|
|
|
 Re: بيتكم بي وين يا عينية (Re: د.محمد حسن)
|
دكتورنا ازيك
ما قلنا الحلاق حبشي
تعرف بجد مشكلة كبيرة غايتو انا اتخيل لي قاعدين يخمسو في سيجارة لكنها ما خدرا بعد ما شالو القروش من اختهم اللي اتخرجت من الجامعة وشغالة في محل اتصالات.
عجبي يا سودان!!!!!!!!!!!!!!!!!!!
صفية
| |
 
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
صباحات الخير من عندنا ياصفية
بيتنا بى ووين؟
الوصفة دى عالمية ممكن الاستفادة منها فى التنوع وجماله
ومحفز ان يكون العالم ملونا بالفعل
ولكن!!
انا جارية حسع والله يهون واجيك عشان عندى العاوزه اقولو
خلى بالك من نفسك ودروب المعرفة
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
يخضر ضراعك وينور يراعك يا دكتورة
دائمآ موضوعاتك في الصميم
بس هذه :
| Quote: تمشي طوالي بلاقيك حلاق ( حبشي).. |
لو كانت
مطعم حبش بتاع زنقي
وحاجات تانية حامياني
كان بيكون وصفك الدقيق
أدق
| |
|
|
|
|
|
|
|
|
|
Re: بيتكم بي وين يا عينية (Re: أبو ساندرا)
|
صفية
صباحك خير
بركة بالطلة و الشوفةطولتى الغياب
انا خايفة ما يفضل لينا بيوت نوصفها
Quote: مطعم حبش بتاع زنقي
وحاجات تانية حامياني
كان بيكون وصفك الدقيق
أدق |
ابو ساندر بطل تخريمات حركات الديامة دى.
| |
|
|
|
|
|
|
|
|
|
Re: بيتكم بي وين يا عينية (Re: tayseer alnworani)
|
تيسير ازيك والف مرحب بيك في دار العطالة دي
Quote: صفية
صباحك خير
بركة بالطلة و الشوفةطولتى الغياب
انا خايفة ما يفضل لينا بيوت نوصفها |
والله صدقتي الفقر ماشي زايد تعرفي لي فترة كدة مصاريفي اليومية اتضاعفت يا جماعة الحاصل شنو الاسعار زايدة زيادة مبالغ فيها من يومين كدة الشفع قالو دايرين اندومي قلت ليهم خلاص امشو جيبوها تعرفي من خمسمية جنيه بقت الف وكل الحاجات ماشة بنفس المستوى بعد ده ي ما قلتي ما حنلقى بيوت نوصفها ذاتو
شكرا لمرورك الكريم
وخليك معانا نحاول نحلل عسى ولعل نجد حلولا
صفية
| |
|
|
|
|
|
|
|
|
|
Re: بيتكم بي وين يا عينية (Re: العوض المسلمي)
|
صفية تحية
للكتابة بمقاسات مختلفة للخطوط نقوم بالتّالي :-
نضع الرّمزين الأوّلين في شكل أقواس بهذا الشّكل
<>
ثمّ نقوم بكتابة font size=2 داخل الأقواس
مع ملاحظة المسافة بين كلمة font وكلمة size وعدم وجود مسافات بين البقيّة
................
هناك طُرق مختلفة للكتابة بمختلف الألوان ، والطّريقة الأولى التي سألجأ إليها هنا هي نفس طريقة الأقواس التي لجأت لها في الكتابة بمقاسات خطوط مختلفة أعلاه ..
وبنفس النّهج نضع الرّمزين في شكل أقواس
<>
ثمّ نكتب داخل الأقواس على سبيل المثال font color=red ، مع ملاحظة وجود مسافة بين كلمة font وكلمة color ، وعدم وجود أيّ مسافات بين البقيّة ..
يُمكن كذلك كتابة شكل تحديد اللون والمقاس داخل نفس الأقواس التي استعملناها من قبل
<>
ونكتب داخلها مثلاً font size=4 font color=blue ونلاحظ وجود المسافة بين كلمة font وكلمة size وكذلك بين الرّقم 4 وبين كلمة font الثّانية ، ثمّ أخيراً بين كلمة font الثّانية وبين كلمة color ، ولا توجد أيّ مسافات بين البقيّة ..
المصدر
وفاءً بوعدي .. بوست الخطوط والألوان والصُّور والأغنيات
| |
|
|
|
|
|
|
|
|
|
Re: بيتكم بي وين يا عينية (Re: Mohamed E. Seliaman)
|
يا جماعة استميحكم عذرا
وارحب باخونا محمد
طبعا معروف ليه لانه قدم السبت وادانا دروس مجانية لحد حسع ما معروفة بعد داك يجيب الفاتورة زي الخواجات ولا يبقى سوداني يحلف طلاق ما يشيل رسوم
بجد كدة الف شكر استاذ محمد
ولي عودة بعد ما خلاص عرفت السر
سر شنو الله اعلم دة كلام سر بيني وبين محمد
سلام
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
د. صفية...
كيفك وليك وحشة...
Quote: رايكم شنو في الوصف دة
|
لفينا لف يا د. صفية...لحد ما لقينا البيت....بعد ده كلو كنت خايفة ما ألقى سودانيين....بحمد الله تم العثور عليهم على أرض الوطن!!
وتحت الشجرة ...على العموم لقوا وظيفة يعاينوا للماري والماشي والجاي...قياساً على أغنية يا ماري عند الأصيل..
هو ناس البلد مشوا وين يا دكتورة؟
كل الود
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
كيفك يا صفية | Quote: تخش بشارع المخبز (التركي) تلقى ليك محل بتاع حلويات (شامية).. تمشي طوالي بلاقيك حلاق ( حبشي).. أول شارع تدخل بيه تلقى بيت ساكنين فيه عمال (هنود) تخليه.. بعديه بتلقى عمارة ساكنين فيها لعيبة كورة (نيجيريين).. تلف على يدك الشمال بتلاقيك شجرة تحتها عطالة ( سودانيين).. دا البيت ذاتو |
 دي بقت الخليج بدون عقالات | Quote: بيتكم بي وين يا عينية |
ما بتّوه .. تقطعى الزلط وصلتى .. بس أعملى حسابك من الزلط .. مليان كل الجنسيات دى .. وأوعى من سواقة الهنود
مودتى
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
د. ابو ساندرا او الكوماندوز كما تفضل
اهلا بيك باين عليك ما رحت عرفت البيت طوالي ما من الديم شدييد ومنيع
Quote: لو كانت
مطعم حبش بتاع زنقي
وحاجات تانية حامياني
كان بيكون وصفك الدقيق
أدق |
تعرف لكن الجماعة قالوا هو اصلا اول ما جو الحبش كانو حلاقين الحاجات التانية دي جات بعديييييين. هي شنو يا تيسير انا غايتو ما عارف نسال الناس الساكنة في الديم
سمعت بنكتة هي يا عشة هيييييكة خلي تيسير تتمها ليك اصلها نكتة ديامية خالص
شكرا مرة اخرى لكن شفت سودانا بقى كيف زي ما قال استاذ رافت خليج من غير عقالات وكمان معاه فلس وكتاحة ومطر في الشتاء لا لا دة بقى دول اسكندنافية عديييييل كدة عقبال ما نحصلهم في مستوى دخل الفرد
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
سلمى العسل ازيك
ازيك ونورتي دار العطالة مع انك جيتي تشوفي ليهم حلول
Quote: وتحت الشجرة ...على العموم لقوا وظيفة يعاينوا للماري والماشي والجاي...قياساً على أغنية يا ماري عند الأصيل..
هو ناس البلد مشوا وين يا دكتورة؟ |
والله ما هو دة السؤال المحيرنا ذاتو
خليك معانا نشوف مشاكل العواطلية ديل شنو وبالمرة نحاول نضع قانون يخلي الاولوية لاهل البلد كان مافي يجيبوا اجانب
كوني بخير
صفية
| |
|
|
|
|
|
|
|
|
|
Re: بيتكم بي وين يا عينية (Re: إسماعيل حميم)
|
أهلين استاذ اسماعيل
نورت الدار
Quote: استأذنك في إشراك ضيوفك للقراءة هنا
الشعب السـوداني بين مطرقة العمالة الأجنبية وسندان البترول |
البيت بيتك فوت لا جوة تلقى الحريم يعوسن في الكسرة شيل ليك طرقة وابقى مارق على الصالون تلقى الجنون .
شكرا ليك وخليك على اتصال
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
استاذة صفية
صباح الخير
كدي الجماعه ديل زاتم نشوفم واحد....واحد....بس عشان مايتلخبط علينا الاختصاص....!
Quote: مع ازدياد العمالة الوافدة سيكون وصف المنازل مستقبلاً هكذا:
تخش بشارع المخبز (التركي) تلقى ليك محل بتاع حلويات (شامية).. تمشي طوالي بلاقيك حلاق ( حبشي).. أول شارع تدخل بيه تلقى بيت ساكنين فيه عمال (هنود) تخليه.. بعديه بتلقى عمارة ساكنين فيها لعيبة كورة (نيجيريين).. تلف على يدك الشمال بتلاقيك شجرة تحتها عطالة ( سودانيين).. دا البيت ذاتو
رايكم شنو في الوصف دة
صفية |
وعلي رائ صاحبنا ابو نضارات:
اول هم :
الخبز التركي : عليك الله حسع في زول قادر يشتري عيش فتريته عشان يأكل خبز تركي....؟
تاني هم :
الحلويات الشامية : والله في حالتنا دي اخير منها ....مديدة حلبة .
تالت هم :
الحلاق الحبشي : يابتي حليل زمن الزمن زين والشعر مغطئ الكرعين....بقينا صلعات ساكت .
رابع هم :
العمال الهنود : اها ديل المابنقدر نتكلم عليهم....قالوا السبعة بي قرش وتلاته فوق البيعة.
خامس هم :
اللعيبة النيجيريين: والدليل علي فشلم خيبتنا الكبيرة ....افريقيا وعربيا وحتي محليا....!
