|
Re: نادى العزابة الاسفيرى ....... (Re: abubakr)
|
RANDA
Quote: مرفووووود من هنا ياقمر بوبا |
يا اخونا القرارات الزي دى تحتاج لاجماع من مجلس الادارة ليتخذ قرار بشانها - ارجوك يا رندا الالتزام بالمنهج المؤسسي - الود قمر ده مسكين واتيم باحث ليهو عن عزابية مبحبحة وتتكلم كلام كبار كبار وفالحة في لفحة توبها في المطار عشان يشوفوا الدهب في اياديها
| |
|
|
|
|
|
|
Re: نادى العزابة الاسفيرى ....... (Re: abubakr)
|
Quote: روحوو حبو واعشقو واتزوجو وجيبو جنيات .... بلا لمة عزابة ؟؟؟؟ |
لكن با لغت يا الرطانى..
انت زعلان مننا ولا قريبى هناك سخن بيك .
حبو .. اعشقو .. اى لحدى هنا معاك ..
بس باقى الكلام لحدى البوست دا ماتظهر نتايجو حتى نشوف..
| |
|
|
|
|
|
|
Re: نادى العزابة الاسفيرى ....... (Re: حسين محي الدين)
|
أنا وبعض الأحبة وعلى رأسهم ود شيقوق كتبنا مداخلات بمناسبة عيد
الحب وكنا نأمل ومن المفترض أن مقر نادي العزابة يكون مقر الحب والحب الجد جد البودي في داهية أقصد يودي للزواج (مع الإعتذار لأصحابي المتزوجين ) !!
ولكن وآآه من لكن إختفت أميرة الشيخ في ظروف غامضة في هذا العيد
وهناك كلام تحت تحت إنه أميرة راحت في داهية زي الداهية اللي فوق
ديك أي تزوجت وبذلك نقضت كل الإتفاقيات وغدرت بالزمرة التي كان
تضع آآآآآمالها فيها وكل هذه حتى الآن مجرد إشاعات ومطلوب من بت
الشيخ أن تحضر وتنفيها وفي حالة عدم حضورها فنقول جميعنا لأميرة
ألف ألف مبروك ومرحبا بك معنا في نادي المتزوجون الأسفيري وعلى رأي
العزابي الصنديد معتصم دفع الله ولا عزاء للعزابة .
بس
صلاح واسبه
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
Quote: في هذا العيد
وهناك كلام تحت تحت إنه أميرة راحت في داهية زي الداهية اللي فوق
ديك أي تزوجت وبذلك نقضت كل الإتفاقيات وغدرت بالزمرة التي كان
تضع آآآآآمالها فيها |
كويس انك اعترفت بانو الزواج يعنى روحان فى داهية ..
وبعدين من اسى مبرووووووك عليك.. مكتب الاشاعات بالنادى..
Quote: ألف ألف مبروك ومرحبا بك معنا في نادي المتزوجون الأسفيري |
برضو اشاعة ... طيب لمن عندكم نادى جايين تتطالبو بعضوية هنا مالكم؟؟
اشاعة ... اشاعة..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: أنا وبعض الأحبة وعلى رأسهم ود شيقوق |
ممكن تقولي يا صلاح يا قريبي ايه البلمك مع الشايب العايب دة ؟؟؟ دة جدو .. جنياتو كما قلنا من قبل بيلعبو تيم واحد في امبدةوبكورة مخصوصة من الدوم ؟؟ دة غشاك قال ليك عزابي وانت صدقت ؟؟؟ بلا عزابة بلا لمة ؟ انت ذاتك اطلع من هنا وروح اتزوج لو لسه حايم عزابي سااااي ...والا نحرمك من الجنسية الرطانية .... دة كلام
| |
|
|
|
|
|
|
Re: نادى العزابة الاسفيرى ....... (Re: abubakr)
|
Quote: ممكن تقولي يا صلاح يا قريبي ايه البلمك مع الشايب العايب دة ؟؟؟ |
ده فرده يا أنقي نتو
Quote: بلا عزابة بلا لمة ؟ |
إنت الوداك لمكان العزابة شنو والله أكلم ليك أم العيال
Quote: ذاتك اطلع من هنا وروح اتزوج لو لسه حايم عزابي سااااي |
أبوبكر ياخ مزايا الوظيفة (مستشار) رهيبة إنت زاتك تعال ماتخاف
بكلم ليك أم العيال .
Quote: والا نحرمك من الجنسية الرطانية . |
بلادي إن جارت علي عزيزة وأهلي وإن ضنوا علي كرام
يا سلام ?
تحياتي شيل شيلتك مع أميرة ود شيقوق هين
واسبه
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: إنت الوداك لمكان العزابة شنو والله أكلم ليك أم العيال |
انا بفتش علي العجوز الضال دية اها من بوست الي بوست بس ما كل البوستات انا عارف طبعو وانو متصابي فلذا جيت هنا ؟؟ وانا "مضمون" زي الجنيه الدهب بكان ما امشي سامية بتكون عارفة او ما عارفة ما في مشكل ..برابرة سااااي هو في واحدة كانت بتعرف اجدادنا بيصرمحو فين بعد ما يسافرو شمالا وشرقا وجنوبا ...
| |
|
|
|
|
|
|
Re: نادى العزابة الاسفيرى ....... (Re: abubakr)
|
Quote: وانا "مضمون" زي الجنيه الدهب بكان ما امشي سامية بتكون عارفة او ما عارفة ما في مشكل ..برابرة سااااي |
كدي أرفع صوتك هيبة وجبرة
إيكن أيدن كنيقا
Quote: هو في واحدة كانت بتعرف اجدادنا بيصرمحو فين بعد ما يسافرو شمالا وشرقا وجنوبا ... |
لوووووووول وكمان بتتكلم في الحكومة ?
