جراح يا .. كيف الغسل
الدنيي ام صلاح .. تبدا من التكل
من حجة صباح .. في حق الملاح
في اللبس الجديد .. في القصد القديم
وبيناتن عشم .. في الفج البعيد
امونة الصباح قالتلو النعال
والطرق انهرن .. ما قالتلو جيب
شيلن يا الحبيب
غشهن النقلتي .. والترزي القريب
بس يا ام الحسن ..
طقهن آ بفيد .. طقهن آ بزيد
وانطقن الزمن
وانطق الزمن لازمك توب جديد
وباية تمن ..
غصبا للظروف والحال الحرن
شان يأم الرحوم .. ما تتكسفي يوم
لو جاراتنا جن .. ما رقات لي صفاح
او بيريك نجاح .. دا الواجب اذن
وايه الدنيي غير ..
لمة ناس في خير ، او ساعة حزن
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
مـــن بعــد مـــا عــز المـــــار
الأستاذ/ عبد العال السيد
من بعد ما عز المزار
والليل سها وملت نجومو الإنتظار
والشوق شرب حزن المواويل
وانجرح خاطر النهار..
من بعد ما عز المزار
*ــ*ــ*ــ*
وبقيت أعين في الوجوه
وأسال عليك وسط الزحام قبال أتوه
إمكن ألاقى البشبهك
ما الليل براح
والشوق تعالى بيندهك
*ــ*ــ*ــ*
شايلاهو وين النيل معاك
عصفورة جنحاتا النجوم
وأنا بوراك…
بسأل عليك
مدن … مدن ..
وأعصرسلافة الليل حزن
بسأل عليل في المنفى
في مرفا السفن
يمكن طيوفك
أخريات الليل تمر
تملأ البراحات
للحزين طول العمر
*ــ*ــ*ــ*
ما نحن بينا الأمنيات والتضحية
بينا المعزات
والعذابات في الحياة
بينا الهوى إخلاص
على قلبي إنكوى
وكلام كتير قلناه آخر الليل سوى
أنو راح نتلاقى …
لو طال النوى …
لكن كلامنا الكان وكان
خايف يكون شالو الهواء..
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
يا مطر عز الحريق
الأستاذ/ حميد
من الواسوق أبت تطلع
من الأبرول أبت تطلع
من الأقلام أبت تطلع
من المدفع .. طلع خازوق
خوازيق البلد زادت
يفيض النيل نحيض نحنا
يظل حال البلد واقف
تقع محنة ..
ولا النيل القديم يا هو
ولا يانا …
نعاين في الجروف تنهد
ولا يانا ..
رقاب تمر الجدود تنهد
ولا يانا ..
بتين أيد الغبش تتمد
لا قدام .. ولأقدام
تفش عين الظلام بالضوء
تفرهد شتلة .. لا هدام ولا فيضا
يفوت الحد..
عقب يا نيل تكون يا كا .. عقب يا نيل تكون يا كا …
ونكون أهل البلد بالجد ..
يا مطر عز الحريق ..يا مصابيح الطريق
يا المراكبيه البتجبد من فك الموج الغريق
يا المحطات الحنينة القصرت مشوار سفرنا
ياما شايلك فيني حايم
لا الليالي المخملية ..لا العمارات السوامق
لا الأسامي الأجنبية تمحي من عيني ملامحك
ونت جاية المغربية .. داقسة .. داقشة
المغربية
وشك المكبوت مكندك
سمسونايتك زمزميه
كوم شبر طوريه .. منجل .. سبحه
فانوساً مد ردح
قلت بيهن لي زمانك .. يا زمان الحاجة عندك..
يا زمان الآهة حدك .. لا تطأ الوردة
الصبية ..ــــــــــ
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: بدرالدين يعقوب)
|
اسئلة ليست للاجابة
يحيي فضل الله
ما معنى أن نحيا .. ولا ندرى
بأن العشق قد يبقى
سجيناً فى الخلايا....
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
***************
هل يختفى الظل الذى لا ينتمى
إلا لمعرفتى وجهلى ؟
هل نودع بعضنا ونذهب
فى سراب الذكريات؟
كيف تبدو الذكريات ؟
كيف يبدو طعم أيام الشجن ؟
من يعلم ذكرياتى
كل اشكال التداعى
والرحيل المر دوماً
حين يختلط المدى بالمآسى ..
والمخاوف وأحتضار الأمنيات ؟
****************
تعِبٌ هو البرق الذى
لا يضيءُ أقبية الخبايا
لا ينتمى للسحبِ ..
والعشبُ الذى لا يرتوى
إلاّ بطعمك يا عصيراً من
خليط الدهشةِ الأولى
وأحتراف الأغنيات
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: محمد صباحى)
|
فات اوانــك
فات اوانك وعدى من وشك
صهيل الاغنيات
ياتو فى كفك صبح
غير انغماسك فى الشتات
يا بشوش المعنى
ما صادك بشوش
وصحيت على حلم الفتات
فات اوانك
********
الليلة فجا; من زحام الخلق زول
صحا القوافي الفيك من الزمن القبيل
وكتبت فى صدر السما السابع
غموض المسالة
اشمعنا ما قادرين تكونو
وكيف تجيبو الاسئلة
فات اوانك
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
عباد الشمس
لقاسم ابوزيد
عباد الشمس شافك ..
مشاك ساقِك جبيرة وجد
تيار الظلام غطاك
غياب البهجة ما هزّاك
هواك هز العهود .. بى الصد
تذوب يوم الشموس ضوّت
عباد الشمس يوم جاك ..
سألنا الغيم عِنادِك ردْ ..
أسف بُعدِك حروف جفّت
جِدار الماضى .. دمعة خد
غَفل طرفِك .. صَرَخْ ياليل
سرق عِشقِك صباحاتى
شتيل إحساسنا ما فرهَد
*******************
رحل صوت المغنى .. حزين
ولسّة الصوت .. صِراع زمنى
مواعيد عِشقِى ما بتِنـْهـَد
| |
|
|
|
|
|
|
|
|
|
(Re: امنة عبد الكريم)
|
ادفــقى
لقاسم ابوزيد
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
*****************
أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
****************
أدّفقى بلدك فِداك
إتوهطى
ورّى البنيات العديل
***********
محمية بى عرق الترابلة
ونغمتك مسقية بى الريد العتيق
أنغام رباباتك تشيل
معزوفة الليل .. والرفيق
ما تصغرى
تكبر أمانى السنبلة
هَىْ أكبرى
تصغر معانى القنبلة
ما ترجعى الصد لى المداين .. والقرى
شيلى الشحوب والإصفرار
أدى البويتات منظرا
إدفقى فى كل شارع .. وكل بيت
فى روابينا المحنّة
وفى ضمايرنا السهول
إدفقى
فى كل حتة .. وكل زول
أبقى .. شان تحيا الفصول
| |
|
|
|
|
|
|
|
|
|
Re: (Re: امنة عبد الكريم)
|
الرائعة / امنة
حقيقى لك كل التحايا وانت تقفى وراء هذا العمل الرائع والذى هو واجب دولة كاملة ان تقوم بالتوثيق لمبدعيها من الفنانين وغيرهم
فى شتى المجالات لتتوارثه الاجيال جيلا بعد جيل
وسوف ابداء بماقاله لى صديقى الشاعر الشاب / عاطف خيرى بعد رحيل مصطفى
مصطفى ايها البحار الصلد ..
كلنا بعلم ان السفينة لم تغرق ..فقط ! توارت عن الانظار
مع تحياتى
ياسر السبد -- ميرلاند
| |
|
|
|
|
|
|
|
|
|
Re: (Re: Saber Abdelhadi)
|
Quote: مصطفى ايها البحار الصلد ..
كلنا بعلم ان السفينة لم تغرق ..فقط ! توارت عن الانظار
|
سيناريو اليابسة(الهدهد)
لعاطف خيري
مخدوش الفضا..
طويل الحزن .. مفتول الحنين
مصاب بالديانات والشرود
نوح:
يبلغ من الطول مسافة يشتهى الغرقان .. شهيق
لونو زى سرك .. تكلمبو الصديق
أمو تتوحـّم على طين البحر
قبال تقابل والدو .. صدفة على الطريق
عمرو ستة شهور حِلِم
إنو الأرض مسجونة فى موية .. وكل الناس مراكبية
اليابسة ... فِركة .. مدخورة لى يوم فيهو ساير النيل
قطـّاع رحط كل الجزاير
والبنات البفتحوا الباب للمطر
وأنا جدولك شارف على كل الجداول الصاحية فيك
والغباش فى دمى منك
لو كسر ضلعين عذرتو
لكن نهر كل العصافير البتلعب فى الوريد
وفنـّاكى جواى زى حجر
والبينـّا ما فات الدوائر
الليل خِمار القمرة ..
مجدوع فى الفراغ
والرقصة لى البت فينا ..
فوق كل المسامير الندقها فى البساط
والرياح حكـّامة بى دلوكة مرّقت الشياطين .. المنها
إتجنن فقير الحلة دقيناهو
بى نفس السياط
كل المجرات .. النيازك والشُهُب
ودع راميهو الله على السما
والدنيا زار
يا هدهد هنا مرت مراكب نوح
محملة بالبخور
مين اللى شال من طاقة الطين البعيدة
قنديل حبيبتى وطيـّب الجرح المثير
مين السرق من بابا مفتاحو الملون .. والصرير
منهوبة مقبرة الفواكه فيكى
قولى معاى شرف القبايل .. جر
الشاف تباريح الطلح فى النار
شافنى مرقت من عندك ضرير
أنا ليه تجينى الموية حفيانة ..
وأدنقر ألبِّسا فى شبط أخضر
وأبيت مبلول .. وأصلِّح فى الرباط
أنا ليه شبابيك البيوت الواجمة .. والناس البُساط
وليه يرجانى النخل
فى السكة يفتح قلبى خمارة .. وخلاوى ..وبيت بكا
تعبت من المساسقة والهتاف .. ياغيمة
أتبنى جبهة القمرة
السهر والحمى طول الليل تهضرب
ويا هدهد لقيت أمك
ترشرش فى السعف من عينها
وتجبر خاطرا المكسور عليك
ينكسر خاطر السعف فى إيدا
يا هدهد قيام
من السما الأول قيام
من السما السابع قيام
وأنزل مسافة تهبشك غنوة .. وأناولك كاس
ومرت مراكب نوح محملة بالملوك
ركعت على الموج الجنود
من كل جندى تفوح ضحية
ودم مشتت فى الأبد
دسيت جبهتى من السجود
بكى فى مخاض الخوف .. ولد
إشتبهوا فينى ورا الجبل
شافونى دسيت الهداهد والزبد
صفا !
إنتباه !