الهم الاخير :
العطالة السودانيين : وديل اكان ماقعدوا تحت الشجرة البشاغل الجكس منو....؟
ابقي واصلي
هارون دياب
| |
|
|
|
|
|
|
|
|
|
Re: بيتكم بي وين يا عينية (Re: haroon diyab)
|
صفية
سلام
الوصف واضح جدا
بوصلتنا بقت عالمية
Quote: تلف على يدك الشمال بتلاقيك شجرة تحتها عطالة ( سودانيين).. دا البيت ذاتو
رايكم شنو في الوصف دة |
العطالة ديل لو ربنا هون عليهم و إشتغلوا ..إيش راح يكون نوع وصفك ؟
تخريمة : إبنتي سألتها عندما كانت صغيرة في الإبتدائية :
مدرستكم بتروحي ليها من وين؟
فقالت بكل براءة : تمشي بالشارع دة طوااااالي .. تقوم تلقى ليك كلب راقد ، تلف منو يمين طوالي تلقى المدرسة...
| |
|
|
|
|
|
|
|
|
|
Re: بيتكم بي وين يا عينية (Re: haroon diyab)
|
أستاذ هارون الف مرحب بيك
| Quote: وعلي رائ صاحبنا ابو نضارات: |
ابو نشارات دة منو؟؟؟
اول هم :
| Quote: الخبز التركي : عليك الله حسع في زول قادر يشتري عيش فتريته عشان يأكل خبز تركي....؟ |
والله صدقت لكن
تاني هم :
| Quote: الحلويات الشامية : والله في حالتنا دي اخير منها ....مديدة حلبة . |
هو يا ربي نحن قادرين علها المديدة دي
| Quote: الحلاق الحبشي : يابتي حليل زمن الزمن زين والشعر مغطئ الكرعين....بقينا صلعات ساكت . |
غايتو هنا ما بنقدر نفتي بس طلع العمة خلينا نتاكد ولا رسل ايميل لو خايف ناس معينة تشوف
| Quote: العطالة السودانيين : وديل اكان ماقعدوا تحت الشجرة البشاغل الجكس منو....؟ |
يعني هي مشاغلة الجكس الا في قعاد الضل اظنك طولت من السودان ما سمعت بشركة اريبا العملت الاتصالات بالليل مجاني وهاك يا ونسة لاربعة صباحا
خليك قرييب
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
استاذ ؤافت ود حلتنا بقطع الزلط كيفنك
| Quote: ما بتّوه .. تقطعى الزلط وصلتى .. بس أعملى حسابك من الزلط .. مليان كل الجنسيات دى .. وأوعى من سواقة الهنود |
الله يستر من الحوادث
تعرف مرة زمان في عيد كدة انا واختي مشنا نعيد على صاحباتنا في الهجرة اها حصل حادث في شارع بيتنا الجماعة جوا قالو لناس بيتنا صفية حصل ليها حادث والراس في حتة والجتة في حتة اها من زمني داك وانا بخاف من قطع الزلط تقوم تتحقق الحكاية ربنا يستر من الحوادث
خليك قريب عشان لو جيت تفتح ليك مصنع نوفر ليك عمالة بمواصفات خاصة على وزن الفرق الخاصة بس ما بتاعت صدام
فتك بعافية
صفية
| |
|
|
|
|
|
|
|
|
|
Re: بيتكم بي وين يا عينية (Re: wd al geran)
|
أستاذ ....
عاد غلبني اقلبها عربي كدي النعمل ليها كوبي بيست wd al geran
الف مرحب بيك
Quote: نقول شنو بس ...
غايتو. |
والله البتقال كتير وبرضو ممكن ما تتقال حاجة اضعف الايمان الدعوات بانصلاح الحال
شكرا لمرورك وبالله ترجم لينا اسمك بالعربي اصلي ما حريفة كوبي بيست
سلام مرة تانية
سفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
أستاذنا القدير ابو جهينة
سلام
| Quote: العطالة ديل لو ربنا هون عليهم و إشتغلوا ..إيش راح يكون نوع وصفك ؟ |
يا ريييت اسمع من بؤك ربنا
بعد داك ما بكون في مشكلة البلد بكون حالها انصلح وبس تدي بتاع التكسي العنوان هو حيوصلك شارع كدة مبنى رقم كدة الدور الكدة شقة كدة او قيلا كدة وبس ما دايرة ليها عطالة عشان نعرف بيهم البيت ولا شنو قولك؟
بس دعواتك والعطالة تقل وزي صاحبتي دي تلقى شغل من غير الا..................
شكرا على المرور وابقى عافية
شفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
الأخ معتصم
نستة سلام
ما تعمل رايح وتزوغ من العزومة والعمولة خلي بالك
| Quote: بي وين لسكن المصريين بتاعين المجاري الساكنين مع العراقيين النقاشين بالقرب من كافتريا السوريين ا |
غايتو هم قالول لو جيت بالشارع التاني الفيه االصينيين والمالزييين بتاعين شركة البترول وعمارة ناس الينميس والامم المتحدة بكون احسن لانه شارع نضيييف
خليك قريب عشان ما بعد شوية يقومو يجيبوا صاغة من برة البلد وتروح فيها وتقل سفرات دبي
ابقى عافية
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
واحد بتونس مع واحد
تعرف الليلة في الحافلة جكسوية فصلت معاي من بعيد ابتساما وحركات
نزلت في المحطة الفلانيو بتعرف المحطة دي
قال ليه ايو
مشتبالسارع الفيه الفيه بتاع قدر ظروفك بتعرفوا
ايوة
واول شارع يمين دخلت بيه بتعرف الشارع ده
ايوة
اها
اول بيت
تاني بيت
داك قال ليه ده بيتنا
ده قال
اها وتمشي طوااااااااااااااالي
| |
|
|
|
|
|
|
|
|
|
Re: بيتكم بي وين يا عينية (Re: د.محمد حسن)
|
Quote: واحد بتونس مع واحد
تعرف الليلة في الحافلة جكسوية فصلت معاي من بعيد ابتساما وحركات
نزلت في المحطة الفلانيو بتعرف المحطة دي
قال ليه ايو
مشتبالسارع الفيه الفيه بتاع قدر ظروفك بتعرفوا
ايوة
واول شارع يمين دخلت بيه بتعرف الشارع ده
ايوة
اها
اول بيت
تاني بيت
داك قال ليه ده بيتنا
ده قال
اها وتمشي طوااااااااااااااالي |
لكن ضحكتني شدييد يا دكتور الله يديك العافية يسكنك الصافية في بيت ناصية
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
مداخلة من احد القراء من خارج المنبر
| Quote: بوست هادف لكن الحل يجي من وين من الحكومة مأظن عشان الحكومة في وظايفها ما بتعين الا السوداني ,,من القطاع الخاص ما في سوداني بيرفض يعين سوداني ,, لكن القطاع الخاص مربوط بإقتصاد السوق ويبحث عن الأرباح وأنا ما اقتصادي ,,لكن وجود العمالة المهرة باجر أقل وأنضباط أفيد لصاحب العمل,, الحل في المنافسة وتطوير القدرات وأحترام العمل ومعرفة ماذا يحتاج سوق العمل الأن , |
ما على الرسول الا البلاغ
شكرا ليك
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
صفية
مساء الخير
اول حاجة انا قلته : ابو نضارات.....!عشان برضو مايتلخبطن علينا البيوت.
| Quote: ابو نشارات دة منو؟؟؟ |
وبعدين ابو نشارات ياهو ده القاعد جنبي....ولا انا قاعد جنبو ...ولا نحنا الاتنين قاعدين جنب بعض ماعارف.....؟
عوووووووووووك.....بعد ماكتبت المداخله جيت انزل ليكي الصورة ....لقيت الشفع طفشوها من الكمبيوتر.....لغايت مااجيبه ليك......
ارقدي عافية
التحايا النواضر
هارون دياب
| |
|
|
|
|
|
|
|
|
|
Re: بيتكم بي وين يا عينية (Re: haroon diyab)
|
صفية مشتاقين كتير وليك وحشة قوية
يعني يا صفية نحنا قلنا عايزين نستقر ونرجع
للسودان نقري الأولاد هناك ونشوف لينا نقاطة
نتعيش منها تجي تفتحي لينا بوست زي ده يعني
هسع نعمل شنو ؟
تحت الشجرة برضو ؟؟ ولا جمب باب الشارع ؟؟
الدبارة شنو يا صفية ؟؟؟
وبصراحة نحنا ملينا الغربة والإنتظار !!!!!!
| |
|
|
|
|
|
|
|
|
|
Re: بيتكم بي وين يا عينية (Re: haroon diyab)
|
أستناذ هارون
مساءكم سعيد
التقول انا مربكة ويب كاميرا عشان اعرف ابو نشارات القاعد انت جنبو منو
| Quote: عوووووووووووك.....بعد ماكتبت المداخله جيت انزل ليكي الصورة ....لقيت الشفع طفشوها من الكمبيوتر.....لغايت مااجيبه ليك...... |
أشك في انه الشفع شالوها قول ما داير تنزلا عااادي ما في مشكلة
خليك قريب
شفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
استاذ هشام
الف مرحب بيك
Quote: صفية مشتاقين كتير وليك وحشة قوية
يعني يا صفية نحنا قلنا عايزين نستقر ونرجع
للسودان نقري الأولاد هناك ونشوف لينا نقاطة
نتعيش منها تجي تفتحي لينا بوست زي ده يعني
هسع نعمل شنو ؟
تحت الشجرة برضو ؟؟ ولا جمب باب الشارع ؟؟
الدبارة شنو يا صفية ؟؟؟ |
ان شاء الله ما تشوف وحش في عزيز
والله دة كان لقيت ليك شجرة تقع تحتا من غير رسوم كان ما جوا ناس المحاية قالو ليك ادفع
الدبارة علي الله
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
Quote: بس انا شايف نشارتي ....احسن من نشارتوا.... Re: بيتكم بي وين يا عينية (Re: Safia Mohamed)
|
ًصفية ازيك
تعرفي كنا حنكون سعيدين لو انه انسحاب ظلال العولمة دي كان في بلدنا وما فيها فساد
لانه كان حيكون معيار التنافس الوحيد هو الكفاءة ، لكن مع الحاصل دا العطالة ما سببها العمالة الوافدة وبس . ربك ياخد بيد البلد بس.