لك الله يا سامية .. لك الله يا أختاااه
صلاح
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
اميرة قريبتي
Quote: انت زعلان مننا ولا قريبى هناك سخن بيك . |
هيييييييييييع قريبك شتت الرطانة كلهم ايدي سبأ
وقريبك بهناك مشنق طاقيتو في هامتو يا دنيا ما فيك الا انا
لقيتيني كيف ؟
خليك لينا هنا بس جمعي العزابة والعزابيات والبتعجبك فيهن مسكلي لي طوالي اخوك جاهز زول عرس ساى
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
الرطاني
بوست امورة ده لذيذ ايش رايك نهمبتو منها ؟
Quote: انا بفتش علي العجوز الضال دية اها من بوست الي بوست بس ما كل البوستات انا عارف طبعو وانو متصابي فلذا جيت هنا ؟؟ وانا "مضمون" زي الجنيه الدهب بكان ما امشي سامية بتكون عارفة او ما عارفة ما في مشكل |
سامية من جيل السمحة ام ولدى هسع قايلاك مساهر في الخرط المعمارية وحياة ربي اكان عارفها خرط عاطفية اكان هيييييييييييييييييييييع جابت خبرك
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: برضو اشاعة ... طيب لمن عندكم نادى جايين تتطالبو بعضوية هنا مالكم؟؟ |
لو سمحت صححي معلوماتك وتحري الدقة
نحن فقط مستشاريييين مستشارين و كنا في البداية متطوعين لكن
عدد المتطوعين زاد وقبلنا بالعرض الوظيفي من النادي
كدي هسي بطلي نقة وورينا كنتي غاطسة وويين ?
صلاح المستشار
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
WASBA
Quote: لو سمحت صححي معلوماتك وتحري الدقة
نحن فقط مستشاريييين مستشارين و كنا في البداية متطوعين لكن
عدد المتطوعين زاد وقبلنا بالعرض الوظيفي من النادي
كدي هسي بطلي نقة وورينا كنتي غاطسة وويين ? |
حاسب القطر فيهو ناظر - قف نعترض على هذا الاسلوب الهجومي على حادية ركب النادي بت بحر ابيض - قف - اعلم لكل مقام مقال - قف - اتركوا اسلوبكم الاستعلائي ايها الرطانة .
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: سامية من جيل السمحة ام ولدى هسع قايلاك مساهر في الخرط المعمارية وحياة ربي اكان عارفها خرط عاطفية اكان هيييييييييييييييييييييع جابت خبرك |
هالعرريب احنا "شركاء" يعني مش بتاعيين "الجماعة والاولاد " وبنعمل سويا فيما هو صالخ للشراكة win-win ولذا ال Transperency موجودة بانتظام وما عندنا شيتا ندسو واللا قروانة طحنية للتوزيع الحبكاني لبنوت الحلة ...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: كلنا بايعين لو لقينا سعر كويس |
الله يسلمك يا قمر بوبا .. ياخي بيع ساي .. ولا أقول ليك خلي قلبك باليمين وما تتلفت لي وراء ..
Quote: بالشفته ده يا معتصم جنب اوزون حتبيع بالآجل والله |
والله يا قمر بوبا الناس ديل بعد دا إلا يقيمو علينا الحد .. زي الكلام دا قولو بالدس
Quote: سلامتك يامعتصم ..عاداك تمبس ولا شنو؟ |
تسلمي يا رندا .. لا لا دي ما زي ديييك .. كلو إلا زي عياء تمبس داك ..
Quote: اسى ما تخش غلط .. حقو الواحد لمن يغيب يرجع يزاكر البوست عشان ما يتهم الناس ساكت. انت اسى راجع البوست دا عشان تجى تعدل مداخلتك دى .. |
خلاس هسي دا الحنك .. عزابة جبانات .. بكره الواحد يغير رأيه وبكره ليه ؟ تقومو تدقو جرس هنا وتعلقو صيواناتكم .. لكن يا أميرة الفيكم اتعرفت
Quote: وبعدين شايفاك حايم فى زقاقات البورد يكون فى زول سرق باصويردك ولا حاجة...؟؟ |
انتو ناديكم دا ما فيهو باب ؟ قال حايم قال ..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: بوست امورة ده لذيذ ايش رايك نهمبتو منها ؟
|
العقيد شيقا... الرطاني رؤيته عودية للبوست ده...انت رؤيتك فيها انتشار افقي..
وبعدين شاطر لي في مسألة الهمبتة دي بس...بالله ده مصطلح ينفع في القرن النحن فيه ده.. صحي عرريب.
Quote: والله يا قمر بوبا الناس ديل بعد دا إلا يقيمو علينا الحد .. زي الكلام دا قولو بالدس |
معتصم ما بخاف الموت والسجن...