وقعت من الهدهد بلد
نهبوها .. وإتقسموا الحدود
ومرت مراكب نوح محملة بالطيور
واقف مع نوح الغراب
ينضم ويأشر فى إتجاه
باقى الطيور يتوسوسوا
إلاّ الحمام .. إتوضا مارق للصلاة
القانقرد فى حزنو يغزل
شالة من صوف
الطواويس شارّة قمصانا
المزركشة فى الضحى
الزرازير بى عراريقا
المغبشة ..جات على
أرجينى يا صالحة !
ومشيت فى الموج
يا النبى نوح أصل سالم
يا النبى نوح أصل .........
حجر الدُّغُش فى الموية
يقلع ضُفرى يادم !
ده ما وكت الرسم واللون
وجات المغارب حننت إيدا .. ومشت
سبحانك الأديتنا من حزنك فوانيس
الغراب يا نوح طفش
واليابسة وين ...؟
يا الله ما يابس سوى حلقى
المجرح بالدعا
طير يا حمام !
والحمام يا نوح يجامل فى السما
وبيّاع مناديل خضرا فى كل العصور
ارفع سوالك بوصل
ليه الفجر مهجور تحت
حاجب حبيب النايمة فى الجبل
المشلخ بالرمال
أنا ما خلقتك يا ظنون
شان تبيتى الليل معاى
وتجرى من فوقى الغُطا
ما تشُرّى فى حبلى الوساوس
والمعانى الداكنة .. والليل والشتا
الهدهد تميمة الموت
معلّق فى بيوت الناس .. نعش
من خرافاتهم تعال
من دياناتهم تعال
نفّض نعاسك من كل بيت
من كل حجوة حكوها عنك
فى الليالى الباردة والأطفال نيام
مين يشترينى من الملوك الخاينة
فى الدم القديم
مين يوصف للنحل ريق الحبيبة
وحبة القمحة التقوم فوق محفضة حبوبة فى الزمن اللئيم
مين اليوصف
بيتنا لى هدهد يتيم
مين النبى القادم؟
من مكة !
أو من دكة !
فى شارع حميم
مزيداً من الطين يا إله
أبنى خوفى عليك .. ومنك
أبنى آخر بيت .. حرام
ومرت مراكب نوح محملة بالحجيج
ــ وين ولدك ؟
ــ تركتو على الجبل .
ــ وين بلدك ؟
ــ ضربتها فى مثل .
ــ وين نحن ؟
ــ مرقت على عجل .
ــ يا نوح تخلينا
زيتونك مخلل بالشمس
نار الله والرِجل الغريبة
نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر .. عبيد
مين يشترينى من الملوك
الخايدة فى الدم القديم
مين البوصِّف بيتنا لى هدهد يتيم
يا هدهدى المهدود
مين هدهدك .. نمت
كل الطيور غنت ..
منك يجينى سكوت
مين الهداك للناس
أو هدّ فيك الموت؟
يا أوسم الجايين ..
أنا قلبى حِلّة حنين
والشوق فتحنى بيوت
يا صالحة لا جنبك ..
لا فتّ منك فوت
دايماً معلق بين ..
بين الحياة والموت
أدخل ضلام الناس
نورك يجينى خيوط
وقبّال أقع فى الضو
جوّاك سندنى خِفوت
أنا برضى حلة شوق
لكنى فى التابوت
ومرت مراكب نوح محملة بالعبيد
الجنة .. زى هدهد معلقة فى الكتاب
ونحن العبيد
باب الحياة السرِّى
حرير فى فكرة الدودة الموجعة .. بالنسيج
وصيوان عزا نوح
المكفّن بالوعود
الهدهد يرك فوق دفـّة المركب .. يدندن
الريح سكن خيمة حريمو الأربعة
النيل رجع فى اللوحة
للوادى القديم
البحار مكتوفة الأيدى
.. الشموس فاقت
ونوح بعاين فى مفاتن اليابسة
تغسل فى حصا .. ومتبرجة
سبحانك الأديتنا من ملكك سلاطين .. وإختفيت
هاك أنبياءك سالمين
وأنزل مسافة توجعك .. غابة
رقيصنا الحى
طبولنا...
وليك شبال
من اليابسة الممشّطة بالملح
... وهدهد
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
اعزاء المنبر العزاز
كل عام و انتم الحب ... الامنيات كثيرة في عيد الحب .. تتلخص في كلمة واحدةة نتمني اننا فعلا نحب الاخر (اي بعضنا البعض ) بس
العزيزة امونة 
تسلمي يارائعة علي البوست الجميل دة
كل عام و انتي تنثري لنا عطرا في هذا البيت
انا بحب الاغنية دي جدا ولي معها ذكريات خاصة
والله نحنّ مع الطيور..
الما بتعرف ليها خرطة
ولا فى إيدا جواز سفر
نمشى فى كل المدائن
نبنى عشنا بالغناوى
.. وننثر الأفراح .. درر
والربيع يسكن جوارنا
والسنابل تملا دارنا
والرياحين .. والمطر
*********
والحبيبة تغنى لينا
لا هموم تسكن دروبنا
.. ولا يلاقينا الخطر
*********
إلاّ باكر يا حليوة
لمـّا أولادنا السمر
يبقوا أفراحنا البنمسح بيها .. أحزان الزمن
نمشى فى كل الدروب الواسعة .. ديك
والرواكيب الصغيرة .. تبقى أكبر من مدن
إيدى فى إيدك نغنى
والله نحنّ .. مع الطيور
الما بتعرف ليها خرطة
ولا فى إيدا جواز سفر
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
سيد أحمد الحردلو
واحد جميل
- 1 -
تانى قام واحد جميل فى بلدنا ... ماتْ
وكان بغنى للمساكين .. والمسولتين .. والحفاتْ
وكان بغنى للمنافى .. والعصافير .. والرعاتْ
وكان بغنى لى بلد فى الحلم ... جاي .. أغنياتْ
وكان بطنبر .. وكان بدوبى .. للحياةْ
- 2 -
تانى قام واحد ملك ... روّح .. وفاتْ
وكان ملك فى الريد ... وإنسان فى الصفاتْ
وكان مهاجر فى دموع كل البكاتْ
وكان وتر مشدود ... ومسكون دندناتْ
وكان - عليه سلام - تقول مازول حياةْ
- 3 -
يا مصطفى .....
فاكر الجماعة الكانوا ساكنّك دوام
من منفى لى منفى
ومن عود ... لى سفرْ
فاكر العصافير المسافرات دون جواز
فاكر اللى داجّين فى المطرْ
.... عبدالرحيم ... وهلم جرْ
فاكر القطر
فاكر النخيل .. فاكر الحراز
... الليلة كانوا جميع هناك
قسماً يمين .. كان الجميع باكين عليك
كان المطار فارش عليك
كان الجميع مشتاق إليك
ياسلام عليك
لمّان تكون زولاً عزيزْ
عنْ ناس عزازْ
- 4 -
يعنى كان لازم تفوتْ
والحزن مشرور فى البيوتْ
والدنيا مازال فيها حوتْ
.... وفيها لسع .. عنكبوتْ !!
.... يعنى كان لازم تفوتْ
وتخلّى أوتارك سكوتْ
ولسة عندنا ريد جديدْ
ولسة عندنا ليك قصيدْ
...... يعنى كان لازم تفوتْ
وتخلى هذا الحب يموتْ !
- 5 -
ياسلام عليك
لمّان تكون زولاً عزيزْ
عنْ ناس عزازْ
يا سلام عليكْ
ـــــــــــــــــــــــــــــــــــــــــــــــــــــــــــــــــــ
سيد أحمد الحردلو - الخرطوم - يناير 1996م
يحى فضل الله -
هل يكون الموت نوعاً من تآلف ...
( هل يكون الموت
نوعاً من تآلف
فى غيابات الخليل؟)
بهذا التساؤل كنت قد أنهيت قصيدة وأرسلتها فى عام 1994 إلى ( هبابة عرق الجباه الشم ) مصطفى سيد أحمد ــــ كما يصفه صديقى خطاب حسن أحمد ، وقتها أدخلنى هذا التساؤل ..فى منطقة خوف لا أستطيع أن أصفه ، خوف ميتافيزيقى يستعصم بغموض التفاسير ، وحين إتكأ مصطفى سيدأحمد إتكاءته الأخيرة مغادراً هذه الحياة معلناً وجوده الشفيف فى ذاكرة كل الذين إلتفوا حوله ،،،،، عرفت بعدها أن آخر حفلاته الغنائية إستهلها بأغنية ( عازة ) لخليل فرح ،،،، وقد ختم الحفل بها أيضاً.. وقتها عرفت أن مصطفى سيد أحمد كان هو تساؤلى هذا الذى أدخلنى منطقة خوفى الميتافيزيقى.
جالت فى ذهنى هذه الخاطرة فى نهار الجمعة 21 يونيو 1996 ونحن نستمع إلى صوت مصطفى سيد أحمد وهو يتحدث من خلال الكاست إلى بثينة والأولاد ، يعلن عن هواجسه تلك التى عادة ما تتحول إلى أوتار لها قدرة أن تمتص كلمات شعرائه ،،،، يوصى سيدأحمد ويحرضه على الرسم ، يسأل سامر عن أحلامه ويوصى بشير بمواصلة تعلم الكمبيوتر ........ ولأن كل الذى إليه نستمع هو عبارة عن رسالة عبر الكاست ومن فنان لا يستطيع أن يتخلى عن صفته الفنية ... تكون هذه الرسالة أشبه بخطاب فنى رفيع يعلن فيه عن قلقه فى أنه لم ينجز عملاً جديداً لأن هنالك بعض إحباطات حتماً سيتجاوزها ويعلن عن آخر أعماله ... وتدخل أوتار العود فى نسيج هذا الخطاب ، ويفاجئنى مصطفى وهو يغنى تلك القصيدة والتى لأول مرة أسمعها وهو يهبهاعذوبته المعهودة ..
( سافرى فىّ شموساً ووتر
لأغنيك التماسك
أبتغى منك الوصول
أمنحى القمح الخصوبة
أمنحينى نفسى دون خوف .. دون همس
وأمنحى المدن الدليل
فيا طفلة
... ظلت تفتش عن ضفيرتها،،، بين دمع ورحيل
هل يكون الموت نوعاً من تآلف
فى غيابات الخليل؟ )
فى هذا النهار ، نهار 21/6/96 أستمع إلى مصطفى وهو يدخل منطقة خوفى الميتافيزيقى ويغنى هذا السؤال: "هل يكون الموت نوعاً من تآلف........فى غيابات الخليل ؟"
ترى هل أملك المقدرة على أن أحيل كل ذلك إلى عمق التواصل الذى يجعل من الموت نوعاً من تآلف ... ذلك التآلف المجازى بين الموت وبين غيابات الخليل ؟.....