منتظرة رجعة شروق عندي حدس بانه كلامها زي كلامي
تقدير ومحبة يا ام محمد علي
| |
|
|
|
|
|
|
|
|
|
Re: بيتكم بي وين يا عينية (Re: الجندرية)
|
أووه الجندرية كلها بهنا
الف مرحب بيك يا ستي
والبرك ففيكم في بتول حزنا جدا لفراقها لها صالح الدعاء
اها كلنا منتظين شروق
لكن زي ما قلت اول لو الحكاية خليناها للطفاءاة غايتو ناسنا ديل حيكونوا برة طوالي مع عدم الالتزام بقيمة العمل ومواعيده والمقدرات الضعيفة التي افرزتها لينا مناهج واساليب تدريس وتدريب اضعف بالاضافة الى غياب اجيال عديدة وعقول مستنيرة وهجرتهم خارج البلد مما خلق فجوة وعدم تواصل الاجيال وانتقال المعرفة وتراكمها اضف الى ذلك زي ما ذكرتي غياب دور القانون والفساد وعدم العدالة والحباط العام والفقر ما اتعسه من عدو زالسلسة طويييلة
كوني بعافية
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
| Quote: د. ابو ساندرا او الكوماندوز كما تفضل |
كمان جابت ليها دكترة يا دكتورة صفية ؟
ماقلنا ليك ماتجيبي سيرة
أحسن يقومو يدونا عين
ياجد الحسن والحسين
بعدين كوماندور وليست بالزوز
وبفضل { ألكومندنتا }
وراجع ليك في المليان
| |
|
|
|
|
|
|
|
|
|
Re: بيتكم بي وين يا عينية (Re: أبو ساندرا)
|
| Quote: بعدين كوماندور وليست بالزوز |
ما هو اصلا القصة عندها علاقة بالتباين اللغوي ما بين الانجليزية والترجمة للعربي
وبما انه هويتنا لا لامة كدي لا لامة كدي خلينا مع الكومندتنا زي ما اقترحت
سلام
صفية
| |
|
|
|
|
|
|
|
|
|
Re: بيتكم بي وين يا عينية (Re: عواطف ادريس اسماعيل)
|
الاستاذة القديرة عواطف شخصيا في حوش العطالة والله نورت الدار
الف مرحب بيك
Quote: بيتنا ناصية !!!
شارع زايد الأول ,,,
بناية راشد بن عبيد المزروعي !!!
طابق رقم أربعة ,,,
شقة رقم فور زيرو تو !!!
في انتظارك يا جميل ,,, |
العنوان دة صحيح خلي بالك نحن ناس السودان ما بنصدق نلقى لينا عنوان زول وهاك يا سفرات للامارات ومصاريفك تكتر اعملي حسابك ومن حسع استعدي لجيتي في شهر اربعة لكن ما قلتي لي في ابوطبي ولا دبي غايتو اتخيل لي من عمارة او بناية الشيخ زايد معناتو في ابوطبي ولا موهيك ؟ لكن ما قلتي لي اللؤلؤة واحد ولا اتين بنايات الشيخ زايد ال في شارع الكورنيش ولا حاجة تانية غايتو بختكم يا ناس الامارات زي ما قال واحد قريبنا حسع ناس ابو طبي ديل تاني دايرين بالجنة شنو ما هو حياتهم دي ما زي الجنة .
في انتظارك يا جميل ,,,
في الامارات ولا البوست
عموما شكرا ليك مرة تانية يا صاحبة المواضيع المبتكرة
ابقي عافية
صفية
(عدل بواسطة Safia Mohamed on 01-28-2008, 09:45 AM)
| |
|
|
|
|
|
|
|
|
 Re: بيتكم بي وين يا عينية (Re: Safia Mohamed)
|
صفصف !!!
شكرا على كلمة الأستازة الغديرة ( وش ضاحك )
والله الدعوة بالجد بالجد مش دعوة مراكبية وبعدين ليه شهر أربعة البعيد داك عايزنك هسة عشان الجو
روعة وطبعا إنت شطورة وذكية عشان كدة عرفتي إننا في أبوظبي ,,, وكمان في مدينة زايد وجنبنا كل
الأسواق ابتداء من سوق الدهب للعدة والملايات والهدوم والمطاعم والنت وشركات السفر والسياحة
والمستشفيات بس إنت تعالي وعينك ما تشوف إلا النور!!!
| |
|
|
|
|
|
|
|
|
|
Re: بيتكم بي وين يا عينية (Re: عواطف ادريس اسماعيل)
|
استاذة عواطف
شيلي الصبر غديرة دي ما جاياك ليها بهناك لكن ما دام جبتيها هنا خليني النقول ليك راي
اصلا هو الموضوع ليه علاقة بهويتنا اللي لحسع ما اتحسمت شوية عربي على شوية افريقي زيدي عليها استمعار انجليزي وقراية في مصر وهجيج لكل بلدان العالم بعد ان ضاق زرعا بنا سوداننا
اها قلتي لي شننو يبقى عدم تحريناللدقة في النطق الصحيح لبعض الحروف العربية معناه نحن ماشين مع المثل السوداني اللي بيقول جلدا ما جلدك جر فيه الشوك اها لغة ما" لغتك" (مع التحفظ احتراما لآراء أخرون) قولها زي ما داير.
نقطة تانية تعرفي نحن بنطقنا دة اخير من ناس تانيي حالتم قال عرب مية في المية
انتي ما شفتي ناس دول المغرب العربي بعملوا في اللغة دي شنو غايتو نحن بعذرنا هم مالهم ولا يجوا يقولو برابرة.
| Quote: الأسواق ابتداء من سوق الدهب |
غايتو انا والدهب عدوان يا ربي موقف ولا الما عندها تيلة سوت الحد حيلة ما عارفة اللبيب بالاشارة يفهم
ديل تخصص امي عشان كدة انا بعد ما عرست ساكنة معاها
| Quote: والهدوم والمطاعم والنت |
وخهو المفيد بالنسة لي
| Quote: وشركات السفر والسياحة |
دة شعرا ما عندنا ليه رقبة
بس المستشفيات دي حمانا الله واعطانا العافية ولكل عزيز
| Quote: بس إنت تعالي وعينك ما تشوف إلا النور!!! |
جاية بس النلم حق التذكرة ان شاء الله بالعربية
شكرا ليك مرة تانية
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
الاستاذه صفيه
تحياتي وشكري
الموضوع مهم جدا
الوجود الاجنبي في اي بلد معناه دليل علي نمو وتطور البلد
ونحن زمان كانت بلدنا مليانه من كل الاجناس وما اسم كافوري اللبناني الاصل او خريستو البريطاني الجنسيه
وغيرهم من اسرة حجار المعروفه وكثير من الشوام سوريين ولبنانين
وكان اهلنا يسمونهم الخواجات
وكثير من الاخوة اليمنيين الذين ملكوا نصف الخرطوم او ما يزيد
واتي من بعد ذلك زمن ضاقت فيه البلد باناسها فعاد الاجانب ادراجهم
وبقت اسماءهم اعلام تذكر بكل خير السودان واهله
اما الان
وقد عادت البلاد الي فترة نمو وتطور فعاد الاجانب مره اخري
ولكنها عوده بصوره مختلفه في صورة عماله يدويه
او في صورة وجود اجنبي كمنظمات طوعيه او خيريه
وهذا الوجود لاغبار عليه في ظل دوله تستطيع ان تبسط سيطرتها علي ارضها
فعلي الدوله ان تنشئ نقاط المراقبه والتفتيش والمتابعه
ووضع القوانين التي تجعل الامن والادب يسير بصوره منتظمه وبشكل طبيعي
وان تكون هذه القوانين مستوحاة من طبيعة المواطن السوداني ومكوناته
وبعدم هذا الامر سيعود الوجود الاجنبي باثار سلبيه علي المجتمع من عطاله
ومن دخول سلوك جديد وغريب علي المواطن
زد علي ذلك الاخلاق وما يميز الشعب السوداني عن غيره هي الاخلاق
فهؤلاء الاجانب اذا وجدوا مجتمعا متساهلا سهل عليهم ان يفعلوا به ما يريدون
وصار وجود العماله الاجنبيه علي الطرقات وعلي ابواب المنازل
علينا ان نقبل بوجودهم مع وضع سيطره علي الامر فليس وجودهم شر الا
اذا ارتبط بتساهل منا
ودمتم بخير
| |
|
|
|
|
|
|
|
|
|
Re: بيتكم بي وين يا عينية (Re: العوض المسلمي)
|
استاذ المسلمي
الف مرحب بيك
مالك ما لونت الخط
Quote: الوجود الاجنبي في اي بلد معناه دليل علي نمو وتطور البلد
ونحن زمان كانت بلدنا مليانه من كل الاجناس وما اسم كافوري اللبناني الاصل او خريستو البريطاني الجنسيه
وغيرهم من اسرة حجار المعروفه وكثير من الشوام سوريين ولبنانين
وكان اهلنا يسمونهم الخواجات
وكثير من الاخوة اليمنيين الذين ملكوا نصف الخرطوم او ما يزيد
واتي من بعد ذلك زمن ضاقت فيه البلد باناسها فعاد الاجانب ادراجهم
وبقت اسماءهم اعلام تذكر بكل خير السودان واهله |
دة كلام جميل زي العسل
Quote: وقد عادت البلاد الي فترة نمو وتطور فعاد الاجانب مره اخري
ولكنها عوده بصوره مختلفه في صورة عماله يدويه
او في صورة وجود اجنبي كمنظمات طوعيه او خيريه
وهذا الوجود لاغبار عليه في ظل دوله تستطيع ان تبسط سيطرتها علي ارضها
فعلي الدوله ان تنشئ نقاط المراقبه والتفتيش والمتابعه
ووضع القوانين |
كلام موزون
| Quote: التي تجعل الامن والادب يسير بصوره منتظمه وبشكل طبيعي |
دي ما فهمتها الادب عمرو كما كان بجي بالقانون ولا الاخلاق صدقت في الجزء الاول بسن القوانين لحفظ الامن بكل معانيه من امن جسدي اجتماعي اقتصادي لكن كما اسلفت "الادب" ان قصدت بها الاخلاق فهي عملية مستمرة تساهم فيها عوامل عديدة متمثلة في جوانب سياسية اقتصادية دينية تاريخية وثقافية وفهم كل مجموعة من الناس ارتضت بوضع عقد اجتماعي غير مكتوب فتناولي للموضوع منذ البداية كان مرتبط بالعلاقة بين وجود العمالة الأجنبية والعطالة اما ارتباطها باالخلاق فهذا شيء يصعب تفعيله في ظل عالم اصبح كالقرية الصغيرة فثقاقة الاخر تاتني وانا في بيتي كيف اتعامل معها سلبا او ايجابا تحكمها عوامل عديدة كما اوضحت.