تحياتي للجميع
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
السلام عليكم
رغم ان الدعوة وصلت لزيارة هذا الركن الهادئ بس مشغولياتي تحتاج سكرتارية ضخمة وانا المسكينة ما لاقية زول يساعدني .. ورغم عن ذلك جيت
اولا اعتراض ع كلمة عزابة في المدلول المحلي للسودان كلمة تطلق علي الرجاجيل بس
البنات بيركس او عوانس او عزبات
وتعريف البيركس في المحلية السودانية كل من تخطت المرحلة الثانوية بلا زواج
اما فكرة النادي فانا محتجة عليها لما فيها من لمة اولاد وبنات وانا ضد لمتنا بتاعة موبي تل
يا اميرة انا عندي ليك عريس خذيه وفرتقي النادي الاسفيري دا .. موافقة
خربشة : في مدني بنقول للبايرات ناس حياة .. أها يا ناس حياة نفتح باب الطلبات ؟؟ وعندك مثال واضح وناجح بت الاحفاد (أم عمر)
| |
|
|
|
|
|
|
Re: نادى العزابة الاسفيرى ....... (Re: sudania2000)
|
بوبا
Quote: وبعدين شاطر لي في مسألة الهمبتة دي بس...بالله ده مصطلح ينفع في القرن النحن فيه ده.. صحي عرريب. |
هسع سافرت وجيت راجع بالكلام ده ؟ اصلك مشغلك الرطاني بالرموت كنترول لكنت يحلكما الحل بلة .
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
الرطاني
Quote: للتوزيع الحبكاني لبنوت الحلة ... |
زي توزيعك للنضم الحلو لبنات الهندسة في المين روووووووووووووووووود وزى تجكسك الزماااااااااااااااااان للرطانيات وقت حصاد التمر
تخريمة بس ما تحكيها للناس
انا زمان بلبس ليك السروال الطويل والعراكي المزركش وتكون عندى سجارة واااااااااااحدة اكون لاميها ليك بس ليوم حفلة العرس عشان البنات زمان بحبّن الود البيكون واقف مطرّف وحاكل كراع في كراع ومشنق طاقيتو ويبخبخ في السجائر وينظر اليهن شذرا.
لقيتوني كيف يا وسبة ويا منسي ويا بوبا ويا اميرة ؟
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: زي توزيعك للنضم الحلو لبنات الهندسة في المين روووووووووووووووووود وزى تجكسك الزماااااااااااااااااان للرطانيات وقت حصاد التمر |
بنات الهندسة زمنا يادوبك اتنين تلاتة وما ممكن يكونن فاضيات لطلبة زيهم زينا ؟؟ كان عندهن طموحات وده حقهن كرائدات في الهندسة ... ياعرريب الرطانة العلاقات الاجتماعية والحبكانات ما مرتبطة بمواسم عندهم ..نحن شعوب متفتحة
| |
|
|
|
|
|
|
Re: نادى العزابة الاسفيرى ....... (Re: sudania2000)
|
Quote: رغم ان الدعوة وصلت لزيارة هذا الركن الهادئ |
سودانية..
مرحب بيك شديييييييييييد ..
كنت بتوقع انك تكونى من المؤسسين للنادى دا وكمان عضو اللجنة التسيرية
لان بعرف انك عزابية معتقة.. بس الله غالب .. وبركة بالشوفة...
Quote: اولا اعتراض ع كلمة عزابة في المدلول المحلي للسودان كلمة تطلق علي الرجاجيل بس
البنات بيركس او عوانس او عزبات |
اولا فكرت فى دا كلو يا سودانية قبل ما انزل البوست والكلمة الوحيدة الممكن تكون اشمل
وبعيدا عن الجندر هى كلمة عزابة...(male & female )
اما كلمة بايرة او عانسة تطلق على البنات بس فى مجتمعنا ..
اما كلمة عزبات فهى للبنت التى سبق لهاان تزوجت وطلقت...
Quote: يا اميرة انا عندي ليك عريس خذيه وفرتقي النادي الاسفيري دا |
ما موافقة يا سودانية.. لانو النادى اصبح ما حقى .. فقط الفكرة احتمال..
بس النادى بقى حق ناس قمر بوبا وهبة الماحى ومعتصم دفع الله وديل عزابة معتقين.
وفى شريحة تانية يمثلهم قريبى الطيب شيقوق ومولانا احمد الشايقى.
ومجموعة الرطانة بقيادة صلاح واثبة وباشمهندس ابوبكر..
وناس الاعلام والترجمة بقيادة ودالبشرى ورندا حاتم والبشير دفع الله..
وذوى الحالات الخاصة .. بزعامة عثمان دغيس ..
شفتى النادى دا بقى خطير كيف ياسودانية ؟؟ عشان كدا يدك معانا وكمان افكارك
لتطوير النادى .. وكان عندك رايا تانى كمان ورينا..
| |
|
|
|
|
|
|
Re: نادى العزابة الاسفيرى ....... (Re: abubakr)
|
Quote: بنات الهندسة زمنا يادوبك اتنين تلاتة وما ممكن يكونن فاضيات لطلبة زيهم زينا ؟؟ كان عندهن طموحات وده حقهن كرائدات في الهندسة ... ياعرريب الرطانة العلاقات الاجتماعية والحبكانات ما مرتبطة بمواسم عندهم ..نحن شعوب متفتحة |
يعني بتقدلوا سااااااااااااااااااااااااااااااى كل المواسم و كمان جيوبكم الغريقة مليانة سجائر بنسون آن هدجيس الزمان
هيييييييييييع لينا بحالكم
لكن بيني وبينك نحن لما دخلنا الجامعة زمان السلاح بيضرب في كل ناصية من نواصي الحلة ولما نجى الجامعة جيوبنا ملياااااااااانة بس عولك يبيعوا ليك ناقة في السوق ويملوا بيها جيبك وما بتصرف منها الا للجكس الغاشينا ساااااااااااااااااى .
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
ود شيقوق والرطانى..
غايتو البوست دا شغال فتة عجيبة بينكم ونحن نقراونستفيدونخزن
بجى يوم بنحتاج للمعلومات دى ..امكن نعمل برنامج تلفزيونى
ولا اذاعى نسميهو يوميات عربى ورطانى وارشح المخرج قمر بوبا..
