|
|
|
 Re: الجــندرة ومشكلة الفصل بين الرجال والنساء في المراحيض العامة (دراسة) (Re: Mohamed E. Seliaman)
|
محمد.. حبابك يا صديق
كتر خيرك على فتح هذا الموضوع..و الأهم.. كتر خيرك على الإنتباه لمسألة اللغة..يعني ناس بتكتب بالإنجليزي .. ربما بتقصد التدليس و الخم..غايتو لو القصة كده.. اعتقد في شوية ظلم..و لو ما كانت كده.. فده بيكون سوء ظن مني تجاه تقديرك للحاجات و أنا مسئول منو..وارجو العفو منك..
ما عرفت الفكرة شنو .. من موضوعك..و فكرتك الأساسية في طرح الموضوع..و ح انتظرك لغاية ما تبينها..و بعد داك نشوف القصة شكلها ح يكون شنو..
كتر خيرك على المادة (الفيديو.. بتاع الشيخ)..و برضو ما عارف قصدك شنو..من المقاربة.. لكن احييك عليها لأنها فكرة ذكية جدا..فلو رجعت للمراجعة القام بيها قريك اسميث لكتاب غوفمان..ح نكتشف انو موقف غوفمان.. متفق تماما مع موقف الشيخ في الفيديو.. من ناحية تحليل و مساءلة الإعلان التجاري..و دور ثقافة الجندر في تحليله و فهمه..و شرح التدليس الذي تمثله الثقافة العامة في مسألة الفصل بين مفاهيم الرجل و المرأة..
لكن .. بالنسبة للإقتباس الذي جلبته..و ركزت عليه.. (و برضو ما عارف غرضك شنو من الإقتباس و بهذه الكيفية بالتحديد)..هو نهاية كلام..و في كلام أساسي سابق ليهو..و الجزئية التي اقتبستها فيها توصل لخلاصة جزئية..يعني يا محمد انت ما جبت اول الكلام.. العلى اساسو .. صاحبنا غوفمان (بحسب قراية قريك اسميث ليهو) قام توصل للنتيجة دي..و زي ما عارف واحدة من ميزات الكتابة بالإنجليزي (خصوصا في دراسات زي دي).. أنو الزول الكاتب.. في اول سطرين بيقدم ليك الثيمة الأساسية للكلام الداير يتكلم عنو.. و بعد داك بيجيب الأدلة.. ثم يتوصل للنتيجة..و دي بديهة منهجية ما اظنها تكون غايبة عنك..و لكن السؤال.. لو جبنا كل الكلام.. هل ح يكون هناك فرق ولا؟..و نفس الشئ لو جبنا اخر الكلام (يعني مبتور) هل برضك ح يحصل فرق ولا لأ؟..طبعا هناك فرق كبير بين جيبة النتيجة دون معرفة الأسباب التي ادت للنتيجة..يعني ببساطة زي القاعدة المهمة الكانوا بيدرسونا ليها في كتاب حساب المثلثات بتاع الشهادة السودانية (و اتوقع انك تكون درست نفس الكتاب زي ما انا برضك درستو و امتحنت فيهو)..و القاعدة هي.. سلامة المقدمات .. تقود لسلامات النتائج..و هي اساس علم المنطق ..فالناس البتكتب بالإنجليزي.. بتقيدوا بالقاعدة دي..و بيكون صعب .. بالنسبة ليهم قراية النتائج دون قراية المقدمات..
Quote: In GA the sociologist of the interaction order -- that domain of social life generated by the copresence of persons (Goffman, 1983; Rawls, 1987) --investigates interactional manifestations of gender difference. The book's focus on gender displays extends and particularises the earlier and controversial" institutional reflexivity"6 theory of gender differentiation (Goffman, 1977; Wedel, 1978). Briefly, Goffman's claim is that the differential treatment of males and females is often justified by folk beliefs which presume some essential biological differences between the sexes. But for Goffman biology cannot determine social practices which have to be treated as sui generis for sociological purposes. Therefore many social practices, frequently presented and excused as natural consequences of the differences between the sexes, are actually the means through which those self-same differences are honoured and produced. Biology is not an external constraint upon social organisation. Gender differentiation, at least in modern industrial societies, is produced and reproduced in interaction. Further, these interactional practices hold definite implications for the presumed human natures of gendered persons. So practices which ostensibly reflect consequential biologically-based differences in our human natures, everything from the engendering of pronouns and first names in European languages to the segregation of toilet facilities in public places, come in Goffman's view to constitute the differences between the presumed natures of the sexes. Goffman's institutional reflexivity theory is thus primarily concerned with gender differentiation rather than stratification, approached from a social constructionist standpoint.
|
كده .. يتخيل بيكون عندنا فكرة عن نظرية غوفمان..يعني الترابية الإجتماعية .. هي مسألة ثقافة اكثر من كونها مسألة بيولوجيا.. يعني الثقافة هي البتحدد الدور الإجتماعي للفرد..و ليس البيولوجيا..فغوفمان بيفتكر انو هناك ترتيبات بتبني على أفتراض الفروقات البيولوجيا..و دي مغلوطة.. لأنو الفروقات الإجتماعية اساسها ثقافي اجتماعي..و ليس بيولوجي..