Quote: ومن دخول سلوك جديد وغريب علي المواطن
زد علي ذلك الاخلاق وما يميز الشعب السوداني عن غيره هي الاخلاق |
كما اوضحت من قليل التعرض والتعرف والتعامل مع السلوك المغاير لنا لا يمكن الحد منه فهو موجود والعالم اضحى قرية صغيرة
اما "اخلاق شعبنا" فدي اصبحت محل تساؤل فنحن كغيرنا من الشعوب فينا الصال وفينا الطالح وفي الفترة الأخيرة حصل تدهور مريع في قيم ومعاني عديدة خاصة في المدن نسال الله السلامة
شكرا لهذه النقاش الجاد والاضافة الثرة
خليك قريب
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
اختي صفيه تحياتي
| Quote: دي ما فهمتها الادب عمرو كما كان بجي بالقانون ولا الاخلاق صدقت في الجزء الاول بسن القوانين لحفظ الامن بكل معانيه من امن جسدي اجتماعي اقتصادي لكن كما اسلفت "الادب" ان قصدت بها الاخلاق فهي عملية مستمرة تساهم فيها عوامل عديدة متمثلة في جوانب سياسية اقتصادية دينية تاريخية وثقافية وفهم كل مجموعة من الناس ارتضت بوضع عقد اجتماعي غير مكتوب فتناولي للموضوع منذ البداية كان مرتبط بالعلاقة بين وجود العمالة الأجنبية والعطالة اما ارتباطها باالخلاق فهذا شيء يصعب تفعيله في ظل عالم اصبح كالقرية الصغيرة فثقاقة الاخر تاتني وانا في بيتي كيف اتعامل معها سلبا او ايجابا تحكمها عوامل عديدة كما اوضحت |
تفكير الدوله اختي في الادب والاخلاق والسعي للمحافظه عليها واجب اساسي يجب الاهتمام به
بغض النظر عن القوانين الاخري ذات الصله بالتواجد او الاقامه
فاذا وضعت الدوله اهداف عليا حفاظا علي الاخلاق فان ذلك من الاسباب التي يجب ان تعطي اولويه
لاحظت اختي كيف اثر الوجود الاجنبي في مدينه كبيره كدبي فاصبحت كانها مدينه غريبه
فاذا وجدت الملهي الهندي او الفرنسي او البنغالي وغيرها كثير
اما شارع دبي فلا تري فيه اي مظهر لوجود عربي
هذا ما اردت ايضاحه في الفقره السابقه
ولي عوده انشاء الله
وتحياتي وودي
| |
|
|
|
|
|
|
|
|
|
Re: بيتكم بي وين يا عينية (Re: العوض المسلمي)
|
Quote: تفكير الدوله اختي في الادب والاخلاق والسعي للمحافظه عليها واجب اساسي يجب الاهتمام به
بغض النظر عن القوانين الاخري ذات الصله بالتواجد او الاقامه
فاذا وضعت الدوله اهداف عليا حفاظا علي الاخلاق فان ذلك من الاسباب التي يجب ان تعطي اولويه
لاحظت اختي كيف اثر الوجود الاجنبي في مدينه كبيره كدبي فاصبحت كانها مدينه غريبه
فاذا وجدت الملهي الهندي او الفرنسي او البنغالي وغيرها كثير |
اخونا المسلمي
تعرف المضوع بتاع دور الدولة هنا انا عندي عليه تحفظ شوية والتحفظ دي نابع بالتحديد مع تجربتنا في السودان وقوانين سبتمبر وتجربتنا في السودان والمشروع الحضاري
سؤال ايه كانت نتيجة ذلك وهل ما شهده شارعنا العام من تدهور هل له مثيل في فترة زمنية سابقة بالتاكيد لا ودة لانه الدولة اتدخلت في حياة الناس الخاصة
اما موضوع دبي دي قصة تانية
بالنسبة لي انا شخصيا اي تدخل للدولة في حياة الناس الخاصة بياتي بنتائج سلبية، تدخل الدولة غير المباشر هو المطلوب بعمل مناهج تعليمية حديثة تتعامل مع عقلي تعلمني مهارات مش نسخ ولصق ونسيان دور الدولة في ارساء قيم العدالة بكل ابعادها ما ناس وناس دور الدولة في تسهيل الخدمات من صحة وتعليم حتى لا يجد ذوي النفوس الضعيفة مرتعا لترويج بضاعتهم البائسة دور الدولة يكمن في عدم تقييد الحريات وفتح المجال للابداع في كل مجالاته دور الدولة في تطوير الانسان واعداده ليكون انسانا بمعنى الكلمة يجسد الانسانية في اروع قيمها في نشر المحبة والسلام والابداع احترام العلم و اييييك القصة طويلة
أما قصة انه الدولة تسن تشريعات للمحافظة على قيم واخلاق دي ما بيحقق لينا نتائج ايجابية وبالتجربة.
اها كان اخدنا السودان مثال السودان دة ذاتو ما متباين ومختلف باختلاف مواطنيه وثقافاتهم المحلية وتباينهم الديني يا ربي ياتو قيم نحن نقول عليها دي سودانية ودي ما سودانية انا اؤمن بالقيم الانسانية الفاضلة من عدالة وسلام وحب واحترام ودي تواضعت عليها كل الاديان السماوية، فاختلاف الناس هنا تصعب معه تحديد اطار او قالب معين نقول ياهو دة السودان الدولة ممكن تلعب دور في انها تؤطر الماعون الذي يستوعب كل هذا الاختلاف دونما هيمنة من طرف على آخر
اها ناس دبي
تعرف انا في اول زيارة لي لهذه المدينة حزنت جدا لاني لم اجد هذه الملامح لا في القاهرة ولا في بيروت وما زلت اتسائل اين سكان مدينة دبي ، انا اعتقد ان هذه هي رغبة المواطنين (ودة اعتقاد ساي ما ممني على اسس) عشان كدة اضحى الحال كما هو عليه وين نحن مقارنة بدولة عمرها لا يتجاوز تاريخ استقلالهل 1973 نحن لدينا ارثنا الحضاري الممتد في التاريخ من مروي وغيرها نحن نتميز عنهم بالاختلاف والتباين في ملامحنا وثقافاتنا و...
اها يا ربي قدرت اوضح وجهة نظري
وبرضو ازيد على ذلك انه موضوع البوست متعلق باثر العمالة الاجنبية على المواطنين (العطالة) لكن الاثار التانية من تاثر وتاثير بثقافات مغايرة قد يناقش في سياق اخر لو لاحظت ان هناك متداخلة او اتنين راوا ان هذا التمازج ممكن يكون فيه ابداع لما لا ننظر للنصف الممتلئ من الكوب لما ننظر ونحن في هذا العالم القرية ان كل ما لدينا جميل وكل ما هو ليس لدينا غير ذلك ، بالعكس الاقرار بالاختلاف ممكن يؤطر لمساحة نتبادل فيها الاجمل من الثقافات المختلفة
شكرا
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
هشام قال ليك { بجيك راجع }
كده ساكت ، حافية
وانا قلت : { بجيك راجع في المليان }
أها
Quote: تجدني اختلف معك قليلا في استخدامك لمصطلح "الجنسيات الحايمة ترعى الارهاب"
ولكن بقليل من التوضيح كان يوجد في البلاد بعض الافراد من جنسيات مختلفة
تجمعهم هوية واحدة هم يسمونها الاسلام والغرب يطلق عليها مصطلح ارهاب وانا اراهم في النص
بمعنى انه لا يصح ان نطلق عليهم مصطلح ارهاب وهذا اقرار بان " الاسلام دين يدعو للارهاب"
وهذا في قناعتي الخاصة كانسان مسلم غير صحيح فديننا الاسلامي هو ابعد ما يكون عن هذه العبارة ،
ولكن هذه المجموعات فلنقل انهم لم يستطيعو ان يعكسوا قناعاتهم في اسلوب يبعد عن العنف
ولذ وجد خصومهم مجال خصب للصق تهمة الارهاب بالاسلام وهو ما يرفضه اي مسلم غيور على دينه.
وبربط هذا الحوار بموضوع البوست وهو العمالة الاجنبية واثرها على المواطنين
نجد ان من كانو في البلاد في الفترات الماضية قد وضعوا بصمتهم ايضا في الشارع العام.
وأثر على فئة غير قليلة من الشباب فاصبحوا اكثر تشددا دينيا.