دا طبعا وفى البال قناة العزابة التلفزيونية( مستقبلا)...
لكن فى البوست دا اختلت علينا الاختساسات..
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: انا زمان بلبس ليك السروال الطويل والعراكي المزركش وتكون عندى سجارة واااااااااااحدة اكون لاميها ليك بس ليوم حفلة العرس عشان البنات زمان بحبّن الود البيكون واقف مطرّف وحاكل كراع في كراع ومشنق طاقيتو ويبخبخ في السجائر وينظر اليهن شذرا. لقيتوني كيف يا وسبة ويا منسي ويا بوبا ويا اميرة ؟ |
ديجانقو في الدندر
| |
|
|
|
|
|
|
غونيات الصافحاه (Re: Amira Elsheikh)
|
بت الشيخ سلام كنت عايز اجيب ليك حاجة كدا بمنسبة الصفحة الرابعة لكن لقيت اعمامك ديل نفسهم قايم وعجاجتم في السما خليني اروق دمهم بي زامفير و في الخامسة إن شاء الله بجيب ليك حاجة كويسة
عاملة صورة بروفايلك الماظاهرة دي وكدا
| |
|
|
|
|
|
|
Re: غونيات الصافحاه (Re: محمد البشرى الخضر)
|
لا حولااااااا..
عجاجتكم في السما ...
وبوبا ووسبا شغالين "المديده حرقتني" ...
غايتو من هسي .. لو في كعه ولبيع عكاكيز ... انا بلبع مع الرطاني ...
باقي عندي معاهو عرق لا ورا ...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
يلا علينا جاي
بتاعين الإحتياجات الخاصة ...
أي زول يشوف نفسه من هؤلاء النفر ( حلوة يخيل لي !!) فليعرض حالته وينتظر القرار ...
عايزين نكون مكتب لتقييم الحالات ولتقديم المشورات ..
بس طبعاً الإستشارات تكون في الخاص ...! لأنها بتجيب هواء !!
| |
|
|
|
|
|
|
Re: نادى العزابة الاسفيرى ....... (Re: عثمان دغيس)
|
رندة تشكري علي الوقفة معانا وطولتي الغياب دغيس: بتاعين الإحتياجات الخاصة لو فتحنا ليهم باب البورد ده كلو بتكب هنا...الشغل بتاع الاحتياجات الخاصة لازم نشتغله باستمارات خاصة تتورد للمالية...ده بترولنا عديل كدة...ما تفكه مجاني كدة
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
تقول شنو يا بوبا ..
واجد مشاكل، هادا مدير مال انا قرقر كتير..شغل متروس.. كل شوية بس انا فكر فكر فكر.. خلاس راس مال انا يعورني .. انا شنو سوي .. واجد فكر .. بعدين انا يقول انا يبي يرجع بلاد .. انا كلام لازم انا يكون سيدا نفر ويرجع بلاد ..بس انا خوف بلاد يمكن مافي زين.. انا شنو سوي رفيق "وهزت راسها ثلاث هزات متتاليات"
التوقيع: رندا كومار
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: واجد مشاكل، هادا مدير مال انا قرقر كتير..شغل متروس.. كل شوية بس انا فكر فكر فكر.. خلاس راس مال انا يعورني .. انا شنو سوي .. واجد فكر .. بعدين انا يقول انا يبي يرجع بلاد .. انا كلام لازم انا يكون سيدا نفر ويرجع بلاد ..بس انا خوف بلاد يمكن مافي زين.. انا شنو سوي رفيق "وهزت راسها ثلاث هزات متتاليات"
التوقيع: رندا كومار |
قالو الكفيل سأل صديق(سديق)... الكفيل :انت مسلم؟ السديق: يس بابا الكفيل: تعرف تصلي؟ السديق:يس بابا الكفيل:كيف تصلي صلاة المغرب السديق:2حبة قرقر واحد حبة مافي قرقر
(الجهر والسر)
والمعايش كدة بقلب حاتم بخليه كومار
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
قالو كفيل رسل الهندي قال ليهو تمشي الخلا تقبض لي ضب "ورل" وكان ما جبتو انا يرجع انت بلاد الهندي مشى الخلا ..اليوم بي طولو ما رجع للكفيل الكفيل قلق قال الهندي دا كمان تحصل عليهو مصيبة ويبقى لي في رقبتي ركب الجيب بتاعو ومشى على الخلا لقى ليك الهندي "بارك" قدام شق في الواطه وماسك ليهو سحلية من ضنبها ويشيل ويكفت فيها ويقول ليها وين باب مال انتي .. وين باب مال انتي
| |
|
|
|
|
|
|
Re: نادى العزابة الاسفيرى ....... (Re: عثمان دغيس)
|
Quote: بس طبعاً الإستشارات تكون في الخاص ...! لأنها بتجيب هواء !!
|
عثمان دغيس..
بليز مافى اى خاص . وياقول حبوبتى (البرقص ما بغتى دقنو)
لازم الاستشارات تكون على العام حتى تعم الفايدة ..
الصراحة والوضوح اولى خطوات حل المشكلة مهما كانت درجة التعقيد .
ونحن ثقتنا كبيرة فيك وفى قدرتك على تسيير هذا المكتب الهام والحساس..
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Randa
Quote: جمع تأنيث "ورلات" جمع تذكير "اورال" لتفادي المشاكل تجمع "ضُبُبَه" |
ضحكتيني شديييييد لحدى وقعت من الكرسي
انت عارفة يا رندا عمك الرطاني يوم داك جمع كلمة ناقة (بالنوق) وطوالي اديناهو شهادة اهلية للتعامل معنا باللغة العربية الفصحى لان كلمة نوق ما شي حد بيعرفها الا سيبويه . انا كنت متوقع يجمعها انياق او ناقات .