يعني يا محمد قصة التوليت الجبتها دي.. يبقى السؤال.. مش ليها في حمامات خاصة بالنساء و اخرى خاصة بالرجال..لكن هو من وين جا التقسيم ده؟.. هل لأنو طبيعة النساء (بيولوجيا) بتختلف عن طبيعة الرجال(بيولوجيا)..و لا هناك بنية ذهنية بتفترض انو الفرق بين الرجل و المرأة مبني فقط على الفرق البيولوجي؟
و برضك فكرة غوفمان .. ليست في الدعوة للمساواة بين الرجل و المرأة في الحمامات العامة..و انما هي اعمق..لأنو البدعة اللي ابتدعها هي دراسة الإعلان .. كحقل سيوسيولوجي..يعني زيو و زي أي مؤسسة اجتماعية ليها ادعاءاتها و منتوجاتها..
قلت في بداية كلامي أنو الشيخ (بتاع الفيديو.. ياخي ما تجيب لينا اسمو).. اتفق مع وجهة نظر غوفمان.. بالرغم من اختلاف الأرضيات التي ينطلق منها كل منهما.. فالشيخ قرايتو لإعلان ( الزولة الواقفة في ضهر عربية سكند هاند).. هي قراية سيوسيولوجية زي قراية غوفمان.. لكن الإختلاف بيجي في التوظيف للقراية..
في بداية الدراسة التي اعدها قريك اسميث.. اشارة الى انو واحدة انجليزية اعترضت على كتاب غوفمان (شفت فكرة التحريم دي خطرة كيف يا محمد؟.. يعني ما هي فقط خصيصة المجتمعات المسلمة..و تحديدا ناس عمك الطيب مصطفى القام بتحريم طباعة كتب محسن خالد..و لكنها خصلة موجودة في كل المجتمعات البشرية.. عندي ليها مقاربات..محسن جزء منها)..و دافع الرجل عن موقفه..
لكن برضك.. كلام فيفان في المقدمة (و هي التي قامت بتقديم الكتاب في طبعة الولايات المتحدة).. كلام مهم جدا..و قراية معقولة لنظرية غوفمان..
Quote: ("What Erving Goffman shares with contemporary feminists is the felt conviction that beneath the surface of ordinary social behaviour innumerable small murders of the mind and spirit take place daily"
|
غايتو الإعلان حقل سيوسيولوجي مهم يا محمد..
و لا اظن فكرة غوفمان.. هي حتة الفصل بين الرجال و النساء في المراحيض العامة كمشكلة بحسب عنوانك..و انما هي اعمق بكثير من ذلك..
و نشوفك تاني يا صديق..
كبر
| |
 
|
|
|
|
|
|
|
|
Re: الجــندرة ومشكلة الفصل بين الرجال والنساء في المراحيض العامة (دراسة) (Re: Mohamed E. Seliaman)
|
| Quote: هناك فرق كبير بين جيبة النتيجة دون معرفة الأسباب التي ادت للنتيجة..يعني ببساطة زي القاعدة المهمة الكانوا بيدرسونا ليها في كتاب حساب المثلثات بتاع الشهادة السودانية (و اتوقع انك تكون درست نفس الكتاب زي ما انا برضك درستو و امتحنت فيهو)..و القاعدة هي.. سلامة المقدمات .. تقود لسلامات النتائج..و هي اساس علم المنطق . .فالناس البتكتب بالإنجليزي.. بتقيدوا بالقاعدة دي ..و بيكون صعب .. بالنسبة ليهم قراية النتائج دون قراية المقدمات.. |
| |
|
|
|
|
|
|
|
|
|
Re: الجــندرة ومشكلة الفصل بين الرجال والنساء في المراحيض العامة (دراسة) (Re: Mohamed E. Seliaman)
|
صديقي محمد..حبابك
Quote: لكن لا يحق للأوربيين -كذلك-المناداة بمراحيض مختلطة
في المجتمعات الإسلامية لأن قيمنا لا تسمح بذلك !! |
يا زول ده كلام شنو؟
غايتو البعرفوا.. في المجتمع السوداني.. أي بيت فيهو مستراح واحد.. بيستخدموا الكبير و الصغير..و الرجال و النسوان.. كيف نقدر نقول أنو السودانيين قيمهم الإسلامية ما بتسمح ليهم بمستراح مشترك؟.. يعني البسوا فيهو ده ما شرعي ولا شنو قصدك؟
طيب نفترض فيك حسن النية..و انك قاصد مراحيض عامة..هل فعلا جوا الأوربيين و كسر رقبة قالوا للمسلمين لازم تسوا مراحيض عامة مختلطة؟..لا استبعد ذلك..لكن لو حصل فعلا اديني دليل ..و فوق كل ذي علم عليم..
