AnwarKing فتى الكومبيوتر الحريف........؟؟

Quote: اليس عثمان دقنةتاجر رقيق ؟ الم يسجن لمدة عام فى مدينة جدة بتهمة تجارة الرقيق ؟ *و لعلملك هذه التهمة لم تثبت على شخص فى قامةالزبير باشا * الم يقم أهل عثمان دقنة بشكو عثمان للخليفة و وصمه وصما شهيرا ظل مثلا حتى اليوم "عثمان دقنة يبكى و حق الناس تاكلا"

Quote: بمفهومك و مفهوم الكثيرين من ينادون بإعادة كتابة التاريخ يجب أن ان نعتبر شخصا مثل عثمان دقنة خائنا !!! لا أنتمى لهذا الفهم و اعتبر ان عثمان دقنة بطلا و من أذكى المقاتلين فى العالم

لا عليك الله..ولماذا هذا التنازل الكبير والعظيم..؟..أن يتكرم نكرة مثلك ويتفضل على عثمان دقنة بالبطولة
بطولته التى خلدها الأعداء شعرا..
عثمان دقنة خائن قال...
يعنى عالم فيها ذكى وجاى تدس السم فى الدسم كعادة اهلك الجلابيب..
لا باللهى..
يا زول أمشى ألعب بعييييد ...عثمان دقنة ده شعرا ماعندكم ليهو رقبة..

Quote: ثمان دقنة نفسه يقول ان فيه دماء كردية تزييف التاريخ يكون بأن تدعى بانه بجاوى خالص و هذا ما لم يقل به البطل عثمان دقنة !!!

حقا!!
تتحدث هنا كأنك تعرف عثمان دقنة معرفة شخصية..ولا من بقية أهلو..
الزول ده كان صحبك ؟!...,متين قاولك القوالة دى كلها؟!

Quote: تتحاملين على الشايقيةب "هاكم رحاطتنا و ادونا سيوفكم" التى قالتها مهيرة بت عبود لفرسان الشايقية و تعتبرين انهم جبنوا !!! الغريبة نفس الشئ حصل مع البجة إذ تقاعس الفرسان عن عثمان دقنة الا أن نساء البجة قالن "شعري بزيَّنا وبعقر ما بجيب جنا"

غايتو كلامك ده ضحكنى ضحك...للأسف واضح تحاملك لكل ذى عينين..
والا متى تحاملت أنا على الشايقية فى هذا البوست واعتبرت انهم جبنوا؟!
هل كونى ذكرت مهيرة بت عبود من ضمن بطلات السودان واستشهدت بمقولتها يبقى ده تحامل..
ده ما تحامل يا فردة ..دى حقائق تاريخية ..للعاجبو والما عاجبو يمشى يزيف التاريخ ..كالعادة

انتو الجلابة مشكلتكم انك اكبر متحاملين فى الدنيا الله خلقهم..
وعندكم اسلوب الهجوم افضل وسيلة للدفاع..
وتتعمدوا تحصروا الناس فى كورنر..وبعدين تكوركوا الجهوية الجهوية..
لكن على مين..

Quote: "شعري بزيَّنا وبعقر ما بجيب جنا

وعشان اثبت للجميع انك كضاب كضب غريب وعجيب انت وأمثالك من الذين استسهلوا تزييف التاريخ
هسه علييييكم الله يا ناس هل هذه لهجة بجاوية ( شعرى بزينا وبعقر ما بجيب جنا) ؟!
انت يا زول قايلنى جاية من وين..!؟
مشكلتكم بتعشقوا التنظير فى البتعرفوا والما بتعرفوا..
اولا هذه اللهجة ليست بجاوية ولا تمت حتى الى شرق السودان بادنى صلة..
ممكن تكون لهجة دارفورية أو كردفانية..
لكن للبجا لغة وليس لهجة..
وحتى الناطقون بالعربية فى شرق السودان لهجتهم تختلف عن كل باقى السودان
وهى أقرب للهجة الحجازية ..

امشى شوف جبت العبارة دى من ياتو كتاب للتاريخ المزيف..
كضاب وعينك قوية !

Quote: فعاد الفرسان و قاتلوا مع عثمان قتالا عنيفا اجبر ونجت ان يؤدى التحية العسكرية للشهداء هل نعتبر هذا جبن و خون ايضا ؟ هل هذه الا قراءة رعناءة للتاريخ !!!

كلام الطير فى الباقير..!!
وماهى الرعونة فى نظرك ان لم تكن الكذب بغباء..

Quote: أكتبى لنا عن أبطال و بطلات سودانيون دون الإساءة لقبائل بعينها و تزييف التاريخ يكون بالتحامل على قبائل بعينها

يازول أنا بكتب العايزاهو ما بكتب حسب الأوامر..
وتزييف التاريخ يتجلى فى مداخلتك دى ..أنا عندى التاريخ مسؤولية
وليس من المفترض أن نكتبه بل هو يكتب نفسه..
كللللو ولا تزييف التاريخ دى جريمة ما بعده جريمة..
فاهم ولا لا..

Quote: و هو نفس السودان الذى يعتبر الزبير باشا بطلا لنه بنى جيش البازنقر كاول جيش نظامى للسود له مارشات عسكرية تعزف حتى اليوم كمارش "ود الشريف"

Quote: و لانه خرج قادة عظام و اقولها لك جل قواد المهدية الافذاذ تخرجوا من مدرسة الزبير و كانو فى جيشه و يكفيه فخرا ان تخرج على يديه البطل رابح الزبير

غايتو كشفت نومكتك بنفسك..
ارى فى مداخلتك هذه اعجابا شديدا بالزبير باشا..!!
صدقنى السودان الذى ( يعتبر الزيير باشا بطلا) ده نحن نعمل عملا حثيثا على ان يذهب الى مذبلة التاريخ..
نريد سودانا يحق الحقوق ويدين العقوق..سودانا يمجد الابطال ويجرم المجرمين..وليس العكس..

وربنا يهدى العمى عن ضلالتهم...ويلين أفئدة القاسية قلوبهم ..قول آمين.


ملحوظة: أيها العلامة لم يسبق ان قرأت لك فى اى مكان غير هذا البوست ..!
فاما انه ليس عندك ما تكتبه .. أو انت من الجماعة اياهم ..البتحركوا بالريموت كونترول..
فمن أنت يا هذا ؟!!!!!