اما الورل فجمعها شعراء البادية بالورائل عندما قالوا
غرقت التماسيح والورائل عائمة
ويضرب هذا المثل عندما تضيق الحال باصحاب القدرات ويجد السزج مساحاتهم للتبجح في غياب الشريحة الاولى .
لقيتيني كيف؟
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
جمــــــيعاً .. سلاموووووووز ..
المرجو عمل أرانيك عضوية وتوزيعها للعزابة الهنا دا .. لأنو بصراحة في ناس عاملين زغبير وبجو يزازو بي بره .. عشان نعرف يا جماعة منو المعانا ومنو المع غانا ..
لووووووووووووووووول ..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: نوق ما شي حد بيعرفها الا سيبويه . انا كنت متوقع يجمعها انياق او ناقات .
اما الورل فجمعها شعراء البادية بالورائل عندما قالوا
غرقت التماسيح والورائل عائمة
ويضرب هذا المثل عندما تضيق الحال باصحاب القدرات ويجد السزج مساحاتهم للتبجح في غياب الشريحة الاولى .
|
شيقا...الرطاني بقي ليك بعبع تهاتي بيه في اي بوست بالله نوق دي هسة كان جمعوها ناقات وله انياق وله نقة حتي بتفرق في شنو...
وبعدين غرقت التماسيح والورائل عائمة...شن دري شعراء البادية بالورائل والتماسيح؟؟؟؟تقول لي بادية وتمساح؟؟؟؟ دي مش بالبلدي كدة بحرا مافيه تمساح يقدل فيه الورل؟؟؟؟
معتصم....
Quote: المرجو عمل أرانيك عضوية وتوزيعها للعزابة الهنا دا .. لأنو بصراحة في ناس عاملين زغبير وبجو يزازو بي بره .. عشان نعرف يا جماعة منو المعانا ومنو المع غانا ..
|
ننفذ الفكرة حتي بدون الرجوع لاميرة عشان ناس شيقا ديل يجيبوا احفادهم ويجو
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
رندا وود شيقوق ..
حيرتونا عديل القال ليكم منو الضب هو الورل...
رندا دى ما كان ما فرقت بين الضب والورل ليها حق.
لكن انتى يا قريبى تكون بالغت عديييييييييييييل كدا كان ما فرقت..
لسة السؤال قائم الضب هو الورل ؟؟
ــــــــــــــــــــــــــــــــــــــــــــــــــــــــ رندا/قال ليك نزلى القزاز .. لانو فى ضباب شديد والرؤية معتمة
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
اميرة الشيخ ...
ازيك ياخ ....
الضب ياهو برضو الورل ... وفي ضب تاني السغيروني داك ...
للتفرقة بين الاتنين ..
الورل اسمو "ضب الخلا" الصحراء يعني .. والتاني اسمو "ضب الحيطه" ..
ضب الخلا بيمسكوهو "بالجيب" من ضنبو ضب الحيطه "بكشحوهو" بي موية
ضب الخلا بيرضع الغنم لانو ما عنده سنون ضب الحيطه بيقبض الحشرات
ضب الخلا لما يقبضوهو "بيتعورش" ويبقى كبير ضب الحيطه بيفك ضنبو ويزوغ
ضب الخلا عنده خلايا بيملاها هوا لزوم "التعورش" ضب الحيطة بيعمل ليهو ضنب تاني بعد ما يملص الاول لزوم "الوجاهه"
النبي لقيتي اختك كيف .. موسوعه "ضببيه"
ــــــــــــــــــــــــــــــــــــــــــــــــــــــــــ القزاز كنا رافعنه من الكتاحه والاتربه القايمه دي .. نزلنا.
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: اصلو الواحد ما "يتفلسف" في الدنيا دي الا تقلبو ليهو "فلسفتو |
فلسفتك عجبتنى لكن ما اقنعتنى..
يعنى الضب لو بقى ورل بكون الله راضى عليهو
لكن الورل لو بقى ضب بكون الله سختو..
ــــــــــــــــــــــــــــــــــــــــــــــ
وانت فى فلسفتك ولا فى البوست الاتقلب برنامج عالم الحيوان دا
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: لسة السؤال قائم الضب هو الورل ؟؟ |
اميرة قريبتي
لا لا ديل علاقتهم تشبه العلاقة بين النمر والكديس الضب صغييييييير والورل حاجة كبيرة في حجم السمكة الكبيرة لكن التشابه في الاثنين وارد بس الفارق في الحجم
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: نادي شنو كمان للعزابة ؟؟؟ روحوو حبو واعشقو واتزوجو وجيبو جنيات .... بلا لمة عزابة ؟؟؟؟ |
لكن يا الحبيب المسالة مراحل عشق , حب ، زواج ثم جنيات .
نحن هنا في مرحلة العشق التي كادت ان تتبلور لتكون حبا ثم زواجا ثم .... وجنياتا
| |
|
|
|
|
|
|
Re: نادى العزابة الاسفيرى ....... (Re: الطيب شيقوق)
|
Quote: لا لا ديل علاقتهم تشبه العلاقة بين النمر والكديس |
طيب البقنع لينا رندا دى شنو ؟؟
انو الورل شخصية قائمة بذاتها وكمان الضب...
________________________________
الورل شخصية دى مافى زول يجى يقول لينا فيها كدا ولا كدا لانو بعد شوية
عندنا خطة لانسنة المخلوقات دى ...