ـــ كنا نستمع ــ خطاب حسن أحمد ، بثينة محمد نصر التى خصتنا بهذا الإستماع إلى صوت خليلها الذى غاب ،، بشير لا يملك إلاّ أن يهرب من الغرفة خائفاً من دموعه .. كل ذلك كان بالإسكندرية ، حى الإبراهيمية حيث تسكن الأخت الحميمة بثينة محمد نصر زوجة مصطفى سيد أحمد ــ وولديه سامر وسيد أحمد ... بعدها غنى مصطفى قصيدة العميرى،،،،،،،،ذلك الذى تآلف مع الموت من قبل ....
" مكتوبة فى الممشى العريض... شيلة خطوتك لى البنية "
ــــ لا أستطيع أن أصف ذلك الفرح الذى تداخل مع الحزن فى وجه خطاب حسن أحمد حين إكتمل غناء مصطفى لقصيدة العميرى كاملة لأننا كنا نبحث عن تكملتها حيث إستمعنا إليها ناقصة فى عدد من الأشرطة ـــ وأخيراً وجدنا تلك القصيدة كاملة هنا فى الإسكندرية ــ بين ثنايا خطاب مسجّل من مصطفى إلى بثينة ... أعفونا من زخم المشاعر حين كنا نستمع إلى الغائب الحاضر وهو يتحدث ،،،،،،، أعفونى من أن أصف تلك المشاعر ... حقيقةً ليست لدىّ هذه القدرة .
*من مقال بعنوان عم عبد الرحيم فى الأسكندريةجريدة الخرطوم - العدد 1225 الأربعاء 26 يونيو 1996م.
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
نشــوة ريد
قاسم ابو زيد
نشوة ريد .. إحساس إكليل
وردة وصلك .. جنـّة أصلك
نجم الليل الوصل جميل
******************
نحنّا مشينا الخطوة الأولى
وإنتى معاى مشوارنا بيقصر
بكرة بنحكى الشوق للذكرى
نار الريد الغابت .. تظهر
******************
الأطفال يافاطنة بغنوا
الاطفال يا بنية بغنوا
الأفراح لابد من ترجع
الأحلام الدونك فاتت
لو واصلنا صباحا بيطلع
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
ســـافر
قاسم ابوزيد
سافر ..
مطارات الوداع ضجت
قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة ..
تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح ..
ومن السنبل الغناى
************
كتير بنعاتب الحاضر
ولا أسفاً على الماضى
صدق الرؤية من قلبك ..
بين الشوق وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
هواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
وهج الشعــــاع
زى ما بموت وهج الشعاع
تمتد سحابات الغروب
القاني تشرب روعتو
و زى قدر المسافر
لىمدن مجهولة لما تضيع
خطاوى البهجة فى هم سكتو
حبك صبح اطياف ظلال
وأطلال خيال ما صاغت
الافراح مباهج قصتو
***********
برحل عشان أنساك وأسيبك
ذكرى فى وجع الدروب
وأمسح دموع شمس الهوى المصلوبة فى صمت الغروب
وأمسح دموع قلبى التعب
كان فى هواك يقدر يتوب
************
ما كان عشم قلبى الحزين
مترجى من عينيك صدود
كان عندو فى سفر الأمل
دربا يودى عليك ويعود
الليلة يا حبى اللى راح
فى روعة أشراق الورود
مد الغروب القاني أيدو
ماتت أحلام الورود
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
الــقاكى وين
ألقاكى وين...
كان التعب قفـّل
مسامات الضياع
غناكى مزمار الزمن ..
إرشيف عِشِق اصوات نغم
وتر التراخى .. موشحات
****************
ألقاكى وين
من غبت ما شرقت شمِس
والدهشة ساساق الدروب
لى وين تمِش
نار النضال لو تنهبِش
توقِد سنون المتعبين
تعقد زفاف آخر ضمير
إتباع مقنّن بالقِرِش
**************
ألقاكى وين
قاسم ابو زيد
كان التعب ما ختّ إيدو
على جبين تربال يخم
رمل الشقا المليان غُلُب
دقست قوافلو مع السراب
ورابط جِلَيد الهم سِعِن
محزوم خِشيمو من الصَبُر
ختيتى فوقى الليل
والليل سقانى السّمْ
أنا خاطرى فى المطرة
ريحة الدعاش .. والشّمْ
.. ألقاكى وين
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
صابرين
محمد طه القدال
يا حزن الغنى ... صابرين ..
من بعد الضنى ... صابرين ..
على وعد المنى ... صابرين ..
برجاك يا وعد الحبيبة ..
بلقاك في الفرحة القريبة ..
بشراك يا أم الثنى ... صابرين ..
يا حزن الغنى ... صابرين ..
من بعد الضنى ... صابرين ..
على وعد المنى ... صابرين ..
D D D D D
لا ليل ولا حزن طايل ..
لا صد ولا دمع سايل ..
لا هم جاك يا أم نفايل ..
النيل فاض وإنحنا ..
نيلين وحزنك وحلمك أنا ..
فرعين شايلين جنى ... صابرين ..
ســـــــــــــلامات ..
عشرات حبابك ... سلامات ..
يسلم شبابك ... سلامات ..
شايل سحابك ... سلامات ..
القبلي شابك ... سلامات ..
وهواك هنا ... صابـــــــــرين ..
عاشقين ترابك ... سلامـــات ..
يا حزن الغنى … صابـــــــــرين ..
====
تحياتى
محمد مهاجر
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
اظـــنك عرفتى
اظـــنك عرفتى عواصفــــك مهبى
أبارى فى خيالك يسوقــنى و يودى
و نهـــرك يعدى يجهــــــل مصبى
هواجســى البتزرع و ظنى البربى
*******
بديتِك خواطــــــر بتصحى و تساور
و طيفـــك يزاور و روحـــك تحاور
تجيبنى فى زمانك موشح اســــــاور
اقول بس نسيتِك و جرحــــــك يتاور
*******
اظنك عرفتى عذاب المــــــغنى
و طبلو المجدّاع شظايا التمـنى
حروفوا البتجذع فى لـحظة تجنى
خطاهوه البتهــرع بتين تطمئنِى
*******
مسرّج خيالك حصانى القــــــبيل
معربد غبارو و خلا الصــــــهيل
مسافر... مسافر و فاقد دلـــــــيل
اظنك عرفتى هموم الرحـــــــيل
اها يا امنه طال ما الشمار حارقك بتلقى ايميلى فى البروفايل
ليك علي ارسل ليك الهترشة، ان شاء الله تعجبك.ما تطولى الغيبة
سلام الله الواحد
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: abubakr salih)
|
ضـــــليت
ضليت ..
هرب منى الأمل .. جنيت
جافانى الشروق .. حنيت
كنتى معايا .. فى لمـّة
دليب .. شاشاى
فى إيقاع حشا المردوم
فى جيد الزمن .. سوميت
************
مرقت .. على محطات
السفر .. غربة
وما لقيتك .. أمل شارد
مع إنك معاى
فى زحمة المشوار
وحتى يقينى عاد من تانى
صحـّاك من حنين ذاتى ..
نجم الفرحة يا عايد
*********
تعالى معاى....
من زفة نفس مسدار
وما جرتق فرح .. كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح .. دوبيت
وكت ضليت ...
قعدتّ براى .. وحسيتك
بتطلعى من نفس طورية
ضامـّة الطين
ومن دمعة وجع طوّل
ندا العرق البنادى .. حنين
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
الدنيا عمرابك تظل
وان كان رحيلك فرتقا
ـــــــــــــــــــــــــــــــ
الرائعون في بلادي يبدعون دوما ويفتحون لنا افاق جديدة ...لك التحية امنة علي البوست...الحقيقة دي فكرة مدهشة كنت منذ فترة بدات بفرز و بنسخ اغاني مصطفي في اسطوانات العود والاوركسترا كل علي حدة..
فانا مستعد ..والي الامام...
ـــــــــــــــــــــــــــــــــــــــــــــ
ياكنا نبيعيك يانسرق
اخترنا النار الضلها يحرق...
ــــــــــــــــــــــــــــــــــ
كل التحايا
امنة
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
عندنا في البلد الاسمها امنة بيقولو ليها امـــونة والاستاذ هاشم صديق قال ( امـــونة يــا خـرطوم)
لكي مني كل التحايا العطرة لشخص انسان ندي كشخصك بهذا المنبر فعلتي في دواخلنا شجن وشجن ( وشيدتي في جواي صوامع للفرح وفتحتي في جواي مسارح للمرح ... الرجاء التصويب اذا اخطات)
وتحية خاصة لاسرة ومحبي الاستاذ مصطفى سيد احمد طيب الله سراه ...
ودمتم
جالوصلعاطف خيري
معتوهة .. معتقة .. ومنعتقة
نوافير إنتشاء .. وحشمة وحمار العين
تنقـِّى من القبور السكلبة
ومن بيت بكاك .. زيف المعزين
تضحك كل ما وقعت مصيبة
تمشى على العجين وتلخبطو
ترطن إذا جاها الحنين
يا بت بيوت الهجعة كيف
وغبار شوارعك ماشى وين
زقاق يفتش فى زقاق
كتمة وضلمة .. وإنعتاق
أنا فيكى لامونى المساجين
سكاتك منازل حلال الحرام
سكاتك على حين أهش الحمام
سكاتك عليك لما تصحى المسام
وسكاتك عليهم .. سكوت والسلام
صوتك وكت قطع البحر
قُبـّال مراكب العمدة .. ضهر النيل عـِرِق
والشمس فوق حبل الغيوم شرت جلاليب النعاس
ناشف غرب .. مبلول شرق
والمطرة زى شِفّع العيد .. تدخل غرف كل البيوت
حكمة الجوع الشرح للأرضة كيف تقرا المِرِق
وقبال يقع فوقك سقف .. يتنحنح الجالوص
أمرق على مهلك .. مروق الحنة من ضُفر العروس
وأصعد على مهلك .. صعود البذرة والروح .. والشموس
مبنية مدن الخوف .. من طينة آخر الليل
وأنا فى سقالة الشوف .. قدح البصيرة تقيل
فاتح زريبة الجوف
تمرق تخش الخيل
على كيفا .. كيف معلوف ..ضهر المظنة يشيل
وأنا ظنى ظنيتو .. لا النيل غريق فى النيل
والليل ولا فى بالو ليل
ساكت يغنوا على القمر
واجعنى فى البحر السكات
وسكتنى فى الوجع البحر
يا بِت صباح الطير .. وين البلد ركّت؟
ما عاد هواك يفتح فى الكتمة شباك النزيف
ريف الجسد ــ صدرك ــ سبلوقة اللبن الحريف
داسينى فيكى نَدُر .. والأنبياء فاتوا
وأنبياء بين بين .. قاعدين فى ضل النار
داسينى فيكى نَدُر
وفى غفلة جوا الكفار .. وطارت حمامة الغار
لاقونى ناشف .. ومـُر
ماذنب جلد الطار ..
