|
|
 عــازمِك جَـبـَنة ... أظِن يا نورة مزاجـِك شـاي !!!
|
شوشوت حبوب البن جواااااي ..... أظن يا نورة بخورك عدني!
انا شايفك جاولي و عودين صندل !!! دواخل البت اللونها قرنفل !!!
وكان توقيتك طعم السكر..... بياض اليوم الصُبحُو تملِّي ... يعسِّل ليك أحساس بنانجقلي!!
عازمك جبنـة عديل في الخـــاطر ...شـايلك طيف بتقريف شوقك لي يوم باكـــر!!
وكنت مسافــر ...سايقني حنين قبّال البِكــري ...
بحسك قدري وسكـــــة سفري .... ومشوار غربةى و أقدار ... شارع أخطـار لازم أمشي
وأظن يا نورة عرفتي معــاي ...! هاريني مزاااااج في البن الحبشــي!!!
البُن أبنوسي ... ولون القلية تقول بين بين .... يخلي الخَرمــة تغيِّر رأيها وتجي بعدين!
طعم البهجة القاعدة هنا ....! نظرت لي ين عيون كـاكـاو ... كانت دايرة تشيل منديل
وتمســح عين ... تقول يا نورة يحفظ دربك من العين... العين بي حسين!
يا ربي نورة تحفظــا من الأذي وعين الفتـة الفيها الوطــا
يا نورة يحفظك النبي عين الصبي أم شراً غبي ...كبِّي البخور يا نورة فنجان أشربي !!
يا نورة وجعك جنزبيل .... في الجوف وحبة هبهـــان ... زمنك سواد القهوة باين في المكان
حزنك مشتت في الزمان!!
كشحــة بخور طاقِّي السمــا .... يا نورة زمنك حيرقــان!
ما تتغابي كتير في العرفة... أمزجي نفَسِك حبّة قِرفــة... أوهبي روحك للأنسـان !
ما بين القلية ... وفنجان الأمل الرابع.... كان تستنـِّي الفرحــة تتنـِّي ....
خلي الكيف يقدل في الشــارع ... في حارة الروح قدام الخــاطر !
أول باب جمبوا قصيدة ... ونخلة وحيدة بتقرأ جـريدة !!!
تخشي مداخل عالم ساكنوا براي ... طعم الحــتّة بخور الصـندل .... ..وبفتح فينا
بخـور تيمـان ...... دواخل البت اللونهـا قرنفـل ... شيلي البِكـري و أبقي حِداي
بخـــاف يا نورة مزاجـــك شــاي !!!!!!!
|
|
 
|
|
|
|
|
|
|
 Re: عــازمِك جَـبـَنة ... أظِن يا نورة مزاجـِك شـاي !!! (Re: حبيب نورة)
|
Quote: بحسك قدري وسكـــــة سفري .... ومشوار غربةى و أقدار ... شارع أخطـار لازم أمشي
وأظن يا نورة عرفتي معــاي ...! هاريني مزاااااج في البن الحبشــي!!! |
| Quote: يا نورة يحفظك النبي عين الصبي أم شراً غبي ...كبِّي البخور يا نورة فنجان أشربي !! |
Quote: تخشي مداخل عالم ساكنوا براي ... طعم الحــتّة بخور الصـندل .... ..وبفتح فينا
بخـور تيمـان ...... دواخل البت اللونهـا قرنفـل ... شيلي البِكـري و أبقي حِداي
بخـــاف يا نورة مزاجـــك شــاي !!!!!!! |
قمة الإبداع التصويري يا ود يا نيل يا روح البهجة كلمات ممزوج بريحة الطين
نسعد دائماً بتواجدك يا حبيب نورة والليلة دي شايف نورة متكوعة بمزاج القهوة
واصل يا حبيب المنبر من غيرك طعمو غريب .
| |
|
|
|
|
|
|
|
|
|
Re: عــازمِك جَـبـَنة ... أظِن يا نورة مزاجـِك شـاي !!! (Re: حبيب نورة)
|
حبيبا هاك النكته دي
قالوا في راجل قاعد في الصالون بيشرب في قهوة (جبنه)
بعد ما خلص قال لولده يا ولد هاك الكباية دي وقول لامك
تتني لي الولد مشي لامه وقال ليها يمة ابوي قال ليك
تني ليهو !! الام مسكت الكباية وبزعل تكب في القهوة
هاك امشي اديها لابوك هو بتني في شنو غير القهوة  :D
| |
|
|
|
|
|
|
|
|
|
Re: عــازمِك جَـبـَنة ... أظِن يا نورة مزاجـِك شـاي !!! (Re: حبيب نورة)
|
Quote: بحسك قدري وسكـــــة سفري .... ومشوار غربةى و أقدار ... شارع أخطـار لازم أمشي
وأظن يا نورة عرفتي معــاي ...! هاريني مزاااااج في البن الحبشــي!!!
|
Quote: ما تتغابي كتير في العرفة... أمزجي نفَسِك حبّة قِرفــة... أوهبي روحك للأنسـان !
|
Quote: ما بين القلية ... وفنجان الأمل الرابع.... كان تستنـِّي الفرحــة تتنـِّي ....
خلي الكيف يقدل في الشــارع ... في حارة الروح قدام الخــاطر !
أول باب جمبوا قصيدة ... ونخلة وحيدة بتقرأ جـريدة !!!
|
قمة الروعة يا حبيب نورة
Quote: بخـــاف يا نورة مزاجـــك شــاي !!!!!!!
|
هسي عليك الله بعد الكلام ده كان مزاجها شاي بتقول ليك
شهيتنا الجبنة يارائع..
| |
|
|
|
|
|
|
|
|
|
Re: عــازمِك جَـبـَنة ... أظِن يا نورة مزاجـِك شـاي !!! (Re: حبيب نورة)
|
يا عنترة ..
غادر الشعراء
تعال شوف وأقرأ و استَمِخ
حبيب نورة
قليتنا
و قريفتنالي نورة البكرية
و يا زول مزاجك .. والله تم الكيف ..
الأيام دى الشعراء هنا بنعشوا المزاج بى طعم الشعر البكرى
طيب آخر الكلام ممكن ملاحظات :-
و مقترح تعديل بيسط ..
Quote: البُن أبنوسي ... ولون القلية تقول بين بين .... يخلي الخَرمــة تغيِّر رأيها وتجي بعدين!
طعم البهجة الجرّ البنبر جنبك ....! تاوق لى بعيون كـاكـاو ... كانت دايرة تشيل منديل
وتمســح عين ... تقول يا نورة يحفظ دربك من العين... العين بي حسين!
يا رب نورة تحفظـ نورة من الأذي وعين الفتـة الفيها الوطــا |
| |
|
|
|
|
|
|
| |
حبيب نورة
هاشم أحمد خلف الله
motaz
محمد سنى دفع الله
tarig almakki
معتصم الطاهر
Muna Khugali
munswor almophtah
فيس بوك
تويتر
انستقرام
يوتيوب
بنتيريست