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
سلام يا شباب آها جيتكم راجعة و مشتاقة ليكم و راجعة ليكم لباب النصائح فاسمعوا و أعوا : في المرة الفاتت حذّرت الرجال من بعض النساء.. لقيت أن من العدل والإنصاف وعدم المكاواة ان أحذّر النسوان من بعض الرجال والما بتلقى ولا واحدة من الصفات الأنا حأقولها دي في اي راجل تتوكل على الله وتعرسو... والبتكتشف اي صفة في اي واحد وهي معرساهو تحاول ان تقومه، وإن ابا الشكية لله تقعد معاهو وتتحمل ومأجورة بإذن الله كل شى ولا خراب البيوت. والرجال ديل هم:
الجكاسي والسياسي والمراسي.. الشناف والعواف والخواف.. الشكّاي والحاكاي والكاواي.. اللعلاع والبرطاع والطماع.. نجي نشوفهم واحد واحد...
الجكاسي
اي كتير الجكيّس قبل الزواج..ودي عادة قلما يتركها اصحابها الا من رحم ربي..زي دا يخليكي ديمة ايدك فوق قلبك وخايفة يجكس من وراكي، وهو قطعا حيسويهاواحذري ثم احذري ان يسمع غنية (راجل المرا حلو حلاة)
السياسي
دا ما بيقدر يميز بينك وبين جماهير الشعب.. يكضب عليكي ويوعدك ويكضب ..وكل مرة يغشك بطريقة مبتكرة وجديدة.. حكمة ربنا انتي تصدقيهو وفرحانة كمان زي الشعب بالظبط والربط... يكضب عليكي لحدي ما يموت دا لو ما متي انتي قبالو .
المراسي
معاقر المريسة ومشتقاتها وأخواتها واخوانها..المراسي دا يجيكي نص الليل شايل معاهو راس خروف وضلافين وينهزك من النوم عشان تقومي تطبخيهن ليهو.. وفيهم نوع يشغل المسجل ويخت شريط بتاع فنان شايقي ويحلف عليكي طلاق علا ترقصي وهو ياخد شبال... انتي الليل كلو ترقصي وهو ياخد في الشبالات والنيفة بهناك تحرق والشكلة تقوم.. وفيهم نوع يجيبوهو ليكي اصحابو نص الليل شبه نائم كل يوم ايام الله السبعة..
الشنّاف
كتير الشناف ..اي حاجة يطلع فيها غلط ويشيل حال اي حاجة وأي زول يقع تحت يدو.. حتى كديستكم الفي البيت ما بتمرق من شيل حالو لازم يطلع فيها شئ ومرة مرة انتي زاتك يديكي حقك...
العوّاف
دا يعاف اي شئ اي حاجة تسويها ليهو ما ياكلها، ولو مشى معاكي بيت ناس ابوكي وعندك اخوان صغار وخاصة النوع الديمة عندو نزلة وللا عندك حبوبتك كبيرة وللا جدك كبير.. ما يدخل اي حاجة في خشمو.. طول ما هو قاعد عندهم يكون عايف اخوانك وجدك وحبوبتك ويدخلك في ضفورك ويخليكي تكوسي للإعذار ليهو .
الخواف
اول معرفتك بيهو يعمل فيها عنتر بن شداد ويقعد يحكي ليك ويكلمك ببطولاتو مع كلاب الحلة والحرامية والرباطين وكيف كان بيدقهم.. لكن بعدين حتكتشفي انو اخوف زول في الدنيا ونضمو دا نضم فاضي ساكت اول ما يسمع انو في حرامي متلح الحلة حقتكم يقول لك (النعمة؟ ما مشتهية ناس ابوكي نمشي ناخد معاهم يومين تلاتة؟) هروبا من الحرامي وإن شاء الله البيت يسرقوهو كلو...
الشكاي
الجنو شكية خصوصا من المعايش... تلقيهو هامي ويزيدك هم وغم ويقعد يشكي ليل نهار من الماهية الما مكفياهو، ومن مديرو في الشغل الحاقر بيهو .. ومن جيرانو القاعدين يخلوا كيس الوسخ حقهم قدام خشم بابكم ويمرق برا البيت ويقعد يشتكي منك انتي زاتك...
الحاكاي
من يحاكي خلق الله فعلا وقولا وسلوكا.. ودا حيقعد كل ما يزعل منك يحاكيكي يمرق سنونو برا.. ويعوج خشمو ويقول لك (يا سلام عليك يا اخوي)زي ما بتقوليها انتي .. لحدي ما بيفقدك الثقة في جمالك .
الكاواي
يستمع بالمكاواة.. تقولي ليهو ما تبصق السفة في السراميك يسوي السعوط شغلة يقعد يسف ويبصق اليوم كلو فوق السراميك عشان يكاويكي ويغيظك.. ولو ما كاواكي يقعد اليوم كلو زهجان...
اللعلاع
يحب الصوت الجهوري .. بالرغم من حلقومو الكبير وكواريكو لكن هرشة.. لو صريتي ليهو صرة صغيرونة بيسكت طوالي المصيبة انو بسرعة ينسى الصرة ويرجع تاني يلعلع.. وبعدين ونستو كلها بأعلى صوتو يعني ما عندكم سر.. سركم كلو عند الجيران...
البرطاع
من يمشي وهو يبرطع .. تسمعي حس نعلاتو من اول الشارع يحب لبس الشباشب والسفنجات كأدوات قوية للبرطعة... يمتاز بكرعين مشققات .. تخان.. خُرُش .. نص ميزانيتكم حتروح نعلات..