لو غنوا بيهو شـُتـُر
ما تخافى الله معاك
.. وكل الملايكة .. سـُمـُر
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: ابو طويلة)
|
Quote: عندنا في البلد الاسمها امنة بيقولو ليها امـــونة والاستاذ هاشم صديق قال ( امـــونة يــا خـرطوم)
ابو طويلة يارائع
كيفنك
|
كل البنات امونة ياخرطوم
| Quote: وشيدتي في جواي صوامع للفرح وفتحتي في جواي مسارح للمرح |
لا قدرت اطولك شان اجيك لاقدرت من غيرك اكون
والله دي ود العمدة بالغ فيها عديل
وانا بيك ماليني الكلام
في انتظار عودتك يا زول يا رائع..
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
صلاح حاج سعيد
قلت ليها
وإيدى فى أيديها
دمعة حزن سالت ..
جاى منك ... وماشى ليك
يا مداين غربة طالت
لو مدارات نجمي ضلت ..
وسكة السفر استحالت ..
كوني فى دربي الحقيقة
الديمة ليها مشاعري مالت..
قلت ليها ..
وكنت راجع لي عينيها
من أسى الزمن المسافر فى المشاوير .. العصيبة
من متاهات الأماني
فى مدار الحسن ضماها وحبيبه ..
بيني لا بينك مزار ..
لا محطات إنتظار .. لا مواعيدك قريبة
إنتى يا الفرح .. الحقيقة المستحيل ..
هدهدي الصبر الجميل وامسحي الألم المخيم ..
فى المدارات الرحيبة
قلت ليها
الحقيقة الضايعة بين .. قلبي وعيونك
أنى لا قادر أفوتك لا أجيك
وأنى ما عارف بدونك ..
أبقى كلمة حب
تزف البشرى فى ساعة مجيك
وأنتي عارفة .. وقلت ليك
يانى أكثر زول بريدك ... يانى صفوة عاشقيك ..
يانى راكز الخيل عليك
ولسه بى حبك متيم ومبتلى
ألا ريدك زادني حيرة .. على العلي
لا مراكب البشرى ختن.. قلبي عندك
وأنتي لاقلبك نساني ولاخليل
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
طـــــــــــــــــــــــــــــــيبــــــــــــــــــــــــــــــــــــــــــــــــــــة
محمد الحسن سالم حميد
كل ما تباعد بيننا عوارض ..
كل ما هواك يا طيبة مكني
تلد الغربة القرب الواحد ..
بيك أسمي الشوق وأكنّي
لما أفوتك من دون خاطر ..
أو دون خاطر مني تفوتي
بلقى حبايب في كل حتة ..
وكل بيوت الفقراء بيوتي
لا غيرت وراك الجتة ..
لا بدلـت ملامح صوتى
لا غافلنى وهادن فنى ..
رمل المدن الما عرفتنى
تبن الشوق الصبرو مصوبر ..
للارياف الكم وفتنى
وللاطفال الناشفة ضلوعها ..
ونازفة بغنى
أطّمن روعها واهدّى دموعها ..
ببسمة بكرة الماها تمنى
ولا مصنوعة
أغنى لشعبى ومين يمنعنى ..
أغنى لقلبى إذا لوعنى
مخير دربى اللي ما رجعنى ..
إذا طلعنى نخلة القر
ولا الغربة الكد رومية ..
تنزل غنوتى بقمرية
أو وقعنى في بطن الجب ..
يطلع يوسف بألاغنية
أغنى الناس الما بتسمعنى ..
المنى بعيده المبعد عنى
النادى نشيدها وكنت المعنى ..
الأيدى في إيدها..
وإيدها بتبنى
في دنيا جديده
اليوم راح تبنى ..
واريت غنواتى في ناس شغالة ..
تكون سندالة
وعود طورية ..
ضراع رجالة ..
كتاب أطفالها ..
وجملة فالها الما مكرية
سدة مالها وبقة فالها ..
في ليلة الدخلة على أسمى قضية
حبيبة قلبى يا سودانية ..
يا أسمى معاني في زول بيعاني
يا ود ضكران يا بت دغرية ..
وأنا إن سامعانى فضلت
أغانى غبش فقرية وروح ماليانى ..
هويتك منك يا دافعانى
..براحة يدي كما الأشواق
ويا جابدانى برفق على
وما بتحير بين الفوق ..
وبين الناس التحتانية
إلا مغير ولا عقوق ..
ولا كفيف الإنسانية ..
ومنك وين يا كاشفة عيني ..
بنور الإلفة ضي الحنية
وحلم العالم ناس تتسالم ..
والبني آدم صافي النية
للاطفال الناشفة ضلوعها ..
بطمن روعها وتبدا تغنى
غناوى البكرة الكم مسموعة ..
حسيس طنبارة مع نقارة
صفقة حارة ودارة تغنى ..
فيا حلتنا عليك ترابك
وأنت شبابك زينة الجنه ..
أحلى عروس البلد إلتنا
ولا الغبش الرابة تهني ..
ولاهدير المدن التصحا
وتمحى ظلام الحاصل عنى
--------------------------------------------------------------------------------
بقول غنوات
محمد طه القدال
بقول غنوات .. واقول غنوات
في البلد البسير جنياتها لي قدام ..
بقول غنوات
وفى الولد البتل ضرعاتو في العرضة
ويطير في الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
بقول غنوات .. بقول غنوات
وفى الولد البشيل مدقاقو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة في النسمة الصعيدية
وياجهرة نهار الليلة بدرية
رحيح جنياتنا في
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق في الوادي هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذي ركز الأرض معبد
وسوى الناس عليها مقام
سألتك بي حجا الأمات ودعواتنا ..
سألتك بي كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزي برق السماك الجابها دغشية
وزي زغرودة البطن الكبارية
مرق من شامة القمرة
مهيقت بي وداعة الله ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين تراب بلدو
وسماح فوق بت مزارعية
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
عينيك مـــدن
صلاح حاج سعيد
عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمَّخ رؤاى إحساس نبيل
اذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الأمنية
عينيك لو أعرف ختام الاغنيه
بدء الكلام والمنتهى
والمستطاب والمشتهى
كل المباهج فى المواويل والغنى
والعاشقين قلبى وأنا
هزتنا فى عينيك تصاوير المنى
يا امنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبِك يخون
ما الغدر ما طبع الوفا
والصدق ما شرط إنتفى
وانا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك ايه يكون..........
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
رجعلك قليبى المهضلم
--------------------------------------------------------------------------------
القدال
رجعلك قليبى المهضلم
يراجع صنوف الغناوى العصية
يراجع معاك الكلام القبيل استباك
الكلام المبهرج وخاوى
الكلام المزيف
ولا فيه غير إحتلام وانفصام
تموت الحروف يوم تقوم القصائد
مقام الطبول والبخور
بشوفك جرايد شواكر حوامد
ولا هامى فيها
عليها المصائب تمام التمام
مغايص بتفرم حشاها
وغبائن بتنفخ بطون البسفو التراب
وحايح لهيب تلهلب وتكوى الجلود
اتف القصائد
إذا مالقصائد دايره ليك البُكا
البِصاحب..رضا..السردار
واتف القصائد اذا مالقصائد
بتنزل مُريده وتسبح بحمد الذى
ابتلاك وهدانى الودار
طِريتك وأنا الكنت قايل
خيالك معشعش جواى
سكنتك ومالاقى فِجة
اخيرلك اقول البحرق حشاى
اخيرلك افضفض جراب الخبايا
أقول الكلام البفكفك سوارك
يوقف جدراك ويرفع عضايا
تضيع الرموز التغنى الكلام
أقول السكاكر أبتنى ورمتنى وكفانا
اقول العساكر تبارى الكبارى
وتفتش قلوب الجهال الشلوخهم هوية
واغنى الزيود والكنانة
كضب..
اقول البنات البفتحن صدورن
يقالدن رشاشك ويخلن حبيبن
كضب..
مراحك يعشى ويفشى
خضارك مرطب يندى الضهارى
ترابك...دخن لو زرعتو الحجارة
بلادك ولادك كروها السحالى
تسفر سعيتك تقنب تبارى
الجداد العقالى
تجوع يا البشدّر خريفك
سوافى البطانة
ويمّطر رزازك عزازا حصايا
وقموحك سنابل مشاط كردفانى
ابيت الكلام المغتغت وفاضى
وخمج
ولادك قصادك شعاع التحايا
يضوّوا الشقوق التلم الدوابى
يوروا الدورب للقلوبهم عمايا
عرقهم حبالك
وصوتهم مشانق
تلم الدقون الكبيرة
وتحدر فقر سمّنتها الليالى الضليمة
بتهدر حرائق وتحمى البياكلوا المطايب
وتسجن بطون الجياع العرايا
وشوشهم سمر حر اباطك
صفوفهم مرامك وحلمك حملهم
رغيفة وكرامه وسلامه
مصانع بتحرق قبل تبدا فيها
مزارع بتيبس ونيلك ممدد جنازة
وعقيدك وسيدك بيكتب ويمحى
وتبق المحايا
--------------------------------------------------------------------------------
سحابات الهموم
عمر الطيب الدوش
سحابات الهموم .. ياليل
بكن بين السكات والقول
وباقات النجوم
الجّن ..
يعزن فى المطر
فاتن عزاك .. رجعن
وشوق رؤياك دوام مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل
**********
ولولا الذكرى مافى أسف
ولا كان التجنى ... وقف
**********
وصوت ذكراك
رزاز صفق
على خطوات بنات .. سجعن
وصوت ذكراك ..
حنين لى غيبة فى المجهول
ولولا الذكرى مافى ..وصول
ولولا الذكرى مافى .. إصول
ولولا الذكرى مافى شجن
********
سحابات الهموم ياليل .. بكن
**********************************************************************************************
هردت لهاتى
محمد الحسن سالم حميد
سني على النضال .. أيدي
سوكي بالهتاف فمي
شوارعك لي دويها على ..
إذا ما آخر العلاج الكي
مراويدك حمر يا أمي ..
هردت لهاتى بالغنوات
وقت يبرد حشاك يا أمي ..
من التعب البلا صالح
تفوقى تروقي تنجمي
تسوى مكانسك المطره
تضوي البيت وتنجمي ..
تمرقي صبوحة للجيران
قدح فوق ايد وفى ايد المى
يلاقوك شفع الكتاب نضاف وظراف بلا النسمى
يغنولك غناوى الساب
وفى بيوضة مافى سراب .. جبال كجبى وفيافى الكاب
تفيض بالخضرة منقسمه .. فيافي الصى وبيوضة ..
البراسيم فيها مطلوقة..
خضارها يرارى شوف عينى
على الأبواب طواريها .. وحواريها .. وقماريها..
بقت روضة ..
بقت تشرب من الحامداب ..