|
أنا ما إعتنيت بوصف الحالة وسبر غورها ومعرفة أسبابها
الشاهد إن البلد في وقت ما كانت مرتع للبعض
والسلطة القائمة فتحت الحدود ومنحت الجواز لعدد كبير منهم
حتى في وقت ما شهدنا بعض المطاعم يديرها ملتحون شوام
ده سبب من أسباب الوجود الأجنبي
وسبب أخر هو البترول والشركات الصينية واقبل على البلاد عمالة آسيوية
كبيرة بعضها يعمل في قطاع البترول والبعض الآخر في سوق الله أكبر
هؤلاء و أولئك ، أي الشوام والصينيين
صارت عندهم مصالح في البلاد
مصالح فردية ومصالح تتعلق بدولهم
في تقديري المصالح هذه ، خاصة المتعلقة بمصالح الدولة لابد أن يتبعها
أو يحميها نشاط إستخباراتي يملك المعلومات لجهات القرار
لذلك لا أستبعد وجود إستخباراتي صيني وغيره في اللاد
وكذلك في وقت مضى نشطت كل الجهات المتصارعة في القرن اففريقي
في فضاءات وساحات بلادنا
لذلك ليس غريبآ أن يكون بين الآف الإرتريين والأثيوبين والصوماليين الأبرياء
الذين لاذوا ببلادنا وكانوا على الرحب والسعة
ما بعيد ولا غريب أن تنشط إستخبارات بلادهم وسطهم
هذا كله مقرؤ مع ما أشارت له الجندرية حول العولمة وآثارها
وأن تنفتح الحدود ويصير العالم فناءآ واحدآ مشتركآ يتحرك فيه الناس
بحرية طالما كان متاح لهم العمل والكسب
| |
|
|
|
|
|
|
|
|
|
Re: بيتكم بي وين يا عينية (Re: أبو ساندرا)
|
Quote: أنا ما إعتنيت بوصف الحالة وسبر غورها ومعرفة أسبابها
الشاهد إن البلد في وقت ما كانت مرتع للبعض
والسلطة القائمة فتحت الحدود ومنحت الجواز لعدد كبير منهم
حتى في وقت ما شهدنا بعض المطاعم يديرها ملتحون شوام
ده سبب من أسباب الوجود الأجنبي
وسبب أخر هو البترول والشركات الصينية واقبل على البلاد عمالة آسيوية
كبيرة بعضها يعمل في قطاع البترول والبعض الآخر في سوق الله أكبر
هؤلاء و أولئك ، أي الشوام والصينيين
صارت عندهم مصالح في البلاد
مصالح فردية ومصالح تتعلق بدولهم
في تقديري المصالح هذه ، خاصة المتعلقة بمصالح الدولة لابد أن يتبعها
أو يحميها نشاط إستخباراتي يملك المعلومات لجهات القرار
لذلك لا أستبعد وجود إستخباراتي صيني وغيره في اللاد
وكذلك في وقت مضى نشطت كل الجهات المتصارعة في القرن اففريقي
في فضاءات وساحات بلادنا
لذلك ليس غريبآ أن يكون بين الآف الإرتريين والأثيوبين والصوماليين الأبرياء
الذين لاذوا ببلادنا وكانوا على الرحب والسعة
ما بعيد ولا غريب أن تنشط إستخبارات بلادهم وسطهم
هذا كله مقرؤ مع ما أشارت له الجندرية حول العولمة وآثارها
وأن تنفتح الحدود ويصير العالم فناءآ واحدآ مشتركآ يتحرك فيه الناس
بحرية طالما كان متاح لهم العمل والكسب |
استاذ ابو ساندرا
كلام جميل وزي العسل واعذرنا لقصر نظرنا ما قامتنا ان لم ننظر للموضوع بهذ الرؤية اشاملة شكرا ليك مرة اخرى وقعلا البعد الامني والاستحباراتي يجب ان يوضع في الاعتبار فرجاءا اخدنا على قدر عقلنا اللي يا دوب قدر يشوف الحالة المرحلية وهي العطالة المتايدة دون الغوص في الاستراتيجي ما نحن لسع جاد وسغار.
سفية
شكرا عميقا يا عميق
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
أستاذة عواطف الف مرحب بيك مرةتانية
| Quote: أي عربية في العربيات ؟؟؟ |
انا قصدت طيران العربية بصفتو ارخص سعرا من الاماراتية
لكن ما جابت ليها تساؤل
النقول عربيت ال BMW
ابقى عافية
جاياكم في ابوظبي
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
استاذ عمرو ايك
| Quote: تعبت ، تكلت معاهم وخزنا شوية |
غايتو اتخيل لي بعد ما حزنت بتكون داير تمشي البيت تريح شوية حقو تجينا بكرة وما تنسى تجيب معاك المستندات والصور ولما تصل اليمانية اعمل لي مسكال عشان اجي اخزن معاكم وما تنسى الكندا دراي حقتي وبعد داك نمشي سوا
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
:| Quote: بوست هادف لكن الحل يجي من وين من الحكومة مأظن عشان الحكومة في وظايفها ما بتعين الا السوداني ,,من القطاع الخاص ما في سوداني بيرفض يعين سوداني ,, لكن القطاع الخاص مربوط بإقتصاد السوق ويبحث عن الأرباح وأنا ما اقتصادي ,,لكن وجود العمالة المهرة باجر أقل وأنضباط أفيد لصاحب العمل,, الحل في المنافسة وتطوير القدرات وأحترام العمل ومعرفة ماذا يحتاج سوق العمل الأن , |
يا مشارك من خارج المنبر سلام
تعرف انه الحكومة بيدها تعمل كتيير من سن قوانين وتفعيل لما هو موجود ، بالاضافة الى الزام القطاع الخاص بان الاولوية تكون للسودانيين في كل المجالات
ودمت
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
اختي صفيه تحياتي
العماله الاجنبيه وتاثيرها علي العماله السودانيه كبير ومؤثر جدا
فالكسل الذي تحدث الكثيرين عنه للعامل السوداني وسلبيته الكثيره
وكسله الذي اصبح متندرا به وسط العرب
في البدء وقبل هذه العماله الوافده كان العامل لايعمل بهم وجديه الا في حالة سؤ الظروف عليه
فالكثير من الاسر تعتمد علي العائل المغترب
او العائل التاجر
وتجد هؤلاء العاطلين لايعملون شئ سواء الجلوس تحت الظل
ويجلسون تحت الشجر في حلاقه او سيجه او صفرجت او كوتشينه
والامر من ذلك تجدهم يعاكسون البنات
ويحسبون حركة النساء بالشارع
فوجود هذه العماله ذو اتجاهين :
اتجاه قد يقود الي ترك العطاله لكسلهم والعمل بجديه ..وهذا صعب تحقيقه
واتجاه قد يؤدي الي اكمال العطاله لعطالتهم والتحجج بانهم لم يجدوا فرصة عمل ..وهذا الراجح
وتحياتي
العوض
| |
|
|
|
|
|
|
|
|
|
Re: بيتكم بي وين يا عينية (Re: العوض المسلمي)
|
أخونا استاذ عوض
Quote: فوجود هذه العماله ذو اتجاهين :
اتجاه قد يقود الي ترك العطاله لكسلهم والعمل بجديه ..وهذا صعب تحقيقه
واتجاه قد يؤدي الي اكمال العطاله لعطالتهم والتحجج بانهم لم يجدوا فرصة عمل ..وهذا الراجح |
والله شايفاك متشاءم الله يكضب الشينة وناس الضللة ديل يجدو محفزات تدفعهم للبحث الجادي عن عمل
والمحفزات دي ما بتجي من فراغ
يعني تكون في اسس عادلة للتنافس
تكون في توفر للمعلومة
يكونوا اصلا مؤهلين ( من خلا لالمؤسسات اللي اتعلموا او اتدربوا فيها)
تكون في مرتبات مجزية تستحق ان الواحد يخرج من بيته ويشتغل (تعرف في مرة من المرات انا سبت الشغل بكامل ارادتي مع اني كنت في امس الحاجة لمصدر دخل لاني حسبتها كدة لقيت انه انا القروش الباخدها من الشغل يادوب تكفي نفقات غيابي من البيت ونفقات الشغل قلت طيب لزومو شنو ما اقعد انا في بيتي وارعى اولادي ما دام انا اصلا ما موفرة حاجة)
يكون الشغل فيه محفزات من تقدير وتقييم للعمل وجوانب دعم نفسي تحددها مكافاءات للمنتج تكون في نقابات قوية تدافع ن حقوق العمال والموظفين وليس مطبلين
تكون في اييك
دي منظومة متكاملة نفتقدها في بلادي من نظام حكم رشيد مبني على العدالة والمساواة والمسائلة والمحاسبة واحترام حقوق الانسان و... وايييكقصة طويلة
شكرا ليك مرة اخرى لاثرائك للحوار وخليك قريييب
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
ورد مشارك من حارج المنبر
| Quote: لأخت صفيه ,, تدخل الحكومة دائما بالقوانين بتجيب نتائج عكسيه ,, خصوصا في الأقتصاد المفتوح أو التوجهات الراسمالية وإلا تكون ردة في السياسة العامة لتحرير الأقتصاد ,, وأقرب مثال عند تدخل الحكومة في تحديد سعر اي سلعة تختفي السلعة ويزداد سعرها ,, الحل في إستعداد شبابنا للمنافسة وتطوير قدراته وعدم التعفف من بعض المهن ,, عشان لو عرفو انو سائق الشاحنة دخلو الشهري أكثر من المعلم والطبيب ,, |
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
د صفيه
تحياتي لك ولكل المتداخلين
أول حاجة ناس أم درمان القديمة , الوصف فيها مشكلة حقيقية خصوصا لو أنت ما من ناس أم درمان ,
يعني لا حلاق حبشي ولا سكن مصريين بنفعك , بس الزول القاصدو يطلع ليك في شارع الظلت
وينتظرك كمان في مكي
وبعدين أنتي قاصدة العمالة الأجنبية الأسيوية أظنك ,, عشان العمالة الأفريقية معانا من زمان وما
كانت مشكلة يعني 9 دول تحيط بالسودان بدون حدود طبيعية غير التداخل القبلي المعروف مع هذه الدول
في رأي العلاقة بين العطالة والعمالة الأجنبية رابط ضعيف , عشان في بلاد العمالة الأجنبية أكتر من
عدد السكان الأصليين ولا توجد عطالة تذكر
ولك كل الود
حاتم
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
حاتم حمدتو
الناس الحلوين
سلام
| Quote: في رأي العلاقة بين العطالة والعمالة الأجنبية رابط ضعيف , عشان في بلاد العمالة الأجنبية أكتر من |
والله كلامك دة برضو ممكن يكون سليم عشان كدة انا اقترحت عمل بحث لمعرفة هذه العلاقة
اظنك طولت من البلد يا اخوي
جنس عمالة هي
ولعيبة كورة ديل اظنك متابعن
الععمالة الافريقية كم اسميتها انت لا ننفي وجودها مش ياهن الحبشيات ولا عمالة تانية ؟
بالمناسبة العمالة الأجنبية لت البلد انت عارف انو شركة سوداتل غيرت استاف اغلب المهندسين وتقريباكل الفنيين الى مصرييين عارف ليه لانه ملتزمين بالشغل وبما انها شركة خدمية عاوزة تكسب زباين والزبون داير خدمات في مواعيدها مش ااي جاييك وتدفع كم؟
دة غير عمال النظافة في اغلب الشركات والمنظمات
دة غير موظفي وموظفات وعاملات الفنادق والمطاعم شي سوري وشي اردني ومصري واييك قصة هي
لكن زي ما انا قلت قبيل الموضوع داير بحث ودراسة عشان نقدر نربط او ما نربط بين العمالة الاجنبية والعطالة في السودان
شكرا كثيرا ليك في انتظارك
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
صفيه
كيفك عزيزتي
ما شايفه انه الكلام ده رغم اهميته وتوافقي الكامل معك فيه
الا ترين ان فيه نوع المبالغه
دي منظومة متكاملة نفتقدها في بلادي من نظام حكم رشيد مبني على العدالة والمساواة والمسائلة والمحاسبة واحترام حقوق الانسان و...