الطماع
قحف .. قيحة .. اي حاجة عندو بالحساب من الصابونة لحدي طرقات الكسرة يعدهن طرقة طرقة.. وحتى القُطْر بتاع الطرقة يعبرو..
عاد زي ما سمعتوا يا اخواتي اعملوا حسابكم من الانواع المذكورة أعلاه و احسن لينا عزوبيتنا دي من وجع الراس زي ما شفتوا و سمعتوا ، اقعدوا عااااافية .
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
هبة الماحى.
ازيك..
انتى بتغطسى عشان تجى ترصي لينا جنس دا .. كنت بتألفى فيهو الايام الفاتت
كلامك دا معناه ما تقربو الزواج كلو كلو .
Quote: دا يجيكي نص الليل شايل معاهو راس خروف وضلافين |
فى امريكا فى جنس دا يا هبة؟؟؟
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: اكدت دراسة فرنسية شملت 125 ألف شخص أن العزاب الذين يعيشون بمفردهم يكونون أكثر عرضة للإصابة بالذبحة الصدرية وأمراض القلب المختلفة بمعدل ثلاثة أضعاف المتزوجين
وأن العازب يهمل في صحته من خلال تناول أطعمة غير مفيدة واللجوء إلى كثير من المنبهات ، كما أشارت إلى أن العزاب لم يسلموا من أمراض التفكير في النساء . أما حواء قد تجد صعوبة في إيقاع العازب المتردد في دخول مصيدة الزواج ، لذا عليها بذل بعض الجهد لمعرفة نواياه إذا كان ينوي الزواج أم لا ، وتشير الدكتورة النفسية بجامعة كاليفورنيا تينا تسينا إلى أن " الرجال لديهم ساعة حيوية ، لكن توقيتهم مختلف عن النِساءِ . فأكثر أولوياتِ الرجالِ تكون مركزة على توفير الأمنِ الماليِ قبل تأسيس العائلة ، فيكافح من أجل دفع فواتيرِه، ولا يريد إضافة عبئ مصاريف زوجة ، فالمرأة دائماً تبحث عن رجل بالغ قادر على الإلتِزام بعمل ، بدون الحاجة للعائلة أو الأصدقاء ، وبتحقيق ذلك يكون الرجل مستعداً للزواج ، حتى إذا كان هو لَيسَ مستعدَّ للزَواج مباشرةً، أما على الجبهةِ الرومانسيةِ ، هو على الأقل قادر على مناقشة مفهوم مفهومِ الالتزام ".
|
شوف يا عمك الدراسة دى لمن قريناها زمااان كان حاصل العكس ...
بس اسى بكون دا واحد متزوج حاقد على العزابة جاب الدراسة( الاشاعة) دى..
اسى اعمل دراسة هنا فى البورد دا ونحن العزابة الشايفنا ديل
حنتعاون معاك .. ونشوف النتائج يا عمك ..
عشان الدراسات دى بقت مضروبة وحسب العرض والطلب..
____________________________________
نسخنا ليك الرابط عشان فى ناس ما بقدرو يمشو المشاوير دى ..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: عريس عصبي يوم فرحه كتب في بطاقةالدعوة: الزفت اللي هايجي مايتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا في بيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى
|
منقول من حتة
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
الاخت أميرة الشيخ
تحياتي
الواحد ما يغيب ليهو يومين تلاته يعني ؟؟؟
أول بالتبادي :
طالبت مبكرا بالمكتب الاستشاري لقناعتي التامة لحوجة العزاريب / ت لمكاتب استشارية
وأوضحت في مداخلاتي السابقة اني امتلك المؤهلات اللازمة
واتفقت مع الاستاذة رندا حاتم على خطوط عريضة , ولكن شكلها ( الاستاذة ) باعتني ؟؟؟
ما زلت أرى ضرورة تعدد استشاريي المكتب واختلاف أوضاعهم بين متزوجين أمضوا سنوات طويلة أولا في سلك العزوبية
قبل أن يلجوا ( القفص ) , وبين مطلقين / ت عركوا حياة العزوبية اولا ثم خاضوا تجربة زواج وخرجوا منها بنتائج
ثم عادوا لقواعدهم سالمين , وبين عزاربيب / ت رانكر فوتوا قطار الزواج ويستمتعون بحياتهم كعزازيب / ت .
ودون هذا التعدد يفقد المكتب الاستشاري حياده .
مودتي
| |
|
|
|
|
|
|
Re: نادى العزابة الاسفيرى ....... (Re: امنة عبد الكريم)
|
Quote: سلامات ناس النادي في طريقة اشتراك ولا قفلتو ***** الظاهر مافي
|
امنة ازيك ..
شرفت ديار العزابة ..
اكيد عندك لينا خطة كاربة لتطوير النادى دا ..
انت ليه طوالى قررت مافى طريقة الاشتراك...
لامن يكون مافى عزابة فى الدنيا وقتها بكون النادى ما عندو معنى..
يااااخ مرحب شديييييييييييد..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
سلام اهل النادى
انا عاوز عضوية ومعاى ضب كيير سودانى (بتاع الموية)
لو العضوية عاوزة اكثر من ضب بجيب المهم اشترك..
بت حلتنا امنة لو عاوزة تشتركى معاى ضب صغير متعبنى
ممكن اديك لية
وتحيا العزوبية.....
انا منتظر عضويتى يا اهل النادى
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: القائمة ب خمسة و القائمة أ اربعة |
ابو العريس..
ممكن تكون عشرة ..
لزوم التفكير وكدا ...مقصودى يا عمك وانت حريف بالله جاوب بسرعة
Quote: بعدين متزوجين مع وقف التنفيذ دي ما وقعت لي |
الحالة انت من المؤسسين بتسال سوال زى دا ؟؟..