تشوفوا رهاب بعد نجمي ..
اشوفو قريب .. قرب نضمى
واشوف العالم التحتاني ..
هيلا هوب وقف ناهض وهد عمايد الفوقاني ..
جوه الجب رمى العارض
وفى السابو الدمار افراد ..
عريق الحب نبض قابض
متل قبض الحروف اسمى .. غناوينا القبيل رقراق
علينا تصب برد قارص .. وادوبى لهاتى بالغنوات
عقب يبرد حشاك يا امى ..
وطنى ولا ملى بطنى
سكاتى ولا الكلام الني .. بليلتي ولاضبايح صي
قليلتي ولا كتر سمي .. سلام يا امي سلام يا امي
سلام لا هكمي لا دكمي .. سلام يا امي سلام يا امي
*********************************************************************************************
المسافة
صلاح حاج سعيد
لسـّة بيناتنا المسافة .. والعيون ..
واللهفة والخوف .. والسكوت
ورنة الحزن البخافا
تعدّى بى الفرحة ... وتفوت
وأمشى بى الحسرة .. وأموت
*********
الأمانى الفى سفر
قبل الزمن .. كايسة الموانى
يوم تجيبنى عليك .. بصدّق
إنو مرة الحظ طرانى
وإحتوانى معاك شجن .. عذبنى قبلك
ولسـّة منك .. جايى تانى
تمشى وين الخطوة عنك
ما الزمن بى الحب بلاكا .. وإبتلانى
************
لى عيونك يا مداين الفرحة والحب .. والجسارة
عندى ليك مليون بشارة
وألف خير ... والكلمة شارة
وإنتى لمـّا الحب يهـوّم بى عيونى
وفى عيونك بى قى حائر .. بالأمارة
الفرح منك .. يجينى
يعترينى الخوف عليك
خطوة منك .. خطوة ليك
راجى منك بس إشارة
وكلمة تدينى البشارة
ولاّ بيناتنا المسافة ؟
**********************************************************************************************
أبداكى من وين .. وفينى منك لسة حاجات
من مخاوف ومن شجن
أبداكى من وين .. وظنى إنك
فكرة إعلان الحياة الحياة
وإنتهاءات العوارض والمحن
نفسى ألقاكى وأكون
أنا كلى من بعضك
أو .. بعضى من كلك بدن
وداير أبقاكى وأوحد دورة الدم
المقسمة بينى .. بينك .. والسحن
..........
أبداكى منى .. ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى سدّاها النحل
من ياتو شارع أوصلك
وكل الدروب معطونة لى آخر الوحل
.. أستبيح كل الحواجز .. وأدخلك
من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك
ونتلاقى نهرين من تسامى .. وإشتها
وأبداكى من حيث أنتهت عندك خواتم الإنتها
أبداكى .. وأخلع خيام عمرى المضى
وألقاكى مبسوطة اليدين
مفتوحة أبواب الرضا
أبداكى من لحظة أنستِكْ نار
وأخدت من قبسك .. هُدى
وأنا ضُمـّة زاهد
فى الدروب الما بتجيك
.. ولا بترجِّع ليا من تالاك صدى
أبداكى من وين
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
امنة
كيفنك
ماهو كلوا تجميع Lyrics للمقيم ولا انتى ماعرفتى عاطف انيس
Quote: كان الشمار حارقك تعال بي غادي بوريك كانت بي منو
كان مشيت بي هناك اعمل حركة بي حركتين عشان اجيك |
فى بوست الوصف داك ما كلنا من الامتداد وبنعرف بيوت بعض
بس ركن جحا دا عرفنا لكن بتكم دا يعنى . امكن طولنا شوية
غايتوا خليها على البركة ووين فى بوست الاهلية القديم والجديد
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: بابكر التوم)
|
| Quote: ماهو كلوا تجميع Lyrics للمقيم ولا انتى ماعرفتى عاطف انيس |
ما بعرفو كيفن
بي سببو مرة اخدنالنا زنقة كدي من الجماعة في مسرح جامعة النيلين
Quote: فى بوست الوصف داك ما كلنا من الامتداد وبنعرف بيوت بعض
بس ركن جحا دا عرفنا لكن بتكم دا يعنى . امكن طولنا شوية
|
انت اصل ركن جحا تاني مافي مشاكل اقرب زول بوصلك
في انتظارك
| Quote: ووين فى بوست الاهلية القديم وا |
بالنسبة للقديم قلنا نجمدوا عشان ما مجهود الجماعة يتشتت
بعدين الجديد ماشة عليهو وقلنا نخلي ناس مصطفي سري يفتوا الجماعة بعدين نجي
نشوف الحاصل...خليك قريب
لك الود الاكيد...
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
كونى النجمة
قولى الكلمة لصمت الليل
وطولى النجمة
وامشى معانا درب طويل
وكونى النجمة
وادى الفرح امتد مساحة
نادى الامل الجوة عيونة
شوق الشوق اتجدد تانى
باقى احلامنا جدار من كونة
نار الالفة البينا سنين
صحت فينا احلام يوم باكر
غيم الامل الشارد يوصل
وانت معانا فى عمق الخاطر
ايد مبسوطة تقابل الحنة
نغم الليل السال شبال
نخلة تغازل فى عيون طفلة
طفلة وحفلة ورقصة فال
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
سافر مطارات الوداع
قاسم ابو زيد
سافر ..
مطارات الوداع ضجت
قدامك .. وراك بيضا
وسماك غنـّاى
مساحات الأسى الفى عيونّا
تتفجر مدينة وناى
بطاقات دعوة الرجعة ..
تساب عينين من الفرحة
دموع للحاضرين فجت
زغاريد غطت الدنيا
وعاد .. فرح الرجوع منية
صداك الريح ..
ومن السنبل الغناى
************
كتير بنعاتب الحاضر
ولا أسفاً على الماضى
صدق الرؤية من قلبك ..
بين الشوق وإنسانك
نغم فنان يعيش راضى
مداك إتعدى حد الشوف
دخلت على الشعر .. إنسان
هواك .. إتختّ جوة الجوف
وإنتحر النهار .. هسـّة
نغنيك لى مدن .. شاخت
معاك أحلامى .. ما تنسى
تغنيك القرى الراحت
خلاص يا غربة .. ما ترسى
غنيناك .. وبنغنى
وبتحدى الزمن .. فنان ..
كل الود
مهند حيمورة
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
علمينى الاحتمال
علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
****************
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
وزيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لىحروفك
وغيث يخدر فى سهولك
**************
علمينى الأحتمال
ونحن كيف نقدر نجمّع لى ملامح الليل بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
***********
علمينى الإحتمال
ولاّ نتعاهد نواصِل ..
فى الدروب القاسية .. نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك .. وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى .. وفى وجودِك
أحلى شوفة
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
ادفــقى
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
*****************
أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
****************
أدّفقى بلدك فِداك
إتوهطى
ورّى البنيات العديل
***********
محمية بى عرق الترابلة
ونغمتك مسقية بى الريد العتيق
أنغام رباباتك تشيل
معزوفة الليل .. والرفيق
ما تصغرى
تكبر أمانى السنبلة
هَىْ أكبرى
تصغر معانى القنبلة
ما ترجعى الصد لى المداين .. والقرى
شيلى الشحوب والإصفرار
أدى البويتات منظرا
إدفقى فى كل شارع .. وكل بيت
فى روابينا المحنّة
وفى ضمايرنا السهول
إدفقى
فى كل حتة .. وكل زول
أبقى .. شان تحيا الفصول
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: محمد المعتز)
|
رجعلك قليبى المهضلم
رجعلك قليبى المهضلم
يراجع صنوف الغناوى .. العصيـّة
جا راجع معاك الكلام
القبيل إستبان
الكلام المبهرج مخاوى
الكلام المزيف
ولا فيهوغيرإحتلام وإنفصام
تموت الحروف .. يوم تقوم القصائد
مقام الطبول والبخور
**********
بشوفك جرايد شواكر حوامِد
ولا هامِّى فيها
عليها المصايب .. تمام التمام
مغايص بتفرم حشاهـا
وغباين بتنفُخ بطون
البسفـّوا التراب
وحايح لهيب البتلـفح ..
تلهْـلِبْ .. وتشوى الجلود
أتف القصايد إذا ما القصايد
دايرة ليكى البكـا
البصاحب رِضا السرِّدار
وأتف القصايد ..
إذا ما القصايد بتنزل مريدة
وتسبِّح بحمد الذى إبتلاكى
وهدانى الودار
***********
طريتك وأنا الكنت قايل
خيالك معشعش جوايـا
سكنتك .. وما لاقى فِجـّة
أخيرلِكْ أقول البحرِّق حشايا
أخيرلِكْ أفضفِضْ جراب الخبايا
أقول الكلام البفكك سوارك
يوقـِّف جدارك .. ويرفع عضايا
تضيع الرموز التغطى الكلام
أقول السكاكر .. أبتنى
ورمتنى .. وكفانا
أقول العساكر .. تبارِى الكبارى
تفتش قلوب الجُهال
الشلوخهُمْ .. هويّة
وأغنى الزيود .. والكنانة
كِضِبْ..
أقول البنات البفتْحَـنْ صِدورْهِن
يقالدن رشاشك .. ويخلّنْ حبيبهِنْ
كِضِبْ
عريب الجزيرة الببيعو الزيوت
ما شروك و وفروك وختوك تراب
عقال الجزيرة المدلدل هدومهم
قرب ود رباعة المودك بطونهم
مراتب قطن حراير جلودهم
بنات مونتكارلو الجواهل جوالف
ضنب عمو سام
************
مُراحك .. يعشِّى .. ويفشِّى
خدارك مرطـِّب يندِّى الضَهَارِى
تُرابَك مبوسِبْ .. يقوِّم دُخُن ..
لو زرعتوا الحجارة
وِلادكْ .. بِلادك .. كروها السَّحالى
تسفِّر سعيتك ..
تقنِّب تبارى الجداد العُقالى
تجوع يا البشدِّر خريفك
سواقى البطانة
ويمطِّر رزازك .. عزازالحصاية
وقموحك سنابل مُشاط كردفانى
ابيت الكلام المقتقت وفاضى وخمج
*********************
وِلادك قُصادك .. شُعاع التحايا
يضووا الشقوق التَّلِم الدوابى
ويورّوا الدروب لى القلوبهم عمايا
عرقهم حُبالك .. وصوتهم مشانق
تلم الدقون الكبيرة
وتحدِّر فِقَرْ .. سمنتها اليالى الضليمة
بتهدر حرايق .. وتحمى
البياكلوا المطايب
وتسجن بطون الجياع .. العرايا
وشوشهُم سُمُر .. حَر أباطك
صفوفهُم مقامك .. وحِلمك حِلِمهُم
رغيفة ..وكرامة .. وسلامة
مصانع بتحرق قبُل تبدا فيها
مزارع بتـيـبس
ونيلـك ممدَّد جنازة
وعقـيدك .. وسِيدك ..