وتحياتي
العوض
| |
|
|
|
|
|
|
|
|
|
Re: بيتكم بي وين يا عينية (Re: العوض المسلمي)
|
Quote: اتجاه قد يقود الي ترك العطاله لكسلهم والعمل بجديه ..وهذا صعب تحقيقه
واتجاه قد يؤدي الي اكمال العطاله لعطالتهم والتحجج بانهم لم يجدوا فرصة عمل ..وهذا الراجح
|
المسلمى دى فعلا نظرية جديدة (حاول تسجلهالدى الملكية الفكرية قبل ما واحد عاطل يلطشها منك)
-------------------------------
صافية موضوع (محير) تناولتيه بخفة دم (مدهشة)
طبعا فى حقيقة اقتصادية اسمها عولمة
تانى رأس المال فى العولمة دى ماعندد بلد!
كذلك العمالة.....
----------
المشكلة فى السودان توجد دولة شبه منهارة
فاسدة تقبل أى شروط (بما فهيا استخدام العمالة الاجنبية) بس حقنا وين
دولة سياستها التعليمية منذ 1989 عملت على تدمير (المدارس الفنية، والتدريب المهنى)
التى تخرج العمالة الماهرة.
عامل ثقافى طبقتنا (الرأسمالية منفصمة من بقية الناس العادين فى السودان)
فلذلك تسمعيها (تردد ما يردده العرب عننا) الكسل (ده اسمه استبطان القهر)
سلوكها المباهاة والفشخرة.
طبعا الهنود والبنقلاديش تلاقاهم بيضحكوا على غباء حكومة السودان
الهند ترتيبها رقم 5 فى اقتصاديات العالم الان وبنقلاديش رقم 48
حسب ترتيب البنك الدولى...
والسودان ترتيبه ال 61 ويعتمد بكشل كبير على مصدر واحد البترول (نفخ ناتجه القومى)
------------------
فى دولة اللامعقول هذه نحن نحتاج لعامل نضافة من البنقلاديش لكنس حمامتنا وقمامتنا
ولتقديم كوب الشاى لنا فى مقهى.
طبعا وضع كهذا مفهوم فى دولة غنية (اكتفى سكانها)
لكن فى دولة العطالة والفقراء هذا شى محير
طبعا لاتوجد احصائيات رسمية
---------------------------------------
أو ربما إنو الحكومة زهجت منكم (ده شعب تافه ما يستاهل نحكموا) وبيعملوا على تبديلكم بس حبة حبة
على أمل أن جبايتهم (الكثيرة) تجيب خبركم فيوم من الايام تموتوا موت جماعى من الغيظ أو جلطة، ضغط ولا سكرى ولا تجنوا، وكان كسحتوا من البلد دى يكون ده المطلوب)
| |
|
|
|
|
|
|
|
|
|
Re: بيتكم بي وين يا عينية (Re: أحمد أمين)
|
أستاذ أحمد امين
سلام وتحية
صافية موضوع (محير) تناولتيه بخفة دم (مدهشة)
Quote: طبعا فى حقيقة اقتصادية اسمها عولمة
تانى رأس المال فى العولمة دى ماعندد بلد!
كذلك العمالة.....
----------
المشكلة فى السودان توجد دولة شبه منهارة
فاسدة تقبل أى شروط (بما فهيا استخدام العمالة الاجنبية) بس حقنا وين
دولة سياستها التعليمية منذ 1989 عملت على تدمير (المدارس الفنية، والتدريب المهنى)
التى تخرج العمالة الماهرة.
عامل ثقافى طبقتنا (الرأسمالية منفصمة من بقية الناس العادين فى السودان)
فلذلك تسمعيها (تردد ما يردده العرب عننا) الكسل (ده اسمه استبطان القهر)
سلوكها المباهاة والفشخرة.
طبعا الهنود والبنقلاديش تلاقاهم بيضحكوا على غباء حكومة السودان
الهند ترتيبها رقم 5 فى اقتصاديات العالم الان وبنقلاديش رقم 48
حسب ترتيب البنك الدولى...
والسودان ترتيبه ال 61 ويعتمد بكشل كبير على مصدر واحد البترول (نفخ ناتجه القومى)
------------------
فى دولة اللامعقول هذه نحن نحتاج لعامل نضافة من البنقلاديش لكنس حمامتنا وقمامتنا
ولتقديم كوب الشاى لنا فى مقهى.
طبعا وضع كهذا مفهوم فى دولة غنية (اكتفى سكانها)
لكن فى دولة العطالة والفقراء هذا شى محير
طبعا لاتوجد احصائيات رسمية
---------------------------------------
أو ربما إنو الحكومة زهجت منكم (ده شعب تافه ما يستاهل نحكموا) وبيعملوا على تبديلكم بس حبة حبة
على أمل أن جبايتهم (الكثيرة) تجيب خبركم فيوم من الايام تموتوا موت جماعى من الغيظ أو جلطة، ضغط ولا سكرى ولا تجنوا، وكان كسحتوا من البلد دى يكون ده المطلوب)
|
دعني اوقع على كلامك المرتب ومنظم وموزن
امكن انا اكون دايرة اوصل نفس الفكرة لكن تقول شنو العتب على الضعف اللغوي واستخدام المصطلحات شكرا ليك للاضافة الغنية
خليك معانا وكان رحت اضرب لعمرو خليه يوريك اليمانية بوين ونجي نخزن سوا باقي التخزينة دي بتخلي الناس تفكر كويس (هيهي يا جماعة دة هظار ساي)
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
اخونا استاذ العوض
تحياتي واشكرك كتير على المتابعة
بالمناسبة لما تكون داير تعمل اقتباس ظلل الكلام الداير تقتبسو وبعد داك اضغط على زر اقتباس بظهر ليك الكلام قول اوكي
| Quote: دي منظومة متكاملة نفتقدها في بلادي من نظام حكم رشيد مبني على العدالة والمساواة والمسائلة والمحاسبة واحترام حقوق الانسان و... |
والله يعني ممكن كلامي دي يثير تساوؤل لانه معمم ومن حقك تتسائل
لكن في السطور اللي قبلو انا اوضحت كيف نحن بنفتقد لاسس ومعايير الحكم الرشيد في الجزئية بتاعت العمل
بدءا من التعيين في الحكومة عاد ما في زول الله ساكت كدي يقدم للحكومة ويخش معاينة وياخدوه وانت سيد العارفين والذاكرة مليئة بنماذج حية وكل زول مننا عندو قصة قريبا ليه او قريبة ليه اتخرج من الجامعة وما لاقي شغل في الحكومة تحديدا فياهو يا اما بقى عاطل او اشتغل اشغال هامشية ودي فيه هدر للمال العام لما يكون مهندس ومؤهل والدولة صرفت عليه ما صرفت واهلو تمو الباقي ويجي يشتغل سواق عربة نقل ما محتاجه للكل الجهد والمال اللي بذل في تاهيل هذا الشخص
تانيا: النقابات وما ادراك ما النقابات وهي اضحت تطبل للدولة وللحكومة ولحد هنا بس
ثالث:اغياب اسس الديمقراطية وتمثيل قضايا وهموم المواطنين في كل المنابر ودة ما بتغالطو فيه اتنين ودي ارتباطه وثيقة اضعف الايمان في افتقاد الناس للدوافع من اجل التغيير
رابعا: الفساد والفساد وسرقة اموال الدولة والاختلاس واييك ودي كتب ما كتب فيه في العديد من المنابر
خامسا: افتكر قضية مفصولي الصالح العام ما زالت عالقة ما بين قرارات من غير تنفيذ وضياع وتشريد الالاف مننا
سادسا: التدهور المريع في اغلب الخدمات من تعليم وصحة وغيره
سابعا: سياسات التخصيص اللي ادت الى ظهور الفقراء الجدد وهم ابناء الطبقة المتوسطة سابقا واثار العولمة على القوى العاملة المحلية
اعذرني بجيك راجعة تاني عشان نكمل باقي القصة وكدي خش معاي هنا في ماساة ابو القاسم اللي اضحي ضحية لانعدام قيم المسائلة والمحاسبة
ANOTHER DISASTER IN THE MEDICAL PRACTICE IN SUDAN(FROM RAYAAM )
وشكرا ليك مرة تانية
في انتظار نقاشك القيم
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
صفيه
تحياتي
Quote: والله يعني ممكن كلامي دي يثير تساوؤل لانه معمم ومن حقك تتسائل
لكن في السطور اللي قبلو انا اوضحت كيف نحن بنفتقد لاسس ومعايير الحكم الرشيد في الجزئية بتاعت العمل
بدءا من التعيين في الحكومة عاد ما في زول الله ساكت كدي يقدم للحكومة ويخش معاينة وياخدوه وانت سيد العارفين والذاكرة مليئة بنماذج حية وكل زول مننا عندو قصة قريبا ليه او قريبة ليه اتخرج من الجامعة وما لاقي شغل في الحكومة تحديدا فياهو يا اما بقى عاطل او اشتغل اشغال هامشية ودي فيه هدر للمال العام لما يكون مهندس ومؤهل والدولة صرفت عليه ما صرفت واهلو تمو الباقي ويجي يشتغل سواق عربة نقل ما محتاجه للكل الجهد والمال اللي بذل في تاهيل هذا الشخص
تانيا: النقابات وما ادراك ما النقابات وهي اضحت تطبل للدولة وللحكومة ولحد هنا بس
ثالث:اغياب اسس الديمقراطية وتمثيل قضايا وهموم المواطنين في كل المنابر ودة ما بتغالطو فيه اتنين ودي ارتباطه وثيقة اضعف الايمان في افتقاد الناس للدوافع من اجل التغيير
رابعا: الفساد والفساد وسرقة اموال الدولة والاختلاس واييك ودي كتب ما كتب فيه في العديد من المنابر
خامسا: افتكر قضية مفصولي الصالح العام ما زالت عالقة ما بين قرارات من غير تنفيذ وضياع وتشريد الالاف مننا
سادسا: التدهور المريع في اغلب الخدمات من تعليم وصحة وغيره
سابعا: سياسات التخصيص اللي ادت الى ظهور الفقراء الجدد وهم ابناء الطبقة المتوسطة سابقا واثار العولمة على القوى العاملة المحلية
اعذرني بجيك راجعة تاني عشان نكمل باقي القصة وكدي خش معاي هنا في ماساة ابو القاسم اللي اضحي ضحية لانعدام قيم المسائلة والمحاسبة |
صفيه اختي
مشكلتنا في البلد دي كل واحد فينا عارف المشكله وين
ولكن كيفية الحل ووسائله صعب تحقيقها
| |
|
|
|
|
|
|
|
|
|
Re: بيتكم بي وين يا عينية (Re: العوض المسلمي)
|
استاذ المسلمي الف تحية
| Quote: مشكلتنا في البلد دي كل واحد فينا عارف المشكله وين |
والله في اعتقادي الخاص ما كل زول فينا عارف المشكلة وين ولكن المشكلة بحسوها اصحاب الوجعة الناس البتعاني مباشرة من آثارها لكن ما كلنا عارفين الاسباب شنو وبالتالي يصعب ايجاد حلول ودي نابع من عدم اتباعنا للاسس العلمية في التعامل مع الظواهر انتهاج النهج العلمي في الوصف والتحليل والبحث الذي قد يقودنا بسهولة لمعرفة الاسباب وبالتالي الوصول لحلول.
| Quote: ولكن كيفية الحل ووسائله صعب تحقيقها |
وهذا لن يتاتى الا كما اسلفت باحترام العلم وتفعيل دور المؤسسات البحثية. الانقطاع وعدم التواصل بين مراكز البحث العلمي (ان وجدت) ومواطن اتخاذ القرار وتغييب وتهميش دور الباحثين في تقديم المشورة لمتخذبيالقرار هو السبب في عدم الوصول لحلول علمية عملية وموضوعية.