لو بتصدقني ..و ممكن تاخد كلامي.. أنا قاعد في مجتمع غربي قرابة العشرة سنين..و سنحت لي الظروف ازور مدن كتيرة في البلد ده..يوم واحد مالاقني مرحاض مختلط (يعني يكون قاعدة عامة -وليس استثناءا - عشان نقيس عليها و نقول فعلا البلد ده اهلو متمسكين بقصة المراحيض العامة المختلطة)..
اها نشوفك تاني يا صديق
كبر
| |
|
|
|
|
|
|
|
|
|
Re: الجــندرة ومشكلة الفصل بين الرجال والنساء في المراحيض العامة (دراسة) (Re: Kabar)
|
Quote: غايتو البعرفوا.. في المجتمع السوداني.. أي بيت فيهو مستراح واحد..
بيستخدموا الكبير و الصغير..و الرجال و النسوان.. كيف نقدر نقول
أنو السودانيين قيمهم الإسلامية ما بتسمح ليهم بمستراح مشترك؟.. يعني
البسوا فيهو ده ما شرعي ولا شنو قصدك؟ |
يا أستاذ كبر يا صديقي العزيز
بل أنت :| Quote: يا زول ده كلام شنو؟ |
شكرا على حسن النية
فعلا المقصود مراحيض عامة..
| |
|
|
|
|
|
|
|
|
|
Re: الجــندرة ومشكلة الفصل بين الرجال والنساء في المراحيض العامة (دراسة) (Re: Mohamed E. Seliaman)
|
يا استاذ محمد ازيك
تعرف مشكلة الزمن معانا مشكلة كبيرة بدل ما تنزل لينا اللنك لو امكن تنزل الموضوع او المواضيع كاملة ، ويا حبذا لو في ملخص عربي عشان نكون في الصورة. حسع انا ما فهمت اي حاجة ، ولما قريت مداخلة الزول التاني "كبر" قاعد يقول كلام مختلف اها حسع نناقش نو ولا منو طبعا ما ممكن نناقشك على كلام انت ما كتبتو وبكون غير علمي لما نجي نناقشك بناءا على مناقشة شخص آخر
خلاصة القول لو عندك وقت ممكن تنزل لينا المواضيع كاملة مع ملخص عربي عشان نفهم الحاصل شنو. لو مشغول سنكتفي بالقراءة دون النقاش.
فتك عافية
صفية
| |
|
|
|
|
|
|
|
|
|
Re: الجــندرة ومشكلة الفصل بين الرجال والنساء في المراحيض العامة (دراسة) (Re: Mohamed E. Seliaman)
|
Quote: لو بتصدقني ..و ممكن تاخد كلامي.. أنا قاعد في مجتمع
غربي قرابة العشرة سنين..و سنحت لي الظروف ازور مدن كتيرة في
البلد ده..يوم واحد مالاقني مرحاض مختلط (يعني يكون قاعدة عامة
-وليس استثناءا - عشان نقيس عليها و نقول فعلا البلد ده
اهلو متمسكين بقصة المراحيض العامة المختلطة).. |
يعني يا فاضلابي
حسب كلام كبر دا فحتى المرأة في النرويج يمارس ضدها التمييز
حتى في دورات المياه العامة !!
يعني بعد جعجعاتكم دي كلها
عندكم مكان خاص بالنساء وأخر خاص بالرجال
لو كلامي ما في محله
أرجو أن تبين لي سببا واحدا يبرر الفصل بين النساء والرجال
في موضع قضاء حاجة طبيعية !!
جيب أي أساس مقنع (بيولوجي , تشريحي , فسيولوجي , سسيولوجي إلخ )
بالعدم حقو أول تنادون بدورات مياه عامة مختلطة
منعا للتمييز ضد المرأة
في بلاد تتيح للمرأة والرجل ممارسة الجنس بدون زواج
وتمنحهما حرية كاملة في جسديهما
حتى المثلية تبيحها
ثم نكتشف أنها تمنع المرأة من دخول مرحاض الرجال
وهذا كلامك :
Quote: السن القانونية لممارسة الجنس 16
و للزواج 18. و الإحتياط واجب |
مشروع حكومي لتوزيع أقراص منع الحمل ((بدل الكوندوم) على ... المرحلة المتوسطة !!
| |
|
|
|
|
|
|
| |
Mohamed E. Seliaman
Kabar
fadlabi
Safia Mohamed
فيس بوك
تويتر
انستقرام
يوتيوب
بنتيريست