بيكتب ويمحى وتبقّ المحاية
ابيت الكلام المقتقت
وفاضى وخمج
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
لمحمد عبد الله شمو
بين مريم الاخرى والمجدلية
هاهى الأرض تغطت بالتعب
البحار إتخذت شكل الفراغ
وأنا مقياس رسم
للتواصل والرحيل
وأنا الآن الترقب ..
وإنتظار المستحيل
أنجبتنى مريم الأخرى
قطاراً وحقيبة
أرضعتنى مريم الأخرى
قوافى ثم أهدتنى المنافى
هكذا قد خبرونى ..
ثم قالوا لى ترجـّل
***********
ثم أنتِ .. أنت ياكل
المحاور .. والدوائر
يا حكايات الصبا
تحفظين السر والمجد الذى
مابين نهديك .. إختبا
ليس يعنيك الذى قد ضاع
من عمرى هباء
وأنا .. لست أدرى ما الذى
يدفعنى دفعاً .. إليك
ما الذى يجعلنى أبدو حزيناً
حين أرتاد التسكع ..
فى مرايا وجنتيك
لا علي ... لا عليك
فعلى هذى السفوح .. المطمئنة
نحن قاتلنا سنيناً .. وأقتتلنا
نحن سجلنا التآلف ..
فى إنفعالات الأجنة
وأحتوانا البحر ..
والمد اليقاوم .. والشراع
يا هذه البنت التى
تمتد فى دنيايا سهلاً ..
وربوعاً .. وبقاع
ما الذى قد صبّ فى عينيك
شيئاً من تراجيديا الصراع
والمدى يمتد وجداً
عابراً هذى المدينة
خبرينى هل أنا أبدو حزينا؟
هل أنا القاتل .. والمقتول
حيناً .. والرهينة؟
هل أنا البحر الذى
لا يأمن الآن السفينة ؟
خبئينى بين جدران المسام
قبلينى مرةً فى كل عام
فأنا أشتاق أن أولد
فى عينيك..طفلا من جديد .
ارتدى اللون البنفسج
اعتلى شكل الهوية
آه لو تأتين اه وأتجاه
من عميق الموج
من صلب المياه
كالرحيل .. كالترقب ..
وإنتظار المستحيل
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
ما تغنى به مصطفى للاستاذ عبد الرحمن مــكاوي
الرسالة الحلوة
الرسالة الحلوة ريدك ما بريدك
الخطاب النمقت كلماتو ريدك
قبل ساعات قبل مدة
جانى مرسال المودة
يا شلت وقلبى ادى
واحتفلت وعمرى عدى
***********
كل كلمة بتكتبيها
يا حلوة انت تنميقها
تضوى بيها فرح عيونك
لوحة زاهية بترسميها
كل همسة شجية راحة
والحيقة الرايعة انت
فى بريدك صورة بنت
شفت رسمك والاناقة
وانبهرت وغبت ساعة
ياما هل وعم عيدك
مابريدك زى بريدك
الخطاب النمقت كلماتو ايدك
**********************************************************************************************
جمعنا قدر
تقول لىالفراق مكتوب
وزى اول جمعنا قدر
وترحل يا حبيب العين
تخلى صباحى ليل وسهر
اقاسمك فىالسفر بالروح
سعيد انت وشقانى سفر
لما كتمت دمع الشوق
بكيت من غير دموع اكتر
**********
طريتك فى عيون الناس
لما لقيتة محتارة
وفى دروبا مشيتة معاك
وراك فترنى مشوارة
وما اتخيلت جناتك
بتصبح للعيون نارة
نار فرقتنا يا حنين
مجبور قلبى يختارة
***********
زمان ما كنت قايلك انا
عبيرك منو تحرمنى
والاقى الليل طويل عمرو
وعمرى الباقى يظلمنى
طريتك قلبى علمتو
عشان انساك علنى
لا كان الفراق منك
ولا يا روحى كان منى.
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
لعبد العال السيد
****************
من بعد ما عز المزار
****************
من بعد ما عز المزار
والليل سِها ..
وملّت نجومو الإنتظار
والشوق شِرِب حزن المواويل
وإنجرح خاطر النهار
**************
وبقيت أعاين فى الوجوه
وأسأل عليك وسط الزحام ..
قُبـّال أتوه..
يمكن ألاقى البشبهك
ما الليل براح
والشوق .. تعالى بيندهك
**********************************************************************************************
الدنيا ليـل غـربة ومـطر
***************************
الدنيا ليل غربة ومطر ..
وطرب حزين..
وجع تقاسيم الوتر
شرب الزمن فرح السنين ..
والباقى هداهو السهر
يا روح غناى ..
الغربة ملت من شقاى وغربتى وبقيت براى .. حاضن أساى
الوحشة ملت من أساى .. ووحدتى
لاغنوة لا موال يبدد حسرتى ..
غير الدموع يا ملهمة..
الغربة مرة و مؤلمة
الغربة مرة ومظلمة
*******
قولى للنيل ضفة .. ضفة
و العشيات لما تصفى..
والنسيمات البتاخد
من عفاف ريدتنا عفة
إنو شوقى يفيض بحر
شوقى شوق إنسان معذب
ضيعو الليلو السفر
لا ينابيع ريدى جفت
لا ولا أشواقى خفت
كل يوم فى غربة زايدة
و بيها كل الدنيا عرفت
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
عشرة مقاطع للحيـاة
محجوب شريف
**********
( 1 )
غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل
( 2 )
والموج شديد الظلام
غطى الشهيد الهمام
لكن دماهو بتقيد
لكن طريقو المجيد
ابداً شديد الزحام
رايات ترفرف غمام
ينزل رزاز النشيد
والنجمة تلمع هناك
رغم المكان البعيد
( 3 )
والنهر عبر السنين
يزحف بعنف وبلين
في الليل بيلمع يبين
فارس بسيفو السنين
يحمينا حضنو الامين
نطلع بكتفوا الشمال
ننزل بكتفوا اليمين
لكنو مين يقدر يقول
أنا سيدو مين
( 4 )
في منحنى الدرب الطويل
الحبة تفلت من جراب
عابر سبيل مسكين هزيل
عطشان يموت في السكة
ما يتم الرحيل
تكبر تشيل تلبس جميل
تصبح مقيل عابر سبيل
( 5 )
عصفورة من أخر بلاد
في رحلة لي أخر بلاد
تعرف مواعيد الحصاد
وكل دورات الفصول
وأنضر ايام الحقول
وتعادي أسراب الجراد
وتنادي لوكركب زناد
صياد على العش والولاد
( 6 )
أنسانة ابسط ما يقال
لو صاح
اعز من النساوين الرجال
أنثى ولا دستة رجال
تمشي وما بتطأطي
ما بين بير وشاطي
تطلع عالي واطي
نهارها مع السواقي
وليلها مع الطواقي
وعمرها للجهال
( 7 )
والنملة في الصف العجيب
وعلى انفراد
نفس النشاط والأنضباط
نفس الحماس
تسعى وتجيب ولا من رقيب
ولا حتي في الأمر التباس
ولا في اختلاس
أحسن كتير من بعض ناس
ولا في اختلاس
وهيلا .. وهيلا هيلا .. هيلا
تلقى تفسها في سفينة
وهيلا .. وهيلا هيلا .. هيلا
تاني في شارع مدينة
والحكمة بنفس الحماس
تلقاها في الصف العجيب
كم مرة تهرب من مداس
من طفل عابث ومن لهيب
بالحبة تمسك في عناد
الحبة ملك الاتحاد
( 8 )
والحكمة في مر السحاب
والعلاقة البينو ما بين الجذور
واللسة في الباطن بذور
وغنا الطيور
والمعركة الدارت تصلصل
بسيوفها وبالحراب
والعلاقة البينو بين الغابة والهبابة
والربابة والمنديل
ومجرى النيل وضلفة باب
وبكية طفلة في الكتّاب
تفتش عن قلم رصاص
وقع في الباص
وحس رصاص هدر في ناحية
فيها العيش حكر للجيش
بتاكل من زمن مافيش
وتشرب من زمن مافيش
وكان اضراب
( 9 )
والشمس تطلع يبين
ادق ما في الجبال
تبدأ الموانئ العظيمة الهدور
وتصحى المصانه بيهمة وتدور
ووتملأ الشوارع وكل الجسور
وتشفى الصدور
جموع الشغيله خطاها ثقيلة
تخلى القصور تحس بالفتور
وحمى الزوال
( 10 )
تصحى المدينة
تقوم تستحم وتولع سيجارة
تدخن تسخن بشاى الصباح
وحق الملاح وسيد الجزارة
وتقعد تدندن تخيط زرارة
ترتق هدوما وتفتق هموما
وتسب الحكومة وتفن الريال
وتنفض سريعاً غبار النعال
وتنزل تواجه مشاكل عويصه
تشرّط قميصا وتدق العيال
ليه العيال يعيش النضال
يخلى الحكومة تدخن تسخن
بنار الكفاح
وتقعد تطنطن لحدي الصباح
بتطلع بتطلع حزينة وكتومة
تشرّط هدوما وتحش المصحة
يعيش الأصح يعيش النضال
وضروري النضال
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
عاطف خيري
اقراك مرة صاح
خلينى أقراك مرّة صاح..
عكس إحتشادك فى الحضور
هل غاب معاك وعى الطريق
أم بيكى زكـّانى الزمن
ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية .. سور
وبلقاكى بيناتنا الثبات
وبيناتنا شمس البكرة
فى لحظة .. مخاض
***********
طول الوجع رشـّح
مواطن العافية .. فيك
خلانى أرجع وأبتديك
وأقراكى من كل الجهات
ومابين أقابلك .. ومشتهيك
كان حلمك الأول ترفْ
وكنتى الصبية الغايبة
فى زحمة حجا .. وكلمة شرف
كنتى الزوايا الميتة ..