شكرا ليك
خليك معانا
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
د صفية تحياتي
داير أسالك العطالة ذي حقت زمان ولا تغير الحال ,,
1) العاطل كان مدلل من والدته وما بترضي فيهو الكلمة
2) مدلل من أخوانو وخصوصا البنات
3) نظيف والجلابيه بيضاء مكويه ,, هو أصلا لا بغسل ولا بيكوي
4) مصاريفو مأأأأأشه من ناس البيت بدون ما يقول أدوني
5) في الحي بتمو الناقصة من البيت , شيء عربيه للمشاوير غير السينما
والعشاء وحتي حق البيبسي والسجائر من الدكان بالدين بتدفع أول بأول
6) محبوب من نسوان الحلة ,, لأنه بيوفر ليهم الأمان في الحي الصباح
7) فنان في الونسة مع الجكس ,, لانو المزاج دائما رايق
8) أصحابو المغتربين ,, ده كلام تاني من الهدايا الساعة والجلاليب والقمصان
والراجل يزعلو ولا يقول ليهو أنت قاعد عاطل ليه ,,,,,
أنت أصلك بتصرف عليهو ,,, ولا هو لقي شغل وقال لا ,,,
وانت مالك ومالو ,,, وانت .................. وأخرتا ,, انت اصلك ثقيل
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
د. حاتم حمدتو
Quote: داير أسالك العطالة ذي حقت زمان ولا تغير الحال ,,
1) العاطل كان مدلل من والدته وما بترضي فيهو الكلمة
2) مدلل من أخوانو وخصوصا البنات
3) نظيف والجلابيه بيضاء مكويه ,, هو أصلا لا بغسل ولا بيكوي
4) مصاريفو مأأأأأشه من ناس البيت بدون ما يقول أدوني
5) في الحي بتمو الناقصة من البيت , شيء عربيه للمشاوير غير السينما
والعشاء وحتي حق البيبسي والسجائر من الدكان بالدين بتدفع أول بأول
6) محبوب من نسوان الحلة ,, لأنه بيوفر ليهم الأمان في الحي الصباح
7) فنان في الونسة مع الجكس ,, لانو المزاج دائما رايق
8) أصحابو المغتربين ,, ده كلام تاني من الهدايا الساعة والجلاليب والقمصان
والراجل يزعلو ولا يقول ليهو أنت قاعد عاطل ليه ,,,,,
أنت أصلك بتصرف عليهو ,,, ولا هو لقي شغل وقال لا ,,,
وانت مالك ومالو ,,, وانت .................. وأخرتا ,, انت اصلك ثقيل |
انت قريت بطري ولا جندر
لكن ما كلامك روعة دخلنا في الابعاد الجندرية للموضوع
شكرا ليك مرة اخرى
خليك معانا يبدو انو عندك ادوات تحليل جندرية
ابقى عافية
صفية
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
Quote: Quote: داير أسالك العطالة ذي حقت زمان ولا تغير الحال ,,
1) العاطل كان مدلل من والدته وما بترضي فيهو الكلمة
2) مدلل من أخوانو وخصوصا البنات
3) نظيف والجلابيه بيضاء مكويه ,, هو أصلا لا بغسل ولا بيكوي
4) مصاريفو مأأأأأشه من ناس البيت بدون ما يقول أدوني
5) في الحي بتمو الناقصة من البيت , شيء عربيه للمشاوير غير السينما
والعشاء وحتي حق البيبسي والسجائر من الدكان بالدين بتدفع أول بأول
6) محبوب من نسوان الحلة ,, لأنه بيوفر ليهم الأمان في الحي الصباح
7) فنان في الونسة مع الجكس ,, لانو المزاج دائما رايق
8) أصحابو المغتربين ,, ده كلام تاني من الهدايا الساعة والجلاليب والقمصان
والراجل يزعلو ولا يقول ليهو أنت قاعد عاطل ليه ,,,,,
أنت أصلك بتصرف عليهو ,,, ولا هو لقي شغل وقال لا ,,,
وانت مالك ومالو ,,, وانت .................. وأخرتا ,, انت اصلك ثقيل |
د. حاتم جيتك راجعة للأبعاد الجندرية لموضوع العطالة
تعرف من البداية نحن قلنا تلقى عطالة قاعدين في الشارع يعني اولاد في اللحظة دي لو تخيلنا واضقع البنات شنو من المشاهدات الخاصة حتلقى البنات في احد هذه الاوضاع:
شحدت قروش من ابوها ولا اخوها ولا خطيبها ولا اختها او امها عشان: تمشي تعمل كورسات كمبيوتر او لغة انجليزية او تعمل ماجستير دة بافتراض انها اتخرجت من الجامعة
او بدات تبحث عن شغل من غير كلل او ملل حتى لو في محل اتصالات المهم يكون عندها مصدر دخل
أو شالت قروش عشان تجيب كريمات قدر ظروفك ولونها افتح وتلقى عريس
او تبحث طول الليل والنهار عن عريس يخرجا من حالة الفقر دة ان كانت اسرتا فقيرة
او القليلات منهن بدان البحث عن وسائل ممختلفة للحصول على المال فيها ما هو اخلاقي وما هو دون ذلك من شيكات طايرة وشركات وهمية او بيع الهوى
او قاعدات في البيت يغسلوا في الهدوم والعدة وينضفوا في البيت ( وهنا برضو هم ما عاطلات بقدمو مجهود وعمل بس من غير عائد مادي مباشر اللي ما يسمى بال Reproductive Role ودة بدخلنا في الحتة بتاعت اعتبار شغل البيت عمل مدفوع الاجر وقصة الوردية التانية في حياة المراة العاملة
او وجدت عريس وكرست نفسها للقيام بالعمل غير مدفوع الاجر
او
ونادرا ما تقلاهن عاطلات فلو قاعدات في البيت برضو بينتجو او بساهمو في انتاج (راس المال الانسان) والي تناساه علم الاقتصاد الكلي تماما في مرة من المرات اذكر انني كتبت في هذا المجال وهي كانت عبارة عن مقارنة ما بين الشغل البيت (غير مدفوع الأجر ) والشغل المدفوع الأجر كيف شغل البيت يفتقر للمؤسسية في تنظيمه وكيف انه لا فيه تحديد وظيفي ولا ساعات عمل ولا عطل ولا مكافاة نهاية خدمة ولا اجر ولا بداية خدمة ما فيه رئيس عمل عشان انت تقدم استقالتك يقبلوها او يرفضوها غايتو مازق حقيقي نجد انفسنا فيه نحاول ان نغير عسى ولعل. و من احدث المبادرات حاليا في العالم في هذا الصدد موضوع Gender Budgetلو اسعفني الزمان بقدر اتناول جزء من ملامحها واستعرض نماذج الدول اللي جربتها ومنها استراليا وجنوب افريقيا.
فتك بعافية بالله ما تنسى تواصل لينا في الجزئية بتاعت النوع والعطالة شاكرة ليك كتير لفت الانتباه لهذه الحتة واهيمتها
شكرا
صفية
| |
|
|
|
|
|
|
|
|
|
Re: بيتكم بي وين يا عينية (Re: د.محمد حسن)
|
دكتورنا ود حلتناازيك
الكوشة دي فيها عرسان ولا زبالة وكان زبالة من اللي بالي بالك حق ناس العمارات والمنشية ولا كوشة حقت ناس حي العمدة ولا دار السلام وضح ياخي
صفية
| |
|
|
|
|
|
|
|
|
|
Re: بيتكم بي وين يا عينية (Re: عبد الدائم سيد أحمد)
|
Quote: الصحافة زلط
محطة سبعة |
ناس المساكن الراقيين
ازيك يا عبد الدايم
بالله انتو ساكنين جنب ناس انعام حيمورة نعم السكن والجيرة
شكرا ليك على الاغنية يا ربي هي مهداة لمنو؟؟؟؟؟؟؟؟؟
ايا كان المهداة اليه فهي كانت اضافة نوعية مفرحة للبوست وانا بالتالي بهديها لكل المتداخلين/ في هذا البوست
لك التحية مرة اخرى
صفية- لكوز
| |
|
|
|
|
|
|
|
|
|
Re: بيتكم بي وين يا عينية (Re: د.محمد حسن)
|
| Quote: تخش بشارع المخبز (التركي) تلقى ليك محل بتاع حلويات (شامية).. تمشي طوالي بلاقيك حلاق ( حبشي).. أول شارع تدخل بيه تلقى بيت ساكنين فيه عمال (هنود) تخليه.. بعديه بتلقى عمارة ساكنين فيها لعيبة كورة (نيجيريين).. تلف على يدك الشمال بتلاقيك شجرة تحتها عطالة ( سودانيين).. دا البيت ذاتو |
عطالة صاح لكن بيكونوا سايقين العربات السمحة ولافين في الشوارع
ولا قاعدين فوق في ناطحات السحاب
العز دة كلو وتقولي لي شجرة
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
بلد طلقيتا .