يعنى خليت لناس امونة شنو؟؟؟
______________________________________ الواحد ما ينوم فى البلد دى .. جهجتونا ياخ
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: الواحد ما ينوم فى البلد دى .. جهجتونا ياخ |
تنومي السهر زول مؤسس نادي و بتاع يتابع احوال العضوية و يشوف الفي منو و المافي منو و الجديد شديد ولا يقول حموني النوم بالطريقة دي بتسقطي في الإنتخابات الجاية
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
Quote: تنومي السهر زول مؤسس نادي و بتاع يتابع احوال العضوية و يشوف الفي منو و المافي منو و الجديد شديد ولا يقول حموني النوم بالطريقة دي بتسقطي في الإنتخابات الجاية |
يا ودالبشرى عليك الله شفت ليك عزابي بنوم ؟؟ قالت الواحد ما ينوم في البلد دي قال ..
بعدين الزولة دي شكلها كده عايزه تكب الزوغة .. يا قمر بوبا .. يا رندا حاتم .. يا شباب ..
ألحقو النادي دا يا اتقفل يا اتشفر ..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: يا قمر بوبا .. يا رندا حاتم .. يا شباب ..
ألحقو النادي دا يا اتقفل يا اتشفر .. |
معتصم دفع الله ... ارقد قفا ... لا بتقفل ... لا بتشفر .... احنا بقت معانا كلمة السر البتفتح مغارة علي باب والاربعين حرامي ...
تسري الاشاعه بين العزابه وتتناقلها الالسن همسا "النادي قفلو .. قالو البوست اتشفر" ويسري الخبر كالنار في الهشيم .. ويتوافد العزابه زرافاتا ووحدانا يقفون على اطلال ناديهم ويبكونه بادمع من دم .. وبينما هم على تلك الحاله يتملكهم الياس ويعصف بهم الحزن .. وتنهمر دموعهم امطارا .. اذا بها تطل عليهم كالبدر ليلة اكتماله .. تتقدم نحوهم وهي تختال الهوينا .. تنظر بعينيها البنيتين وتتامل باب النادي المغلق ثم تقول "بكري .. لو سمحت بلاش الدكتاتورية ديا .. افتح ليهم النادي" وماهي الا ثوان معدودات .. ويفتح باب النادي على مصرعيه .. وتحل عقدة تشفير البوست فيهلل العزابا فرحا وهم يدخلون الى ناديهم المحبب تتقدمهم ...
امنـــــــــه عبـــــــــــــــدالكريـــــــــــــــــــــم ....
| |
|
|
|
|
|
|
Re: نادى العزابة الاسفيرى ....... (Re: Randa Hatim)
|
Quote: معتصم دفع الله ... ارقد قفا ... لا بتقفل ... لا بتشفر .... احنا بقت معانا كلمة السر البتفتح مغارة علي باب والاربعين حرامي ...
تسري الاشاعه بين العزابه وتتناقلها الالسن همسا "النادي قفلو .. قالو البوست اتشفر" ويسري الخبر كالنار في الهشيم .. ويتوافد العزابه زرافاتا ووحدانا يقفون على اطلال ناديهم ويبكونه بادمع من دم .. وبينما هم على تلك الحاله يتملكهم الياس ويعصف بهم الحزن .. وتنهمر دموعهم امطارا .. اذا بها تطل عليهم كالبدر ليلة اكتماله .. تتقدم نحوهم وهي تختال الهوينا .. تنظر بعينيها البنيتين وتتامل باب النادي المغلق ثم تقول "بكري .. لو سمحت بلاش الدكتاتورية ديا .. افتح ليهم النادي" وماهي الا ثوان معدودات .. ويفتح باب النادي على مصرعيه .. وتحل عقدة تشفير البوست فيهلل العزابا فرحا وهم يدخلون الى ناديهم المحبب تتقدمهم ...
امنـــــــــه عبـــــــــــــــدالكريـــــــــــــــــــــم .... |
رندا والجخ
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
بت الشيخ .. كدي خلينا "نخلط" القايمتين ديل ونضيف ليهم شوية:
ضع القائمة (أ) مع ما يناسبها من القائمة (ب)
القائمة (أ)
1) ضببة
2)ورلة
3)سحالى
4)حربويات
5)كرب وام شبتويات "جمع ام شبتو"
6)حمير بنات
7)حبوبات مطر
القائمة(ب)
1)متزوجين/ت
2)عزابة/ت
3)مطلقين/ت
4)ذوى احتياجات خاصة
5)متزوجين مع وقف التنفيذ
6) متزوجين وعندهم راي في الزواج
7)عزابا وعندهم راي في العزوبية
اها يا ود البشرى .. كدا تكون طلبت مساعدة الجمهور عملنا ليك القايمتين قدر بعض .. رتب ابوي ...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
اميره الشيخ ,, كيفنك ,,
من مده مادخلت بوستك ده بالرغم من انى من الاوائل القدموا لعضويه ماعارف عملتوا لى فيها شنو ؟ لكن يظهر انكم عذابه تعبانين ومضروبين فى الانكل , يعنى بوست زى ده يعمل أربعه صفحات وأكثر من خمسه ألف قارئ وحتى الان ماقادرين تعملوا ليكم عرسه واحده . غايتو كراعى يظهر خضره عليكم , لانى شايف أمنه عبد الكريم جاتكم داخله وحقوا تبدوا الحفله من جديد وتكلموا بكرى يوسع ليكم السيرفر .
| |
|
|
|
|
|
|
|