فى متحف خزف
كنتى الوصايا العشرة
واللون الشحيح
********
سميت مساحاتتك حكر
كل البيحلمو بى الشمس
فجـّرت من واقعك .. عبث
سكـّنت فيك ..ضد السكون
كل اللى كان ممكن .. يكون
وطارت ضفيرتك ليل غنا
جدلة صبُر .. وطولة نفس
ومابين أقابلك ومشتهيك
ومابين أقابلك وجيت عليك
كان عندى ليك بس نحنّ
والجرح الثرى
وخيبة أمل أم الشهيد
دى الكلمة .. والوجه الجديد
وكان إحتقان نبض الزمن
نومة طفل .. فوق الدّمن
يا صاحية بى الحاصل علىْ
يا نايمة عن فقرى البليد
سميت مرافيك الوطن
صبحت مناحاتك .. نشيد
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
كيف أنساك
كيف انساك وانت الجرح
النازف منو خريف العتة
خريف المحل الما بتدارك
نجم الطالع شيل وختّة
رحل الديرة وهج وديرة
فرع الحنة النور حتة
جرحك نيلة وسيرة طويلة
وشافى البلسم ابى يتختة
***************
سبر العاشق كتر الليمة
ولم الشمل الروح شتة
سبر الروح الكلمة الزينة
ونفساً طيب مالى الجتة
غلب الراوى تملى حكاوى
غلباً زى ما اتعودت
آهة حزينة وأنة دفينة
تخفف عنى لماماً حتى
*************
كيف انساكِ وليل الشارع
رمى ستايرو وقفل الحتة
برج التالى إنشر بدالى
وحوش ليك ايامى الستة
يوم الليلة يمر بى صبرو
احلام باكر كيف تـتأتى
يامغلوبة وغالبة زمانك
كيف أنساك محال البتة
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
حكاوى الشوق لمدني النخلي
أملنا الباقى يسرح بى
واهاجر لى زمن تانى ..
تبقى الدنيا فى عينى ..
هداة موجة فى بحر
الأسى الممدود..
رجعة غنوة من
درب الضنى المهدود
هجعة خطوة فى
سكة فرح مفقود
وأفتش ليك ..
أفتش ليك حنينى معاى
أمانى تصارع المكتوب
عشانك لامسافة تطول
ولا تصعب معاك دروب
وقلبى معاك
وعلى الوعد الحزين مصدود
وراجع ليك ..
راجع ليك ..
أجوب الدنيا و أرجع ليك ..
أجيك فارسا يشق صمت
المتاهة الطال...
مواعدك بى حكاوى الشوق
وبى شمسا وراها منال
وبى فرحا يغرد فى سماك اللحان
ويجيب البهجة للأطفال ..
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
زهرة الصبار(فى طريق الليل) للشاعر العراقي مظفر النواب وتغنى بها الراحل مصطفى
فى طريق الليل
ضاع الحادث الثانى
وضاعت زهرة الصبار
لا تسل عنى ..
لماذا جنتى فى النار
فالهوى اسرار
والذى يقضى على
جمر القضى اسرار
والذى يخفى الهوى بالصبر
يا ..بالله كيف النارتخفى النار؟
***********
يا غريب الدار انها اقدار
كل ما فى الكون ايام له
الا الهوى ..
ما يومه يوم ولا مقداره مقدار
*********
لم نجد فيما قطار العمر
يدنو من بقايا الدرب
من ضوء على شئ
وقد ضج الاسى اسرار
كنت تدعونا فاسرعنا وجدنا
هذه الدنيا محطات بلاركاب
ثم سافرنا على ايامنا أغراب
لم يودعنا بها الا الصدى
او نخلة تبكى على الاحباب
يا غريباً يطرق الابواب
نحن من باب الشجى والزخرف الرمزى والالغاز والمغزى
وما غنى على ازمانه زرياب
كم طرقنا بابك السرى
فى وجد وفى خوف
لم تجبنا فابتعدنا فرسخا هجراً
فالفيناك سكرانا جوابات
فلم تغفر ولم نغفر
كلانا مدع ٍ كذاب
كل غىٍ غاب
انما غيى وغىٌ منك قد غاب
وراء النرجس المكتوب للاحباب
لا تسل عن عادة ..
ان تكثرالاقوال فيمن زاق
خمر الخمر فى المحراب
لم يقع فى الشك الا انه
من لسعة الاوساخ
تنمو خمرة الاعناب
كل مافى الكون اصحاب وايام له
الا الهوى ..
ما يومه يوم ولا اصحابه اصحاب
***********
نبه العشاق نبه العشاق
مذنب اودى بلا هجر ولا وصل
بباب الطاق ..
نبه العشاق ...
مرهق من خرقة الدنيا على اكتافه
لم تستر الاشجان والاشراق والاشواق
مرهق مشتاق كله اشواق
نبه العشاق...
موغل فى السر مندس بنار
الوجد فى الاعماق
نبه العشاق ..
لم يفق يوما ولم يابه بمن قد فاق
مشفق مشتاق كله اطراق
قد ملته الخمر صحوا فانبرى يبكى
واطفال الزمان الغر لجو حوله
سخرية فى عالم الاسواق
قل لاهل الحى هل فى الدور من
عشق لهذا المبتلى ترياق
مشفق مشتاق
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
لمحتك وعلى بابك للكتيابي
لمــحتــك
لمحتك
قلت بر آمن ..بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم
***********
كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
الوح لى مدن عينيك تلوح لى
أخاف الضفة ترجع
بيك قبل اتلحق
أخاف غيم المنىالشايل
تسوقو الريح .. ويتفرق
اخاف واخاف ..
*************
وأشد ساعد على المجداف
وأجيك بى قدرتى الباقية
حطام إنسان..
موسّم بى شقا الدنيا
ومقسّم قلبو فى الأحزان
أجيك فنان..
أشد أوتارى .. وأحكيلك
حكاية إنسان ..
وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف الضفة ترجع بيك ..
قَبـُل ألحق
أخاف غيم المنى الشايل
تسوقو الريح وإتفرق
وألاقيك يا أمانى سراب
مواهبى عليهو تتدفـّق
اخاف واخاف
على بابك
على بابك
نهارات الصبر واقفات
بداية الدنيا هن واقفات
وكم ولهان وكم طائر بعد نتف جناحو وراك
لملم حر ندامتوا وفات
قطع شامة هواك من قلبوا
إلا هواك نبت تانى وعلى بابك وقف تانى.....
الغمائم شآكىغبن الليل
مسافر فيها وحدانى وبدون جنحين....
يغنيك الهناء المافى
يغنيك رهافة حسو....
يفنى على جليد آمالو ويحلم بالشتاء الدافى
وقدر مايمشى فى سور الزمن خطوات..
يلاقى خطى السنين واقفات
يلاقى هواك نبت تانى وملا الساحــات...
على بابك.. .............نهارات الصبر واقفات
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
زى ما يكون
برغم ذبول نجيماتك
سماك معقول
وشارع الشوق ..
بدونك .. تمْ
بحِسْ بى القول ..
على حدّ السيوف مجدول
ورغم الفات
ورغم الحاصِل المسلول
فوق عمقك قدل جوّاى
على لقيا .. وبياض خاطر
وزى مايكون
*****
وعلى عمقك
مشيت متلفّحك .. خاطر
لا الشبورة .. لا ريحة الدُعاش
مشبوبة بى ندّكْ
.. صبابة وصوت
ولا برقت شموس منّك
ولا دخلت شموس فينى
ولا أظنّك بتدّى شموس
ويطلع من عيونك ضى
ولا لِمِس الجفاف خدّك
ولا ركّ الندى المحروق
فراشات فى شذاك .. دخان
شعاعات من بريق لحظك
فهل يرجع زمن جيتك
حضور تانى ؟
على ذكراك أمل ممتد
أنا وإنت .. وهدير الكون
على لقيا .. وبياض خاطر
وزى ما يكون
**************
ولا رجعت طيور بتنم
ولا زيفا نشف مفضوح
ولا زِيف العِشِق مفضوح
ولا لمـّة فرح .. بتلم
ولا الرقدة .. التعب بتجم
ولا الصمت القبيل .. مفتوح
ولا الفرح البِتِم القول
صدى الغنوات ... يرقِّص حول
ولا وجّت رياض أطفال
ولا الموّال
مركّب بى نسيج الجيـّة
بى أنغام طبول شدوك
عشان أضحى الفرح مسحور
وإيقاع الرقيص .. مكسور
نسيب الليل البلد ... ينجَمْ
نطوى الشوق منام
نتوسد الأحلام
على صحيان هبـّة نسيم باكر
لأننا نحن متواعدين
انا وانت وهدير الكون
ومن جوّة الضجيج مارقين
بصوت واحد
لأننا نحن متواعدين
على لقيا وبياض خاطر
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
الرحيل في الليل لابو ذكرى
الرحيل فى الليل
أيها الراحل فى الليل وحيدا ..
ضائعاً منفردا
أمس زارتنى بواكير الخريف ..
غسلتنى فى الثلوج ..
وفى شراق البروج
ايهاالراحل فى الليل وحيدا
موغلاً منفردا ..
حين زارتنى بواكير الخريف
كان طيفى جامدا وجبينى باردا
و سكوتى رابضا خلف البيوت الخشبية ...
مخفياً حيرته فى الشجر .
وغروب الأنهر .. وانحسار البصر
لوحت لى ساعة حين انصرفنا ..
ثم عادت لى بواكير الخريف
حين عادت وثب الريح
على أشرعتى المنفعلة
سطعت شمس الفراديس
على اروقتى المنعزلة
ومضت تحضننى شمس ندية
والتى ما حضنتنى فى الزمان الأول
فى الزمان الغائب المرتحل
أيها الراحل فى الليل وحيدا
ضائعاً منفردا ..
إنتظرنى ..إنتظرنى
فأنا أرحل فى الليل وحيدا
موغلا .. منفردا
فى الدهاليز القصيات إنتظرنى
فى العتامير وفى البحر ..
إنتظزنى .. أنتظرنى
انتظرنى فى حفيف الأجنحة
و سماوات الطيور النازحة
حين تنهد المدارات و تسود
سماء البارحة..
إنتظرنى..إنتظرنى
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
غناء العزلة ضد العزلة
للراءع الصادق الرضي ,,,
كما يتسرّب الضوء شفيفاً
صوب سطح البحر
وهو محمّل’’ بروائحِ القمر
النبيِّ خلاصة السحر
غناء النشوةِ الكبرى.
وهفهفة العناصر في تراكيب الضياء
تتصاعدُ الأرواحُ في الأمواجِ
وهي ترتّلُ الغصِّة شيئاً من
خواص الماء
خيطاً من دُخان الرغو
في همسِ المزاميرِ
وَوَشوشة الغناء على شفاه الحورِ
إذ يسبحن بين القاع والسطحِ
فضاء الرهبة الصدفيةِ، اللالونَ
حيث الصمتُ فاتحة الوجودِ الداخليّ
لدولةِ البحرِ وقانون المياه
خذ من شعاع الشمس نافذةً
وحلّق في فضاءات الغيابِ
إلى رحيل أبدي
لا مكان الآنَ لكْ
والله يسكن بالأماكنِ كلّها
وجهاً يضوِّء بالأزقّةِ
شارعاً يمتدُّ في كسرةِ
الخبز - الطعام
المستحيل - إالى ثياب الفقراء
! ماذا يلوّحُ بالنوافذ؟
هل ترى منديل عاشقةٍ
بلون البحرِ
دمع صبابة في نهد عاشقةٍ
بطعم النارِ
يقطرُ ...