بمشي من بيتنا جنب مقابر فاروق بشارع النص لغاية سوق الديم بنكون نسبتنا نحنا المخيطين الشارع : عشرة في المية سودانيين و الباقي " مواطنين " .
....
بعدين إنتي مالك و مال الكلامات الزي دي ؟
بتعرفي ( المصالح العامة ) أحسن من الحيكومة يعني ؟؟؟
ـــــــــــ
بالمناسبة في البلد في حاجة برضو إسمها ( الحمامات العامة ) ..
شفتي وحدة الخطاب الأخلاقي و الهارموني الدلع ده ؟؟؟
| |
|
|
|
|
|
|
|
|
|
Re: بيتكم بي وين يا عينية (Re: Emad Abdulla)
|
أستاذ عماد عبد الله شخصيا
ازيك يا زول
اخبارك شنو لعلك طيب؟
لسع في بلدنا "اللذيذة" والمدهشة دي ولا رجعت؟
Quote: بعدين إنتي مالك و مال الكلامات الزي دي ؟
بتعرفي ( المصالح العامة ) أحسن من الحيكومة يعني ؟؟؟ |
انا عارف تقول شنو شلاقة بس ، لكن برضو ما لازم نعمل لينا لون عاد الشعر والادب والفن دي علاقتي معاه زي علاقة السودانيين مع الالتزام بالزمن يعني صفر اها نسوي شنو نقعد نتفرج ساي ما ممكن يعني نحن جرينا لمن حفينا عشان الباسوورد نقوم لما نلقلاها نقعد نتفرج ساي
| Quote: شفتي وحدة الخطاب الأخلاقي و الهارموني الدلع ده ؟؟؟ |
اها الربط الذي دي ما بعرفوا ليه الا ناس الادب نحن ما ناس عنقالة ساي جربندية
صفية
بالله وصف البيت كويس اها بعد ما وصلنا سوق الديم باتو عمارة ولا ياتو شقة؟
| |
|
|
|
|
|
|
|
|
|
Re: بيتكم بي وين يا عينية (Re: Safia Mohamed)
|
Quote: عطالة صاح لكن بيكونوا سايقين العربات السمحة ولافين في الشوارع
ولا قاعدين فوق في ناطحات السحاب
العز دة كلو وتقولي لي شجرة
|
شيماء عزيزتي العسل وين ياختي مشتاقين شدييد وحيرتينا فجاة اختفيتي كدة لسع في انتظار ابداع الاوراق الخضر.
ما دة الكلام المجنن بوبي ذاتو عز شديييد عن ناس شوية وفقر كتييير عند كل الناس وعطالة اكتر الله يكون في عونا وزي ما قال استاذ احمد امين شيء محير فعلا خلونا نبحث في اسباب الحيرة
شكرا ليك وفي انتظار ناس استاد المريخ والهلال بس قبال فضايح غانا
تسلمي
وشكرا على المرور
صفية
| |
|
|
|
|
|
|
|
|
|
Re: بيتكم بي وين يا عينية (Re: bent-elassied)
|
| Quote: لكن تعرفي يا دكتورة المشكلة وين اكيد التمازج مطلوب لكن لما يكون على حساب المواطنين بجد تبقى عواقبه وخيمة علىى المجتمع ككل. |
صفيه ياصاحبة..
رغم انى قلت ليك قبيل ماسنجريا النفس مسدودة لكن الموضوع ده محرقنى غايتو كلامى البيجى ده ممكن يكون دراب فزحوا بالله شوية.
وجهة نظرى بقولها فى وقت تانى لكن خلينى اقرب ليك بعض الصور اللى ساعدتنى كمهاجره اعكس كل التجارب المريرة اللى عشتها ضمن معاناة المهاجرين والمهاجرات على واقعنا فى السودان..
اول حجر رمتو زولة من اصل هندى قابلتها فى عام 2001، سألتها من ووين..
من السودان!!من السودان عديل كدى ومن حى المسالمة..
ولدت وتربت وقرت فى السودان وبتحضر ايامها فى الدكتوراه فى هولندا
الناس اللى بيحصل ليهم فى مهاجرهم حراك اجتماعى فى المجتمعات الجديدة دى بيكون اقدر على رد القرصه للروح وبتتكون بيناتهم تجارب مشتركة وخبرات وهموم واحلام وحالات حب واحباط
كانت حينها فى بداية الثلاثينات ولم يحدث ان اندمجت فى المجتمع السودانى
طيب تندمج كيف اذا اصلا مافى خطة واضحة لاندماجنا نحنا كبشر فى بعضنا وفى قضايا التنمية والكلام الكبار كبار ده,
وبعد رجعت البيت وطفينا اللمبات عشان ننوم فرنبت فينى وكالعادة اسئلة يوم القيامة
اتذكرت {الحبش}، ياسلام ياخى لمن الاقى اصحابى من القرن الافريقى فى فيينا، بالله بطنك توجعك لمن تتذكرى التعليقات اياها {ياخى الحبش ديل جننونا فى روحنا دى،
بناتهن الحلوات البملن العين واقع فيهن اللوم المرفوع من {انبياء} بلدنا وكلنا اكوان
------------
فاصل
--------
لمدة عام اشتغلت فى المحكمة العليا للاجئين { كخبيرة} فى شئون القرن الافريقى خاصة
مفروض مع القاضى اصل لنتيجة لو انو الزول ده من هذه النواحى وتحليل ده ضمن السياسة المحلية لبلادنا
مرة شاب كمرونى، عيونه احزان افريقيا كلها مكومة فيها
قال هو عاش فى جنوب السودان
طيب السودان ده مافريقيا مصغره
سودانى سودانى... ماقدرت اقيف ضد احلامه وكنت بين نارين: مفروض اقول الحقيقة للمحكمة وفى نفس الوقت ده ابن افريقيا المنحازة ليهو بكلياتى...
الحكومة دى مش جنست ناس كتااااار
ممكن يكون سودانى بالتجنس...
_______
ناسنا.. ناس العالم النامى
مش الحاصل ليهم ده نتيجة لسلبيات العولمة وانفتاح الحدود؟
---------
البوست ده والمداخلات بايجابياتها وسلبياتها امتحان حقيقى للايمان بمبدأ {نحن} و {الآخر}
عارف الفلبينية الشغاله حسع فى السودان اللى بيفتكر البعض انو وظيفتها دى من حق سودانية هو نفس الكلام اللى بيتقال علينا كمهاجرين ومهاجرات هنا؟
جينا اوربا وزاحمناهم فى حياتهم ونزعنا منهم شغلهم وبيوتهم
ولمن تسألى زول { بيتكم ووين ياعنيا} فى ياتو حى مثلا فى فيينا يقول ليك فى الحى ال 16- الحى الساكنة فيهو- ويتم الوصف بس فى نهايتو ودى اشارة لانو اوله ساكننو اتراك!!
الحزب اليمينى بيقول علينا كدى برضو؟
قلتها مرة لوزير العدل النمساوى وعن سياسة الهجرة على مستواها العالمى...
جبتوا الاتراك قبل الحرب العالمية التانية وبعدها عشان يبنوا البلد ولمن بنوها قلت ليهم خلاص ارجعوا؟
نرجع؟ بنرجع لمن نكون عاوزين نرجع
------
قراية من زاوية مختلفة ونتيجة لتجارب مختلفة...
مافى اجمل من الانفتاح على الشعوب
ملامسة انسانية الناس المعانا اللى هناك ضرورة انسانية
يوم عملت مداخلتى الاول لاقيت اصحاب فنانين وفنانات من مجالات ابداعية مختلفة واتغدينا سوا فى مطعم افريقى..صديق عراقى فنان تشكيلى مجنون زار السودان مرة وعلق لى وفى عيونو بريق عرفان:
البلد الوحيدة الدخلتها مفلس وطلعت منها بقروش كانت السودان.. اصحابى السودانين ساعدونى!!
--------------
جارتى التى لاتنبس ب {صباح الخير}
حين نتلاقى
لا تدرى ان قدميها
تصالحان قدمىّ
كل صباح على بقعة الارض نفسها
التى عليها تسير
خلفى هى الآن
على بعد بضعة امتار
اسمع منها على الرصيف
وقع التصافح العالى}}
وصدق صديقى طارق الطيب فى هذه الابيات من ديوانه الجديد {بعض الظن}
-----------------------------
على ضوء الحزب العلكيت بتاع صاحبنا ابو البنيات، ابو نضارات اعتبرى وزوراك الكرام كلامى دى عكلته ساكت.. لحدى مامزاج الكتابة ينعدل- يعدلو اللا نام لا اكل الطعام
| |
|
|
|
|
|
|
|
|
|
Re: بيتكم بي وين يا عينية (Re: bent-elassied)
|
Quote: ماتنسي البيت فيه بواب بنغلاديشي
تلقاهو قاعد في كرسي تركي
ياكل في "انجيرا" حبيشيه
و يتكلم انجليزي
عندو موبايل صيني
قدام البيت روضة ايرلنديه
و فيه شجره برازيلية
و الباب لونو سكري سوري مع اسود عاجي
والبيت طرازو اروبي
و التكيف مركزي هندي
________________________
عرفتي دي وصف لشنو؟ |
مي الاسيد
ازيك يا عسل
لكن ما تقولي لي فاتت عليك الدعوة حقت السلام
انتي تعالي النسالك بقيتي شغالة في اللوفتهانزا الخرطوم المانيا وبالعكس اعزمينا مرة معاك
الوصف عرفتو تب لكن اوقول ليك حاجة محتاجين نصحح بعض التفاصيل
بجيك بعد شوية اصلي شاحدة كمبيوتر بعيد عنك كابل ضارب ولا نسروق من اليوم داك ما عندنا نت
ابقي عافية
صفية
| |
|
|
|
|
|
|
|
| |
Safia Mohamed
د.محمد حسن
Ishraga Mustafa
أبو ساندرا
العوض المسلمي
Mohamed E. Seliaman
salma subhi
رأفت ميلاد
معتصم محمد صالح
إسماعيل حميم
haroon diyab
ابو جهينة
wd al geran
عصام دهب
هاشم أحمد خلف الله
salah awad allah
الجندرية
عواطف ادريس اسماعيل
هشام المجمر
عمرو كمال ابراهيم
أحمد أمين
عبد الدائم سيد أحمد
Shayma
Emad Abdulla
bent-elassied
فيس بوك
تويتر
انستقرام
يوتيوب
بنتيريست