والعصافيرُ اكتمال للندى
في شرفة الحلمِ
تسدُّ الأفقَ
تبحثُ عن طفولتها بذاكرةِ
الفضاء الرحبِ
والفجر المعلّب في رفوف الصمتِ
واللغة الخفية للغناء على
مسام العشبِ
والشجر المخبّأ في تماثيلِ الشجرْ
**********************
الحزن لا يتخير الدمع ثيابا
كى يسمى بالقواميس بكاء
هو شىء يتعرى من فتات الروح
يعبر من نوافير الدم الكبرى
ويخرج من حدود المادة السوداء
شىء’’ ليس يفنى فى محيط اللون
أو يبدو هلاماً فى مساحات العدم
الحُزن فينا كائن
يمشى على ساقين
دائرة’’ تطّوف فى فراغ الكون
تمحو من شعاع الصمت
ذاكرة السكون المطمئنه
كيف ترفضُّ الجدائل
فضة فى الضوء
ترفضُّ الفقاقيع
ما بين إمرأة الرزاز
إشارة للريح فى المطرالصبى
إضاءة فى الماء
خيطاً من حبيبات الندى
سحراً..صلاةً..هيكلاً..قوسَ قزح
ذلك سر الكون
أن تبصر فى كل حسن آية لله
أنواراً من الملكوت والسحر
الإلهى المهيب
ذلك سر العدل
أن تتفجر الأشياء تُفصحُ
عن قداستها
ترى فىالشىء ما كان احتمالا
ثم تنفتح الكنوز
الأرض كانت تدخر القمح لأطفال لها
فقراء لا يتوسدون سوى التراب
قل للذين يوزعون الظلم
باسم الله فى الطرقات
الله فى نار الدموع
الله فى نار الدموع
وفى صفوف الخبز
والعربات والأسواق
والغرف الدمار
البحر يا صوت النساء الأُمهات
القحط يا صمت الرجال الأُمهات
الله حى’’ لا يموت
الله حى’’ لا يموت
الله حى’’ لا يموت
**********
كيف استوى ما كان
بالأمس هواءاً نتناً
ريحاً بغيضاً
بما كان هواءاً طيباً
ريحاً يؤسس معـطيات
الشارع الكبرى
عبيراً ضد تلك الرائحة
ما أشبه الليلة بالبارحة
كل ما كنا نغنيه على
شاطىء النيل تغّيب
وانطوى فى الموج منسيا
حطاما فى المرافىء
أو طعاماً للطحالب
فى إنزلاق الصوت للقاع
وفى صمت المسافات القصية
نحن في ساعة الحزن
اختر مكانك واحترق حيث انتهيت
أنت منسوب الدم الآنَ
وأنت الإشتعال - النارُ
مجمرة الغضب
أنت - إذن - ضي;اء اللحظة الآتي
أنا / أنت : ونحن الناسُ
والشارعُ
والعواميد التى تمتد بالإسفلتِ
صوتي / صوتكَ : المشروخ
في صدأ المقاعدِ
وانهيار البراكين
لم أقل : إن الفضيحة قد ترآءت
في تلافيف العمامةِ
وامتداد اللحية - الزيفِ
لماذا لم تقل ؟
إن العماراتِ استطالت
أفرغت أطفالك الجوعى
على وسخ الرصيفْ
ومقيات الفيجعة ، والفراغ
العاطفيِّ الوطنيِّ
الآن لن نبكي
ولكن مَنْ يساوم بالغدِ الآتي
!وماذا سوف نخسرُ؟
نحن بالغربة رتبنا بلاداً
لا تشابه غير وجه الذات بالمرآةِ-امرأة’’هى اللغة - الرماد
لا تثق بالقلب : إن العشق يؤذي
بينما يجدي التحرك في السكون
وفي مساحات الأنا
وعي التكّون
وابتكار الفرد مجموعاً
يوازي سلطة الإطلاق ،
تحديد المواضعِ
بالإشارة نحوها بالاسم
تفتيت الهلامِ
واختراق السرّ ،
فتح نوافذ الأشياء
تكريس التفاصيل الدقيقةِ
قوةَ تنسف الأحلام والذكرى
وأشباه الحبيباتِ –
الدمى ، والأصدقاء.
لا تثق بالقلب : كي يتصاعد
الضوء على كل المساحاتِ
وحدّق جيّداً
أنت تعرف أنهم يقفون
ضدّك .. ضدّنا ..ضدِّي
و أعرفُ أنني سأظلّ
السلطة - الاوعي
نحن الآن في عمق القضيةِ ،
مركز النارِ
وبالهامش تبقى سلطةُ اللغةِ الخفيفةِ
كي تُعلَّقَ في الفراغِ
نعم ، سننسى كل ما يأتون
من فعلٍ وقولٍ
سوف نصلبهم عرايا بالمساميرِ
على بوابةِ التاريخ
ثمَّ نعِّبىء الأيام في الصمت
الخرافيّ الرهيب
****************
لست من نورٍ لِتغفِر
أنتَ من طينٍ لتبنى
فابنى لي بيتاَ
لنا .. لكَ
للصغارِ القادمينْ.
إن يكُ للعدلِ في الأرضِ وجود’’
فليكن دمنا هو المقياسُ
إن تكُ السماء مقابلاً للأرضِ
فلتكنِ الدماء مقابلاً للعدلِ
قال الله كونوا ، ثم كنَّا
هل تحققنا تماماً من وجود
الذات في أرواحنا
! ضوء التكون وانطلاق الكائنات؟
نحن نخرج عن غناء العزلة الكبرى
لنكتب عن غناء العزلة الكبرى
ولكنا نصاب بضربة الحزن
أوان خروجنا من داخل الصمتِ
وفى جوف السؤال
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
مزيكة الحوارى
كلمات محمدالمهدى عبدالوهاب
مانى غرقان فى التمنى
ولانى سارح بالأمانى
زارنى خاطراً ...
بلّ شوقى .. وإحتوانى
النخل إتلاقى .. غنى
وردد النيل الأغانى
النجوم لامع بريقة
الورود النايمة .. فاقت
عطرت كل الجزاير بى رحيقة
الندى الراقد بفوقــا
صفّقت جنحاتو غنت ..
لى هواي
**********
دقوا مزيكة الحوارى
رقصوا البنوت .. أعرضوا
النخل زايد فى عرضو ..
وفى علاهو..
البيوت غرقت وراهو
وبرضو زايد فى علاهو
يحكى للدنيا الجميلة
سر ثباتو .. وسر بهاهو
*****************
ضى عيونك يا بنية
يضوى من بلداً بعيدة
تحملك لينا الغمامة
وتكتمل للروح .. نشيدة
وفى الدروب اللّيك تودى
بنسرج الخيل العنيدة
والحزن من نور عيونك
يلبس الفرحة الجديدة
****************
وأنا راكب يا مراكب
لا الرياح توقف خطايا
لا الجبال .. تحجب رؤايا
ست شموس الكون منايا
ليك مسافر ...
ومن كتير الزاد ..
مسافر بى غنايـا
نوصل الشمس البعيدة
نبقى عيدة ...
نزرع الحب البيوقد
لى النهاية
للنهاية
للنهاية
************
اخوان الانسانية
كلمات محمد المهدى عبد الوهاب
مابين زمناً متمنيهو
وزمناً منك زادنى أسيـّة
طفت الدنيا عشان أنساكِ
وأنسى الحزن الطارد .. ليـّا
كان البحر الما خـلاّنى . .
أعيش برانى..
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم ساهرنا
وكم مازحنا ليالى الصيف
وكم غنينا لى الحرية
وكم دارينا الحزن الأكبر
بين الصيف .. وجمال المنظر
**********************
كنتِ بتطلعى من عينيهم
وكتين يفرحوا .. أو يندهشوا
أو يفترشوا سواعد بعض
أو يتكلموا عن الأرض ..
وسلام العالم..
وكنت غريب الوجهِ .. معذب
*************************
ما أحلاهم ..
شالوا معاى الهم بى الجملة
وهتفوا .. البحر .. البحر
جوة المركب .. فِضلوا
يغنوا .. يغنوا
شوية .. شوية ..
وسكتْ المركب
كل الناس إتنين .. إتنين
فرح إتكلم بى لغتين
كنت برايا...
وجانى حنين الكون .. إتكوّم
غوّر .. غوّر .. جوة فى صدرى
وإتمنيت لو كنتى .. معايا
| |
|
|
|
|
|
|
|
|
|
Re: تعالو نعمل share ونجمع كل الـLyrics بتاعت مصطفي سيد احمد (Re: امنة عبد الكريم)
|
محمد مدنى
***************
فى صحة الوطن المداوم
ان يقاوم كاس
وكاس نخب عشق
تلتقى فيه الحبيبة بالخريطة
ساكتب الآن كلى وبعضك
حتى تذوب الحدود
وتنمو المساحات سعفاً وحباً
لتجدل عينيك سجادة كرى
نبقى طليـقين رغم القيود
***************
اسفى نسيت الآن
طعم القبلة الاولى
وكيف تطاولت عيناى
كالضوء انتشرت على
المسافة بيننا والناس ..
الآن لكن لا يهم ..
يبننا والناس ما عادت مسافة
والمسافة بيننا والارض
تختزل الطريق
بكت تودعنى
تدافعت العناصر نحونا
اهواك كن يقظاً تمهل
فى مسيرك واتجـه
فالارض تنضح بالمقادير الدفينة
اهواك لا امشى على راس الاصابع
لا أتـاتئ حرف اسمك
فارفعى رأسى ورأسك
ينتهى عهد المناحات الحزينة
لن اشتريك باغنية
فالاغنيات تكاثرت ..
وتناثرت كالدمع او كالخمر
ثم تبوات سيل الطريق
هل من مقايض للحبيبة بالخريطة
هل من مساوم للغريق ؟
لا غير قبضته وصدر الموج
يغرزها فيلتحفان
تقترب المسافات البعيدة
ثم يشتعل الحريق
والارض تحضن بذرة الانسان
يا ربـاه ..
ما ابهاكى يا ارض
انتخبتك مغزلاً للحب
والاشعار والحقب الجديدة
اهواك يا فرح التقائى
بالسهول بالحقول وبالقطيع
يا رجعة صرخة اهل
وادينا الوجيع
ما دام فى الغابات والوديان
ينتشر الربيع
لا العشق لا الانسان فى بلدى
يدجن او يضيع
| |
|
|
|
|
|
|
| |
محمد المعتز
mahdy alamin
بابكر التوم
هاشم أحمد خلف الله
بدرالدين يعقوب
محمد صباحى
Saber Abdelhadi
احمد العربي
Sahar Yousif
abubakr salih
M A Muhagir
ابو طويلة
عامر تيتاوى
mohanad haimoura
Waeil Elsayid Awad
غباشي
ادهم عبد الرحمن نصر
فيس بوك
تويتر
انستقرام
يوتيوب
بنتيريست